Klepp kommune. Kommunedelplan Kleppe sentrum Planprogram

Transkript

1 Klepp kommune Kommunedelplan Kleppe sentrum Planprogram 2014

2 INNHALD Innleiing Utviklingstrekk Kva er eit kommunesenter? Kleppe i 2024 Korleis skal vi få dette til? - Utstrekning viktige element - Kjenneteikn på hovudaksen Jærhagen Meieritomta - Kvalitetar i tettstad - Samferdsel - Gangstruktur grønstruktur grøne byrom - Bustader - Handel og næring - Kultur og rekreasjon - Kulturvern - Samfunnstryggleik Behov for utgreiingar Overordna rammer og premissar Organisering og medverknad Framdriftsplan ~ 2 ~

3 Kommunedelplan Kleppe sentrum - planprogram Innleiing Sist reviderte kommunedelplan for Kleppe blei vedteke i I planstrategi for perioden blei det vedteke at planen skulle reviderast. I gjeldande Kommunedelplan for Kleppe er tettstaden delt inn i fleire delområde med noko ulikt fokus. I enkelte av områda er dei fleste tiltaka gjennomførte, mens det er større utfordringar i andre område. I revisjon av planen er det naturleg å sjå på ny avgrensing av senterområdet, fordi delar er transformert til reine bustadområde. Hovudføremålet i planarbeidet er å sjå på korleis Kleppe sentrum kan utformast til å bli eit kompakt og levande sentrumsområde, der innbyggjarane har eit godt tilbod innan bustader, handel, infrastruktur og rekreasjon, slik at transportbehovet blir avgrensa. Desse tema vil bli prioriterte: Utstrekning av sentrum Arealutvikling bustader og næringsbehov Bukvalitet Samferdsel Gang- og sykkelstrukturar Kultur, kulturvern og rekreasjon Handelsfunksjonar/-etableringar Samfunnstryggleik I forslag til kommuneplan er området Kleppe sentrum teke ut av plankartet. Dette for at ikkje to kommuneplanar skulle dekka same areal. Den til ei kvar tid sist vedtekne kommunedelplan for Kleppe vil difor gjelda i området. ~3~

4 Kommunedelplan Kleppe sentrum ein arealplan der det skal lagast eit plankart med arealføremål etter plan- og bygningslova. Eit slikt arbeid krev likevel at ein går inn i fleire kvalitative sider av kommunesenteret, slik at planbeskrivinga nok også i nokon grad vil ha karakter av temaplan. Endring i kommunestrukturen er aktualisert i den seinare tid. Ein ser likevel ikkje for seg at ei endring i kommunestrukturen vil påverka utvilinga i Kleppe i særleg grad. Behova som tettstad og senter (kommunesenter ev lokalsenter) vil i alle fall vere til stades. Utviklingstrekk Siste status for folkemengd frå Statistisk sentralbyrå viser at det bur 5500 innbyggjarar i Kleppe. Av desse bur det om lag 1000 innbyggjarar innanfor det definerte sentrumsområdet. I tillegg kjem om lag 3000 innbyggjarar i Verdalen som bruker Kleppe som sitt geografiske sentrumsområde for enkelte tenester. Kleppe er i tillegg kommunesenteret i Klepp kommune, og skal difor tilby sentrale tenester for heile kommunen. I Klepp kommune har ein dei siste tri åra hatt ein vekst i folketalet på gjennomsnittleg 2%. I kommuneplanen for har ein lagt 2,5% til grunn. I same plandokument har ein valt å ikkje leggja inn noko nytt bustadareal i Kleppe-/Verdalenområdet. Dette fører med seg at all vidare vekst i Klepp må skje på areal som ikkje er bygt ut i eksisterande bustadområde eller som fortetting/transformering. I regionalplan Jæren heiter det at 50% av all bustadbygging i Kleppe skal skje som fortetting, og at tettheten i sentrumsområdet skal vere 4-10 bustader pr dekar. Til samanlikning er tettheten i sentrumsområdet i dag (bustadareal, sentrumsareal, kombinert føremål) 3 bustader pr dekar og 1,8 bustader pr dekar (bustadareal) innanfor heile Kleppe. I sentrumsområdet Kleppe er det arbeidsplassar innanfor handel og kontor som dominerer. Ein har ikkje oversikt over kor mange dette dreier seg om. Omkøyringsvegen utanom Kleppe blei opna i 2007 for å avlasta sentrumskjerna for gjennomgangstrafikk. Likevel ser ein at biltrafikken i sentrum framleis er ein belastning på lokalmiljøet og ein barriæredannar. ~ 4 ~

5 Kva er eit kommunesenter? Kleppe er eit kommunesenter. I Regionalplan for Jæren er kommunesenter definert slik: Det viktigaste senteret i kommunen er kommunesenteret, og skal betjena innbyggjarane i kommunen. Senteret skal innehalda sentrale kommuneadministrative funksjonar og sikra funksjonsblanding ved å tilby eit breitt spekter av handel, næring, bustader, kultur, offentleg og privat tenesteyting. I regionalplanen er det innført ein regional planbestemmelse der det heiter at Nyetablering eller utviding av eksisterande handelsveksemd er bare tillate i område avsett til sentrumsføremål, slik desse er lokalisert, dimensjonert og avgrensa i gjeldande kommuneplans arealdel eller kommunedelplan, og med dei unnatak som går fram av retningslinjene for nærbutikk og nærservice og varegruppene bilar, båtar, landbruksmanskinar, trelast og andre større byggjevarer. Retningslinjene i regionalplanen skal leggjast til grunn ved revisjon av kommuneplan/kommunedelplan. I storbyar har det blitt inn å bu i sentrum, i gangavstand til alle tilbod. Det er likevel nødvendig at folk ikkje bare bur i sentrum. Det må framleis vere plass til arbeidsplassar, opplevingar og tenester. For å gi grunnlag for (nær-)handel. Og for redusere unødig transport. Når handel og offentlege og private tenestetilbod blir lagt til sentrum, bør flest mogleg kunne gå, ikkje køyre, for å bruke tilboda. Eit sentrum der innbyggjarane både bur og arbeider, vil redusera transportarbeid og vere god miljøpolitikk. Ti-minuttersbyen er ein stad der innbyggjarane kan nå sine daglege gjeremål til fots innanfor ein avgrensa radius. Ti minuttersbyen Det er (endå) slik at dei som har god nok økonomi til å disponere ein eller to bilar har høve til å busette seg kor dei vil i kommunen. Det er dei som ikkje kan ta seg råd til bil som må bu sentralt. Fordi er avhengige av å kunne gå til arbeidsplassen og naudsynte offentlege og private tenestetilbod. Fleire skal bu i sentrum: Når vi skal bu tettare, kjem også andre menneske nærare inn på oss og forskjellar blir synlege. Det er lett å snakke om eit inkluderande samfunn, men det betyr at vi må akseptere at folk er ulike. Vi må sikre at vi lager så gode buområde at innbyggjarane blir buande over lenger tid. Når innbyggjarane skal bu tett i eit sentrum må det også vere eit godt tilbod innan rekreasjon. Grøntområde med kvalitet, ulike møteplassar og kultur er viktige for å til eit godt fungerande sentrum med liv i det offentlege rom utanfor dei etablerte opningstidene. ~ 5 ~

6 Kleppe i 2024 Kleppe i 2024 blir oppfatta som byen kor du finn det attraktivt å bu og koma til, for her skjer det noko spanande. Her treff du folk både innandørs og utandørs, her er kultur- og fritidstilbod, leikeplassar og gode handelstilbod. Kleppe fungerer ikkje utan god og variert handel. Kleppe er målpunktet for alle Kleppsbuar der dei får gjort det meste av den handelen dei har behov for, og der det bevisst blir satsa på aktivitet og opplevingar for å trekke folk til sentrum. Kleppe er ein kompakt tettstad med høg servicegrad der folk trivest. Kleppe har bussforbindelse til/frå Klepp stasjon kvar 15. minutt og nord/sør-forbindelse minst kvar 30. minutt. Kleppe har like godt handels- og servicetilbod for innbyggjarane som nærliggande sentra innan dei aller fleste varegrupper/tenesteområde. Ved revisjon av sentrumsplanen i 2015 kan kommunestyret gi viktige rammer og føringar for den vidare utviklinga av sentrum på Kleppe. Strategi 1-0-alternativet: Kommunestyret tek utgangspunkt i at heile sentrumsområdet (området innanfor senteravgrensinga) skal ha like utviklingsmuligheter. I heile sentrum skal det gis rom for kombinasjonar av næring, handel og bustad. Reine leilighetsbygg kan realiserast innanfor og nær senterområdet, men som hovudsak skal områda som grensar opp mot sentrumsområdet behalda dagens preg som villastrøk, og kommunen skal vera rimeleg restriktiv til fortetting/ombygging til leilighetsbygg i bustadområda rundt sentrum. Konsekvensar: Folketalet i Kleppe vil i 2024 nærmar seg Endringar innanfor handelsvanar og auka konkurranse krev stadig større spesialisering og større handelsvolum, og derfor har den relative handelslekkasjen til nabosentra auka dei siste 10 åra. Butikksentrum i Kleppe framstår også i 2024 som ein samling tilfeldig plasserte handelsverksemder som kvar for seg er bilbaserte (kundane kjører frå butikk til butikk). Dei som ferdast til fots (og på sykkel) gjer dette langs sterkt trafikkerte bilvegar, og sentrum innbyr i liten grad til utandørs ferdsel eller til at folk stansar opp og brukar tid i sentrum. Kollektivtilbodet er om lag som i dag. Det går bussar både nord sør og til/frå Klepp stasjon, men frekvens og korrespondanse er så pass dårleg at bussrutene berre blir nytta av eit fåtal reisande. Handelsnæringa ser om lag stabil omsetning, men med reduserte marginar og auka konkurranse er dette eigentleg nedgang. Det er lite optimisme og pågangsmot i næringa. Bortsett frå daglegvarehandelen er inntrykket at annan handel er i ferd med å vurdera avvikling eller orientere seg bort frå Kleppe til nærliggande sentra med større handelsoppland. Strategi 2 ein utviklingsstrategi: Kommunestyret vil realisera 10-minuttars byen i Kleppe, og konsentrerer utviklinga av ny handelsnæring i området mellom rådhuset og Jærhagen. Sentrumsplanen legg opp til bilfrie soner innanfor sentrumskjernen med rom for folk flest. Kommunestyret meiner at vidare ~ 6 ~

7 vekst og utvikling av Kleppe som handelssenter krev betydeleg folkevekst i nærområdet, og opnar derfor for tett utbygging både i senterområdet og i tilgrensande område. Det blir i sentrumsplanen gitt klare politiske signal om vilje til stor grad av fortetting i Kleppe-området. Konsekvensar: Folketalet i Kleppe i 2024 nærmar seg 8 000, og det er vedteke/under behandling planar om vidare bustadbygging som vil gi eit folketal i Kleppe på innan Det er etablert samanhengande handelsområde mellom Jærvegen og Fv 44 på begge sider av Solavegen, og denne konsentrerte sentrumskjernen blir oppfatta som attraktiv både for handelsnæringa og for dei handlande. Klepp blir oppfatta som attraktiv for nye handelsverksemder, og det var vore fleire viktige nyetableringar og utviding av eksisterande verksemder dei siste 10 åra. Som følgje av denne utviklinga er det i ferd med å vekse fram supplerande nisjeverksemder i tilstøytande deler av sentrum. Kleppe blir oppfatta som eit triveleg og attraktivt buområde der innbyggarane får dekka det aller mesta av behova for offentleg og privat tenesteyting i eigen tettstad. Alternativsvurderingar Planarbeidet vil ta føre seg utviklinga i Kleppe etter dei to skisserte alternativa; 0-alternativet og utviklingsstrategien. I ein overordna plan vil også alternativa måtte omtalast på eit overordna nivå. ~ 7 ~

8 Korleis skal vi få dette til? Utstrekning viktige element Utstrekning i gjeldande kommunedelpl an tek langt på veg utgangspunktet i den historiske Kleppeekross en og inkluderer nye areal mot Jærhagen. Ser ein på dei målpunkt som finst i dag er sentrum flytta mot nordvest. Aksen mellom Jærhagen og Meieritomta, ev Stadion, inneheld dei mest besøkte lokalitetane. element som kan heva opplevingskvalitetane for området. Området nord for aksen inneheld også attraksjonar som kan inkluderast i eit nytt sentrumsområd e. Kleppekanalen og Sirkelen er vesentlege Områda sør i planområdet er i dag for det meste bustader. Utviklinga så langt tyder på at konvertering frå næringsbygg til bustadbygg vil halde fram i dette området. Det er difor naturleg å vurdera om desse områda fell utanom det ein til vanleg vil sjå på som sentrum. Sentrumsavgrensing er vist i kartskissa med raud linje. I sør er det vist to alternative avgrensingar; mørk blå og lys blå linje. ~ 8 ~

9 Kjenneteikn på hovudaksen Jærhagen - Meieritomta Området som vil utgjer ein sentral del av sentrumsplanen er i dag kjenneteikna ved at det etter måten er lite intensivt utnytta. Området inneheld store parkeringsflatar i dagen og store grøntareal utan særleg kvalitet (sjå bilete). Dette gir ein moglegheit til å utvikla eit nytt sentrum, der ein er relativt lite bunden av eksisterande bygningsmasse. Området er også kjenneteikna av at det er belasta av relativt mykje biltrafikk, der vegane lett kan bli oppfatta som barrierar i eit sentrum. Problemstillinger: 1. Korleis kan ein utvikla eit kompakt og funksjonelt sentrum? 2. Korleis skal ein unngå at vegstrukturar får barriereverknad? ~ 9 ~

10 Kvalitetar i tettstad I Regionalplan Jæren heiter det at minimum 50% av bustadbygginga i Klepp kommune skal skje gjennom fortettings- og transformasjonsprosjekt. Same plan viser at antal bustader pr dekar skal liggja mellom 4 og 10 i Kleppe. Høg arealutnytting er naturleg i eit sentrum, men skaper også utfordringar. Det manglar ein overordna strategi korleis vi skal bygge tett for å få urbane kvalitetar. Ulike strategiar kan føre til same tettleik. Punkt (høg-)hus Lamellar tett/lav Kvartalsstruktur/gårdsrom Gjeldande sentrumsplan, med hovudregel for byggjehøgd på 4 etasjar, favoriserar ein kvartalsstruktur som i Sentrumsgården eller lamellar som i Skulehagen. Kommunen har vedteke bygging av eit høghus i hjørnet av i Sentrumsgården. Strategien bør utviklast samla for dei ledige område som står framføre transformasjon og fortetting. Tidlegare bestod den tette sentrumskjerna av aktive (butikk-)fasadar inntil fortauet dette var det offentlege rom. Eit levande sentrum er avhengig av aktivitet. Dette når ein ikkje ved at det bare er folk i sentrum i butikkane si opningstid. Kva kan gjerast for å gjera sentrum attraktivt også etter stengjetid? Byggjer vi bustader sentralt i Kleppe i dag, så skal desse ha felles uteområde som ofte ligg skjerma bak ein støyskjerm eller høg gjerde. Blir det tillegg bygt med låg estetisk kvalitet, blir slike sentrumsområde lite attraktiv å ferdast i. Kvaliteten må vere høgare jo tettare ein byggjar for å sikre ein akseptabel bukvalitet i sentrum, som gjer det attraktivt (nok) for at alle kan velje å bu i sentrum. Problemstillinger: 1. Korleis bygga tett med kvalitet? 2. Kva type utbygging eigner seg langs Solavegen? 3. Korleis sikra kvalitet i område som skal konverterast frå kontor/forretning til ren bustadbebyggelse? 4. Kva skal Meieritomta nyttast til ~ 10 ~

11 Samferdsel Historisk sett har Kleppekrossen vakse fram i eit vegkryss. Kleppe sentrum i dag er også prega av stor biltrafikk, både nord-sør og kanskje særleg aust-vest (trafikktal). Sjølv etter at omkøyringsvegen blei bygt er vegstrukturane og trafikken der barrierer i sentrum. Mykje av trafikken er gjennomgangstrafikk, men eit sentrum med store avstandar bidreg også til mykje intern køyring. Korleis endra dette? Eit kompakt sentrum, med korte avstandar mellom målpunkt og med opplevingsverdiar langs ferdselsaksane for mjuke trafikkantar, vil kunne redusera den interne biltrafikken. Gjennomgangstrafikken er det vanskelegare å gjere noko med, men trafikken til og frå Kleppe kunne vore redusert med eit betre tilbod innan kollektivtrafikken. Både frekvens ankomst og avgang mot nord og sør må betrast, samt busstransport som er koordinert med avgang og ankomst med toget på Jærbanen Problemstillingar: 1. Kva vil ei auka satsing på bustadbygging i sentruk bety for biltrafikk/transport? 2. Korleis kan ein få eit betra kollektivtilbod i Kleppe? Gangstruktur grønstruktur- grøne byrom Gode strukturar for fotgjengarar og syklistar vil bidra til reduksjon i den interne bilbruken. I tillegg er auka ferdsel med sykkel og til fots både god klima- og helsepolitikk. Slike strukturar bør leggjast slik at brukarane for kortast veg mellom målpunkta, men også slik at det er attraksjonar langs ferdselsvegen. I arbeidet med sentrumsplan bør ein også sjå på gangstrukturar frå sentrum og ut til nærliggjande tur- og grøntareal. Grøntareal kan med rett utforming vere areal som i eit kompakt sentrum er møteplass og rekreasjonsområde for innbyggjarar i alle aldersgrupper. Eit grønt byrom kan for innbyggjarar utan privat grøntareal ver område for rekreasjon, leik og fysisk aktivitet. Skal slike område fungera og opplevast som attraktive, må ein stille høge krav til utforming og kvalitet. Særleg viktig er det at areala framstår som barnevenlege og trygge. Sentrale grøntareal må også opplevast som trygge også på kveldstid. I Kleppe er det i dag relativt store areal i sentrum som på kartet framstår som grøntområde. Det er likevel få område som har dei kvalitetane som skal til. Ope vatn er ein kvalitet i nærmiljøet. Langs Kleppekanalen er det etablert ein turveg ved Kleppetunet/Sirkelen. Korleis skal få integrert Kleppekanalen til sentrum? Problemstillingar: 1. Kor skal innbyggjarane i Kleppe ha sine nærrekreasjonsområde? 2. Korleis sikra byrom, grøntareal og møteplassar med kvalitet? 3. Kan Kleppekanalen inkluderast som element i ei senrumsutvikling? ~ 11 ~

12 Bustader Slik var det før Eigaren budde i 2. etasjen over butikken tett inntil hovudvegane. Resten av Kleppsbuen budde i einebustad på store tomter, også midt i sentrum. Nye innbyggjarar etablerte seg i byggjefelt utanfor sentrumskjerna. Slik er det nå Når industri, handverk, handel og ungdomsskulen i sentrum legg ned, blir tomtene transformert til leilegheiter i lågblokk. Unge, einslege og dei eldre flytter inn i sentrum, familiar prioriterar framleis byggjefelta. Det bur fleire i sentrum, samtidig som arbeidsplassar og handel flytter ut. Kva er utfordringane? Sentrale tomter er dyre å kjøpe og leilegheiter med parkeringskjellar er dyre å byggje. I storbyar har det blitt in å bu i sentrum, i gangavstand til alle tilbod. Det må difor leggjast til rette for eit breispektra bustadtilbod, slik at alle samfunnsgrupper finn det attraktivt å bu i sentrum. Til nå har dei eldre valt å flytte i leilegheit i sentrum for å kome nært helsetilbod og for å sleppe å vere avhengig av bil. Det krev heilt andre grep for å motivere ein familie med brukbar økonomi til å velje til å flytte til sentrum. Sjølv om det er nasjonal politikk at alle skal kunne eige sin bustad, er det mange som fell utanfor eigemarknaden. Dei fleste må leige i starten av bustadkarrieren og mange må leige heile livet. Det er dyrt å byggje på sentrale tomter. Kommunen må føre ein aktiv bustadpolitikk for å sikre at det blir integrert ein tilstrekkeleg del utleigeleilegheiter i Kleppe sentrum, slik at alle samfunnsgrupper får eit reelt val til å busette seg i sentrum. Problemstillingar: 1. Korleis kan ein få ein større andel leigebustader? 2. Korleis kan ein redusera behovet for støytiltak langs Jærvegen? 3. Kva vil auka befolkningstal ha å seia for skulekapasiteten/-strukturen? ~ 12 ~

13 Handel og næring Jærhagen er i dag det naturlege sentrum for handel i Kleppe, her er det tilbod innan detaljhandel, tenester og spisestadar. Likevel har Kleppe fleire nisjebutikkar av god kvalitet utanfor kjøpesenteret. Desse ligg spreidd, og det er naturleg å velje bilen når ein skal bevege seg mellom desse. Handel i sentrum skal lokaliserast innanfor det arealet som er sett av til sentrumsføremål. Det er viktig at dette arealet ikkje blir for stort. Fortetting av dette området vil også effektivisere bruken av sentrum, og skape gode byrom som legg til rette for handel og møteplassar. Det er få kontorarbeidsplassar i Kleppe sentrum i dag. Ei meir aktiv fortetting og betre utnytting av næringsareal vil kunne gi kontorarbeidsplassar i sentrum, som vil kunne nytte seg av butikkar, spisestadar, tenesteyting og kollektivtilbod. Problemstillingar: 1. Kva er rett avgrensing av areal med sentrumsføremål? 2. Korleis kan ein leggje til rette for fleire kontorarbeidsplassar? Kultur og rekreasjon Eit sentrum skal leggje til rette for både formelle og uformelle møteplassar, for organiserte kulturtilbod og meir tilfeldige opplevingar. Det må difor vere både etablerte og uformelle tilbod i sentrum. Skøytebanen ved Jærhagen, skatebanen, leikeplassar, og stadion er møteplassar i sentrum i dag. Sirkustomta blir også brukt til større arrangement, men bør kanskje ikkje ha ei så sentral plassering. Det finst ikkje serveringsstadar med uteservering i sentrum i dag. Problemstillingar: 1. Kvar er torget/sentrum i dag? Kvar skal sentrum vere? 2. Korleis gjere stadionområdet til ein integrert del av sentrum? Kulturvern Kleppekrossen har vore eit trafikalt knutepunkt, der trafikk og ulike verksemder har forma det fysiske miljøet. Viktige institusjonar som meieri, rådhus, handelslag og kyrkje er med og definerer sentrum og bruken av det. For den framtidige sentrumsutviklinga er det viktig å sjå på kvar for delar av sentrum som skal takast vare på, og korleis nye bygg kan tilpassast dei eksisterande best mogleg. Problemstillingar: 1. Er det hus/miljø i sentrum som må sikrast? 2. Korleis sikre arkitektonisk kvalitet på nybygg? ~ 13 ~

14 Samfunnstryggleik Naturkatastrofar, storulykker og andre større hendingar er det ein oftast tenker på med omgrepet samfunnstryggleik. Ulike typar stykkgods som transporterast langs vegane gjennom Kleppe er døme på noko som kan gje store konsekvensar dersom det skjer eit uhell. Analysar syner at det er lite sannsynleg at noko slikt skjer og det er heller ikkje unikt for Kleppe. Det er heller ikkje det er legg i ordet ved vurdering av planen for sentrum. Kvardagstryggleiken nok det dei fleste er oppteken av: Er det trygt å sende borna til skulen langs Jærvegen? Kva skjer i nabolaget? Kan eg gå ut aleine om kvelden? Denne type spørsmål er det sikkert mange som ynskjer svar på. Med det dårlege kollektivtilbodet ein har i kommunen blir det mykje biltrafikk. Ein stor del av trafikkulykkene skjer ved kryssing av veg. I sentrum er det heva gangfelt ved alle naturlege kryssingspunkt og farta er låg. Konsekvensen av eit uhell er difor normalt liten og det skjer også få slike ulukker. Men dersom biltrafikken veks slik ein har sett til no, og får eit slikt omfang at dei som skal krysse må vente så lenge ved eit kryssingspunkt at dei utolmodig tek sjansen på å krysse, er dette eit forhold som ikkje er ynskjeleg. Vegen blir ein barriere dei som bur den eine sida og dei på den andre. Vi såg dette før omkjøringsvegen. Trafikken gjev og støy og støv. Støyskjerming blir tema. Tette vegger langs vegen som gjer eit utriveleg inntrykk og som hindrar oversikt: Kva skjer på utsida og kva skjer på innsida av skjermen? At det gis rom for slik sosial kontroll er stikkord for mangt i ein tettstad. Er møteplassane trygge? Er leikeplassen, turvegen og grøntområdet det same? I planarbeidet skal det utarbeidast ROS-analyse og konsekvensutgreiing i samsvar med gjeldande regelverk. Arbeidet vil byggja på den politisk vedtekne kommuneros-en. Problemstillingar: 1. Korleis sikra at innbyggjarane kjenner seg trygge i det offentlege rom? 2. Korleis utvikla trafikksikre kryssingspunkt? ~ 14 ~

15 Behov for utgreiingar Kvalitetar i tettstad/bustader Retningslinjer for byggjehøgd Bruk av Meieritomta Kartlegging av sentrale areal for utbyggingsføremål og fortettings-/transformasjonsområde Analyse av byggjeføremål langs Solavegen Avklare rammer for omforming/transformasjon frå kontor/forretning til reint bustadområde sør for Kyrkjebakken og vest for Jærvegen Samferdsel Analysera trafikkmønster, intern og gjennomgangstrafikk og kollektivtrafikk Gangstruktur grønstruktur- grøne byrom Kartleggja målpunkt for gang- og sykkeltrafikk grøn-/gangstrukturar mellom desse Kartlegging av areal til grøntføremål Handel og næring Sjå på alternativ avgrensing av areal til sentrumsføremål. Kulturvern Kartleggja ev hus/miljø som bør sikrast Konsekvensutgreiing Plan- og bygningslovas 4-2 om planbeskrivelse og konsekvensutgreiing slår fast at kommuneplanar med retningslinjer for utbygging skal ha ei utgreiing av konsekvensar for miljø og samfunn. Det skal også utarbeidast ROS-analyse for alle areal som blir avsett til utbyggingsføremål. Område med fare, risiko eller sårbarhet skal avmerkast som omsynssone (pbl 4-3). Konsekvensutgreiinga vil bli basert på desse tema: Samfunn Konsekvensar for: Barn og unges oppvekstvilkår Bumiljø i eksisterande og nye bustadområde Befolkninga si helse, og helsa si fordeling i befolkninga Skulekapasitet Transportbehov Energiløysingar Infrastruktur Tilgjenge til uteområde og gang-/sykkelvegnett, friluftsliv (Estetikk) Universell utforming Kriminalitetsførebygging Handel Beredskap og ulukkesrisiko ~ 15 ~

16 Miljø Konsekvensar for: Forureining (klimagassar, forureining til jord og vatn) Naturmangfald Kulturminne og kulturmiljø Støy Landskap Sikring av jordressursar Flom Ein vil ta utgangspunkt i lista, og leggja vekt på dei tema som er mest aktuelle i sentrumsplanarbeidet. Temaene kan også bli delt inn i meir spesifikke undertema ved behov. Ein vil i arbeidet bruka ein metodikk med skalainndeling frå -2 til + 2. Ein vil i verdisettinga vurdera ut frå kjende registreringar og konfliktgrad med nasjonale, regionale og kommunale planar og målsettingar. Planen skal også konsekvensvurderast samla. Som rettleiar til forskrifta seier så er det naturleg at arbeidet med ROS-analysen er ein del av arbeidet med konsekvensutgreiinga. ~ 16 ~

17 Overordna rammer og premisser Kommunale Visjon og verdiar Kommunedelplan for Kleppe sentrum (vedteken 2011) Kommuneplan for Klepp Energi og klimaplan for Klepp Grønstrukturplan Kulturminneplan Aktuelle reguleringsplanar Regionale Regionalplan Jæren Fylkesdelplan for friluftsliv, idrett, naturvern og kulturminnevern Fylkesdelplan for universell utforming Regionalplan for folkehelse Statlege Plan- og bygningslova Forskrift om konsekvensutgreiing Lov om folkehelse Rikspolitiske retningslinjer Nasjonale forventningar til regional og kommunal planlegging St.meld nr 23 ( ) Bedre miljø i byer og tettsteder Den moderne bærekraftige byen, T-1537 St.meld nr.16 ( ) Leva med kulturminner Organisering og medverknad Formannskapet er kommuneplanutval og har det politiske ansvaret for utarbeiding av planen. Det er sett ned ei administrativ arbeidsgruppe som har ansvar for utarbeiding av forslag til planprogram og kommunedelplan. Denne kan blir supplert ved diskusjon om særskilte tema. Forslag til plan skal diskuterast med interessegrupper i Kleppe og gjerast tilgjengeleg for publikum på rådhuset og på digitale media. Framdriftsplan Aktivitet kvartal 2. kvartal 3. kvartal 4. kvartal 1. kvartal 2. kvartal Utarbeide planprogram Første gongs behandling Høyring Andre gongs behandling Utarbeide kommunedelplan Produksjonsperiode Første gongs behandling Høyring Andre gongs behandling ~ 17 ~

18 ~ 18 ~