DET HUMANISTISKE FAKULTETS STRATEGISKE PLAN

Transkript

1 DET HUMANISTISKE FAKULTETS STRATEGISKE PLAN Det humanistiske fakultet skal forvalte og utvikle fri og langsiktig forsking og kunstnarleg utviklingsarbeid og gi solid, forskingsbasert utdanning innanfor ei stor breidde av disiplinar. Fakultetet skal levere nyskapande og samfunnsgagnleg forsking og utdanning og bidra til ein kunnskapsbasert og kritisk samfunnsdebatt. Fakultetet skal ha breidde, tverrfagleg verksemd og ei solid lektorutdanning med fagleg fordjuping på høgt nivå som kjenneteikn. Forskinga ved fakultetet skal vere internasjonal og framifrå og møte globale utfordringar. Innan 2022 skal fakultetet ha minst eitt verdsleiande fagmiljø og fleire fagmiljø av høg internasjonal standard. Forskinga ved fakultetet skal vere fagleg autonom, grundig, ærleg og kritisk open. Faga ved fakultetet skal ta ansvar for og bidra til at forskinga ved universitetet held høg etisk standard og syner tydeleg samfunnsansvar. I dette strategidokumentet blir fakultetet sin strategi for presentert. Strategien byggjer på Universitetet i Bergen sin overordna strategi for og vil danne grunnlaget for handlingsplanar, årsplanar, budsjett og andre styringsdokument. INNHALD UTFORDRINGAR FOR FAKULTETET OVERORDA MÅL FORSKING, KUNSTNARLEG UTVIKLINGSARBEID OG FORSKARUTDANNING UTDANNING KONTAKT MED OMVERDA ORGANISASJON OG ARBEIDSMILJØ ADMINISTRASJON 1

2 UTFORDRINGAR FOR FAKULTETET Auka konkurranse om ressursar og gode og motiverte studentar er blant dei viktigaste utfordringane for fakultetet dei neste åra. Fakultetet må arbeide målretta for å auke talet på førsteprioritetssøkjarar til dei humanistiske faga, få ned gjennomføringstida i utdanningsløpet og uteksaminere fleire gradskandidatar. Den strategiske planen for Universitetet i Bergen peikar ut satsingsområde, og det blir ei viktig oppgåve for fakultetet å styrkje desse gjennom å tilby humanvitskapleg kunnskap og fagkompetanse. Vår største og viktigaste ressurs er vitskaplege stillingar. Grunnfinansierte stillingar sikrar den frie, forskarinitierte og langsiktige forskinga og forskingsbasert utdanning. Men for å oppretthalde og styrkje dagens aktivitetsnivå og handlingsrom må omfanget av eksternt finansiert forsking aukast og fleire av våre studentar må fullføre gradsutdanninga si. Fakultetet skal utvikle vidare forskingsstøtta retta mot eksterne finansieringskjelder. Det skal arbeide aktivt for å gjere studiekvaliteten betre og setje i verk tiltak som kan sikre god søking til studia og betre gjennomstrøyming av studentar. Vår tid vert prega av store globale, etiske og erkjenningsmessige utfordringar. Dei humanistiske faga har eit enormt potensiale som samfunnsaktørar. Fakultetet skal blant anna møte desse utfordringane gjennom fleire tverrfaglege studieprogram og meir tverrfagleg forsking. For å sikre eit langsiktig økonomisk handlingsrom skal fakultetet arbeide for ei betre utnytting av den faglege breidda gjennom fleire tverr- og fleirfaglege studieprogram. Både innan utdanning og forsking vert det ei utfordring for fakultetet å skape tverrfaglege samarbeidsformer og god balanse mellom dei disiplinære tradisjonane. OVERORDNA MÅL For å realisere visjonen og møte utfordringane skal fakultetet i perioden særleg arbeide fram mot fire overordna mål: 1) kvalitet i forsking, kunstnarleg utviklingsarbeid og utdanning, 2) tverrfagleg forsking og utdanning, 3) internasjonalisering og 4) synlegheit og deltaking i samfunnet. KVALITET I FORSKING, KUNSTNARLEG UTVIKLINGSARBEID OG UTDANNING Fakultetet skal verne om langsiktig forsking og kunstnarleg utviklingsarbeid og leggje tilhøva til rette for god utnytting av forskingstida til dei vitskapleg tilsette. I strategiperioden skal nyskapande fagmiljø stimulerast. Fakultetet skal arbeide for betre utnytting av tilgjengeleg ekstern forskingsfinansiering. Undervisninga skal vere forskingsbasert, forskingsnær og studentdeltakande. Studietilboda på alle nivå skal ha relevans for både forskinga og arbeidslivet utanfor universitetet. TVERRFAGLEG FORSKNING OG UTDANNING I ei tid som er prega av store sosiale, kulturelle og miljømessige endringar blir forskingsspørsmål som krev ei tverrfagleg tilnærming aktualiserte. Solid grunnforsking i ei breidde av disiplinar er det beste grunnlaget for tverrfagleg forsking og utdanning. Fakultetet skal utvikle fleire tverrfaglege studieprogram. Det humanistiske fakultetet er godt rusta til å delta i tverrfagleg forsking og undervisningsoppgåver som kjem til syne gjennom nye vitskaplege problemstillingar, i møtet med samfunnsutfordringar i vår tid og innanfor dei felles satsingsområda ved UiB. Fakultetet skal styrkje samarbeidet mellom institutta, med sentera, med andre fakultet ved UiB og med eksterne forskingsinstitusjonar. Slikt samarbeid skal bidra til å utvikle forskingsdisiplinane og skape dynamiske utdanningsløp og studiemiljø. 2

3 INTERNASJONALISERING Ein veksande del av dei tilsette og studentane ved fakultetet blir rekruttert internasjonalt. Omfanget av internasjonalt forskingssamarbeid aukar. Internasjonalisering er ein føresetnad for internasjonale forskings- og studiemiljø i framtida. Det skal arbeidast målretta for å styrkje det internasjonale forskingssamarbeidet og den internasjonale publiseringa. Fakultetet skal arbeide aktivt for å gjennomføre universitetet sin språkpolitikk og framleis sørgje for norskopplæring for utanlandske studentar og tilsette. SYNLEGHEIT OG DELTAKING I SAMFUNNET Fakultetet tar aktivt del i samfunnslivet med brei formidling av forsking og kunstnarleg utviklingsarbeid. I strategiperioden skal særleg den faglege formidlinga retta mot skule og ungdom bli styrkt. Fakultetet skal auke samarbeidet med skulane, arbeide for å spreie kunnskap om studieløpa og gi tydeleg informasjon om studentane sin kompetanse i arbeidslivet. Formidlinga av forsking og utdanning skal skje gjennom mange ulike kanalar, og fakultetet skal vere leiande i utviklinga av nye og innovative digitale lærings- og formidlingsformer. Det skal arbeidast for auka merksemd og kunnskap om samfunnsbidraga frå dei humanistiske faga når det gjeld allmenn kunnskap og danning, kulturforståing, kritisk refleksjonsevne, historisk og filosofisk grunnlagstenking, estetisk kompetanse, kommunikasjonsdugleik, tolkingskompetanse og kulturarvforvalting. FORSKING, KUNSTNARLEG UTVIKLINGSARBEID OG FORSKARUTDANNING: Sterke forskingsmiljø og internasjonal orientering Den store breidda av fagdisiplinar og det utstrekte internasjonale samarbeidet utgjer eit fortrinn for fakultetet. Alle vitskaplege stillingar ved fakultetet har ein monaleg forskingsdel som sikrar den langsiktige forskinga. Dette gir grunnlag for forskingsverksemd over eit breitt spekter og ei solid forskingsbasert utdanning. Mål: Fakultetet skal ha fleire forskingsmiljø av høg internasjonal standard arbeide for å få minst eitt Senter for framifrå forsking og fleire større prosjekt finansiert av EUmidlar og andre eksterne kjelder styrkje lovande forskingsmiljø med potensial til å slå gjennom internasjonalt utvikle forskargruppestrukturen vidare stimulere til auka internasjonal publisering og oppmuntre fagmiljø til å søke deltaking i internasjonale forskings- og mobilitetsprogram gi alle ph.d.-kandidatar god miljøstøtte slik at dei blir integrerte i relevante fagmiljø, forskargrupper og forskarskular sørgje for at alle ph.d.-kandidatar kjem i kontakt med internasjonal forsking og forskarnettverk utover eigen institusjon 3

4 Mål: Det skal bli lagt til rette for tverr- og fleirfagleg forsking for å stimulere til fornying av fagdisiplinane, for å skape sterke fagmiljø og for å fremje utforskinga av nye område. leggje til rette for at tverrfaglege forskargrupper og forskarnettverk kan opprettast uhindra på tvers av institutt- og fakultetsgrensene greie ut og leggje til rette for profilering av tematiske og fagovergripande forskingsområde. Denne prosessen skal ha brei forankring og ta utgangspunkt i eksisterande forsking arbeide for å skape fleire møteplassar og faglege arenaer på tvers av institutta og sentera for å skape eit attraktivt og kreativt akademisk miljø Mål: Fakultetet skal arbeide for å auke forståinga for dei humanistiske kunnskapsområda sin relevans for samfunnsutfordringar i tida, og deira evne til å bidra i breie forskingspolitiske satsingar. føre ein aktiv politikk andsynes eige universitet, Forskingsrådet og institusjonar innan EUforskinga for å fremje humanistisk grunnforsking arbeide aktivt for å styrkje kjønns- og mangfaldsperspektivet i forskinga ved UiB styrkje formidlinga av fakultetet si forsking til samfunnet, også ved hjelp av digitale formidlingsformer Mål: Fakultetet skal gjere seg sterkt gjeldande i satsingane ved UiB. ta ansvar for UiB si klynge for mellomalderstudium. Satsinga på mellomalderstudium skal ha ein sterk tverrfagleg profil og samstundes vere ein utviklingsarena for nye samarbeidsformer og forskingsformidling vere ein viktig bidragsytar i andre klynger og arbeide for at humanistiske fagperspektiv blir gjort gjeldande i alle relevante samanhengar bidra aktivt til å utvikle og integrere etiske og globale perspektiv og kjønnsperspektiv som vil styrke kvaliteten i forskinga ved UiB Mål: Arkiva og samlingane ved fakultetet skal vere digitaliserte, lett tilgjengelege og viktige ressursar for forsking, undervisning og formidling opprette eit fakultetsutval med særleg ansvar for arkiv og samlingar arbeide for at arkiva og samlingane blir forvalta på tilfredsstillande vis, digitaliserte og tilrettelagde for forsking, undervisning og formidling ha eit nært samarbeid med Universitetsbiblioteket med sikte på felles og formålstenlege løysingar sjå til at arkiva og samlingane ved fakultetet blir integrerte i UiB sitt infrastruktursamarbeid søkje infrastrukturmidlar gjennom Forskingsrådet 4

5 UTDANNING: God studiekvalitet og attraktive læringsmiljø Utdanninga ved Det humanistiske fakultet er forskingsbasert. Det tyder at utdanninga ikkje berre skal gjere studentane fortrulege med forsking, men også at studentane skal tileigne seg dei prinsippa som ligg til grunn for forskingsbasert argumentasjon, kritisk refleksjon og intellektuelt ansvar. Studentane skal opparbeide gode kommunikative, analytiske og kritiske dugleikar som også er verdfulle i arbeidslivet og som sporar til aktiv deltaking i samfunnet. Mål: Fakultetet skal heile tida arbeide for å betre utdanningskvaliteten slik at fleire studentar gjennomfører gradsstudia og gjennomføringstida blir redusert. utvikle fleksible, dialogbaserte og varierte læringsformer støtte pedagogisk kompetansebygging invitere studentane med på gjesteforelesingar, seminar, konferansar og disputasar arbeide vidare med utvikling av mentorordningar styrkje tilbodet av digitale læringsformer og læremiddel samarbeide med Humanistisk studentutval og andre studentorganisasjonar for å sikre eit godt og integrerande studiemiljø styrkje mottakinga slik at studentane tidleg blir integrerte i eit stimulerande fagleg og sosialt universitetsfellesskap ta vare på norsk som fagspråk Mål: Fakultetet skal forvalte og utvikle vidare eit breitt og tverrfagleg studietilbod. gå gjennom og revidere studieprogramporteføljen med sikte på betre utnytting av den faglege breidda ved fakultetet og for å skape større fleksibilitet, slik at fleire av programma og emna kan gå på tvers av etablerte disiplingrenser arbeide for å etablere fleire større og tverrfaglege studieprogram gå gjennom spesialiseringskrava til bachelorgraden og opptakskrava til mastergraden for å leggje betre til rette for tverrfaglege mastergradar arbeide for å fjerne administrative, organisatoriske og økonomiske hinder for tverrfaglege og tverrfakultære studietilbod Mål: Fakultetet skal utdanne kandidatar som er attraktive på arbeidsmarknaden. styrkje studentane sin kunnskap om og kontakt med arbeidslivet, i samarbeid med mellom andre Humanistisk studentutval arbeide for auka innslag av praksis i utdanninga 5

6 Mål: Fakultetet skal auke talet på førsteprioritetssøkjarar og styrkje rekrutteringa til masterprogramma. styrkje den digitale profileringa av studietilboda ved fakultetet etablere gode og varige kontaktar med skulane synleggjere dei humanistiske faga sin kompetanse og relevans i samfunnet arbeide for å rekruttere fleire studentar med innvandrarbakgrunn Mål: Fakultetet skal spele ei viktig rolle i utdanninga og vidareutdanninga av framtidas lærarar. ha god kontakt med skulesektoren og følgje opp framtidige behov der utvikle vidare samarbeidet med universitets- og partnarskulane vidareutvikle lærar- og lektorutdanninga som ei forskingsbasert utdanning med ein særleg praksisrelevans Mål: Fakultetet skal leggje til rette for eit omfattande tilbod innanfor etter- og vidareutdanning. utvikle vidare tilbodet for lærarar i grunnskule og vidaregåande skule kartleggje interessa for etter- og vidareutdanning i humanistiske fag og emne hos målgrupper som helsevesenet, offentleg administrasjon, bibliotek-, arkiv- og museumssektoren Mål: Internasjonaliseringa av studietilbodet skal utviklast vidare. kvalitetssikre eksisterande utvekslingsavtalar og etablere nye auke bruken av lærarutveksling i samband med studentutveksling utnytte dei utanlandske studiesentera betre sørgje for at utanlandske studentar får god engelskspråkleg studieinformasjon, tilrettelagde norskkurs og tilbod om gode fagleg-sosiale tiltak vurdere oppretting av fleire engelskspråklege studietilbod KONTAKT MED OMVERDA Det humanistiske fakultet er ein viktig lokal, nasjonal og internasjonal kunnskapsressurs. Kunnskapen som vi forvaltar og forskinga og det kunstnarlege utviklingsarbeidet som skjer ved fakultetet, har samfunnet behov for. Mål: Fakultetet skal styrkje kontakten med omverda. presentere og formidle forskinga og utdanninga på ein måte som ikkje berre følgjer undervisningsdisiplinane, men også er fagovergripande og tematisk bidra til å skape møteplassar for kunnskapsutveksling, kulturaktivitetar og kritisk samfunnsdialog vidareutvikle samarbeidet med vidaregåande skular og kontakten med ungdomsskulen 6

7 bidra med ei kunnskapsbasert stemme i offentlege debattar om aktuelle samfunnsspørsmål, og gjere sitt til å setje nye spørsmål på dagsorden ha god kontakt med lokale kulturinstitusjonar, forvalting, organisasjonar og næringsliv, også gjennom praksisbasert utdanning vidareutvikle alumnusarbeidet sikre god og effektiv kommunikasjon med mediesektoren ORGANISASJON OG ARBEIDSMILJØ Eit godt arbeidsmiljø er viktig for å trivast og for å kunne prestere sitt beste. Mål: Fakultetet skal vere ein stimulerande og utviklande arbeidsplass for tilsette og studentar. Arbeidsmiljøet skal vere prega av gjensidig respekt, profesjonalitet, fagleg fellesskap, ærlegdom og openheit. Fakultetet skal pregast av tillitsfulle og respektfulle tilhøve mellom avgjerds- og kompetansenivåa. ha ein organisasjonsstruktur som er best mogleg tilpassa forskings-, formidlings- og utdanningsverksemda. Organisasjonsendringar og omstillingsprosessar skal vere opne og tufta på medverknad ha tydelege leiarar som fremjar ein positiv, involverande organisasjonskultur og stimulerer til eit produktivt og godt arbeidsmiljø vidareutvikle eit godt samarbeid og fellesskap på tvers av organisasjonsstruktur og nivå sikre gode fysiske og sosiale arbeidsvilkår for tilsette og studentar leggje til rette for leiaropplæring og leiarutvikling for fagleg og administrativ leiing, samt målretta kompetanseutvikling for personale i alle stillingskategoriar, i samsvar med det behovet verksemda har arbeide for å styrkje samhandlinga mellom universitetsnivået, fakultetsnivået og institutta/sentera arbeide målretta for å rekruttere dei beste kandidatane i alle stillingsgrupper arbeide for god kjønnsbalanse ADMINISTRASJON Velfungerande administrative tenester er grunnleggjande for verksemda, både for å sikre god forvaltningsskikk og for at fakultetet skal levere gode resultat innanfor forsking, formidling og utdanning. Mål: Fakultetet skal ha ein effektiv administrasjon med eit høgt servicenivå og levere tenester av god kvalitet. Administrasjonen skal ha gode rutinar og system og handle i samsvar med reglar for offentleg forvaltning. For å oppnå dette, skal administrasjonen ha høg kompetanse og ta initiativ for å nå faglege og administrative målsettingar leggje til rette for målretta kompetanseutvikling støtte opp om den faglege verksemda og leggje til rette for kvalitetssikra og effektive arbeidsprosessar. Det skal arbeidast kontinuerleg og systematisk med betring av administrative rutinar og arbeidsflyt 7

8 bidra med støttetenester som i samarbeid med fagmiljøa sikrar at forskingsprosjekt blir utforma og gjennomførde på ein profesjonell måte bidra til å rekruttere dei beste studentane og utvikle god kvalitet på studietilbodet bidra til å formidle den faglege verksemda på ein best mogleg måte til dei aktuelle målgruppene 8