Gaupne sentrum stadanalyse

Transkript

1 Gaupne sentrum stadanalyse Tilbodsdokument

2 INVITASJON TIL Å GJE TILBOD PROSJEKTOMTALE Analyseområdet Tilhøvet til arealdelen i kommuneplanen Innhald i stadanalysen Prioriterte tema Identitetsskaping Sentrumsutvikling Overordna utbyggingsretningar Trafikkmønster Møteplassar Møblering Nærheit til fjorden Industriområda Gaupnegrandane og Røneidsgrandane Planlagde utbyggingsprosjekt Prosjektorganisering Tidsrammer Tilbodssynfaring OMFANG AV TILBODET Prosess Møter Luster kommune Innlevering av dokument: KRAV TIL TILBODET Innhald i tilbodsdokumentet Tilbodsreglar AVSLUTTING AV KONKURRANSEN Framdrift og tidsfristar: TILDELING Val av tilbod tildelingskriterium (jfr. FOA 13-2) Val av tilbydar KONTAKTINFORMASJON Tilbodsdokument Side 2 av 16

3 INVITASJON TIL Å GJE TILBOD Luster kommune skal utarbeida stadanalyse for Gaupne sentrum som er kommunesenteret i Luster, og inviterer med dette til å gje tilbod på utarbeiding av stadanalysen. Hovudmålsetjinga med analysen er å få utarbeidd ein strategi for framtidig utvikling og styrking av Gaupne som kommunesenter i Luster kommune. Luster kommune sitt mål er å få utarbeidd ein stadanalyse som: trekkjer opp langsiktige utviklingslinjer skal vera med og utvikla eit kommunesenter som skal styrka kommunen sin profil innan kultur- og naturbasert næringsutvikling skal vera med å styrka merkevare- og omdømebygginga av heile Luster har gode estetiske kvalitetar er funksjonell skal nyttast i seinare arbeid med reguleringsplanar og kommuneplanarbeid skal nyttast som rettleiar i fysisk oppgradering av kommunale anlegg skal stå i forhold til eit realistisk kostnadsnivå Kjernen i analysen bør vera å gjera grep som gjev bygda rom for vekst og samstundes tek vare på småskala-tettstaden som karakteriserer Gaupne. For dette ynskjer kommunen å engasjera planleggjarar som er kvalifisert innafor dei aktuelle områda og som kan dokumentera tidlegare praksis frå tilsvarande prosjekt. Tilbodsdokument Side 3 av 16

4 1. PROSJEKTOMTALE 1.1 Analyseområdet Analyseområdet er avgrensa til det visuelle landskapsrommet kring Gaupne. Bygda som i stor grad ligg på ei elveslette, vender seg mot fjorden i sør og er omkransa av bratte og høge fjell. Gaupne er ein ung tettstad. Etter kommunesamanslåinga mellom Hafslo, Jostedalen og Luster kommunar i 1964, vart det bestemt at nytt rådhus skulle plasserast i Gaupne. På denne tid var Gaupne ei ope jordbruksbygd med Røneid som den sentrale møteplassen med butikk og hotell og Gaupne gamle kyrkje som eit landemerke. Etter samanslåinga har Gaupne utvikla seg til å verta den sentrale tettstaden i kommunen med fleire viktige offentlege tilbod: ungdomsskule, sjukeheim, kommuneadministrasjon og tilrettelagde næringsområde. Etter kraftutbyggingar og utfylling av Gaupne- og Røneidsgrandane har det vorte tilrettelagt for større og mindre industri / næringsverksemd ved fjorden. Luster er kjend både for Urnes stavkyrkje som står på UNESCO si verdsarvliste og som Nasjonalpark-kommune. I løpet av 2009 vil det vera i alt 3 nasjonalparkar i kommunen. 1.2 Tilhøvet til arealdelen i kommuneplanen I arealdelen i kommuneplanen (vedteken desember 2008 sjå ) er det bestemt at det skal utarbeidast stadanalyse som grunnlag for vidare utvikling av Gaupne sentrum. Arbeidet er også teke inn i planleggingsprogrammet Tilbodsdokument Side 4 av 16

5 Bakgrunn for planarbeidet (frå arealdelen): Gaupne har som kommunesenter for Luster hatt ei rask utvikling. Området ber noko preg av ein utflytande arealbruk. For innbyggjarane i Luster er det viktig å vidareutvikla Gaupne som eit attraktivt kommunesenter. Eit attraktivt kommunesenter er også viktig for tilflytting til heile kommunen. Analysen skal ha eit langsiktig perspektiv som trekkjer opp korleis kommunesenteret skal utvikla seg m.o.t. både sentrumsfunksjonar, butilbod, trafikk og parkering. Stadanalysen skal også gje grunnlag for ei fysisk oppgradering av sentrumskjernen. Dersom det er nødvendig skal analysen også ta opp spørsmålet om turvande reguleringsendringar. Gaupnegrandane: Stadanalysen skal greia ut om / korleis Gaupne kan opnast meir mot fjorden. Areal til småbåthamn med tilhøyrande anlegg må avklarast i denne analysen. Investeringsbudsjettet for 2009/økonomiplan Det skal i 2009 setjast i verk stadanalyse for Gaupne. Det skal spesielt sjåast på trafikale forhold frå gamle Røneidsbru, Øyagata, og inn til Rv 55, område frå E-verksbygget langs Engjadalselvi til sjøen med tanke på bustadbygging og handel samt generell sentrumsopprusting. Vidare skal plass til småbåthamn vurderast. Andre ting som rådmannen finn nødvendig å ta inn kan han ta med 1.3 Innhald i stadanalysen Utgangspunktet for analysearbeidet skal vera landskapsrommet i Gaupne og så innskrenka det til prioriterte område. Det skal leggjast stor vekt på nosituasjonen og skildring av framtidige løysingar. Stadanalysen skal ikkje leggja for stor vekt på fortida i form av historiske linjer. Analysen skal trekkja opp langsiktige utviklingslinjer og stå i forhold til eit realistisk kostnadsnivå. Det må ikkje leggjast grunnlag for at det vert skapt urealistiske forventingar i høve til gjennomføringsevne. Målsetjing Målsetjinga for arbeidet skal vera å få eit godt grunnlag for vidare utvikling og styrking av Gaupne som kommunesenter. Kjernen i ein analyse bør vera å gjera grep som gjev rom for vekst og samstundes tek vare på småskala-tettstaden som karakteriserar Gaupne. Utforming av analysen Analysen kan / skal vera beskrivande og visa skisseløysingar både på detalj- og overordna nivå. Stadanalysen skal nyttast: som strategi for framtidig sentrumsutvikling i seinare arbeid med reguleringsplanar og kommuneplanarbeid som rettleiar i handsaming av einskildsaker som byggje- og delesaker og fysisk oppgradering av kommunale anlegg Tilbodsdokument Side 5 av 16

6 1.4 Prioriterte tema I stadanalysen vil Luster kommune prioritera fylgjande tema: Identitetsskaping Stadanalysen skal kunna nyttast som grunnlag for å styrka Gaupne sin identitet som kommunesenter i Luster med utgangspunkt i dei natur- og kulturkvalitetane kommunen har. M.a. er det i dag lite som signaliserer overfor dei som køyrer RV 55 at dei er komne til kommunesenteret i Luster kommune. Det bør utarbeidast skisser for korleis dette kan løysast Sentrumsutvikling Utviklinga av Gaupne sentrum har vore prega av kjensler om at her har vore nok arealressursar. Dette gjeld areal både til sentrumsfunksjonar, bustadbygging og trafikk. Under arbeidet med arealdelen kom det i samband med 1. gongs offentleg ettersyn, i alt 9 motsegner på arealbruken i Gaupne sentrum. Dei fleste var knytt til omdisponering av dyrka mark til bustadbygging og låg arealutnytting. Dette har ført til auka fokus på utbyggingsstrategiar og vidare sentrumsutvikling. Utfordringa i analysen vert å finna gode løysingar for vidare utbygging innafor det definerte sentrumsområdet. Dette kan gå både på fortetting og bygging i fleire høgder Overordna utbyggingsretningar Utbyggingsretning for komande år er fastlagt i kommuneplanen sin arealdel, men kommunen ynskjer at analysen set fokus på framtidige utbyggingsretningar sett i eit tidsperspektiv på år. Rasfare og flaumutsette område avgrensar utbyggingsmogelegheitene i kommunesenteret i tillegg til omsynet til dyrka mark og kulturminne. I ein strategi for framtidig utbygging må det m.a. leggjast vekt på areal til: Bustadbygging Privat tenesteyting Offentlege tilbod (oppvekst, helse, kultur m.m.) Trafikkmønster Med utgangspunkt i overordna utbyggingsretningar skal det skisserast løysingar for det overordna trafikkmønsteret i analyseområdet. RV 55 Ny Rv 55 i Gaupne var ferdig i 1966 og vart då lagd utafor det planlagde sentrumsområdet. Vegen står i dag fram som ein barriere mellom sentrum og industriområdet /fjorden. Fartsgrensa i området er 70 km og det er ikkje etablert fotgjengarfelt over RV 55. Luster kommune har utarbeidd reguleringsplan for rundkøyring i området, men Statens vegvesen har ikkje planar for ombygging av veganlegget. Mange fotgjengarar går langsmed RV 55 spesielt born og unge og Luster kommune har vedteke å setja i gang bygging av gang og sykkelveg i 2010 langs Rv 55 frå Sandvik Sør (byggjefelt) til Gaupne sentrum. Det skal vidare utarbeidast reguleringsplan for vidareføring av gangvegen til elva Jostedøla. Øyagata Tilbodsdokument Side 6 av 16

7 Øyagata er den gamle hovudvegen gjennom Gaupne. I dag er han tilførselsveg til fleire bustadområde, skular, sjukeheim og ny barnehage og bustadfelt som er under planlegging i Bukti. Det er bustadhus på både sider av vegen og det er opparbeid fortau fram til sjukeheim / skuleområde. Herifrå og fram til Bukti og Røneidsbrua er det ikkje areal til fotgjengarar og syklistar. Når ny barnehage står ferdig i 2011 vil dette medføra eit nytt trafikkmønster i området. Vegen er ikkje dimensjonert for ei vesentleg auka trafikkmengde. Analysen bør skissera framtidige løysingar som imøtekjem dei nye behova i området. Røneidsbrua Den gamle brua over elva Jostedøla har vore eit sentralt landskapselement i bygda. Brua har 2 tonns akseltrykk og har ei breidd på 2,5 m. Ho vert mykje nytta av gåande og syklistar som eit samband mellom sentrum og busetnad på Røneidsida. Brua er ikkje dimensjonert for å ta opp auka trafikk som fylgje av utbyggingar i det aktuelle området. Trafikk og parkering Gaupne sentrum har god kapasitet på parkeringsplassar. Kapasitet og struktur på lokalisering av parkeringsanlegg bør vurderast i analysen Møteplassar I sjølve sentrumsområdet bør det vurderast å skapa attraktive møteplassar. Kommunen ynskjer spesiell fokus på tilrettelegging av møteplassar retta mot born. Overordna park- og grønstruktur Analysen bør også ha fokus på den overordna park- og grønstrukturen i sentrumsområdet. I dette ligg også ferdselsvegar i grøntområde som ligg utanom det ordinære trafikksystemet. Tusenårsstaden Parken" Luster sin tusenårsstad er Parken er etablert som eit frilufts- og sceneområde sør for RV 55 på Grandane. Visjonen har vore å byggja opp eit tiltalande rekreasjonsareal, og tilbod til born og unge er størst vektlagt. Det er bygd ein mindre undergang for gåande under RV 55 mellom skuleområdet og Parken. Utfordringa er å finna ei god løysing som knyter området sterkare til sentrum Møblering Analysen bør skissera framtidige prinsippløysingar på møblering av uteanlegg. Dette gjeld m.a. Ljossetjing Skilting Sitjeplassar Fargesetjing Planting Materialbruk og fargesetjing Tilbodsdokument Side 7 av 16

8 1.4.7 Nærheit til fjorden Gaupne til liks med mange andre stader vende ryggen til fjorden i utviklinga av eit nytt kommunesenter. Auka fokus på tilgang til strandnære område for ålmenta gjer seg også gjeldande for Gaupne. I dag står RV 55 og industrietableringane på Gaupne- og Røneidsgrandane, fram som ein barriere mellom busette område / sentrum og fjorden. I samband med industrietableringa vart det bygd ein industrikai på Gaupnegrandane. Denne er pr i dag lite brukt, men kommunen ser det som viktig at evt. nye tiltak ikkje kjem i konflikt med det langsiktige arealbehovet ein industrikai kan ha for regionen. Analysen skal vurdera korleis ein kan auka ålmenta sin tilgang og bruk av strand- og fjordnære område i Gaupne. Tiltak som skal særskildt vurderast er: A Bustadbygging Det skal vurderast kva eigenskapar og utfordringar området Gaupnegrandane / Engjadalselvi har for bustadbygging, og evt. skisserast korleis dette kan løysast. B Småbåthamn Gaupne båtforeining har dei siste åra hatt ein midlertidig leigeavtale om bruk av areal i industrikaiområdet. Dei ynskjer ei langsiktig ordning for si verksemd i området. Båtforeininga har i tillegg eit mindre område på austsida av elvelaupet Industriområda Gaupnegrandane og Røneidsgrandane Dei to industriområda ber preg av ein utflytande arealbruk. Båe områda er sentrale blikkfang for køyrande på RV 55 og pregar med dette inntrykket besøkjande kan få av kommunesenteret. Analysen bør vurdera korleis området kan strammast opp med t.d. skjerming ved hjelp av grønstrukturar eller anna. 1.5 Planlagde utbyggingsprosjekt Det er under planlegging tre større prosjekt i sentrumsområdet som analysen må ta omsyn til: Luster bad - nytt badeanlegg Barnehage, Bukti Gangveg langs Rv 55 Utsikt mot Gaupnegrandane frå Engjadalsvegen Tilbodsdokument Side 8 av 16

9 1.6 Prosjektorganisering Politisk styringsgruppe Prosjektansvarleg: Prosjektleiar: Prosjektgruppe: Luster kommune: Referansegruppe: Statens vegvesen Sogn og Fjordane Fylkeskommune Næringslivet i Gaupne Ungdommens kommunestyre Andre Formannskapet Luster kommune v/ rådmann plansjef Kommuneplanleggjar. Prosjektleiar Plansjef Teknisk forvaltning Planleggjar - eigedom 1 representant 1 representant 1 representant 1 representant 1.7 Tidsrammer Luster kommune tek sikte på å starta med oppgradering av Gaupne sentrum i 2011 og legg til grunn fylgjande tidsrammer. Tilbodsinnbyding: Utlysing Juni 2009 Tilbodsfrist Tysdag 1. september 2009 Evaluering, forhandlingar og tildeling September 2009 Stadanalyse: Utarbeiding av plan Handsaming i kommunestyret: Oktober februar April 2010 (oppfylgjande tiltak) 1.8 Tilbodssynfaring Det vert gjennomført tilbodssynfaring i planområdet med aktuelle tilbydarar: Tysdag 11. august kl Oppmøte ved hovudinngangen til Rådhuset i Gaupne. Dokumenterte reisekostnader for 1 person pr verksemd i samband med tilbodssynfaringa vert dekka med inntil kr 5000,-. Føresetnad for kostnadsdekkinga er komplett tilbod frå kvalifisert tilbydar som vert levert innan fastsett tilbodsfrist. 2 OMFANG AV TILBODET Tilbodet skal omfatta m.a. desse oppgåvene: a. Utarbeiding av komplett stadanalyse Gaupne sentrum med tilhøyrande tekstdel, kart, illustrasjonar m.m. med fokus på dei tilhøva som er omtalt i del 1.4. b. I tillegg kan tilbydar også koma med framlegg til andre forhold dei meiner er viktig for ein slik analyse. Tilbodsdokument Side 9 av 16

10 Luster kommune legg til grunn at førespurde tilbydarar har erfaring med slikt arbeid som her vert førespurd, og føreset såleis at tilbodet inneheld alle aktuelle arbeidsoppgåver som naturleg ligg til slikt arbeid. 2.1 Prosess Det vert lagt stor vekt på å orientera politikarane om prosjektet undervegs i prosessen i form av temaøkter/møter i formannskap og kommunestyre. Når det gjeld involvering og engasjement frå lokalsamfunnet og næringslivet ynskjer me framlegg til korleis dette kan gjerast. Fokus retta mot born og unge er av spesiell interesse. Det skal gå fram av tilbodet korleis tilbydar ynskjer å gjennomføre prosjektarbeidet. (trinninndeling: førearbeid, registrering, utgreiing og skissefase, etc.). Dersom det er arbeid utover det som er nemnt ovanfor som tilbydar ser som sannsynleg eller viktig for prosessen, ynskjer ein at desse arbeida vert oppført med opsjonsprisar. 2.2 Møter Tilbydar må ta høgde for, saman med Luster kommune, å stilla til møte og synfaring i samband med oppstart, drøftingar og presentasjonar av prosjektet. Tilbodet skal omfatta eit oversyn over alle aktuelle møte og innarbeidast i tilbodet, og dette omfattar møte med: Prosjektleiing / administrasjon i kommunen Politikarar Ålmenta Næringsverksemder 2.3 Luster kommune Luster kommune vil i arbeidet stilla dette materialet til disposisjon: Kartgrunnlag levert på SOSI-format Arealdelen: kart i sosi format Gjeldande reguleringsplanar for området (SOSI-format der dette finst). Bildemateriale frå Luster kommune sitt bildearkiv til bruk i stadanalysen. Ortofoto Utover dette vil Luster kommune stilla nødvendig materiale til disposisjon etter førespurnad. 2.4 Innlevering av dokument: Desse dokumenta skal leverast Luster Kommune på PDF-fil, og vert Luster kommune sin eigedom: Oversiktskart, situasjonskart, detaljkart Skisser Omtalar / skildringar Tilbydar må sjølv ta høgde for naudsynt arbeid og utarbeiding av naudsynte dokument. Arbeidet med stadanalysen kan reknast som avslutta når analysen er levert Luster kommune. Tilbodsdokument Side 10 av 16

11 3 KRAV TIL TILBODET 3.1 Innhald i tilbodsdokumentet Tilbydar skal levera følgjande dokument, nummerert og innan tilbodsfristen går ut: 1. Tilbodsbrev som er datert og signert av tilbydar. 2. Informasjon om verksemda. Tilbydar sitt namn, adresse og organisasjonsnummer. 3. Framdriftsplan 4. Bemanning for dette oppdraget (organisasjonsplan) med namn og CV for dei personane som skal utføra oppdraget. Det er eit ynskje at tilbydd bemanning har og kan dokumentera kompetanse på stadanalyse. 5. Verksemda sine referansar for liknande prosjekt, inkludert deira verdi, ferdigstilling og oppdragsgjevar. 6. Skatte-/meirverdiattest frå kemner/kommunekasserar i entreprenøren sin kommune og frå fylkeskattekontoret. Ikkje eldre enn 6 mnd. 7. HMT-dokumentasjon som viser at tilbydar følgjer og har eit system som stettar krava i internkontrollforskrifta. jfr. FOA Kor stor del av kontrakten som det er føresett å overdra til underleverandørar. 9. Oppsett for prosjektmateriale som det er føresett å levera, jf. pkt Oversikt over firmaet si totale bemanning. 3.2 Tilbodsreglar Luster kommune legg til grunn at Lov om offentleg anskaffing gjeld og regelverket for Forskrift om offentleg anskaffingar del II, vert lagt til grunn for denne konkurransen. Kontraktform Fast pris etter NS8401, eller etter medgått tid, men med ei øvre ramme etter NS Tilbodssum Pristilboda skal visa øvre kostnadsramme for arbeida og det skal gå klart fram kva som evt kjem i tillegg og prisar for dette (t.d. reise, porto, kopiering, tlf. m.m.). Luster kommune kan be om utfyllande dokumentasjon dersom ein finn det naudsynt for val av tilbydar. Ansvar for at prosjektet / tilbodet er tilstrekkeleg skildra ligg til tidbydar. Tilbodsskjema Tilbodsprisar/-sum skal oppgjevast i vedlagde skjema (A1). Dersom tilbydar ynskjer å gje detaljspesifikasjon og prisar ut over det som går fram av skjemaet, skal dette identifiserast og oppgjevast i tilbodsbrevet eller i eige skjema. Prisar Luster kommune ynskjer tilbod på fastpris. For honorar etter fastpris skal også alt kontorhald og internkopiering inngå. Som internkopiering gjeld også kopiering for bruk i prosjektgruppa. Anna kopiering vert godtgjort og prisar for dette skal oppgjevast i tilbodsbrevet. Tilbodsdokument Side 11 av 16

12 I tillegg skal all køyring, reiser og diett vere inklusive i fastpris. Det skal i tilbodet inkluderast 6 reiser til Gaupne i planleggingsperioden. Endelig reisekostnad vil bli avrekna etter tal reiser totalt når prosjektet vert avslutta, og komplett reisekostnad for ei reise tur-retur skal difor òg oppgjevast som eigen fastsum i tilbodsskjemaet (A1). Alternative tilbod Det er ikkje høve til å gje alternative tilbod. Tilbod på deler av oppdraget Tilbydar skal tilbod på alle delprosjekt som samla dekkjer heile oppdraget. Alternative fristar Det er høve til å gje tilbod på alternative fristar for gjennomføring av oppdraget. Skifte av personale Det er ikkje høve til å skifte ut oppsett bemanning utan at dette vert godkjent av oppdragsgjevar på førehand. Endring av bemanning utan godkjenning kan føra til oppseiing av kontrakt utan at det gjev tilbydar rett på nokon økonomisk kompensasjon. 4 AVSLUTTING AV KONKURRANSEN 4.1 Tilbodsbrev Tilbodsbrev og tilbodsskjema skal innleverast i utfylt stand, og både tilbodsbrevet og tilbodsskjemaet skal være datert, underskreve og vera stempla med firmaet sitt namn. Dersom det føreligg motstridande opplysningar i tilbodsskjemaet og i tilbodsbrevet, er det opplysningane i tilbodsbrevet som gjeld. 4.2 Tilbodet skal sendast / leverast til: Luster kommune v/ Planavdelinga Rådhuset 6868 Gaupne Tilbodet skal leverast i lukka konvolutt, merka Stadanalyse Gaupne Innan tysdag Framdrift og tidsfristar: Tilbodsopning / frist: Tysdag 01.september, kl Rådhuset, Gaupne Evaluering, forhandlingar og tildeling: Veke Dersom tilbydar vel å senda tilbodet per post er tilbydar sjølv ansvarleg for at tilbodet når fram innan fristen. Tilbod som vert levert etter fristen, vert avvist. Det vert lukka tilbodsopning. / Tilbydar har ikkje høve til å delta under tilbodsopninga. Tilbodet er bindande i 90 dagar frå tilbodsdato. Tilbodsdokument Side 12 av 16

13 5 TILDELING 5.1 Val av tilbod tildelingskriterium (jfr. FOA 13-2) Luster kommune vil i samband med vurdering og tildeling av tilboda leggja vekt på kva tilbod som er det økonomisk mest fordelaktige, basert på fylgjande vektlagde kriterium: 1 Tidlegare arbeid med stadanalysar, med referansar frå tidlegare oppdragsgjevarar (jfr. pkt 3.1 nr 4 og 5). Her vil spesielt tilbydde sakshandsamarar sine tidlegare erfaringar og verksemda sine referansar frå liknande prosjekt verta vektlagt. 20% 2 Tilbydd pris på komplett stadanalyse: 40% 3 Forståing av tilbodet: Her vert det lagt vekt på at tilbydar har forstått oppdraget og at tilbodet er i samsvar med det arbeidet kommunen etterspør og ynskjer å få utført (forventar) jfr 1.3 og Leverings og ferdigstillingsdato: Tilbydar må stadfesta om oppsett framdriftsplan i pkt. 1.7 er realistisk i forhold til det aktuelle arbeidet som skal utførast, eventuelt må tilbydar levera justert framdriftsplan som skal leggjast til grunn, jf. pkt 1.7og 3.1 nr 3. 5 Prosessarbeid: Vektlegging av ålmenta sin medverknad i prosessen jfr % 15% 5% 5.2 Val av tilbydar Luster kommune har rett til å forhandle med ein eller fleire av tilbydarane før det endelege valet vert gjort. Val av tilbydar vil bli sendt alle tilbydarane skriftlig, med grunngjeving for val av tilbyder, jfr. FOA Avviste og forkasta tilbod vil ikkje verta returnert. Atterhald: Luster kommune har rett til å avslutta / avbryta arbeidet om Luster kommune ynskjer det. 6 KONTAKTINFORMASJON Dersom De har spørsmål til prosjektet eller denne førespurnaden, ta gjerne kontakt med underteikna kontaktperson: Torunn Løne Vinje telefon E-post torunn.lone.vinje@luster.kommune.no Luster kommune vonar at De finn prosjektet av interesse, og at De har høve til å gje oss eit tilbod på arbeidet. Vedlegg: 1. A1 Tilbodsskjema med samandrag fastpris 2. Omtale Luster kommune Tilbodsdokument Side 13 av 16

14 Vedlegg 1 A1 Tilbodsskjema med samandrag FASTPRIS Nr (jfr tilbodsdokument) DELPROSJEKT Timar Kostnad Identitetsskaping Sentrumsutvikling Overordna utbyggingsretningar Overordna trafikkmønster Møteplassar / parkar Møblering a Bustadbygging Gaupnegrandane / Engjadalselvi b Småbåthamn Industriområda 2.4 Prosjektmateriale som skal leverast Luster kommune Reiser til Gaupne 6 turar Opsjonar:.... Anna: Sum eks MVA 25% MVA Sum inkl. MVA Total sum inkl. MVA Fastpris skal være inklusive 6 stk reiser med køyring, diett etc. og kontorhald og kopiering. Timeprisar: Arkitekt Landskapsarkitekt DAK? Prosjektadministrasjon Anna Kr/time eks MVA Kr/time eks MVA Kr/time eks MVA Kr/time eks MVA Kr/time eks MVA Pris for komplett reise tur-retur Gaupne (1 person inkl. 5 timer møtetid): Kr eks. MVA Sted Dato Underskrift tilbydar Tilbodsdokument Side 14 av 16

15 Vedlegg 2 Omtale Luster kommune Luster kommune har innbyggjar og eit areal på 2 706,6km 2. I tillegg til kommunesenteret Gaupne har kommunen mange små bygdesamfunn med kvar sine særpreg. Av desse kan nemnast; Hafslo, Solvorn, Veitastrond, Marifjøra, Jostedalen, Høyheimsvik, Dale, Skjolden, Fortun og Ornes. Næringsliv. Jordbruk har tradisjonelt vore den viktigaste næringa i kommunen med både husdyrhald og bær/fruktproduksjon. Reiselivet er også av stor betyding for næringsverksemda i kommunen, med godt utbygde hotell, gjesteheimar, pensjonat, campinganlegg og hytteutleige. Det er tilrettelagt større areal for industriverksemd i Gaupne. Luster kommune har også store inntekter frå vasskraftutbyggingar som t.d. Leirdøla, Jostedalsvassdraget og Fortun Granfasta. Gaupne- og Røneidsgrandane er område som tradisjonelt sett har vore lite nytta av folk, før deltaet vart fylt ut med masse frå kraftutbyggingane og er no i hovudsak regulert og bygd ut til industriområde. Den gamle kaien i Gaupne var Hotlekaien (søraust for planområdet). I tillegg hadde Marifjøra ei sentral rolle som skyss- og handelsstad i regionen. Natur og kultur. Luster er ein stor utmarkskommune og vil i løpet av 2009 ha 3 nasjonalparkar; Jotunheimen, Jostedalsbreen og Breheimen, tre landskapsvernområde og 5 naturreservat. Samla areal verna i medhald av Naturvernlova vil då utgjera ca 1337 km 2. Urnes stavkyrkje som også står på UNESCO si verdsarvliste er det mest sentrale kulturminnet i kommunen. Sognefjellsvegen nasjonal turistveg går også gjennom kommunen sitt dramatiske landskap, frå inst i Lustrafjorden til grensa mot Lom kommune. For mange er Luster også kjend for Kroken og Munthehuset som var ein samlingsplass og fristad for landet sine leiande biletkunstnarar sist på 1800-talet. Tilhøve som påverkar arealbruken i området Andre rammer som styrer arealutviklinga i Gaupne er Rasfare Fleire av byggefelta er lagt i liene kring sentrum. Steinsprang og ras har medført at kommunen har måtta løysa inn to bustadhus og setja i gang utbygging av sikringstiltak i to bustadområde som er rasutsatt. Rasfaren medfører store avgrensingar i utbyggingsmuligheitene i Gaupne. Flaumfare NVE har utarbeidd flaumsonekart for Gaupne. Innafor ein 200 års-periode er Gaupnegrandane det mest utsette området. Tilbodsdokument Side 15 av 16

16 Havnivåstiging Det meste av sentrumsområdet ligg under kote 10 og i framtidig utbygging må ein ta større omsyn til ei eventuell havnivåstiging som fylgje av klimaendringar. Gjeldande reguleringsplanar for sentrumsområdet: Gaupnegrandane Deler erstatta av Gaupne sentrum Røneidsgrandane Gaupne 1 Bruflat Gardavegen og Kronstadvegen Bruflat II utbyggingsplan Gaupne sentrum Delar erstattar Gaupnegrandane Øyagata Nord Gangveg langs RV Bukti Engjadalsvegen (under handsaming) Luster Bad (under handsaming) Kommuneplanen sin arealdel vedteken og aktuelle reguleringsplanar finn de på / planar Tilbodsdokument Side 16 av 16