úti í mýri Dagskrá í Norræna húsinu Laugardagur 15. september Sunnudagur 16. september

Transkript

1

2 Dagskrá í Norræna húsinu Laugardagur 15. september 14:00 Opnun hátíðarinnar - Arndís Þórarinsdóttir, formaður Mýrarinnar. Verðlaun í smásagnasamkeppni afhent. Upplestur vinningshafa. Svavar Knútur leikur tónlist. 15:30 Að éta eða vera étinn? Erindi og pallborðsumræður. Þórarinn Eldjárn flytur ávarp við upphaf málstofu. Höfundar ræða hvaða hlutverki matur gegnir í bókum þeirra. Erindi flytja: Svein Nyhus, Sigrún Eldjárn, Jakob Martin Strid og Ragnheiður Gestsdóttir. Málstofustjóri: Egill Helgason. Málstofan fer fram á ensku. Sunnudagur 16. september úti í mýri Upplestrar og vinnustofur: 11:00 Kristín Arngrímsdóttir les um grallarann Arngrím apaskott fyrir lesendur í yngri kantinum. Aldur: :30 Þórarinn Eldjárn les ljóð fyrir börn, m.a. úr Grannmeti og átvöxtum. Aldur: :00 Þýski rit- og myndhöfundurinn Jutta Bauer kennir myndskreytingar og sögugerð. Takmarkaður fjöldi. Aldur: Enska, túlkað á ísl. 12:30 Rithöfundurinn Candace Fleming les fyrir krakka úr Klóki Jói gerir sér mat úr engu. Aldur: 5 +. Enska. Ísl. skjátexti. 13:00 Barnamatreiðslubókahöfundurinn Katrine Klinken heldur vinnustofu fyrir krakka og leggur til hugmyndir að skemmtilegu smurbrauði. Takmarkaður fjöldi. Aldur: 8 +. Danska/enska, túlkað á ísl. 13:30 Rithöfundurinn Polly Horvath les upp úr sögum sínum um stelpuna sem át vöfflu með öllu og skrímslin sem vildu ekki grænmetið sitt. Aldur: 6 +. Enska. Ísl. skjátexti. 14:00 Katrine Klinken heldur vinnustofu fyrir krakka og leggur til hugmyndir að skemmtilegu smurbrauði. Takmarkaður fjöldi. Aldur: 8 +. Danska/enska, túlkað á ísl. 14:30 Rithöfundurinn og teiknarinn Eric Rohmann kennir hvernig skapa á persónur og nota myndir til að kalla fram sögu. Takmarkaður fjöldi. Aldur: :00 Kristín Steinsdóttir les úr Franskbrauð með sultu o.fl. bókum. Aldur: 8 +.

3 Mánudagur 17. september Málstofur: 13:00 Megrun, mannát og afneitun í íslenskum barna- og unglingabókum. Ármann Jakobsson: Höfuðlausir englar og fátækir riddarar. Dagný Kristjánsdóttir: Að éta mann og annan. Anna Heiða Pálsdóttir: Kynvitund, kossar og ólífur: Hinn forboðni ávöxtur í íslenskum unglingabókum. Málstofustjóri: Helga Birgisdóttir. Málstofan fer fram á íslensku. 15:00 Matur í myndum, drengur í súpu og siðferðislegar vangaveltur. Fridunn Karsrud: Smørbukksodd og andre delikatesser. Unni Solberg og Kirsti-Nina Frønæs: Om mat og moral i Thorbjørn Egners Hakkebakkeskogen. Kristin Hallberg: Äta bör man annars dör man. Málstofustjóri: Gro-Tove Sandsmark. Málstofan fer fram á sænsku og norsku. Matargestir Anna Heiða Pálsdóttir er doktor í barnabókmenntum frá Háskólanum í Worcester. Hún hefur kennt við Háskóla Íslands og Endurmenntun HÍ, þar á meðal skapandi skrif og barnabókmenntir. Anna Heiða hefur birt greinar um barnabókmenntir auk þess að þýða enskar barnabækur á íslensku. Hún er höfundur fantasíunnar Galdrastafir og græn augu en von er á nýrri bók eftir Önnu Heiðu á þessu ári. Ármann Jakobsson er rithöfundur og prófessor í íslenskum bókmenntum fyrri alda við Háskóla Íslands. Hann hefur rannsakað miðaldabókmenntir, menningarfræði og þjóðfræði og skrifað bækur og greinar um þessi efni. Ármann hefur m.a. birt ýmsar greinar um ímynd barna, ungmenna og aldraðra í íslenskum heimildum. Hann er, ásamt Torfa Tulinus, annar ritstjóri bókarinnar Miðaldabörn (2005). Candace Fleming er bandarískur höfundur myndabóka, skáldsagna og fræðibóka fyrir börn, þeirra á meðal bókina Clever Jack takes the Cake. Hún hefur hlotið fjölda verðlauna, hefur oft verið á heiðurslista bandarísku bókasafnasamtakanna ALA, hefur hlotið Boston Globe-Horn Book bókaverðlaunin, Gyllta flugdrekann og bókmenntaverðlaun Publisher s Weekly. Fleming er sagnfræðingur að mennt.

4 Dagný Kristjánsdóttir er prófessor í íslenskum nútímabókmenntum við Háskóla Íslands. Helstu rannsóknarsvið hennar eru bókmenntasaga, kvennabókmenntir, barnabókmenntir, kynjafræði og sálgreining. Nýjasta bók Dagnýjar er bókmenntasaga ætluð fyrir framhaldsskóla, Öldin öfgafulla (2010) og von er á nýrri bók eftir hana, Bókabörn, sem fjallar um barnabókmenntir. Eric Rohmann er bandarískur rithöfundur og myndlistarmaður og hefur hlotið ýmsar viðurkenningar, þar á meðal Caldecott verðlaunin fyrir bókina My Friend Rabbit og heiðursverðlaun Caldecott fyrir bókina Time Flies. Rohmann notar fjölbreytta tækni í verkum sínum og starfar ýmist með öðrum höfundum eða semur bæði myndir og texta. Myndræni þátturinn er þó ávallt útgangspunkturinn í verkum hans. Fridunn Tørå Karsrud er norskur lektor við menntavísindasvið Háskólans í Telemark. Hún starfaði um langt skeið sem grunnskólakennari en er einnig menntuð í frásagnartækni og hefur sent frá sér rit um þau efni. Jakob Martin Strid er danskur höfundur og teiknari sem er einna best þekktur hér á landi fyrir barnaljóðabókina Í búðinni hans Mústafa. Í Danmörku sló hann fyrst í gegn sem skopteiknari og er þekktur fyrir pólitískar ádeiluskrítlur sínar í dagblöðum. Strid hefur á undanförnum árum sent frá sér fjölmargar fjörlegar barnabækur og hér á landi kom nýverið út eftir hann Ótrúleg saga um risastóra peru. Jutta Bauer er einn vinsælasti barnabókahöfundur Þjóðverja og hefur skrifað og myndlýst fjölda bóka. Í bókum hennar segja myndirnar söguna og knappur textinn þjónar því hlutverki að styðja hið sjónræna. Árið 2010 hlaut hún hin virtu H. C. Andersen verðlaun fyrir myndskreytingar, en hún hefur hlotið fjölda annarra verðlauna. Nýlega kom út á íslensku myndabók hennar Í skóginum stóð kofi einn. Katrine Klinken er lærður matreiðslumaður og heimilisfræðikennari. Hún er höfundur fjölmargra matreiðslubóka fyrir bæði börn og fullorðna, þar á meðal Børnenes køkken sem er ein stærsta matreiðslubók sinnar tegundar á dönsku. Katrine Klinken er virk í alþjóðlegu hreyfingunni um hæga matargerð eða slow food og afkastamikill höfundur greina um matseld, m.a. á bloggsíðu sinni, klinken.dk. Kirsti-Nina Frønæs er norskur lektor við menntavísindasvið Háskólans í Telemark. Hún hefur margra áratuga reynslu af kennslu, bæði við grunn- og háskóla. Hún hefur m.a. rannsakað barna- og unglingabókmenntir og hvernig kenna má bókmenntir við skóla. Kristin Hallberg er lektor við háskólann í Stokkhólmi. Hún hefur rannsakað myndir og mat í sænskum barnabókmenntum, þ.á.m. í verkum Gunillu Bergström, Mollie Faustman og Inger og Lasse Sandberg.

5 Kristín Arngrímsdóttir myndlistarmaður, gaf út sína fyrstu bók, Arngrímur apaskott og fiðlan, árið 2009 og fyrir hana hlaut hún Fjöruverðlaunin, bókmenntaverðlaun kvenna, í flokki myndabóka. Arngrímur apaskott og hrafninn birtist árið eftir og fékk Kristín þá Vorvindaviðurkenningu IBBY á Íslandi og var bókin tilnefnd á heiðurslista alþjóðasamtaka IBBY. Áður hafði Kristín myndskreytt fjölda bóka. Kristín Steinsdóttir er höfundur fjölda bóka og leikrita fyrir bæði börn og fullorðna. Fyrsta skáldsaga hennar, Franskbrauð með sultu, hlaut Íslensku barnabókaverðlaunin árið 1987, en Kristín hefur síðan hlotið margvíslegar viðurkenningar fyrir bækur sínar, til dæmis Norrænu barnabókaverðlaunin, Sögusteininn barnabókaverðlaun IBBY á Íslandi, Menningarverðlaun DV og Fjöruverðlaunin. Polly Horvath er kanadískur höfundur barna- og unglingabóka af bandarísku bergi brotin. Hún hefur gefið út þrettán bækur frá árinu 1989, þeirra á meðal Everything on a Waffle og The Trolls. Horvath hefur hlotið margvíslegar viðurkenningar, meðal annars var hún á heiðurslista Newbery verðlaunanna árið 2001 og hlaut hún National Book Award verðlaunin árið Ragnheiður Gestsdóttir er rithöfundur og myndlistarkona og hefur sent frá sér fjölda bóka fyrir börn á öllum aldri, myndabækur, skáldsögur, kennslubækur og safnrit. Ragnheiður hefur tvisvar hlotið Barnabókaverðlaun Menntaráðs Reykjavíkur, hún fékk Íslensku barnabókaverðlaunin árið 2000 og Sögusteininn barnabókaverðlaun IBBY á Íslandi árið Sigrún Eldjárn teiknari og höfundur hefur ritað og myndskreytt á fimmta tug barnabóka. Hún hefur hlotið fjölda viðurkenninga fyrir verk sín og hefur m.a. verið tilnefnd til Norrænu barnabókaverðlaunanna og sæmd riddarakrossi hinnar íslensku fálkaorðu fyrir framlag sitt til íslenskrar barnamenningar. Sigrún segir fjölbreyttar og skemmtilegar sögur, af hversdagslegum ævintýrum og ævintýralegum hversdagsleika. Svein Nyhus er norskur teiknari og rithöfundur. Í verkum sínum teflir Nyhus saman persónum í skopmyndastíl og einföldu málfari sem skemmtir börnum jafnt sem fullorðnum. Bækur hans eru margar með heimspekilegu ívafi og takast á við sígildar tilvistarspurningar. Nyhus hefur unnið til fjölda verðlauna fyrir verk sín. Bókin Illi kall eftir Nyhus og Gro Dahle kom út á íslensku árið Unni Mette Solberg er norskur lektor við menntavísindasvið við Háskólann í Telemark. Þórarinn Eldjárn er eitt ástsælasta skáld Íslendinga. Hann hefur sent frá sér ljóðabækur, smásögur, skáldsögur, leikrit, þýðingar og söngtexta og síðast en ekki síst afar vinsæl barnaljóð. Þórarinn varpar í kvæðum sínum ljósi á menn og málefni með beittri gamansemi og fimlegum orðaleikjum og vekur börn jafnt sem fullorðna til umhugsunar. Þórarinn hefur hlotið margvíslegar viðurkenningar fyrir barnaljóð sín.

6 Myndlistarsýningar Matarlist í íslenskum barnabókum september Norræna húsið - anddyri Sýning á frummyndum eftir 17 íslenskra teiknara. Myndirnar eiga það sameiginlegt að lýsa mat, matseld, borðhaldi og áti í íslenskum barnabókum. Í skóginum stóð kofi einn 15. september 4. október Borgarbókasafnið Tryggvagötu - Reykjavíkurtorg Sýning á myndum eftir þýska rithöfundinn Jutta Bauer. Myndirnar eru úr samnefndri bók eftir Bauer sem kom út á íslensku fyrr á árinu. Sunnudaginn 16. september kl. 15:00 Leiðsögn Jutta Bauer Jutta Bauer stýrir leiðsögn fyrir börn um sýninguna Í skóginum stóð kofi einn eftir myndum úr samnefndri bók. Aldur: 4 +. Enska, túlkað á íslensku. Mýrin, félag um barnamenntahátíð, þakkar eftirtöldum aðilum fyrir stuðninginn: sendiráði Kanada, sendiráði Bandaríkjanna, sendiráði Noregs, sendiráði Svíþjóðar, A.P. Möller fond, Barnamenningarsjóði, Fondet for Dansk-Islandsk Samarbejde, Goethe-Institut, Letterstedtska föreningen, Forlaginu, Eymundsson, Menntamálaráðuneyti, Nordisk Kulturfond, Reykjavíkurborg og Norræna húsinu.