Innkalling og sakskart

Transkript

1 Besøksadresse Skinnarbu 3661 Rjukan Postadresse Postboks Skien Kontakt Sentralbord Direkte Verneområdestyret for Brattefjell- Vindeggen landskapsvernområde Sakshandsamar Peter C. A. Köller Vår ref. 2016/ Dato Innkalling og sakskart Det vert med dette kalla inn til møte i verneområdestyret. Tid: Torsdag , kl. 10:00 Stad: Kommunehuset i Hjartdal, Sauland Gje beskjed snarast på eller fmtepko@fylkesmannen.no om du ikkje kan møte. Då vil vararepresentant bli kalla inn. Sakliste: Sak 01/16 Godkjenning av innkalling og dagsorden. Sak 02/16 Underskriving av protokoll Sak 03/16 Sak 04/16 Sak 05/16 Sak 06/16 Sak 07/16 Val av leiar og nestleiar for verneområdestyret. Saksframlegg klagesak: Søknad om bygging av båthus på Reinstul gnr. 25 bnr. 1 i Hjartdal Åsmund Øverbø. Saksframlegg: Søknad om bruk av snøskuter til hytte på gnr. 15 bnr. 1 ved Vrangetjønn i Hjartdal Halvor Romme. Saksframlegg: Søknad om løyve til riving av eksisterande utedo og bygging av bod med utedo på Nystul gnr. 113 bnr. 9 i Hjartdal Arild Bergstuen. Saksframlegg: Søknad om oppføring av reiskapsbu på Brenna gnr. 127 bnr. 15 i Tinn Sven Erik Elnes. Sak 08/16 Saksframlegg: Søknad om tilbygg på hytte gnr. 21 bnr. 25 i Vindsjådalen i Hjartdal Tone Sem Hovda. Sak 09/16 Sak 10/16 Revisjon av forvaltningsplanen orientering. Besøksforvaltning orientering.

2 Sak 11/16 Registrering av styret i Brønnøysundregisteret Sak 12/16 Møte- og arbeidsplanlegging

3 Sak 04/16 Saksframlegg klagesak: Søknad om bygging av båthus på Reinstul gnr. 25 bnr. 1 i Hjartdal Åsmund Øverbø. Ein syner til vedtak i verneområdestyret med saksførebuingar, og klage på vedtak frå Åsmund Øverbø dagsett Verneområdestyret for Brattefjell-Vindeggen landskapsvernområde er forvaltningsmyndigheit for verneområdet og skal handsame dispensasjonssaker og eventuelle klager på vedtak, jamfør forvaltningslova 33. Miljødirektoratet er klageinstans. Kort om saka Åsmund Øverbø søkte om løyve til å bygge eit enkelt båthus ved hytta si ved Reinstul gnr. 25 bnr. 1 i Hjartdal. Føremålet er å kunne vinterlagre ein båt. Tiltaket krevjar dispensasjon etter verneforskrifta for Brattefjell-Vindeggen landskapsvernområde. Det blei gjeve avslag på søknaden ved handsaminga i styremøtet Øverbø klaga på vedtaket i brev dagsett Vedlegg - Klage frå Åsmund Øverbø dagsett (dok 2015/2527-8). Andre relevante dokument, ikkje vedlagde - Verneforskrifta for Brattefjell-Vindeggen landskapsvernområde. - Naturmangfoldloven. - Forvaltningsloven. - Forvaltningsplan for Brattefjell-vindeggen landskapsvernområde Saksframlegg dagsett (dok 2015/2527-5). - Uttale frå villreinnemnda dagsett (dok 2015/2527-4). - Søknad dagsett (dok 2015/2527-1). - Diverse bilete. Rettsleg klagemoglegheit Forvaltningsloven 28 seier mellom anna at «Enkeltvedtak kan påklages av en part eller annen med rettslig klageinteresse i saken til det forvaltningsorgan (klageinstansen) som er nærmest overordnet det forvaltningsorgan som har truffet vedtaket (underinstansen)». Det er difor avgjerande å vurdere om den/dei som klager har rettsleg klagemoglegheit. Eit vedtak om rettsleg klagemoglegheit er eit enkeltvedtak i seg sjølv, og kan også bli klaga på. Det kan ofte vere vanskeleg å vurdere om ein person som klagar har rettsleg klagemoglegheit eller ikkje. Det heiter seg at for å ha denne retten, så skal vedkommande være påverka rettslig, praktisk eller økonomisk, og vedkommande blir sterkare påverka enn «alle andre». I denne saka dreier det seg om klage på vedtaket frå søkjarane sjølv. Det er difor ingen tvil om at klagarane har rettsleg klagemoglegheit. 3

4 Moment i klagen frå Øverbø Det peikast på at søkjaren meiner det blir feil å kalle tiltaket for eit båthus, då det i realiteten dreier seg om et mindre snøoverbygg som er tenkt utført for å oppnå enklast mogleg konstruksjon og samstundes gje best mogleg trykkavlastning(for båt, forvaltars anm.) og vere visuelt tilfredsstillande. Han meiner dette bygget blir lite og nesten usynleg for folk som ferdast i området. Det blir både liggande lågt i terrenget og det vil vere delvis skjult av bjørkeskogen på staden. Når det gjeld støy i byggeperioden, syner Øverbø til at materialtransporten berre vil vere eit lass med snøskuter og at sjølve bygginga vil gå føre med bruk av handverktøy. Øverbø skriv vidare at det ikkje er naudsynt å grave grop i strandkanten, og at ein i staden kan lage eit tekke som kviler på 6 pålar i myra. Søkjaren er ueinig med verneområdestyret om at konstruksjonen blir godt synleg i strandkanten, men seier at han kan legge torv på taket for å gjere bygget enda mindre synleg. Likevel understreker han at det er svært få menneske som ferdast i dette området. Han meiner det er trist og uforståeleg at han som grunneigar ikkje blir tatt omsyn til då det har ein praktisk og ein økonomisk betyding, og at man i staden vektleggjar korleis synsinntrykk bygget vil gjeva. Vurdering Føremålet med Brattefjell Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogsområde - Taka vare på det biologiske mangfaldet i området, med villreinstamme og rikt plante- og dyreliv - Taka vare på verdifulle kulturlandskap og kulturminne (verneforskrifta kap. II). I verneforskrifta for Brattefjell Vindeggen landskapsvernområde er det i kap. IV pkt. 1.1 eit forbod mot inngrep og mellom anna oppføring og ombygging av bygningar og anlegg. Etter kap. IV pkt. 3.2 kan forvaltningsstyresmakta «når verksemda eller tiltaket kan skje utan at det strir mot føremålet med vernet» gi løyve til «mindre tilbygg eller ombygging av eksisterande bygningar». Sjølv om dette dreier seg ein relativt enkel konstruksjon og ikkje nokon bygnad i tradisjonell forstand, meiner verneområdeforvaltaren at eit eventuelt løyve skal vere heimla i verneforskrifta kapittel IV punkt 3.2. Sjølve bygget i seg sjølv og åleine vil neppe ha særleg innverknad på verneføremåla, og det er rett som søkjaren skriv at det er mogleg å «gjømme» det vekk dersom det byggjast i ein stad med rikeleg med vegetasjon og at taket for eit torvtekke. Alle sakar skal få ein individuell handsaming, og i det ligg det også ei vurdering av presedensverknad. Det finst nokre båthus i landskapsvernområdet. Desse er av varierande type og konstruksjon. Det er jamvel gjeve løyve til oppføring av nye båthus, men felles for disse er at der det byggjast nytt, så er det som erstatning for eit gamalt som er riven. Forvaltningsmyndigheita skal sikre at det ikkje blir gjennomført ein bit-for-bit øydelegging av naturverdiane. Områdets retningslinene skal og bidra til at forvaltninga har ein lik praksis i handsaming av tilnærma like sakar - slik at praksisen ikkje vert endra frå sak til sak. Klima- og miljødepartementet seier i brev 2. mars 2015 og 15. juni 2015 at presedens er viktige omsyn i byggesaker og at presedensvurderinga skal vere reell og bidra til lik handsaming. Verneområdeforvaltaren tenkjer at det vil vere mange med liknande ønskje og behov for båtoverbygg i landskapsvernområde, og jamfør presedensverknaden, vil det vere mange som kan argumentere godt for dette behovet. Det vil verte vanskeleg for forvaltningsmyndigheita å differensiere slike saker, med det resultat at ein vil oppleve ein bit-for-bit øydelegging av verneverdiane. 4

5 Framlegg til vedtak: Verneområdestyret for Brattefjell-Vindeggen landskapsvernområde kan ikkje sjå at klagen til Åsmund Øverbø inneheld moment som kan gje grunnlag for å gjere om på vedtaket i verneområdestyret Vedtaket vert ståande og saka sendt Miljødirektoratet for endeleg avgjerd. Vedtaket vert send Åsmund Øverbø. Kopi: - Hjartdal kommune - Fylkesmannen i Telemark - Miljødirektoratet - Statens naturoppsyn Skinnarbu - Villreinnemnda for Brattefjell-Vindeggen, Blefjell og Norefjell-Reinsjøfjell Kopi av vedtaket vert òg lasta opp i Miljøvedtaksregisteret. 5

6 Sak 05/16 Saksframlegg: Søknad om bruk av snøskuter til hytte på gnr. 15 bnr. 1 ved Vrangetjønn i Hjartdal Halvor Romme Verneområdestyret for Brattefjell-Vindeggen landskapsvernområde er forvaltingsmyndigheit for verneområdet og skal handsame dispensasjonssaker. Kort om saka Halvor Romme søkjer om løyve til motorferdsle til hytte på gnr. 15 bnr. 1 ved Vrangetjønn i Hjartdal kommune. Han har i dag løyve til å kjøre til hytta frå Reisjåbrekka i Bondal, ein strekning på om lag 20 km. Romme søkjer om å få kjøre frå Skinnarbu i Tinn i staden for Reisjåbrekka. Det er ein strekning på berre 7 km. Han har tidligare søkt om løyve for denne strekninga. Verneområdestyret gav 10. februar 2014 løyve til et avgrensa tal turar. Dette vedtaket blei klaga på av Naturvernforbundet, men søkjaren trakk søknaden innan klaga blei handsama. Årsaka var at han ikkje vart gjeve løyve til å kjøre frå Skinnarbu av ein av grunneigarane på strekninga. Halvor Romme har no fått avklara saken med den aktuelle grunneigaren, og han søkjer difor på nytt om løyve til motorferdsle. I søknaden dagsett søkjer han om 5 turar fram til 15. april 2016, samt 7 turar pr. sesong fram til 15. april i Vedlegg - Søknad med kartskisse, dagsett (2016/279-1) Andre relevante dokument, ikkje vedlagde - Uttale frå villreinnemnda, dagsett (2016/279-5) - Verneforskrifta for Brattefjell-Vindeggen landskapsvernområde. - Naturmangfaldlova (NML). - Forvaltingsplan for Brattefjell-Vindeggen landskapsvernområde Lov om motorferdsle i utmark og på islagde vatn. - Forskrift om forbod mot motorferdsel i spesielt sårbare områder i Brattefjell/Vindeggenområdet, Seljord, Hjartdal, Tinn og Vinje kommunar, Telemark. Det formelle grunnlaget Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneføresegna for Brattefjell-Vindeggen landskapsvernområde er utgangspunktet at Området skal vere verna mot alle inngrep eller tiltak som vesentleg kan endre eller verke inn på landskapet sin art eller karakter., jmf. pkt 1. Pkt 1.4 seier at Motorferdsel skal gå føre seg etter faste ruter som peikast ut av forvaltningsstyresmakta. All motorferdsle skal gå føre seg slik at det ikkje oppstår varig skjemmande markskader, hjulspor ol. 6

7 Verneområdestyret må særleg vurdere konsekvensane av ein dispensasjon i høve til verneføremålet og verneverdiane i området. Dette går og fram av 7 i naturmangfaldlova, som seier at prinsippa i 8-12 i lova skal leggjast til grunn som retningsliner ved utøving av offentlig myndigheit. I NML 8 (om kunnskapsgrunnlaget) går det fram at offentlege avgjerder som rører ved naturmangfaldet skal byggje på vitskapeleg kunnskap om bestandssituasjonen for ulike arter, utbreiing og økologisk tilstand av naturtypar, og effekten av påverknader. Kravet til kunnskapsgrunnlaget skal stå i eit rimelig forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. 10 (om økosystemtilnærming og samla belasting). Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. Etter NML 11 er det tiltakshavar som skal dekkje kostnadene ved å hindre eller avgrense skade som tiltaket eller aktiviteten vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det samfunnsmessige beste resultatet. Uttale frå villreinnemnda for Brattefjell-Vindeggen, Blefjell og Norefjell-Reinsjøfjell Villreinnemnda har gjeve følgjande uttale: «Villreinnemnda for Brattefjell - Vindeggen, Blefjell og Norefjell kan ut ifra villreinhensyn godta omsøkte snøscooterløyve med visse merknader. Vi forutsetter at innehaver av løyve kontakter SNO ved Skinnarbu, før transport skal ta sted. Er det meldt om villrein i det aktuelle området skal transporten utsettes. Villreinnemnda anbefaler også at det gis max.1 tur pr. år til transport av nødvendig ved og utstyr, da løyvet ikke gjelder landbruk eller annen næring. Turene må utføres før 15.april. Villreinnemnda ber om å få informasjon om den videre behandlingen av søknaden.» Vurdering Det søkast om å bruke ei trasé som ligger både på utsida og innsida av landskapsvernområdet. Inne i verneområdet vil det bli køyrt i både brukssona og vernesona. Omkring 2 km i kvar sone. Hytta ved Vrangetjønn ligger i vernesona. Omtrent fram til delet mellom brukssone og vernesone er det oppkøyrt skiløype, og dersom det blir gitt løyve, vil transporten skje etter etablert skiløype. Med omsyn til motorferdsle konkret, er det ingen relevant forvaltingsmål for brukssona. I vernesona er relevant mål at Vernesona skal oppretthaldast som eit urørt naturområde rikt på biologisk mangfald og at ein skal være særleg restriktiv i høve til å dispensere for nye tiltak/anlegg og motorferdsle i vernesona. 7

8 All motorferdsle skal gå føre seg i tråd med lov og føresegner for motorferdsle i utmark og på islagde vatn, med dei avgrensingar som ligg i verneføresegna. I områder som er verna i medhald av naturvernlova/naturmangfaldlova, er det strengare reglar for motorisert ferdsle enn det som følgjer av motorferdslelova/nasjonal føresegn. I verneføresegna for Brattefjell-Vindeggen landskapsvernområde står det i kapittel 4 punkt 1.4 at motorferdsle skal gå føre seg etter faste ruter som peikast ut av forvaltningsstyresmakta, og at all motorferdsle skal gå føre seg slik at det ikkje oppstår varige skjemmande markskadar, hjulspor og liknande. I tillegg til føringane for motorferdsle som er beskrive i motorferdslelova og verneføresegn/forvaltningsplan, er det for område vedtatt ei føresegn om forbod mot motorferdsle i spesielt sårbare områder i Brattefjell-Vindeggen. Punkt 2 i denne føresegna seier at All motorferdsle innafor eit område i Vindeggen, Mefjell, Langvasstødalen, Månelibråtet og Ørnenuten( ) er forbode i tida frå 15. april til 1. juli. Hytteigarar innafor området kan gjevast dispensasjon for inntil 3 turar til eiga hytte i tida før 15. april. Det er kommunane som er forvaltningsmyndigheit for denne føresegna, men då det ikkje er etablert skuterløype på heile strekninga fram til Vrangetjønn, vil verneområdestyret måtte fatte eit vedtak i saken. Grunngjevinga for søknaden, er transport av bagasje og utstyr til eiga hytte. Man må vere trygg på at dei verneverdiane som er synleggjort i verneføremålet ikkje vert skadelidande om det vert gjeve løyve til tiltaket, jf. NML 8 (kunnskapsgrunnlaget) og 9 (føre-var-prinsippet). Staden der hytte ligger er eit område som villreinen brukar mykje om vinteren. Området er også definert som viktig vinterbeiteområde. Man har kjennskap og grei dokumentasjon av verneverdiane i området. Både når det gjelder natur- og kulturverdiar. Kunnskapen er samla i forvaltningsplanen, og er henta i samband med arbeidet med denne. Botaniske verdiar og kulturverdiar blir ikkje påverka av den køyringa det er søkt om. Derimot vil støy og menneskeleg aktivitet vere forstyrrande for villreinen. Registreringar utført av Norsk villreinsenter syner at villreinen oppheld seg i dette området gjennom store deler av vinteren. Det er godt kjent kva slags effekt slik aktivitet reint generelt har på villreinen. «NVS rapport 5/2010 om villrein og forstyrrelser», fortel mellom anna at frykt-, og fluktavstand typisk er på mellom 500 og 700 meter frå til dømes ein snøskuter. Det betyr at reinen vil flykte dersom man kjem nære nok, noko som igjen betyr økt forbrenning og forbruk av næring i ei tid der reinen bør holde seg mest mogleg i ro. Det er difor viktig at vedtak fattast på bakgrunn av dette. Føre-var prinsippet i NML 9 får liten betyding i denne saka, då det er godt kjent kva effekt snøskuterkøyring har på området/villreinen, og då ein ikkje kan sjå usikkerheit i moglege andre negative effektar på verneføremåla. Med omsyn til NML 10 om samla belastning, er det truleg at det blir ein reduksjon i samla belastning dersom verneområdestyret gjev løyve til å køyre frå Skinnarbu i staden for at søkjaren skal køyre frå Bondal som han gjer i dag. Avstanden frå Reisjåbrekka i Bondal til hytta er om lag 20 km. Mykje av dette er i terreng der villreinen sjeldan er, og enda mindre om vinteren. Likevel må man rekne distansen frå Våtjønn til Vrangetjønn, om lag 10 km, som ein strekning der villreinen ofte opphelder seg. Når det gjelder traseen frå Skinnarbu, er det berre dei siste 2-3 kilometerane som må reknas som sårbare og her veit ein at det også ferdas ein del folk allereie i dag med utgangspunkt i skiløypa som er oppkjørt like i nærleiken. NML 11 om avbøtande tiltak og bæring av kostnadar får liten verknad i samband med denne saka. 8

9 Det følgjer av NML 12 at det skal tas utgangspunkt i miljømessige forsvarlege teknikkar og driftsmetodar for å unngå eller avgrense skade på miljø. I denne saka dreier det seg om tal turar og køyreavstand. Jo færre turar og kortare distanse, desto betre. Det er difor avgjerande at søkjar ved varetransport nyttar slede(r) med stor kapasitet, og at ein generelt held fokus på å køyre så få turar som mogleg. Turane skal ha tydeleg preg av å vere varetransport og ikkje persontransport. Vidare er det viktig at søkjar tar omsyn til villreinen dersom den observerast under køyring. Då skal søkjar vente til reinen har trekt seg unna. Framlegg til vedtak: Verneområdestyret gjev Halvor Romme løyve til snøskutertransport frå Skinnarbu til Vrangetjønn etter trasé vist på kart som låg ved søknaden. Løyvet er gitt med heimel i NML 48, og er grunngjeve med at køyring Skinnarbu-Vrangetjønn vil redusere samla belastning generelt, og forstyrringa av villreinen spesielt, samanlikna med traseen søkjaren i dag har lov til å bruke. Det vert sett følgjande vilkår: - Det skal køyrast etter oppkøyrde skiløyper og/eller etablera trasé. - Løyvet gjeld for inntil 3 turar mellom og , og inntil 3 turar mellom og Løyvet gjeld berre for transport av bagasje og utstyr. - Dette løyvet erstattar løyvet søkjaren har mellom Reisjåbrekka og Vrangetjønn. - Observerast villrein, skal køyring stanses. Søkjaren skal ha dialog med SNO /verneområdeforvaltaren om det er villrein i området. Vedtaket er berre fatta etter verneføresegna for Brattefjell-Vindeggen landskapsvernområde og tilhøyrande forvaltningsplan. Søkjar er sjølv ansvarleg for å få andre nødvendige løyve, slik som til dømes grunneigarløyve, løyve etter motorferdslelova, og dispensasjon etter forskrift for motorferdsle i spesielt sårbare område innafor Brattefjell-Vindeggen. Det er klagerett på avgjerda. Klagefristen er tre veker etter at vedtaket er motteke. Klaga rettast til Miljødirektoratet, men sendast til Verneområdestyret for Brattefjell-Vindeggen landskapsvernområde. Vedtaket vert send til Halvor Romme. Kopimottakarar: - Tinn kommune - Hjartdal kommune - Miljødirektoratet - Fylkesmannen i Telemark - Statens naturoppsyn Skinnarbu - Villreinnemnda for Brattefjell-Vindeggen, Blefjell og Norefjell-Reinsjøfjell Kopi av vedtaket vil òg bli lasta opp i Miljøvedtaksregisteret. 9

10 Sak 06/16 Saksframlegg: Søknad om løyve til riving av eksisterende utedo og bygging av bod med utedo på Nystul gnr. 113 bnr. 9 i Hjartdal Arild Bergstuen Verneområdestyret for Brattefjell-Vindeggen landskapsvernområde er forvaltningsmyndigheit for verneområdet og skal handsame dispensasjonssaker. Kort om saka Arild Bergstuen søkjer om løyve til å rive den gamle utedoen på Nystul, og erstatte denne med ein bod på ca. 3x4 meter som mellom anna skal innehalde ny utedo. Den nye boden vil bli bygget på same stad som dagens utedo. Vedlegg - Søknad med teikning dagsett (dok. 2016/35-1) Andre relevante dokument, ikkje vedlagde - Uttale frå villreinnemnda (dok. 2016/35-3) - Verneforskrifta for Brattefjell-Vindeggen landskapsvernområde - Naturmangfoldloven(NML) - Forvaltningsplan for Brattefjell-Vindeggen landskapsvernområde Det formelle grunnlaget Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneforskrifta for Brattefjell-Vindeggen landskapsvernområde er oppføring av bygningar og anlegg i utgangspunktet forbode, jf. Kap. IV, pkt.1.1. Reglane er ikkje til hinder for drift og vedlikehald av eksisterande anlegg, jf. pkt Etter kap. IV, pkt 3.2 kan forvaltingsstyresmakta, Når verksemda eller tiltaket kan skje utan at det strir mot føremålet med vernet, gje løyve til mindre tilbygg eller ombygging av eksisterande bygningar i området. Verneområdestyret må særleg vurdere konsekvensane av ein dispensasjon i høve til verneføremålet og verneverdiane, jf. rundskrivet Forvalting av verneforskrifter frå Miljødirektoratet. Dette går og fram av 7 i naturmangfaldloven, som seier at prinsippa i 8-12 i lova skal leggjast til grunn som retningsliner ved utøving av offentlig myndigheit. I 8 i lova (om kunnskapsgrunnlaget) går det fram at offentlege avgjerder som rører ved naturmangfaldet skal byggje på vitskapeleg kunnskap om bestandssituasjonen for ulike arter, utbreiing og økologisk tilstand av naturtypar, og effekten av påverknader. Kravet til kunnskapsgrunnlaget skal stå i eit rimelig forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. 10 (om økosystemtilnærming og samla belasting). 10

11 Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. I følgje naturmangfaldlova 11 er det tiltakshavar som skal dekkje kostnadene ved å hindre eller avgrense skade som det aktuelle tiltaket vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det beste resultatet for samfunnet. Vurdering Nystul ligger i kulturlandskapssona. Relevant forvaltingsmål for kulturlandskapssona er at ein ynskjer å taka vare på særleg verdfullt stulsmiljø med tilhøyrande eigenarta kulturlandskap med kulturhistorisk verneverdi. I høve til pkt. 3.2 i verneforskrifta kjem tiltaket inn under omgrepet mindre tilbygg. Det er såleis mogleg å nytte heimelen i 3.2. Ein må vera trygg på at dei verneverdiane som er synleggjort i verneføremålet ikkje vert skadelidande om det vert gjeve løyve til tiltaket, jf. 8 (kunnskapsgrunnlaget) og 9 (føre-var-prinsippet). Kunnskapen om området er langt på veg samla i forvaltningsplanen. Det gjeld både kultur- og naturverdiar. Likevel er det noko meir utfyllande informasjon å hente frå ulike kjelder, der J. E. Eriksens arbeid om Botaniske registreringar i Brattefjell-Vindeggen, samt H. Norby sitt arbeid om Registrering av stølsanlegg er blant dei viktigaste. Når det gjeld kunnskap om kulturlandskapet er det i nyare tid også utarbeida skjøtselsplanar for et utval støler i landskapsvernområde, mellom anna i Måråstadalen der Nystul ligger. Når det gjeld naturverdiar, er Naturbasen ein viktig kjelde. Det same er samtaler med grunneigar og SNO, samt eiga synfaring. Synfaring vart utført i samarbeid med SNO Nystul ligger i et område som i botanisk samanheng definerast som område med høg botanisk verdi. Det er registrera om lag 200 planteartar, i all hovudsak med trivielt artsutval. I Brattefjell-Vindeggen er Måråstådalen trulig det mest varierande, og med omsyn til planter, det rikaste. Område er prega av sauebeite. Sjølve hytta på Nystul er gamal og er truleg av kulturhistorisk interesse. I denne saka er det likevel utedoen som er tema. Alderen på denne er ukjent, men den er openbart ikkje like interessant sett med kulturhistoriske augne. Søk i kulturminnedatabasen Askeladden dokumenterer at det ikkje er registrert kulturminner på Nystul. Forvaltaren kjenner ikkje historia til Nystul, men det er å anta att plassen har vore ein støl i drift eller som del av ein større støl. Sida denne saka dreier seg om noko som ikkje vil påverke hytta eller omgjevnadene vesentleg, vil tema kulturlandskap og kulturpåverknad ikkje bli ytterligare drøfta. Naturbasen opplyser ikkje om anna enn at det er leveområde for villrein ved Nystul, men staden er verken spesielt bruka til vinterbeiteområde eller kalvingsområde. Det er ein interessant kongeørnlokalitet ved Nystul, men denne blir ikkje påverka av tiltaket. Det er søkt om å byggje ein bod på 3x4 meter på staden der utedoen står i dag. Boden skal huse ny utedo og elles vanlege bodfunksjonar. Det vert ståande kledning og pulttak som skal dekkast med 11

12 lakkerte stålplater. Veggane skal beisast i farge som tilpassast fargen på hytta, det same vil gjelde takplatene. I tråd med forvaltningsplanen, er det viktig at nye bygningar gjevast ein utforming og ein farge som gjer at den passar godt inn i miljøet. Dette blir ekstra viktig i områder som Måråstådalen, som er blant dei mest interessante kulturlandskapsområda i Brattefjell-Vindeggen. Det blir derfor viktig at ny bod/utedo på Nystul gjevast slik utsjånad at bygningar og omgjevnad harmonerer. Dette gjeld både fargeval og materialval. Samanlikna med teikningane vedlagt søknaden, vil verneområdeforvaltaren foreslå at det skal brukast same dimensjonar på kledningen som det som er bruka på deler av hytta, og at glaset gjevast ein utforming som liknar på eine halvdel av glasa på gavlveggane på hytta. Dersom ein tek omsyn til dette, kan ikkje forvaltaren sjå at slikt nybygg vil påverke kulturlandskapet - som verneverdi - på ein negativ måte. Det vil ikkje bli gitt anledning til å bygge eldstad/pipe, og boden kan ikkje brukast til overnatting. Framlegg til vedtak: Verneområdestyret gjev Arild Bergstuen løyve til å rive gamal utedo og å sette opp ny bod/utedo på Nystul i tråd med omtale og teikningar i søknaden dagsett Løyvet er gjeve med heimel i kap. IV, pkt. 3.2 i verneforskrifta for Brattefjell-Vindeggen landskapsvernområde. Det vert sett følgjande vilkår: - Løyvet gjeld tre år frå vedtaksdato. Om arbeidet ikkje er starta opp då, fell løyvet bort. - Arbeidet skal dokumenterast ved at minst tre gode fotografi, som syner den nye bygningen frå ulike vinklar, sendast verneområdestyret seinast to månader etter at bygget står ferdig. - Det skal takast omsyn til fargeval i samsvar med forvaltningsplanen pkt Det skal brukast kledningsbord som liknar mest mogleg på dei på hytta. - Glaset skal utformast slik at det harmonerer med glasa på hytta (ståande med sprosser). - Det er ikkje anledning til å bygge eldstad/pipe. - Bygget skal ikkje brukast til overnatting. Løyvet gjeld berre i høve til verneforskrifta. Handsaming etter anna lovverk skal skje av aktuell forvaltningsmyndigheit, og søkjaren er sjølv ansvarleg for å hente inn eventuelt andre naudsynte løyve. Det kan klages på avgjerda. Klagefristen er tre veker etter at vedtaket er motteke. Klaga rettast til Miljødirektoratet, men sendast til Verneområdestyret for Brattefjell-Vindeggen landskapsvernområde. Vedtaket vert send Arild Bergstuen. Kopi: - Hjartdal kommune - Fylkesmannen i Telemark - Miljødirektoratet - Statens naturoppsyn Skinnarbu - Villreinnemnda for Brattefjell-Vindeggen, Blefjell og Norefjell-Reinsjøfjell Kopi av vedtaket vert og lasta opp i Miljøvedtaksregisteret. 12

13 Sak 07/16 Saksframlegg: Søknad om oppføring av reiskapsbu på Brenna gnr. 127 bnr. 15 i Tinn Sven Erik Elnes Verneområdestyret for Brattefjell-Vindeggen landskapsvernområde er forvaltningsmyndigheit for verneområdet og skal handsame dispensasjonssaker. Kort om saka Sven Erik Elnes søkjer om løyve til å sette opp ein reiskapsbu på 3x3 meter ved hytta på Brenna i Gausdalen. Primært vil det vere ei bu som skal huse strømaggregatet, men den vil også bli bruka som lagerplass for ved og reiskap. Vedlegg - Søknad med teikning dagsett (dok. 2016/598-1) Andre relevante dokument, ikkje vedlagde - Uttale frå villreinnemnda (dok. 2016/598-3) - Verneforskrifta for Brattefjell-Vindeggen landskapsvernområde - Naturmangfoldloven(NML) - Forvaltningsplan for Brattefjell-Vindeggen landskapsvernområde Det formelle grunnlaget Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneforskrifta for Brattefjell-Vindeggen landskapsvernområde er oppføring av bygningar og anlegg i utgangspunktet forbode, jf. kap. IV, pkt.1.1. Reglane er ikkje til hinder for drift og vedlikehald av eksisterande anlegg, jf. pkt Etter kap. IV, pkt 3.2 kan forvaltingsstyresmakta, Når verksemda eller tiltaket kan skje utan at det strir mot føremålet med vernet, gje løyve til mindre tilbygg eller ombygging av eksisterande bygningar i området. Verneområdestyret må særleg vurdere konsekvensane av ein dispensasjon i høve til verneføremålet og verneverdiane, jf. rundskrivet Forvalting av verneforskrifter frå Miljødirektoratet. Dette går og fram av 7 i naturmangfaldloven, som seier at prinsippa i 8-12 i lova skal leggjast til grunn som retningsliner ved utøving av offentlig myndigheit. I 8 i lova (om kunnskapsgrunnlaget) går det fram at offentlege avgjerder som rører ved naturmangfaldet skal byggje på vitskapeleg kunnskap om bestandssituasjonen for ulike arter, utbreiing og økologisk tilstand av naturtypar, og effekten av påverknader. Kravet til kunnskapsgrunnlaget skal stå i eit rimelig forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. 10 (om økosystemtilnærming og samla belasting). 13

14 Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. I følgje naturmangfaldlova 11 er det tiltakshavar som skal dekkje kostnadene ved å hindre eller avgrense skade som det aktuelle tiltaket vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det beste resultatet for samfunnet. Vurdering Brenna ligger i brukssona. Relevant forvaltingsmål for brukssona er at «Områda skal forvaltas med tanke på å taka vare på områdas art og karakter utan inngrep som vesentleg kan endre landskapets utforming». Det er vidare sagt at «Innanfor sona skal det vere tillatt med naudsynt vedlikehald av eksisterande bygningar. Det kan også gjevast løyve til tilbygg og ombygging av eksisterande bygningar». I høve til pkt. 3.2 i verneforskrifta kjem tiltaket inn under omgrepet mindre tilbygg. Det er såleis mogleg å nytte heimelen i 3.2. Ein må vera trygg på at dei verneverdiane som er synleggjort i verneføremålet ikkje vert skadelidande om det vert gjeve løyve til tiltaket, jf. 8 (kunnskapsgrunnlaget) og 9 (føre-var-prinsippet). Kunnskapen om området er langt på veg samla i forvaltningsplanen. Det gjeld både kultur- og naturverdiar. Likevel er det noko meir utfyllande informasjon å hente frå ulike kjelder, der J. E. Eriksens arbeid om Botaniske registreringar i Brattefjell-Vindeggen, samt H. Norby sitt arbeid om Registrering av stølsanlegg er blant dei viktigaste. Når det gjeld kunnskap om kulturlandskapet er det i nyare tid også utarbeida skjøtselsplanar for et utval støler i landskapsvernområde. Når det gjeld naturverdiar, er Naturbasen ein viktig kjelde. Det same er samtaler med grunneigar og SNO, samt eiga synfaring. Synfaring vart utført Brenna ligger i et område der granskogen gjeng opp til ca moh. Vegetasjonstypen er nedbørsmyr middelsrik myr, lyngskog, småbregneskog, lågurtskog, høgstaudeskog, sumpskog, sumpvierkjerr, fattig og rik beitemark, samt dvergbjørk- /vierhei. Det er registrera om lag 190 planteartar, i all hovudsak med trivielt artsutval. Område er noko prega av beite (ku og sau). Granskog opp til 1000 moh. er ganske sjeldan i området, og Brenna ligger kloss inntil Gausdalen naturreservat. Det er ikkje sagt noko om det finnes sjeldne eller sårbare arter i nærleiken til Brenna i Naturbasen, og staden ligger utafor det som er definera som leveområde for villrein Det er søkt om å byggje ein bod på 3x3 meter like på baksida av hytta. Boden skal brukast til oppstilling av strømaggregat og elles som lager for ved, reiskap og utstyr. Boden vil få same kledning og farge som hytta, og med ei mønehøgde på 3 meter vil den sjølv om terrenget er stigande på staden ikkje overstige høgda på hytta. Det er rikeleg med vegetasjon bak hytta, og overhøgda på skogen på ca. 10 meter. Det betyr at boden heller ikkje vil bli ståande i silhuett, og det vil difor ikkje ble nemneverdig påverknad på landskapet. Det vil ikkje bli gitt anledning til å bygge eldstad/pipe, og boden kan ikkje brukast til overnatting. 14

15 Framlegg til vedtak: Verneområdestyret gjev Sven Erik Elnes løyve til å sette opp reiskapsbu på Brenna i tråd med omtale og teikningar i søknaden dagsett Løyvet er gjeve med heimel i kap. IV, pkt. 3.2 i verneforskrifta for Brattefjell-Vindeggen landskapsvernområde. Det vert sett følgjande vilkår: - Løyvet gjeld tre år frå vedtaksdato. Om arbeidet ikkje er starta opp då, fell løyvet bort. - Arbeidet skal dokumenterast ved at minst tre gode fotografi, som syner den nye bygningen frå ulike vinklar, sendast verneområdestyret seinast to månader etter at bygget står ferdig. - Det skal takast omsyn til fargeval i samsvar med forvaltningsplanen pkt Det skal brukast kledningsbord som liknar mest mogleg på dei på hytta. - Det er ikkje anledning til å bygge eldstad/pipe. - Bygget skal ikkje brukast til overnatting. Løyvet gjeld berre i høve til verneforskrifta. Handsaming etter anna lovverk skal skje av aktuell forvaltningsmyndigheit, og søkjaren er sjølv ansvarleg for å hente inn eventuelt andre naudsynte løyve. Det kan klages på avgjerda. Klagefristen er tre veker etter at vedtaket er motteke. Klaga rettast til Miljødirektoratet, men sendast til Verneområdestyret for Brattefjell-Vindeggen landskapsvernområde. Vedtaket vert send Sven Erik Elnes. Kopi: - Tinn kommune - Fylkesmannen i Telemark - Miljødirektoratet - Statens naturoppsyn Skinnarbu - Villreinnemnda for Brattefjell-Vindeggen, Blefjell og Norefjell-Reinsjøfjell Kopi av vedtaket vert og lasta opp i Miljøvedtaksregisteret. 15

16 Sak 08/16 Saksframlegg: Søknad om tilbygg på hytte gnr. 21 bnr. 25 i Vindsjådalen i Hjartdal Tone Sem Hovda Verneområdestyret for Brattefjell-Vindeggen landskapsvernområde er forvaltingsmyndigheit for verneområdet og skal handsame dispensasjonssakar. Kort om saka Tone Sem Hovda søkjer om løyve til å byggje på hytte på gnr. 21 bnr. 25 i Hjartdal kommune. Arbeidet dreier seg om tilbygg på eksisterande bygning. Hytta ligger i brukssona ved Vindsjøen relativt sentralt i landskapsvernområdet. Eksisterande bygning har oppgjeve buareal på 42 m 2. BYA er målt til litt over 56 m 2. Hytta består av 2 soverom, open kjøkken-stoge løysing, samt gangareal. Det er overbygd veranda/inngangsparti på ca. 8 m2. Det ligger eit uthus på litt over 6 m 2 ved hytta. Det søkast om eit tilbygg på til saman 11 m 2 som fordelast på 9 m 2 til utstyrsbod og 2 m 2 til biodo. Vedlegg - Søknad dagsett (dok. 2015/5042 1). Andre relevante dokument, ikkje vedlagde - Verneforskrifta for Brattefjell-Vindeggen landskapsvernområde. - Naturmangfaldlova (NML). - Forvaltingsplan for Brattefjell-Vindeggen landskapsvernområde Uttale frå villreinnemnda (dok. 2015/5042 4). Det formelle grunnlaget - verneforskrifta og naturmangfaldlova Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneforskrifta for Brattefjell-Vindeggen landskapsvernområde er oppføring av bygningar og anlegg i utgangspunktet forbode, jf. kap. IV, pkt.1.1. Pkt. 2.2 i same kapittel, seier at Reglane i punkt 1 skal ikkje vere til hinder for: drift og vedlikehald av eksisterande bygningar, ( ). Etter kap. IV, pkt 3.2 kan forvaltingsstyresmakta, Når verksemda eller tiltaket kan skje utan at det strir mot føremålet med vernet, gje løyve til mindre tilbygg eller ombygging av eksisterande bygningar i området. Verneområdestyret må særleg vurdere konsekvensane av ein dispensasjon i høve til verneføremålet og verneverdiane. Dette går og fram av 7 i naturmangfaldlova (NML), som seier at prinsippa i 8-12 i lova skal leggjast til grunn som retningsliner ved utøving av offentlig myndigheit. 16

17 I NML 8 (om kunnskapsgrunnlaget) går det fram at offentlege avgjerder som rører ved naturmangfaldet skal byggje på vitskapeleg kunnskap om bestandssituasjonen for ulike arter, utbreiing og økologisk tilstand av naturtypar, og effekten av påverknader. Kravet til kunnskapsgrunnlaget skal stå i eit rimelig forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. 10 (om økosystemtilnærming og samla belasting). Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. I følgje naturmangfaldlova 11 er det tiltakshavar som skal dekkje kostnadene ved å hindre eller avgrense skade som tiltaket vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det samfunnsmessige beste resultatet. Uttale frå villreinnemnda for Brattefjell-Vindeggen, Blefjell og Norefjell-Reinsjøfjell Nemnda har gitt følgjande uttale: «Villreinnemnda for Brattefjell-Vindeggen, Blefjell og Norefjell-Reinsjøfjell har ut ifra villreinhensyn ingen merknader til tiltaket. Villreinnemnda ber om å få informasjon om den videre behandlingen av søknaden.» Vurdering Hytta ligger i brukssona. Relevant forvaltingsmål for brukssona i denne saka er at Områda skal forvaltas med tanke på områdas art og karakter utan inngrep som vesentleg kan endre landskapets utforming. Om bygningar seier forvaltningsplanen følgjande som er spesielt for brukssona: Innanfor sona skal det vere tillét med naudsynt vedlikehald av eksisterande bygningar. Det kan og gjevast løyve til tilbygg og ombygging av eksisterande bygningar. Det er særskilte retningsliner for estetikk og materialbruk. Det kan gjevast løyve til oppføring av nye bygningar som er naudsynt i samband med jord- og skogbruksdrift. Ein kan unntaksvis gje dispensasjon for oppføring av bygningar i samband med annan utmarksnæring. Å gje dispensasjon blir ein vurdering i det einskilde døme. Verneføresegna kap. IV pkt. 3 seier at «Når verksemda eller tiltaket kan skje utan at det strir mot føremålet med vernet, kan forvaltningsstyresmakta på nærare vilkår gje løyve til: 3.2 mindre tilbygg eller ombygging av eksisterande bygningar i området.» 17

18 Forvaltningsplanen er ikkje tydeleg nok når det gjeld krav til fritidshusvære, men seier for bygningar i samband med landbruk, at tilbygg på inntil 10 kvadratmeter til eksisterande bygningar kan tillatast dersom samla areal ikkje overstiger 50 kvadratmeter. Sjølv om desse tala er retta mot landbruksbygg, har både intensjonen og praksisen vært at man ikkje er meir liberal for fritidshusvære enn for landbruksbygg. Det er også ved fleire høve uttrykt at manglande arealomtale for fritidshusvære i forvaltningsplanen er ein direkte feil. I denne saka søkjast det om eit tilbygg på ca. 11 m 2. Hyttas totalareal(bya) vil etter ombygging bli på ca. 67 m 2. Bruksarealet vil auke frå 42 m 2 til nærmare 53 m 2. Kunnskapsgrunnlaget for denne saka(jf. NML 8) er basert på Naturbasen, forvaltningsplan, Norsk rødliste for naturtyper, Botaniske registreringar i Brattefjell-Vindeggen, samt registreringar av stølsanlegg og skjøtselsplan for stølsområde. I tillegg kjem all kunnskap om villreinen i området. Villreinnemnda er difor kontakta. Hytta ligger sentralt i villreinens leveområde. Årsaken til et arealet ved hytta er definera som brukssone og ikkje vernesone, er at det ligger ein deil hytter i strandsona langs Vindsjåen og at vatnet i kraft av å vere regulera, ikkje er å rekne som ein del av landskapsvernområdet. Brukssona på staden utgjer difor berre ein svært smal stripe langs vatnet. Området kan med omsyn til villrein reknas som eit heilårsområde, men det er ikkje kjent som eit særleg bruka område i samband med kalving. Området er dominert av fattig og trivielle vegetasjonstypar med små flekkvise rikare innslag. Det dreier seg om lyngskog, lågurtskog, nedbørsmyr-rikmyr mv. Det er sauebeite i området, noko som gjer landskapet kulturpåverka. Det er ikkje raudlista naturtypar i området. Det er registrera eit jernutvinningsanlegg og ein slagghaug eit par hundre meter frå hytta, men desse vil ikkje bli påverka av tiltaket. Det er ikkje andre kjende kulturminne på staden. Tilbygget det søkast om skal brukast som utstyrsbod og biodo. Det er difor ikkje snakk om å auke overnattingskapasiteten på hytta, men å auke komforten noko. At ei hytte for betra komfort kan sjølvsagt medføre at hytta blir meir bruka, og at det i seg sjølv vil auke samla belastning i området. Forvaltaren meiner det blir å trekkje det litt langt, og meiner auke i belastning i hovudsak blir avgrensa til byggeperioden. Denne er likevel mellombels og vil, når ein tar naudsynt omsyn til villrein og flora og fauna elles, ikkje påverke verneføremåla i særleg grad. Verneområdeforvaltaren trur samla sett at bygging av tilbygget som søkt ikkje vil ha særleg negativ effekt på biomangfald og heller ikkje natur- og kulturverdiar generelt, og gitt at tilbygget får ei utsjånad som er naturlig lik hytta elles (material- og fargeval) ikkje vil påverke landskapsbilete meir negativt. 18

19 Framlegg til vedtak: Verneområdestyret gjev Tone Sem Hovda løyve til å sette opp tilbygg til hytte, Vindsjådalen 18, i tråd med søknad og teikningar dagsett Løyvet er gjeve med heimel i kap. IV, pkt. 3.2 i verneforskrifta for Brattefjell-Vindeggen landskapsvernområde. Det vert sett følgjande vilkår: - Løyvet gjeld tre år frå vedtaksdato. Om arbeidet ikkje er starta opp då, fell løyvet bort. - Arbeidet skal dokumenterast ved at minst tre gode fotografi, som syner det nye tilbygget frå ulike vinklar, sendast verneområdestyret seinast to månader etter at bygget står ferdig. - Det skal takast omsyn til material- og fargeval i samsvar med forvaltningsplanen pkt Det er ikkje anledning til å bygge eldstad/pipe i tilbygget. - Tilbygget skal ikkje brukast til overnatting. Løyvet gjeld berre i høve til verneforskrifta. Handsaming etter anna lovverk skal skje av aktuell forvaltningsmyndigheit, og søkjaren er sjølv ansvarleg for å hente inn eventuelt andre naudsynte løyve. Det kan klages på avgjerda. Klagefristen er tre veker etter at vedtaket er motteke. Klaga rettast til Miljødirektoratet, men sendast til Verneområdestyret for Brattefjell-Vindeggen landskapsvernområde. Kopi: - Hjartdal kommune - Fylkesmannen i Telemark - Miljødirektoratet - Statens naturoppsyn Skinnarbu - Villreinnemnda for Brattefjell-Vindeggen, Blefjell og Norefjell-Reinsjøfjell Kopi av vedtaket vert òg lasta opp i Miljøvedtaksregisteret. 19