«SLETTO VEST» DETALJREGULERINGSPLAN FOR FRITIDSBUSTADER. Del av gnr. 56, bnr. 17 og 142 i SVEIO KOMMUNE. PLANOMTALE. Planid: jan. 16. rev.

Transkript

1 DETALJREGULERINGSPLAN FOR FRITIDSBUSTADER «SLETTO VEST» Del av gnr. 56, bnr. 17 og 142 i SVEIO KOMMUNE. Planid: PLANOMTALE jan. 16. rev. 1 Gullvegen 1421, 5550 SVEIO tlf e-post: mikalmhovda@yahoo.no

2 INNHALD side Framside 1 Innhold 2 1. Bakgrunn 3 a) Tiltakshavar b) Konsulent c) Kvifor dette arbeidet 2. Skildring av planområdet 4-5 a) Plassering og storleik b) Landskap og naturgrunnlag c) Bruk i dag d) Busetnad rundt e) Samferdsel og infrastruktur 3. Eigarforhold 5 4. Planstatus 5 5. Planprosess Innspel og merknader til oppstartsvarsel Planskildring 8-11 Alternativer a) Føremål b) Tomtene og bygningane c) Trafikkforhold d) Gangveg e) Friluftsområde f) Sjøarealet g) Småbåthamna h) Renovasjon i) Energi j) Vatn og avløp k) Branntryggleik l) Vind og klima (bølger og drag i sjøen) m) Sol og skygge n) Støy o) Forureining/forureining i sjø p) Barn og unge q) Strandsona r) Friluftsliv og fiske s) Framtidig eigedomsstruktur 8. Planforsslaget Arealer innafor planområdet Bygningar og anlegg, Samferdselsanlegg og teknisk infrastruktur, Bruk og vern av sjø og vassdrag 9. Konsekvenser med planforslaget a) Konsekvenser for strandverdiane b) Landskapsvirkning 10. ROS-analyse Sannsyn og konsekvenser 2. Kartlegging av mogelege hendingar/potensielle farer 3. Risikomatriser for sannsyn og konsekvenser 4. Systematisering og risikovurdering 5. Konklusjon PLANFORSLAGET 22 2

3 1. Bakgrunn a) Tiltakshavar Tiltakshavar er Sletto Eiendom as Fabrikkvegen Auklandshamn Kontaktperson: Odd Inge Olsen tlf e-post b) Konsulent Kystkonsult a/s Gullvegen Sveio Kontaktperson: Mikal Møller Hovda Tlf e-post c) Kvifor dette planarbeidet? Reguleringsplanen for Øvre Sletto blei godkjend I Eit areal som er omfatta av reguleringsplanen, er sett av til føremål for hotell med tilhøyrande anlegg. Dette arealet er ikkje lenger aktuelt for hotell. Store deler av arealet er alt utsprengd, delvis opparbeidda, og planert. Sletto Eigedom a/s ønskjer å gjera området meir attraktivt, estetisk og meir tilgjengeleg. Då området alt er påbegynt med tanke på utbygging, og arealet rundt består av fritidsbustader, vil ei omregulering til nokre fleire fritidsbustader liggja godt til rette. Kopi av gjeldande reguleringsplan for Øvre Sletto 3

4 2. Skildring av planområdet. a) Plassering og storleik. Planområdet er i dag ein del av reguleringsplanen Øvre Sletto, men det er nå meininga å laga eigen detaljreguleringsplan for området som var tenkt til hotellverksemd med tanke på byggjeområde for fritidsbustader. Planområdet ligg på Eltravåg i Sveio kommune, gnr. 56, bnr. 17 og 142. Samla areal for planområdet totalt er 23,65 da, der 17,53 da er landområde og 6,13 da er sjø. Området ligg heilt til sjøen ved Bømlafjorden. Hotelltomta Hhohhhh Hotelltomta b) Landskap og naturgrunnlag. Området er vurdert tidlegare i reguleringssamanheng. Store deler av arealet er sprengt ut og planert til cote ca I bakkant er det difor forholdsvis stor skjæring. Mot sjøen er det svaberg utan inngrep. For å dempa ned skjæringa må tomtene planerast på nytt i ulik høgd frå cote ca.+ 9 til cote c) Bruk i dag. Området blir i dag ikkje brukt og er uråd å ferdast i på grunn av inngrepa som er gjort. Også langs sjøen er det vanskeleg å ferdast slik terrenget er. 4

5 d) Busetnad rundt. I planområdet er det ikkje byningar, men det er fritidsbusetnad inntil området på høgdedraget mot aust. Det er viktig at dei planlagde fritidsbustadene ikkje stengjer utsikten for eksisterande og planlagde bygningar, og at dei ikkje vert ståande i silhuett frå sjøen. Høgdene på tomtene må difor tilpassast terrenget. e) Samferdsel og infrastruktur. Fylkesveg 541 er tilførselsveg til hytteområdet på Sletto. Dei nye fritidsbustadane skal i tillegg bruka eksisternde interne vegar i området som tilførselsveg. Det må i tillegg byggjast ein del ny veg i planområdet til dei ulike nye tomtene. Vatn frå kommunalt vassverk og avløp til eksisterande anlegg med utslepp til Bømlafjorden. Dei nye fritidseigedommane kan mot vederlag nytta seg av båthamna i hyttefeltet, som ligg kort veg nord for planområdet. 3. Eigarforhold Det er Sletto Eigedom as som eig gnr. 56 bnr 17 og 142 i Sveio kommune. 4. Planstatus. Området er ein del av reguleringsplanen Sletto Øvre. 5. Planprosess. Oppstartsmøte med Sveio kommune var Det kom fram på møtet at representantar frå Plan- og næringsavdelinga var på synfaring i området , og at dei stiller seg positive til å omregulera området. Då arealføremålet vert endra frå hotell til frittståande fritidsbustader, vil bruken av området bli endra. Det må difor i planprosessen sjåast på kva konsekvenser ei slik endring vil medføra for strandsoneverdiane. Utgangspunktet er at det gjennom godkjent reguleringsplan allereide er opna for tiltak og inngrep i strandsona. Med det utgangspunktet er det frå kommunen si side gjort den vurderinga at det ikkje er naudsynt med fullstendig konsekvensutgreiing, men at enkelte forhold må avklarast i planarbeidet. Det er såleis ikkje nødvendig med høyring av planprogram i samband med varsel om oppstart av planarbeidet. Varsel om oppstart blei kunngjort i Haugesunds Avis og Vestavind Det blei samstundes sendt oppstartsvarsel til høyringspartar, naboar og Sletto hytteforening. Målet med planleggjinga er å leggja til rette for frittliggjande fritidsbustader med tilhøyrande veganlegg, parkering og friluftsareal. Planen skal og visa tilkomst for ålmenta mot sjøen og friluftsområdet. Då tiltaket ikkje er i samsvar med gjeldande reguleringsplan for området, har Sveio kommune stilt krav om at konsekvensane for strandsoneverdiane skal vurderast. Tema som særskilt skal utgreiast, er funksjonell strandsone, allmenn ferdsel/tilkomst, friluftsliv, fiske og privatisering. Frist for å komma med innspel eller merknader blei sett til

6 Kopi av annonse i Vestavind 3. juli Innspel og merknader til oppstartsvarsel. 1. Narurvernforbundet i Hordaland e-post 5. juli 2014 Melder ar dei er på ferie og at dei er tilbake 4. august. Konsulenten sine merknader: Det er ikkje kome merknader seinare. 2. Odd Erling Støle e-post 10. og 15. Juli 2014 Er positiv til planen, men framtidige hytter må ikkje stengje for utsikten. Konsulenten sine merknader: Hyttene i området vil liggja på eit lågare plan og vil ikkje stengje for utsikt for nabohyttene. 3. Fylkesmannen i Hordaland, kommunal- og samfunnsavd. e-post 23. juli 2014 Fylkesmannen legg til grunn at planarbeidet er i samsvar med overordna plan og at det ikkje er i strid med nasjonale føringar i arealpolitikken. Minner om at dei konsekvensene reguleringsplanen har for endra arealbruk, skal vurderast i høve til naturmangfaldet. Fylkesmannen ber også om at folkehelseperspektivet vert vurdert, og at ROS- analysen må sjå på risiko både innafor og utafor planområdet som kan påverka tiltaket. Svar frå konsulenten: Planarbeidet er ikkje i samsvar med vedteken plan, men strir ikkje mot nasjonale føringar. Området ligg i dag som ei utsprengd og uferdig hotelltomt og har lege slik lenge. Det er vanskeleg å ta seg fram i området som er lite tiltalande. Det er nå ikkje aktuelt å byggja hotell i dette området, og det vil difor vera ein stor fordel å utnytte byggetomta på ein måte som tener alle partar. Dersom tomta vert byggjemodna til fritidsføremål, vil det bli råd å gå både gjennom området og langs sjøen. Dette vil vera med på å gje betre forhold også for dei som alt er etablerte med fritidsbustader i området og for besøkande, og med det fremja folkehelseperspektivet. Det blir laga ROS-analyse. 6

7 4. Dag Sele m/fleire hytteeigarar i området brev dagsett 25. juli 2014 Dei underteikna er i utgangspunktet positive til ei omregulering frå hotellføremål til frittliggjande fritidsbustader. Dei vil likevel koma med to vesentlege innspel til det vidare arbeidet. 1. Friområde. Me registrer at planområdet er foreslått å dekka store deler av friområdet F2 og ønskjer difor å understreka at me ser det som svært viktig at dette området i det alt vesentlige også blir vidareført som friområde i ny reguleringsplan. Då hytteområdet på Sletto etter kvart er nokså tett utnytta, ser me det som viktig å bevara dei få områdene som er att av det opphavelege terrenget. Spesielt når ein registrerer at mange av tomtene har blitt opparbeida slik at ein svært stor del av tomtearealet er plannert, framstår det som vesentleg å bevara dei få knausane som er markerte som friområde. F2 utgjer såleis ein viktig liten flekk av opprinneleg terreng, ned mot båthamna og dels mot svaberga sør for moloen. 2. Trafikk Me ser svært positivt på at området, og spesielt strandsona, blir gjort tilgjengeleg for allmenn ferdsle. For oss som har fritidsbustader her, er det likevel naturleg å be om at det blir lagt til rette for å begrensa biltrafikken inn på dei interne vegane, spesielt når det gjeld besøkande biltrafikk. Dette burde vera mogeleg å ordna ved å leggja parkeringsplassar slik at besøkande kan gå til fots inn i området. Ein vil m.a. tru at ei ferdig opparbeiding av den regulerte P-plassen langs Fv. 541 ville vera av stor betydning i denne samanheng. Dei ønskjer elles om å få tilsendt planforslaget. Brevet er underteikna av: Dag Selle 56/153, Kjetil Dahl 56/158, Odd Erling Støle 56/145, Anne Karin Førland 56/145, Siri Matre 56/152 og Roy Nilsen 56/152. Svar frå konsulenten: (1. Friområdet) Planområdet består både av byggeområde for fritidsbustader og friområder. Friområdet F2 blir difor med små endringar i hovedsak som det er i dag. (2. Trafikk) Det er sjølvsagt ønskjeleg med minst mogeleg trafikk inn i området for fritidsbustader.det er likevel vanskeleg å ha andre reglar for dei 10 nye fritidsbustadane enn det er for dei allerede etablerte i området. I planen er det difor lagt opp til at det kan kjørast med bil til kvar tomt og med parkering på tomta. Fartsgernsa bør likevel vera låg (30 km/t) og det kan bli forbod for gjennomkjøring av personbilar. Å opparbeida parkeringsplassen ved Fv. 541 ville nok gje noko mindre trafikk i området. 5. Haugaland Kraft as nett e-post 1. august 2014 Vedlagt kart med oversikt over Haugaland Kraft sine nettanlegg i området. Vi forutsetter ar våre eksisterende nettanlegg blir hensyntatt i reguleringsplanarbeidet. Avhengig av planlagt behov for nytt effektuttak kan det være aktuelt med en ny nettstasjon innenfor planområdet. Vi vil kunne uttale oss om dette og øvrige nye strømforsyningsanlegg til området når konkrete planer for dette foreligger. Konsulenten sitt svar: Det blir råd å setja opp ny trafo og nettstasjon i planområdet dersom dette er turvande. 7

8 6. Sveio kommune, kulturavdelinga brev til Sveio kommune dagsett 8. august 2014 Har vurdert varslet i høve kulturminne, folkehelse og friluftsliv og har ikkje merknad til høyringsuttale. Konsulenten sitt svar: Ingen kommentarer. 7. Statens vegvesen, Plan og forvaltningsseksjonen, Bergen brev dagsett 15. august 2014 Føremålet med planen er å leggja til rette for frittliggjande fritidsbustader med tilhøyrande veganlegg og parkering. Planområdet ligg inne i eksisterande reguleringsplan som hotell med tilhøyrande anlegg. Statens vegvesen vil generelt peike på at planen må ivereta trafikktryggleiken for alle trafikkgrupper, gåande, syklande, kollektivtrafikkantar og bilistar. Busslommer og andre anlegg for mjuke trafikkantar skal vera universelt utforma. Planen legg opp til at ein nyttar eksisterande kryss ved Fv. 541 hp 1 km 12,060. Ein må sjå til at dette krysset oppfyller krava i H017, særleg når det gjeld stigningsforhold og sikt. Statens Vegvesen har elles ingen merknader til oppstartsmeldinga, men tek atter hald om ytterlegare merknader når planforslaget med føresegner ligg føre. Konsulenten sitt svar: Trafikken i området blir mindre med fritidsbustader enn tilfelle dersom det blei bygd hotell. Konsulenten reknar med at avkjøringa er bygd etter godkjent plan tidlegare. Busslommene blir utforma forskriftsmessig i reguleringsplanen Sletto Aust. 7. Planskildring Alternativer: Det er i utgangspunktet vurdert to alternativer til plan. Alt. 1 byggjer på at vegtilførsel til øvre og søre del av området kjem frå sør, medan nedre del og mot nord har vegutløysing mot nord. Arealet blir bunde saman av gongsti. Det er elles gongsti mot friluftsområdet. Dette forslaget har 11 tomter for fritidsbustader. Alt. 2 har veg gjennom feltet. Dette alternativet har eigen gongsti langs svaberga ved sjøen og til friluftsområdet. Det er også gongsti frå gjennomgangsvegen og ut i friluftsområdet. Vurdering: Alternativ 2 med 10 tomter blei i utgangspunktet vurdert som det beste alternativet særleg på grunn av at det har eigen gongsti langs svaberget til friluftsområdet. Interessene blir dermed meir delt, slik at dei som skal gå langs sjøen ikkje treng gå gjennom det nye hytte området. Det er både fordel og ulempe at vegen går gjennom feltet. Fordel for brøyting og vedlikehald etc. men det er ulempe med meir gjennomgangstrafik. Skisseforslag I Skisseforslag II Alternativ 3 blei lansert etter offentleg høyring med 7 tomter. Dette alternativet har same vegføring som alt. 2, men dei 3 tomtene på nedsida vagen mot sjøen er teken bort. 8

9 I det vidare er det berre alternativ 3 som er vurdert. a) Føremål. Føremålet med planforslaget er å gjera området meir attraktivt og å leggja til rette for utbyggjing av fleire fritidseigedommar med utsikt over Bømlafjorden for å oppleva havet både i stille og i storm. Det er viktig å få området til å sjå attraktivt ut i forhold til i dag då det framstår som eit krater. Dette vil ha positiv innvirkning på miljøet i området. Vidare er det eit mål å utvikla strandarealet med raste-/utsiktsplass og gode fiskeplasser langs svaberga mellom småbåthamna og friluftsområdet, og at friluftsområdet blir lett tilgjengeleg for ålmenta. b) Tomtene og bygningane. Tomtene er inndelte slik at bygningane ikkje stengjer for kvarandre når det gjeld sol og utsikt. Planert tomt har også ulike høgder (vist på planforslaget). Planløysingane må ha ei form som tar ivare sol- og utsiktsforhold samstundes som det må skjermast for vind. Plananforslaget og høgdene på tomtene er tilpassa terrrenget slik at skjæringane ikkje vert i silhuett frå sjøen. Dei er også plasserte slik at dei ikkje stengjer for sol eller utsikt for dei eksisterande tomtene på høgda aust for planområdet. Høgdene er også tilpassa vegen og tomta slik at det vert tilfredstillande parkering og innkjøring til kvar tomt. Parkering kan liggja på eit lågare plan enn sjølve tomta. På kvar tomt kan det byggjast garasje/carport i tilknyting til fritidsbustaden eller den kan byggjast inn i terrenget. Steinmurar må ikkje vera høgare enn 2 m. Bileter som viser korleis avkjøring til tomtene kan gjerast (bileta er terkne på hytteområdet på Sletto) c) Trafikkforhold. Tilkomst til planområdet er frå eksisterande interne vegar i hyttefeltet på Sletto. Ny veg blir bygd gjennom hytteområdet med tilkomst både frå nord og sør. Vegen får ei breidda på 4 m pluss skulder/grøft, og det er sett av noko parkering for besøkande og dei som vil gå tur langs svaberga eller fiska frå land. Utkøyring frå tomtene må ha tilfredstillande sikt. d) Gangveg. Arealet mot fjorden er svaberg som går bratt ned mot sjøen. Gangvegen blir avslutta på platået nord for tomtene. Her kan det lagast rste- utsiktsplass, og det er parkering rett ved. For å koma til friluftsområdet sør for området for hytter må ein gå langs vegen. 9

10 e) Friluftsområdet. Friluftsområdet skal liggja urørd. Det består for det meste av svaberg ned mot sjøen og elles noko karrig lyng. Nede ved sjøen er det enkelte stader råd å fiska frå land. f) Sjøarealet. Sjøarealet framføre planområdet blir ikkje råka av utbygginga. g) Småbåthamna. På grunn av drag i sjøen og vind er det uråd å fortøya småbåtar innafor planområdet. Det er småbåthamn i nærleiken som tomteeigarane mot vederlag kan gjera seg nytte av. h) Renovasjon. Fritidseigedommane innafor planområdet skal nytta seg av felles hyttekonteinar som er plassert ved fylkesvegen. i) Energi Straumforsyninga til området kjem frå Haugaland kraft, og det er etablert trafoo ved fylkesvegen. Denne kan også forsyna tomtene innafor dette planområdet. Alle kablar vert lagt i grøft. Dersom det er turvande med trafo eller nettstasjon, kan det etablerast. j) Vatn og avløp Vassforsyninga er kommunal, og det vert lagt 110 mm vassrøyr til området for også å få tilstrekkeleg sløkkjevatn ved evt. brann. Avløpet frå tomtene vert ført til renseanlegg og vidare pumpa ut på djupt vatn i Bømlafjorden. k) Branntryggleik Det er god veg til området for brann- og redningsbilar. Brannkummar blir plasserte lett tilgjengelege, godt merka og med forskriftsmessig avstand. l) Vind og klima (bølger og drag i sjøen) Området er vindutsett frå sørvest til nord. Dette fører til at det kan bli store bølger og mykje drag i sjøen. Bølgene og draget vil skylle langt opp på land, og vegane og alle fritidsbustadane innafor planområdet må difor fundamenterast slik at dei kan stå i mot naturkreftene. Før anleggsarbeidene startar opp, må det lagast detaljplanar for korleis fundamenteringa av vegane og bygningane kan gjerast for å tilfredstilla krava til sikkerhet i området. Full storm (bilete er teke om lag 1 km nord for planområdet) 10

11 m) Sol og skygge Området er solrikt frå morgon til kveld. Store deler av året vil ein frå området sjå at sola går ned i havet eller bak Bømlo. n) Støy Det meste av støyen i området vil vera frå havdønning og drag i sjøen og biltrafikk. Elles kan ein nok høyra båttrafikken på fjorden og ein og annan fritids- eller fiskebåt som går nær land. o) Forureining/ forureining i sjø Avløp frå området går gjennom rensing og ut i fjorden. p) Barn og unge Det er ikkje sett av areal til leikeområde i denne planen, men det er både leikeplass og ballplass i det regulerte område på vestsida av fylkesvegen, som blir opparbeida av velforeningen etter behov. I tillegg er det friluftsområde inntil fritidsbustadene. q) Strandsona Strandsona består av svaberg, og det er djup sjø ikkje langt frå land. Dersom sjøen er roleg, er det råd å gå på svaberga langs sjøen, og det er enkelte plasser råd å fiska frå land. Det skal ikkje gjerast inngrep i strandsona. r) Friluftsliv og fiske Området ligg godt til rette for friluftsliv både på land og sjø. Veret er skiftande og vil by på varierte opplevingar frå stille til storm. På landsida er det store utmarksområder inntil hytteområdet Sletto der det er mogeleg for fine turar både langs sjøen og i utmarka mot aust. Det er elles gode fiskeplasser både frå land og på fjorden. Området er også sentralt som utgangspunkt for båtturar i skjærgarden. Svaberg ved sjøen Fjell i dagen med lyng inn i mellom s) Framtidig eiedomsstruktur. Det er meininga at tomtene innafor planen skal overførast til potensielle kjøparar. Restarealet vert disponert av Sletto velforening, men eigd av Sletto Eigedom as. Grensene til eigedommen gnr. 56, bnr. 142 vert oppheva. 11

12 8. Planforslaget Arealer innafor planområdet 1. Bygningar og anlegg ,90 da Fritidsbustader FF 1-7 4,90 da 2. Samferdselsanlegg og teknisk infrastruktur ,90 da Kjøreveg KV 1 (eksisterande veg) 0,13 da Kjøreveg KV 2 (ny veg gjennom planområdet) 1,89 da Parkeringsplass P 1 (11 plasser) 0,24 da Parkeringsplass P 2 (12 plasser) 0,44 da Gangveg 0,20 da 3. Landbruks-, natur og friluftsføremål ,72 da Friluftsføremål 1 6,09 da Friluftsføremål 2 0,33 da Friluftsføremål 3 3,25 da Friluftsføremål 4 0,05 da 4. Bruk og vern av sjø og vassdrag, m/tilh. Strandsone Friluftsområde 6,13 da Samla areal for planområdet Landareal Sjøareal (Omsynssoner som ligg i andre areal Frisiktsoner 17,52 da 6,13 da (0,08 da) 23,65 da Bygningar og anlegg Frittliggjande fritidsbustader FF Området for fritidsbustader ligg på austsida av kjørevegen. Samla 7 stk. tomter for frittliggjande fritidsbustader med betegnelsen FF 1 7. Tomtene har ein storleik frå 595 til 794 m2. Det kan veljast bygningstype innafor gjevne føresegner med maks. BYA 120 m2. For alle tomtene er det tillete med garasje/carport dersom den heng saman med fritidsbustaden eller ligg inn i terrenget og det blir tilfredstillande utkjøring til vegen med god sikt. Parkering til tomtene kan leggjast på eit lågare plan enn sjølve tomta. Steinmurar kan ikkje vera høgare enn 2 m. 12

13 Samferdselsanlegg og teknisk infrastruktur Kjøreveg KV (KV 1 og KV 2) Kjørevegane i planområdet er regulert med bredde 5 m inkludert skulder og grøft. Maks stiging 8 %. Deler av vegen grensar inntil veg i tilstøytande reguleringsplan. Parkering P (P1 og P2) Det er planlagt 2 parkeringsplasser innafor planområdet. P1 med plass til 11 bilar og P2 med plass til 12 bilar. Parkeringsplassane kan nyttast av hytteeigarane, besøkande eller turfolk. Gangveg Gangvegen skal gå til platået nord for området for fritidsbustader. Den må plasserast etter terrenget, og det må ikkje gjerast store inngrep i terrenget. Gangvegen skal vera open for ålmenn ferdsel, og vera opparbeida før det vert gjeve byggjeløyve til første fritidsbustad. Bruk og vern av sjø og vassdrag Friluftsområde Sjørealet ligg urørd. Sjøarealet 13

14 9. Konsekvenser for planforslaget. a) Konsekvenser for strandsoneverdiane. Heile planområdet ligg innafor 100-metersbeltet. Då tiltaket ikkje er i samsvar med gjeldande reguleringsplan for området, har Sveio kommune stilt krav om at konsekvensene for strandsoneverdiane skal vurderast. Dei tema som blir vurderte er følgjande: 1. Funksjonell strandsone 2. Allmenn ferdsel/tilkomst 3. Friluftsliv 4. Fiske 5. Privatisering 1. Funksjonell strandsone Funksjonell strandsone er definert som: «Den sona som står i innbyrdes direkte samspel med sjøen både økologisk, topografisk og/eller bruksmessig. Sona kan vera smalare eller breiare enn 100 m». I sjølve planområdet er det ikkje inngrep i terrenget heilt til sjøen, medan det er utspreng for hotelltomt til om lag 10 m frå sjøen. Sør for planområdet er heile strandsona urørd, medan det nord for planområdet er inngrep i strandsona med molo og småbåthamn. Området er i funksjonell strandsone for Sveio registrert som kystlynghei. Arealet mot sjøen er bratt og lite «farbart» om det ikkje er stille sjø. Området kan ikkje brukast frå sjøen då det ikkje er råd å lenda båt. Sjølve hyttetomtene/hyttene blir trekte frå sjøen, og plasserte på området som det allerede er gjort inngrep i. Det er ikkje registrert kulturminne i området. 2. Allmenn ferdsel/tilkomst Området vil bli opna for allmenn ferdsel, og det er lagt til rette for parkering i planområdet både i nord og sør. 3. Friluftsliv Området er ikkje registrert som regionalt friområde, men i og med at det blir bygd veg og sti inn i området vil det opna for at området på land kan brukast meir i friluftssamanheng. 4. Fiske Det er gode fiskeplasser frå land langs svaberga i området. 5. Privatisering Hyttene blir trekte bort frå sjøen og strandlina, og vil liggja på eit høgare plan enn friområdet langs sjøen. Området der hyttene er, blir sjølvsagt meir privat, men er slik det ligg i dag lite tilgjengeleg. I og med at det blir tilordna og lagt til rette for allmenn ferdsel, vil området ikkje framstå som privat. 14

15 b) Landskapsvirkning Planområdet er bratt og vender seg mot sjøen. Slik området er i dag viser inngrepet i terrenget godt frå sjøen. Planforslaget vil gjera området mindre eksponert frå sjøen, og vil vera med å dempa silhuettverknaden av bygningane på høgdedraget bak planområdet. Høgdene på tomtene er tilpassa terrenget slik at skjæringane og bygningane ikkje vert i silhuett frå sjøen. Dei er også plasserte slik at dei ikkje stenger for sol eller utsikt for dei eksisterande tomtene på høgda aust for planområdet. Høgdene er også tilpassa vegen slik at det vert tilfredstillande parkering og innkjøring til kvar tomt. Lengdeprofil gjennom hytterekka (på austsida av vegen) Lengdeprofil gjennom vegen Tverrprofil gjennom hyttene i nord Tverrprofil gjennom hyttene i sør 15

16 10. ROS-analyse Vurdering av konsekvensar med risiko- og sårbarheitsanalyse (ROS-analyse) Det føreligg også ROS-analyse frå gjeldande plan. Denne analysen er difor utfyllande til den. Intensjon For å redusere omfanget av uønskja hendingar er det ein føresetnad at ein i planarbeidet kartlegg risiko og sårbarhet. Ein vil då i det ordinære planleggingsarbeidet integrere beredskapsmessige omsyn på eit tidleg tidspunkt. I ROS-analysa skal ein ta utgongspunkt i kjend kunnskap om planområdet og eksisterande arealbruk. Definering av omgrep Risiko omhandlar moglege, framtidige uønskja hendingar. Omgrepet risiko peikar på sannsynet for konsekvens av hendingar. Risko er då eit resultat av sannsyn og kvensekvens, og vil vera hefta med grad av uvisse. Medan omgrepet risko omhandlar sannsynet for, og moglege konsekvensar av uønskja hendingar, er omgrepet sårbarhet knytt til eigenskapen ved eit system, kor lett det er å slå ut systemet og konsekensane av systemsvikt. Definerte akseptkriterier uttrykkjer den risiko og sårbarhet ein kan tåle utan å gjennomføre tiltak for å seinke risikoen. Metode Analysa tek utgongspunkt i DSB sin rettleiar "Samfunnssikkerhet i areaplanlegging Kartlegging av risiko og sårbarhet" revidert desember Moglege uønskja hendingar som ei følgje av planområdet, fritidsbustadane, er vurdert etter utarbeidd tabell og sjekkliste. Havnivåstiging er ikkje relevant i denne saka, då bygningane i planområdet ligg minst 9 m over havnivået. ROS-analysen er laga med grunnlag i følgjande: 1. Sannsyn og konsekvenser - akseptkriterier for Sveio kommune 2. Kartlegging av moglege hendingar/potensielle farer 3. Risikomatriser for sannsyn og konsekvenser 4. Systematisering, risikovurdering og tiltak 5. Konklusjon 16

17 1.Sannsyn og konsekvensar Akseptkriteriene til Sveio kommune er innarbeidd i denne ROS-analysa. Inndeling av sannsyn: 2.Kartlegging av mogelege hendingar/potensielle farer Naturgjevne tilhøve Geoteknikk Lausmassene på land er stabile, og utgjer ingen fare for utgliding så lenge dei ikkje vert påvirka av ytre krefter. Deler av vegen med dekke og området med lausmassser som ligg på sjøsida av vegen, kan bli ustabile ved utvasking og påvirkning av store bølger eller drag i sjøen. Må vurderast ved detaljprosjektering og takast omsyn til ved utføring av anlegg i området. Ekstrem vind og klima med bølger og drag i sjøen Området er vindutsett frå sørvest til nord. Dette fører til at det kan bli store bølger og mykje drag i sjøen. Bølgene og draget vil skylle langt opp på land, og det er sansynleg at bygningar og anlegg i området, kan bli utsett for bølgedrag/utvasking og kan skadast i ekstremvær. Vegane og alle fritidsbustadane innafor planområdet må difor fundamenterast slik at dei kan stå i mot naturkreftene. Dette må takast omsyn til ved detaljprosjektering og utføring av anlegg og bygningar i området. Anleggsarbeidene må difor ikkje starta opp før det ligg føre teikningar og detaljbeskrivelse korleis fundamenteringa for vegane og bygningane skal utførast for å vera sikra mot naturkreftene. 17

18 Landskap og landskapsverknadar Landskapstypen inngår i landskapskategori 20 som Kystbygdene på Vestlandet etter Skog og landskap. Denne landskapstypen finn ein att i ytre og nordre strok av Sveio, ilag med ytre strok av nabokommunane Bømlo og Fitjar. Generelt er vegetasjonen i desse områda prega av open lynghei, der planting og attgroing i dag er i ferd med å endre landskapet. Dette området som ligg heilt til sjøen har lite vegetasjon. Store deler av planområdet er alt utsprengd for utbygging og består for det meste av fjellmasser og fjell i dagen. På den del av planområdet som det ikkje er gjort inngrep i, er det også fjell i dagen med lyng i klovane mellom fjellknausane. Terrenget er skrånande opp frå sjøen. Det er gode soltilhøve i heile planområdet. Ein vil grunna høgt omliggande terreng ikkje få silhuettverknad eller dominans i landskapet som ei følgje av utbygginga. Vegframføringa er gjort skånsamt og lågt plassert i terrenget. Det er ikkje avdekt negativ verknad på utvalde naturtypar, andre registrerte artar eller kulturminne. Utbygginga har difor ikkje negativ innverknad på landskap eller miljø. Landskapet i planområdet Radon og stråling Det er ikkje registrert radonhaldige bergartar innanfor planområdet, og vestkysten av Sveio kommune er generelt lite utsett for radon. Heller ikkje er det lokalisert strålekjelder i området. Det blir lagt redonsperre i grunnen. Flaum, ras og skred Topologien tilseier at området ikkje er utsett for korkje flaum, ras eller skred. Det kan vera ein viss fare for steinsprang frå fjellskjæringar, men desse må i tilfelle sikrast. 18

19 Terrengformasjonar Området er synfart for farlege terrengformasjonar og vurdert for framtidige utsprengte skjæringar. Det er ein del naturlege små skrentar, og det vert ein del nye og gamle skjæringar som må sikrast med gjerde på toppen. Den største faren er likevel nærleiken til sjøen, som kan medføre risiko for drukning. Sjå Drukningsfare og Fare for fall frå skrent. Drukningsfare Ferdsle langs svaberga ved sjøen vil alltid representera ein viss fare for at nokon kan falle i sjøen. Det er ikkje råd å sikre seg mot dette med fysiske tiltak, då det ikkje skal gjerast inngrep langs sjøen. Friluftsliv Området inngår ikkje som del av dei registrerte friluftsområda i Sveio. Planområdet har inga konflikt med registrerte friluftsområde, men det er observert lokale friluftslivsinteresser utafor planområdet, og det vil vera fleire som kan koma til desse områda. Nordsjø- og Nordsjøsykkelløypa går ikkje langt frå hytteområdet. Infrastruktur Trafikkskader Utbygginga vil medføre inntil 10 nye hytteeiningar. Dette vil føre til lite trafikkauke, men kjøring gjennom planområdet kan føra til noko auke av trafikk. Det er likevel ikkje fare for auka ulukkesfrekvens. Samfunnsmessig medførar utbygginga ingen negative konsekvensar. Tilhøve grunna prosjektet Ureining/avfall Der det er stor aktivitet, vil det alltid vera ein viss fare for ureining. Det er felles hyttecontainer i området som skal brukast. Utslepp til sjø Avløpet går i tett røyrsystem til djupt vatn i Bømlafjorden. Utsleppet representerer ingen fare for forureining. Brann/redning Med stor konsentrasjon av bygningar vil det vera sansynleg at det før eller seinare oppstår brann. Det er god veg til området og lett å koma fram for brann- og redningsbilar, og det er brannkummar i området. Støy frå veg Støy frå vegen kan forekomme, men representerer ingen ulempe. Støyen kan reduserast dersom det blir forbod for privatbilar å kjøra gjennom planområdet. Støy frå sjøen Støy frå yrkes- og fritidsbåtar kan forekomme, men representerer ingen fare. Fallulykker frå skrent I området er det ein del skjæringar som det kan vera fare for fall frå. Alle skjæringar må difor sikrast med gjerde på toppen. 19

20 3.Risikomatriser for sannsyn og konsekvenser Ei visuell framstilling av ROS-analysa vil synleggjera behovet for å iverksetting av avbøtande tiltak. Grønt felt indikerar akseptabel risiko, gult felt indikerar middels risiko, medan raudt felt indikerar uakseptabel risiko. Hendingar i grøne felt tilseier ikkje signifikant risiko, hendingar i gule felt må vurderast, medan hendingar i raude felt fordrar avbøtande tiltak då risikoen er uakseptabel. 20

21 4.Systematisering og risikovurdering Me vil i det følgande vurdere situasjonen etter den utbygginga som er planlagt. Kolonna lengst til høgre syner kva tiltak som gjennomførast for å avbøte risikoen. Hending Sannsyn Konsekvens Risiko Avbøtande tiltak Geoteknikk 3 sannsynleg 2 ein viss fare Fyllingane må byggjast etter godkjent plan Ekstrem vind med bølger og drag i sjøen Landskap og landskapsverknader 3 sannsynleg 4 mykje alvorleg 1 lite sansynleg 1 ufarleg Må vurderast og takast omsyn til i utføringa og detaljprosjekteringa Stråling 2 sannsynleg 2 ein viss fare Radon sperre i grunnen Flaum/ras/skred 2 noko sannsynleg 2 ein viss fare Alle fjellskjæringar må sikrast for steinsprang Drukningsfare 3 sannsynleg 3 alvorleg Det bør setjast opp redningsbøyar og opplysningsskilt Friluftsliv/skader Trafikkskader Ureining/avfall Utslepp til sjøen 1 lite sannsynleg 3 noko sannsynleg 2 noko sansynleg 1 lite sannsynleg 1 ufarleg 2 ein viss fare Låg fartsgrense på interne vegar. Ikkje gjennomkjøring 2 ein viss fare Det er felles container for avfall 2 ein viss fare Avløpet går i tett system gjennom rensing og ut på djupt vatn i sjøen Brann 3 sannsynleg 3 alvorleg Brannkummar med sløkkjevatn Støy frå veg Støy frå sjøen 4 mykje sannsynleg 4 mykje sannsynleg 1 ufarleg Noko auka trafikk 1 ufarleg Støy frå båtar Fallulykker frå skrent 2 sannsynleg 3 alvorleg Alle fjellskjåringar må ha gjerde på toppen 21

22 5.Konklusjon Etter utbygginga blir det vurdert at risikoen i planområdet er låg i dei fleste vurderte forholda, med unntak for ekstrem vind, bølger og drag der det er utslag på rødt. Vidare påreknast sannsynet for brann- og redningsoppdrag å auke som ei følgje av fleire hytteeiningar, men konsekvensen er innanfor akseptable grenser då det er planlagt god dekning med brannkummar med sløkkjevatn i området og god veg for redningsbilar. Drukningsfaren ved sjøen blir vurdert som sannsynleg, og det bør setjast opp redningsbøyer og opplysning om faren langs vegen og ved raste-/utsiktsplass. Vegnettet og båthamna vil medføre at folk ferdast meir ned til sjøen. Vegane og alle fritidsbustadene med fundament i planområdet må sikrast mot ekstrem vind, bølger og drag. Det må leggjast fram detaljplanar for sikringa før anleggsarbeidet startar opp. Fartsgrensa i planområdet bør setjast til 30 km/t. Plankart 22