B.TARBERG AS Graving Sprenging Transport Planlegging Byggsøk Rådgiving

Transkript

1 B.TARBERG AS Graving Sprenging Transport Planlegging Byggsøk Rådgiving Sandvika Sande kommune v/ Teknisk eining Rønnebergplassen Larsnes Vår referanse: SØKNAD OM DISPENSASJON FOR ETABLERING AV MASSEDEPONI OG UTTAK AV STEINMASSER GJØNESET GNR. 9 BNR. 3 og 4 SANDE KOMMUNE B. Tarberg AS søkjer her om dispensasjon for etablering av eit massedeponi (reine jordmassar) uttak av reine steinmassar og mellomlagring av steinmassar i etablert steinbrot på Gjøneset i Sande kommune. Området er i dag eit etablert steinbrot og har vore nytta av andre entreprenørar, staten og grunneigarar over ei lengre tidsperiode. Entreprenør har inngått avtalar med grunneigarar for bruken av området. Det er utarbeidd ein langsiktig plan for korleis området er tenkt nytta og ein ser føre seg at dette kan vere eit felles massedeponi der andre i kommunen også kan få kvitte seg med masser på lovleg måte. Sande kommune har pr dato ikkje etablert massedeponi i kommunen og dei har heller ikkje regulert inn slikt føremål i kommuneplanens arealdel. Tiltaket vil soleis vere av ei større samfunnsmessig interesse då det vil kunne kome kommunen, privat og statlege aktørar til gode i ulike prosjekt som vert sett i verk i Sande kommune. Ein ser det slik at det på lengre sikt vil skje ei re-etablering av naturleg terreng i området, slik at området til slutt vil få tilbakeført noko av si naturlege utforming. Etter kvart som ein tek ut steinmassar frå området, tenker ein å tilbakeføre tidlegare uttaksområde med jordmassar og re-etablere terrenget på ein naturleg måte. Området er tenkt skjerma mot fylkesvegen med jordvoll, samt avgrensa med bom/kjetting og lås for å sikre areala. Det blir søkt dispensasjon frå: 1. Arealformålet i kommuneplanens arealdel (LNF-område) 2. Veglova sine føresegner om byggjeavstand 50 meter frå senterlinje fylkesveg.

2 2 Planstatus for eigedomen: Utsnitt av arealstatus i kommuneplanen Området er i dagens kommuneplan avsett til LNF-formål, men ligg tilgrensande mot fylkesvegen. Det er i dag spor etter etablert uttak av stein i området, samt deponering av masser som også har vore gjort av andre entreprenørar. Sande kommune har gjennom tidlegare vedtak gitt løyve til uttak av stein i området. Foto 2018 (dagens situasjon)

3 3 3D perspektiv av eksisterande terrenget

4 4 Kort om tiltaket Tiltak vil innebere mellomlagring av overskotsmasser (reine masser) som blir transportert til området. Ein tenker at det kan opnast for at privat også kan deponere reine jord, stein og blandingsmasser etter avtale. Lagring av steinmassar (mellombels) overskotsmasser for inntransport og vidare utkøyring (mellomdepot). Tilkøyrde masser jordmassar er tenkt permanent lagra for re-etablering og oppfylling av terreng til «normal» situasjon. Masser blir her lagt opp etter fjellskjering og maskinplanert. Entreprenør ynskjer å her sjå på mogleg tilsåing som eit aktuelt tiltak på lengre sikt for å oppnå «grøne skråningar». Etablering av tilkomst og snuplass for lastebil (praktiske årsaker med logistikk). Uttak av steinmasser for å skape meir rom for deponering av reine masser. Grense mellom uttaksområde og deponeringsområde vil her gradvis flytte seg ettersom ein gjennomfører reetablering av terrenget. Avgrensing er sett på ein slik måte at det ikkje oppstår visuell inngrep mot Gjerdsvika. Uttak av masser vil her skje etappevis og etter ei mengde på under m3 pr år. Det vil vere aktuelt å etablere ein tilkomst intern anleggsveg frå nord til sør og vidare frå vest til aust. Området er tenkt å delast i fleire nivå (terrasser), slik at uttak av steinmassar skjer gradvis og etter «trappetrinnsprinsippet». Re-etablering vil også då skje gradvis og etter kvart som ein når uttaksgrense for nivåa. Etablering av jordvoll mot fylkesvegen. Avstand til vegkant er tenkt 3.0 meter frå vegkant til fyllingsfot. Høgde på voll vert tilpassa og arrondert krava til frisiktssone i avkøyrsle. Området blir fysisk avsperra med kjetting og hengelås og sperring vil fungere som bom. Entreprenør ynskjer å etablere skilt som gir informasjon om pågåande anleggsverksemd. Områdeplan

5 5 3D illustrasjon av re-etablering av området deponi Uttaksområde stein Grunngjevinga for dispensasjon vil vere: Vi meiner vilkåra for å gi dispensasjon er til stades i denne saka. Slik vi ser det er det fleire fordelar enn ulemper med tiltaket og vi meiner eit samla massedeponi i Sande kommune vil gi stor samfunnsmessig gevinst både for næringsliv, privatpersonar og offentleg verksemd. Eit samla massedeponi vil kunne medføre at det blir slutt på uheldig og ulovleg deponering av spreidde masser rundt om i kommunen. Ei samling av deponerte masser vil verne andre areal frå deponering, samt hindre at folk må transportere masser unødig til godkjente deponi over lengre avstandar med biltransport. I Eit miljø- og samfunnsperspektiv vil dette ha stor nytteverdi for kommunen og lokalsamfunnet. Det vil etter vår vurdering vere klart større fordelar enn ulemper ved å gi dispensasjon i denne saka. Interessene i LNF-formålet i kommuneplanen er ikkje truga av tiltaket og eit massedeponi vil ikkje vesentleg tilsidesette formålet det blir dispensert frå ettersom det her er tale om vidareføring av eit etablert område for deponi og uttak av steinmassar. Tiltaka vil tvert i mot ha positive element ved seg ettersom det her er tale om eit sterkare fokus på tilbakeføring av landskapet.

6 6 3D illustrasjon av jordvoll mot fylkesvegen Tiltaket er ei vidareføring av ei etablert verksemd og entreprenør skisserer her reelle tiltak for å tilbakeføre terrenget med reine masser slik at ein kan dempe dei visuelle inntrykka som landskapet har blitt påført gjennom årevis med steinuttak. Gjøneset ligg i eit område som ikkje er i konflikt med busetnad. Ein kjenner ikkje til kulturminne i området der steinbrotet er etablert og ein kjenner heller ikkje til at tiltaket skal vere i konflikt med særskilte landbruks, natur eller friluftsinteresser. Ein jordvoll mot fylkesvegen vil skjerme deponeringsområdet frå langsgåande trafikk og bidra til å vere første steget i ei tilbakeføring av Gjøneset sitt opphavlege terreng. Med denne søknaden vonar vi at kommunen vil sjå positivt på tiltaket og gi søknaden ei snarleg handsaming.

7 7 Med vennleg helsing Aleksander Zahl Tarberg Daglig leder / planlegger B.TARBERG AS Mob: E-post: aleksander@btarberg.no Vedlegg: A. Områdeplan for utnytting av området B. Beskrivelse for utnytting av området