SAMLA SAKSFRAMSTILLING

Transkript

1 Side 1 SAMLA SAKSFRAMSTILLING Arkivsak: 13/ /15 Saksbeh.: Arkivkode: Kjersti Næss Finne PLAN sone Saksnr.: Utval Møtedato 4/15 Formannskap/ plan og økonomi SAMLA SAK - DETALJREGULERINGSPLAN FOR SKOGSTAD, PLANID GODKJENNING AV PLANPROGRAM Administrasjonen si innstilling: I samsvar med 12-9 i plan- og bygningslova fastset Formannskap, plan og økonomi planprogram for privat detaljreguleringsplan for Skogstad, planid , revidert Formannskap/ plan og økonomi den sak 4/15 Behandling i møte: Administrasjonen si innstilling vart samrøystes vedteken. Vedtak: I samsvar med 12-9 i plan- og bygningslova fastset Formannskap, plan og økonomi planprogram for privat detaljreguleringsplan for Skogstad, planid , revidert Administrasjonen si utgreiing: 2. DOKUMENT SOM BAKGRUNN FOR SAKA: Dokument merka med * er vedlegg i saka. *Oversending av revidert planprogram , Opus Bergen AS *Revidert planprogram datert , Opus Bergen AS *Innspel til oppstart og planprogram; Statens vegvesen Fylkesmannen i Hordaland Hordaland fylkeskommune Voss Energi Taulen Camping Bente Elin og Sigmund Lidal og Knut Gjøstein *Merknadsskjema, Opus Bergen AS * Oppstartsvarsel , Opus Bergen AS Plandokument og vedlegg til saka ligg på Voss kommune si heimeside under kunngjeringar; Har de problem med å opne dokument på heimesida, ta kontakt med planavdelinga på tlf , eller send e-post til zehra.causevic@voss.kommune.no 3. SAMANDRAG AV SAKA: Det vert arbeidd med ein privat detaljreguleringsplan for Skogstad. Kommunestyret har i sak 57/11 gitt klarsignal til å utarbeide reguleringsplan for området. På bakgrunn av dette vart det i juni 2013 meldt oppstart av planarbeidet, samtidig som planprogram/disposisjon for

2 Side 2 planarbeid vart lagt til offentleg ettersyn. Det kom tilsaman 7 innspel i samband med oppstartsmeldinga. Føremålet med planen er å utarbeide ein detaljreguleringsplan som legg til rette for utvikling av eit ferie-, fritids- og aktivitetsområde. Det er gjort nokre mindre endringar og opprettingar av planprogrammet på bakgrunn av innspel. Administrasjonen rår til at FPL i samsvar med 12-9 i Plan- og bygningslova godkjenner revidert planprogram. 4. FAKTA OM SAKA: Planprogram/disposisjon for reguleringsplan for Skogstad vart lagt ut til offentleg ettersyn i samband med varsel om oppstart av planarbeidet. Føremålet med planen er å utarbeide ein detaljreguleringsplan som legg til rette for utvikling av eit ferie-, fritids- og aktivitetsområde. Det er planlagt hotell/administrasjonsbygg og fleire leiligheitsbygg med leiligheitar for sal, og/eller utleige. Området skal tilretteleggast for born og unge med leikeplassar og turvegar. Det kan i tillegg tilretteleggast for fritidsaktivitetar, som til dømes utvendig klatrevegg, rafting og fiske. Grunneigar, tiltakshavar og konsulentar Skogstad Fritid AS er eigar av gnr 309, bnr 1 m.fl. og er forslagsstillar for planarbeidet. Opus Bergen AS er utførande plankonsulent. Overordna plan 2022 Kommuneplan for Voss Planområdet låg inne i framlegg til kommuneplan for Voss med føremål fritidsbustader, totalt 150 einingar. Ved høyring av kommuneplanen vart det fremja motsegn til denne utbygginga frå Fylkesmannen og Statens vegvesen. Fram mot godkjenning av planen vart motsegna trekt, men området vart likevel tatt ut i samband med politisk handsaming av kommuneplanen. Planområdet er difor i gjeldande kommuneplan vist som LNF område. I etterkant av dette vart det tatt opp ei eiga sak i kommunestyret om Skogstad, der det vart gjort følgjande vedtak (saknr. 57/11):

3 Side 3 Skogstad Fritid AS får klarsignal til å utarbeida reguleringsplan for området Skogstad. På bakgrunn av dette vedtaket vart det i juni 2013 varsla oppstart av eit planarbeid for området. Planområdet Eigedommen 309/1 er på omlag 100 daa der størsteparten ligg på austsida av E16 og Strandaelva. Ein mindre del av eigedommen ligg på vestsida av E16. Eigedommen er eit nedlagt småbruk som har stått ubebudd i lengre tid. På garden står det eit eldre stabbur som er planlagt restaurert, medan hovudhuset er revet. Innmarka på totalt ca 14 daa vert slått for å hindre attgroing. Området ligg omtrent halvvegs mellom Voss sentrum og Myrkdalen, rett aust for Taulen Camping. Planprogram/disposisjon for reguleringsplan I samsvar med 4-1 i Plan og bygningslova, er det krav til planprogram for reguleringsplaner som kan ha vesentlige virkninger for miljø og samfunn. Planprogrammet skal tilpassast den konkrete plansituasjonen og planbehovet, men skal gjere greie for fylgjande: - klargjere føremålet med planarbeidet - vise korleis planprosessen med fristar og deltakarar skal gå føre seg - klargjere opplegget for medverknad, spesielt i høve dei gruppene ein går utifrå vert særleg råka - klargjere kva alternativ som vert vurdert - drøfte aktuelle problemstillingar i planarbeidet - drøfte behov for utgreiingar I denne saka er det utarbeidd eit enkelt planprogram/disposisjon for å informere om tidlegare prosess knytt til kommuneplanarbeidet, samtidig som det er informert om viktige føringar for planarbeidet og vidare planprosess. Planen kjem inn under 3 i Forskrift om konsekvensutredninger; Planar og tiltak som skal vurderast etter forskriften 4. I samband med kommuneplanarbeidet vart det gjort ei overordna konsekvensvurdering for planområdet. Det vart ikkje avdekka vesentlege verknader

4 Side 4 for miljø og samfunn, og oppstart av planarbeidet vart tilrådd. Det er difor konkludert med at det ikkje er behov for ei ny konsekvensutgreiing. Det er likevel avdekka viktige tema/problemstillingar som er omtalt nærare i planprogrammet kapittel 2 i del II: Disposisjon for reguleringsplan: Miljø Landskap og topologi Estetikk, nær og fjernverknad Kulturlandskap, landbruk Kulturminne Støy og luftforureining Natur Biologisk mangfald Vatn og vassdrag Samfunn Beredskapsmessige vurderingar (risiko og sårbarheit) Universell utforming Barn og unges interesser, leikeplassar, ballbanar Veg og trafikk, kollektivtilbod, gang/sykkelvegar, parkering Sosial infrastruktur, skule, barnehage, fritidstilbod Busette, besøkande (reiseliv) og arbeidsplassar Anna Renovasjon VA-plan Eksisterande og framtidig arealbruk (bustader, næring, landbruk og service) Energiløysingar Friluftsområde, turvegar, grøntkorridorar Eigedomsinngrep Økonomiske konsekvensar for kommunen Drivkrefter Kvalitetar i området som bør liggja fast eller som kan endrast Dei viktigaste problemstillingane for planarbeidet er knytt til avkøyring frå E16 og tilhøve for mjuke trafikantar, der det må takast høgde for planar om ny og utbetra E16-trase forbi planområdet. Landskapstilpassing, landbruk, skred/rasproblematikk, støy, og tilrettelegging for ulike aktivitetstilbod er andre viktige tema som må utgreiast og innarbeidast i planen. I tillegg til problemstillingar/ utgreiingsbehov, omhandlar planprogrammet informasjon om planområdet, tilhøve til andre planar, planprosess, framdriftsplan og medverknad. 5. ADMINISTRASJONEN SI VURDERING: I samband med oppstart av planarbeid og utlegging av planprogram kom det inn 7 innspel. Tre av innspela kjem frå offentlege instansar. Innspel som går på sjølve reguleringsarbeidet vil fylgje planforslaget vidare, og vert omtalt nærare når saka vert lagt fram til 1. gongs handsaming. Innspel som går på planprogrammet er vurdert i denne saka, og er lagt til grunn for nokre mindre endringar av planprogrammet.

5 Side 5 Under er det gitt ei kort oppsummering av innspel. Innspela er kommentert av planleggjar og administrasjonen. Innspela ligg vedlagt, og er oppsummert og kommentert av planleggjar i eige notat som også er vedlagt saka. Statens Vegvesen : Viser til at det ligg føre godkjent kommunedelplan for ny/utbetring av E16 forbi planområdet, vedteken , planid Elles har vegvesenet merknad til disposisjonen til reguleringsplanarbeidet pkt 2, underpunkt Samfunn, der veg og trafikk er omtalt. Her saknar dei ei presisering om at tilkomst frå E16 og planfri kryssing av E16 for mjuke trafikantar er ei utfordring. Dei krev at det vert sett rekkefølgjekrav om at planfri kryssing for mjuke trafikantar vert etablert før ferie-, fritids og aktivitetsområdet Skogstad vert etablert og teke i bruk. Tiltakshavar må ta kostnader med planlegging og etablering, og byggeplan for tiltaket skal godkjennast av vegvesenet. For utforming av løysingar vert det vist til Statens vegvesen sine vegnormalar. Kommunedelplanen er tatt til følgje og vil takast omsyn til i planarbeidet. Statens vegvesen sine innspel til kommuneplanprosessen, og til dette reguleringsplanarbeidet vert tillagt stor vekt då ein er kjend med utfordringar knytt til E16. Vurdering av løysing for tilkomst og kryssing av E16 og rekkjefølgjekrav ein del av det vidare planarbeidet. Administrasjonen sin kommentar Planprogram/disposisjon er endra i tråd med innspel frå statens vegvesen, under del II, kapittel 2.3 Samfunn, underpunkt om Veg og trafikk. Når det gjeld nye trafikale løysingar i området, har det vore dialog med Statens vegvesen om avkøyring og planfri kryssing undervegs. Fylkesmannen i Hordaland Har vurdert forslaget som om det er i tråd med gjeldande kommuneplan. Viser til kommentarar ved høyring av kommuneplan og ved meklingsmøtet og ber om at ein legg stor vekt på landskapet og jordressursane. Viser elles til vassdraget, tilhøvet til elva, mogleg forureiningsproblematikk, tilhøve til naturmangfalslova. ROS-analysen må nytte akseptkriteria som er i tråd med byggteknisk forskrift (TEK 10) og sjå på risiko både innanfor og utanfor planområde. Fylkesmannen sin uttale i kommuneplanprosessen er tatt til følgje. Omsyn til landskap, jordressursar og matjord vil vurderast og omtalast i planskildringa. Avrenning til elv og anna ureiningsproblematikk vil bli vurdert som ein del av ROS-analysen i planprosessen. Konsekvensane planen vil ha for naturmangfaldet i planområdet og omkringliggande område vil skildrast og vurderast i tråd med naturmangfaldlova. ROS-analysen skal utarbeidast etter akseptkriteria i TEK 10. Administrasjonen sin kommentar Sjølv om området ikkje kom med som utbyggingsområde i kommuneplanen, vart utbygginga avklart med fylkesmannen i samband med kommuneplanprosessen. Innspel frå Fylkesmannen elles er ivaretatt i planprogrammet og er tatt med i det vidare arbeidet med utforming av planen.

6 Side 6 Hordaland fylkeskommune, Viser til innspel i kommuneplanprosessen, og ber kommunen vurdere om tiltaket er i samsvar med senterstrukturen i kommunen. Ber om at planarbeidet legg særleg vekt på landskapstilpassing, arkitektur og estetikk, friluftsliv, folkehelse, klima og energi, næringsutvikling, barn og unges interesser, universell utforming, ROS og kulturminne. Viser til kulturminnerapport i samband med KU for E16 Oppheim-Lundarosen. Det er ikkje kjente automatisk freda kulturminne i planområdet, men meiner det er potensiale for funn og varsler at det kan bli aktuelt med arkeologiske granskingar i samband med offentleg utlegging av planen. Oppmoder om at det blir gjort ei kartlegging av nyare tids kulturminne i planområdet og at desse blir vurdert og tatt omsyn til i reguleringsplanen. Er kjend med fylkeskommunen sin merknad ved rullering av kommuneplanen, og arbeider opp mot overordna kommunale mål og planar. Er kjend med kulturminnerapporten og vil nytte denne som informasjon i den vidare planprosessen. Kulturminne og kulturmiljø vil bli kartlagd og vurdert i planskildringa. Tema som elles er nemnt av fylkeskommunen skal vektleggjast i det vidare planarbeidet. Administrasjonen sin kommentar Vedkomande lokalisering av tiltaket og vurdering av om tiltaket er i samsvar med senterstrukturen må gjerast i samband med kommuneplanarbeidet. Det vert difor ikkje lagt opp til ei ny vurdering av dette i samband med detaljreguleringsarbeidet. Innspel frå Fylkeskommunen er elles ivaretatt i planprogrammet og er tatt med i det vidare arbeidet med utforming av planen. Voss Energi, Viser til 22 kv luftlinje gjennom planområdet. Denne må markerast som fareområde i reguleringsplanen, og det generelle byggeforbodet er på 6 meter frå kvar side av linja. Dersom linja vert lagt i kabel, må utbyggjar betale dette i form av eit anleggsbidrag. Dei har eit lågspent forsyningsanlegg i området, men kan ikkje sei noko no om kapasitet eller kostnader ved utviding/endring av dette. Tatt til orientering. Vil arbeidast vidare med i utforming av planen, og følgjast opp ved utbygging. Administrasjonen sin kommentar: Spørsmål kring luftlinje og eventuell legging av denne i kabel må vurderast i det vidare planarbeidet. Taulen camping ved Liv Maria Taulen, mottatt Vegstrekkja har allereie i dag farlege situasjonar og ulykker pga stor trafikk, vegstandard og stor fart. Meiner det vil verta mykje verre med utbygginga, og peiker på at mjuke trafikantar ikkje har moglegheit for å gå langs vegen. Har fått tilbakemeldingar på at ho vil mista mange gjester med utbygginga som er planlagt, då gjestene kjem pga lokalitet og rolege omgjevnader. Stiller spørsmål om utbygginga vil få konsekvensar for drikkevatnet til campinggjester og bustadhus. Ser ikkje noko positiv ved utbygginga.

7 Side 7 Er kjend med trafikkfaren knytt til E16. Trafikksituasjonen vil bli omtalt og utgreidd som del av planarbeidet, og trafikkløysinga vil bli utarbeidd i samarbeid med Statens vegvesen. Omsynet til mjuke trafikantar er ein del av planarbeidet. Foreslår eit møte med naboane når eit konkret planforslag er utarbeida ( i samband med offentleg høyring) slik at ein då kan informera om omfanget i forslaget. Det blir utarbeidd VA-rammeplan til planen som tek for seg tilhøve som gjeld vatn og avlaup. Administrasjonen sin kommentar: Vegløysingar og trafikksituasjonen er omtalt i planprogrammet som eit tema som skal løysast i planarbeidet. Det er viktig med god dialog med Statens vegvesen, som også har satt rekkefølgjekrav til tilrettelegging for mjuke trafikantar i samband med utbygginga. Administrasjonen meiner det er viktig at planleggjar/tiltakshavar gjennomfører møte med naboar i området i samband med at planen vert lagt til offentleg ettersyn. Bente Elin og Sigmund Lidal, og Påpeiker fleire feil i mottatt kartskisse. Mellom anna omfattar planområdet deira eigedom, men deira gnr 310/4 står utanfor plangrensa medan 309/1 står innafor som eigar. Ber om at dette vert retta og at deira eigedom blir tatt vekk frå den private reguleringsplanen. Meiner forslagsstillar ikkje har rett til å tilegna seg annan manns eigedom for å få tilkomst til sin eigedom. Ynskjer å få kvalitetssikra grensene (mellom 310/4 og 309/1) i den nedre del av eigedomen. Hevdar det er tre til fire gonger så mykje gras som blir rundballa enn det som står omtalt, viser til vedlagt bilete (viser 8 rundballar). Når det gjeld trafikk viser dei til mykje aktivitet sommarstid i samband med bruk av elva. Dette medfører parkering og gåande langs vegen, i tillegg til gjester med bubilar/campingbilar som skal til/frå campingplassen. Dette skaper ofte farlege situasjonar. Det er også stor auke i vogntogtrafikk, og store vogntog stopper opp ved møte av motgåande vogntog fordi det ikkje er plass å passere. Viser mellom anna til fleire trafikkulykker sist vinter. Sidan det ikkje er løyvd pengar frå nasjonal transportplan til ny E-16, kan dei ikkje forstå at reguleringsplanen kan verta godkjent, og at det kan bli gitt midlertidig avkøyrsle til eit så stort prosjekt. Det gjekk eit stort snøras i området i Lidal har ettersendt kopi av bilde. Sideelvane raser kvar vinter, og raset går då over E-16 slik at den blir stengt for trafikk. Dei har og ettersendt oversiktbilde frå området frå Merknad til kommuneplanen for er også vedlagt, men ikkje kommentert i saka. Plangrensa er sett for å kunne vurdere ulike løysingar for tilkomst til planområdet. Plangrensa påverkar på ingen måte eigedomsgrenser. Oppmåling av eigedomsgrenser er ikkje ein del av planprosessen. Er kjend med problema knytt til dagens trafikksituasjon ved E16, og viser til godkjent kommunedelplan, utarbeidd av Statens vegvesen. Det vil bli utarbeida trafikkløysing i samarbeid med Statens vegvesen. Informasjon om rashistorikk vil bli teke med i det vidare planarbeidet. Det vil bli utarbeida ein ROS-analyse som tar føre seg risiko knytt til ras og skred. Administrasjonen sin kommentar: Både trafikk, skredproblematikk og landbruksinteresser er tema som er omtalt i planprogrammet og som skal utgreiast før planen vert lagt til offentleg ettersyn. Når det gjeld

8 Side 8 eigedomsgrenser, vil det vere ein fordel å få kvalitetssikra desse i samband med eit reguleringsplanarbeid. Dersom plangrensa skal leggjast i eigedomsgrensa skal den normalt kvalitetssikrast og målast opp. Dette vil difor bli vurdert i det vidare planarbeidet. Reguleringsplanen vil ikkje endre eigedomsgrenser, jf kommentar frå planleggjar. Knut Gjøstein, Har merknad vedkomande kartskissa. På kartet viser grenselinja som skiller gnr. 309 bnr.1, Skogstad og gnr.73 bnr.4, Gjøstein at grenselinja går over elva på 73/4, Gjøstein si side nokre stadar. Dette er feil då grensa har alltid vore rekna for gå midt i elva heile vegen. Oppmåling av eigedomsgrenser er ikkje ein del av planprosessen. Plangrensa påverkar på ingen måte eigedomsgrenser. Administrasjonen sin kommentar: Viser til kommentar om eigedomsgrenser til innspel frå Lidal. Konklusjon: Planprogrammet legg premissane for det vidare planarbeidet. Sidan oppstart av planarbeidet er planprogrammet endra i tråd med innspel frå Statens vegvesen, under del II, kapittel 2.3 Samfunn, underpunkt om Veg og trafikk. Her er det tatt med eit nytt avsnitt der det står; Tilkomst frå E16 og planfri kryssing av E16 for mjuke trafikantar kan vera ei utfordring, og skal løysast i reguleringsplan. Det skal settast rekkjefølgjekrav om at planfri kryssing av E16 for mjuke trafikantar vert planlagt og etablert før tiltaka i reguleringsplanen vert teke i bruk. Det er i tillegg tatt med at det skal gjennomførast eit informasjonsmøte med naboar og andre interesserte i samband med offentleg ettersyn, jf kap 2.4, i del I. Utover dette er det berre gjort eit par mindre opprettingar av dokumentet. Administrasjonen meiner at viktige innspel som trafikktryggleik og trafikktilhøve, landskap, biologisk mangfald, vassdrag, landbruk, kulturminne, skredfare m.m. er tatt med i planprogrammet, og sikra nærare vurderingar i planarbeidet. På grunn av utfordringar knytt til trafikkløysingar og tiltak for mjuke trafikantar, er det lagt opp til dialog med Statens vegvesen undervegs i planarbeidet. I tillegg er det viktig å gjennomføre informasjonsmøte med naboar og berørte partar så tidleg som mogleg, slik at dei får god kjennskap til innhaldet i planforslaget. Administrasjonen har ikkje merknader til endringane som er gjort, og meiner planprogrammet omhandlar dei problemstillingane som er viktige å vurdere i planarbeidet. Ein rår til at FPL i samsvar med 12-9 i plan- og bygningslova fastset til planprogram/disposisjon for reguleringsplan for Skogstad sist revidert