Austevoll kommune. Innkalling Utval for plan og byggesak. Sakliste

Transkript

1 Austevoll kommune Møtestad: Sommarfullmakt Møtedato: Møtetid: 13:00 Innkalling Utval for plan og byggesak Eventuelt forfall skal meldast til tlf servicekontoret eller til Varamedlemmar møter etter nærare innkalling. Møtet er ope for tilhøyrarar. Saksdokument er lagt ut til offentleg gjennomsyn på nettsida til kommunen. Sak nr Tittel Sakliste 099/15 Gnr. 01 bnr Drivenes, nordre. Søknad om dispensasjon for KP for tilbygg til bustad- utleigebustad Storebø, Renate Møgster Klepsvik Ordførar 1

2 Saksframlegg Saksnr Utval Type Dato 099/15 Utval for plan og byggesak PS Sakshandsamar Arkiv ArkivsakID Kari Berge Jørgensen GBNR - 01/0056, FA - L42 14/1075 Gnr. 01 bnr Drivenes, nordre. Søknad om dispensasjon for KP for tilbygg til bustad- utleigebustad Tilråding frå rådmannen: Utval for plan og byggesak i Austevoll kommune har vurdert søknad, motteke , om dispensasjon frå arealdelen av kommuneplanen, føresegn 4.1 punkt b. Det vert søkt om dispensasjon for oppføring av tilbygg til eksisterende bustadhus på gnr 1 bnr 56 Drivenes, slik som vist på teikningar datert Utdrag av føresegnene i kommuneplanen 4.1: Innan LNF-område med spreidd bustad pbl. 11-9, kan det berre for eksisterande, lovlege bygningar som ikkje er knytt til landbruk, gjevast løyve til følgjande: B) Tilbygg og påbygg til bustad, der korkje samla bruksareal (BRA) eller bebygd areal (BYA) er over 50m2. Dispensasjon: Med heimel i plan- og bygningslova 19-2 vert det gjeve dispensasjon frå kommuneplanen si føresegn 4.1 punkt b), for oppføring av tilbygg med meir enn 50 m2 til eksisterande bustadhus. Den byggtekniske delen av søknaden vil bli handsama i etterkant av dispensasjonssøknaden sitt vedtak. Vedlegg: Gnr. 01 bnr Drivenes, Nordre. Søknad om dispensasjon frå kommuneplanen- tilbygg til bustad- utleigebustad Søkjar: Aarland bygg og eiendomsutvikling AS Tiltakshavar: Camilla og Frank Tonning Tiltak: Søknaden gjeld oppføring av tilbygg på 280 m2 til eksisterande bustadhus på 100 på gnr.1 bnr. 26 Drivenes. Tilbygget skal innehelda 2 utleigeleilegheiter, samt nytt buareal til

3 eksisterande bustad. Teikning: nytt tilbygg og eksisterande. Førehandskonferanse: Nei. Nabovarsel: Det ligg ikkje føre merknader frå varsla naboar. Søkjar si grunngjeving for søknad om dispensasjon: Ansvarleg søkjar har grunngjeve dispensasjonssøknaden med at bustadhuset i dag har ei BRA på totalt 100 m2 over 2 plan. Eit nytt tilbygg på 280 m2, til saman 380 m2, vil gje familien på 5 stk meir plass og bustaden vil vera meir brukarvenleg enn den er i dag. Familien venter barn nr 3 og har behov for meir plass. Dei ynskjer å byggja eit tilbygg der dei har 2 utleige leilegheiter i 1 etg og nytta 2 etasje til eiga bruk. Dei ynskjer også å utbetra den eksisterande bueininga mht. krav i TEK 10, brannteknisk og bygningsmessige krav. Tomtearealet er 3415 daa og utnyttingsgrad er ikkje i strid med plan. Tomta har tilrettelagt for infrastruktur. Eksisterande bustad er teken i bruk i 1972 og har behov for oppgradering. Ansvarleg søkjar grunngjev i søknaden at bustaden vil få ei framtidig god løysning både universelt og bygningsmessig, samt Austevoll har behov for utleigebustader. Teikning Situasjonskart Uttale frå fagorgan: Saka er ikkje sendt på uttale til Fylkesmannen, jf. kommunen sin praksis med mindre dispensasjonssaker. Saka gjeld tilbygg på eksisterande bustad i spreidd bustadområde. Saka er vurdert å ikkje råke nasjonale eller regionale omsyn. Fylkesmannen får likevel tilsendt kopi

4 av vedtaket. Uttale frå vegmynde: Kommunal vegmynde er positiv til dispensasjon frå kommuneplanen sitt punkt 4-1. Dei vil imidlertid uttala seg i byggesaka vedr ny avkjørsle til kommunal veg. Planskisse. Ny vegtrase. Planstatus: Området ligg i gjeldane kommuneplan som LNF-område for spreidd bustadbygging. Dispensasjon 19-2, vurdering: I gjeldane kommuneplan ligg det bindingar som skal vere ivareteke i byggjesaka; jf. 4, pkt 4.1 Innan LNF område med spreidd bustad pbl. 11-9, kan det berre for eksisterande, lovlege bygningar som ikkje er knytt til landbruk, gjevast løyve til følgjande: B) Tilbygg og påbygg til bustad, der korkje samla bruksareal (BRA) eller bebygd areal (BYA) er over 50m2. Det vert søkt om oppføring av tilbygg og påbygg til eksisterande einebustad med eit bruksareal på 280m2 over 2 etasjar, jf. teikning. Bustaden vil få over dobbelt så stort areal enn det opphavleg vart bygd som i 1972, samt at delar av bustaden skal også nyttast til utleige. Tiltaket kjem i strid med føremålet i planen, og søknaden krev difor dispensasjon, jf. pbl Det vert då kravd at omsyna bak føresegna det vert dispensert ifrå, ikkje vert vesentleg sett til side. I tillegg må det gjerast ei interesseavveging, der fordelane ved tiltaket må vurderast opp mot ulempene. Det må ligge ei klar overvekt av omsyn som talar for å gje dispensasjon. Dei samfunnsmessige fordelane må i tillegg vere klart større enn ulempene etter ei samla vurdering, jf. pbl Omsyna bak føresegna i KP er vern av LNF-området og tilseier at ein ikkje skal gje dispensasjoner for bygg av denne størrelsen. Endringar utover det som er tillete i KP bør gjerast gjennom endring av plan. Ei av ulempene er difor at KP vert mindre forutsigbar gjennom dispensasjonar, enn dersom ein hadde endra plan. På den andre sida er det i kommuneplanen lov å oppføra inntil 18 bueiningar i dette området før krav til reguleringsplan kjem inn. Sjølv om tiltaket er eit tilbygg, ville eit ordinært byggetiltak på denne størrelsen vore innafor denne grensa. Omsyna bak LNF-området samt bak KP her vert difor ikkje satt vesentleg tilside. Fordelar med tilbygget er at det vil gje det eksisterande huset eit betre preg av ein vanleg einebustad i Austevoll. Tilbygget vil ha den same mønehøgd som det eksisterande

5 bustadhuset som var bygd i 1972, ligg på same planert terreng som bustadhus og vil bli bygd i same stil som det eksisterande bustadhuset. Tilbygget på 280 m2 vil innehelda 2 utleigeleilegheiter i 1 etg og areal til hovuddel til eksisterande bustad i 2 etg, jf. teikning. Tiltaket vil harmonera med andre einebustader i nærmiljøet. Infrastruktur er allereie utbygd i området. Tiltaket ligg utanfor sone som krev dispensasjon frå veglova 29. Det vert etablert ny avkjørsle på kommunalveg som er ein fordel då den eksisterande avkjørslen er meir trafikkfarleg. I heile kommunen er det dei siste åra bygd nye bustader med i varierte størrelsar og areal, samt utsjånad, og det er blitt ein byggjekultur på øya. At ein byggjer på eksisterande bustad er ein fordel både for området og landskapet. Rådmannen meiner at 4.1 punkt b) ikkje skal tolkast slik at ein bør nekte eit tilbygg/påbygg på eit bustadhus på over 50m2, dersom ein tillet eit anna tiltak over 50 kvm i området. Den bidreg til hemming i utviklinga av bustader av ulike størrelsar i LNF-område med spreidd bustadbygging. I tillegg er det å auka folketalet og leggja til rette for at personar som ynskjer å busetja seg i Austevoll, viktig for kommunen. Kommunen må kunne gje rom for å tilrettelegga for at eksisterande bustader kan oppgraderast til dagens standard med eit bruksareal som harmonerar med familiesituasjonen. I tillegg er det spanande med blanding av ny og gammal byggjestil i ikkje-verna miljø. Fordelen med dispensasjon vert at eigarane får sitt ynskje innfridd, samtidig opna opp for utleigedel, då det er mangel på utleigebustader i kommunen vår. Dette ser kommunen på som ein klar samfunnsnyttig fordel. Vurderingar utifrå kommuneplanen sin arealdel: Landbruk: Tiltaket er ikkje plassert i område som vert nytta som landbruk. Natur: Tiltaket er ikkje plassert i urørd natur. Størsteparten av eigedommen er kupert. I dag veks det for det meste sitkagran og lauvtre. Fritid: Omsynet til ålmenn ferdsel vert ikkje skadelidande utover det som fylgjer av dagens situasjon. Natur og miljø, naturmangfaldova 8-12: Det er ikkje sannsynleg at tiltaket fører til meir vesentleg skade på naturmangfaldet utover det som er tilfelle i dag. Området er bebygd frå før, og ein kjenner ikkje til truga naturartar i området som vert råka av tiltaket. Rådmannens tilråding: I ein godkjend plan må det vere rom for små tilpassingar gjennom dispensasjonar. Ein dispensasjon frå omtalte føresegn vert rekna for å vere av mindre betyding. Det vil ikkje føre til vesentleg ulempe at området vert bygd ut som omsøkt. Både tomteutnytting, formgjeving, funksjon og uttrykk for det nye tilbygget vil spegle ein vanleg byggjestil i Austevoll, jf. teikning. Etter ei heilskapleg vurdering og avveging av fordeler og ulemper, meiner rådmannen det er klar overvekt av omsyn som taler for at dispensasjon kan gjevast. Omsyna bak KP sin føresegn vert ikkje vesentleg tilsidesett som følgje av tiltaket. Heimel til dispensasjon etter pbl ligg difor føre, og på bakgrunn av dette rår rådmannen utval for plan og byggesak til å stette søknaden om dispensasjon.

6

7

8

9

10

11

12

13

14

15

16

17

18