Møteinnkalling og sakskart

Transkript

1 Besøksadresse Skinnarbu 3661 Rjukan Postadresse Postboks Skien Kontakt Sentralbord Direkte Verneområdestyret for Brattefjell- Vindeggen landskapsvernområde Sakshandsamar Peter C. A. Köller Vår ref. 2018/ Dato Møteinnkalling og sakskart Det vert med dette kalla inn til møte i verneområdestyret. Tid: Stad: Måndag kl. 11:00 (merk tidspunktet). Nasjonalparksenteret på Skinnarbu. Gje beskjed snarast på eller fmtepko@fylkesmannen.no om du ikkje kan møte. Sakliste: Sak 01/18 Sak 02/18 Godkjenning av innkalling og dagsorden. Underskriving av protokollar. Sak 03/18 Saksframlegg: Søknad om løyve til bruk av snøskuter til hytte ved Djupetjønn 129/5 i Tinn kommune Tinn jaktsenter v/steinar Bergsland. Sak 04/18 Sak 05/18 Saksframlegg: Søknad om mellombels oppstilling av campingvogn ved Myklestulvatnet 110/2, 5 i Gausdalen i Hjartdal kommune Roar M. Fjeld. Saksframlegg: Søknad om motorferdsle ifm. villreinprosjektet i Brattefjell-Vindeggen Norsk institutt for naturforskning. Sak 06/18 Saksframlegg: Søknad om løyve til bruk av snøskuter i utmark til privat hytte 112/1 Finnvollen i Hjartdal kommune Irene Kaste Larsen og Odd Magne Kleppe. Sak 07/18 Saksframlegg: Søknad om løyve til bruk av snøskuter for løypekøyring i området Kovedalen Flottin i Hjartdal kommune Kovedalen Vel v/tonje Meinich. Sak 08/18 Saksframlegg: Søknad om utsetting av fisk i Hellebrutjørni i Seljord kommune Olav Bakkemoen. Sak 09/18 Saksframlegg: Søknad om bygging av landbruksveg ved Vindsjåen i Hjartdalkommune Vesledam veglag v/halvor Romme.

2 Sak 10/18 Sak 11/18 Sak 12/18 Saksframlegg: Søknad om diverse byggearbeid på Vierslåtten 11/2, 3 i Hjartdal kommune Helge Hovdejord. Saksframlegg: Førespurnad om tilskot til GPS merkeprosjekt i Brattefjell-Vindeggen Norsk villreinsenter. Neste møte. 2

3 Sak 03/18 Søknad om løyve til bruk av snøskuter til hytte ved Djupetjønn 129/5 i Tinn kommune Tinn jaktsenter v/steinar Bergsland Verneområdestyret for Brattefjell-Vindeggen landskapsvernområde er forvaltingsmyndigheit for verneområdet og skal handsame dispensasjonssaker. Kort om saka Tinn Jaktsenter ved Steinar Bergsland søkjer om løyve til motorferdsle til Djupetjønn, gnr. 129 bnr. 5 i Tinn kommune, i samband med transport av ved til hytte. Tinn jaktsenter forvaltar areal og kultiverer vatn på Norsk Hydro sin eigedom i området. Dei disponerer også hytta ved Djupetjønn og brukar denne i samband med deira aktivitet. Det søkjast no om løyve til motorferdsle med snøskuter for å transportere ved til hytta. Vedlegg - Søknad, dagsett (2015/257-1) Andre relevante dokument, ikkje vedlagde - Verneforskrifta for Brattefjell-Vindeggen landskapsvernområde. - Naturmangfaldlova (NML). - Forvaltingsplan for Brattefjell-Vindeggen landskapsvernområde Lov om motorferdsle i utmark og på islagde vatn. - Forskrift om forbod mot motorferdsel i spesielt sårbare områder i Brattefjell/Vindeggenområdet, Seljord, Hjartdal, Tinn og Vinje kommunar, Telemark. - Tidlegare fråsegn frå villreinnemnda i samband med tilsvarande søknad, dagsett (2015/257-3). Det formelle grunnlaget Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneføresegna for Brattefjell-Vindeggen landskapsvernområde er utgangspunktet at Området skal vere verna mot alle inngrep eller tiltak som vesentleg kan endre eller verke inn på landskapet sin art eller karakter., jf. pkt. 1. Pkt. 1.4 seier at Motorferdsel skal gå føre seg etter faste ruter som peikast ut av forvaltningsstyresmakta. All motorferdsle skal gå føre seg slik at det ikkje oppstår varig skjemmande markskader, hjulspor ol. Verneområdestyret må særleg vurdere konsekvensane av ein dispensasjon i høve til verneføremålet og verneverdiane i området. Dette går og fram av 7 i naturmangfaldlova, som seier at prinsippa i 8-12 i lova skal leggjast til grunn som retningsliner ved utøving av offentleg myndigheit. 3

4 I NML 8 går det fram at offentlege avgjerder som rører ved naturmangfaldet skal byggje på vitskapeleg kunnskap om bestandssituasjonen for ulike arter, utbreiing og økologisk tilstand av naturtypar, og effekten av påverknader. Kravet til kunnskapsgrunnlaget skal stå i eit rimeleg forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. 10. Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. Etter NML 11 er det tiltakshavar som skal dekkje kostnadene ved å hindre eller avgrense skade som tiltaket vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det samfunnsmessig beste resultatet. Uttale frå villreinnemnda for Brattefjell-Vindeggen, Blefjell og Norefjell-Reinsjøfjell Saka er ikkje sendt nemnda for handsaming denne gongen. Forklaringa er at forvaltaren meiner fråsegna frå 2015 har like stor relevans i dag. I 2015 uttalte nemnda følgjande: «Villreinnemnda for Brattefjell-Vindeggen, Blefjell og Norefjell-Reinsjøfjell kan ut ifra villreinhensyn godta søknaden om scooterløyve i dette område, mot at turen blir gjennomført før 15. april, og at løypetrasé blir flyttet, eller turen blir utsatt om det skulle være villrein i det aktuelle området. Villreinnemnda ber om å få informasjon om den videre behandlingen av søknaden.» Vurdering Det søkast om transport av ved og utstyr med snøskuter etter ei rute frå Fosso ved Maristigen, via Vemorktoppen, Klokkstjørn og Såemsbotn til Djupetjønn, ei strekning på omlag 12 km. Transporten vil skje både utanfor og innanfor landskapsvernområdet. Innanfor landskapsvernområde, vil transporten skje i vernesona. I vernesona er relevant mål at Vernesona skal oppretthaldast som eit urørt naturområde rikt på biologisk mangfald og at Ein skal være særleg restriktiv i høve til å dispensere for nye tiltak/anlegg og motorferdsle i vernesona. All motorferdsle skal gå føre seg i tråd med lov og føresegner for motorferdsle i utmark og på islagde vatn, med dei avgrensingar som ligg i verneføresegna. I områder som er verna i medhald av naturvernlova/naturmangfaldlova, er det strengare reglar for motorisert ferdsle enn det som følgjer av motorferdslelova/nasjonal føresegn. I tillegg til føringane for motorferdsle som er beskrive i motorferdslelova og verneføresegn /forvaltningsplan, er det for område vedtatt ei føresegn om forbod mot motorferdsle i spesielt sårbare områder i Brattefjell-Vindeggen. Punkt 2 i denne føresegna seier at All motorferdsle innanfor eit område i Vindeggen, Mefjell, Langvasstødalen, Månelibråtet og Ønenuten( ) er forbode i tida frå 15. april til 1. juli. Hytteigarar innanfor området kan gjevast dispensasjon for inntil 3 turar til eiga hytte i tida før 15. april. Det er kommunane som er forvaltningsmyndigheit for denne føresegna. 4

5 Grunngjevinga for søknad om motorferdsle, er transport av ved og utstyr til hytte ved Djupetjønn. Hytta brukast i samband med den aktiviteten Tinn jaktsenter har i området. Man må vere trygg på at dei verneverdiane som er synleggjort i verneføremålet ikkje vert skadelidande om det vert gjeve løyve til tiltaket, jf. NML 8 (kunnskapsgrunnlaget) og 9 (føre-var prinsippet). Staden der hytta ligger er eit område som villreinen brukar mykje om vinteren. Området er også definert som viktig vinterbeiteområde. Man har kjennskap og grei dokumentasjon av verneverdiane i området. Både når det gjelder natur- og kulturverdiar. Kunnskapen er samla i forvaltningsplanen, og er henta i samband med arbeidet med denne. Botaniske verdiar og kulturverdiar blir ikkje påverka av køyringa det er søkt om. Derimot vil støy og menneskeleg aktivitet vere forstyrrande for villreinen. Registreringar utført av Norsk villreinsenter syner at villreinen oppheld seg i området gjennom store deler av vinteren. Det er godt kjent kva slags effekt snøskuterkøyring reint generelt har på villreinen. «NVS rapport 5/2010 om villrein og forstyrrelser», fortel mellom anna at frykt-, og fluktavstand typisk er på mellom 500 og 700 meter frå ein snøskuter. Det betyr at reinen vil flykte dersom man kjem nære nok, noko som igjen betyr økt forbrenning og forbruk av næring i ei tid der reinen bør holde seg mest mogleg i ro. Det er difor viktig at vedtak fattast på bakgrunn av dette. Føre-var prinsippet i NML 9 får liten betyding i denne saka, då det er godt kjent kva effekt snøskuterkøyring har på området/villreinen, og då ein ikkje kan sjå usikkerheit i moglege andre negative effektar på verneføremåla. NML 11 om avbøtande tiltak og bæring av kostnadar får liten verknad i samband med denne saka. Som tidlegare nemnt følgjer av NML 12 at det skal tas utgangspunkt i miljømessige forsvarlege teknikkar og driftsmetodar for å unngå eller avgrense skade på miljø. I denne saka dreier det seg om bruk av snøskuter. Det er avgjerande at tal turar reduserast så mykje som mogleg. Vidare er det viktig at søkjar tar omsyn til villreinen. Framlegg til vedtak: Verneområdestyret gjev Tinn Jaktsenter ved Steinar Bergsland løyve til snøskutertransport frå Fosso via Vemorktoppen, Klokkstjørn og Såemsbotn til Djupetjønn som søkt og teikna på kart. Løyvet er gitt med heimel i NML 48. Det vert sett følgjande vilkår: - Løyvet gjelder fram til 15. april Tal turar regulerast gjennom løyve gjeve av Tinn kommune, maks 3 jf. føresegn om forbod mot Motorferdsle i spesielt sårbare områder i Brattefjell-Vindeggen. - Observerast villrein i området, skal køyring stanses med det same. Områdeforvaltar/SNO skal orienterast om observasjonar. Vedtaket er berre fatta etter verneføresegna for Brattefjell-Vindeggen landskapsvernområde og tilhøyrande forvaltningsplan. Søkjar er sjølv ansvarleg for å hente inn andre nødvendige løyve, slik som til dømes grunneigarløyve og løyve frå kommunen. 5

6 Det kan klagast på avgjerda til Miljødirektoratet. Klagefristen er tre veker etter at vedtaket er motteke. Klaga rettast til direktoratet, men sendast til Verneområdestyret for Brattefjell-Vindeggen landskapsvernområde. Vedtaket vert send Tinn Jaktsenter ved Steinar Bergsland. Kopimottakarar: - Tinn kommune - Fylkesmannen i Telemark - Villreinnemnda for Brattefjell-Vindeggen, Blefjell og Norefjell-Reinsjøfjell Vedtaket vil òg bli lasta opp i Miljøvedtaksregisteret. 6

7 Sak 04/18 Søknad om mellombels oppstilling av campingvogn ved Myklestulvatnet 110/2, 5 i Gausdalen i Hjartdal kommune Roar M. Fjeld. Verneområdestyret for Brattefjell-Vindeggen landskapsvernområde er forvaltingsmyndigheit for verneområdet og skal handsame dispensasjonssaker. Kort om saka Roar M. Fjeld har sia 2013 hatt ei campingvogn ståande ved Myklestulvatnet i Gausdalen sumarhalvåret. Bruken har i hovudsak vert retta mot tilsyn og sanking av sau som han har i området. Staden der campingvogna står eigast av Fjeld sjølv. Han søkjer no om løyve til å ha campingvogna ståande ved Myklestulvatnet i perioden 1. juni til 1. november Vogna skal brukast til opphald og overnatting i samband med tilsyn og sanking av egne sauer. Fjeld har søkt om tilsvarande tidlegare, og fått løyve til aktiviteten. Vedlegg Søknad dagsett (2018/740-1). Andre relevante dokument, ikkje vedlagde - Verneforskrifta for Brattefjell-Vindeggen landskapsvernområde. - Naturmangfaldlova (NML). - Forvaltingsplan for Brattefjell-Vindeggen landskapsvernområde Det formelle grunnlaget - verneforskrifta og Naturmangfoldloven Verneføremålet i Brattefjell-Vindeggen landskapsvernområde er å - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. Verneområdestyret må særleg vurdere konsekvensane av ein dispensasjon i høve til verneføremålet og verneverdiane. Dette går og fram av 7 i naturmangfaldlova, som seier at prinsippa i 8-12 i lova skal leggjast til grunn som retningsliner ved utøving av offentleg myndigheit. Kravet til kunnskapsgrunnlaget skal stå i eit rimeleg forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. 10 (om økosystemtilnærming og samla belasting). Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. I følgje naturmangfoldloven 11 er det tiltakshavar som skal dekkje kostnadene ved å hindre eller avgrense skaden som tiltaket vil gjera på naturmangfaldet, dersom dette ikkje er urimeleg ut frå tiltaket 7

8 og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det samfunnsmessig beste resultatet. Vurdering Myklestulvatnet og staden der campingvogna ønskes plassera ligg i brukssona. Aktuelt forvaltningsmål for denne sona er at «Områda skal kunne nyttast til landbruksdrift for å sikre næringsgrunnlaget til grunneigarane». I Brattefjell-Vindeggen ligger dei fleste driftsbygg i brukssona. Forklaringa er at det er nettopp i denne sona vi finner den mest aktive landbruksdrifta. Roar M. Fjeld har fleire gonger tidlegare argumentera med at mangel på driftshusvære i form av sankebu er årsaka til at han trenger å bruke campingvogna. Fjeld har sau i området og har lang reiseveg mellom garden der han bur og staden han sankar sauane. Sesongen 2018 vil Fjeld ha sauer på beite i Gausdalen. Vernereglane kapittel IV pkt. 1.1 seier «Med dei unntak som fylgjer av forskrifta pkt. 2 og 3 er det forbod mot ( ), opplag av campingvogner, ( )». Opplag av campingvogn i landskapsvernområdet vil krevja ein dispensasjon etter naturmangfoldloven 48. Denne paragrafen opnar for at det kan gis dispensasjon dersom tiltaket eller aktiviteten ikkje strir mot vernevedtakets føremål og ikkje kan påverke verneverdiane nemneverdig. Når det gjeld å påverke verneverdiane nemneverdig, betyr det at det berre kan dispenserast i dei høve der tiltaket vil ha avgrensa verknad for verneverdiane. Det er med andre ord bagatellmessige inngrep og forbigåande forstyrring. Når det gjeld kunnskapsgrunnlaget er det viktig at ein i denne saka balanserer krav til kunnskap opp mot kva saka gjeld. Det dreier seg om ei campingvogn plassert i enden av ein bilveg. Slik områdeforvaltaren ser det, har plassering av ei campingvogn to klåre negative effektar. Den eine er det estetiske, at det ikkje er fint å ha ei campingvogn ståande i eit naturskjønt område i 5 månader. Den andre negative effekten er dette med at ei campingvogn plassera i strandkanten på Myklestulvatnet kan vere til hinder for ålmentas bruk av staden. Frå forvaltningas ståstad er det difor viktig at vogna «gøymast» så godt som mogleg, og at den settast slik at den ikkje står i vegen for ålmenta. Det første momentet blir vanskeleg å finne ein optimal løysing på, og truleg vil vogna vere best gøymd bak båthuset der den har stått tidlegare. Ut frå generell villreinfagleg kunnskap, kjende kulturminne, botaniske registreringar og naturtypekunnskap, kan ikkje forvaltaren sjå at opplag av campingvogna har avgjerande negativ effekt. Aktiviteten i samband med vogna er knytt opp mot sauehaldet, noko som vil gå føre uansett, jf. NML 10 om samla belastning. Det er ikkje grunn til å bruke føre-var prinsippet, jf. NML 9 då ein ikkje ser at aktiviteten i vesentleg grad kan gå ut over føremålet med vernet. Dessutan er ikkje aktiviteten av ein slik dimensjon at ein kan seie det har særleg betyding for samfunnets heilheitsbilete. 8

9 Framlegg til vedtak: Verneområdestyret gjev Roar M. Fjeld løyve til å ha campingvogna ståande i opplag på eiga eigedom ved enden av vegen ved Myklestulvatnet i Gausdalen fram til sauesankinga er ferdig og seinast Løyvet er gjeve med heimel i NML 48, og er grunngjeve med at aktiviteten ikkje er til skade for verneverdiar og verneføremål, vidare at det er av betyding for landbruksdrifta på eigedomen. Det vart sett følgjande vilkår: - Campingvogna skal være ute av verneområdet seinast Sno og anna skal ikkje vere til hinder for fjerning. Eigar må i så fall brøyte vegen. - Vogna må stå slik at den ikkje er til nemneverdig hinder for ålmenta. Det betyr også kva gjelder moglegheiter til å sette ut og ta opp båtar ol. i Myklestulvatnet. Det kan klagast på vedtaket til Miljødirektoratet. Klagefristen er tre veker etter at vedtaket er motteke. Klaga rettast til direktoratet, men sendast til Verneområdestyret for Brattefjell-Vindeggen landskapsvernområde. Vedtaket vert send Roar M. Fjeld. Kopi: Hjartdal kommune Fylkesmannen i Telemark Kopi av vedtaket vil og bli lasta opp i Miljøvedtaksregisteret. 9

10 Sak 05/18 Søknad om motorferdsle ifm. villreinprosjektet i Brattefjell-Vindeggen Norsk institutt for naturforskning. Verneområdestyret for Brattefjell-Vindeggen landskapsvernområde er forvaltingsmyndigheit for verneområdet og skal handsame dispensasjonssaker. Kort om saka Norsk institutt for naturforskning (NINA) ved Roy Adersen søkjer om løyve til motorferdsle i samband med at det skal gjennomførast eit prosjekt med merking av villrein i landskapsvernområdet. Det skal merkast 4-6 simler med GPS sendarar og nokre av disse igjen med kamerahalsband. Føremålet med merkeprosjektet er å få auka kunnskap om villreinens arealbruk, og spesielt sjå på dyras bruk av dei lågareliggande skogsområda. I samband med prosjektet søkjast det om motorferdsleløyver for helikopter og snøskuter. Prosjektet går over 4 år, og det søkjast om løyver for heile perioden. Det er ikkje søkt om løyver for spesielle tidspunkt eller område. NINA søkjer om løyve til naudsynt køyring i samband med prosjektet der det skal rapporterast omfang i ettertid. Etter det forvaltaren kjenner til er slik praksis likt med det som skjer i andre områder der GPS merking er gjort. Vedlegg - Søknad, dagsett (2018/612-1) Andre relevante dokument, ikkje vedlagde - Uttale frå villreinnemnda, dagsett xx.xx.18 (2018/612-x) - Verneforskrifta for Brattefjell-Vindeggen landskapsvernområde. - Naturmangfaldloven (NML). - Forvaltingsplan for Brattefjell-Vindeggen landskapsvernområde Lov om motorferdsle i utmark og på islagde vatn. - Forskrift om forbod mot motorferdsel i spesielt sårbare områder i Brattefjell/Vindeggenområdet, Seljord, Hjartdal, Tinn og Vinje kommunar, Telemark. Det formelle grunnlaget Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneføresegna for Brattefjell-Vindeggen landskapsvernområde er utgangspunktet at Området skal vere verna mot alle inngrep eller tiltak som vesentleg kan endre eller verke inn på landskapet sin art eller karakter., jf. pkt. 1. Pkt. 1.4 seier at Motorferdsel skal gå føre seg etter faste ruter som peikast ut av forvaltningsstyresmakta. All motorferdsle skal gå føre seg slik at det ikkje oppstår varig skjemmande markskader, hjulspor ol. 10

11 Verneområdestyret må særleg vurdere konsekvensane av ein dispensasjon i høve til verneføremålet og verneverdiane i området. Dette går og fram av 7 i naturmangfaldloven (NML), som seier at prinsippa i 8-12 i lova skal leggjast til grunn som retningsliner ved utøving av offentleg myndigheit. I NML 8 går det fram at offentlege avgjerder som rører ved naturmangfaldet skal byggje på vitskapeleg kunnskap om bestandssituasjonen for ulike arter, utbreiing og økologisk tilstand av naturtypar, og effekten av påverknader. Kravet til kunnskapsgrunnlaget skal stå i eit rimeleg forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. 10. Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. Etter NML 11 er det tiltakshavar som skal dekkje kostnadene ved å hindre eller avgrense skade som tiltaket eller aktiviteten vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det samfunnsmessige beste resultatet. Vurdering Det er søkt om køyring, flyging og landing i heile villreinområde. Det ein handsamar i denne saka er motorferdsla innanfor vernegrensa i alle tre sonane. Med omsyn til motorferdsle konkret, er det ingen relevant forvaltingsmål for brukssona eller kulturlandskapssona. I vernesona er relevant mål at Vernesona skal oppretthaldast som eit urørt naturområde rikt på biologisk mangfald og at ein skal være særleg restriktiv i høve til å dispensere for nye tiltak/anlegg og motorferdsle i vernesona. All motorferdsle skal gå føre seg i tråd med lov og føresegner for motorferdsle i utmark og på islagde vatn, med dei avgrensingar som ligg i verneføresegna. I områder som er verna i medhald av naturvernlova/naturmangfaldlova, er det strengare reglar for motorisert ferdsle enn det som følgjer av motorferdslelova/nasjonal føresegn. I tillegg til føringane for motorferdsle som er beskrive i motorferdslelova og verneføresegn/forvaltningsplan, er det for område vedtatt ei føresegn om forbod mot motorferdsle i spesielt sårbare områder i Brattefjell-Vindeggen. Punkt 2 i denne føresegna seier at All motorferdsle innafor eit område i Vindeggen, Mefjell, Langvasstødalen, Månelibråtet og Ørnenuten( ) er forbode i tida frå 15. april til 1. juli. ( ). Det er kommunane som er forvaltningsmyndigheit for denne føresegna. Man må vere trygg på at dei verneverdiane som er synleggjort i verneføremålet ikkje vert skadelidande om det vert gjeve løyve til tiltaket, jf. NML 8 og 9. Villreinen er eit av verneføremåla, og i samband med det det søkjast om her, der villreinen sjølv er målet for motorferdselen, er det liten tvil om at dyra blir utsett for belastning. Denne belastninga er godt kjend, og difor er prosjektet avhengig av å få løyve til gjennomføring av Mattilsynet ved Forsøksdyrutvalet. Botaniske verdiar og kulturverdiar blir ikkje påverka av den køyringa det er søkt om. Derimot vil støy og menneskeleg aktivitet vere forstyrrande for villreinen. Det er godt kjent kva slags effekt slik aktivitet reint 11

12 generelt har på villreinen. «NVS rapport 5/2010 om villrein og forstyrrelser», fortel mellom anna at frykt-, og fluktavstand typisk er på mellom 500 og 700 meter frå til dømes ein snøskuter. NINA skriv i sin søknad at ein vil bruke helikopter i samband med sjølve merkinga. Ein vil fly på flokkane, skyte ein bedøvingspil i aktuelt dyr, for deretter å trekke seg attende så dyret sovnar og flokken trekker unna og roer seg. Denne seansen tar vanlegvis ikkje mange minuttane, og ein trur og håpar på å gjere seg ferdig i løpet av ein kort dag, og med få påflygingar. I samband med merkinga vil det vere snøskuterar i nærleiken. Snøskutermannskapet skal hjelpe til med å finne dyr, og også under sjølve merkinga. Etter merkinga, vil det dei komande åra vere naudsynt med noko tilsyn gjennom året. Med tanke på at ein i Nordfjella har registrert ising på radiosendarane, vil det vere aktuelt å følgje med på om slikt kan skje i Brattefjell-Vindeggen også. Det vil difor vere naudsynt med noko snøskuterkøyring i heile prosjektperioden. Føre-var prinsippet i NML 9 får liten betyding i denne saka, då det er godt kjent kva effekt snøskuterkøyring har på området/villreinen, og då ein ikkje kan sjå usikkerheit i moglege andre negative effektar på verneføremåla. NML 11 om avbøtande tiltak og bæring av kostnadar får liten verknad i samband med denne saka. Det følgjer av NML 12 at det skal tas utgangspunkt i miljømessige forsvarlege teknikkar og driftsmetodar for å unngå eller avgrense skade på miljø. I denne saka er det liten tvil om at tiltaket vil vere forstyrrande for villreinen. Ein må difor velja å si ja eller nei. Likevel må forvaltningsmyndigheita med NML 12i ryggen presisere at ein må søkje eit absolutt minimum av motorferdsle i samband med prosjektet, og at til dømes tilsyn av dyra også kan gjerast til fots og ved bruk av ski. Samla sett vurderer verneområdeforvaltaren prosjektet til å vere svært interessant med tanke på kunnskapsinnhenting for seinare å auke presisjonen kva gjeld kunnskapsbasera forvaltning. Motorferdsleaktiviteten er utvilsamt uheldig for villreinen, men forvaltaren antar at fordelane er større enn ulempene. Framlegg til vedtak: Verneområdestyret gjev på vilkår Norsk institutt for naturforskning ved Roy Andersen løyve til motorferdsle med snøskuter og helikopter som beskriven i søknaden dagsett Løyvet er gjeve med heimel i NML 48. Det vert sett følgjande vilkår: - Løyvet gjelder til og med sesongen 2018/2019. Det må då søkast på nytt. Dette fordi verneområdestyret ikkje kan gje løyver utover sin styreperiode. - All motorferdsle skal minimerast og snøskuterkøyring skal i størst mogleg grad gå etter etablera trasear. - Mest mogleg av oppfølging skal skje i samband med anna oppsyns og tilsynsoppgåver i fjellet. - Søkjaren skal kontakte SNO eller områdeforvaltaren seinast 3 dagar før naudsynt motorferdsle tar til. I tillegg ein sesongoversikt over planlagd køyring. - Det skal ikkje køyrast i vinterferie eller påskeferie. - Vernemyndigheitene skal få årleg rapport på køyring. 12

13 Vedtaket er berre fatta etter verneføresegna for Brattefjell-Vindeggen landskapsvernområde og tilhøyrande forvaltningsplan. Søkjar er sjølv ansvarleg for å få andre nødvendige løyve, slik som til dømes grunneigarløyve og løyve etter motorferdslelova mv. Det er klagerett på avgjerda. Klagefristen er tre veker etter at vedtaket er motteke. Klaga rettast til Miljødirektoratet, men sendast til Verneområdestyret for Brattefjell-Vindeggen landskapsvernområde. Vedtaket vert send til Norsk institutt for naturforskning ved Roy Andersen. Kopimottakarar: - Tinn kommune - Vinje kommune - Hjartdal kommune - Seljord kommune - Fylkesmannen i Telemark - Villreinnemnda for Brattefjell-Vindeggen, Blefjell og Norefjell-Reinsjøfjell Kopi av vedtaket vil òg bli lasta opp i Miljøvedtaksregisteret. 13

14 Sak 06/18 Søknad om løyve til bruk av snøskuter i utmark til privat hytte 112/1 Finnvollen i Hjartdal kommune Irene Kaste Larsen og Odd Magne Kleppe. Verneområdestyret for Brattefjell-Vindeggen landskapsvernområde er forvaltingsmyndigheit for verneområdet og skal handsame dispensasjonssaker. Kort om saka Irene Kaste Larsen og Odd Magne Kleppe søkjer om løyve til motorferdsle med snøskuter til hytte på Finnvollen i Vikdalen rett vest for Bonsvatn i Hjartdal. Dei skriv at hytta trengs å renoverast og at dei har behov for transport av materialar og utstyr. I tillegg skal det transporterast ved. Det er Hjartdal kommune som gjev løyve etter motorferdselloven, og kommunen kan også gje slik løyve innanfor landskapsvernområdet utan at verneområdestyret trenger å sjå på saka, når transporten går etter dei vedtekne traseane for motorferdsle i området. Er det derimot naudsynt med køyring utanfor traseane (sjå forvaltningsplanen), må verneområdestyret handsame spørsmålet som ein dispensasjonssak. Det er søkt om å køyre både etter vedteken trasé, men også utanfor. Det er køyring utanfor traseane som i fyrste rekkje handsamast i denne saka. Det søkast om løyve for 3 sesongar. Vedlegg - Søknad med kartskisse, dagsett (2018/579-1). Andre relevante dokument, ikkje vedlagde - Verneforskrifta for Brattefjell-Vindeggen landskapsvernområde. - Naturmangfaldlova (NML). - Forvaltingsplan for Brattefjell-Vindeggen landskapsvernområde Lov om motorferdsle i utmark og på islagde vatn. - Forskrift om forbod mot motorferdsel i spesielt sårbare områder i Brattefjell/Vindeggenområdet, Seljord, Hjartdal, Tinn og Vinje kommunar, Telemark. Det formelle grunnlaget Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneføresegna for Brattefjell-Vindeggen landskapsvernområde er utgangspunktet at Området skal vere verna mot alle inngrep eller tiltak som vesentleg kan endre eller verke inn på landskapet sin art eller karakter., jf. pkt. 1. Pkt. 1.4 seier at Motorferdsel skal gå føre seg etter faste ruter som peikast ut av forvaltningsstyresmakta. All motorferdsle skal gå føre seg slik at det ikkje oppstår varig skjemmande markskader, hjulspor ol. 14

15 Verneområdestyret må særleg vurdere konsekvensane av ein dispensasjon i høve til verneføremålet og verneverdiane i området. Dette går og fram av 7 i naturmangfaldlova (NML), som seier at prinsippa i 8-12 i lova skal leggjast til grunn som retningsliner ved utøving av offentleg myndigheit. I NML 8 (om kunnskapsgrunnlaget) går det fram at offentlege avgjerder som rører ved naturmangfaldet skal byggje på vitskapeleg kunnskap om bestandssituasjonen for ulike arter, utbreiing og økologisk tilstand av naturtypar, og effekten av påverknader. Kravet til kunnskapsgrunnlaget skal stå i eit rimeleg forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. 10. Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. Etter NML 11 er det tiltakshavar som skal dekkje kostnadene ved å hindre eller avgrense skade som tiltaket eller aktiviteten vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det samfunnsmessige beste resultatet. Vurdering Søkjarane har teikna inn trasé frå Reisjåbrekka til hytta i Vikdalen. Med unnatak av køyring frå «Vindsjåvegen» og bort til hytta, følgjer traseen vedtekne trasear heimla i forvaltningsplanen for landskapsvernområdet. I sin heilheit langs sumarvegen til Vindsjåen. I denne saka er det difor strekninga i terrenget frå vegen og bort til hytta på Finnvollen om lag 500 meter som handsamast. Det vil berre bli køyrt i brukssona og det blir korkje køyrt i villreinens vinterbeiteområde eller kalvingsområde. All motorferdsle skal gå føre seg i tråd med lov og føresegner for motorferdsle i utmark og på islagde vatn, med dei avgrensingar som ligg i verneføresegna. I områder som er verna i medhald av naturvernlova/naturmangfaldlova, er det strengare reglar for motorisert ferdsle enn det som følgjer av motorferdslelova/nasjonal føresegn. I verneføresegna for Brattefjell-Vindeggen landskapsvernområde står det i kapittel 4 punkt 1.4 at motorferdsle skal gå føre seg etter faste ruter som peikast ut av forvaltningsstyresmakta, og at all motorferdsle skal gå føre seg slik at det ikkje oppstår varige skjemmande markskadar, hjulspor og liknande. Man må vere trygg på at dei verneverdiane som er synleggjort i verneføremålet ikkje vert skadelidande om det vert gjeve løyve til tiltaket. Villreinen opphelder seg vinterstid i områder nord og vest for Vikdalen, og forvaltaren er ikkje kjend med at det er observera dyr ned mot Bonsvatn vinterstid. Man har kjennskap, og grei dokumentasjon, av verneverdiane i området. Både når det gjelder natur- og kulturverdiar. Kunnskapen er samla i forvaltningsplanen, og er henta i samband med arbeidet med denne. Botaniske verdiar og kulturverdiar blir ikkje påverka av den køyringa det er søkt om. 15

16 Føre-var prinsippet i NML 9 får liten betyding i denne saka, då det er godt kjent kva effekt snøskuterkøyring har på området/villreinen, og då ein ikkje kan sjå usikkerheit i moglege andre negative effektar på verneføremåla. Ein veit at støy kan stresse dyra, og i prinsippet skal motorferdsle haldast på eit minimum. NML 11 om avbøtande tiltak og bæring av kostnadar, får liten verknad i samband med denne saka. Det følgjer av NML 12 at det skal tas utgangspunkt i miljømessige forsvarlege teknikkar og driftsmetodar for å unngå eller avgrense skade på miljø. I denne saka dreier det seg om tal turar og køyreavstand. Jo færre turar og kortare distanse, desto betre. Hytta ligger omlag 800 meter vest for verneområdegrensa, men søkjarane vil bruke den etablera traseen som gar langs sumarvegen til Vindsjåen. Rett nord for Finnvollen vil dei ta av sørover ca. 500 meter langs sumarstigen bort til hytta. Slik forvaltaren oppfattar det, er dette den klart beste løysinga. Strekningen går over eit delvis opent myr- og skogsparti der reinen ikkje opphelder seg vinterstid. Forvaltaren kan heller ikkje sjå køyringa, - slik den er beskriva - påverkar andre verneverdiar negativt. Framlegg til vedtak: Verneområdestyret gjev Irene Kaste Larsen og Odd Magne Kleppe løyve til å køyre utanfor vedtekne trasear (jf. forvaltningsplanen) frå «Vindsjåvegen» til hytta på Finnvollen jf. kart lagt ved søknaden dagsett Løyvet er gitt med heimel i NML 48. Det vert sett følgjande vilkår: - Løyvet gjelder ut sesongen 2018/2019. Verneområdestyret kan ikkje gje løyve som varer utover styreperioden. - Observerast villrein, skal køyring stanses. Vedtaket er berre fatta etter verneføresegna for Brattefjell-Vindeggen landskapsvernområde og tilhøyrande forvaltningsplan. Søkjar er sjølv ansvarleg for å få andre nødvendige løyve, slik som til dømes grunneigarløyve og løyve etter motorferdslelova. Det er klagerett på avgjerda. Klagefristen er tre veker etter at vedtaket er motteke. Klaga rettast til Miljødirektoratet, men sendast til Verneområdestyret for Brattefjell-Vindeggen landskapsvernområde. Vedtaket vert send til Irene Kaste Larsen og Odd Magne Kleppe. Kopimottakarar: - Hjartdal kommune - Fylkesmannen i Telemark - Villreinnemnda for Brattefjell-Vindeggen, Blefjell og Norefjell-Reinsjøfjell Kopi av vedtaket vil òg bli lasta opp i Miljøvedtaksregisteret. 16

17 Sak 07/18 Søknad om løyve til bruk av snøskuter for løypekøyring i området Kovedalen Flottin i Hjartdal kommune Kovedalen Vel v/tonje Meinich. Verneområdestyret for Brattefjell-Vindeggen landskapsvernområde er forvaltingsmyndigheit for verneområdet og skal handsame dispensasjonssaker. Kort om saka Kovedalen Vel ved Tonje Meinich søkjer om løyve til motorferdsle med snøskuter i samband med køyring av skiløyper i eit område sør for Kovvatn i Hjartdal. Dei har lagt disse løypene tidlegare år, men har ikkje oppfatta at ein må søkje løyve for den delen som går inn i landskapsvernområdet eller Flottin fuglefredingsområde. Meinich skriv at det vil bli køyrt løype frå vinterferievekene (uke 8 og 9), deretter i helgene fram til påske, samt dagleg i påska. Det er Hjartdal kommune som gjev løyve etter motorferdselloven (og også innanfor Flottin), og kommunen kan også gje slik løyve innanfor landskapsvernområdet utan at verneområdestyret trenger å sjå på saka, når transporten går etter dei vedtekne traseane for motorferdsle i området. Er det derimot naudsynt med køyring utanfor traseane (sjå forvaltningsplanen), må verneområdestyret handsame spørsmålet som ein dispensasjonssak. I denne saka er det er søkt om å køyre både etter vedtekne trasear, men også utanfor. Det er køyring både innanfor og utanfor landskapsvernområdet og det er køyring i Flottin fuglefredingsområde. Det er køyringa inne i landskapsvernområdet som handsamast i denne saka. Vedlegg - Søknad med kartskisse, dagsett (2018/574-1). Andre relevante dokument, ikkje vedlagde - Uttale frå villreinnemnda, dagsett xx.xx.18 (2018/574-x). - Verneforskrifta for Brattefjell-Vindeggen landskapsvernområde. - Naturmangfaldlova (NML). - Forvaltingsplan for Brattefjell-Vindeggen landskapsvernområde Lov om motorferdsle i utmark og på islagde vatn. - Forskrift om forbod mot motorferdsel i spesielt sårbare områder i Brattefjell/Vindeggenområdet, Seljord, Hjartdal, Tinn og Vinje kommunar, Telemark. Det formelle grunnlaget Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneføresegna for Brattefjell-Vindeggen landskapsvernområde er utgangspunktet at Området skal vere verna mot alle inngrep eller tiltak som vesentleg kan endre eller verke inn på landskapet sin art eller karakter., jf. pkt. 1. Pkt. 1.4 seier at Motorferdsel skal gå føre seg etter faste ruter som peikast ut 17

18 av forvaltningsstyresmakta. All motorferdsle skal gå føre seg slik at det ikkje oppstår varig skjemmande markskader, hjulspor ol. Verneområdestyret må særleg vurdere konsekvensane av ein dispensasjon i høve til verneføremålet og verneverdiane i området. Dette går og fram av 7 i naturmangfaldlova (NML), som seier at prinsippa i 8-12 i lova skal leggjast til grunn som retningsliner ved utøving av offentleg myndigheit. I NML 8 (om kunnskapsgrunnlaget) går det fram at offentlege avgjerder som rører ved naturmangfaldet skal byggje på vitskapeleg kunnskap om bestandssituasjonen for ulike arter, utbreiing og økologisk tilstand av naturtypar, og effekten av påverknader. Kravet til kunnskapsgrunnlaget skal stå i eit rimeleg forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. 10. Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. Etter NML 11 er det tiltakshavar som skal dekkje kostnadene ved å hindre eller avgrense skade som tiltaket eller aktiviteten vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det samfunnsmessige beste resultatet. Uttale frå villreinnemnda for Brattefjell-Vindeggen, Blefjell og Norefjell-Reinsjøfjell Saka er sendt villreinnemnda, men det har førebels ikkje kome uttale. Vurdering Kovedalev Vel har teikna inn trasé frå parkeringa ved Sveigen aust for landskapsvernområdet, vidare langs vegen opp til dammen på Kovvatnet, derifrå over isen vestover før den svingar sørover og austover rundt Ormbunutan. Deretter i Kovedalen attende til dammen. I tillegg er det teikna inn ein trasé som tar av frå løypa ved Ormbunutan som går sør-vest og inn i Flottin. Det er den delen av løypenettet som ikkje ligger utanfor landskapsvernområde (austre del, sjølve Kovvatnet og Flottin) som blir handsama i denne saka. Det vil bli køyrt i både brukssone og vernesone, men det blir ikkje køyrt i villreinens vinterbeiteområde eller kalvingsområde. Med omsyn til motorferdsle i vernesona seier forvaltningsplanen at Vernesona skal oppretthaldast som eit urørt naturområde rikt på biologisk mangfald og at ein skal være særleg restriktiv i høve til å dispensere for nye tiltak/anlegg og motorferdsle i vernesona. All motorferdsle skal gå føre seg i tråd med lov og føresegner for motorferdsle i utmark og på islagde vatn, med dei avgrensingar som ligg i verneføresegna. I områder som er verna i medhald av naturvernlova/naturmangfaldlova, er det strengare reglar for motorisert ferdsle enn det som følgjer av motorferdslelova/nasjonal føresegn. 18

19 I verneføresegna for Brattefjell-Vindeggen landskapsvernområde står det i kapittel 4 punkt 1.4 at motorferdsle skal gå føre seg etter faste ruter som peikast ut av forvaltningsstyresmakta, og at all motorferdsle skal gå føre seg slik at det ikkje oppstår varige skjemmande markskadar, hjulspor og liknande. Man må vere trygg på at dei verneverdiane som er synleggjort i verneføremålet ikkje vert skadelidande om det vert gjeve løyve til tiltaket. For det meste er villreinen i områder nord og vest for Kovedalen- Flottin vinterstid. Man har kjennskap, og grei dokumentasjon, av verneverdiane i området. Både når det gjelder natur- og kulturverdiar. Kunnskapen er samla i forvaltningsplanen, og er henta i samband med arbeidet med denne. Botaniske verdiar og kulturverdiar blir ikkje påverka av den køyringa det er søkt om. Føre-var prinsippet i NML 9 får liten betyding i denne saka, då det er godt kjent kva effekt snøskuterkøyring har på området/villreinen, og då ein ikkje kan sjå usikkerheit i moglege andre negative effektar på verneføremåla. Ein veit at støy kan stresse dyra, og i prinsippet skal motorferdsle haldast på eit minimum. NML 11 om avbøtande tiltak og bæring av kostnadar, får liten verknad i samband med denne saka. Det følgjer av NML 12 at det skal tas utgangspunkt i miljømessige forsvarlege teknikkar og driftsmetodar for å unngå eller avgrense skade på miljø. I denne saka dreier det seg om tal turar og lengde det blir køyrt. Forvaltaren har ikkje fått oppgjeve lengda på traseane, men ved å måle på kart, er det berekna at det skal køyrast om lag 7 km innanfor landskapsvernområde. Av dette utgjer traseen i Kovedalen ca. 5,6 km, mens avstikkaren inn til Flottin er på ca. 1,4 km. Prinsippet i verneområdet er jo færre turar og kortare distanse, desto betre. I denne saka er det snakk om tilrettelegging for ferdsle i eit landskapsvernområde. Slik tilrettelegging har ofte ein kanaliserande effekt, og denne effekten er negativ viss aktiviteten skjer i et sårbart område, mens den er positiv viss den skjer ein stad der trugsmåla mot vern og verneverdiar er små. Forvaltaren tvilar på om det er tilfelle her, men ein skal hugse på at tiltak som løypekøyring kan føre til noko meir ferdsle og såleis auke i samla belastning. Fleire stader i Brattefjell-Vindeggen er det lagt til rette for friluftsliv og friluftsaktivitetar. Det være seg oppkøyrte skiløyper eller merka sumarstigar. Vidare er det satt opp 3 gapahukar som tilbod til farande i fjellet. Forvaltningsmyndigheita meiner det er viktig med slike tiltak når det ikkje påverkar verneføremåla negativt. Området ved Kovedalen er som nemnt lite bruka av villreinen vinterstid, og det er heller ikkje kjent at reinen kalvar her. Det er eit par kjende kongeørnlokalitetar nord og sør for løypa, men forvaltaren kan ikkje sjå at aktiviteten spelar negativt inn på desse. Det er i og for seg også mogleg å bekrefte tatt i betraktning at løypekøyringa har skjedd over fleire år. Den austlege delen av løypa gjeng i brukssona, og her er det etter forvaltningsplanen ok med tilrettelegging for friluftsliv gitt at det ikkje gjeng ut over verneføremåla. Den vestlege delen gjeng inn i vernesona og der seier planen at sona skal bevarast utan ny tilrettelegging for skigåing og fotturisme. 19

20 Tiltaket er ikkje søkt om tidlegare, men det kan likevel diskuterast om tilrettelegginga er ny eller ikkje. Dersom området hadde vært å rekne som spesielt viktig for reinen, ville forvaltarens innstilling være klårt negativ. Men då ein veit at aktiviteten har gjenge føre i fleire år, og området ikkje er spesielt viktig for reinen vinterstid, kan ein sjå med litt andre auge på det. Av dei 5,6 kilometerane som rundløypa utgjer i landskapsvernområde, går om lag halvparten i vernesona. Køyring skjer i ei avgrensa periode om vinteren, og avhengig av vær, avgrensa tal turar. Gitt at det blir tatt naudsyn omsyn til villrein som eventuelt måtte dukke opp, bør aktiviteten kunne halde fram. Når det gjelder den ca. 1,4 km lange avstikkaren vestover inn i Flottin, meiner forvaltaren at den bør flyttast ut på Kovvatnet, slik at den delen av løypa i sin heilskap holdast utanfor landskapsvernområde. NML 12 seier litt om dette. Forvaltaren innstiller på at denne traseen ikkje lenger blir køyrt. Framlegg til vedtak: Verneområdestyret gjev på vilkår Kovedalen Vel v/tonje Meinich løyve til å køyre opp skiløype med snøskuter jf. søknad og kart dagsett Løyvet er gjeve med heimel i NML 48. Det vert sett følgjande vilkår: - Løyvet gjeld ut sesongen 2018/2019. Verneområdestyret kan ikkje gje løyve som varer utover styreperioden. - Det skal ikkje køyrast trasé frå sør Ormbunutan vestover til Flottin. Denne leggjast alternativt inn i Flottin direkte frå Kovvatnet. - Observerast villrein, skal køyring stanses. Søkjaren skal ha dialog med SNO /verneområdeforvaltaren om det er villrein i området. Vedtaket er berre fatta etter verneføresegna for Brattefjell-Vindeggen landskapsvernområde og tilhøyrande forvaltningsplan. Søkjar er sjølv ansvarleg for å få andre nødvendige løyve, slik som til dømes grunneigarløyve, løyve etter motorferdslelova og løyve for køyring i Flottin. Det er klagerett på avgjerda. Klagefristen er tre veker etter at vedtaket er motteke. Klaga rettast til Miljødirektoratet, men sendast til Verneområdestyret for Brattefjell-Vindeggen landskapsvernområde. Vedtaket vert send til Kovedalen Vel v/tonje Meinich. Kopimottakarar: - Hjartdal kommune - Fylkesmannen i Telemark - Villreinnemnda for Brattefjell-Vindeggen, Blefjell og Norefjell-Reinsjøfjell Kopi av vedtaket vil òg bli lasta opp i Miljøvedtaksregisteret. 20

21 Sak 08/18 Søknad om utsetting av fisk i Hellebrutjørni i Seljord kommune Olav Bakkemoen. Verneområdestyret for Brattefjell-Vindeggen landskapsvernområde er forvaltingsmyndigheit for verneområdet og skal handsame dispensasjonssaker. Kort om saka Olav Bakkemoen søkjer om løyve til utsetting av fisk i Hellebrutjørni i Seljord. Tjønna ligger mellom Minnesjorddalen og Knurrlinatten vest for Skjesvatn. Utsetting av fisk er det i utgangspunktet fylkeskommunen som tar stilling til, men sidan dette ligger i landskapsvernområdet skal verneområdestyret ta stilling til saka etter verneforskrifta. Vedlegg - Søknad dagsett (2018/569 1). Andre relevante dokument, ikkje vedlagde - Verneforskrifta for Brattefjell-Vindeggen landskapsvernområde. - Naturmangfaldlova (NML). - Forvaltingsplan for Brattefjell-Vindeggen landskapsvernområde Det formelle grunnlaget - verneforskrifta og naturmangfaldlova Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. Verneområdestyret må særleg vurdere konsekvensane av ein dispensasjon i høve til verneføremålet og verneverdiane. Dette går mellom anna fram av 7 i naturmangfaldlova (NML), som seier at prinsippa i 8-12 skal leggjast til grunn som retningsliner ved utøving av offentleg myndigheit. I NML 8 går det fram at offentlege avgjerder som rører ved naturmangfaldet skal byggje på vitskapeleg kunnskap om bestandssituasjonen for ulike arter, utbreiing og økologisk tilstand av naturtypar, og effekten av påverknader. Kravet til kunnskapsgrunnlaget skal stå i eit rimeleg forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. 10. Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. I følgje naturmangfaldlova 11 er det tiltakshavar som skal dekkje kostnadene ved å hindre eller avgrense skade som tiltaket vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i 21

22 driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det samfunnsmessige beste resultatet. Vurdering Hellebrutjørni ligger i brukssona i landskapsvernområde. Relevante forvaltningsmål for denne sona er mellom anna at den skal forvaltast med tanke på å taka vare på områda sin art og karakter, samstundes som det er viktig med landbruksdrift for å sikre næringsgrunnlaget til grunneigarane i området. Det er ønskjeleg med drift i utmarka og ein kan, dersom det takast omsyn til villreinen, leggje til rette for naturopplevingsprodukt gjennom aktiv verdiskaping med fjellet som ressurs. Verneforskrifta og forvaltningsplanen seier at jakt og fiske skal helde fram. I det ligger det også at ein skal kunne forvalte og kultivere. Utsetting av fisk i landskapsvernområdet er ikkje nytt. Mellom anna setter vassdragsregulantane ut fisk i vassdraget mellom Vindsjåen og Kovvatnet. Verneføreskrifta kapitel 4 punkt 1.1 syner til ei ikkje uttømmande opplisting av tiltak som ikkje er tillat med forklaring om at området skal vere verna mot inngrep eller tiltak som vesentleg kan endre eller verke inn på landskapet sin art eller karakter. Dersom ein gjev avslag på søknaden oppfattar forvaltaren at det vil vere rett å syne til dette punktet. Likevel kan ein ikkje sjå at tiltaket med utsetting av fisk i Hellebrutjørni vil ha negativ effekt på verneføremåla. Det er sjølvsagt ein føresetnad at type fisk og omfang er innanfor det som fylkeskommunen etter forvaltningsmessige og biologiske kriteria kan godkjenne. Man må vere trygg på at dei verneverdiane som er synleggjort i verneføremålet ikkje vert skadelidande om det vert gjeve løyve til tiltaket. Verneområdeforvaltaren kan ikkje sjå at tiltaket påverkar verneføremåla negativt. Det er kort veg å gå frå bilveg til tjørna, så heller ikkje motorferdsle ser ut til å vere aktuelt her. Framlegg til vedtak: Med heimel i NML 48 gjev verneområdestyret Olav Bakkemoen løyve til utsetting av fisk i Hellebrutjørni som søkt i søknad dagsett Det vert sett følgjande vilkår: - Løyvet gjeld tre år frå vedtaksdato. Om tiltaket ikkje er gjennomført då, fell løyvet bort. - Det er ein føresetnad at det blir gjeve løyve frå Telemark fylkeskommune. - Det er ein føresetnad at det er gjeve grunneigars/rettshavars godkjenning om ein sjølv ikkje innehar disse rettane. Løyvet gjeld berre i høve til verneforskrifta. Handsaming etter anna lovverk vil skje i Hjartdal kommune. Det kan klages på vedtaket til Miljødirektoratet. Klagefristen er tre veker etter at vedtaket er motteke, og eventuelt arbeid kan ikkje startes før klagefristen er ute. Klaga rettast til direktoratet, men sendast til Verneområdestyret for Brattefjell-Vindeggen landskapsvernområde. Vedtaket vert send Olav Bakkemoen. 22