K-POSTEN. Les meir side: 2. Les meir side: 4. Les meir side: 3. Les meir side 12 ÅRGANG 17, NUMMER 3 SEPTEMBER 2014.

Transkript

1 K-POSTEN ÅRGANG 17, NUMMER 3 SEPTEMBER 2014 Kommunereforma Naustdal er inne i ein krevjande, men og spennande periode med viktige saker som skal få si avgjerd. Døme på dette er Engebøsaka som skal få si avklaring litt fram i tid. I tillegg har kommunen starta eit større innsparingsprosjekt, Sparing for vekst, som skal gje handlingsrom for større nødvendige investeringar. Til slutt vil eg nemne kommunereforma som kommunalministeren legg opp til at vi må ta endelig stilling til seinast sommaren Les meir side: 2 Spring for vekst Budsjettprosessen i Naustdal hausten 2014 vert ekstraordinær og krevjande, for å skape rom for vekst og utvikling dei neste 20 åra. I haust skal vi byggje den langsiktige økonomiske grunnmuren for eit lokalsamfunn med utviklingskraft, forsvarlege basistenester og opne armar for tilflytting. Les meir side: 3 Utbygging i Lunden barnehage Kirsten Kongsvik Byggearbeidet i Lunden går jamt og trutt framover, og tek form både inne og ute. Innvendig er gammal bygningsmasse overflatebehandla og rehabilitert, så både lysog lyd-tilhøve er blitt betra. Les meir side: 4 PÅRØRANDESKULEN i Førde og Naustdal Kurs for pårørande til personar med demens, vener, familie, frivillige og støttekontaktar Dette er eit tilbod til deg som - er pårørande, i familie med, eller nær ven til ein person med demens. - er i kontakt med personar med demens gjennom frivillig arbeid, eller som støttekontakt. - ynskjer å bli støttekontakt eller frivillig, og ynskjer å lære meir. Les meir side 12 1

2 Kommunereforma Naustdal er inne i ein krevjande, men og spennande periode med viktige saker som skal få si avgjerd. Døme på dette er Engebøsaka som skal få si avklaring litt fram i tid. I tillegg har kommunen starta eit større innsparingsprosjekt, Sparing for vekst, som skal gje handlingsrom for større nødvendige investeringar. Til slutt vil eg nemne kommunereforma som kommunalministeren legg opp til at vi må ta endelig stilling til seinast sommaren Ein liten kommentar innleiingsvis til Engebøsaka. Vi ønsker at den får sitt endelege klarsignal ganske rask etter at departementet i september får oversendt måleresultata for straumforholda i Førdefjorden med tillegg av utgreiingane knytt opp til vedtak gjort av Miljøverndepartementet våren Engebøsaka er det viktigaste industriprosjektet vi har i kommunen og regionen vår og vil med si godkjenning gje starten til ei større oppgangstid for Naustdalsamfunnet. Det eg spesielt vil omtale i denne artikkelen er kommunereforma. Som bakgrunn for reforma la det som vert kalla «ekspertutvalet» fram ein rapport om «Kriterier for god kommunestruktur»- denne vart framlagt i mars i år. I denne rapporten finn vi vurderingar om minstestørrelse på dei nye kommunane, ein finn grunngjeving for kva spesialiserte oppgåver som trekker i retning av å endre størrelsen på kommunane. Vidare finn ein grunngjeving for at interkommunale samarbeidsordningar i mindre grad er underlagt folkevalt styring og ein finn informasjon om at små kommunar ofte har for små fagmiljø og manglar tilstrekkeleg kapasitet og relevant kompetanse på viktige områder for velferdsproduksjon. Vidare omtalar ekspertutvalet det som er kalla bu og arbeidsområde. I rapporten finn ein at ein region er lite framtidsretta dersom kommunane ikkje tenker regionutvikling, men mest på det å få maksimalt til eigen kommune. Regionalt samarbeid og næringsutvikling fordrar at ein har ein lokal forståing av at eigen kommune inngår i eit større problemkompleks og at ein er i eit «skjebnefellesskap». Rapporten omtalar dette mellom anna på denne måten: «det eksisterer mange gamle og etablerte motsetningar mellom steder og kommuner som hindrer sterkere regiontenking og sterkare samarbeid og på tvers av kommuner». Vidare finn vi : «I og med at erfaringer har vist at ulike samarbeidsformer ikkje gir gode helhetlige løsninger, oppfatter utvalget at det er hensiktsmessig med kommunesammenslåinger i flerkommunale byområder. Dette vil si i de tilfellene der tettsteder er splittet opp mellom fleire kommuner (inkludert tvillingbyer), der kommuner er sterkt integrerte gjennom pendling i et felles bo- og arbeidsmarked, og der det er kombinasjon av disse» Kommunereforma vart vedteken i Stortinget i juni i år. I august fekk alle landet sine ordførarar brev frå kommunalministeren om å delta i reforma om kommunestruktur. Kommunalministeren skriv i brevet at bakgrunnen for reforma er at befolkningsmønstra, kommunikasjonsmuligheitene, næringsstruktur og velferdsbehova er i endring. Kommunalministeren ønsker at eg som ordførar i Naustdal avklarar om det er aktuelt for oss å slå oss saman med nabokommunar. I brevet står det at eit fleirtal i kommunal- og forvaltningskomiteen på Stortinget understreka at det «er eit utredningsansvar for alle kommunar». Regjeringa legg opp til to løp i utredningsprosessen- eit som kan munne ut i kommunestyrevedtak 2015 og eit med kommunestyrevedtak Dersom ein gjer vedtak om kommunesamanslåing i 2015 så vert den nye kommunen operativ frå 1. januar Eit kommunestyrevedtak om samanslåing i 2016 vil gjere ei ny kommune operativ frå 1. januar Kommunalministeren har vidare gjeve fylkesmennene i oppgåve og ansvar for å setje i gong og lage rammer rundt dei lokale prosessane. Departementet vil som hjelp til kommunane lage ein veiledar om korleis ein kan starte opp prosessen med å vurdere mulegheiter for og utfordringar ved ei kommunesamanslåing. Denne veiledaren er tenkt å være tilgjengeleg frå slutten av september. Det har vore sagt at dei nye kommunane skal få fleire oppgåver. Kommunalministeren vil våren 2015 legge fram eit forslag for Stortinget om nye oppgåver til større og meir robuste kommunar. Kommunestrukturprosessen ligg i dag i regionrådet SIS som består av kommunane Jølster, Gaular, Florø, Førde og Naustdal. SIS skal ha eit felles møte mellom formannskapa den 23. og 24. september. 2

3 Seinare vil vi i Naustdal kommune legge til rette for folkemøte der innbyggarane får den informasjonen vi har og der vi kan få tilbakemeldingar på kva som vil være viktige for oss, for grendene i Naustdal, i det vidare arbeidet med denne reforma. Det kan være ei utfordring ved kommunesamanslåing at ein kommune får gevinstar og utvikling på bekostning av andre kommunar. Videre er det og kanskje slik at kommunar som til dømes har større inntekter til fellesskapet frå industri eller kraftproduksjon ser det som lite formålstenleg for sin velferdsproduksjon å slå seg saman med andre kommunar. Det vert og viktig å få informasjon om den nye kommunen sine inntekter i framtida. Den nye storkommunen får behalde eksisterande inntekter, inndelingstilskotet, i 15 år. Men, kva skjer med overføringa av penger til ei ny storkommune etter 15 år? No vil prosessen med kommunereforma starte. Vi vil etter kvart få informasjon om kva regjeringa meiner med robuste kommunar. Vi vil få svar på om prosessen vil munne ut i tvangssamanslåing eller ikkje. Dersom det vert tvang så er dette ein lite demokratisk framgangsmåte. Ein slik framgangsmåte vil mest sannsynleg føre til at tvang vert eit stort og viktig politisk tema i valkampen ved stortingsvalet i Stortinget kan til dømes etter neste val få ei samansetning som ikkje støttar tvang og med det ei regjering som kan trekke tilbake ein proposisjon om kommunestruktur. No er det viktig at vi får fram fordeler og ulemper ved ei kommunesamanslåing og at vi får fram kva ein storkommune vil bety for innbyggarane i det som er Naustdal kommune idag. Det som må ha fokus heile tida er at velferdsproduksjonen vår vert best muleg. Helsing Håkon Myrvang -ordførar- Spring for vekst Budsjettprosessen i Naustdal hausten 2014 vert ekstraordinær og krevjande, for å skape rom for vekst og utvikling dei neste 20 åra. I haust skal vi byggje den langsiktige økonomiske grunnmuren for eit lokalsamfunn med utviklingskraft, forsvarlege basistenester og opne armar for tilflytting. Den kommunale drifta må denne hausten gjennom ei grunnleggande justering for å gjere oss mindre avhengige av økonomiske svingingar og kommunestruktur. Vanskelege, men òg nyskapande prioriteringar ligg framfor oss. Naustdal opplever folkevekst. Gode bustadområde og sentral plassering i vekstområdet Sunnfjord er avgjerande. Kommunestyret har over mange valperiodar jobba langsiktig for dette. Det kostar å vekse. Over tid har det bygd seg opp investeringsbehov, særskilt på sentrumsskulen, helse og barnehage. Full tenestegjennomgang og vurdering av skulestruktur er starta opp etter bestilling frå kommunestyret. Dette betyr systematisk gjennomgang av alle tenesteområda og søk etter potensiale for innsparing og nye arbeidsmetodar. Administrasjonsutvalet (formannskapet + tillitsvalte) er styringsgruppe. Det er sett ned 3 arbeidsgrupper som ser på samanlikningskommunar og leitar etter forbetringspotensiale. Nabokommunane har driftsløysingar vi vil studere. Det er valt ut 5 kommunar som liknar på oss og som driv billigare tenester på enkelte område. Lokalsamfunnet vårt skal ha forsvarlege tenester, med dei pengane vi disponerer. Kommunestyret står framfor knallharde prioriteringar. Dei lyt gjere den jobben på vegne av oss alle. Alle tilsette i kommunen vil merke endringane som kjem, også innbyggarane. 3

4 Som lokalsamfunn må vi klare dette løftet no, slik at vi på lang sikt framleis kan ha forsvarlege tenester i gode bygg og eit miljø der vi stadig kan helse velkomen nye innbyggarar som søkjer dei beste bustadområda i Sunnfjord. Øyvind Bang-Olsen Rådmann Utomhus er det blitt fjerna mykje skog. Barnehagen har fått utvida arealet sitt i området opp mot Eikelia. På baksida av barnehagen har vi fått på plass ras-sikring, og på papiret har vi mange spennande planar for leikearealet, som skal setjast i stand utover hausten. Vi gler oss til å flytte i nn i ny «storstove» på nyåret Utbygging i Lunden barnehage Kirsten Kongsvik Byggearbeidet i Lunden går jamt og trutt framover, og tek form både inne og ute. Innvendig er gammal bygningsmasse overflatebehandla og rehabilitert, så både lys- og lyd-tilhøve er blitt betra. På golva ligg nytt fint belegg, og veggane har fått eit strøk med lys beis. Våtromma er plata opp att, og heile bygget har fått utbetra ventilasjon. Innreiing til kjøkken er levert og vil bli montert i løpet av hausten. Barnehagen har fått ein del nybygg også. Noko er utbetring av eksisterande avdelingar, medan det meste er nye avdelingar og administrasjon. Når Lunden står ferdig på nyåret 2015 vil den ha 6 avdelingar, mot 3 slik den opprinneleg var bygd for. Hovudetasjen inneheld 5 avdelingar og kjøkken, medan «opp ned huset» i 2 etg. inneheld ei avdeling og administrasjon. Turi Bruland Ho er tilsett som oppvekstutviklar og starta i jobben 1 august. Turi vil få ansvar for å samordne tenester for barn og unge. Ho vil også arbeide med fagutvikling innan skule- og barnehage i samarbeid. Turi har allsidig erfaring frå skule- og helsetenester. Stillinga er lagt til rådmannen sin stab, med kontor på kommunehuset. Ho kan nåast på epost turi.bruland@naustdal.kommune.no, tlf Ann-Katrine Bruflot er tilsett som Folkehelsekoordinator i 50 % stilling, kombinert med 50 % stilling som helsesøster. Ann-Katrine er fødd og oppvaksen i Naustdal, og har tidlegare arbeidd som helsesøster i Naustdal i eit kortare vikariat. Etter det har ho hatt stilling som helsesøster i Gaular, og sakshandsamar i Førde kommune. Stillinga som folkehelsekoordinator er lagt til rådmannen sin stab, med kontor på kommunehuset. Ho kan nåast på epost annkatrine.bruflot@naustdal.kommune.no, tlf

5 UTBYGGINGSSTART NÆRMAR SEG! I løpet av sommaren har det gått føre seg eit stort arbeid både ved skulen i sentrum og på Horstad. I sentrum er mesteparten av spesialromsfløyen riven og plassen jamna til att. I tilknyting til midtbygget står ein del att. Dette vert nytta til lager i byggefasen og planen er at dette vert rive seinare. Likeeins står symjebassenget att. I denne delen av bygget er det trapp ned til tekniske rom i underetasjen og for å unngå væte i denne delen, står bygget enno. Ved byggestart av det nye spesialromsbygget, vert veggar og tak over bassenget fjerna. Det er no laga midlertidige rom for undervisning i mat&helse, naturfag, kunst&handverk og musikk. Dette ser ut til å fungere greitt. På Horstad har dei 104 elevane i klasse og SFO fått sine undervisningslokale. Dei har det trangt, men bygget framstår som lyst og triveleg. Uteområdet er blitt særleg fint med nye leikeapparat. Det er også gjort tiltak i høve tryggleik for elevar og tilsette både inne og ute. Elevane på Horstad i full aktivitet i friminutta. Anbodsrunden for nytt spesialromsbygg hadde innleveringfrist Planlagt oppstart for bygginga er sett til november 14. Det er rekna med ein byggeperiode på omlag 14 månader. Prosjektgruppa er i gang med detaljplanlegging for neste byggesteg. Anbodspapira vert truleg lagt ut i november. Slik vil spesialromsbygget sjå ut frå sentrum. 5

6 Planstatus Kommuneplanen korleis går det med Naustdal? Hovudmålet om «folkevekst med god kvalitet i samfunnsutviklinga» står ved lag. I 2014 har alle råd og utval i kommunen drøfta ulike delar av samfunnsutviklinga i Naustdal og det har det vore temamøter om bl.a. foreldrerolla og om ein god og trygg alderdom. Vi opplever at dette er viktige og engasjerande tema. No vert både politikarane og tilsette i kommunen utfordra på kommunestruktur og økonomi i åra som kjem, noko som kan endre tenestetilbodet og aktivtetane i kommunen. Når ein skal planlegge for framtida er det mange usikre faktorar og vi opplever endringar i teknologi og kommunikasjon, arbeidsmåtar og arbeidsmarknad, helsetilbod og utdanningsmetodar og mykje anna. Likevel kjem vi stadig tilbake til hovudspørsmåla Kva verdiar er viktige for Naustdal som samfunn framover? Korleis skal vi få fleire til å velje Naustdal som ein god stad å kome til og ein god stad å vere? Og sjølv om vi kan tenke Naustdal inn i ein større kommune, kva inneheld ein «Naustdalidentitet» for framtida som vi kan knytte målsetjingar til? I oktober vil vi ha summert opp politisk arbeid og møteverksemda, og vil skrive målsetjingane inn i eit plandokument. Sjølve planen vert lagt ut på høyring i november. Eg håper mange vil engasjere seg i korleis Naustdal og regionen skal utvikle seg som samfunn dei neste åra og gje oss innspel på «dei store måla»! Vi skal no velje ut tema på møter eller møteplassar vi skal ha i høyringsperioden, og sidan eg samordnar arbeidet, tek eg imot innspel til dette direkte på epost annlaug.kjelstad@naustdal.kommune.no fram til 17. oktober. Kommunedelplan Vevring Arbeidet,med kommunedelplan Vevring går no inn i sluttfasen. Som grunnlag har vi strandsoneanalyse, tettstadsanalyse og alle innspela frå grunneigarar, lag og organisasjonar. Eit første framlegg til plankart skal vere ferdig i januar Deretter vert det høyring der alle kan seie si meining om planen. Planarbeidet vert fortløpande koordinert med utfallet av regjeringa si avgjerd i Engebøsaka. Grend pluss Kommunen arbeider vidare med sitt ansvarsområde i prosjektet Grend pluss, som er overordna avklaring av arealbruk. Om lag 10 innspel på ny arealbruk i kvar av grendene Helle, Midtredalen og Instedalen vert denne hausten konsekvensvurdert. Og denne vurderinga skal skilje ut dei innspela som grunneigar direkte kan regulere til utbygging, og dei som må vurderast meir omfattande i ein større kommuneplanrevisjon. Reguleringsplaner Detaljreguleringsplan for Forretningsbygg ved Sanden er vedteken av kommunestyret. Bjørgvin bispedømmeråd har klaga på vedtaket av formelle årsaker. Dei har ikkje kravd anna vedtak i saka. Saka ligg hos Fylkesmannen til endeleg avgjerd. Detaljreguleringsplan for bustadområde Reina vest for riksvegen og sør for Bærelva har vore lagt fram for kommunestyret. Kommunestyret ynskte ein betre dokumentasjon for den estetiske kvaliteten ved utbygginga, og avviste saka slik ho låg føre i denne omgangen. 6

7 Adresseprosjektet Kommunestyret har vedteke at det skal gjennomførast eit prosjekt for å fastsette vegadresser i heile kommunen. Lokal forskrift for adressefastsettinga er no på høyring. Denne forskrifta vil vere stryrande for kva vegar som skal ha eige namn. I neste omgang vil det bli ein prosess for å få inn framlegg og fastsette namn på dei aktuell vegparsellane. Kontakt kommunen, eller sjå heimesida for meir informasjon. Kommunale vegar registrering Kommunen held på med ei tilstandsregistrering av alle kommunale vegar i haust. Vi ber om at vegfarande viser omsyn til dei som utfører arbeidet. Registreringa skal nyttast i arbeidet med Hovudplan for veg, sjå arkivsak 14/155, som skal vere ferdig til våren. Jordbruk- bruksutbygging Steffen Veien- gbr. 105/6 har fått tilsagn på investeringsstøtte frå Innovasjon Norge, og det er gitt byggeløyve for ny driftsbygning og gjødsellager. Dette er eit gledeleg nyhende i ei tid då det er meir vanleg å registrere at drifta bruk blir forenkla eller lagt ned. Kommunen ynskjer lukke til med utbygging! Så til deg som lurer litt på kva veg du skal ta i høve gard og jordbruksdrift: Ta gjerne kontakt med einkvan av oss i administrasjonen om det er noko du ynskjer å diskutere. TINGING AV SKOGBRUKSPLAN I NAUSTDAL KOMMUNE. Vi har no fått inn godt over 100 tingingar på skogbruksplanar pr. dato. Det er framleis mange som skulle ha tinga plan og det nærmar seg no siste frist. Fylkesmannen stiller etter kvart krav om plan for å få tilskot til vegbygging / andre skogbruksaktivitetar. Skogeigarlaget kjem og til å stille krav om skogbruksplan for å få levere tømmer via deira omsettingsapparat. Alle skogeigedomar med meir enn 50 daa produktiv skog er anbefalt å ha plan. Kva inneheld ei plan : Oversikt over areal, kubikkmasse, tilvekst, miljø og ressursoversikt. Kart over skogressursane ligg ved. Kva kostar ei plan : Staten dekker 70 % av kostnaden. Inneståande skogfond på eigedomen kan nyttast til å dekke eigenandelen som vil ligge ein stad mellom 8 og 10 kr. pr. dekar taksert areal. ( produktivt skogareal ) Slik tingar du plan : Ta kontakt med Naustdal kommune v / Henning Malones. ( Tlf ) henning.malones@naustdal.kommune. no E-post Sogn og Fjordane Skogeigarlag post@sfskog.no ( Tlf ) Oppgje namn, adresse, tlf., e-post, gards og bruksnummer og kor mange teigar det er på eigedomen. For meir info ta kontakt! Henning Malones skogbruksansvarleg 7

8 8

9 Opningstider ved Naustdal bibliotek. Tysdag: Torsdag : Laurdag: Frå oktober månad og i eitt halvt år har vi fått tilskot frå Fylkesmannen til ei 50 % prosjektstilling som rusmedarbeidar. Denne vil bidra til å styrke tilbodet til personar som har slike utfordringar. Meininga er at personen skal arbeide utadretta og i tett samarbeid med ei lokal arbeidsgruppe organisert i psykisk helse i kommunen. Vi som arbeider her er: Berit Gamlestøl: - psykiatrisk (spesial)hjelpepleiar med psykoseutdanning og rusomsorg tlf.: Psykisk helsearbeid og rusomsorg Psykisk helsearbeid er eit lågterskeltilbod innan psykisk helse/rus. Det kan òg vere hjelp til pårørande. Psykiske vanskar rammar oss alle på eitt eller anna vis. Det rammar i alle sosiale lag. Ver med og bryt ned tabuane rundt slike utfordringar. Be om hjelp, jo tidlegare, desto lettare å oppleve betring/meistring. Hjelpa kan bestå av samtalar, råd, rettleiing, informasjon, aktivisering. Vi yter hjelp til heimebuande. Dei som meiner dei har behov for psykisk helsearbeid kan søkje om dette. I mange tilfelle er det nødvendig med ei tverrfagleg tilnærming. Fastlege, Nav, helsestasjon, heimesjukepleie, psyk.klinikk og skule kan vere viktige samarbeidspartar. Du kan ringje psykisk helse om du lurer på om det kan vere aktuelt for deg. Dersom vi ikkje kan hjelpe kan vi kanskje informere om kven som kan hjelpe deg. Olaug Nordheim:- psykiatrisk(spesial) hjelpepleiar med vid.utd. i fysisk aktivitet som behandlingsmetode, kost og treningsrettleiing, kognitiv terapi. tlf.: Anne Schei :-avd. leiar og psykiatrisk (spesial)sjukepleiar med vid. utd.bl.anna innan fysisk aktivitet som beh metode. tlf.: Frisklivssentralen :- er eit eige tilbod innan helseavdelinga i Naustdal. Det er eit tilbod til deg som ønskjer hjelp til å endre levevanar, sjå eiga brosjyre. Det er veldig utfordrande å endre levevanar, det veit alle som har prøvd. To tilsette frå fysioterapiavd. og to frå psykisk helse med spesialkompetanse på området har hovudansvaret for kommunen sitt frisklivstilbod. Dette i tillegg til ordinær teneste som fysioterapeutar og psykisk helsearbeidarar. 9

10 10

11 PS: Timeplanen kan verta endra i haust! 11

12 PÅRØRANDESKULEN i Førde og Naustdal Kurs for pårørande til personar med demens, vener, familie, frivillige og støttekontaktar Dette er eit tilbod til deg som - er pårørande, i familie med, eller nær ven til ein person med demens. - er i kontakt med personar med demens gjennom frivillig arbeid, eller som støttekontakt. - ynskjer å bli støttekontakt eller frivillig, og ynskjer å lære meir. Gjennom faglege førelesingar og gruppesamtalar får du kunnskap om demens og møter andre i same situasjon. Samlingane består av ein fagleg del, og ein del med samtalegruppe for pårørande. Det vil og bli ei eiga samtalegruppe for frivillige/støttekontaktar ein av kveldane. Kurset går over 4 samlingar, med følgjande tema: 29.oktober: Sjukdomslære 3. november: Kommunikasjon og endra åtferd 10. november: Miljøbehandling 17. november: Pårørandeerfaring, rettigheiter Alle samlingane er frå kl til 20.30, på Helsetunet i Førde. I etterkant av dei faglege presentasjonane vert det samtalegrupper for pårørande. På ei av samlingane vert det og samtalegruppe for støttekontaktar/frivillige. Ved behov vert det organisert felles skyss for deltakarane frå Naustdal, sei frå ved påmelding. Påmeldingsfrist: 10. oktober -14 For nærare opplysningar og påmelding, kontakt Naustdal: Oddlaug Kvame, tlf.: , e-post: oddlaug.kvame@naustdal.kommune.no Førde: Lisbeth Hatlestad, tlf.: , e-post lisbet.hatlestad@forde.kommune.no Prosjekt helsefremjande eldre Før sommaren sendte vi ut eit spørjeskjema til alle over 67 år i kommunen. Takk til alle som svara! Vi fekk tilbake 1/3 av skjema. Det er ikkje nok til at vi kan lage noko dekkande statistikk av det, men det kom mange gode innspel og kommentarar mykje av det felles for fleire, og det vil vi ta tak i vidare. Rapporten frå kartlegginga ligg på kommunen sine nettsider. Ut frå kartlegginga blir hovudprioriteringane i prosjektet framover som følgjer: - Vi ser på om vi skal gjere noko med det eksisterande aktivitetstilbodet for aldersgruppa 67+, om vi skal prøve å få i gang nye aktivitetar, om vi skal omorganisere det vi har osv. Vi meiner ikkje at alle skal vere med på alt alltid, men her skal vere tilbod som fengjer, som gjer at fleire ynskjer å vere med, og det skal vere lett å komme seg dit det skjer. - Spørjeundersøkinga viste at mange saknar eit trenings/turtilbod i Fjorden. Det vil vi sjå meir på, og prøve å få i gang. Om nokon kan tenkje seg å vere med på å starte opp dette, er det berre å ta kontakt med prosjektleiar. - Vi ynskjer å få til fleire dialogmøter, liknande det vi hadde på kyrkjelydshuset i vår. - Vi prøver å få til ei ordning der alle som blir 70 år får tilsendt ei informasjonsmappe. Første gong den blir sendt ut vil vi sende til ei større gruppe. Oppfordrar alle til å sjekke oversikta over «Helsefremjande aktivitetar i Naustdal» i dette nr av K-posten for informasjon om eksisterande aktivitetar og sosiale treffpunkt i kommunen her er alltid plass til fleire! Pårørandeskulen er eit samarbeid mellom Demensteamet i Førde og Prosjekt Helsefremjande Eldre i Naustdal. 12

13 Helsefremjande Aktivitetar i Naustdal Fysisk Aktivitet: Bassengtrening i terapibassenget i Førde, Måndag kl Kontakt fysikalsk avdeling for deltaking, tlf.nr.: Styrketrening på Naustdal Sjukeheim, Torsdag kl Førebyggande trening for vedlikehald av funksjon. Kontakt fysikalsk avdeling for deltaking. Styrketrening i Kommunehuskjellaren, Onsdag kl Fysioterapeut tilpassar treningsprogram til deltakarane. Rusletrimmen, Tysdag kl Vår/sommar: turar. Haust/vinter: «innetrim». Følg med på «Det skjer»-sidene i Firda Seniorspinning på kommunehuset, Torsdag kl Påmelding/kontakt Anne Schei, tlf.nr.: Seniordans i Fosshalla Onsdag kl Trening på Instedalen skule Kontakt Janne L. Svorstøl tlf.nr.: for kjøp av nøkkelkort til trimrommet, og tren når det passar deg. Aerobic/styrketrening tysdagar kl. 19:00 20:00. Andre Treffpunkt: Nillestova ved Naustdal Sjukeheim, tysdag og torsdag Kaffi, vaflar, program, trim, høve til å kjøpe middag. Kontakt frivilligsentralen ved behov for skyss. Seniornett 2. etg. på kyrkjelydshuset, fredag kl Dataopplæring for seniorar; internett, e-post, bilde, tekstbehandling, etter ynskje. Laurdagskafè på Dalen Næringssenter, laurdag kl Seniortreff på Fjordbutikken Siste torsdag i mnd, kl Kafè på kyrkjelydshuset: Måndag kl Onsdag kl Torsdag kl Fredag kl Laurdag kl Naustdal pensjonistlag har møter 1 gong i mnd. Kontaktperson: Ruth Gjelsvik, tlf.nr.: Prosjekt Helsefremjande eldre i Naustdal er drifta av eksterne midlar frå Helsedirektoratet, og prosjektgruppa består av medlemmar frå Naustdal kommune, Frivilligsentralen, Pensjonistlaget, og Eldrerådet. Eit av måla våre er at fleire seniorar nyttar seg av aktivitetstilboda i kommunen. For fleire opplysningar, kontakt: Prosjektleiar Oddlaug W. Kvame, tlf.nr.: , eller e-post: oddlaug.kvame@naustdal.kommune.no Naustdal Frivilligsentral v/torill Hukset: Tlf.nr.: , eller e-post: frivilligsentralen@naustdal.kommune.no 13

14 Pulsrunden- mosjonsløpet for alle!!! Du kan gå/springe 2 eller 5 km. Det vert konkurranseklasse med tid på den lengste løypa for dei som vil. Dette passar for alle sprekingar frå år! På denne måten markerar vi òg Verdas eldredag. Det er kjekt å møtast i trim og sosialt samvær. Klasseinndeling for dei som stiller på tid frå 12 år. Medalje til alle born som fullfører, samt premie til klassevinnarar og uttrekt på startnummer. Klasse:12-14, 15-17,18-20, 20-30, 30-39, 40-49, 50-59,60-69, 70+ I år styrer du oppvarming sjølv, men det vert stemningsmusikk i timen før start. Tid: Sundag 5 oktober 2014 kl.14.00, v/sanden i Naustdal. Pris: 50,- born, 100,- for vaksne. Løypeprofil: Frå Sanden rundt Naustdal oppom og rundt bana, 5 km. Frå Sanden oppom og rundt bana, 2 km. Arr.: Tambarskjelvar, Naustdal kommune/folkehelsearbeidet, Frivilligsentralen, Pensjonistlaget, Eldrerådet, Støttegruppa på sjukeheimen og Røde kors. Sal av grove lappar og kaffi. 14

15 VENSKAPSVEKA 2014 PÅ DALEN SKULE Heile veke 36, hadde vi venskapsveke på Dalen skule. Det var ei veke fylt med kjekke aktivitetar. Vi var delte i grupper på tvers av klassetrinna, så små og store fekk vere i lag og bli betre kjende med kvarandre. Slagordet for temaveka var ALLE MED. Måndag var vi alle samla i gymsalen. Der snakka rektor om det som skulle skje i venskapsveka. Vi song «Stopp ikkje mobb», og nokre andre songar om venskap. Etterpå såg vi filmen Dr. Proktors Prompepulver. Vi fekk popcorn og kosa oss. Tysdag laga vi buttons. Vi brukte våre eigne teikningar på buttonsane, og vi brukte slagordet vårt: ALLE MED. Vi starta å øve på BlimE-dansen. Det er ein slags vennskapsdans som er arrangert av NRK Super, og som vi kan sjå på nettet. Dansen var litt vanskeleg, men øving gjer meister. Og fredag 24. oktober skal vi og heile Noreg vere med og danse BlimEdansen Torsdag laga 3. og 4. til felleslunsj for heile skulen. Det var pølse og brød. Nam, nam. Fredag var ein veldig kjekk dag der vi gjorde mykje i lag. Vi hadde mange ulike spel inne. Vi hadde besøk av Den Kulturelle skulesekken. Det var eit band som heitte Tommelen opp. Det var veldig gøy konsert, og dei greidde å lage ein melodi ved hjelp av nokre rør med hol i. Dei spelte el. gitar, trommer, fløyte og trompet. Siste delen dagen, var vi ute og leika forskjellige leikar. Kva dag heile vennskapsveka, har vi jobba med nettvet. Vi har lese om nettmobbing og sett korleis barn og unge vert stengde ute og mobba på sosiale media. Noko av det vi har lært, er at vi må tenkje nøye over kva vi legg ut på internett. Vi må ikkje legge ut våre eigne namn, e-post adresser og telefonnummer til folk vi ikkje kjenner. Og hugs at det er like viktig å vere grei på sosiale medier som over alt elles. Ikkje skriv noko anna enn det du kan seie face to face. Til slutt tek vi med nokre intervju som Edel Anne og Victoria hadde med fem på skulen om Venskapsveka. 6. og 7. klasse, Dalen skule Vennskapsveka Mobbing på nett 1. Kva var den kjekkaste tingen i vennskapsveka? 2. Kva synest du om mobbing? 3. Kva har du gjort i vennskapsveka? 4. Kva har du lært om Nettvet. 1. Eg synest leikane ute var den kjekkaste tingen i veka. 2. Mobbing er ikkje bra!! 3. Eg har sunge, laga button og hatt aktivitetar. 4. Eg har lært at vi ikkje skal mobbe på nett. Seier Emil i 2.klasse 15

16 1. Den kjekkaste tingen i veka var å lage buttons. 2. Mobbing er kjedeleg. 3. Vi har sett på film, laga buttons og hatt det gøy. 4. Eg har lært at det er uloveleg å legge ut bilete av andre folk utan lov. Og ikkje stole på alle slags folk på Internett. Seier Sigve i 6.klasse. 1. Den kjekkaste tingen var å leike ute. 2. Det er ikkje gøy å bli mobba og det er slemt. 3. Vi har leika ute, spelt spel, sett film og laga buttons. 4. Ikkje legge ut bilete av andre og ikkje mobbe. Seier Eline og Lea i 4.klasse. 1. Leikane og spela var kjekkast. 2. Eg har leika, spelt spel og laga buttons. 3. Det er kjempeslemt å mobbe. 4. Eg har lært at det er slemt å mobbe på nett. Seier Othilie i 1.klasse. 1. Dei kjekkaste tinga var film, leikane og songane. 2. Forferdeleg, alle som gjer det må slutte. 3. Eg har sett film og laga buttons. 4. Eg har lært at vi må vere forsiktig på nett. Seier Odin i 6.klasse. Bok på døra biblioteket rett heim til deg! Har du problem med å kome deg på biblioteket sjølv? Årsakene kan vere mange; sjukdom, alder, glatt føre Naustdal bibliotek og Naustdal frivilligsentral kan tilby deg bøker levert på døra! Har du spørsmål om tilbodet: ta kontakt med Britt Kringlen, Naustdal bibliotek, tlf eller Torill Hukset, Naustdal frivilligsentral tlf Tilbodet er gratis! Som lånar kan du enten sjølv bestille bøker eller anna du ynskjer å låne, eller vi på biblioteket kan finne fram bøker av ein spesiell sjanger som du likar. Frivillig sentralen leverer bøker heim på døra di ein gong i månaden og hentar eventuelt det du er ferdig å lese. Vi avtalar tidspunkt for levering som passar deg. Du kan låne alt som vanlege lånarar kan: Bøker Lydbøker Tidsskrift NYE HOBBYBØKER PÅ BIBLIOTEKET Dorthe Skappel: Skappelstrikk Nina Granlund Sæther: Raske sting Eivind Falk: Spik keboka 16

17 NAUSTDAL FRIVILLIGSENTRAL Ein-til-ein tenester. Ein-til-ein tenestene er tilbod om hjelp til ulike gjeremål som du vanlegvis greier sjølv, men som du på grunn av sjukdom, alder eller funksjonshemming kan trenge hjelp til. Arbeidet er gratis, mot at du betalar for nødvendige utgifter som t.d. bensinutgifter. Vi ringer tilbake om kven som kjem, slik at du ikkje får uventa besøk. Eksempel på tenester du kan få hjelp til: Handle varer. Køyring i diverse ærend. Følgjeteneste. Småreparasjonar. Turvenn/besøksvenn. Hagearbeid. Råd/rettleiing. Skriving av brev/kort. Måndagskafè. Kafè i 1.etg. på Kyrkjelydshuset kl kvar måndag med kaffi/te, vaflar og smørbrød. Sosialt samvere på Nillestova. Kvar tysdag og torsdag kl på Nillestova. For alle pensjonistar og eldre i kommunen. Kvar gong er det: Føremiddags-kaffi med nysteikte vaflar, trim, sosialt samvær, høve til å kjøpe middag. Enkelte gonger er det: Framsyning av film/bilete på storskjerm, Bingo, «Vi syng i lag», eller Seniordans. Deltaking på Nillestova kostar kr.40,- pr. gong, middag kr.65,-, bingo kr.10,-. Treng du skyss til / frå, ta kontakt med Frivilligsentralen. Seniornett Naustdal. Dataklubb for seniorar 55+ i 2. høgda på Kyrkjelydshuset kvar fredag kl Høve til å komme med ynskje om tema. Oppstart i haust: Fredag 3.oktober. Heimeside: ogn_og_fjordane/naustdal Torsdagskafè på kyrkjelydshuset. Kafè kvar torsdag kl Naustdal Sogelag er med kvar gong med framsyning av gamle bilde frå Naustdal på storskjerm. Sogelaget ynskjer å kopiere bilde til oppbevaring for ettertida, og tar i mot gamle bilde til kopiering. Serviceskyssen kan nyttast frå Dalen. Hugs påmelding til drosja dagen før! Strøsand til eldre. Ordninga med at eldre/uføre kan hente sand ved kommunehuset blir vidareført også denne vinteren. Sand kan hentast i gangen inn til kommunehuset på kvardagar kl Treng du hjelp til å hente sand og/eller til strøing, ta kontakt med Frivilligsentralen. Sanden er gitt av Stein Torald Vonen. Vi ber om at du leverer embalasjen i retur, evt. at du tar med eige spann og tømmer sanden over. BARN / UNGDOM: Foreldre-/barn-treff. Annakvar måndag på Kyrkjelydshuset kl i 1.etg. Vi har leikematte, litt leikar og bøker. Alle foreldre med born, fortrinnsvis i alderen 0-1 år, er hjarteleg velkomne! Høve til å kjøpe kaffi/te, smørbrød og vaflar i kafèen. Treff hausten 2014: 15.sept, 29.sept, 13.okt, 27.okt, 10.nov, 24.nov, 8.des. 17

18 Barnas Turlag Naustdal. For å vere med på tur er det berre å møte fram! Det er inga påmelding. Har de spørsmål, ta kontakt med turleiar. Alle born skal ha følgje med vaksne. Ta med mat og drikke, og kanskje litt ekstra kle. Det er ikkje krav om å vere medlem av turlaget, men ein kan melde seg inn viss ein ynskjer til kontoret i Førde eller på internett. Meir info om turane kjem på «Det skjer» i Firda, plakatar, og Barnas Turlag Naustdal på Facebook. Neste tur: Torsdag 30.oktober kl 18.00: Lommelykttur i samarbeid med Barneidretten og Idrettsskulen. Lommelykt/refleksar for dei minste. Nattorientering for dei eldste borna. Lokal transport for ungdom. Naustdal Ungdomsråd, i samarbeid med Frivilligsentralen, har etter søknad fått midlar frå Sogn & Fjordane Fylkeskommune til drosjerute frå Fjorden og Dalen til Rampen Ungdomsklubb som er open kl kvar fredag. Målgruppa er ungdommar år. Rutene går frå Horne og Svoa/Fimland kl Retur frå Rampen kl Påmelding på Facebook, eller sms til frivilligsentralen før kl kvelden før. Du må oppgje namn og adresse (kvar du vil gå på ruta) og om du skal vere med tur/retur eller berre ein veg. Ruta går ved minimun 3 påmelde. Pris kr 25,- kvar veg. Sanden-Søndag Vi vil takke alle som bidrog på årets Sanden-Søndag for flott innsats: Medarrangerande organisasjonar som stilte opp med følgjande aktivitetar: Naustdal Speidargruppe med padlekonkurranse med heimelaga flåtar og kanopadling, Tambarskjelvar IL med volleyballkonkurransar, fotballaktivitet, barneorientering og bogeskyting, Naustdal Sogelag med historisk vandring under kyrkjegolvet, Naustdal Køyre- og Rideklubb med barneriding og tur med hest og kjerre, Naustdal Bondelag som hadde med dyr til å sjå og klappe på, Sunnfjord Veteranvogn-klubb som hadde utstilling av veteranbilar, Rampen Ungdomsklubb og Ungdomsrådet som reklamerte for Utstyrsentralen, og Naustdal Røde Kors Hjelpekorps for sanitetsvakt. Vi takkar kyrkjelydane i Naustdal og Vevring for stand med ulike aktivitetar, og Fjorddykk for demonstrasjon av dykking. Takk til Audun Bareksten, Odd Reiakvam, Astrid Smelvær og Anne Karin Andvik som sytte for trygge turar med «Gråtass». Stor takk til Midtredalen Bygdekvinne-lag, Naustdal- og Horstad Bygdekvinnelag og Volleyball-gruppa i Tambarskjelvar IL som hadde matsal, og til Naustdal Pensjonistlag som lagde til bord for eldre. Takk til Sandens Venner med idèkasse og ryddedugnad, og til Naustdal Mållag og Norsk Folkehjelp Sunnfjord som hadde stand. Stor takk til dei som bidrog i opninga og programpostane utover dagen: Emil Horstad, Fylkesvaraordførar Jenny Følling, Alice Kucevic Hugøy, Tamilsk kultursenter Florø, Anne-Bjørg Dombestein, Synnøve Skjærli, Ordførar Håkon Myrvang/Stiprosjektet, Naustdal Sogelag, og Friskis & Svettis Førde. Vi vil også takke dei som bidrog med sal av handverksprodukt og tradisjonsbakst frå Naustdal. Takk til Norvald Ospehaug og Egil Gulholm som hjelpte oss med straum, og Odd Haugsbakk som tok bilde. Stor takk til 9.klasse ved Naustdal Skule som var dugnadsgjeng for opp- og ned-rigging og trafikkvakter. Takk også til bedrifter i Naustdal og Førde for økonomisk støtte slik at Sanden-Søndag kan vere eit gratisarrangement. Og ikkje minst vil vi takke våre sambygdingar som tok turen til Naustdal-Sanden denne dagen! 18

19 Kan du tenkje deg å bli med i Frivilligsentralen? Ta kontakt!! Du bestemmer sjølv: - kva du vil gjere - kor tid du kan bidra - kor mykje tid du vil bruke Du inngår ingen langsiktig avtale, synest du det er givande held du fram. Eventuelle utgifter med arbeidet vil bli dekka. Vi har årleg festleg samkome for dei frivillige medarbeidarane våre i november, og om våren arrangerer vi hyggjeleg dagstur. Naustdal Frivilligsentral: Kontor: 2.etg. på kommunehuset. Kontortid: Måndag - fredag Tlf: / E-post: frivilligsentralen@naustdal.kommune.no Postadr.: Naustdal Frivilligsentral, Postboks 43, 6806 Naustdal Heimeside: Torill Hukset, dagleg leiar. skal vite kvar han skal køyre, og kunne planlegge kor stor bil som må nyttast. Serviceskyssen går på desse dagane heile året, unnateke raude dagar : Onsdag: Sentrumsområdet Naustdal sentrum Start Helgås kl tar med passasjerar i byggjefeltet Naustdal sentrum ca kl Retur frå Naustdal kl Stopp Helgås ca kl Torsdag: Dalen Naustdal Sentrum Start Svoa kl Slettemark Ullaland Byrkjeflot Åse Naustdal sentrum ca kl Retur frå Naustdal kl Stopp Svoa ca kl Fredag: Fjorden Naustdal sentrum Start Horne kl Vassbotnen Helle- Naustdal sentrum ca kl Retur frå Naustdal kl Stopp Horne ca kl RUTER SOM GÅR I TILLEGG TIL DEI FASTE RUTENE: Ruter til møter i pensjonistlaget: Serviceskyssen i Naustdal: Er som EI VANLEG BUSSRUTE, for alle aldersgrupper! Ruta blir utført med taxi, og kostar kr 25,- kvar veg. Meld deg på til Naustdal Taxi, tlf , seinast kl. 20:00 dagen før ruta skal gå. Dette for at drosjeeigar Rute 1: Horne kl Naustdal. Retur kl Rute 2: Svoa kl Naustdal. Retur kl Dei fleste møta i pensjonistlaget er kl Ruter til Seniortreff på Fjordbutikken: Siste torsdag kvar mnd. Start Horne kl Vevring Redalen Stopp Vevring kl Retur frå Vevring kl

20 DET ER VIKTIG AT SERVICESKYSSEN BLIR BRUKT FOR Å FÅ BEHALDE DEN! Har du spørsmål om skyssordninga kan du ringe det same nummeret, , eventuelt til Frivilligsentralen tlf , eller service-kontoret på kommunen, tlf Serviceskyssen er eit samarbeid med Sogn og Fjordane Fylkeskommune som bidreg med tilskot til ordninga. ************** Open Kafè på Kyrkjelydshuset: Måndag : Onsdag: Sal av middag frå kl Torsdag: Fredag: Laurdag: Kafé-vertar: Naustdal Kyrkjelydshus Onsdagskafèen Frivillige organisasjonar i Naustdal Frivilligsentralen **************** Eit skianlegg for heile Naustdal! Arbeidet med ljosløypa i Instedalen skianlegg er godt i gang. Traseen er grovplanert. Planen er å preparere løypa komande vinter, men då utan ljos. Det er no semje mellom skianlegget og grunneigarane om å bygge ut parkeringsområde rett ved innkøyringa til skianlegget og litt ovanfor. Masse vert flytta frå eitt område til eit anna, og det vert parkering på to stader. Planen for ombygging av brakkene til klubbhus og smørebu er også klare. Her vert det søkt om idrettsfunksjonell godkjenning slik at ein kan få spelemidlar. Planen er at det også skal gjerast ein del i sjølve skileikanlegget slik at det kan nyttast med lite snø - og med fleire element for skileik. Finansiering Arbeidet så langt er finansiert med midlar frå Instedalen krins, Tambarskjelvar Idrettslag, Sparebankstiftinga Sogn og Fjordane og Instedalen Bygdekvinnelag. Anlegget er prioritert for spelemidlar. Næringsfondet har løyvd midlar til å bygge ut parkeringsområdet og forbetre sjølve skileikområdet. Dugnad Bygginga av ljosløypa, klubbhuset og parkeringsområdet vil kreve stor dugnadsinnsats av både folk og maskiner. Vi har bruk for det meste. Vi skal rydde skog, grøfte og grave, snikre og flytte masse. Det er også behov for økonomisk støtte frå privatpersonar, organisasjonar og næringsliv. Dei som vil og kan gjere ein innsats eller støtte på annan måte, kan melde seg til Åsmund Berthelsen (mobil ). Det er no også høve til å gje grasrotdelen til skianlegget! Sjå også på instedalen.no eller på Instedalen Skianlegg på Facebook. Instedalen Skianlegg Åsmund Berthelsen asmund.berthelsen@icloud.com 20

21 Nærmiljøanlegget tek form! Mykje arbeid er gjort på Øyra/Løken Nærmiljøanlegg i vår og sommar. Det byrjar å sjå bra ut, og no håpar vi å få på plass eit skateområde og sykkelløyper før vinteren kjem! Med kr i støtte frå Sparebankstiftinga Sogn og Fjordane kan det vere mogleg å greie. Vi har fått det til så langt med god dugnadsinnsats frå fleire (Vidar Gamlestøl og Gisle Endestad har brukt mange timar i gravemaskin) og godt samarbeid med kommunen og næraste nabo til anlegget, Anne Britt Øyra. Vi håpar også å få på meir jord og gjere det siste med dreneringa før dei kalde gradene og snøen kjem. Etter ferdig skateområde/sykkelløyper er planen å bygge møte- og sitteplassar og treningsapparat (hinderløype) i området. Det satsar vi på å kome i gang med til våren. Siste etappe i utbygginga vil vere eit ballområde. Øyra Løken Nærmiljøanlegg Åsmund Berthelsen asmund.berthelsen@icloud.com LESEGLEDE I SIRKEL! Har DU lyst til å delta i lesesirkel hausten 2014? Naustdal bibliotek vurderer å starte lesesirkel, viss det er interesse for dette. Då er tanken at vi møtes ein kveld i månaden, fram til desember. Ta kontakt med Britt på biblioteket eller på mail/telefon innan 20. august. Mail: bibliotek@naustdal.kommune.no tlf: Naustdal Sogelag Sogeskrift 2014 Vi i skriftsstyret er godt i gang med sogeskrift for Det er fortsatt plass til korte historier frå gamle dager. Gjerne for eksempel om bestemor/oldefar som har levd på ein annan måte enn i dag, eller om eit gamalt reiskap du har liggande. Skriftstyret kan reinskrive kladden din. Vi kan og hjelpe med fleire opplysninger og bilete. Du kan levere bidraget på kyrkjelydshuset eller sende det til Odd Byrkjeflot, 6817 Naustdal. Epost: post@naustdalsogelag.no. Torsdag arer vi på kyrkjelydhuset der vi syner gamle bilete på storskjerm. Har du bilete er vi takksame for å få ta kopi. Medlemar (som har betalt i fjor) får tilsendt sogeskriftet gratis kring 1. desember. Vil du verte medlem kan du melde deg inn på heimesida, eller ringe Heimesida til sogelaget er oppgradert i ny drakt. Fotoalbumet skal no fungere og nye bilete er lagd inn. Vidare skal vi bli flinkare til å legge ut nytt stoff og skrive kva som skal skje utover i vinteren. Følg med på heimesida «naustdalsogelag.no» og i «Det skjer» i Firda. Odd Byrkjeflot (skriftsstyret) Sara.. 21

22 Kyrkja 29.november kl Lysvaken for 11 åringar (6.klasse) Samlingar for barn og unge/trusopplæring Naustdal og Vevring kyrkjelydar hausten Invitasjonar vert sendt til dei ulike aldersgruppene, men merk dykk datoane! Babysang: 25.sept,9.okt,23.okt, 6.nov,20.nov,4.des i Naustdal kyrkje. Vi opnar dørene kl Program frå ca Sosialt samvere fram til oktober. Naustdal kyrkje kl Gudsteneste med utdeling av biblar til 10 åringar (5.kl) Oppfølgingssamling Tid for tiarar Onsdag 29.oktober Samling på ettermiddagstid. 19.oktober Vevring kyrkje kl Gudsteneste med utdeling av bok til 4 og 6 åringar 16.November. Naustdal kyrkje kl Utdeling av bok til 4 åringar. Samling på laurdag 15.november Naustdal Barnekor : øver 1.okt. 22.okt.,5.nov., 19.nov., 3.des., 17.des.,kl på kyrkjelydshuset. Innimellom syng vi i kyrkja: på konsertar, familiegudstenester, julaftan, og i år vil barnekoret synge når biskopen kjem på besøk 5.oktober. Vi deltek på Barnefestival til våren. Dirigent i haust: Eliane Wergeland. Søndagsskulen i Frammarsvika: startar 14.sept kl Kvar søndag i oddetalsveke. Kontaktperson Magdalena Steinhovden Vevring søndagsskuleklubb på fredagar ein gong i månaden. Kontaktperson: Jofrid Hagen: Ungdomsklubben Ope Hus hausten 2014: 28.sept,19.okt., 16.nov., 7.des., kl på kyrkjelydshuset 22

23 Store hendingar i kyrkja i haust Biskop Halvor Nordhaug kjem til Naustdal. -Og ny salmebok er på veg. Det er bispevisitas i Naustdal tysd. 31.sept torsd 2.okt og sønd 5.okt Førre visitas er så langt tilbake som 1998, dengong saman med Førde. Nokre vil hugse at biskopen var her i 2010, på prostigudstenste i Naustdal, som samla folk frå heile Sunnfjord. Noko av formålet med ein visitas er at biskopen skal støtte og inspirere, og han skal sjå nærare på arbeidet som vert gjort i kyrkjelydane. Vi har skrive ein visitasmelding, som gjev innblikk i arbeidet. Det er også tilstandsrapport over kyrkjebygg m.m. Denne meldinga skal drøftast med stab og sokneråd. Dagane er fylte med eit variert innhald. Nokre av programpostane er opne for alle (sjå under., med utheva skrift)vi vonar mange vil stille opp søndag 5.oktober og fylle kyrkja vår med song og glede. Den nye salmeboka er bestilt! Vi håpar ho kjem i tide Tysdag 30. september: Biskop kjem til Naustdal, har først møte med stab på kyrkjekontor Kl Besøk på sjukeheimen andakt. Kl Kulturkveld på kyrkjelydshuset. Kyrkja- midt i bygda, midt i livet Naustdal songlag. Andre lokale musikk-innslag. Vi testar biskopen på Sunnfjord-dialekt. Vi syng litt saman. Andakt ved biskopen. Gratis inngang. Kafè med sal av «kulturmat» (sveler, potetkaker ol) Onsdag 1. oktober: Kl Skulegudsteneste i Naustdal kyrkje ved Dalen skule Elles: Spørjetime med 10.klasse, møte med prestane i Sunnfjord, tema-samling med lærarar. Samrådingsmøte med sokneråd og tilsette. Torsdag 2. oktober: Tur til Vevring, møte med elevar, kunstvandring ute og inne. Kl Morgonbøn i Vevring kyrkje Elles: Drøftingsmøte med kommune. Gardsbesøk. Søndag 5. oktober: Kl Festgudsteneste. VI TEK I BRUK NY SALMEBOK! Barnekor og lokale musikk-krefter tek del. Forsongargruppe. Etter gudstenesta: Visitasforedrag ved Biskop (ca 15.min) Ca Kl Kyrkjekaffi på kyrkjelydshuset. 23

24 Aksjon «gje ei salmebok» Sjølv om salmebok er bestilt, treng vi framleis gåver til formålet Det er ein stor kostnad å kjøpe inn boka, og vi utfordrar difor alle til å vere med å bidra! Pris pr. bok er kr. 300,- Det er ei vakker raud bok, som også inneheld ei bønebok og katekisma. Innbetaling til konto: , merk «ny salmebok» 24

25 ORDLEIK (quiz) på Sandensundagen. Mållaget samla nokre av dialektorda våre her, og mange hadde rett svar! Vi trudde det skulle bli stor skilnad i svara frå unge og gamle, men det var veldig likt. Og det var ikkje for lett, spesielt siste spørsmål hadde mange feil på. Premiane var tredje band av bygdeboka, gitt av sogelaget, og antologien over Naustdalsdiktarar «Her er so fagert ved høge lid», gitt av Harald Runde. Vi gratulerer vinnarane Jensine Grytås, Sande og Bjarne Erdal, Naustdal! Her er quisen: 1. Kva er ei purla? a) Ei jente b) Ei kongle c) Ein snaps 2. Kva vil det seie å ha noko i tølene sine? a) Å ha ein stein i skoen b) Å ha noko liggande i sakene sine c) Å drive lyssky aktivitet, t.d. snylte på skatten 3. Kva vil det seie at noko er sytalaust? a) At det er tullete b) At det er bekymringslaust c) At det er skranglete 4. Kva gjer ein når ein fjelgar seg? a) Grøssar b) Tøffar seg c) Steller seg 5. Kva vil det seie å anduge på? a) Tenke på /ha omsut for/bekymre seg b) Børste av noko c) Bli forbanna på 8. Kva vil det seie at maten er sulig/sulege? a) Smaklaus b) Surna c) Feit og god 9. Kva er ein rotestokk? a) Ein sjuk person b) Ein lat person c) Ein toskete person 10. Kva er drikka/maten om den er lapen? a) Tam b) Kald c) Leskande 11. Kva er ei tvoge (tvåge) a) Ei fillerye b) Eit forkle c) Ein klut 12. Kva vil det seie å talmast? a) Å li ilt, ikkje hadet godt b) Å vere tolmodig c) Å sveitte Nokre ord og uttrykk frå Naustdal - FASIT 1. b) ei kongle 2. b) å ha noko liggande i sakene sine 3. b) at det er bekymringslaust 4. c) steller seg 5. a) tenke på/ ha omsut for/bekyre seg for 6. c) det er hjørnet 7. a) i dårleg form 8. c) feit og god 9. b) ein lat person 10. c) tam 11. c) ein klut 12. a) å li ilt, ikkje ha det godt 6. Kvar er nova (nåva) a) Ved gamlebrua b) Ved peisen c) Det er hjørnet 7. Kva er du når du er tusjen? a) I dårleg form b) Småsprø c) Vill og galen 25

26 Bli venn med deg selv og maten Strever du med ditt forhold til mat? Er du oppgitt etter å ha prøvd ulike kurer? Kanskje du opplever at du spiser mer når du er stresset, sliten eller nedfor? Eller kjenner du på skam rundt spisevanene dine, eller kroppen din? Om du er klar for endring kan du få coaching Om du er klar for å forandre ditt forhold til mat, så finnes det verktøy som kan hjelpe deg å endre spisevaner, og gjøre det til en glede å spise. Jeg gir coaching med fokus på at du: Lærer å bli mer oppmerksom på kroppens signaler på sult og metthet og samarbeide bedre med kroppen. Lærer å kjenne forskjell på fysisk og følelsesmessig sult, og å handle i overensstemmelse med det du egentlig trenger. På den måten kan du holde en stabil vekt som du trives med. Blir mer til stede i øyeblikket. Det vil hjelpe deg med måten du spiser på. Blir du nysgjerrig ved å lese dette? Du kan kontakte meg for å få tilsendt gratis materiale som du kan begynne å bruke i morgen. Du kan bestille en coachingtime for å kartlegge hva du ønsker å forandre. Vi vurderer også muligheten for videre samarbeid. Du kan jobbe alene eller i gruppe. Gruppe I sept-okt 2014 starter en samtalegruppe som møtes hver 14. dag, onsdag kveld. Du kan melde deg på hele forløpet på 12 samlinger, eller begynne med å ta kun de 4 første. Om meg Jeg er fysioterapeut og spesialist i psykomotorisk fysioterapi. Jeg driver praksis i Naustdal kommune. I tillegg har jeg tatt 150 kursdager med sertifiserte trenere i Ikkevoldskommunikasjon (IVK) de siste 11 årene, og holdt kurs for bl.a. Røde Kors. Jeg er levende opptatt av sammenhengen mellom kroppslig og følelsesmessig velbefinnende. Ida Rump, Naustdal Mob E-post: ida.rump@enivest. 26