Løyve til sprenging/utdjuping og dumping- Eldøyane i Stord, Kværner Stord AS

Transkript

1 Saksbehandler, innvalgstelefon Magne Nesse, Vår dato Deres dato Vår referanse 2016/ Deres referanse Kværner Stord AS Eldøyane Stord Løyve til sprenging/utdjuping og dumping- Eldøyane i Stord, Kværner Stord AS Fylkesmannen i Hordaland gjev Kværner Stord AS løyve til å sprenge/utdjupe ca m 3 faste massar ved Eldøyane næringspark. Føremålet med tiltaket er å klargjere sjøbotn for landsetting av offshorestrukturar frå kranskip. Massane skal dumpast på djupt vatn like ved utdjupningsstaden. Det må takast særlig omsyn til sjøvassleidning for berggyltoppdrett. Løyve er gjeve med heimel i forureiningsforskrifta Vi viser til søknad frå Ingeniør Jørgensen AS på vegne av Kværner Stord AS datert 24. mai 2016, og brev frå Kværner Stord AS datert 6. juli Søknaden Kværner Stord AS skal klargjere for landsetting av offshorestrukturer frå kranskip på sørsida av Eldøyane næringspark. Det er søkt om utdjuping/sprenging av ca m 3 fast fjell i sjø. Utsprengt stein, som utgjer ca m 3 anbragte massar, er søkt dumpa på djupt vatn like utfor utdjupningsstaden. Det skal sprengast i sjø frå minus 5 til minus 30 meter på eit areal på ca. 940 m 2. Det skal takast omsyn til straumretning ved sprengningsarbeidet (sprengast på nordgåande straum) og det er forventa at meste parten av steinen vil falle med gravitasjon ned til djupare dumpestad (frå minus 40 til minus 60 meter). Dei resterande massane skal flyttast med grabb frå fartøy. Dumpestaden utgjer eit sjøbotnsareal på ca m 2. I følgje søknaden er det trulig ikkje forureina sediment i området. Det er fast fjell og forsøk på å få opp lause sedimenter har ikkje lukkast. Det er ynskt oppstart i august 2016 med sluttføring i desember Boring startar i august. Omlag 30 løpemeter av totalt 120 meter platå som skal etablerast på ca. 30 meters djupne vert sprengt i september (startar i vest). Dei resterande 90 meter platå vert sprengt i desember Statens hus Kaigaten 9, 5020 Bergen Telefon: Telefaks: Miljøvern- og klimaavdelinga Postboks 7310, 5020 Bergen Org.nr: E-post: postmottak@fmho.no Internett:

2 Sakshandsaming Søknaden er sendt på høyring til Stord kommune, Fiskeridirektoratet, Fiskarlaget Vest, Eldøyane Næringspark AS, Hamnesjefen i Stord kommune, Sagafjord Sea Farm AS og Stiftelsen Bergens sjøfartsmuseum. Vi har mottatt følgjande uttaler: Stord kommune, regulering, byggesak, oppmåling (4. juli 2016): Tiltaket er i samsvar med gjeldande reguleringsplan og kommunen handsamar rammeløyve etter plan og bygningslova. Stord kommune, hamnesjef (4. juli 2016): Tiltaket er ikkje i strid med hamne- og farvannslova. Stiftelsen Bergens sjøfartsmuseum (10. juni 2016): Museet kjenner ikkje til marine kulturminner som kan bli påverka av tiltaket. Museet viser til den generelle plikten etter kulturminneloven om stans i arbeid og varsling til museet dersom skipsvrak, keramikk eller andre marine kulturminne vert observert under arbeidet. Marine Harvest Norway AS (27. juni 2016): Marine Harvest Norway AS er leigetakar ved Sagafjord Sea Farm AS sitt landanlegg på Eldøyane. Anlegget produserer berggylt og har ein inntaksleidning for sjøvatn vest for utdjupningsområdet. Tiltaket utgjer stor risiko for negative konsekvensar for produksjon av berggylt slik det er søkt gjennomført. Marine Harvest Norway AS ber om at tidspunktet blir endra til desember mai og/eller forlengje eksisterande inntaksleidning. I møte mellom Kværner og Marine Harvest 28. juni 2016 er det blitt semje om korleis tiltaket kan gjennomførast i haust, jf. brev frå Kværner Stord av 6. juli Fiskeridirektoratet (5. juli 2016): Fiskeridirektoratet går ikkje imot at det vert gitt løyve ut frå fiskeri- eller akvakulturinteresser, men visar til at det er område for aktive og passive fiskereiskap rett utanfor tiltaksområdet og tilrår at det vert teke kontakt med lokale fiskarlag før tiltaket startar opp for å unngå eventuelle konfliktar. Fylkesmannen si grunngjeving All mudring/utdjuping og dumping utført frå skip er forbode med mindre det er gjeve løyve etter forureiningsforskrifta Fylkesmannen er mynde etter forskrifta og skal vurdere søknader etter Miljødirektoratets rettleiar M-350/2015 "Handtering av sedimenter". Når forureiningsmynde avgjer om løyve skal gjevast og fastset nødvendige avbøtande tiltak (vilkår), skal det leggjast vekt på ulemper som følgje av forureining ved tiltaket samanlikna med dei fordeler og ulemper som tiltaket vil medføra. Prinsippa i naturmangfaldlova 8 til 12 skal leggjast til grunn som retningslinjer ved utøving av offentlig mynde. Løyver som kan ha innverknad på sjø og ferskvatn skal også vurderast etter vassforskrifta. Tiltak som gjev dårlegare miljøtilstand i ein vassførekomst er ikkje lov med mindre det kan gjevast unntak, jf. vassforskrifta 12. I denne saka legg Fylkesmannen til grunn at det vil vere eit mellombels tiltak og at resipienten vil verta gjenoppretta når påverknaden stansar. Variasjonar i tilstanden til vassførekomstar som følgje av anleggsarbeid kan det gjevast unntak for. Dette følger av rettleiing 1 til vassforskrifta. 1 Veileder om unntak fra miljømål. Guidance Document No. 20 Technical Report

3 I dette tiltaket er det fast fjell som skal fjernast med sprenging under vatn. Fylkesmannen legg til grunn at det ikkje er sjøbotn forureina av miljøgifter. Massane skal deponerast på større djupne rett utom utdjupningsstaden. Spreiing av reine partiklar under sprenging og dumping kan medføre forureining ved å nedslamme sjøbotn og blakke vatnet. Partiklar i vatn kan vere skadeleg for fisk i for høge konsentrasjonar. Fiskeriinteresser I Fiskeridirektoratets kartløysning er det vist fiskefelt for aktive og passive reiskap tett ved tiltaksområdet. Feltet (Eldøyane Langenuen) blir nytta til sei- og lyrfiske heile året samt makrell og hyse frå hhv. mai til september og mars til juni. Fiskefelt for aktive og passive reiskap, kjelde: kart.fiskeridir.no Fiskeridirektoratet seier i sin uttale at dei ikkje går mot tiltaket men at tiltakshavar må varsle lokale fiskarlag før oppstart, for å unngå eventuelle konfliktar. Fylkesmannen har pålagt tiltakshavar ein slik varslingsplikt i vilkår 2.5. Eksisterande inntaksleidning for berggyltoppdrett ligg på 160 meters djupne ca. 300 meter sørvest for tiltaksområdet. Det er risiko for at steinpartiklar frå sprenging/dumping kan spreie seg til sjøvassinntaket og havne i oppdrettsanlegget. Marine Harvest Norway AS og Kværner Stord AS har i møte 28. juni 2016 blitt einige om ei rekkje avbøtande tiltak for korleis og når tiltaket kan gjennomførast for å minimalisere risiko for at partiklar frå sprenging/dumping kjem inn i inntaksleidning for sjøvatn som nyttast til oppdrett av berggylt. Tiltaka er lista i brev frå Kværner Stord av 6. juli 2016 og er teke inn i løyvets vilkår, jf. vilkår 4.2. Søk i databasen Artsdatabanken og Naturbase 6. juli 2016 viser at det ikkje er trua artar eller utvalde naturtypar nær tiltaksområdet som kan verte påverka av tiltaket. Både forureiningssituasjonen og naturmangfaldet er kartlagt, og kravet i naturmangfaldlova 8 om at saken skal baserast på eksisterande og tilgjengelig kunnskap, er dermed oppfylt. Kunnskapsgrunnlaget for tiltaket vert vurdert som tilstrekkelig, og føre-var prinsippet i 9 i naturmangfaldlova er ivaretatt ved at tiltaket er regulert med vilkår etter forureiningslova. 3

4 Risikoklasse Ut fra opplysningane gjeve i søknaden set Fylkesmannen tiltaket i risikoklasse 4. Risikoklassen er gradert fra 1 til 4, der 1 er høgast risiko. Risikoklassen angir forventa ressursbruk og gebyrsats ved et eventuelt tilsyn, jf. forureiningsforskrifta Gebyr for sakshandsaming Fylkesmannen tar gebyr for arbeid med løyve og kontroll etter forureiningslova. På bakgrunn Fylkesmannens ressursbruk i denne saka, tek vi gebyr etter sats 3 (nest lågaste sats), kroner, for handsaming av søknaden, jf. forureiningsforskrifta 39-3, jf Faktura vert sendt frå Miljødirektoratet. Sjå forureiningsforskrifta kapittel 39 for å lese meir om sakshandsamingsgebyret. Endring og omgjering De pliktar å unngå unødvendig forureining, jf. forureiningslova 7. Viser det seg at forureiningstilhøva endrar seg, kan Fylkesmannen med heimel i forureiningslova 18, endre vilkåra i løyvet og sette nye vilkår, og om nødvendig trekkje løyvet tilbake. Rett til å klage De har fått løyve til mudring/utdjuping og dumping. Dersom det likevel skulle være noko de ønskjer å klage på, inkludert vedtaket om gebyr, kan de klage til Miljødirektoratet, jf. forvaltningslova 28. Fristen for å klage er tre veker etter at de har motteke dette brevet. Klagen bør vere skriftleg grunngjeven, og skal sendast til Fylkesmannen i Hordaland. Med helsing Ingrid Torsnes senioringeniør Magne Nesse senioringeniør Brevet er godkjent elektronisk og har derfor ingen underskrift. Vedlegg: Løyvet med vilkår Kopi med vedlegg: Stord kommune Ingeniør Jørgensen AS Marine Harvest AS ved Andrè Spigseth Stiftelsen Bergens Sjøfartsmuseum Stord kommune ved hamnesjef 4

5 Løyve til utdjuping/sprenging og dumping, Eldøyane næringspark for Kværner Stord AS Fylkesmannen gjev Kværner Stord AS løyve med heimel i forureiningsforskrifta Løyvet er gitt på grunnlag av opplysningar i søknad datert 24. mai 2016, og brev av 6. juli Løyvet gjelder frå dags dato. Dersom de ønskjer endringar utover det som er opplyst i søknaden eller under sakshandsaminga og som kan ha miljømessig betyding, må de på førehand avklare dette skrifteleg med Fylkesmannen. Dersom heile eller vesentlege delar av løyvet ikkje er teke i bruk innan to år skal de sende beskjed til Fylkesmannen. Fylkesmannen vil då vurdere eventuelle endringar i løyvet. Fylkesmannens referanse Løyvenummer Anleggsnummer Risikoklasse T (utdjuping) (dumpestad) 4 Bedriftsdata Bedrift Kværner Stord AS Postadresse Eldøyane 59, 5411 Stord Kommune og fylke Stord, Hordaland Org.nummer / Eigd av / Løyve gjeve: 6. juli 2016 Ingrid Torsnes senioringeniør Magne Nesse senioringeniør Løyvet er godkjent elektronisk og har derfor ingen underskrift 1 Jf. Forureiningsforskrifta kapittel 39 om gebyr til statskassen for Miljødirektoratets arbeid med løyver og kontroll etter forureiningslova

6 1. Løyvet omfattar 1.1 Omfang Løyvet gjeld: Utdjuping/sprenging av inntil m 3 faste massar frå minus fem til minus 30 meters djup over ca. 940 m 2 sjøbotn ved Eldøyane. Dumping/plassering av massane (ca anbragte m 3 ) på frå minus 40 til minus 60 meter over ca m 2 sjøbotn like ved utdjupningsstaden. Det er oppstart i august 2016 med sluttføring i desember Boring startar i august. Ca. 30 løpemeter av totalt 120 meter platå som skal etablerast på ca. 30 meters djupne vert sprengt i september (startar i vest). Dei resterande 90 meter platå vert sprengt i desember Generelle vilkår 2.1 Grunnlag for løyvet Fylkesmannen legg til grunn at tiltaka skal gjennomførast som nemnt i søknad av 24. mai 2016, samt brev av 6. juli 2016, med mindre anna er avtalt med Fylkesmannen. Fylkesmannen skal varslast når arbeidet vert sett i gong. 2.2 Ansvar Kværner Stord AS er ansvarleg for at vilkåra i løyvet vert haldne, og pliktar å sørgje for at dei som skal gjennomføre tiltaka er kjent med dei vilkår som gjeld. 2.3 Plikt til å redusere forureining All forureining frå verksemda, også utslepp til luft og vatn og dessutan støy og avfall, er isolert sett uønskt. Sjølv om ein held utsleppa innanfor fastsette utsleppsgrenser, pliktar verksemda å redusere utsleppa sine, også støy, så langt dette er mogleg utan urimelege kostnader. Plikta gjeld også utslepp av komponentar det ikkje uttrykkjeleg er sett grenser for gjennom vilkår i dette løyvet. 2.4 Endring av løyve Fylkesmannen kan oppheve eller endre vilkåra i løyvet, setje nye vilkår, og om nødvendig trekke løyvet tilbake, dersom vilkår gitt etter forureiningslova 18 er til stades. Fylkesmannen har på same grunnlag rett til, på eitkvart tidspunkt, å stoppe tiltaket. 2.5 Kulturminner i sjø Stiftelsen Bergen Sjøfartsmuseum gjer merksam på at tiltakshavar pliktar å gje melding til museet (marinarkeologi@sjofartsmuseum.no) dersom ein under arbeid i sjøområda finn skipsvrak, keramikk eller andre marine kulturminne. Dersom kulturminne på sjøbotnen kan

7 bli råka av tiltaket, må arbeidet under vatn straks stoppast. Verksemda må i så fall ikkje starte opp att før museet har undersøkt og eventuelt frigjeve området. Eventuelle brot på desse vilkåra vil være i strid med føresegnene i Lov av 9. juni 1978 nr. 50 om kulturminne. 2.6 Varsling I god tid før oppstart av anleggsarbeidet skal Kværner Stord AS varsle lokale fiskarlag om tidspunkt for arbeidet. 3. Internkontroll, beredskapsplan og akutt forureining 3.1 Internkontroll Verksemda plikter å ha internkontroll. Internkontrollen skal sikre og dokumentere at verksemda held krava i løyvet, forureiningslova og relevante forskrifter til lova. Verksemda plikter å halde internkontrollen oppdatert. Verksemda plikter alltid å ha oversikt over alle aktiviteter som kan føre til forureining og kunne gjere greie for risiko. På basis av risikoanalyse skal verksemda sette i verk risikoreduserande tiltak. Verksemda plikter å sjå til at den som til ei kvar tid transporterer og dumper eller på anna måte handterer massar, har internkontrollsystem i tråd med vilkår Beredskapsplan Verksemda skal utarbeide beredskapsplan for tiltaket. Ved endra forhold skal beredskapsplanen oppdaterast. Beredskapsplanen skal være tilgjengeleg og kjent for dei som utfører arbeid der akutte hendingar, i flg. planen, kan oppstå. 3.2 Varsling om akutt forureining Verksemda skal varsle akutt forureining eller fare for akutt forureining i samsvar med forskrift om varsling av akutt forureining eller fare for akutt forureining (nødnummer 110). Verksemda skal også, så snart som mogeleg, varsle Fylkesmannen i slike tilfelle på fmhopostmottak@fylkesmannen.no 4. Sprenging/ utdjuping og dumping 4.1 Generelt Utdjuping/sprenging og dumping skal utførast så skånsamt som mogeleg for å redusere partikkelspreiing. Tiltaka skal gjennomførast innafor det arealet som er vist i søknaden. Dersom det oppstår unormale forhold som har eller kan få forureiningsmessige konsekvensar, skal tiltakshavar straks melde frå til Fylkesmannen. 4.2 Omsyn til berggylt oppdrett Marine Harvest Norway For å redusere risiko for innsug av støv/partikler i leidning for sjøvatn for landbasert berggyltoppdrett er følgande avbøtande tiltak avtalt mellom Kværner Stord AS og Marine Harvest Norway AS, jf. brev frå Kværner Stord AS datert 6. juli 2016: Kværner skal gjere straummåling i sjø utanfor Eldøyane sør for å kartleggje straumtilhøva ved sprengingsstaden

8 Kværner vil installere ein ny vassleidning til Marine Harvest frå eksisterande sekundærinnløp og ut på 40 meters djupne, så denne kan nyttast i perioden der ein sprenger og mudrar. Vassinntaket vert etablert i dialog med Marine Harvest. Sprenging skal skje ved ein nordøstleg straumretning som vil sørge for at støv frå sprenging blir ført vekk frå nytt vassinntak. Eksisterande vassinntak vert stengd mellombels med plugg/ventil. Oppvirvling av sediment vil då ikkje påverke anlegget. Sprenging av den kritiske 30-meters sona vil skje over maksimalt to dagar. Sprenging av 30-meters sona må skje før ny yngel kjem i anlegget i slutten av september Marine Harvest skal i god tid varsle Kværner Stord AS når ny yngel kjem i anlegget og når sprenging vil medføre minst mulig risiko for yngelproduksjon. Sprenging av dei resterande ca. 90 meter platå på 30 meters djupne kan skje i desember Rystelse som følgje av sprenging skal målast ved Marine Harvest sitt landanlegg. 4. Sluttrapport og tilsyn 4.1 Sluttrapport Kværner Stord AS skal sende rapport til Fylkesmannen innan seks veker etter at tiltaket er gjennomført. Rapporten skal innehalde: Opplysningar om kor store mengder masse som faktisk har blitt mudra/utdjupa og dumpa (i m 3 eller tonn). Oversikt over eventuelle avvik frå løyvet og kva slags korrigerande tiltak som vart sett i verk 4.2 Tilsyn Tiltakseigar plikter å la representantar frå Fylkesmannen føre tilsyn med anlegget når som helst.