Møteinnkalling og sakskart

Transkript

1 Besøksadresse Skinnarbu 3661 Rjukan Postadresse Postboks Skien Kontakt Sentralbord Direkte Verneområdestyret for Brattefjell- Vindeggen landskapsvernområde Sakshandsamar Peter C. A. Köller Vår ref. 2018/ Dato Møteinnkalling og sakskart Det vert med dette kalla inn til møte i verneområdestyret. Tid: Stad: Onsdag kl. 17:30 (merk tidspunktet). Telefonmøte Gje beskjed snarast på eller fmtepko@fylkesmannen.no om du ikkje kan møte. Sakliste: Sak 26/18 Sak 27/18 Sak 28/18 Sak 29/18 Sak 30/18 Sak 31/18 Godkjenning av innkalling og dagsorden. Saksframlegg: Søknad om tilbygg til hytte på 10/5 i Hjartdal kommune Eivind Haugan. Saksframlegg: Søknad om bygging av nytt uthus på 14/2 Fyribøen i Hjartdal kommune Tron Olav Tinnes. Saksframlegg: Søknad om vidareføring av mellombels plassering av mast og container for måling av islast Månelia/Hardingnuten i Tinn kommune Statnett. Saksframlegg: Søknad om støtte til forbetring av stiar i Grasfjellområdet Grasfjell Tur og Løypelag, og Hardangerviddasenteret AS. Saksframlegg: Søknad om støtte til inngjerding av stølsvoll på 128/57 i Tinn kommune Arild Bergstuen.

2 Sak 27/18 Søknad om tilbygg til hytte på 10/5 i Hjartdal Eivind Haugan. Verneområdestyret for Brattefjell-Vindeggen landskapsvernområde er forvaltingsmyndigheit for verneområdet og skal handsame dispensasjonssaker. Kort om saka Eivind Haugan søkjer om løyve til byggjearbeid på hytte, gnr. 10 bnr. 5 i Hjartdal kommune. Arbeidet dreier seg om sette opp tilbygg på BYA 9,5 m 2 til eksisterande hytte, samt å bytte ut dagens torvtak med mørk takshingel. Hytta ligger aust for Skjesvatn inne ved Åto. Dagens hytte er oppgjeven til BYA 73 m 2, men Hjartdal kommune seier rett BYA er 99 m 2. Vedlegg - Søknad dagsett (2018/3525 1). - Oversiktskart (2018/3525 2). Andre relevante dokument, ikkje vedlagde - Verneforskrifta for Brattefjell-Vindeggen landskapsvernområde. - Naturmangfaldlova (NML). - Forvaltingsplan for Brattefjell-Vindeggen landskapsvernområde Det formelle grunnlaget - verneforskrifta og naturmangfaldlova Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneforskrifta for Brattefjell-Vindeggen landskapsvernområde er oppføring av bygningar og anlegg i utgangspunktet forbode, jf. kap. IV, pkt.1.1. Pkt. 2.2 i same kapittel, seier at Reglane i punkt 1 skal ikkje vere til hinder for drift og vedlikehald av eksisterande bygningar, ( ). Etter kap. IV, pkt. 3.2 kan forvaltingsstyresmakta, Når verksemda eller tiltaket kan skje utan at det strir mot føremålet med vernet, gje løyve til mindre tilbygg eller ombygging av eksisterande bygningar i området. Verneområdestyret må særleg vurdere konsekvensane av ein dispensasjon i høve til verneføremålet og verneverdiane i området. Dette går og fram av 7 i naturmangfaldlova (NML), som seier at prinsippa i 8-12 skal leggjast til grunn som retningsliner ved utøving av offentleg myndigheit. I NML 8 går det fram at offentlege avgjerder som rører ved naturmangfaldet skal byggje på vitskapeleg kunnskap om bestandssituasjonen for ulike arter, utbreiing og økologisk tilstand av naturtypar, og effekten av påverknader. Kravet til kunnskapsgrunnlaget skal stå i eit rimeleg forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. NML 10. Dersom det ikkje ligg føre tilstrekkeleg kunnskap om kva for verknader eit tiltak kan ha på 2

3 naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. I følgje naturmangfaldloven 11 er det tiltakshavar som skal dekkje kostnadene ved å hindre eller avgrense skade som tiltaket vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det samfunnsmessige beste resultatet. Uttale frå villreinnemnda for Brattefjell-Vindeggen, Blefjell og Norefjell-Reinsjøfjell Saka vart oversendt villreinnemnda for handsaming Dei har førebels ikkje gjeve attendemelding. Vurdering Hytta ligg i kulturlandskapsona. Forvaltningsplanen seier ikkje noko direkte om bygningar kva gjeld forvaltningsmål for kulturlandskapsona. Det er difor planens generelle bestemmingar som er førande i denne saka. Å gje dispensasjon blir ein vurdering i det einskilde døme. Forvaltningsplanen seier at når tiltaket kan skje utan at det strir mot føremålet med vernet, så kan forvaltningsmyndigheita på nærare vilkår gje løyve til mindre tilbygg eller ombygging av eksisterande bygningar dersom bruken ikkje vert endra. Maksimal storleik på hytte er BYA 65 m 2, mens maksimal storleik på uthus er BYA 15 m 2 altså kan ikkje samla areal på staden overstige BYA 80 m 2. I denne saka søkjast det om eit tilbygg på BYA 9,5 m 2, noko som først og fremst vil gje ei utviding for eksisterande soverom og vaskerom. I tillegg vil det bli ei mindre auke på ein uisolera bod. Søkjaren har oppgjeve BYA for hytta til 73 m 2. Dette må vere delvis utan den overbygde verandaen, og Hjartdal kommune oppgjer BYA til 99 m 2. Det er ikkje uthus på staden. Uansett om ein legger søkjarens eller kommunens areal til grunn, er hytta allereie no større enn det forvaltningsplanen seier er maksimal storleik på hytte, og det vil difor ikkje vere grunnlag for å gje løyve til ytterlegare utviding. I staden bør søkjaren sjå på moglegheitene for å bygge inn noko av det arealet som i dag er overbygd veranda. På den måten vil ein kunne auke bruksarealet utan at det gjev auke i bygd areal. Når det kjem til å bytte ut dagens torvtak med mørke shingelplater, så kan ikkje områdeforvaltaren sjå at det skal være noko problem. Det er fleire hytter i landskapsvernområde som har slikt tak, og denne hytta med aktuelt tak må reknast å ha det ein kallar for «tradisjonell byggestil». 3

4 Framlegg til vedtak: Verneområdestyret gjev ikkje Eivind Haugan løyve til byggjearbeid på hytte ved Åto, gnr. 10 bnr. 5 i Hjartdal slik det er søkt jf. søknaden Avslaget er gjeve med heimel i kap. IV, pkt. 1.1 i verneforskrifta for Brattefjell-Vindeggen landskapsvernområde. Likevel gjev verneområdestyret Haugan løyve til å bytte ut eksisterande torvtak med mørk takshingel som søkt i same søknad. Løyvet er gjeve med heimel i verneforskrifta kap. IV, pkt Det vert sett følgjande vilkår: - Løyvet gjeld tre år frå vedtaksdato. Om arbeidet ikkje er starta opp då, fell løyvet bort. - Restane etter byggjearbeid må fraktast ut av området så skånsamt som mogleg og handsamast etter gjeldande reglar for avfall. - Arbeidet skal dokumenterast ved at minst tre gode fotografi, som syner det nye taket frå ulike viklar, sendast verneområdestyret seinast to månader etter at byggearbeidet er avslutta. Det kan klagast på vedtaket til Miljødirektoratet. Klagefristen er tre veker etter at vedtaket er motteke. Klaga rettast til Miljødirektoratet, men sendast til Verneområdestyret for Brattefjell-Vindeggen landskapsvernområde. Vedtaket vert send Eivind Haugan. Kopi: - Hjartdal kommune - Fylkesmannen i Telemark - Villreinnemnda for Brattefjell-Vindeggen, Blefjell og Norefjell-Reinsjøfjell Kopi av vedtaket vil og bli lasta opp i Miljøvedtaksregisteret. 4

5 Sak 28/18 Søknad om bygging av nytt uthus på 14/2 Fyribøen i Hjartdal kommune Tron Olav Tinnes. Verneområdestyret for Brattefjell-Vindeggen landskapsvernområde er forvaltningsmyndigheit for verneområdet og skal handsame dispensasjonssaker. Kort om saka Tron Olav Tinnes søkjer om løyve til å byggje nytt uthus ved hytta si på Fyribøen 13 i Hjartdal. Bygget vil vere på BYA 14 m 2. I dag står det eit uthus på staden på BYA 9 m 2 som skal rivast. Det søkast også om å bygge nytt uthus noko nærmare hytta. Samla bygningsmasse på staden er i dag BYA 90 m 2. Vedlegg - Søknad dagsett (2018/3108-1) Andre relevante dokument, ikkje vedlagde - Verneforskrifta for Brattefjell-Vindeggen landskapsvernområde - Naturmangfoldloven(NML) - Forvaltningsplan for Brattefjell-Vindeggen landskapsvernområde Det formelle grunnlaget Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneforskrifta for Brattefjell-Vindeggen landskapsvernområde er oppføring av bygningar og anlegg i utgangspunktet forbode, jf. kap. IV, pkt.1.1. Reglane er ikkje til hinder for drift og vedlikehald av eksisterande anlegg, jf. pkt Etter kap. IV, pkt. 3.2 kan forvaltingsstyresmakta, Når verksemda eller tiltaket kan skje utan at det strir mot føremålet med vernet, gje løyve til mindre tilbygg eller ombygging av eksisterande bygningar i området. Verneområdestyret må særleg vurdere konsekvensane av ein dispensasjon i høve til verneføremålet og verneverdiane, jf. rundskrivet Forvalting av verneforskrifter frå Miljødirektoratet. Dette går og fram av 7 i naturmangfaldlova, som seier at prinsippa i 8-12 i lova skal leggjast til grunn som retningsliner ved utøving av offentleg myndigheit. I 8 i lova (om kunnskapsgrunnlaget) går det fram at offentlege avgjerder som rører ved naturmangfaldet skal byggje på vitskapeleg kunnskap om bestandssituasjonen for ulike arter, utbreiing og økologisk tilstand av naturtypar, og effekten av påverknader. Kravet til kunnskapsgrunnlaget skal stå i eit rimeleg forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. 10 (om økosystemtilnærming og samla belasting). Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. I følgje naturmangfaldlova 11 er det tiltakshavar som skal dekkje kostnadene ved å hindre eller 5

6 avgrense skade som det aktuelle tiltaket vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det beste resultatet for samfunnet. Vurdering Fyribøen ligger i brukssona. Relevant forvaltingsmål for brukssona er at områda skal forvaltast med tanke på å taka vare på områda sin art og karakter utan inngrep som vesentleg kan endre landskapets utforming. Når det gjeld bygningar seier forvaltningsplanen at det innanfor sona kan gjevast løyve til tilbygg og ombygging av eksisterande bygningar. I høve til pkt. 3.2 i verneforskrifta kjem tiltaket inn under omgrepet mindre tilbygg. Det er såleis mogleg å nytte heimelen i 3.2. Ein må vera trygg på at dei verneverdiane som er synleggjort i verneføremålet ikkje vert skadelidande om det vert gjeve løyve til tiltaket, jf. 8 (kunnskapsgrunnlaget) og 9 (føre-var-prinsippet). Kunnskapsgrunnlaget i denne saka er henta frå forvaltningsplanen og J. E. Eriksens arbeid om Botaniske registreringar i Brattefjell-Vindeggen. Vidare er H. Norby sitt arbeid med registrering av stølsanlegg viktig. Kunnskap om naturverdiar er mellom anna henta frå Naturbasen. Denne saka vil ikkje kunne endre påverknader på natur- og kulturverdiane. Fyribøen 13 brukast som fritidsbustad og består av ei hytte på BYA 81 m 2 og eit uthus på BYA 9 m 2. I tillegg er det eit båthus av ukjend storleik. Dagens uthus består av vedskjul, lager og utedo. Nytt uthus skal i tillegg innehalde ei reiskapsbu, og blir difor 5 m 2 større. I tillegg til at uthuset blir større, ønskjer tiltakshavar å sette det opp litt nærmare hytta. Kva gjeld utsjånad, er det tenkt eit enkelt bygg i Kebony (lik med hytta) og med pulltak. Det blir 4 boddørar og 4 småruta glas. I forvaltningsplanen har forvaltningsmyndigheita definera retningsliner for praktisering av forvaltninga. Det er mellom anna sagt at når tiltaket kan skje utan at det strir mot føremålet med vernet, kan forvaltningsmyndigheita på nærmare vilkår gje løyve til mindre tilbygg eller ombygging av eksisterande bygningar dersom bruken ikkje vert endra. Maksimal storleik for hytte er BYA 65 m 2, mens maksimal storleik på uthus er BYA 15 m 2, altså kan ikkje samla areal på staden overstige BYA 80 m 2. Uthus likestillast med tilbygg. Uthuset på Fyribøen 13 er i dag mindre enn det forvaltningsplanen seier er maksimal storleik, men sida hytta er såpass stor som den er, er maksimal BYA allereie overskride. Slik forvaltaren oppfattar regelverket, vil det difor ikkje vere høve til å utvide uthuset med BYA 5 m 2 som søkt, men forvaltaren kan ikkje sjå problem med å rive det gamle og sette opp nytt med same storleik på ein plass tettare på hytta. Framlegg til vedtak: Verneområdestyret gjev ikkje Tron Olav Tinnes løyve til å sette opp nytt uthus på BYA 15 m 2 ved hytta på Fyribøen 13 slik omtale og teikningar i søknaden dagsett syner. Avslaget er gjeve med heimel i kap. IV, pkt. 1.1 i verneforskrifta for Brattefjell-Vindeggen landskapsvernområde. Likevel gjev verneområdestyret Tron Olav Tinnes løyve til å rive det gamle og sette opp nytt uthus av sama storleik (BYA 9 m 2 ) på tomt nærmare hytta enn der uthuset er plassera i dag. Løyvet er gjeve med heimel i verneforskrifta kap. IV, pkt Det vert sett følgjande vilkår: - Løyvet gjeld tre år frå vedtaksdato. Om arbeidet ikkje er starta opp då, fell løyvet bort. 6

7 - Arbeidet skal dokumenterast ved at minst tre gode fotografi, som syner det nye uthuset frå ulike vinklar, sendast verneområdestyret seinast to månader etter at bygget står ferdig. - Nytt uthus skal ha utsjånad/stil som på teikningane som ligger med søknaden, men med tilpassa storleik. - Det skal ryddast godt etter byggearbeidet, og arbeidet skal skje så skånsamt som mogleg. - Eventuell villrein i område skal ikkje forstyrrast som følgje av byggearbeidet. Løyvet gjeld berre i høve til verneforskrifta. Eventuell handsaming etter anna lovverk skal skje av aktuell forvaltningsmyndigheit, og søkjaren er sjølv ansvarleg for å hente inn aktuelle løyve. Det kan klages på avgjerda. Klagefristen er tre veker etter at vedtaket er motteke. Klaga rettast til Miljødirektoratet, men sendast til Verneområdestyret for Brattefjell-Vindeggen landskapsvernområde. Vedtaket vert send Tron Olav Tinnes. Kopi: - Hjartdal kommune - Fylkesmannen i Telemark - Villreinnemnda for Brattefjell-Vindeggen, Blefjell og Norefjell-Reinsjøfjell Kopi av vedtaket vil og bli lasta opp i Miljøvedtaksregisteret. 7

8 Sak 29/18 Søknad om vidareføring av mellombels plassering av mast og container for måling av islast Månelia/Hardingnuten i Tinn kommune Statnett. Verneområdestyret for Brattefjell-Vindeggen landskapsvernområde er forvaltingsmyndigheit for verneområdet og skal handsame dispensasjonssaker. Kort om saka I samband med forskingsprosjektet FrontLines søkte Stanett i 2015 om løyve å setje opp ei målemast på 10 meter for å måle islast på kraftliner. I tilknyting til masta blei det satt opp ein liten container med teknisk utstyr og strømaggregat. Masta er i tre og er instrumentera med kamera og meteorologiske sensorar. Statnett fekk på vilkår løyve til å ha utstyret ståande på staden fram til Utstyret er satt like ved Hardingnuten i Månelia i Tinn. Norsk Hydro er grunneigar. På staden gjeng to kraftliner: 420 kilovolt Kvilldal-Rjukan og 300 kilovolt Songa-Vemork. I søknad dagsett søkjer Statnett om å få forlenga perioden for undersøkingane fram til våren Grunngjevinga er at prosjektet er utvida til eit samarbeid mellom Norsk Forskningsråd og fleire nasjonale og internasjonale partnerar, der ein skal utvikle modellar for ising og utstyr for fjerning av is på kraftleidningar. Det nye prosjektet har fått namnet Icebox. I tillegg til at Statnett ønsker å forlenge forskingsprosjektet, ønsker dei å bytte ut dagens dieselaggregat med et fuelcellaggregat. Dette vil redusere støyen frå 42 til 25 db målt på 7 meters avstand. Vedlegg - Søknad, dagsett (2018/4134-1) Andre relevante dokument, ikkje vedlagde - Saksdokument i sak 2015/ Verneforskrifta for Brattefjell-Vindeggen landskapsvernområde. - Naturmangfaldlova (NML). - Forvaltingsplan for Brattefjell-Vindeggen landskapsvernområde Det formelle grunnlaget - verneforskrifta og naturmangfaldlova Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneforskrifta for Brattefjell-Vindeggen landskapsvernområde er utgangspunktet at Området skal vere verna mot alle inngrep eller tiltak som vesentleg kan endre eller verke inn på landskapet sin art eller karakter. 8

9 Verneområdestyret må særleg vurdere konsekvensane av ein dispensasjon i høve til verneføremålet og verneverdiane i området, jf. rundskrivet Forvalting av verneforskrifter. Dette går òg fram av 7 i naturmangfaldlova, som seier at prinsippa i 8-12 i lova skal leggjast til grunn som retningsliner ved utøving av offentleg mynde. I 8 i lova går det fram at offentlege avgjerder som rører ved naturmangfaldet skal byggje på vitskapeleg kunnskap om bestandssituasjonen for ulike arter, utbreiing og økologisk tilstand av naturtypar, og effekten av påverknader. Kravet til kunnskapsgrunnlaget skal stå i eit rimeleg forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. 10. Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. I følgje naturmangfaldlova 11 er det tiltakshavar som skal dekkje kostnadene ved å hindre eller avgrense skade som tiltaket vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det beste resultatet for samfunnet. Uttale frå villreinnemnda for Brattefjell-Vindeggen, Blefjell og Norefjell-Reinsjøfjell Villreinnemnda er kontakta i samband med saka, men førebels ikkje kome med fråsegn. Då saka vart handsama i 2015, uttalte nemnda følgjande: «Villreinnemnda for Brattefjell - Vindeggen, Blefjell og Norefjell Reinsjøfjell kan ut ifra villreinhensyn akseptere omsøkte tiltak, da dette tiltaket mest sannsynlig vil ha lite negativ innvirkning på villreinen i området. Men vi ber om at det blir tatt tilstrekkelig hensyn til villreinen under transport og byggeperiode. Ved vedlikehold og tilsyn av anlegget spesielt vinterstid, forventes det at tiltakshaver tar kontakt med SNO(Statens Naturoppsyn) i området for å bli orientert om det oppholder seg villrein i nærheten av masta. Motorferdsel i det aktuelle området må unngås så lenge det finnes villrein i nærområdet. Dette for å forhindre unødvendige forstyrrelser av villreinen i forbindelse med tiltaket. Villreinnemnda ber om å få informasjon om den videre behandlingen av søknaden.» Vurdering Staden der innretningane står ligg i vernesona, jf. kartvedlegget til forvaltningsplanen. Relevant forvaltingsmål for vernesona er at «Vernesona skal oppretthaldast som eit urørt naturområde rikt på biologisk mangfald» og at «Bereevna for villrein skal oppretthaldast på dagens nivå ved å taka vare på viktige beite- og kalvingsområde.» Vidare står det at «Ein skal vere særleg restriktiv i høve til å dispensere for nye tiltak/anlegg og motorferdsle i vernesona.» Utstyret har vore i drift i 3 år, og det er i perioden ikkje vore kjende utfordringar for føremålet ved vernet eller verneverdiane. Det er fleire gonger registrert villrein beitande og kvilande like ved mast og 9

10 container, og det er lite som tyder på at innretningane har vore negative. Utstyret er godt synleg, og ikkje naturleg korkje i verneområdet eller i fjellheimen generelt. At ein likevel kan akseptera det, skyldast sjølvsagt at ein snakkar om mellombels utplassering. Man må vere trygg på at dei verneverdiane som er synleggjort i verneføremålet ikkje vert skadelidande om det vert gjeve løyve til tiltaket. Man har kjennskap og grei dokumentasjon av verneverdiane. Både når det gjelder natur- og kulturverdiar. Kunnskapen er samla i forvaltningsplanen, og er henta i samband med arbeidet med denne. Bland dei viktigaste dokumenta er J. E. Eriksens arbeid om Botaniske registreringar i Brattefjell- Vindeggen, samt H. Norby sitt arbeid om Registrering av støylsanlegg. Kunnskap om naturverdiar, er også henta frå Naturbasen. Det er ikkje registrert nasjonalt viktig kulturlandskap eller kulturminne på staden. Det er heller ikkje registera raudlista planter eller dyrearter, og det er ikkje gjennomført naturtypekartlegging på staden. Derimot er det godt kjend at villreinen bruker området jamleg, og at området Månelibrotet Langvasstødalen er blant dei aller viktigaste vinterbeiteområda i Brattefjell-vindeggen. Kvar einaste vinter observerast dyr i denne delen av villreinområde, og registreringar gjort ved Norsk villreinsenter på Skinnarbu, bekreftar at reinen er her mykje på vinteren. Statnett er sjølv godt kjend med at reinen brukar området mykje. Det har ført til at dei regelmessig kommuniserer med områdeforvaltaren når dei planleggar inspeksjons- eller vedlikehaldsturar til kraftlina, og dei har vore flinke til å taka omsyn til reinen. Det at Statnett allereie har ein del turar til området om vinteren betyr at reinen allereie er utsett for ei viss belastning. Spørsmålet er kor stor denne belastninga er, kor mykje reinen blir påverka, og kor mykje større belastninga har blitt som følgje av mast og container dei siste 3 åra. Som skriven innleidningsvis, har både SNO, områdeforvaltaren og andre registrert både dyr og spor rett ved installasjonen. Lite tyder difor på at det har vore særleg negativt for villreinen, og det at ein no vil redusere støy ytterlegare ved å bruke fuelcelleaggregat i staden for dieselaggregat, er berre positivt. Med tanke på at målingane er på 7 meters avstand i opent rom, vil dette nye aggregatet knapt bli høyrbart utanfor skapet det står i. I samband med drifta vil det vere naudsynt med noko motorferdsle. Dette vil i hovudsak dreie seg om snøskutertransport og skje i samband med anna tilsyn. Det vil òg vere behov for helikopterflyging i samband med byting av aggregat. Tiltaket er midlertidig, sjølv om det no blir ståande meir enn dobbelt så lenge som først antatt, og staden der utstyret står blir ført attende til opphavleg naturtilstand når forskingsperioden er over. Dersom Statnett fortsett tar omsyn til villreinen, slik forvaltninga meiner er naudsynt, meiner områdeforvaltaren at auka i samla belastning blir marginal, og at tiltaket ikkje vil påverke verneverdiane nemneverdig. Framlegg til vedtak: Verneområdestyret gjev Statnett løyve til å vidareføre registreringane av islast ved å ha etablert målestasjon ståande fram til våren 2022 i samsvar med søknad og dokumentasjon dagsett Det vert òg gjeve løyve til å bytte ut dieselaggregat med fuelcelleaggregat og flyging i samband med dette. Løyvet er gjeve med heimel i NML 48. Det vert sett følgjande vilkår: - Stasjonen skal demonterast og fjernast innan Det er ikkje høve til motorferdsle i området i perioden

11 - Observerast villrein, skal flyging eller anna motorferdsle stanses. - Verneområdeforvaltar eller SNO skal varslast om flyging i samband med aggregatbytte og demontering i 2022 seinast 2 dagar før det skjer. - Søkjaren er sjølv ansvarleg for å hente inn eventuelt andre løyve. Denne dispensasjonen er berre gjeve etter verneforskrifta for Brattefjell-Vindeggen landskapsvernområde. Det kan klages til Miljødirektoratet. Klagefristen er tre veker etter at vedtaket er motteke. Klaga rettast til direktoratet, men sendast til Verneområdestyret for Brattefjell-Vindeggen landskapsvernområde. Vedtaket vert send Statnett. Kopi: - Tinn kommune - Fylkesmannen i Telemark - Villreinnemnda for Brattefjell-Vindeggen, Blefjell og Norefjell-Reinsjøfjell Kopi av vedtaket vil òg bli lasta opp i Miljøvedtaksregisteret. 11

12 Sak 30/18 Søknad om støtte til forbetring av stiar i Grasfjellområdet Grasfjell Tur og Løypelag, og Hardangerviddasenteret AS. Verneområdestyret for Brattefjell-Vindeggen landskapsvernområde er forvaltingsmyndigheit for verneområdet. Kort om saka Grasfjell Tur og Løypelag og Hardangerviddasenteret AS søker om støtte til forbetring av etablera stiar i Grasfjellområdet sør for Skinnarbu. Aktørane har ein søknad med god oversikt over kva som er ønskjeleg og naudsynt. I første omgang er det snakk om støtte til klopplegging av dei mest blaute stigpartia ved Grasfjell. Føremålet er å gjere det lettare for folk og ferdast og å redusere terrengslitasje på dei blaute partia. Vedlegg - Søknad med kart og kostnadsoverslag dagsett (2018/4887-1). Relevante dokument, ikkje vedlagde - Verneforskrifta for Brattefjell-Vindeggen landskapsvernområde. - Forvaltingsplan for Brattefjell-Vindeggen landskapsvernområde Det formelle grunnlaget Verneføremålet i Brattefjell-Vindeggen landskapsvernområde er å - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. Vurdering Stadene der søkjarane vil bygge klopper, er der eksisterande sti gjeng over blaut myr. Konkret lokasjon er førebels ikkje kjend, men søkjarane har signalisera eit behov for ca. 200 meter med klopplegging. Områdeforvaltaren kjenner litt til området, og kan leggje til det er stor variasjon i stislitasje og strekningar der stiane har fått fleire alternative trasear. Med utgangspunkt i bevaringsmåla for barmarksstiar i forvaltningsplanen, er klopplegging blant dei viktigaste tiltaka når eksisterande stiar begynnar å ta nye vegar over blaute parti. Framlegg til vedtak Verneområdestyret løyver kr til bygging av klopper på stien rundt Grasfjell, jf. søknad dagsett Beløpet belastast post tiltak i Brattefjell-Vindeggen landskapsvernområde. Det vert sett følgjande vilkår: - Plassering og utforming skal skje i samarbeid med verneområdeforvaltaren. - Søkjaren skal sikre at dei natur- og kulturverdiane som finnast på staden blir ivareteke i samsvar med forvaltningsplan. Vedtaket vart sendt Grasfjell Sti og Løypelag og Hardangerviddasenteret AS. 12

13 Sak 31/18 Søknad om støtte til inngjerding av stølsvoll på 128/57 i Tinn kommune Arild Bergstuen. Verneområdestyret for Brattefjell-Vindeggen landskapsvernområde er forvaltingsmyndigheit for verneområdet. Kort om saka Arild Bergstuen med familie har dei to siste summarane rydda Fikstjønnstulen i Gausdalen i Tinn for uønska vegetasjon. Føremålet er å få fram det gamle stølslandskapet og halde attgroinga under kontroll, og er ein oppfølging av dei råda som blei gjeven gjennom skjøtselsplanlegginga utført av verneområdestyret i Sumaren 2018 blei stulen beita med hest, men frå 2019 skal det settast på geiter. I samband med dette søkjer han no om tilskot til inngjerding. Vedlegg - Søknad med kostnadsoverslag dagsett (2018/3614-1). Relevante dokument, ikkje vedlagde - Verneforskrifta for Brattefjell-Vindeggen landskapsvernområde. - Forvaltingsplan for Brattefjell-Vindeggen landskapsvernområde Skjøtselsplan Det formelle grunnlaget Verneføremålet i Brattefjell-Vindeggen landskapsvernområde er å - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. Vurdering Attgroing er blant dei største truslane for kulturlandskapet som verneføremål, og å hindre dette er blant dei viktigaste oppgåvene forvaltninga har. Nettopp difor har det vore utarbeida skjøtselsplanar for kulturlandskapsområda og bruka midlar til rydding over fleire år. Likevel er det slik at sjølv om ein ryddar og opnar opp gamle kulturlandskap, så er det berre av avgrensa verdi så lenge areala ikkje blir beita. Verneområdestyret har ved fleire høve uttalt kor viktig det er med beitedyr, og forvaltningsplanen bygger opp om det. Bergstuen har i 2017 og 2018 rydda på stølen, og i 2018 hadde dei også hest som gjekk å beita her. Frå sumaren 2019 vil dei ha geiter på staulen, og dei ønskjer difor å gjerde inn eit område. Materialkostnadane til inngjerding er berekna til ca inkl. mva. I tillegg ar det berekna ca. 60 timar med arbeid. Dersom verdi av arbeid settast til 300 kr/t, vil totalkostnad for sjølve gjerdinga bli kr. Ryddearbeid og vidare forvaltning av arealet er i samsvar med skjøtselsplan utarbeidd for området. 13

14 Verneområdeforvaltaren meiner det er fornuftig og i tråd med vedtekne målsettingar at verneområdestyret tar del i dette arbeidet. Framlegg til vedtak Verneområdestyret løyver kr til inngjerding av Fikstjønnstuulen slik at arealet kan beitast av beitedyr. Beløpet belastast post tiltak i Brattefjell-Vindeggen landskapsvernområde. Det vert sett følgjande vilkår: - Arbeidet med inngjerding skal skje i Det skal vere beitedyr på staulen kvart år i minimum 5 år. - Søkjaren skal sikre at dei natur- og kulturverdiane som finnast på staden blir ivareteke i samsvar med forvaltningsplan og skjøtselsplan for Brattefjell-Vindeggen landskapsvernområde. Vedtaket vart sendt Arild Bergstuen. 14