Sykkelbyavtale for regionsenteret Straume (Fjell kommune)

Transkript

1 Sykkelbyavtale for regionsenteret Straume (Fjell kommune) 1. Partane i avtalen Partane i denne avtala er Fjell kommune, Hordaland fylkeskommune og Statens vegvesen, vegavdeling Hordaland. 2. Bakgrunn I Nasjonal transportplan fekk fylka i oppdrag å satsa på sykkelbyavtalar. Statens vegvesen fekk eit ekstra ansvar for å ta initiativ til forpliktande ansvar med fylkeskommunar og kommunar om meir konsentrert innsats for meir sykling i byane. Som ein del av den nasjonale satsinga på sykkel i Nasjonal transportplan vert det her inngått avtale om 4-årig samarbeid og satsing på regionsenteret Straume. Fireårsperioden har som mål å fremja sykkel som eit attraktivt, trygt og effektivt alternativ til personbil, samt å auka sykkelbruken på kort sikt. Grunnlaget for avtala er: - stort potensiale i å auka sykkelbruken - stort behov for planlegging og utbygging av sykkelvennleg infrastruktur I det vidare samarbeidet tek partane omsyn til følgjande strategiar og planar for satsinga på sykkel: - Nasjonal transportplan Nasjonal sykkelstrategi Regional plan for attraktive senter i Hordaland Regionalplan for klima og energi, «Klimaplan for Hordaland » - Regionalplan for folkehelse «- Fleire gode leveår for alle » - Regional transportplan Hordaland Investeringsprogram for regional transportplan , Hordaland

2 - Regional areal- og transportplan for Bergensområdet Planstrategi for Fjell kommune Kommunedelplan for Bildøyna/Sotra Kystby Kommunedelplan for Sotrasambandet, Rv Kommunedelplan for Straume - Kommunedelplan for Ågotnes - Kommunedelplan for trafikksikring Sykkelstrategi for Fjell kommune Formålet med avtalen Reisevaneundersøkinga for Bergensområdet (2013) visar at 13% av alle reiser i Region Vest (Askøy, Fjell, Sund og Øygarden) vert gjort med kollektivtransport, og 11% av alle reiser vert gjort til fots eller på sykkel. Bilreiser i Region Vest utgjer 74%. Fjell er ein kommune med relativt korte avstandar, og potensielt vil det vera mogleg å gå og sykla meir enn ein gjer i dag. Ved å styrkja sentrumsområda vil ein skapa kortare avstandar for fleire. For å leggja til rette for utvikling av attraktive sentre er det eit premiss at sentrale funksjonar er/vert lokalisert i gang- og/eller sykkelavstand. Store avstandar vil som oftast føra til at senteret i praksis blir delt og at ein nyttar bil mellom ulike funksjonar. I dag arbeidar heile 35 % av dei som bur på Litlesotra, Bildøy og Kolltveit, i same område som dei bur. Det er i desse områda det er tettast mellom bustader, arbeidsplassar, kollektivknutepunkt, barnehagar, skular, fritidstilbod, handel osv. Likevel er det 5500 daglege personbilreiser mellom Straume/Bildøy/Foldnes/Valen/Brattholmen/ Hjelteryggen. Potensialet for at fleire av desse reisene kunne skjedd til fots eller med sykkel er stor. Føremålet med avtala er å etablera ei samarbeidsplattform for å sikra eit tryggare, raskare og sikrare sykkelvegnett, fleire og meir sikre sykkelparkeringsanlegg, samt andre tiltak som gjer det lettare for innbyggjarane å velja sykkel. 4. Mål Hovudmål Prosjektets hovudmål er å auka sykkelbruken på kort sikt (fire år) gjennom å gjera det trygt, effektivt og attraktivt for alle å sykla. Sykkel skal stå fram som eit godt og føremålstenleg alternativ som transportmiddel for kortare turar opp mot fem kilometers lengde, også vinterstid.

3 Delmål 1. Ferdigstilla reguleringsplanar på framtidig hovudsykkelvegnett. 2. Gjera gang- og sykkelveg meir sykkelvenlege, med særleg fokus på innfartsårer og skuleveg. 3. Auka tal på syklande og betra kopling mellom kollektivtilbod, bustad og fritid. 4. Innbyggjarane skal oppleva regionsenteret Straume som ein betre, tryggare og meir attraktivt stad å sykle til og gjennom. Verkemiddel og tiltak I løpet av denne prosjektperioden skal partane medverka til å: - Laga ein prosjektplan for dei samla aktivitetar i regionsenteret Straume for perioden Laga ein handlingsplan for å betra infrastrukturen og framkome for syklistar på Straume. Basert på Sykkelstrategi for Fjell kommune skal ein sjå på moglegheita for alternative snarvegar, å skilja fotgjengarar og syklistar, samt å ta føre seg nødvendige utbetringar ved kryss, avkøyrsler og undergongar. - Partane skal arbeida for å innarbeida rekkefylgjekrav som sikrar tilbod til syklistar i regionsenteret Straume. - Fjell kommune skal inngå utbyggingsavtaler som kan bidra til finansiering av sykkeltiltak. - Byggja og utbetra prioriterte sykkelanlegg basert på Sykkelstrategi for Fjell kommune. - Utvikla og gjennomføra ulike haldnings- og handlingsskapande tiltak. - Bidra i trafikksikringsarbeidet. - Ta initiativ til samarbeid med lokale aktørar, for eksempel frivillige organisasjonar, offentlige instansar og næringsliv. - Nytta sykkelrekneskap for å måla utviklinga (måloppnåing). - Delta i Sykkelbynettverket - Ta i bruk automatiske, heilårlege tellepunkt for sykkel på hovudsykkelvegnettet. 5. Organisering Styringsgruppe Styringsgruppa har ein representant frå høvesvis Hordaland fylkeskommune og Statens vegvesen. Fjell kommune stiller med ein representant frå både politisk og administrativ leiing. Styringsgruppa har det overordna ansvaret for budsjett, framdrift og kvalitet i prosjektet. Styringsgruppa har ansvaret for prioriteringar innanfor kostnadsramma til prosjektet, og for presisering av mandat/rammer for prioriterte delprosjekt/tiltak. Styringsgruppa opprettar arbeidsgruppa.

4 Medlemmar av styringsgruppa har ansvar for å forankra avtala og prosjektet i eigen organisasjon gjennom budsjettarbeid, rapportering og naudsynte vedtak, samt å sikra at organisasjonen til ei kvar tid oppfyller sin del av avtala. Styringsgruppa er sett saman av: - Ordførar i Fjell kommune (leiar) - Plan og eigedomssjef i Fjell kommune - Representant frå Hordaland fylkeskommune - Representant frå Vegavdeling Hordaland, Statens vegvesen Arbeidsgruppe Arbeidsgruppa skal bestå av representantar frå plan, skule, eigendom og kultur, og har ansvar for målretta framdrift og gjennomføring delprosjekt og tiltak i prosjektet. Arbeidsgruppa rapporterer til styringsgruppa. Arbeidsgruppa er leia av prosjektleiar. Arbeidsgruppa skal arbeida med følgjande: - Utarbeida forslag til prosjektplan for regionsenteret Straume. - Utarbeida forslag til tiltaksrekkefølgje basert på Sykkelstrategi for Fjell kommune og sikra dette opp mot reguleringsplanar. - Gjennomføra prosjektplanen etter vedtekne prioriteringar. Arbeidsgruppa er sett saman av representantar for samarbeidspartane samt prosjektleder. Representantane skal ha fagkompetanse som dekker breidda i prosjektet. Prosjektleiar Prosjektleiar leiar arbeidsgruppa og legg til rette for styringsgruppa sitt arbeid (sekretær for styringsgruppa), samt syt for den daglege oppfølginga av delprosjekt/tiltak i prosjektet ved behov. Prosjektgrupper for delprosjekt kan opprettast av prosjektleder ved behov. 6. Framdrift Avtala gjelder fire (4) år, og er gjeldande frå og med 1. januar Plan for kva som blir hovudsykkelvegnett skal avklarast, ferdigstillast og deretter nyttast inn i nye reguleringsplanar, og det skal også utarbeidast oversikt over lokale sykkelvegar sentralt i Fjell kommune.

5 7. Økonomi og andre ressursar Økonomi Hordaland fylkeskommune og Fjell kommune sett av kr ,- og Statens vegvesen set av kr ,- i budsjettet for Stillingsandelen kan justerast opp til 100 % og den enkelte part sitt bidrag auka til kr ,- per år, dersom evalueringa tilseier at alle tre parter i prosjektet ønskjer dette. Alle partar er avhengig av årlege budsjettvedtak. Det føreset at alle partar bidreg i same omfang til drifta av regionsenteret Straume. Partane forpliktar seg til å styra drifts- og investeringsmidlar i større grad mot sykkeltiltak i regionsenteret Straume. Partane må sikra midlar til eigenandel for å kunne realisera utbygging av hovudvegnettet for sykkel og andre tiltak for å nå måla til prosjektet. Arbeidsgruppa lagar årlege budsjett som godkjennast av styringsgruppa. Fylkesvegmidlar til investeringar i fylkesvegenettet vert løyvd gjennom investeringsprogrammet for fylkesvegar i Hordaland. Ressursar (andre bidrag til prosjektet) Fjell kommune står for prosjektleiar i 75 % stilling. Stillinga finansierast gjennom spleiselaget mellom partane. Stillingsandelen kan justerast til 100 % i løpet av prosjektperioden dersom partane vert samde om det. Kommunen etablerer ei eigen heimeside på Internett for sin sykkelbysatsing. Partane bidreg elles med naudsynte fagfolk og ressursar for å vidareføra prosjektet. Dette omfattar bl.a. deltaking i arbeidsgruppa, arbeidsinnsats til planlegging og gjennomføring av ulike tiltak i prosjektet (som årleg vert presisert i handlingsplan). Fjell..(dato) Statens vegvesen Hordaland fylkeskommune Fjell kommune