Del 2 Krav til plassering lover og forskrifter

Transkript

1 Det er viktig å ta med alle faktorane når ein skal plassera eit tiltak: Arealføremål og føresegner i gjeldande plan, plassering av godkjent føretak, plassering i høve til andre bygningar, eigedomsgrenser og veg, samt plassering i høve til omsynssoner. Tek ein alle desse faktorane med i vurderinga av plasseringa, kjem søknaden mest truleg gå raskt igjennom handsaminga hjå kommunen. Dersom tiltaket blir plassert feil, kan det få konsekvensar både for tiltakshavar og ansvarlege føretak, og ikkje minst for utviklinga av området og for naboar. Kommunen vil i tida framover ha eit større fokus på at tiltaket blir plassert korrekt i høve til søknaden og andre tilhøve. Dei fleste tiltaka som krev søknad, skal ha ansvarsrettar for plasseringa av tiltaket, og dette skal utførast av eit godkjent føretak innanfor fagområdet. I tillegg vil det for desse tiltaka, bli sett krav om «som bygd»- dokumentasjon før det blir gitt ferdigattest eller mellombels bruksløyve. 1 HORISONTAL OG VERTIKAL PLASSERING AV TILTAK 1.1 Plan Det er laga kommunedelplan for alle områda i kommunen (PBL 11), og i somme delar er det laga reguleringsplan (PBL 12). Arealplankarta fortel mellom anna kva arealføremål det er i gitt område, byggjegrenser og omsynssoner, og føresegnene fortel kva som er tillate. I dei fleste reguleringsplanane er det oppgitt ei utnyttingsgrad, ofte er det lagt inn ei byggjegrense og i mange planar er det gitt rekkjefølgjekrav. Føresegnene gjer føringar for kva som er lov og kva ein må ta omsyn til. Oversikt over plan og føresegner finn ein på den nettbaserte nettenesta Fonnakart. 1.2 Ansvarsrettar for plassering I tiltak etter PBL 20-1 fyrste ledd a-l, er det krav om ansvarlege for søknad, prosjektering, utføring og kontroll ( PBL 23-1). Ansvarlege skal stå inne for at tiltaket blir i samsvar med krav eller i medhald av PBL og tilhøyrande forskrifter. PBL 23-3 og SAK10 12 omtalar omfanget og varigheita av ansvaret til ansvarleg føretak. Søknad om ansvarsrettar skal leggjast ved søknad om løyve til tiltak, føretaka blir godkjente av bygningsmyndigheita, jf. PBL 21-4 og Det ansvarlege føretaket sitt ansvar inkluderer òg utføringa og prosjekteringa til underleverandørar dersom desse ikkje er gitt anna godkjenning for ansvarsrett i tiltaket. Ordninga med ansvarsrett inneber godkjenning innan funksjon, fagområde og tiltaksklasse. Godkjenning kan ein søkja om å få sentralt (ei slik godkjenning varar i 3 år) (SAK10 13) eller lokalt (må søkjast på nytt for kvar prosjekt) (SAK10 9). 1

2 Under er ei forenkla oversikt over godkjenningsområde henta frå SAK *Somme områder vil bli utdjupa meir. Godkjenningsområde 1. Søkjarfunksjonen* 2. Prosjekterande a. Overordna ansvar for prosjektering (bygg, anlegg eller konstruksjonar, tekniske installasjonar)* b. Arkitektur c. Uteareal og landskapsutforming d. Oppmålingsteknisk prosjektering* e. Brannkonsept f. Geoteknikk g. Konstruksjonstryggleik h. Bygningsfysikk i. Sanitær-, varme- og sløkkjeinstallasjon j. Ventilasjons- og klimainstallasjon k. Vassforsynings-, avløps- og fjernvarmeanlegg l. Løfteinnretning m. Lydforhold og vibrasjonar n. Miljøsanering o. Brannalarm, naudlys og ledesystem 3. Utføring a. Overordna ansvar for utføring (bygning, anlegg eller konstruksjonar, tekniske installasjonar)* b. Innmåling og utstikking av tiltak* c. Grunnarbeid og landskapsutforming d. Plasstøypte betongkonstruksjonar e. Tømrararbeid og montering av trekonstruksjonar f. Murarbeid g. Montering av berande metall-/ eller betongkonstruksjonar h. Montering av glaskonstruksjonar og fasadekledning i. Taktekkingsarbeid j. Arbeid på bevaringsverdige byggverk k. Installasjon av brannalarm, naudlys og ledesystem l. Sanitær-. Varme- og sløkkjeinstallasjonar m. Ventilasjons- og klimainstallasjonar n. Løfteinnretningar o. Riving og miljøsanering 4. Samla godkjenning for ansvarleg søkjar, prosjekterande og utførande a. Våtromsarbeid 5. Uavhengig kontrollerande a. Overordna ansvar for uavhengig kontroll b. Våtrom (i bustader) c. Lufttettleik (i nye bustader) d. Bygningsfysikk e. Konstruksjonstryggleik f. Geoteknikk g. Branntryggleik Søkjarfunksjonen Oppgåver og ansvar til ansvarleg søkjar blir bestemt av PBL 23-4 og SAK Ansvarleg søkjar er tiltakshavar sin representant ovanfor kommunen og står for all kontakt med kommunen, føretaka og tiltakshavar. Ansvarleg søkjar har ei administrativ rolle, koordinerer prosjektet og passar på at ansvarsoppgåvene til føretaka blir ivareteke. 2

3 1.2.2 Overordna ansvar for prosjektering Overordna ansvar for prosjektering omfattar komplett prosjektering av alle relevante fagområde for eit tiltak, inkludert oppmålingsteknisk prosjektering korrekt plassering av bygning. Somme oppgåver vil bli gjennomførte av underkonsulentar. Underkonsulentane må oppfylle både kvalifikasjons- og systemkrav som følgjer av SAK10. Overordna ansvar for prosjektering av bygning, anlegg eller konstruksjon, omfattar òg arbeid utanfor huset og plassering av tiltaket, samt ansvar for prosjektering av tilhøyrande tekniske installasjonar (SAK ) Oppmålingsteknisk prosjektering Føretaket må kunne vurdere om det ligg føre oppdatert offentleg kartgrunnlag med tilfredstillande kvalitet, og om tenkt plassering av tiltak er kritisk i forhold til eigedomsgrenser, byggegrenser, byggelinje og liknande. Vidare skal føretaket velja kartgrunnlag for utarbeiding av situasjonsplan og stikningsplan med oppmålingstekniske utrekningar, fastsetjing av toleransekrav, metode- og utstyrsval som er tilpassa føremålet og oppgåva (utstikkingsdata i plan og høgde) med utstikking av punkt i terrenget (SAK ) Overordna ansvar for utføring Overordna ansvar for utføring omfattar komplett utføring av alle relevante fagområde for eit tiltak, medrekna plasseringa av bygningen, uavhengig av om oppgåvene blir utførte av eigne tilsette eller andre føretak. Blir det nytta underentreprenørar skal desse oppfylla både kvalifikasjons- og systemkrav som følgjer av SAK10. Føretaket med ansvarsrett har ansvar for å styre underentreprenøren og har ansvar for grensesnitt. Overordna ansvar utføring av bygning, anlegg eller konstruksjon, omfattar òg arbeid utanfor hus og plassering av tiltaket, samt ansvar for utføring av tilhøyrande tekniske installasjonar Innmåling og utstikking av tiltak Fagområdet omfattar innmåling av tilstrekkelege mengder faste punkt i terrenget, som grunnlag for å fastleggja plassering til tiltak på situasjonsplan (polygonpunkt, grensemerke, nabobygg høgder på leidningar, manglande detaljar i kart med meir) og overføring av plassering av tiltak med utstikking av punkt frå koordinatfesta situasjonsplan i terrenget, samt høgdeplassering (SAK10). Ynskjer ein at Kvinnherad kommune skal vera utførande for innmåling og utstikking, skal dette førast opp i gjennomføringsplanen, men det er ikkje naudsynt med søknad om ansvarsrett FERDIGSTILLING (SAK10 8) Tiltaket kan ikkje takast i bruk før kommunen har gitt ferdigattest eller mellombels bruksløyve. Før ein kan søkjar om bruksløyve/ferdigattest, må vilkåra i løyva knytt til tiltaket vera oppfylt. Eit av vilkåra (i PBL 20-1-søknader) er «som-bygd»-dokumentasjon. Mal finn ein på heimesida til Kvinnherad kommune. 3

4 I tiltak etter PBL 20-1 skal samsvarserklæringar, kontrollerklæringar og sluttrapport sendast til ansvarleg søkjar som oppdaterer gjennomføringsplanen i samsvar med erklæringane. Oppdatert gjennomføringsplan skal leggjast ved søknad om ferdigattest/mellombels bruksløyve. 1.3 Avstand frå eksisterande bygningar Bygningar over 50 m 2 Bygningar som skal nyttast til varig opphald (bustad, hytter, anneks, o.l.) og andre bygningar over 50 m 2 : avstand minimum 8 m eller branncellereduserande bygningsdel (TEK ) Bygningar under 50 m 2 Bygningar under 50 m 2 (risikoklasse 1) kan plasserast nærare byggverk i anna brukseining utan det blir kravd særlige branntekniske tiltak. Er avstanden mindre enn 2 m mellom byggverk i ulike brukseiningar, må desse vera skilt med branncellereduserande bygningsdel eller bygningsdelar i kvart av byggverka som til saman gjer same brannmotstand (TEK ) Driftsbygningar i landbruket Minimum 8 m til bustad, eller brannvegg. Større avstand avhengig av brannenergi, bygningsutforming og plassering innbyrdes (TEK ) Campingplass Gruppe hytter Dersom samla bruttoareal for ei gruppe hytter er maks 75 m 2, kan avstanden vera mindre enn 8 m utan branncellereduserande bygningsdelar. Avstanden mellom ei slik gruppe hytter og avstanden til andre bygningar, må vera minst 8 m dersom gruppene ikkje er skilt med branncellereduserande bygningsdelar (TEK ) Campingeiningar Campingeiningar (campingvogn, bubil, telt og liknande med tilbehør) må skiljast med ein minste avstand på 3 m. Bil som ikkje er rekna for overnatting kan plasserast i mellomromma mellom campingeiningane. Der det er høgdeforskjellar eller vegetasjon som kan bidra til raskare brannspreiing, bør avstanden mellom campingeiningane aukast (TEK ) Tilbygg/påbygg på allereie eksisterande bygning Dersom tilbygget kjem nærare enn info i punkt i-iv, blir det sett krav til branncellereduserande tiltak. 1.4 Avstand frå felles nabogrense Bygning med gesimshøgd over 8 m og mønehøgde over 9 m Bygning med gesimshøgd over 8 m og mønehøgde over 9 m, kan berre bli ført opp der det har heimel i plan etter kap. 11 og 12 (PBL 29-4, TEK10 6-3) Avstand nabogrense Dersom ikkje anna er bestemt i plan etter kap. 11 og 12, skal byggverket ha ein avstand frå nabogrense som minst svarar til byggverket si halve høgda og ikkje under 4 m (PBL 29-4) Nærare nabogrense enn 4 m 4

5 Skal bygningen plasserast nærare nabogrense enn 4 m (eller byggverket si halve høgd), må eigar/festar av naboeigedommen gjer skriftleg samtykkje Mindre tiltak Dersom det er mindre tiltak som garasje (under 50 m 2 ), uthus og liknande, kan bygningen plasserast opptil 1 m frå felles nabogrense (PBL 29-4). 1.5 Avstand frå høgspentline Mange straumliner er markert i kommunedelplanane og reguleringsplanane med omsynssoner, men langt frå alle. Difor er det viktig at ein undersøkjer aktuelt område for straumliner. Under straumliner er det byggjeforbod. Kor langt ut frå ytste faseline det er forbod, kjem an på storleik på lina, plassering og eigar. For sentral- og regionalnettet gjeld som regel faresona til 30 m frå ytste faseline. Breidda er fastsett med utgangspunkt i Statnett sine krav til varsling av arbeid nær kraftleidning. For lokalnettet er klausuleringssona 6 m frå ytste faseline (Kvinnherad Energi). Ta kontakt med eigar av lina for informasjon. 1.6 Veg og avkøyrsle Lovleg tilkomst Før ein opprettar eller endrar eigedomen til busetnad eller godkjenner oppført bygg, skal tomta ha lovleg tilkomst til veg som er open for allmenn ferdsel eller ved tinglyst dokument. Alternativ skal lovleg tilkomst vera sikra på annan måte som kommunen finn tilfredstillande (PBL 27-4) Plassering Tiltaket må plasserast rett i forhold til veg og avkøyrsle. Det er forbod mot tiltak i innanfor byggjegrensa mot veg. I somme reguleringsplanar er byggjegrensa gitt. Der dette ikkje er tilfelle, gjeld dette (veglova 29): Riksveg og fylkesveg 50 m. Skal ein byggja nærare enn dette, må ein søkja om dispensasjon frå byggjegrense mot veg og Statens vegvesen kjem med uttale. «Rammeplan for avkøyrsle og byggjegrense på riks- og fylkesvegar i Region Vest» gjer ein peikepinn på kva ein kan forvente av haldning frå vegvesenet og fylkeskommunane ved etablering langs vegnettet Kommunalveg 15 m. Skal ein byggja nærare enn 15 m, må ein søkja om dispensasjon frå byggjegrense mot veg og tekniske tenester kjem med uttale Gang- og sykkelveg (anten vegen er riksveg, fylkesveg eller kommunal veg) 15 m. Skal ein byggja nærare enn 15 m, må ein søkja om dispensasjon frå byggjegrensa mot gang- og sykkelveg og tekniske tenester eller Statens vegvesen kjem med uttale Privat veg 5

6 Skal ein gjera tiltak i nærleiken av ein privat veg, og tiltaket er over 50 m 2, må tiltaket plasserast minimum 4 m frå eigedomsgrensa. Dersom tiltaket er under 50 m 2 og ikkje skal nyttast til varig opphald, kan det plasserast 1 m frå veg. Men: Når ein plasserer eit tiltak i nærleiken av ein privat veg, må ein ta omsyn til trafikktryggleiken og vedlikehaldet av vegen. Tiltaket skal ikkje plasserast i frisiktssoner, og det skal vera mogleg å gjera vedlikehald på vegen, til dømes skal det vera mogleg å brøyte snø langs vegen og plass til snøopplag. Der det er ein felleseigd privat veg, må vegeigarlaget koma med uttale Garasjeplassering ved privat veg Blir ein garasje plassert parallelt med privat veg (kan òg gjelda for kommunale vegar, men må søkjast dispensasjon), kan den plasserast minimum 1 m frå kant veg. Det skal vera plass til snøopplag utanfor vegkanten, og garasjen skal ikkje øydeleggja siktsona. Dersom garasjen blir plassert vinkelrett på veg, skal det vera plass til biloppstilling utanfor garasjeport på eiga tomt. i. Dersom området ikkje er regulert eller avkøyrsle ikkje inngår i arealdel eller reguleringsplan i kommunen, sjå veglova og 13. Avkøyrsle frå offentleg veg må vera godkjent av vedkomande vegmynde. 6