- DETALJREGULERINGSPLAN FOR FAGNASTØL CAMPING OG HYTTEFELT P-ID Voss kommune

Transkript

1 1 - DETALJREGULERINGSPLAN FOR FAGNASTØL CAMPING OG HYTTEFELT P-ID Voss kommune Planskildring Arkivsaknr.: 11/1650 Sakstittel: Detaljreguleringsplan Fagnastøl Camping og hyttefelt. Planid: Utarbeidd av: Anda & Hirth ANS Datert: Retta: etter høyring. PLANSKILDRING Innhald: 1. Bakgrunn og føremål. 2. Planprosess 3. Planstatus 4. Skildring av planområdet 4.1 Området sin historie. 4.2 Eksisterande og framtidig arealbruk. 4.3 Landskap og topografi. 4.4 Naturgitte og menneskeskapte verdiar. 4.5 Barn og unge sine interesser. 4.6 Biologisk mangfald. 4.7 Estetikk, nær og fjernverknad. 4.8 Vatn og vassdrag. 4.9 Kulturminne Kulturlandskap, landbruk Busette, besøkande og arbeidsplassar Vegar, trafikk, Energiløysingar og straumforsyning.

2 2 5. Skildring av planforslaget 5.1 Estetikk, nær og fjernverknad Vegar, parkering. 5.3 Barn og unge sine interesser. 5.4 Vassforsyning, avløp og overvatn. 5.5 Renovasjon. 5.6 Universell utforming. 5.7 Straumforsyning. 5.8 Radon. 5.9 ROS-analyse 5.10 Drivkrefter. 6. Konsekvensar av planforslaget 6.1 Landskap/estetikk 6.2. Kulturminner og kulturmiljø. 6.3 Naturmangfald- naturverdiar Risiko og sårbarheit. 7. Innkomne merknader og kommentarar 8. Avsluttande kommentarar 9. Kommentarar til innkomne merknader etter høyring Vedlegg. Vedl. 1 Innspel merknader. Vedl. 2 ROS - analyse. Vedl. 3 Utgreiing om VA anlegga i reguleringsplanen. Vedl. 4 Skredfarevurdering. 1. Bakgrunn og føremål. Grunneigar av Gnr. 123 Bnr. 1 og forslagstillar Geirr Fagnastøl ynskjer å regulera inn seks eksisterande hytter og seks nye hytter ved den eksisterande campingplassen ved Fagnastøl. Reguleringsplanen omfattar også utviding av eksisterande campingplass og omlegging av bilvegen som går vidare til Moldalia og Nedre Jonstølen.

3 3 Planområdet er på ca. 160 da. Plankonsulent er Siv.Ark Anda & Hirth Ans. Kart over området Urdland Fagnastøl som syner plassering av planområdet. Planområde 2.Planprosess Opprinneleg var dei 6 nye hyttene med i planen Nedre Jonstølsdalen so ligg litt lengre inn i dalen. Av ulike grunnar vart dei 6 hyttene trekt ut og flytta ned til den eksisterande campingplassen på Fagnastøl. Campingplassen er det og ynskjeleg å utvida på sikt. Her ligg det og frå før 6 eksisterande hytter og området vart då utvida til å omfatta desse hyttene og. Det er ikkje krav om planprogram og konsekvensutgreiing.

4 4 Oppstartmøtet vart halde Oppstart av reguleringsarbeidet er varsla i Hordaland og ved brev med kartvedlegg til offentlege instansar og naboar. 3. Planstatus Planområdet ligg i utgangspunktet ikkje inne i kommuneplanen for Voss Kommune. Men 6 nye hytter låg innne i planen for Nedre Jonstølen. Desse vart så flytta ned og slått saman med utviding av Fagnastøl camping. Tilgrensande reguleringsplan: Detaljreguleringsplan for Nedre Jonstølen under arbeid. 4. Skildring av planområdet 4.1 Området sin historie. Området er i dag nytta til beitemark og i vart det planta gran i området. Det har vore campingplass her sidan På 1980-talet vart det bygd ljosløype. Dei eksisterande hyttene vart bygde i 1960 åra. Gjennom området går det ein buføreveg som har vore nytta sidan Eksisterande og framtidig arealbruk. I dag er deler av arealet nytta til campingplass. Det er seks eksisterande hytter som kjem inn i reguleringspalen og arealet ellers er nytta til beiteland. Campingplassen skal utvidast og det skal gjerast plass for seks nye hytter. Det skal og regulerast inn eit aktivitetsområde. 4.3 Landskap og topografi. Planområdet ligg på Fagnastøl ca 500 m over havet. Terrenget heller for det meste mot sørvest og har gode sol og utsiktstilhøve. Området ligg lågt i terrenget slik at det normalt er vanskleg å sjå.

5 5 Planområdet sett frå Kvitno. Moldalia opp til venstre. 4.4 Naturgitte og menneskeskapte verdiar. I planområdet ligg det frå før campingplass med servicebygg og det er opparbeidd skiløype med ljos like nord for planområdet. Eksisterande veg til Moldalia går i gjennom området. 4.5 Barn og unge sine interesser. Planområdet ligg med tilknytning til fiskeelv, turterreng og utmark. Det er og ein ballplass like ved den eksisterande campingplassen. 4.6 Biologisk mangfald. Tiltaket, som er ei utviding av eksisterande hytte og campingområde, vil slik me ser det, ikkje skapa uheldige konsekvensar for det biologiske mangfaldet i området. 4.7 Estetikk, nær og fjernverknad. Ved byggesaker skal vurdering av estetikk ved tiltaket vera ein del av søknaden. Landskapselement som kulturlandskap, landskapssiluettar, åsprofilar skal vernast. Får byggverket ein fjernverknad, eller vert plassert som landemerke skal det utarbeidast ein eigen estetisk analyse. Dette planområdet ligg i ei senkning i landskapet og kan ikkje sjåast frå sør, aust og nord. Garden Kvitno på vestsida av Fagnastølelva er einaste staden som får sikt mot campingplassen og hyttene. Alle bygningar og installasjonar vert liggjande lågt i terrenget og ingen kjem i siluett. 4.8 Vatn og vassdrag.

6 6 Terrenget er noko kupert. I hovedtrekk fell terrenget mot vest og mot Fagnastølelva som renn i dalbotnen.nord for området er det ein del myrar. I sjølve planområdet er det berre mindre myrfelt. 4.9 Kulturminne. Gjennom området går det ein buføreveg som har vore i bruk frå Den skal takast vare på og vernast. Det er ikkje kjent at det er andre kulturminner i planområdet. jf. www. Askeladden.no Kulturlandskap, landbruk. Området som skal regulerast ligg i eit skogsområde nord for Fagnastøl. Området er småkupert og har ein del myrfelt på dei flatare partia. Det er ein del beiting av kyr og sau i dette området Busette, besøknade og arbeidsplassar. I nærområdet er det ikkje fastbuande utanom dei som bur på Fagnastøl og på Kvitno. Salg av hyttetomter og drift av campingplassen er ei attåtnæring til gardsbruket. Campingplassen vil i sesongar vera ein deltidsarbeidsplass. Hovednæringsgrunnlaget for Raundalen er jord og skogbruk. Dei fleste har arbeid utanom gardsbruket. Besøkande på campingplassen vil vera folk med interesse for friluftsaktivitetar. Om våren og utover mot sommaren elvepadling i Raundalselva og skigåing i fjellet. Sommaren fisking fjellturar. Hausten vil plassen vera eigna som utgangspunkt for jakting og fjellturar. Området rundt har eigna terreng for skigåing m.m. Eksisterande campingplass. Kvitno i bakgrunnen.

7 7 Område for leik og fellesaktivitet midt på bilete Vegar, trafikktilhøve. Planområdet ligg ca. 2.5km frå Urdland stasjon like ved den kommunale vegen til Kvitno. Frå Voss sentrum til Urdland er det 15km. Mellom Urdland og Voss går det tog fleire gonger om dagen. Det er ein gjesteparkerinsplass ved tilkomsten til området. Ein gards/stølsveg går i gjennom planområdet og vidare til stølar og hytteområder Energiløysingar og straumforsyning. Det er straum pr i dag frå nettstasjon ved Kvitno bru som dekkjer eksisterande campingplass og ekststerande hytter. 5.Skildring av planforslaget 5.1 Estetikk, nær og fjernverknad. Det skal stillast krav til arkitektur, fargeval og terrengtilpasning av bygningar og vegar som innarbeidast i reguleringsføresegnene. I planområdet vert det hogd ut ein del skog som åpnar opp for dei nye hyttene og utviding av campingplassen. Ein kan ikkje sjå at dette vil verta skjemmande i terrenget då området ligg litt lågt i høve til omkringliggjande terreng. Vegen til Moldalia skal no leggjast på søraustsida av planområdet. Eksisterande vegetasjon må i størst mogeleg grad bevarast men uttynning for å betra utsikt og ljostilhøve må kunna gjerast.

8 8 Vegskråningar skal ikkje væra brattare enn 1:2 og skal tilsåast. Eventuelle murar utførast av naturstein. Området rundt kan fortsatt nyttast som beiteområde og noko innverknader på viltet vil det ikkje ha Vegar, parkering. Eksisterande veg vert behelden som internveg og knytt saman med ny veg i sør og austre del av planområdet. Hyttene skal ha parkering inne på tomta. Det er avsett tre parkeringsplassar med tilsaman 20 plassar for besøknade og turfolk. 5.3 Barn og unge sine interesser. Planområdet ligg i nærheita til fiskelev og det er lysløype som ligg inntil området slik at utgangspunktet for lengre og kortare turar er svært god. Den eksisterande ballplassen skal behaldast. 5.4 Vassforsyning, avløp og overvatn. Vassforsyning frå borehol i nærleiken av tomtene. Det skal byggjast to nye VA-anlegg. Eit for 5 hytter og eit for 3 hytter. Dei 4 andre hyttene får eigne løysingar. 5.5 Renovasjon. I dag er det avsett plass for felles boslevering ved krysset i sørvestre hjørna av planen. Eksisterande miljøstasjon skal utvidast for å ha kapasitet både for utviding av campingplassen og dei nye hyttene. Det skal byggjast bosbu. 5.6 Universell utforming. Dei nye hyttene ligg på relativt flatt terreng og inn til veg så føresetnaden for universell tilkomst er god. Ved kvar hytte skal det opparbeidast parkeringsplass. Deler av campingplassen ligg på eit relativt flatt område svakt skrånande mot nordaust. Den nye delen av campingplassen må liggja trerrassert oppover i terrenget. 5.7 Straumforsyning. Voss Energi AS leverer straum til området og det vert lagt til rette for utviding av elforsyninga. Det vert gjort i samråd med Voss Energi AS. ( Vedlegg 1) 5.8 Radon. Det skal monterast Radonsperre i alle nye hytter. 5.9 ROS- analyse. Viser til vedlagde ROS analyse. ( Vedlegg 2) Det skal utarbeidast skredfarevurdering. (Vedlegg nr. 4.) 5.10 Drivkrefter. Det er grunneigaren ( Geirr Fagnastøl) som er tiltakshavar og som stå bak planen. Bakgrunnen er å laga til campingplassen og hyttefeltet til eit område som kan vera med å danna grunnlag for framtidig drift av garden.

9 9 6. Konsekvensar av planforslaget 6.1 Landskap/estetikk Området ligg relativt skjerma i terrenget, men frå Kvitno og områda ikring vil ein sjå rett inn på planområdet. Campingvogner med lyse fargar vil visa godt i terrenget. Det er viktig at det vert teke omsyn til dette ved krav til fargeval, plassering av vogner, spikartelt murar etc. slik at det vert ei bra heilheit i området Kulturminner og kulturmiljø. Det går ein gamal buføringsveg gjennom planområdet. Langs denne vegen ligg no den ombygde bilvegen til Moldalia og Nedre Jonstølen. Buføringsvegen er regulert inn med omsynssone Naturmangfald- naturverdiar. Planområdet er allereie brukt til camping og hytter pr i dag. Det er såleis ei fortetting med dei same føremåla som no vert regulert. Området rundt kan fortsatt nyttast som beiteområde og noko innverknader på viltet vil det ikkje ha. Ein har og sjekka Naturbase på Miljødirektoratet si heimeside Risiko og sårbarheit. Sjå og ROS-analyse. Skredfarevurdering. Asplan Viak har utarbeidd skredfarevurdering av Fagnastøl camping og hyttefelt då området låg innanfor aktsemdsomar for snøskred, steinsprang og jord og flaumskred. ( Vedlegg 4) Terrenget har stort sett terrenghellning under 25grader. Det har tidlegare ikkje vore registrert skred i dette området. I rapporten vert det konkludert med at årleg nominell sansyn for skred er mindre enn 1/1000. Heile området tilfredstiller då lovverket sitt krav til sikkerheitsklasse S2 utan at det er nødvendig med sikringstiltak.å behalda granskogen i området er ein del av føresetnaden for vurderinga. Vert denne føresetnaden endra må behovet for sikringstiltak for deler av området vurderast. Trafikktryggleik. Biltrafikken til Moldalia og Nedre Jonstølen vert no gåande søraust for det utbygde feltet og vil ikkje berøra det utbygde planområdet på same måten som før. Her er og lagt inn frisiktsoner ved avkøyrslene. Arealbruk. Det er lite nytt areal som vert teke i bruk og føremåla er dei same som før, men det vert ei fortetting. Endringane vert på sikt for det meste større trafikk og meir folk i området. Friluftsliv.

10 10 Området rundt planområdet er eit etablert hytteområde der det pr i dag er stor trafikk både på ski og til fots. Det vil såleis ikkje verta noko konflikt med friluftslivet i dette området. 7. Innkomne merknader og kommentarar Det er kome fylgjande innspel til denne kunngjeringa: Vedlegg nr. 1. Fylkesmannen i Hordaland, brev av Merknader: Planområdet ligg innanfor grensene for det verna Vossavassdraget. Minner om at konsekvensane reguleringsplanen har for endra arealbruk skal vurderast i høve til naturmangfaldet. Må koma fram i planarbeidet, jf. Naturmangfaldlova ROS-analysen må nytta akseptkriteria som er i tråd med byggteknisk forskrift (TEK 10). Analysen må sjå på risiko både innanfor og utanfor planområdet som kan påvirka tiltaket, og evt. endra risiko som fylgje av tiltaket. Kommentar: Planen skal utarbeidast og dokumenterast og det vil då vera mogeleg å ta stilling til om planen er i strid med nasjonale eller vesentlege regionale interesser. Voss Energi AS, brev av Merknader: Det er for lite kapasitet på nettasjonen ved Kvitno bru. Det må leggjast høgspentkabel i veg gjennom Fagnastøl camping og hyttefelt og ny nettasjon må plasserast i området. Kommentar: Det har vore møte med Voss Energi AS ved Egil Selvåg og dei er kome fram til at det ikkje er naturleg å plassera ein nettstasjon innanfor det regulerte området. Sjå epost av 4.juni Vedlegg nr 1 Det kan verta aktuelt å leggja høgspentkabel i vegen forbi Fagnastøl camping. Statens Vegvesen, brev av Merknader: Det vert minna om at fylkesveg 307 har dårleg standard og området rundt fv 307 er lite eigna til utviklingsområde og utbyggingsområde. Kommentar: Avkøyringa på Urdland frå fv 307 er eit kryss med god sikttilhøve og med relativt lite traffikk totalt sett. Med den relativt begrensa trafikkauken det vert med denne reguleringsplanen ser me ikkje at dette vil ha noko stor innverknad på trafikktilhøva på Urdland. Hordaland Fylkeskommune, breva av Merknader: Det vert bede om å ta omsyn til ein del punkt i planarbeidet. Vidare vert det presisert at det ikkje er kjend informasjon om automatiske freda kulturminne i området. Kommentar: Desse nemde punkta samsvarar i stor grad med viktige tema som er lista opp i referatet frå oppstartsmøtet av og vert såleis teke opp i utgreiinga.

11 11 Kari K. Knoph og Øystein Klokkerud, brev av Merknader: Ein av dei eksisterande hytteigarane har kome med ein del innspel/ kommentarar til planarbeidet. Kort oppsummert er dette: tilkomst om vinteren, vannkvalitet, utviding av campingplassen, visuellt inntrykk, terrenginngrep, estetisk utforming i planarbeidet, endringa av tomteareal. Kommentar: Det har vore møte på plassen og ein har gått igjennom desse punkta med tiltakshavar slik at ein meiner at desse punkta er avklart med hytteeigaren. 8. Avsluttande kommentarar Planområdet er pr i dag prega av den eksisterande campingplassen og ein del eksisterande hytter med tilhøyrande avkøyringar, parkeringar, vegar etc. Ferdig utbygd vil feltet framstå som meir kompakt enn i dag då det er snakk om ei fortetting både av hytter og av campingplassen. Det er lite nytt areal som vert teke i bruk og føremålet er hytter og camping slik som tidlegare. Det er utarbeidd ein skredrapport og den konkluderer med at dersom skogen vert ståande slik som i dag så er området trygt for ulike typar ras. Skal noko av skogen hoggast seinare så må ein inn med nye vurderingar. Når det gjeld trafikktilhøva så er dei betra ved at hovedvegen til Moldalia og Nedre Jonstølen er lagt utanom sjølve området for hytter og campingvogner. Det er og lagt inn frisiktsonar i avkøyringane. Ein kan oppsummera med at planområdet vert ein del tettare utnytta, men får samstundes ei beter løysing når det gjeld VA, vegutløysing og trafikktryggleik. Den gamle buførevegen vert og verna. 9. Kommentarar til innkomne merknader for Fagnastøl camping og hyttefelt etter høyring. Statens vegvesen. Fylkesveg 307 har ein relativt dårleg standard, men avkøyringa som er opparbeidd i seinare tid er oversiktleg og romsleg og tilfredstiller etter vår skjønn den trafikken som er på denne vegen i lang tid framover. Statens vegvesen har slik me fårstår det ikkje merknader til planframlegget. Fylkesmannen i Hordaland Kommunal og samfunnsplanavdelingen. Merknader: Stiller spørsmål om at det ikkje er vurdert krav om planprogram og konsekvensutgreiing. Vidare er det ein del merknader til plankartet. Kommentarar: Ut frå vår vurdering og kommunen si vurdering er det ikkje nødvendig med planprogram og konsekvensutreding i denne planen. Reguleringsplanen Fagnastøl camping og hyttefelt er ei utviding/

12 12 fortetting av ein eksisterande campingplass og ein del eksisterande hytter. Tilkomstvegen som og er tilkomst til Nedre Jonstølen hyttefelt er lagt på søraustsida av campingplassen/hyttefeltet. Det vart laga ein skredrapport som konkluderte med at dersom den eksisterande skogen står som i dag så er området sikra mot skred. Ein har difor utvida planområdet mot aust slik som beskreve i rapporten frå AsplanViak As. Utanom den omarbeidde vegen er det for det meste interne endringar i eit allereie etablert felt. Merknadane som var til plankartet er retta opp. Avkøyrslene til campingområdet er no teke bort og skal planleggjast når utvidinga av campingplassen vert sett i gang. Når det gjeld konflikten mellom regulerte køyrevegar og plangrensa i nordaust så er dette ei løysing som er avtalt med planleggjar av Nedre Jonstølen hyttefelt for å få samsvar mellom planane. Det skal ikkje byggjast noko på AA1 og AA2. Hordaland Fylkeskommune Regionalavdelinga. Her er ein del merknader og presiseringar. Dei fleste er allereie innarbeidde i planen. Det vert føreslått at situasjonsplan og illustrasjonsplan for søknad om utviding av campingplassen skal innarbeidast i føresegnene. Dette er no gjort. NVE NVE har ingen merknader til planframlegget. Jernbaneverket. Jernbaneverket har ikkje noko merknader til planforslaget. Kari K Knoph og Øystein Klokkerud. Merknad: Her er det merknad om redusert utsikt og at det bør etablerast eit vegitasjonsbelte mellom hytta og campingarealet. Komentarar: I planforslaget er det regulert inn eit belte med friluftsområde sørvest for tomta. Her ligg det då til rette for naturleg vegitasjon. Tomta vart og utvida og regulert inn på nytt. I tillegg vert nivået på den nye campingplassen liggjande ein god del lågare enn hyttetomta då terrenget her er sterkt skrånande. Me vurder det slik at det er teke tilstrekkelg omsyn til desse merknadane. Voss Kommune Geir Ove Pedersen. Merknader: Tilfredstillande sløkkjevatn må sikrast og tilkomst til dette. Komentarar: Dette er teke inn i føresegnene. Sjå pkt VA anlegg. Vedlegg. Vedl. 1 Innspel merknader. Vedl. 2 ROS - analyse. Vedl. 3 Utgreiing om VA anlegga i reguleringsplanen. Vedl. 4 Skredfarevurdering. Voss,

13 13 Anda & Hirth ANS