Planomtale pr Planomtale TIL REGULERINGSPLAN FOR HØGDEBASSENG PÅ MYKLEBUST I SANDØY KOMMUNE. Side 1 av 19

Transkript

1 Planomtale TIL REGULERINGSPLAN FOR HØGDEBASSENG PÅ MYKLEBUST I SANDØY KOMMUNE Side 1 av 19

2 INNHALD: 1 Bakrunn og samandrag 2 2 Tilhøve til andre planar 4 3 Beskrivelse av planområdet 5 4 Vurdering av risiko og sårbarheit 7 5 Beskrivelse av planforslaget 10 6 Gjennomføring 13 7 Merknader i samband med varsling av planoppstart 13 8 Verknader av planforslaget 15 9 Avsluttande kommentar Vedlegg 19 1 Bakgrunn og samandrag Grunnlag for reguleringa: Det har vore planar om etablering av høgdebasseng i dette området heilt sidan den interkommunale vassverksutbygginga SaHara for ca. 30 år sidan. Føremålet med reguleringa er å legge til rette for realisering av desse planane. Det er lang tilførselsleidning frå Brattvåg til Harøya. I periodar med høgt vassforbruk er det derfor dårleg vasstrykk som gjer at krava til sløkkevatn heller ikkje blir oppnådd. Utan høgdebasseng er kommunen svært sårbar for brot på tilførselsleidninga som gjer at heile kommunen blir utan vatn på kort tid. Antatt storleik på høgdebassenget er ca m3 som kan dekke normalt forbruk i 2 døgn og bidra til å stabilisere vasstrykket på eit tilfredsstillande nivå. Antatt diameter på ein aktuell tank av glasfiber er ca. 15 m. Sjølve tanken kan om ønskeleg kledast med treverk og eventuelt dekkast med torvtak for unngå å virke skjemmande i terrenget. Tiltakshavar: Tiltakshavar for reguleringa er Sandøy kommune. Side 2 av 19

3 Grunneigarar: Arealet som er planlagt regulert ligg på gbnr. 14/5 som er eigd av Erling Myklebust og 14/36 som er eigd av Karen Lovise Drønnen m/fleire. Tilkomst: Tilkomst er planlagt frå kommunal veg. Traseen for tilkomstvegen er endra i høve til traseen som vart varsla i oppstartmeldinga. Grunnen til endringa er m.a. innspel i samband med varslinga vedr. krav om arkeologiske registreringar, hekkeområde for hubro og eit planlagt byggeområde langs varsla trase. Sjølve høgdebassenget er også plassert på eit lågare nivå enn først antatt slik at tilkomstvegen er tilpassa dette. Tilkomstvegen er planlagt å følgje terrenget mest mogeleg for å unngå større skjemmande skjeringar og fyllingar. Planlagt regulering. Det er planlagt å regulere inntil 5 dekar til område for høgdebasseng. Nøyaktig plassering og kotehøgde for tanken er bestemt etter ei berekning av trykk, omløpstid m.m. Framdrift: Det er ynskjeleg å kunne utføre anleggsarbeida løpet av hausten 2016 og eventuelt vinteren 2016/2017 slik at anleggsperioden fell utanom hekketida til hubro i området. Planleggar: Planarbeidet vert utført av HA-PLAN AS v/ siv.ing Hallgeir Wuttudal. Varsling av planoppstart: Oppstart av planlegginga er varsla skriftleg til offentlege organ og naboar. Den er også annonsert i Romsdals Budstikke og Nordre, samt på heimesida til Sandøy kommune. Omsyn til merknader i samband med varsel om planoppstart: På grunn av merknadane frå Møre og Romsdal fylkeskommune og Fylkesmannen i Møre og Romsdal vart det arrangert eit avklaringsmøte på Molde mellom representantar frå Sandøy kommune og desse etatane. Der vart viktigheita av å få realisert dette prosjektet teke opp, og kommunen presenterte eit forslag til ny trase for tilkomstveg til området for høgdebasseng som truleg omfatta mindre areal der det må utførast arkeologisk registrering, samt truleg verkar mindre forstyrrande på området som kan vere hekkeområde for hubro. Byggeområdet som var med på varslingskartet er heller ikkje med på planen no. Seinare har det blitt berekna at høgdebassenget kan plasserast på eit lågare nivå enn først antatt. Planen er derfor no basert på skissa som vart presentert på møtet på Molde, og er tilpassa ei plassering av høgdebassenget på eit lågare nivå i terrenget. Side 3 av 19

4 2 Tilhøve til andre planar Gjeldande regulering i området: Området er ikkje regulert i dag. Gjeldande regulering i nærområdet. Kommuneplan: Sandøy kommune har utarbeidd ny kommuneplan. På arealdelen av Side 4 av 19

5 kommuneplanen er areal som er planlagt regulert til vassforsyningsanlegg innlagt slik at planlagt regulering er i samsvar med overordna plan. Planområdet er flytta litt austover fordi høgdebassenget skal byggast på eit lågare nivå enn tidlegare antatt. Tilkomstveg til anlegget er ikkje innteikna på arealdelen. Utsnitt av arealdelen av kommuneplanen. Pila peiker om lag på planlagt plassering av høgdebassenget. 3 Beskrivelse av planområdet Planområdet ligg på austsida av Rekhaugen ved fjellfoten søraust for Litle Harøyburet på Myklebust i Sandøy kommune. Området for høgdebasseng har delvis litt bratt fjell og eit flatare parti der høgdebassenget er tenkt plassert. Det er ei blanding av bart fjell og tynt vegetasjonsdekke som for det meste består av lyng, einer og mindre busker. Tilkomstvegen følgjer vegen opp til tunet på gbnr. 14/36 og går gjennom området der løa stod tidlegare og går vidare oppover dyrkamarka til utmarka nedanfor høgdebassengområdet. Traseen Side 5 av 19

6 vidare opp til høgdebassengområdet går gjennom eit område med varierande tjukkelse på vegetasjonsdekke over fjell. Nokre bilete frå planområdet: Utsikt frå høgdebassengområdet mot dei 2 gamle bekkane vestsida. Utsikt mot område for tilkomstveg og høgdebasseng sett frå sørvest. Side 6 av 19

7 4 Vurdering av risiko og sårbarheit Vi har gått igjennom Sjekkliste for vurdering av risiko og sårbarheit i saker etter plan- og bygningslova som er utarbeidd av Fylkesmannen i Møre og Romsdal, sjå vedlegg. Vi kan ikkje sjå at det finst faremoment i området som skulle tilseie at tiltaket ikkje kan gjennomførast, men har kommentarar til nokre punkt. Skredfare: Vi har sjekka rasfaren i NVE Atlas og ser at øvre del av planlagt område for høgdebasseng ligg innafor aktsomheitsområde for stein- og snøskred. Aktsomheitsområde for stein- og snøskred teke frå NVE Atlas. Pila peiker ca. på bassenget. Vi ser vidare at området ikkje ligg innafor utløysingsområde eller utløpsområde for steinsprang eller område for jord- og flomskredfare. Det ligg eit stripe med utløysingsområde for snøskred mellom planområdet og Litle Harøyburet. Utløpsområdet for snøskred dekker derimot planområdet for høgdebassenget og øvre del av tilkomstvegen. Side 7 av 19

8 Utløysningsområde for snøskred (mørk rosa) og utløpsområde (lys rosa) teke frå NVE Atlas. Pila peiker ca. på høgdebassenget. Det må derfor takast omsyn til denne faren ved opparbeiding av tilkomstveg og vassforsyningsanlegg. I vurderinga av snøskredfaren støtter vi oss på «Retningslinjer nr. 2/2011 Flaum- og skredfare i arealplaner. Revidert 22. mai 2014.» utgitt av Noregs vassdrags- og energidirektorat Der står det i siste avsnitt under punkt Generelt: «I nokre tilfelle vil ein på reguleringsplannivå kunne avkrefte faren i delar av potensielle fareområde som er identifiserte på kommuneplannivå, utan at ein gjennomfører nærare undersøkingar med hjelp av fagkyndige personar. Dette kan skje når ein har opplysningar som tilseier at det aktuelle området ikkje er fareutsett. Det må gjevast ei konkret grunngjeving for dette som kan etterprøvast, i ROS-analysen og planskildringa.» Vurdering: Det er fleire tilhøve som gjer at sannsynligheita for snøras i dette området er svært liten: Store delar av det potensielle utløysingsområdet ovanfor høgdebassengområdet er skogkledd slik at det er liten mogelegheit for at det skal starte ras her. Store delar av utløpsområdet har også tre og busker som vil dempe eit eventuelt ras før det kjem ned til høgdebassengområdet. Det er elles svært sjeldan at det er så mykje snø i dette området at det er teoretisk mogeleg å oppstå ras. Vi antar derfor at snørasfaren i området er svært liten, men anbefaler likevel at terrengbearbeidinga i området blir utført slik at eit eventuelt ras blir leda utanom høgdebassenget. Side 8 av 19

9 Det blir ikkje faste arbeidsplassar i planområdet. Høgdebassenget blir berre besøkt ved periodisk vedlikehald og ettersyn ca. 1 gong pr. veke. Vi antar derfor at den eventuelle skredfaren i området ikkje er til hinder for å drifte anlegget. Øvre del av tilkomstvegen ligg i ytterkanten av utløpsområdet for snøskred. Vedr. vurdering av rasfaren for tilkomstvegen vil vi hevde at store delar av fylkes- og riksvegnettet på Vestlandet er langt meir rasutsett enn øvre del av tilkomstvegen her. Dette kan vere vegar som har ein årsdøgntrafikk på fleire tusen bilar. På denne vegen er ÅDT mindre enn 0,2. Vi vil likevel anbefale at vegen blir bygt slik at eit eventuelt snøras blir leda bort frå vegen. Marin grense: Marin grense er teikna inn på ca. kote 45 på kartet til NVE Atlas. Dette er like under nivået der høgdebassenget er planlagt. I planområdet er det ikkje observert kvikkleire tidlegare, og i området ovanfor dyrkamarka er det berre eit lite lag med lausmasser over fjell. Både vegen og bassenget blir derfor bygt på fast grunn. Terrengformasjoner som utgjer fare (stup etc.). Det er nokre bratte parti i planområdet tilliks med naturområda elles i området. Menneskeskapte fjellskjeringar som er til fare for folk eller dyr vil verte sikra med inngjerding. Fare for overfløyming av lågareliggande område. Tanken vil romme omlag 1000 m3 vatn. Den ligg så langt ovanfor bebyggelsen at lekkasjer vil fordele seg raskt utover dyrkamarka nedanfor og bli samla opp av dei normale avrenningsvegane og overvass-systema i området. Viss heile tanken sprekk i ein periode med maks. nedbør kan det vere fare for vass-skader i lavtliggande kjellaretasjer og liknande. Mangelfull vassforsyning i området. Det er ustabil vassforsyning i heile kommunen no, og dette er bakgrunnen for tiltaket. Når utbygginga etter denne planen er utført vil det medføre at både vassforsyning og tilgang på sløkkevatn vil bli svært bra etter kvart som også vassleidningsnettet i kommunen blir oppgradert. Er tiltaket eit terrormål? Bassenget kan eventuelt verte brukt som terrormål. Dette kan vere slikt som forgifting av drikkevatnet eller sprenging av vasskummen. Tiltaket vil bli sikra og avstengt på same måten som andre slike anlegg i Noreg. Sprenging av tanken vil berre medføre at trykket i vassleidningane i kommunen vil verte ustabilt slik det er i dag. Side 9 av 19

10 5 Beskrivelse av planforslaget Forslag til reguleringskart. Vassforsyningsanlegg, V1: Side 10 av 19

11 Området skal nyttast til høgdebasseng for vassforsyning. Det er planlagt å sette opp ein tank med ca. 15 m diameter. Høgde blir minimum 6 m som blir delvis nedgravd. Sjølve tanken er laga av glasfiber, men den blir kledd med trekledning i ein mørk farge som ikkje viser godt i terrenget. Taket blir truleg pålagt torv slik at den ikkje skjemmer omgivnadane. Det blir elles bygt naudsynte anlegg for tilkomst, parkering m.m. Området blir innegjerda slik at også eventuelle farlege stup blir sikra. Tilkomstveg: Tilkomstvegen ca. innlagt på flyfoto. NB! Løa i traseen er allereie fjerna. Side 11 av 19

12 Vegen er regulert med breidde 4,0 m inkl. skulder på rettstrekningar og slakke kurver og med breidde 5,0 m i kurver med radius mindre enn 60 meter. Vegen vil ligge om lag i terrengnivå i nedre del, men vil få meir skjering og fylling i dei brattare områda i øvre del. Maks stigning er planlagt til 10 % som er grei stigning for denne type veg. Vegen vil få bom, men vil vere open for turgåarar. Lengdeprofil av tilkomstvegen. Friluftsformål: Areala rundt vassforsyningsanlegget er regulert til friluftsformål. Det kan eventuelt utførast tiltak i området for å stoppe eller lede bort snøskred. Området er nytta av turgåarar til fjellet ovanfor. Det går ein sti til dette området frå sørvest. Jordbruk: Dette gjeld 2 mindre område i frisiktsonene ved kommunal veg. Side 12 av 19

13 6 Gjennomføring Det er planlagt å utføre anleggsarbeidet utanom hekkeperioden for hubro som er ca. frå 15. februar til 15. august. Viss handsaminga av reguleringsplanen går raskt håper ein derfor at utbygginga kan bli utført hausten 2016 og første del av vinteren 2016/ Merknader i samband med varsling av oppstart 1. Brev frå Fylkesmannen i Møre og Romsdal, datert : Natur- og miljøvern. Dei øvre delane av området som er planlagt regulert omfattar yngleområde for hubro. Hubro er kategorisert som sterkt truga på Norsk raudliste for artar Planlagt veg vil gjere området meir tilgjengeleg for folk. Hubroen er ekstremt følsam for forstyrring i hekketida, og vil då ofte forlate egg og ungar. Dei anbefaler at kommunen tek stilling til om reguleringsplanen fell inn under kriteria i 4 b i Forskrift om konsekvensutgreiingar, jf. 5 i same forskrift. For planar som kan få vesentlege verknader for miljø og samfunn, skal det også utarbeidast eit planprogram etter reglane i 4-1, jf i PBL. Dei minner elles om at naturmangfaldlova (NML), der ein etter 7 skal legge prinsippa i 8-12 til grunn som retningslinjer ved utøving av offentleg mynde. Det må derfor gå klart fram av planomtalen korleis desse prinsippa er teke omsyn til og vektlagt i vurderinga av saka. Om det i vurderinga av NML 12 kjem fram at det ikkje finst alternative lokaliseringar til høgdebassenget utafor det registrerte yngleområdet for hubroen, bør kommunen vurdere den lokaliteten med minst konflikt til hekkestadane innafor det registrerte området. Dei varslar at om eitt slikt tiltak kjem i konflikt med yngleområdet til ein sterkt truga art, vil Fylkesmannen fremme motsegn mot planen. Kommunen bør også vurdere tiltaket opp mot området sin verdi for friluftslivet. Anleggsvegen bør få ei god estetisk utforming og plassering i terrenget som tar omsyn til eventuelle turstiar. Vegen bør vere stengt med bom for å hindre uønska motorisert ferdsel i utmarka. Kommentar: Sjå kommentarar i kapittel 8 nedanfor. Det har også vore gjennomført eit avklaringsmøte på Molde med representantar frå Sandøy kommune, Møre og Romsdal fylkeskommune og fylkesmannen i Møre og Romsdal. Landbruk. Fylkesmannen vil ikkje gå imot dette utbyggingsområdet, men ber om at vegen blir lagt utanfor dyrka og dyrkbar mark. Dei tre tomtene vil punktere samanhengande dyrka og dyrkbar jord. Kommentar: Vegtraseen er kommentert i kapittel 8. Tomtene er ikkje med i dette planforslaget. Side 13 av 19

14 2. Brev frå Møre og Romsdal fylkeskommune, datert : Automatisk freda kulturminne. Området har potensiale for ikkje kjende automatisk freda kulturminne frå metallbrukande tid. Dei ynskjer derfor å gjennomføre ei arkeologisk registrering i delar av planområdet, og gjer merksam på at planen ikkje kan eigengodkjennast før registreringa er gjennomført og området eventuelt frigitt etter kulturminnelova. Kommentar: Kommunen har sendt over plankartet og bestilt arkeologisk registrering. Kulturminne frå nyare tid. Fylkeskommunen kjenner ikkje til slike kulturminne som kan kome i konflikt med planarbeidet. Planfagleg vurdering. Dei skriv at arealet som er planlagt til bustader er uavklart i handsaminga av arealplanen, men er vurdert å ha negative konsekvensar i konsekvensutgreiinga. Planarbeidet skal beskrive verknader av planforslaget. Ein bør gå nærare inn på verknader av bustader for eksisterande og ønskt busetnadsstruktur ved Myklebust og for landbruksdrifta i området. Dei ser elles at det som naturleg at ein beskriv mogelege alternativ for høgdebasseng, og grunngjevinga for at det aktuelle området er valt for vidare arbeid. Kommentar: Ettersom traseen for tilkomstvegen er endra berører ikkje denne planlegginga området som var aktuelt til bustader. I den godkjente arealdelen av kommuneplanen er dette bustadområdet ikkje medteke. Vurdering av alternative plasseringar av høgdebassenget er omtala i kapittel 8 Verknader av planforslaget. 3. Brev frå Statens vegvesen, datert : Statens vegvesen har ikkje merknader til planlagt arealbruk. Atkomst til området skjer over kommunal veg. Dei anbefaler at kryssutforming og atkomstvegar blir utforma iht. krava i handbok N100. Kommentar: Vi har prøvd å imøtekome desse råda frå Statens vegvesen. 4. Brev frå Ole Harald Myklebust, datert : Han er grunneigar i området som vart varsla å kunne nyttast som tilkomstveg. Han er i mot at dyrka mark blir brukt til vegbygging, og vil ha forsikringar om at vegen ikkje blir brukt til anna enn tilkomst til høgdebasseng og hyttetomter. Side 14 av 19

15 Kommentar: Denne grunneigaren blir ikkje berørt av reguleringa slik den no ligg føre. Det er elles vanskeleg å unngå at ein del av tilkomstvegen går over dyrka mark. Vegen skal berre nyttast til tilkomst til høgdebassenget, og skal stengast med bom. Den blir open for turgåarar og nedre del kan eventuelt også nyttast som jordbruksveg og tilkomst til utmarka av grunneigarane og den som brukar jorda. 8 Verknader av planforslaget. Planen gjeld regulering av areal til høgdebasseng for vassforsyninga til Sandøy kommune. Den lange tilførselsleidninga frå Brattvåg gjer at vassforsyninga i kommunen har svært variabelt trykk gjennom dagen som varierer med forbruket i andre delar av forsyningsområdet. Forsyninga er dessutan svært sårbar ved at eit brot på tilførselsleidninga straks stopper vassforsyninga inkl. sløkkevassforsyninga i heile kommunen. Det planlagte høgdebassenget vil stabilisere trykket og medføre at kommunen har ein reserve på 2-3 dagars forbruk i magasinet. Eventuell konsekvensutgreiing og planprogram: Området til vassforsyningsanlegg er i samsvar med nyleg vedteken arealdel av kommuneplanen. Området er justert litt vestover på grunn av at berekning av gunstigaste kotehøgde for bassenget har blitt ca. 15 meter lågare enn tidlegare antatt. Plasseringa av område til dette føremålet vart grundig vurdert i samband med utarbeidinga av arealplanen, og vil derfor ikkje utløyse krav om konsekvensutgreiing eller planprogram. Alternative lokaliseringar: Kommunen har prøvd å finne alternative lokaliseringar utan å finne noko alternativ som høver i særleg stor grad. Den valgte lokaliseringa er derfor no blitt ein del av vedteken arealdel av kommuneplanen. Tilgrensande område: Planområdet ligg ved Rekhaugen ved fjellfoten søraust for Blåhammaren/ Vetle Harøyburet på Myklebust i Sandøy kommune. Mot sør ligg jordbruksareal mellom fjellfoten og kommunal veg. Eksisterande naturformer: Terrenget i planområdet for høgdebassenget består av skrånande terreng med eit tynt lag av jordmasser over fjell og noko bart fjell. På området der høgdebassenget er tenkt plassert er det eit flatare parti på skråninga opp mot Rekhaugen. Vegetasjonen består for det meste av lyng, einer og lave busker. ROS-analyse: ROS-analyse er utført. Sjå kommentarane under punkt 4 ang. nokre tema. Barn og unge sine interesser: Side 15 av 19

16 Det regulerte området er primært eit anlegg for vassforsyning slik at området ikkje er aktuelt som opphaldsareal for barn og unge. Friluftsinteresser og tilgjenge for allmenta: Etablering av veg til Rekhaugen vil føre til lettare tilkomst også for turgåarar til området. I dag er det ei etablert rås frå vest oppover til området ved dei to bekkane på vestsida av høgdebassengområdet. Ettersom det ikkje er ynskjeleg med auka turgåing i området på grunn av nærleiken til ein hubrolokalitet vil tilkomstvegen bli stengt med bom for å hindre unødig motorisert ferdsel, og det vil heller ikkje bli tilrettelagt med parkeringsareal i området nedanfor bommen. Høgdebasseng og tilkomstveg: Planen medfører planering av areal til høgdebasseng, veg og oppstillingsplass. Dette vil bli utført så skånsomt som mogeleg slik naturen rundt ikkje blir skada. Anlegga vil bli bygt og fargesett slik at dei ikkje skjemmer omgivnadane. Tanken blir dessutan plassert ved eit høgdedrag slik at ein unngår siluettverknad. Det er innteke i føresegnene at vasstanken skal kledast med treverk i ein mørk naturfarge, og det blir truleg lagt torv på taket for å sikre at anlegget ikkje verkar skjemmande i terrenget. Høgdebassengområdet vil få tilkomst frå kommunal veg. Første del av vegen blir felles med tilkomstvegen til bustadhuset på gbnr. 14/36. Vegen vidare opp til fjellfoten kan også nyttast til driftsveg for bruket inkl. tilkomst til utmarka deira. Vegen vidare opp til høgdebassenget vil ikkje vere tilgjengeleg som køyreveg for andre enn dei som skal drive tilsyn og vedlikehald med høgdebassenget. Vegen vil følgje terrenget mest mogeleg for å unngå store fyllingar og skjeringar, men i nokre bratte parti vil det bli litt større naturinngrep for å sikre køyrbare stigningstilhøve. Områda langs vegen skal tilstellast slik at det blir minst mogeleg sår i naturen, og eventuelle farlege stup må sikrast med gjerde. Verknader for jordbruk: Tilkomstvegen deler opp eit jordbruksområde. Dette er likevel den kortaste løysinga på tilkomstvegen som uansett må passere over noko dyrka og dyrkbar jord. Første del av vegen er felles med tilkomstveg til bustadhuset. Derifrå går vegen ca. 115 meter over dyrka mark til utmarka. Denne delen av vegen kan også nyttast av dei som driv garden til jordbruksveg og tilkomst til utmarka. Vi trur derfor ar dette ikkje medfører større problem for gardsdrifta. Vegen vil heller ikkje bli nytta så mykje at det blir til hinder for gardsdrifta. Det kan vere snakk om ca. eit tilsyn med anlegget pr. veke. Natur- og miljøvern: 1. Naturmangfaldlova: 7.(prinsipper for offentlig beslutningstaking i 8 til 12) Prinsippene i 8 til 12 skal legges til grunn som retningslinjer ved utøving av offentlig myndighet, herunder når et forvaltningsorgan tildeler tilskudd, og ved forvaltning av fast eiendom. Vurderingen etter første punktum skal fremgå av beslutningen. 8.(kunnskapsgrunnlaget) Side 16 av 19

17 Offentlige beslutninger som berører naturmangfoldet skal så langt det er rimelig bygge på vitenskapelig kunnskap om arters bestandssituasjon, naturtypers utbredelse og økologiske tilstand, samt effekten av påvirkninger. Kravet til kunnskapsgrunnlaget skal stå i et rimelig forhold til sakens karakter og risiko for skade på naturmangfoldet. Myndighetene skal videre legge vekt på kunnskap som er basert på generasjoners erfaringer gjennom bruk av og samspill med naturen, herunder slik samisk bruk, og som kan bidra til bærekraftig bruk og vern av naturmangfoldet. 9.(føre-var-prinsippet) Når det treffes en beslutning uten at det foreligger tilstrekkelig kunnskap om hvilke virkninger den kan ha for naturmiljøet, skal det tas sikte på å unngå mulig vesentlig skade på naturmangfoldet. Foreligger en risiko for alvorlig eller irreversibel skade på naturmangfoldet, skal ikke mangel på kunnskap brukes som begrunnelse for å utsette eller unnlate å treffe forvaltningstiltak. 10.(økosystemtilnærming og samlet belastning) En påvirkning av et økosystem skal vurderes ut fra den samlede belastning som økosystemet er eller vil bli utsatt for. 11.(kostnadene ved miljøforringelse skal bæres av tiltakshaver) Tiltakshaveren skal dekke kostnadene ved å hindre eller begrense skade på naturmangfoldet som tiltaket volder, dersom dette ikke er urimelig ut fra tiltakets og skadens karakter. 12.(miljøforsvarlige teknikker og driftsmetoder) For å unngå eller begrense skader på naturmangfoldet skal det tas utgangspunkt i slike driftsmetoder og slik teknikk og lokalisering som, ut fra en samlet vurdering av tidligere, nåværende og fremtidig bruk av mangfoldet og økonomiske forhold, gir de beste samfunnsmessige resultater. Kommunen har vurdert alle desse punkta vedr. både arealplanen og denne planlegginga. Der er ikkje vernestatus innanfor området verken for planter, leveområde eller dyr. Det er heller ikkje spesielle landskapselement eller naturtypar som går utover reguleringsgrensene. Sjekk i Naturbasen til Direktoratet for naturforvalting avklarar at det ikkje er registrert nokon prioriterte artar, truga artar eller utvalde/trua naturtypar på sjølve planområdet. Det er derfor ikkje grunn til å tru at tiltaket vil påverke trua eller verdfulle artar eller naturtypar. Side 17 av 19

18 Det er ein lokalitet for hekkande hubro på nordsida av planområdet. Dette er kommentert i punktet nedanfor. 2. Yngleområde for hubro: Fylkesmannen i Møre og Romsdal har i «Fråsegn til kommuneplan arealdelen 2. gongs offentleg ettersyn», datert skreve denne kommentaren til fråsegna som vart gitt i brev av til oppstart av reguleringsplan for høgdebasseng på Myklebust: «Fylkesmannen har sidan dette vedtaket vart fatta fått nærare kunnskap om at det ikkje er direkte konflikt mellom plassering av høgdebassenget og yngleområdet for hubro. På same tid vart det registrert suksessfull yngling på Harøyburet seinast i Harøyburet er eit særs viktig område for hubro, som berre hekkar ved et fåtal lokalitetar i fylket vårt. Det er difor viktig at ein framtidig anleggsfase blir lagt utanom hekketida, frå midten av februar til midten av august. Vi har motsegn til planen på dette punktet til dette er tatt inn i føresegnene.» Det er innteke eit punkt i føresegnene om at anleggsfasen må leggast utanom hekketida for hubro. Kulturminne: Møre og Romsdal fylkeskommune vil utføre ei arkeologisk registrering i delar av planområdet. Kommunen har bestilt denne registreringa, og den vil bli utført så snart dei har tid til dette. Hovudvassleidning: Det er planlagt å legge 2 stk. vassleidningar i tilkomstvegen opp til høgdebassenget. Det blir truleg lagt 280 mm pe-leidningar både som tilførselsleidning og returleidning ut til abonnentane. Det blir såleis ikkje behov for å utføre anleggsverksemd utanfor områda som er regulert til vassforsyningsanlegg og tilkomstveg. Planlagt trase er vist på vedlagte oversiktsteikning, teikning Avsluttande kommentar. Denne reguleringa vil legge grunnlag for etablering av eit høgdebasseng som vil sikre meir stabil vassforsyning i heile Sandøy kommune både mhp. forsyningssikkerheit og nok trykk til forbruk og sløkkevatn. Plasseringa av anlegget har vore planlagt heilt frå tilførselsleidninga frå fastlandet vart bygt på talet. Kommunen har seinare vurdert nøye om det føreligg gode alternative plasseringar utan å finne slike. Dei håper derfor at handsaminga går greitt slik at utbygginga kan kome i gong rett etter slutten på hekkeperioden for hubro hausten Side 18 av 19

19 10 Vedlegg 1. Plankart, teikn. nr Plankart med innlagt trase for vassleidning, teikn. nr Lengdeprofil tilkomstveg, teikn. nr D1. 4. Tverrprofil av tilkomstveg. 5. Reguleringsføresegner. 6. Sjekkliste ROS-analyse. 7. Merknader i samband med varsling av planoppstart. Side 19 av 19