Kommuneplanmelding arealdelen

Transkript

1 Kommuneplanmelding arealdelen Gjeldande arealdel av kommuneplan vart vedteke i kommunestyret , sak 46/11. Planen er det overordna styringsverktøyet for kommunen sin langsiktige arealbruk, og syner korleis vi skal nytte dei ulike områda i heile kommunen. Planen viser blant anna prioritering av område som skal nyttast til bustader, næring, fritidseigedomar, område for råstoffutvinning, landbruks-, natur- og friluftsliv (LNF) og verneområde. I tillegg inneheld arealdelen retningsliner for tiltak innanfor ulike arealføremål, t.d. innanfor LNF-område, byggjeforbod langs vassdrag med meir. Frå er det gjort ein del tiltak i samsvar med arealdelen. Samtidig er det tiltak og planar som er sett i gang som ikkje er i samsvar med gjeldande plan. Dette gjeld særleg planar og søknader om dispensasjon i privat regi. Denne meldinga gir ei enkel oversikt over kva for tiltak som er gjennomført, samt korleis prioriteringar og retningsliner som kjem fram av gjeldande arealdel er følgt opp i perioden Utbyggingsområde Bustadområde. I Vinstra er bustadområda er sett opp i slik rettleiande rekkjefølgje for utbygging i gjeldande kommuneplan: 1. Sentrumsnære tomter i Nedregata 2. B9 Givravegen (omsorgsbustader) 3. B12 Vestre Toksegrenda 4. Kakubakken (Reguleringsplan av ) 5. B7 Brakjebakken 6. Sorperoa/Knutsmorka (Reguleringsplan av og ) 7. B8 Midtmoen 8. B6 Bøygen 9. B11 Søre Huskero I Nedregate er det i privat regi bygd 7 nye leilegheiter (Smedtomta (6) og 2. etasje på Ringebu Tekstil (1)) denne perioden. I tillegg er det vedteke reguleringsplan for Bakerigarden og det er planlagt 3 leilegheiter i GEI-bygget. Desse prosjekta er enda ikkje realisert. Det er vedteke reguleringsplan for Konglimoen I Vinstra vest. Planen legg til rette for fortetting av bustader i eksisterande bustadområde. I tillegg er det innanfor planen sett i gang bygging av 6 bustader i tilknyting til Tenester for funksjonshemma (TFF). Kommunestyret har vedteke reguleringsplan for Toksegrenda bustadområde vest og 12 av desse tomtene er byggjeklare. I Vinstra vest har kommunen fått utarbeida og vedteke ny reguleringsplan for delar av Knutsmorka. I perioden har kommunen erverva og bygd ut areal i fleire omgangar og stykkjevis. Dette er ein ressursog tidkrevjande måte å byggje ut område på. Det har vore ønskjeleg å få erverva eit større areal. Kommunen har her 2 byggjeklare tomter. Midtmoen er ferdig regulert i privat regi, men er ikkje bygd ut. Kommunen er i ferd med å ta over området. Det er her 19 tomter. 1

2 Kakubakken, Brakjebakken, Bøygen og Søre Huskero er ikkje prioritert. Det har heller ikkje vore privat initiativ for desse områda I Kvam er det i gjeldande plan sett opp slik rettleiande rekkjefølgje for prioritering av bustadområde: 1. Sentrumsnære tomter 2. B3 Nordre Røssummoen 3. B2 Gunnersvingen 4. B5 Forbrigd/Frostad 5. B4 Kjæstad/Lunde 6. B1 Bergumfeltet I Kvam er det vedteke reguleringsplan på Skreddarstugu-feltet i Kvam sentrum. 5 av 7 kommunale tomter er utbygd. I tillegg ligg det her 2 privateigde tomter. Tomtene her er stort sett utbygd som følgje av flaumen i Når flaumtiltaka i Veikleåa er ferdigstilt vil kommunen ha 6 byggjeklare tomter ved Storåa. Det er ikkje regulert eller lagt til rette for fleire bustader i dei andre områda som er nemnd over. I dei nye reguleringsplanane er det opna for ein meir moderne byggjestil og noko høgare utnytting enn tidlegare planar viser. Næringsverksemd Retningsliner for prioritering av utbygging av næringsområda i gjeldande plan: 1. Lomoen (jf. Reguleringsplan av ) 2. N2 Brynsmoen (ikkje regulert) 3. Rustmoen (jf. Reguleringsplan av ) 4. N1 Øya (ikkje regulert) Reguleringsplan for Lomoen vart sist vedteke i kommunestyret i juni Kommunen har 1 byggjeklar næringstomt innanfor planområdet. Kommunen har intensjonsavtale med 2 utbyggjarar på Furulundareala og reguleringsplan for dette området er sett i gang. Resterande regulert næringsareal i Lomoen er privateigd. Det er vedteke reguleringsplan for Vinstra vegpark. I Kvam har kommunen 1 byggjeklar tomt å tilby. Etter ein omfattande og ressurskrevjande planprosess vedtok kommunestyret reguleringsplan for Brynsmoen i september Planen vart etter mekling sendt til kommunal- og moderniseringsdepartementet, der kommunen fekk stadfesta planvedtaket. I etterkant har kommunestyret gjort vedtak om å opne for at grunneigar kan endre reguleringsplan dersom dette er ønskjeleg. Området er difor ikkje bygd ut. Det er sett i gang planprosess for å endre- og oppdatere reguleringsplan for Rustmoen. Området er fortsatt prega av grusverksemd, blant anna som følgje av ny E6, samt at bearbeiding og lagring av masser frå andre område skjer her og tek opp mykje areal. Kommunen har per i dag svært få (totalt 2) byggjeklare kommunale næringstomter å tilby. 2

3 Område for masseuttak Gjeldande kommuneplan har følgjande reglar for område med massuttak: «Før det blir opna nytt massetak eller eksisterande blir vesentleg utvida, skal det vedtakast reguleringsplan for området, jf. pbl 11-9 nr. 1 og 4. Masseuttak i Vinstraområdet skal skje i samsvar med vedteke rekkefølgje i Reguleringsplan for masseuttak i Vinstraområdet av : 1. Rustmoen (område med avtale pr , jf. også reguleringsplan av ) 2. Lomoen (jf. også reguleringsplan av ) 3. Rustmoen (resten av området, jf. også reguleringsplan av ) 4. FT2 Jota (ikkje regulert).» Det meste av massane i Rustmoen er utvinna. Dette gjeld også Lomoen. Jf. lista ovanfor er Jota det neste nye område for masseuttak. Jf. gjeldande plan skal kommunen få gjort ei kartlegging av mineralske ressursar. Evt. aktuelle ressursar skal innarbeidast i neste kommuneplan. Det er ikkje fått utarbeida ei slik kartlegging. Det er likevel vedteke eller sagt ja til å setje i gang følgjande reguleringsplanar som legg til rette for steinuttak, utan heimel i kommuneplan: Reguleringsplan for Øldalen steinuttak (vedteke) Reguleringsplan for Kongslihaugen (under prosess) Reguleringsplan for Brekka steinuttak (under prosess) Fritids- og turistføremål I gjeldande kommuneplan er det avsett fleire område for fritids- og turistføremål. Det er ikkje vedteke reguleringsplan for nokon av dei nemnde uregulerte områda. Ved Rondablikk er delar av areal for utleige rundt Rondablikk omregulert frå utleigehytter til fritidseigedom. Ved Rondaplassen er delar av området foreslått omregulert frå utleige til fritidseigedomar. Planen er ikkje vedteke. Fritidsbustader I gjeldande kommuneplan er det lagt opp til nye fritidsbustader i følgjande område: Det kan ikkje planleggjast for fleire nye hytter enn det som går fram nedanfor, jf. pbl 11-9 nr. 5: H2 Holslåa B 1 Skal planleggjast som utviding av tilgrensande hytteområde. H3 Nerseterlia 10 Skal planleggjast som utviding av tilgrensande hytteområde. H4 Åsen 12 Skal planleggjast som utviding av tilgrensande hytteområde. H6 Flåbekklia 56 Skal planleggjast som utviding av tilgrensande hytteområde. H7 Feforåsen 150 Skal planleggjast saman med eksisterande hytter i området. H8 Jægersletta 5 Skal planleggjast saman med eksisterande hytte i området. Av desse områda er det vedteke reguleringsplan for Åsen hytteområde. I tillegg er det sett i gang 2 reguleringsplanar for fortetting med totalt 26 nye tomter innanfor reguleringsplan for Klevstadlykkja 3

4 (Møllehaugen og gnr. 331 bnr. 20) på Kvamsfjellet. I tillegg er det godkjent omregulering av utleigetomter til 6 fritidstomter ved Rondablikk i reguleringsplan for Rondablikk vest. Ny reguleringsplan for Furusjøen hytteområde på Kvamsfjellet vart vedteke i 2013, etter ein omfattande og ressurskrevjande planprosess. I perioden er det sett i gang og gjennomført fleire endringar og samordningar av reglar som omhandlar reguleringsplanar for fritidsbustader. Endringane gjeld også retningsliner for fritidsbustader i kommuneplan. Blant anna er det vedteke nye gjerdereglar, der det nå er opna for å gjerde inn 300 m2, ikkje medrekna bygningar. Det kan sjå ut som dei nye gjerdereglane har ført til eit mindre konfliktnivå mellom beitebrukarar og hytteeigarar. Det er også vedteke nye samordna reglar for anneks. Det er ikkje lenger restriksjonar på kva type funksjonar eit anneks kan ha. I tillegg er arealgrensa fjerna. Samordning av reglar for høgde, utnyttingsgrad, takvinklar og terrasse for samanliknbare hytteområde er sett i gang og blir kjørt som ein «samlesak» for alle reguleringsplanar for fritidsbustader, samt retningslinene i kommuneplan. Endringane er ikkje vedteke. Fylkesmannen har kome med motsegn mot endringane som gjeld hytter som ligg i LNF-område. Det er naturleg at ein tek opp dette til vurdering ved rullering av kommuneplanen. Fast busetting på fritidseigedomar Det har vore behandla og gitt dispensasjon for fast busetting på fritidseigedomane i 3 tilfelle. Dette gjeld Kvamsfjellet, Skåbu og Tiurlia. Alle søknadene er i tråd med gjeldande retningsliner i kommuneplan. Andre tema Det har også vore vedteke reguleringsplanar som ikkje er prioritert eller vist i kommuneplan, eller nemnd ovanfor. For reguleringsplanar gjeld dette: Reguleringsplan for Eidesand idrettsanlegg (vedteke plan og er under utbygging). Reguleringsplan for Veikledalen (vedteke plan og under utbygging). Reguleringsplan for Kvam vassverk (vedteke plan). Det har vore gjennomført tettstadseminar og idedugnadsprosess for Vinstra sentrum. Målet er å vurdere innspela i komande reguleringsplanprosessar for Vinstra sentrum. I samband med bygging av ny E6 er det behandla fleire dispensasjonssaker. Slike saker har stort sett omhandla deponiområde for overskotsmasser. Det er også sett i gang eit omfattande planleggingsarbeid for VA-anlegg ved Furusjøen på Kvamsfjellet. Flaumen i 2011 og 2013 har kravd mykje ressursar, både når det gjeld oppattbygging, tilrettelegging for flaumramma og behandling av saker i tilknyting til vedteke byggje- og deleforbod. Arbeidet med Kåja kraftverk var også tidkrevjande før prosjektet vart skrinlagt. 4

5 I denne perioden er det vedteke eller sett i gang arbeid med fleire regionale planar. Desse planane kan gje føringar for korleis kommunen handterar og behandlar enkelte planar og tiltak. Vinstra, , rev Hanne-Kristine Risdal, planleggjar 5