Høyringsdokument. Utviding av Vollan gravplass

Transkript

1 Høyringsdokument Utviding av Vollan gravplass

2 Høyringstema 1. Synspunkt på omdisponering av areal sør for noverande gravplass frå landbruksareal (LNF) til areal for gravplassføremål. 2. Innspel til planen for utviding av Vollan gravplass. Nedlegging av den gamle gravplassen i Dyrnesdalen er ikkje førebudd slik at det er ein del av høyringa, men det er greitt viss nokon har innspel også i den saka. Merknader og innspel til denne planen Spørsmål kan rettast til kyrkjeverja, tlf / Planfaglege spørsmål kan også rettast til Folden grønt og plan ved Øystein Folden, tlf Merknader og innspel til denne planen skal sendast til Smøla kyrkjelege fellesråd, 6570 Smøla, innan Dette dokumentet er utarbeidd av Folden grønt og plan i samarbeid med kyrkjeverja, som ein del av planane for utvidinga av Vollan gravplass. Fellesrådet har tatt stilling til viktige løysingar og føresetnader undervegs.

3 Reguleringsstatus I arealdelen til kommuneplan er det sørlegaste av dei raude felta knytt til det eksisterande gravfeltet. Areala som no er aktuelle å ta i bruk består av eit areal i sør for noverande gravplass, som parallelt med utarbeidinga med denne planen blir avsett til gravplassføremål i arealdelen til kommuneplanen. Arealet er i privat eige, men tilbode til gravplassføremål Sør for noverande gravplass ligg det eit areal (Trekant med raud strek) som no er regulert til føremål Landbruk, natur og friluftsliv, LNF. Arealet vil med denne saka bli omregulert til gravplassføremål.

4 Behovet for utviding av Vollan gravplass Smøla kyrkjelege fellesråd har fått utarbeidd dokumentet «Smøla kommune - Strategiplan for gravplassane». Dette er eit grunnlagsdokument slik at Smøla kyrkjelege fellesråd kan vurdere kva gravplassar ein skal halde fram med å bruke, og kva gravplasser som etter kvart vil gå ut av drift. Vollan gravplass har gode føresetnader for fortsatt drift, og vil over tid bli hovudløysinga for denne delen av kommunen. Dermed er det også behov for eit større areal til gravplass. Arealet rett sør for noverande gravplass er funne godt eigna. Planen gir rom for 226 nye kistegraver. Nytt urnefelt vil også gi plass til meir enn 100 urner. Løysingar knytt til utviding av Vollan gravplass gjer at ein også kan fullføre nedlegginga av den gamle gravplassen i Dyrnesdalen. Hovudtrekk i planen

5 Kanalen sør for eksisterande gravplass vil få sidekanten steinplastra, og det avsette arealet blir fylt opp til eit nivå ca. 0,5 meter høgare enn noverande gravplass. Dette skjer ved at noverande masse som stort sett er sand, grus og jord først blir lagt til side og det blir lagt eit fundament av stein under, slik at ein får rett høgde og 1,8 meter med god lausmasse over. Det vil bli lagt dreneringsrøyr i vegtrasear, men ein reknar med at løysinga i praksis gir ein sjølvdrenert gravplass. Dreneringsrøyret vil bli ført ut i kanalen under vasspegel. På nordsida av noverande gravplass vil det bli eit nytt område som skal brukast til tekniske føremål, og frå dette området vil det bli ein veg for teknisk bruk på austsida av noverande gravplass og inn på den nye gravplassen. For brukarar av gravplassen vil naturleg ferdsel gå via ein open trase på noverande gravplass og inn på den nye delen gjennom ei ny opning i steingarden. Det vil bli opparbeid fleire nye vasspostar og det vil bli ei forbetring av handsaminga av komposterbart materiale og avfall. Rundt det nye arealet er det planlagd nytt gjerde. Langs kanalen vil gjerdet heilt eller delvis vere erstatta av gamle gravmonument som er tatt vare på av bevaringsgrunnar. Mellom gravplassen og vegen vil bakken bli noko omprofilert slik at det blir mindre innsyn frå vegen, og mindre støy. Dette vil skje i samråd med vegstyresmakt, slik at ein også følgjer reglane for sikkert sideterreng til veg, så langt topografien tillet det. Inne på noverande gravplass, litt aust for klokketårnet, vil det bli laga til eit område for nedsetting av urner, med felles monument. Det er registrert spørsmål om meir parkeringsplass. Arealet som no er i bruk kan strammast opp litt og kan moglegvis gi litt betre parkering. Ut over det ser ein ikkje ei løysing på dette innafor det aktuelle arealet. Såleis er det parkering langs vegen ut til Brattvær som ser ut som den mest aktuelle løysinga. Ein har ikkje gått vidare med spørsmålet, då utvidinga ikkje vil slå nemnande ut på parkeringsbehovet. Vollan gravplass vil etter utvidinga ha universell utforming. Det vil ikkje bli lagt til rette for spesielle gravbehov (spesiell retning på grav o.l.), sidan slike behov kan dekkast på Rokstad gravplass. Gravplassen vil også i framtida vere ganske open, med berre avgrensa vegetasjon. Inne på gravplassen er det lagt opp til bruk av furu og rogn. I tillegg er det aktuelt med bruk av øyrevier knytt til teknisk areal og bakken mot vegen. Dei aktuelle artane er naturleg i naturen på Smøla. Nedlegging av den gamle gravplassen i Dyrnesdalen. I samband med denne saka er det tatt opp spørsmål kring den gamle gravplassen i Dyrnesdalen. 40 år må gå frå siste gravlegging til ein kan legge ned ein gravplass. Nedlegging av gravplass vil normalt føre til at arealet kan omdisponerast, men ikkje uavhengig av si fortid. Alle gravmonument må fjernast. Arealet kan då brukast til beiteland, slåttemark, park, skog eller liknande. Viss arealet skal brukast til byggegrunn, må det til ytterlegare tiltak. Det er naturleg at det på staden finst ei form for markering av at området ein gong har vore gravplass.

6 På den gamle gravplassen i Dyrnes står det i dag mange monument. Det ligg i utvidingsplanane for Vollan at monument som er bevaringsverdige på den gamle gravplassen i Dyrnesdalen skal flyttast inn som ein «museumsdel» på Vollan. Det vil bli plass til ei rekkje med slike bevaringsverdige monument på kanten ut mot kanalen, og ei rekkje inn mot den gamle steingarden langs noverande gravplass. Vurdering av bevaringsverdi vil vere i samsvar med dei generelle reglane som gjeld. Det vil seie at ein del monument kan bli funne ikkje å vere bevaringsverdige, på line med vurderingar som blir gjort på andre gravplassar. Nedlegging av den gamle gravplassen i Dyrnesdalen vil bli handsama som eige sak, men må sjåast i samanheng med utvidingsplanane på Vollan. Fornminne og naturverdiar Det er ikkje kjent automatisk freda fornminne på det aktuelle arealet. Restar av tidlegare veg går aust for noverande gravplass. Kjend verksemd elles på det aktuelle området er dyrking av eng og overflatebeite. Område for ny gravplass, teknisk areal og areal for omprofilering mot vegen er kartlagd når det gjeld flora. Det er ikkje gjort spesielle funn, og det er heller ikkje vurderingar som tilseier at området har spesielle verdiar når det gjeld flora. Kanalen/bekken er undersøkt like til sjøen for å vurdere om det kan vere elvemusling, utan at noko er funne. Det er gjort observasjon av strandsnipe som kan tyde på fast tilknyting til området. Denne kan bli noko forstyrra om anleggsarbeid og hekketid blir samtidig. Det er sannsynlegvis restområde langs kanalen/bekken som framleis gir moglegheit for hekking. Tidsplan Fellesrådet har planlagt å gjere eit vedtak for utvidinga av Vollan gravplass i juni I løpet av sommaren og tidleg haust vil det då vere handsaming av dispensasjon frå gjeldande kommuneplan sidan arealdelen til kommuneplan ikkje blir rullert tidleg nok. Vidare skal ei slik sak godkjennast av bispedømerådet og det skal vere ei byggesakshandsaming. Planen er at ein i løpet av vinteren 2016/2017 kan få gjort byggearbeidet, slik at plenareal kan såast til tidleg sommar 2017, og at gravplassen då kan takast i bruk.

7 Bilete og skisser Figur 1. Klokkehuset. Det framtidige urnefeltet vil bli der det no er ei slags museumssamling.

8 Figur 2. Når ein tar hol i steingarden til venstre for inngjerda gravstad, vil ein få ein køyretrase inn på noverande gravplass. Figur 3. Biletet tatt omtrent frå nytt urnefelt. Ein kan ane traseen gjennom noverande gravfelt og inn til nye gravfelt. Figur 4. Klokkehus og inngangsport til noverande gravplass. Ein ser vidare noverande vasspost som må rustast opp noko.

9 Figur 5. Parkeringsplassen og porten inn til gravplassen. Figur 6. Delar av det uslåtte partiet langs vegen skal byggast opp med ein voll som gir støyskjerming. Ein tar sikte på omtrent den same typen vegetasjon, men med noko meir øyrevier, furu og rogn. Vegetasjonen blir då naturlik, og fungerer anten det blir slått eller ikkje.

10 Figur 7. Øyrevier. Nøysom, naturleg førekomande og nøytral busk. Heilt i høgre biletkant kjem teknisk areal, så her er vegetasjonen mellom teknisk areal og klokkehus alt på plass. Figur 8. Nivellering og prøvegraving.

11 Figur 9. Prøvehol nr. 1. Grunnvatnet står i botnen.

12 Figur 10. Hovudinntrykket av jordsmonnet er sand og skjelsand med noko innblanding av brunt jordsmonn. Dette gir luft og mikroliv til det aktive laget i gravfeltet. Figur 11. Frå sørvesthjørnet på noverande gravplass. Heilt i framkant vil det bli vasspost og plass til bossdunkar. Vi kan ane ein avstand mellom gravmonumenta der tilkomsten mellom gravplassdelane skal vere.

13 Figur 12. Sentralt i biletet ligg det ei flate med plass til teknisk areal skjerma av naturlege haugar. Figur 13. Frå parkeringsplassen i retning teknisk areal. Terrenget må senkast noko der det er lågast i dag, og vegen må formast litt, slik at det ikkje blir direkte innsyn mellom parkeringsplassen og teknisk areal. Viss det blir aktuelt med driftsbygning seinare, vil ein kunne plassere den ved fjerning av haugen anten til høgre eller venstre for nemnte vegstubb.

14 Figur 14. Gjerde. Portblad vil sjå likt ut, bortsett frå at det skal vere eit skråband i tillegg.

15 Figur 15. Vasspost. På baksida av vassposten kan ein ordne til uttak for straum. Målestokken kan avvike ved utskrift.

16 Prinsipp for plastring av kanal. Sida mot ny gravplass til venstre. Under blokka i botn og blokkene i skråninga må det leggast eit underlag av steinmasse så dei store blokkene blir liggande stabilt.