Vegetasjon og beite i Svennes sameie. Yngve Rekdal Michael Angeloff

Transkript

1 Vegetasjon og beite i Svennes sameie Yngve Rekdal Michael Angeloff NIJOS-rapport 5/2002

2 VEGETASJON OG BEITE I SVENNES SAMEIE Rapport frå vegetasjonskartlegging Yngve Rekdal Michael Angeloff Norsk institutt for jord- og skogkartlegging, Ås NIJOS-rapport 5/02 ISBN

3 Tittel: Vegetasjon og beite i Svennes sameie NIJOS-rap. nr 5/02 Forfattar: Yngve Rekdal og Michael Angeloff ISBN nummer: Oppdragsgjevar: Svennes sameie Dato: Fagområde: Vegetasjonskartlegging Sidetal: 47 Utdrag: I Svennes sameie er det vegetasjonskartlagt eit areal på 83 km². Det meste av arealet ligg i fjellskogen, men større areal av snaufjell finst. Kartlegginga er utført etter NIJOS sitt system for vegetasjonskartlegging i M 1: Det er framstilt vegetasjonskart og 2 avleia temakart kring beitetilhøve. Rapporten beskriv metode for arbeidet og gjev ei nærare omtale av registrerte vegetasjonstypar og korleis desse fordeler seg i området. Det er gjeve spesiell omtale av beitetilhøva for husdyr og tiltak for skjøtsel av utmarksbeite. Abstract: The vegetation types over a total area of 83 km 2 of Svennes sameie have been mapped according to the NIJOS methodology for vegetation mapping (scale 1:50 000). Most of the mapped area is in the subalpine zone, whereas others extend to the open mountain areas. A vegetation map has been produced, from which 2 different thematic maps have been derived. This report describes the methodology and gives a detailed description of the registered vegetation types and their distribution in the area. Further, information with emphasis on grazing conditions for domestic animals and range management of outlying pastures is provided. Andre NIJOS publikasjonar frå prosjektet: Vegetasjonskart Svennes sameie Avleia temakart Beite for sau Beite for storfe Emneord: Vegetasjonskartlegging Arealforvaltning Utmarksbeite Utgjevar: Keywords: Vegetation mapping Land use management Outfield grazing Ansvarleg underskrift: Norsk institutt for jord- og skogkartlegging Postboks 115, 1430 Ås Tlf.: Faks: nijos@nijos.no Pris kr.: Rapport: kr.183,- Kart: 270,- pr. eks II

4 FORORD Svennes sameie (83 km²) vart vegetasjonskartlagt i 1986 i samband med ei hovedoppgåve ved Telemark distriktshøgskole (Angeloff m.fl. 1988). Feltarbeidet vart utført av Michael Angeloff, Hanne Lykkja, Stein Rosten og Solveig Viste. Vegetasjonskartlegginga er utført etter NIJOS-instruks for kartlegging i M 1: frå 1987, og arbeidet foregjekk med rettleiing frå NIJOS. Hausten 2000 fekk NIJOS i oppdrag frå Svennes sameie å framstille vegetasjonskartet på digital form saman med avleia temakart for beite. Michael Angeloff og underteikna bruka 6 dagsverk i juli 2001 på kontroll av dei gamle registreringane. I tillegg til vegetasjonskartet er det utarbeidd 2 avleidde temakart kring beitetilhøve. Kartkonstruksjon er utført av Anbjørg Andersen og kartpresentasjon av Roar Lågbu. Foto er tekne av underteikna med mindre anna er nemnt. Ås, februar 2002 Yngve Rekdal III

5 SAMANDRAG Vegetasjonskart gjev eit bilete av den mosaikken av vegetasjonstypar som det naturlege plantedekket består av. Ein vegetasjonstype er ei karakteristisk samling planteartar som vil gå att på lokalitetar med like veksetilhøve. Ei oversikt over utbreiinga av vegetasjonstypar gjev oss på denne måten informasjon om variasjonen i økologiske tilhøve (klima, næring og vatn i jorda, snødekke og kulturpåverknad) i eit område. I tillegg kan kvar vegetasjonstype tilleggast eigenskapar med omsyn til ulik ressursutnytting og bruk (beite, slitestyrke for ferdsel, artsmangfald m.m.). NIJOS har vegetasjonskartlagt 83 km² i Svennes sameie. Kartlegginga er gjort etter NIJOS-instruks for kartlegging i M 1: Det er framstilt vegetasjonskart og 2 avleia temakart kring husdyrbeite. Kartleggingsområdet ligg frå m o.h. Området har eit typisk innlandsklima med kald vinter og varm sommar sett i høve til høgda. Årsnedbøren ligg på vel 600 mm. Fyllitt dominerer berggrunnen og området har tjukt morenedekke. Området kan delast i ulike delar etter særpreg i terreng, vegetasjon og arealbruk. Sentralt i området ligg Flæin. Dette er eit flatt, myrdominert snaufjellsplatå kring 1000 m o.h. Terrenget søkk på begge sider av Flæin. Breiset, med store dyrka areal, ligg straks ovafor skogen i nord. I sør hallar terrenget mot Tisleia med fleire store stølslag frå Ølsjøbakkadn i aust til Fløten i vest. Store jordbruksareal ligg kring stølane. Ned mot Tisleia finn vi eit småhaugut terreng med ulike kvartærgeologiske former. Granskog dominerer sidene mot Tisleia, men store areal kring stølane er utan tresetting. På dei grove avsetningane langs Tisleia finst furuskog, og mot Tisleidammen dominerer bjørka. Beitekartet viser store variasjonar i beitekvalitet innan Svennes sameie. Lisida frå Liaset til Ølsjøbakkadn har dei største areala med god beitemark. Området elles er dominert av skog av blåbærtype, risheier og myr. Slike areal gjev berre moderat beiteverdi. Samla er området gjeve karakteristikken godt beite for sau. For storfe vil området ha litt bedre kvalitet. Svennes sameie har liten høgdevarisjon. Snøleievegetasjon er ikkje registrert. Dette gjer at beitekvaliteten vil falle ut over i august dersom ikkje god avbeiting foregår som gjev nygroe i beitet. Området har stadvis preg av attgroing. Ut frå observert artssamansetting i vegetasjonen og avbeitingsgrad, synest beitetrykket i utmarka å vera lågt kring Breiset og på Flæin. I sør, frå Fløten til Ølsjøbakkadn, ser beitetrykket ut til å vera høgt på dei rike areala slik at undervegetasjonen er svært beiteprega. Attveksing av skog og einer greier beitinga heller ikkje her å rå med. Svennes sameie har 73 km² som er nyttbart beite for storfe og 53 km² som er nyttbart for sau. Dei store areala av grasmyr som sau i liten grad vil beite på, utgjer denne store forskjellen i beiteareal. Dersom området blir jamt utnytta berre av sau kan eit dyretal på 3000 sau vera høveleg. For storfe vil tilsvarande tal vera 1000 storfe. Dei utrekna dyretala er grove anslag. Fasiten finn ein ved å følgje med i bruken av området og vektene på dyr frå beitet. Særleg vil ettersommaren og hausten vera ei kritisk tid der ein bør sjå godt på avbeitingsgraden i vegetasjonen. Skjøtselstiltak som krattknusing og tynning av skog, kan auke beitetilgangen i området og ta vare på biologisk mangfald og eit variert og opplevingsrikt landskap. IV

6 INNHALD 1. INNLEIING VEGETASJONSKARTLEGGING, GENERELL DEL Mål Kva er eit vegetasjonskart? Korleis blir kartet laga? Bruk av vegetasjonskart Temakart Brukargrupper Ymse OMTALE AV KARTLEGGINGSOMRÅDET Oversikt Klima Berggrunn og lausmassar ARBEIDSMETODE Feltarbeid og kartframstilling Farge og symbolbruk Feilkjelder VEGETASJON OG BEITE I SVENNES SAMEIE Vegetasjonssoner Oversikt over vegetasjonstypar og andre arealtypar Omtale av kartlagte vegetasjonstypar Vegetasjon og beite i ulike delar av Svennes sameie BEITEVERDI OG BEITEKAPASITET Beiteverdi Beite for ulike dyreslag Beiteareal Beitekapasitet BEITESKJØTSEL Beiting påverkar vegetasjonen Tiltak for skjøtsel av utmarksbeite Viktige areal for tiltak LITTERATUR V

7 1. INNLEIING Landbruket sin bruk av utmark har gått sterkt ned etter krigen. Dette har ført til sterk attgroing. Det som før var lysopne beiteskogar eller artsrike beite-/slåttevollar, får ein tett ungskog. Undervegetasjonen endrar seg frå gras og beitetolande urtar til dominans av vier- og høgvaksne urtar på rik mark, og meir lyng og dvergbjørk på fattig mark. Tett tresjikt fører til at redusert lysmengde når undervegetasjonen som igjen fører til sterkt redusert produksjon av beiteplanter. Ved sida av reduksjon i beitekvalitet fører attgroing til redusert biologisk mangfald, terrenget blir vanskeleg å ferdast i og landskapsbiletet blir mindre variert og opplevingsrikt. Fjellskogen er av dei naturtypane der attgroinga har størst omfang. Denne skogen har, særleg i Sør-Noreg, hatt eit sterkt kulturpreg. Husdyrbeiting, slått, hogst, lauving, rising og anna utmarksbruk som stølsdrift og anna fôrhausting har ført med seg, har skapt eit ope, tilgjengeleg og visuelt attraktivt landskap med høg produksjon av beiteplanter og særeige artsmangfald. Stadvis har dette ført til fullstendig avverking av tresjiktet med påfølgjande senking av skoggrensa med fleire hundre meter. Fleire sterke arealbruksinteresser er knytt til fjellskogen. Tradisjonelt har mykje av norsk seterbruk foregått her. Husdyrbeiting i utmark blir fortsatt drive i stort omfang og dette foregår mykje på fjellbeite. Fjellskogen er viktig også for fleire ville dyr og fuglar som lever i overgangssona mellom snaufjell og skog. Mykje av reiseliv knytt til fjellet har basis i fjellskogen der det meste av faste anlegg er lokalisert. Det same gjeld privat hyttebygging og andre anlegg knytt til friluftsliv og rekreasjon. Ei langsiktig forvaltning og pleie av landskap og beite i fjellskogen er avhengig av eit verdiskapande landbruk og ei levande beitenæring. Det ligg òg eit næringspotensiale i dette landskapet knytt til rekreasjon, landskapsoppleving og kulturformidling. For langsiktig forvaltning og berekraftig næringsverksemd treng ein kunnskap om naturgrunnlaget. Vegetasjonskartet er i dag den karttypen som gjev mest allsidig informasjon om naturgrunnlaget. Det er det næraste vi har kome eit økologisk kartverk. Kartet gjev informasjon som generelt aukar kunnskapen og forståinga for kva naturressursar som finst og kva som skal forvaltast. Kartet gjev eit felles informasjonssystem for mange ulike brukarar og dannar ei felles, partsnøytral "plattform" som eventuelle motstridande interesser kan diskuterast over. Informasjonen i vegetasjonskartet kan vera tungt tilgjengeleg utan botanisk og økologisk kunnskap. Målsettinga med denne rapporten er å gje ein nærare omtale av kva vegetasjonskartlegging er, kva informasjon som ligg i kartet og korleis denne kan nyttast i høve til vurdering av beiteverdi og skjøtsel av beiteområde. Utgangspunktet for dette er vegetasjonskartet over Svennes sameie. Kapittel 2 tek for seg vegetasjonskartlegging generelt, kapittel 3 gjev ein omtale av naturgrunnlaget i kartleggingsområdet og kapittel 4 beskriv metode for arbeidet som er utført. Vegetasjonstypane og beitetilhøva i Svennes sameie er nærare omtala i kapittel 5, saman med ei områdevis skildring av vegetasjon og beite. I kapittel 6 er det sett nærare på beiteverdi og -kapasitet. Kapittel 7 tek opp nokre tiltak kring skjøtsel av beite. NIJOS-rapport 5/02 1

8 2. VEGETASJONSKARTLEGGING, GENERELL DEL 2.1 Mål Vegetasjonskartlegging skal skaffe informasjon for bedre forvaltning og bruk av naturgrunnlaget. Kartlegginga skal skape grunnlag for å forstå samanhengar i naturen og ta vare på og utnytte biologiske ressursar, kulturverdiar og naturen som kjelde til oppleving og rekreasjon. 2.2 Kva er eit vegetasjonskart? Ville planter lever i konkurranse med kvarandre om vatn, næring og lys. Dei som er best tilpassa miljøet på veksestaden vil vinne. I område som har fått utvikle seg gjennom lengre tid er det derfor langt frå tilfeldig kva planter som veks kvar. Veksemiljøet til plantene er samansett av ei rekkje naturgjevne og menneskeskapte tilhøve. Dei viktigaste av desse såkalla økologiske faktorane er vist i figuren nedafor. Fig. 1. Viktige faktorar som avgjer veksemiljøet til plantene. Planter som har nokolunde same krav til miljøet vil vekse på same stad. Dei dannar det vi kallar eit plantesamfunn eller ein vegetasjonstype. Ein vegetasjonstype er altså ei karakteristisk samling av artar som vil finnast att på stader med like veksevilkår. Mange artar vil opptre i fleire vegetasjonstypar. Desse har eit vidt økologisk leveområde, men mengdeforholdet vil oftast variere frå kanskje dominerande art i ein type til spreitt forekomst i ein annan. Andre artar kan ha snevre toleransegrenser for ein eller fleire miljøfaktorar. Desse kallar vi karakterartar fordi dei fortel oss noko heilt bestemt om NIJOS-rapport 5/02 2

9 tilhøva på veksestaden og om plantesamfunnet dei veks i. Når vi kartlegg utbreiinga av vegetasjonstypar, brukar vi dominerande artar og karakterartar som kjenneteikn. Plantesosiologi er ei grein innafor botanikken som har arbeidd med å definere kva artskombinasjonar vi skal kalle plantesamfunn, og kva økologiske tilhøve desse indikerer. Ut frå denne forskninga er det forma system for praktisk vegetasjonskartlegging. Det er i dag i bruk to system som er nokolunde landsdekkande; eitt for detaljert kartlegging (M 1: ) (Fremstad og Elven 1991) og eitt for oversiktskartlegging (M 1:50 000) (Larsson og Rekdal 1997). Einingar frå det detaljerte systemet kan slåast saman til oversiktsnivå. Det detaljerte systemet er bygd opp på tre nivå kalla grupper, einingar og typar. Det er 23 grupper som står for hovedtypar av vegetasjon som fattig skog, rik skog, sumpskog, kystlyngheier, lesamfunn i fjellet osv. Einingar er overordna kartleggingseiningar og tilsvarar vanlegvis ei plantesosiologisk eining på forbunds- eller assosiasjonsnivå. Systemet inneheld 113 slike einingar. Dei fleste einingane er igjen delt opp i typar som er underordna kartleggingseiningar på lågare nivå (assosiasjon, subassosiasjon). Regionale utformingar eller spesielle lokale økologisk vikarierande samfunn blir vanlegvis rekna som typar. Omlag 80 av einingane har definert til saman 220 typar. Kartleggingssystemet for oversiktskartlegging er tilpassa eit langt mindre intensivt feltarbeid. Identifikasjon av typane byggjer meir på utsjånaden (fysiognomisk utforming) av vegetasjonen slik den blir prega av dominerande artar eller artsgrupper. Systemet deler vegetasjonstypane i 10 grupper. Under desse er det definert 45 vegetasjonstypar og 9 andre arealtypar. I begge systema blir det bruka ei rekkje tilleggssymbol for å få fram viktig informasjon som ikkje ligg i typedefinisjonen som dekning av lav, vier, bart fjell, grasrik utforming mm. Eit vegetasjonskart er eit bilete av den mosaikken av vegetasjonstypar som utgjer plantedekket i eit område. Ved å utnytte den informasjonen som plantene gjev oss om veksetilhøva blir dette likevel langt meir enn ein botanisk oversikt. Forskning og erfaring har gjort at vi kan trekkje ut ei rekkje opplysningar om miljøforhold innafor kvar vegetasjonstype. På same måte kan ulike eigenskapar med omsyn til ressursutnytting og arealbruk knytast til typane. Grovt skissert kan vi dele informasjonen frå vegetasjonskartet i 3 grupper: 1. Botanisk informasjon 2. Økologisk informasjon 3. Eigenskapar med omsyn til ressursutnytting og anna naturbruk. 2.3 Korleis blir kartet laga? Feltarbeid: Mykje av innsatsen bak eit vegetasjonskart ligg i feltarbeidet. Kartlegginga foregår som ein kombinasjon av synfaring i felt og tolking av flybilete ut frå nyansar i farge og struktur i biletet og økologisk kunnskap. Kartleggaren ser på bileta gjennom eit stereoskop og får da landskapet fram tredimensjonalt. Ute i terrenget blir vegetasjonen klassifisert i typar og grenser tegna mellom desse. Oversiktskartlegging vil i langt større grad enn detaljert kartlegging, vera basert på tolking og kikkertbruk. Ved oversikts- NIJOS-rapport 5/02 3

10 kartlegging vil kvar inventør greie rundt 3 km²/dagsverk i skog og 5 km² i fjellet, ved detaljert kartlegging 0,5-1 km²/dagsverk. Kartframstilling: Framstilling av kart ved NIJOS skjer ved bruk av digital kartteknikk. Alle kartdata blir lagt inn på digital eller datalesbar form. For vegetasjonskart startar dette ved at vegetasjonsgrensene blir digitalisert frå flyfoto i eit analytisk stereoinstrument som korrigerer for feil som vil oppstå på bileta på grunn av forskjellige fotograferingsvinklar og flyhøgder. Dei kartriktige digitale data blir lese over i ei datamaskin som har eit program for behandling av kartdata, eit såkalla geografisk informasjonssystem (GIS). Her finst modular for lagring, bearbeiding og presentasjon av data. Signaturar for vegetasjonstypane blir lagt inn for kvar vegetasjonsfigur og kontroll og rettingar utført til vi har ein ferdig kartdatabase. Denne databasen er utgangspunktet for det vidare reproduksjonsarbeidet fram mot presentasjon i form av plott eller trykt kart. Fig. 2. Produksjon av vegetasjonsdata ved NIJOS. Avleia produkt: Behandling av vegetasjonsdata i GIS gjev høve til å lage ei rekkje avleia produkt både av grafisk og numerisk art, meir om dette under pkt NIJOS-rapport 5/02 4

11 2.4 Bruk av vegetasjonskart Temakart Informasjonen som ligg i vegetasjonskartet kan vera tungt tilgjengeleg utan botanisk og økologisk kunnskap. Behandling av data i eit geografisk informasjonssystem gjev mulegheiter til å sortere dei ulike eigenskapane som kan knytast til vegetasjonstypane. Dette kan da presenterast tilpassa den enkelte brukar sine behov framstilt som temakart eller arealstatistikkar. Kopling mot databasar for andre kartleggingstema vil bli muleg etter kvart som dette ligg føre digitalt. Figur 3 viser kopling av eitt sett av eigenskapsdata for vegetasjonstypane (beitekvalitet for sau), med geografiske data (vegetasjonsgrenser og signaturar) til avleia beitekart for sau. Fig. 3. Prinsipp for avleiing av temakart frå vegetasjonskart. Figur 4 viser ei oversikt over tema som kan avleiast frå vegetasjonskartet. Presisjonen i informasjonen vil sjølsagt vera forskjellig etter om det er kartlagt etter system for oversikts- eller detaljert kartlegging. Botanisk informasjon: Ulike planteartar vil vekse innafor ein eller fleire vegetasjonstypar. Ut frå vegetasjonskartet, kan det derfor avleiast informasjon om forekomst av mange enkeltartar eller artsgrupper. Døme på avleia tema kan vera kart over treslagsfordeling, artsmangfald eller ei forenkling av vegetasjonskartet til hovedtrekk i vegetasjonen. Økologisk informasjon: Med kunnskap om forekomst av artar i dei ulike vegetasjonstypane og deira krav til veksemiljøet, kan vi avleie ei rekkje tema kring veksetilhøva. Dette gjeld t.d. nærings- og vasstilhøve i jordsmonnet, grad av kulturpåverknad og kor varig og tjukt snødekket er i fjellet. Ulik klimatisk informasjon kan òg tolkast ut. NIJOS-rapport 5/02 5

12 Fig. 4. Avleia informasjon frå vegetasjonskart Eigenskapar for ressursutnytting og anna arealbruk: Ut frå botanisk og økologisk informasjon samt kunnskap om ulike bruksområde, kan vi avleie fleire tema kring naturgrunnlaget sine eigenskapar med omsyn til ressursutnytting og anna arealbruk. Døme på dette kan vera kart over planteproduksjon, bær- og soppforekomstar, vegetasjonen sin slitestyrke, marka si bereevne for ferdsel, beiteverdiar for husdyr, rein og viltartar m.m. Brukartilpassa kart: Ut frå informasjon som vegetasjonskartet gjev, kan vi trekkje ut opplysningar den enkelte brukar er interessert i og stille desse saman til spesielle brukartilpassa produkt. Dette kan gjelde bruk i planlegging og forvaltning eller som dokumentasjon av næringar eller andre brukargrupper sine interesser i utmarka. Kopla saman med informasjon frå andre databasar opnar dette for svært mange mulegheiter Brukargrupper Næringar eller andre brukarinteresser i utmark som vil kunne hente informasjon frå vegetasjonskart: A. Planlegging og forvaltning Gode kart over naturgrunnlaget gjev bedre beslutningsgrunnlag og større effektivitet i planlegging og forvaltning. Kart gjev innsyn og mulegheiter til brei medverknad i planprosessen. Vegetasjonskartet vil kunne brukast til å vurdere kor eigna areal er til ulike formål, dokumentere ei rekkje arealbruksinteresser og avdekke brukskonfliktar. NIJOS-rapport 5/02 6

13 Plantene er primærprodusentar og legg grunnlag for "maten" og det fysiske miljøet for andre artar. Registrering av plantelivet gjev derfor nøkkelen til informasjon om biologisk mangfald. B. Næringsutvikling Vegetasjonskartet gjev skogbruksnæringa ein reiskap for planlegging av fleirsidig skogbruk og skogskjøtsel tilpassa veksestaden. Vegetasjonskartlegging er einaste systematiske reiskapen vi har for vurdering av beitekvalitet i utmark. Kartet kan brukast til dokumentasjon av beiteinteresser og planlegging av beitebruk. Reindrifta vil kunne nytte vegetasjonsdata til bedre tilpassing av drifta til naturgrunnlaget. Basisressursen for grønt reiseliv er landskap. Vegetasjonen er ein viktig del av landskapet. Eit vegetasjonskart vil kunne bidra til dokumentasjon av reiselivet sine arealinteresser. Kartet vil òg kunne brukast i planlegging av naturbaserte aktivitetar og til marknadsføring av naturen som reiselivsprodukt. C. Forskning og undervisning Vegetasjonskartet viser samanhengar, årsakstilhøve og mangfald i naturen og kan brukast i naturfagundervisning og informasjonsverksemd. Kartet er vel eigna som referansegrunnlag for ulik naturfagleg forskning. Dette er òg eit historisk dokument som kan vise utvikling over tid. D. Friluftsliv Turgåarar vil kunne nytte kartet for å gjera turen meir opplevingsrik, finne bærforekomstar, sopp og andre nyttevekstar. Med kunnskap om ulike dyreartar sine miljøkrav kan kartet gje rettleiing om kvar desse helst forekjem. E. Forsvaret Vegetasjonskartet gjev informasjon som kan nyttast i taktisk- og konflikt-/skadeforebyggande planlegging. Dette kan vera framkomelegheit, marka si bereevne, høve til å finne skjul, sårbare naturtypar m.m Ymse Kartbrukaren må alltid vera klar over at eit vegetasjonskart vil vera ei sterkt forenkla og skjematisk framstilling av naturen. Dette har samanheng med fleire tilhøve. På kartet er grensene mellom vegetasjonstypane sett med ein strek. I naturen er det som regel gradvise overgangar. Vegetasjonen kan ofte danne innfløkte mosaikkmønster som det er umuleg å kartfeste. Kartleggaren må derfor forenkle. Minste figurareal er vanlegvis 1-2 dekar i M 1: I målestokk 1: er minsteareal 20 dekar, men ein kan gå ned til 10 dekar på viktige areal. NIJOS-rapport 5/02 7

14 3. OMTALE AV KARTLEGGINGSOMRÅDET 3.1 Oversikt Svennes sameie er 83 km² og ligg vest i Nord-Aurdal kommune i Oppland fylke. Tisleia er sørgrensa for området frå Tisleidammen i vest til Hovda i aust. Her svingar grensa opp frå dalen og til Høgåsen. I nord følgjer grensa om lag i skogbandet frå Høgåsen til Breisetstølen og til Seleggen som er nordlegaste punktet. I vest går grensa over Flæin frå Seleggen om Brattåshaugen, Storstølhaugen, Fløtahovda og til Tisleidammen. Høgaste punktet er Seleggen i nord om lag 1125 m o.h, og lågast er Tisleia ved Hovda på 750 m. Fig. 5. Lokalisering av Svennes sameie (Statens kartverk N-250, avt.nr R44426). Området kan delast i ulike delar etter særpreg i terreng, vegetasjon og arealbruk. Sentralt i området ligg Flæin. Dette er eit flatt, myrdominert snaufjellsplatå kring 1000 m o.h. Platået smalnar av mot aust og endar ved Gribbe (1057 m o.h.). Vidare austover ligg eit parti med myr og bjørkeskog frå Kinnehallidn til Høgåsen (972 m) om lag i same høgda. Terrenget søkk på begge sider av Flæin. Sameiegrensa følgjer om lag skoggrensa i nord, og ligg akkurat på brotet før det hallar ned mot Strøndafjorden. Breiset, med store dyrka areal, ligg straks ovafor skogen. I sør hallar terrenget mot Tisleia. To elver skjer seg inn frå Tisleia mot vest, Gjølma og Herkja. Mot Herkja søkk terrenget slakt, medan lisidene mot Gjølma og ut mot Tisleidalen ved Hovda er brattare. Langs Gjølma ligg stølslaga Liaset, Gjølmyr og Ølsjøbakkadn. Brattstølen og Hermannstølen ligg i kanten av Hermannstølhovda (950 m). Alle stølslaga har store areal med jord som er fulldyrka. Ein del hytter finst i austkanten av sameige. På sørsida av Herkja stig terrenget slakt til Fløtahovda (965 m o.h.). På sørsida av denne høgda ligg stølslaget Fløten med store jordbruksareal. Ned mot Tisleia finn vi eit småhaugut terreng med ulike kvartærgeologiske former. Granskog NIJOS-rapport 5/02 8

15 dominerer sidene mot Tisleia, men store areal kring stølane er utan tresetting. På dei grove avsetningane langs Tisleia finst furuskog, og mot Tisleidammen dominerer bjørka. Bilde 1. Flæin frå Gribbe mot vest (Foto M. Angeloff). 3.2 Klima Næraste målestasjon som har samanliknbar temperatur er Beitostølen (822 m o.h). Målingar her viser at området har eit typisk innlandsklima med låg vintertemperatur og høg sommartemperatur i høve til høgda over havet. Januar vil ha lågast temperatur med 9,9 C og juli høgast med 11,1. Årsmiddel ligg på 0,2 C. Delar av Svennes sameie ligg høgare enn målestasjonen. For å få ein peikepinn på temperatur i ulike høgdelag, kan ein rekne med ein gjennomsnittleg nedgang med 0.6 grader for kvar 100 m stigning. I kalde vinternetter med ekstremt låge temperaturar er det kaldast i dalbotnar og søkk. C ,8 11,1 9,9 Beitostølen 6 4, ,3-2 -1, ,8-9 -6,2-4, jan feb mar apr mai jun jul aug sep okt nov des Fig 6. Middeltemperatur for månadar på Beitostølen (Aune 1993). Nedbørmålingar ved Tisleidammen (835 m o.h.) skulle vera godt samanliknbare med det ein kan vente i kartleggingsområdet. Målingane viser ein moderat årsnedbør på vel 600 NIJOS-rapport 5/02 9

16 mm. Mest nedbør fell frå juni og ut oktober, medan perioden frå desember til og med april har låg nedbør. mm jan feb mar apr mai jun jul aug sep okt nov des Tisleidammen Lykkja Fig. 7. Midlare nedbør for månadar ved Tisleidammen (årsmiddel 610 mm) og Lykkja i Hemsedal (årsmiddel 693 mm) (Førland 1993). 3.3 Berggrunn og lausmassar I følgje berggrunnskart "Hamar" i M 1: (Nordgulen 1999), er kartleggingsområdet dekt av bergarten fyllitt frå Synnfjelldekket. Dette er ein omdanna sedimentær bergart som er lett vitterleg og gjev god tilgang på næring. Utslag i plantedekket ser ein likevel først og fremst der det er god vassforsyning. Området er dekt av eit tjukt morenedekket med til dels grovt, lettdrenert materiale. Nokre ryggar kan vera grunnlendte, men innslag av bart fjell er lite. På Flæin er det store myrareal med organisk jord. Spesielt for dette området er forekomst av Rogenmorene langs Tisleia (Sollid og Trollvik 1991). Dei viser seg som 5-20 meter høge moreneryggar liggjande etter kvarandre som korte ribber i terrenget på tvers av retninga som innlandsisen ein gong bevega seg. Rogenmorenene vart danna ein gong i løpet av siste istida, og finst berre i nærheita av isskiljet. Denne morena har god drenering og gjev dårleg vassforsyning for plantevokster. NIJOS-rapport 5/02 10

17 4. ARBEIDSMETODE 4.1 Feltarbeid og kartframstilling Feltarbeidet vart gjort som ei hovedoppgåve av fire studentar ved Telemark distriktshøgskole i 1986 (Angeloff m.fl. 1987). Arbeidet foregjekk med rettleiing frå NIJOS og etter metode skissert i Larsson (1987). Under kartlegginga vart det bruka svart/kvite flybilete frå Norsk luftfoto og fjernmåling, oppgåve 7924 i M 1:30 000, fotografert i Fig. 8. Flyfoto med vegetasjonsregistreringar over Hermannstølen. I framstillinga av kart over Svennes sameie vart det bruka 6 dagsverk i felt til kontroll av registreringane frå 1987 samt nykartlegging av 2 km² ved Høgåsen. Feltregistreringane vart tegna over på flyfoto frå 1991 (oppgåve 11245), og digitalisert frå foto ved hjelp av eit analytisk stereoinstrument (AP 190). Dette instrumentet har program for transformasjon av data frå bildekoordinatar til kartkoordinatar. Den endelege vegetasjonsdatabasen er gjort ferdig i GIS-programmet ArcInfo. All analyse og presentasjon av kart, er også utført med denne programpakka. Topografisk kartgrunnlag er frå Statens kartverk sin kartserie N Farge og symbolbruk Hovedfargene på kartet er delt etter grupper av vegetasjonstypar som representerer viktige utsjånadsmessige (fysiognomiske) trekk i landskapet. Det meste av fjellvegetasjonen har til dømes nyansar av brunt mot raudt, og skog går i farger frå grønt mot blått etter treslag. Innafor kvar hovedgruppe er typane attgjevne ved ulike fargetonar frå lyst til mørkt etter NIJOS-rapport 5/02 11

18 ein fattig-rik gradient. Tilleggssymbol er bruka for å få fram viktige trekk i vegetasjonen som ikkje går ut frå typedefinisjonen. Desse er nemnt i pkt Her står også omtale av bruk av mosaikkfigurar. 4.3 Feilkjelder Kartleggingssystemet i M 1: er eit kompromiss mellom kva informasjon vi ønskjer at kartet skal vise, kor mykje kartlegginga skal koste og kva som er kartografisk muleg å framstille. Kartet skal best muleg avspegle økologiske tilhøve og eigenskapar for ulik bruk av naturgrunnlaget, men samtidig må kartlegginga foregå i eit tempo som gjer dette økonomisk forsvarleg. Kartografisk set denne målestokken begrensingar i detaljeringsgrad. Det er begrensa kor mykje av kartleggingsarealet som kan oppsøkjast i felt. Vegetasjonstypane blir derfor i stor grad identifisert ut frå kriterie kring utsjånad som er lett kjennbare på foto eller med kikkert. Vegetasjonsgrenser er som regel gradvise overgangar og vegetasjonen kan danne innfløkte mosaikkmønster som er umuleg å kartfeste. Alle dei problem kartleggaren støyter på kan det ikkje lagast reglar for og må derfor løysast ved subjektivt skjønn. Vegetasjonskartleggaren si oppgåve blir av dette å dra ut hovedtrekka i vegetasjonsfordelinga og tegne dette ned som fornuftige figurar som det kan lagast kart av. Detaljert kontroll av grenser utan tanke på hovedtrekk, vil kunne vise mange "feil". Kartframstillingsmetoden er i seg sjøl komplisert og inneber overføring av liner og figursignaturar fleire gonger. For eit så innhaldsrikt kart vil dette gje risiko for feil og set store krav til rutiner for lesing av korrektur. Nokre vegetasjonstypar kan by på problem ved klassifisering. Dette er kommentert under omtalen av typane. Arbeidet som vart utført i 1986 er på eit litt grovare detaljeringsnivå enn slik kartlegginga foregår no. Synfaring av registreringane viste og at det kan vera ein del feilklassifiseringar som må tilskrivast manglande typeforståing og øving i figurering hos inventørane. I kartleggingsområdet forekjem mange rikareal i smale renner i djup morene. Desse rennene er ikkje godt fanga opp og området kan framstå som litt fattigare enn det eigentleg er. NIJOS-rapport 5/02 12

19 5. VEGETASJON OG BEITE I SVENNES SAMEIE 5.1 Vegetasjonssoner Når vi går frå fjord til fjell endrar veksetilhøva seg mykje, særleg da dei klimatiske faktorane. Vegetasjonen endrar seg med veksetilhøva og i visse høgdelag skjer ei meir markert endring enn i andre. Dette gjev grunnlag for inndeling av vegetasjonen i høgdesoner. Den tydelegaste grensa mellom sonene er skoggrensa. Skoggrensa på vegetasjonskartet er sett der kronedekninga av tre som er eller kan bli større enn 2,5 meter, er mindre enn 25% av arealet. For å få ei heilheitleg oversikt over vegetasjonstypar og veksetilhøve i kartleggingsområdet, er det nedafor gjeve ein omtale av dei ulike sonene vi møter her. VEGETASJONSSONER VEGETASJONSTYPAR Bjørkeskogen Barskogen Lågfjellet Skoggrense 1100 m Barskoggrense Vel 1000m Lavhei Grasmyr Rishei Rismyr Høgstaudeeng Lav-og lyngrik bjørkeskog Blåbærbjørkeskog Engbjørkeskog Myr Lav-og lyngrik furuskog Blåbærgranskog Enggranskog Myr Figur 9. Vegetasjonssoner i kartleggingsområdet Barskogbeltet: Karakteristisk sonering av skogen i dei indre dalføra på Austlandet er ei barskogsone frå låglandet opp til eit band av bjørkeskog som utgjer skoggrensa mot snaufjellet. I barskogen finn vi gran på dei beste vekseplassane, medan furu veks på den skrinnaste marka. Opp mot fjellskogen endrar barskogen karakter. Vi får innslag av fjellplanter i feltsjiktet, meir blandingsskog med bjørk og trea blir småvaksne. I Svennes sameie består barskogen mest av granskog. Noko furuskog er registrert ved Tisleia. Barskogen går opp til omlag 1000 m o.h. ved Gjølmyr, men grana er i ferd med å etablere seg på areal høgare enn dette. Fastmarksareal av blåbærbjørkeskog, rishei og typar som er rikare enn desse, er potensiell granskogsmark opp til vel 1000 m. Fattigare Botnsjikt: Mosar og lav Feltsjikt: Gras, urtar og lyng Busksjikt: Busker og mindre tre Tresjikt: Tre og store busker fastmarksareal vil vera potensiell furuskogsmark. Gran vil finnast også over denne høgda, men desse trea er låge av vekst, spreier seg vegetativt og er truleg ikkje skogdannande. Mykje av skogarealet under 1000 m er i dag likevel ikkje barskog. Dette kan ha sin årsak i at det meste av kartleggingsområdet har ung tresetting, og bjørk har vore det første treslaget som har kome inn på snaumarka der beitetrykket har vore lågt. NIJOS-rapport 5/02 13

20 Bilde 2. Vegetasjonen i Svennes sameie er sterkt prega av den svært omfattande stølsdrifta som tidlegare har vore drive i området. Her frå Hermannstølen (Foto M. Angeloff). Bjørkeskogbeltet (subalpin sone): Over barskogen finn vi oftast ei bjørkesone, også kalla det subalpine bjørkeskogbeltet. Overgangen frå barskogen er gradvis med aukande innblanding av bjørk. Undervegetasjonen kan vera svært variert frå frodig høgstaudebotn til skrinn lav- og lyngdominert vegetasjon. Typisk for denne skogen er eit innslag av artar som vi òg finn over skoggrensa. I kartleggingsområdet ligg den klimatiske bjørkeskoggrensa truleg kring 1100 m. Denne grensa er imidlertid ikkje realisert i området, først og fremst pga. tidlegare hogst og langvarig beiting knytt til seterdrift og anna utmarksbruk. Under Seleggen er det registrert skog opp til 1060 m. Ved Synet like ved går skogen over 1100 m. Stort sett alt fastmarksareal i kartleggingsområdet er derfor potensiell skogsmark. Lågfjellet (lågalpin sone): Eigentleg lågfjell finst ikkje i området da så å seie alt areal ligg under den klimatiske skoggrensa, men det meste av arealet over 1000 m o.h. har i dag lågfjellspreg. Her endrar vegetasjonen totalt utsjånad i og med at tresjiktet fell bort. I busk- og feltsjikt rår likevel mange av dei same artane som i bjørkeskogen. Øvre grense for denne sona blir sett der blåbær opphører som samfunnsdannande plante. I kartleggingsområdet er berre nedre del av lågfjellet representert. Rishei er her dominerande vegetasjonstype på fastmark. Langs bekkar, elver og i myrkantar er høgstaudeeng med vierkratt vanleg. Store myrareal er karakteristisk for denne sona i Svennes sameie. NIJOS-rapport 5/02 14

21 5.2 Oversikt over vegetasjonstypar og andre arealtypar Nedafor følgjer ei oversikt over kartleggingseiningar og tilleggssymbol i NIJOS sitt system for vegetasjonskartlegging i M 1: (Larsson og Rekdal 1997). Typar eller tilleggssymbol merka med stjerne er ikkje registrert i kartleggingsområdet. SNØLEIE * 1a Mosesnøleie * 1b Grassnøleie * 1c Frostmark, letype HEISAMFUNN I FJELLET *2a Frostmark, rabbetype * 2b Tørrgrashei 2c Lavhei * 2d Reinrosehei 2e Rishei *2f Alpin røsslynghei *2g Alpin fukthei ENGSAMFUNN I FJELLET * 3a Lågurteng 3b Høgstaudeeng LAUVSKOG 4a Lav- og lyngrik bjørkeskog 4b Blåbærbjørkeskog 4c Engbjørkeskog *4d Kalkbjørkeskog *4e Oreskog 4f Flommarkkratt * 4g Hagemarkskog VARMEKJÆR LAUVSKOG *5a Eikeskog *5b Bøkeskog *5c Edellauvskog FURUSKOG 6a Lav- og Lyngrik furuskog 6b Blåbærfuruskog *6c Engfuruskog *6d Kalkfuruskog GRANSKOG 7a Lav- og lyngrik granskog 7b Blåbærgranskog 7c Enggranskog FUKT- OG SUMPSKOG *8a Fuktskog *8b Myrskog * 8c Fattig sumpskog * 8d Rik sumpskog MYR 9a Rismyr 9b Bjønnskjeggmyr 9c Grasmyr 9d Blautmyr 9e Storr- og takrørsump OPEN MARK I LÅGLANDET *10a Kystlynghei *10b Røsslynghei *10c Fukthei *10d Knausar og kratt *10e Fukt- og strandenger *10f Sanddyner og grusstrender *10g Elveører og grusvifter JORDBRUKSAREAL 11a Dyrka mark 11b Beitevoll UPRODUKTIVE AREAL *12a Jord og grus * 12b Ur og blokkmark *12c Bart fjell * 12d Bebygd areal, tett 12e Bebygd areal, ope 12f Anna nytta impediment *12g Varig is og snø * Typar som ikkje er funne i kartleggingsområdet NIJOS-rapport 5/02 15

22 TILLEGGSOPPLYSNINGAR Symbol Tilleggsinformasjon Stein og blokkar Areal med 50-75% stein og blokk v x s j n k g * + o) Bart fjell Areal med 50-75% bart fjell Lav Areal med 25-50% lavdekning Areal med meir enn 50% lavdekning Vier Areal med meir enn 25% dekning av vier Einer Areal med meir enn 50 % dekning av einer Finnskjegg Areal med meir enn 75% dekning av finnskjegg Kalkmyr Kalkkrevande myrvegetasjon. Blir ikkje kartlagt systematisk Grasrik vegetasjon Beitepåverka vegetasjon med meir enn 50% grasdekning Treslag Gran Furu Lauv Tilleggssymbol for treslag blir bruka i vegetasjonsfigurar der det i tillegg til hovedtreslaget finst minst 25% kronedekning av anna treslag. For skogtypar der treslaget ikkje ligg i typenamnet, viser første tilleggssymbol hovedtreslaget. Dette gjeld hagemarkskog og fukt- og sumpskog. Open mark får symbol for treslag når kronedekninga er mellom 5-25% av arealet. Skogtettheit Skogareal med 25-50% kronedekning Mosaikksignatur blir bruka der to vegetasjonstypar opptrer i mosaikk. Dominerande vegetasjonstype blir ført først og type nr. 2 blir ført på dersom denne utgjer meir enn 25% av arealet innafor figuren. Dersom hovedtype og type nr. 2 har same talkode, blir talet sløyfa i signaturen bak skråstreken. Eks.: 6a/9c = Lav- og lyngrik furuskog i mosaikk med grasmyr 9c/a = Grasmyr i mosaikk med rismyr NIJOS-rapport 5/02 16

23 AREALFORDELING Tabell 1. Arealfordeling av ulike vegetasjons- og arealtypar i kartleggingsområdet. Vegetasjonstype Dekar % 2c Lavhei 24 0,0 2e Rishei ,1 3b Høgstaudeeng ,4 4a Lav- og lyngrik bjørkeskog 161 0,2 4b Blåbærbjørkeskog ,6 4c Engbjørkeskog ,6 4f Flommarkkratt 31 0,0 6a Lav- og lyngrik furuskog 529 0,6 6b Blåbærfuruskog 415 0,5 7a Lav- og lyngrik granskog 339 0,4 7b Blåbærgranskog ,5 7c Enggranskog ,8 9a Rismyr ,5 9b Bjønnskjeggmyr 34 0,0 9c Grasmyr ,7 9d Blautmyr 262 0,3 9e Storr- og takrørsump 448 0,5 11a Dyrka mark ,1 11b Beitevoll ,3 12e Bebygd areal, ope 21 0,0 12f Anna nytta impediment 45 0,1 Sum landareal Vatn 656 0,8 SUM TOTALT AREAL NIJOS-rapport 5/02 17

24 5.3 Omtale av kartlagte vegetasjonstypar Nedafor følgjer ein omtale av vegetasjonstypar registrert under vegetasjonskartlegging av Svennes sameie. Vegetasjonstypane er gjevne beiteverdi etter ein tre-delt skala som er nærare omtala i kapittel 6. HEISAMFUNN I FJELLET 2c Lavhei Økologi: Lavheia finn vi på rabbar eller andre opplendte stader som har tynt eller heilt manglar snødekke om vinteren. Jordsmonnet er tynt og næringsfattigt. Artar: Planter som skal kunne leva på ein slik utsett vekseplass må kunne tåle vindslit, tørke og frost. Dette er stort sett krypande busker og lyngartar, samt ulike lavartar. Urtar og gras er det lite av. Viktige artar er fjellkrekling, greplyng, mjølbær, blokkebær, tyttebær, rypebær, rabbesiv, sauesvingel og krypande dvergbjørk. Lavdekninga er oftast høg med artar som gulskinn, rabbeskjegg, kvitkrull, lys- og grå reinlav. Forekomst: Berre små areal finst av lavhei da det er lite av utprega rabbar i det flatlendte terrenget. Mindre areal finst her og der, men desse er ofte for små til å figurere ut. Berre eitt areal er registrert på kartet langs Tisleia. Bilde 3. Lavhei på rabbe ovafor Breiset med utsikt innover Flæin. Beiteverdi: Her finn vi svært lite av beiteplanter slik at typen er mindre godt beite. I eit beiteområde vil innslag av rabbar likevel ha betydning som trivselsland, da sauen likar å streife og gjerne brukar rabbane til kvileplass. Lavdekket kan vera påverka av reinbeiting i området. NIJOS rapport 5/02 18

25 2e Rishei Økologi: Risheia finn vi i lågfjellet og på skoglause eller avskoga stader i fjellskogsona. Vekseplassen krev bedre snødekke enn lavheia, men heller ikkje meir langvarig enn at det meste av snøen er smelta i juni. Næringstilgangen kan variere frå moderat til dårleg, medan vasstilgangen er moderat. Bilde 4. Vanlegaste utforming av rishei er dominert av dvergbjørk, blåbær og smyle, og ofte med godt innslag av einer kring stølane. Bilde 5. Rishei med høg lavdekning. Bilde 6. Beita areal av rishei kan vera grasrike, men mykje av dette er ofte finnskjegg. Artar: Fleire utformingar av rishei vil forekoma. Vanlegast er typen dominert av dvergbjørk, blåbær, smyle og fjellkrekling. Einer har ofte høg dekning nær stølsgrender. Andre vanlege artar er skogstjerne, gullris og fugletelg. I botnsjiktet finn vi oftast eit dekke av husmosar. Ein del sterkt beita areal av rishei finst. Desse er oftast grasrike med smyle og sauesvingel, men innslaget av det lite attraktive beitegraset finnskjegg er ofte høgt. Areal med dominans av finnskjegg er gjeve tilleggssymbolet n på vegetasjonskartet, medan einerdominans er merkt j og grasdominans g. På eksponerte areal med lite snødekke opptrer ei lavrik utforming av risheia. Til forskjell frå lavheia så manglar her NIJOS rapport 5/02 19

26 vindherdige lav, dvergbjørka har opprett vekst og blåbær finst spreitt. Friske utformingar kan ha innslag av vierartar. Mykje risheiareal har begynnande tresetting mest med gran. Forekomst: Rishei er dominerande vegetasjonstype på fastmark i heile snaufjellsområdet. Store areal forekjem òg i lågare lende ned mot Tisleia. Til saman dekkjer risheia 32% av kartleggingsarealet. Beiteverdi: Risheia vil vanlegvis utgjera godt beite både for sau og storfe, men innhaldet av beiteplanter vil ha ein del variasjonar. I Svennes sameie vil dei største areala av typen ha godt innhald av blåbær og smyle og utgjera godt beite for både sau og storfe. På opplendte høgder kan lavinnslag redusere beiteverdien. Der lav har over 50% arealdekning (2ex) er beiteverdien på beitekartet sett til mindre godt beite. Det same gjeld figurar som er gjevne tilleggssymbol for høg finnskjeggdekning. Grasrike utformingar har også oftast høgt innhald av finnskjegg. Beiteverdien her hevar seg derfor ikkje så mykje utover den normale utforminga. ENGSAMFUNN I FJELLET 3b Høgstaudeeng Økologi: Høgstaudeeng opptrer på stader med god tilgang på oksygenrikt sigevatn, som i lisider og dråg eller langs elver, bekkar og myrkantar. Næringstilgangen er moderat til svært god og snødekket stabilt, men kan smelte tidleg ut. Dette er den mest produktive av vegetasjonstypane i snaufjellet. Bilde 7. Høgstaudeengene er oftast artsrike og frodige med høg planteproduksjon. Her ved Fløten. Artar: Rike og fuktige utformingar av høgstaudeeng er mest vanleg i kartleggingsområdet. Vi finn gjerne eit tett busksjikt av lappvier og sølvvier. Grønvier og den meir krevande ullvieren forekjem. I feltsjiktet finn ein vanlegvis tyrihjelm, skogstorkenebb, kvitbladtistel, mjødurt, engsyre, enghumleblom og grasartar som sølvbunke, engkvein, smyle og gulaks. I flatt terreng som inne på Flæin, forekjem høgstaudeeng ofte i mosaikk NIJOS rapport 5/02 20

27 med grasmyr. Typen vil her ha fuktig preg med innslag av myrartar og dei mest fuktkrevande høgstaudene som mjødurt og enghumleblom. Grasmyrene har ofte godt vierinnslag i området. Skillet mellom vierdekt grasmyr og høgstaudeeng med vier var derfor vanskeleg å trekkje. Mykje av arealet av denne typen har vore viktige beiteareal i tidlegare tider, men beitepåverknaden i dag er mange stader ikkje så stor. Areal særleg på Tisleisida er sterkt beitepåverka med høg grasdekning og tynt viersjikt. Forekomst: Høgstaudeenger forekjem jamt i kartleggingsområdet (7,5%) langs bekkar, myrkantar og forsenkningar med godt vassig. Typen finst gjerne i mosaikk med rishei eller grasmyr. Ein finn òg opne renner med høgstaudeeng i skog. Beiteverdi: Høg planteproduksjon og stort artsmangfald gjer at denne typen er viktig for mykje biologisk liv i fjellet. Som beite er dette viktige areal både for storfe og sau. Den potensielle beiteverdien kan settast til svært god, men aktuell beiteverdi vil vera avhengig av kulturpåverknad som kan variere i kartleggingsområdet. Høg kulturpåverknad og god grasdekning ser ein jamt i typen mot Tisleia. Låg påverknad gjev tett viersjikt og høgt innhald av høge urtar, særleg tyrihjelm. Dette reduserer beiteverdien. Mykje av høgstaudeengene på Flæin forekjem i myrkantar eller i mosaikk med myrparti og er da ofte så våte at sau i mindre grad vil beite her. Grasrike utformingar har fått tilleggssymbolet g og er gjevne skravur på beitekartet for særleg høg beiteverdi. LAUVSKOG 4a Lav- og lyngrik bjørkeskog Økologi: Dette er den karrigaste av bjørkeskogtypane og finst på godt drenerte avsetningar eller grunnlendt mark. Snødjupna vil vera liten til moderat. Artar: Karakteristisk for typen er lysopen tresetting med småvaksen, fleirstamma og krokut bjørk. Undervegetasjonen er dominert av lyngartar, da særleg fjellkrekling, men òg tyttebær, blokkebær og røsslyng. Av grasartar kan ein finne spreitt forekomst av smyle og finnskjegg. I kartleggingsområdet er botnsjiktet oftast dominert av mosar, men godt innslag av lavartar forekjem. Ein del fattige snauareal der tresjikt er under etablering er sett som 4a. Her kan vegetasjonen endrast mot blåbærbjørkeskog etter kvart som tresjiktet blir tettare. Forekomst: Mindre areal av typen finst på grove moreneavsetningar ned mot Tisleia. Beiteverdi: Typen har lite av beiteplanter og er mindre godt beite. Bilde 8. Lav- og lyngrik skog er den fattigaste av skogtypane. NIJOS rapport 5/02 21

28 4b Blåbærbjørkeskog Økologi: Blåbærbjørkeskog forekjem på stader der tilgangen på næring og vatn er bedre enn i førre type og snødekket er stabilt. Dette er vanlegaste bjørkeskogtypen i området og finst i flatt og opplendt terreng, samt i lisider med moderat vassforsyning. Bilde 9. Blåbærbjørkeskog med blåbær og smyle som dominerande artar. På biletet har småbregna fugletelg også godt innslag. Artar: Bjørk er mest einerådande i tresjiktet. I busksjiktet kan ein finne einer. Undervegetasjonen i blåbærbjørkeskogen har mykje til felles med risheia. Dominerande artar er blåbær, smyle og fjellkrekling. Artar som fugletelg, skogstjerne, stormarimjelle, maiblom, gullris og hårfrytle forekjem vanleg. Smyledominerte utformingar som er utvikla etter bjørkemålarangrep kan finnast. Botnsjiktet har mest alltid eit samanhengande dekke av husmosar. Mykje av bjørkeskogen i kartleggingsområdet er ung og tett. Forekomst: Blåbærbjørkeskog dekkjer 9% av arealet i Svennes sameie. Særleg høg dekning finn ein på fastmarkskjølar i myrområda ved Kinnehallidn og på sørsida av Flæin. Store areal finst òg på nordsida av Fløtahovda. Beiteverdi: Det meste av denne typen har høgt innslag av blåbær og smyle og kan settast til godt beite. Smylerike utformingar som kan finnast er godt-svært godt beite. Tett tresetting kan begrense tilgangen for beitedyr. 4c Engbjørkeskog Økologi: Dette er ein artsrik og frodig bjørkeskogtype som har mykje til felles med høgstaudeengene. Typen opptrer i lier og dråg med god tilgang på næring og oksygenrikt sigevatn. Artar: Engbjørkeskogen består av fleire utformingar som har til felles eit tresjikt dominert av voksterleg bjørk og undervegetasjon av næringskrevande urtar, gras og bregner. Som for blåbærskogen er tresjiktet ofte tettvakse. Ei rik høgstaudeutforming av NIJOS rapport 5/02 22

29 typen er vanlegast med artar som tyrihjelm, skogstorkenebb, engsoleie, marikåpe, mjødurt og grasartar som sølvbunke, gulaks, engkvein og smyle. Bilde 10. Engbjørkeskogen kan ha mykje med tyrihjelm der han ikkje blir beita, men oftast er beitepåverknaden høg i typen. Ei lågurtutforming forekjem sjeldnare. Denne krev næringsrik grunn og opptrer på tørrare og meir opplendte stader, ofte sørvendt. Her er feltsjiktet dominert av låge urtar, gras og småbregner, medan høgstauder berre finst sporadisk. Skogstorkenebb er oftast dominerande med innslag av småbregner og grasartane smyle, gulaks og engkvein. Karakteristiske artar er tågebær, skogfiol, fjellfiol, legeveronika og sveve-artar. Innslag av næringskrevande låge urtar som fjellfrøstjerne og fjelltistel er vanleg. Engbjørkeskog er ein høgproduktiv skogtype og har derfor vore ein viktig ressurs som beitemark og utmarkslått. Engskogane i kartleggingsområdet ber preg av å ha vore jamt og til dels sterkt hausta gjennom mange generasjonar. Slik utnytting har favorisert grasartane, særleg sølvbunke og engkvein, men også gulaks og rappartar. Areal der grasdekninga er større enn 50% blir registrert med tilleggssymbolet g. Ved feltkontroll av registreringane frå 1987 var inntrykket at dette symbolet var for lite brukt. Forekomst: I kartleggingsområdet finst areal engbjørkeskog på sørsida av Flæin og ved Kinnehallidn. Beiteverdi: Dette er den mest produktive av bjørkeskogtypane med omsyn til planteproduksjon. På beitekartet er typen sett som svært godt beite. Dette vil vanlegvis vera uttrykk for potensiell beiteverdi da den normale utforminga vil ha høg dekning av høge urtar da særleg tyrihjelm. Engbjørkeskogen har hatt ein sentral posisjon i tidlegare tiders utmarksutnytting. Framleis ber det meste av engbjørkeskogen i Svennes sameie preg av dette og er svært grasrik i høve til normal utforming. NIJOS rapport 5/02 23

30 4f Flommarkkratt Økologi: Dette er krattvegetasjon på ustabil mark langs elvekantar eller på bankar og øyrer i elveløp. Områda blir periodevis oversvømt og vegetasjonen blir i tillegg utsett for mekanisk slitasje. Fysiognomi: Karakteristisk for typen er mangel på tresjikt og eit meir eller mindre velutvikla busksjikt. Felt- og botnsjiktet vil ofte vera glissent avhengig av stabiliteten i substratet. I kartleggingsområdet er typen dominert av tett busksjikt av bjørk og vierartar, mest grønnvier. Forekomst: Areal av flommarkkratt er registrert langs Tisleia. Beiteverdi: Typen har lite av beiteplanter og er mindre godt beite. FURUSKOG 6a Lav- og lyngrik furuskog Bilde 11. Lav- og lyngrik furuskog. Økologi: Dette er lysopen furuskog som finst på skrinne og godt drenerte avsetningar når vi går ned i barskogregionen. Artar: I feltsjiktet dominerer fjellkrekling, tyttebær, blokkebær og røsslyng. Smyle og blåbær forekjem spreitt. Lavartar som kvitkrull, lys- og grå reinlav og islandslav kan ha høg dekning på dei tørraste utformingane. Forekomst: I Svennes sameige er typen vanleg på grove avsetningar langs Tisleia. Beiteverdi: Her finst det lite av beiteplanter og beiteverdien er mindre god. 6b Blåbærfuruskog Bilde 12. Blåbærfuruskog. Økologi: Det meste av areal i barskogregionen med moderat forsyning av næring og vatn vil vera dominert av gran, men på enkelte litt tørrare lokalitetar kan furu forekoma. Artar: Furu er dominerande treslag, men innslag av gran er vanleg. Undervegetasjonen vil i stor grad samsvare med granskogtypen, men ofte er innslaget av fjellkrekling større. Forekomst: Noko av furuskogarealet ved Tisleia er av blåbærtype. Beiteverdi: Innslag av smyle gjev godtmindre godt beite. NIJOS rapport 5/02 24