God påske! Til ettertanke: Det verste og det beste Salme: Eit under hender i verda Intervju: Avtroppande soknerådsleiar Aktuelt: Ny liturgi

Transkript

1 Nr Årgang Årgang 6665 Fasteaksjonen 2012 Guri er trusopplærar Nye tekstilar i kyrkja Gravferdsrutinar i Leikanger Leikanger sokn Til ettertanke: Det verste og det beste Salme: Eit under hender i verda Intervju: Avtroppande soknerådsleiar Aktuelt: Ny liturgi God påske!

2 Oversikt over tilsette, kontaktadresser og telefonar: Administrasjon Sogndal kyrkjekontor Besøks-/postadresse: Kyrkjevegen 6, Stedjetunet, 6856 Sogndal Sentralbord: Faks: Kyrkjeverje: Jorunn Merete Haukås-Eide Telefon mobil: E-post: Kontortid kvar dag unnateke onsdag. Sokneprest: Egon Askvik Tlf Trefftid etter avtale. Måndag fri. Kyrkjelydssekretær/klokkar/ reinhaldar: Sandra Pearce Tlf Fredag fri Organist: Diccon Pearce Tlf / Kontor i bustad Fredag fri Soknerådsleiar: Dagny Alvik dagny.alvik@enivest.net Leige av kyrkjelydshuset: Kirsti Svangstu kirsti.svangstu@enivest.net Tlf: Kristus er oppstaden Han er her! Det var nokre veker før påske. Eg sto i køen i gravkyrkja i Jerusalem. Som mange andre turistar ville eg inn og sjå staden som skal vera Jesu grav. Endeleg var det min tur. Eg kom inn i det mørke rommet. Det var tomt. Midt på golvet var det eit lite bord med eit skilt: He is not here. He is risen. Han er ikkje her. Han har stått opp. Hvis du leitar etter Jesus, treng du ikkje reisa til Jerusalem og oppsøkje Jesu grav. Han er ikkje der. Du finna han ikkje på ein gravplass. Du finn ikkje noko minnesmerke over Kristus. Grava er tom. Han er oppstaden. Det betyr at ingenting er håplaust lengre, at han har sigra over døden og dødskreftene. Jesus Kristus kallar seg for Livet. Der han går fram får menneske nytt liv og nytt mot til å leva. Han sto utafor sin gode ven, Lasarus si grav, saman med dei to systrene hans Marta og Maria og alle som har kome for å trøysta dei etter at broren deira var død. Jesus gret med dei som gret. Men han gjorde noko meir: Han ropte inn i grava, inn i døden. Lasarus, kom ut! Og ut kom den døde, innpakka i likklede, så han knapt kunne røra seg. Løys han og lat han gå sa Jesus. Dette er også eit kjenneteikn på sann kristendom: At du vert sett fri, at du kan pusta fritt. Og den dagen då du står framfor døden og for siste gong skal inn i den mørke natta, då skal du vita at på den andre sida står Kristus og ventar på deg. I gravferder les me dei orda som vart sagt då me vart døypte: Lova vere Gud, vår Herre Jesu Kristi Far, han som i si store miskunn har atterfødd oss til ei evig von ved Jesu Kristi oppstode frå dei døde I gravkyrkja i Jerusalem kjende eg at eg lengta heim, heim til vår eiga kyrkje. Til påskedag-gudstenesta. Der kunne me sett opp eit skilt: Han er stått opp. Han er her! Ikkje i grava, men midt mellom oss som samlast i hans namn. He is here! Herren Jesus sjølv er oppstoda. Han har nøklane til døden og dødsriket. Han har låst opp dødens portar og han ropar oss ut til livet. No og alltid og i all æve. Kyrkja vår er ikkje noko minnesmerke, men det er ein bustad for Kristus, levande og varm, midt mellom oss. Glad påske til alle! Egon Askvik 2 Leikanger kyrkjelydsblad nr

3 Kyrkja ho er eit gamalt hus og Leikangerkyrkja er med sine meir enn 750 år definitivt inne i denne kategorien. Terje Eggum og Skald forlag gav oss kyrkjehistoria i bokform i Her kan du lese om stordomstid og forfallstid, ombyggingar og restaurering. Kyrkja har hatt høgt tårn, lågt tårn, vindauge mot vest og no forminska vindauge mot sør. I dag framstår kyrkja om lag som den gjorde på 1600-talet. Open kyrkje Kyrkja har vore sentral i fruktbygda i fleire hundre år, vakker og tilgjengeleg. Døra er open, du kan gå inn og kvile kroppen og sjela di når du ynskjer. Kyrkjebakken er ikkje lenger den viktigaste møteplassen, men kyrkja er framleis eit rammeverk for mange av oss, frå vogge til grav. Dåp, konfirmasjon, bryllaup og gravferd. Og er du ingen kyrkjegjengar, kan du uansett nyte synet av eit vakkert bygg med fjord og fjell som bakgrunn. Leikanger kyrkje er ein del av identiteten til bygda! Hus treng folk, og folk treng hus song vi i ei nordnorsk vise på 70-talet. Den gongen var det fråflyttinga i Nord-Norge som var tema. I dag kan vi bruke det same uttrykket om kyrkja vår. Kyrkja stiller opp for oss når vi treng den, og no er det vi som må stille opp for kyrkja. Taket lek Taket lek, murpussen flaknar og kalken er missfarga. Slik kan vi ikkje ha det! Og medan kommune, fellesråd og riksantikvar diskuterer kva som skal gjerast og kven som har ansvaret, forfell bygget litt meir dag for dag. Det er inga lett sak for ein liten kommuneadministrasjon med små ressursar å vedlikehalde eit verna kyrkjebygg. Spesialutstyr og spesialkompetanse må til for å vurdere kva som bør og må gjerast. Nokre ting er lette å få auge på: Takrenna må reinskast og reparerast. Mønet er rufsete. Nokre skiferheller er truleg knekte. Resultatet er at vatn renn inn på undertaket og vidare nedover veggen og missfargar denne. Kyrkja er eit kulturhistorisk klenodie og det mest verdfulle me har av historie i bygda. Leikanger og Sogndal fellesråd må snarast få oversikt over skadane. Så får me håpa at dei styrande finn pengane som skal til for å få arbeidet gjort! Det er soknet som eig kyrkja. Kyrkjeleg fellesråd har ansvar for vedlikehald av! kyrkjebygga. Kommunen har det økonomiske ansvaret og skal løyva pengar til vedlikehald. Riksantikvaren skal godkjenna tiltaka som vert gjort på mellomalderkyrkjer. Leikanger kyrkjelydsblad nr

4 GURI ER TRUSOPPLÆRAR I SOGNDAL OG LEIKANGER - Opplever Leikanger kyrkjelyd som open og raus Guri Høstaker Nordheim er frå Sogndal og har i halvanna år vore tilsett i kyrkja også i Leikanger kyrkjelyd. Likevel er det fleire som ikkje heilt veit kven ho er. Difor har kyrkjelydsbladet teke ein prat med trusopplæraren. Guri hadde oppveksten sin i Dale i Sunnfjord. - Ei god bygd å vekse opp i, og ei spennande bygd på kunst og kultur-fronten, seier Guri. Ho merkar at ho gjerne trekkjer fram Jakob Sande når ho skal fortelje folk om bygda ho kjem ifrå. - Vi er kanskje litt stolte av at han kom ifrå Dale. Og eg opplever nok at dikta hans låg som eit fint bakteppe i min oppvekst. Dei har nok vevd seg inn i identiteten min, på eit vis. Elles fortel Guri at oppveksten dreia seg mykje rundt idrett og musikk, så etter eit år på Dale Vgs, pakka ho og reiste til Sandane og Firda Vgs. Der gjekk ho på musikklinja og stortreivst blant likesinna der. Rulletrapp på Domus Etter vidaregåande gjekk ho eit år på bibelskule på Bildøy. - Eg var litt i tvil om kva eg skulle finne på vidare i livet. Eg valde å gå i fotspora til far min og tok lærarutdanning. Så då bar det av garde til Sogndal. Guri fortel at Sogndal var eit ukjent kapittel då, og ho var i tvil om trivselen kom til å melde seg Sogndal var for meg den bygda vi reiste gjennom då vi skulle til sommarparadiset mitt, Lærdalsøyri, der mor mi kjem ifrå, seier Guri med eit smil: - Eg fortalde ungane her om dagen at det einaste eg visste om Sogndal då eg var liten, var at dei hadde rulletrapp på Domus - at det var det tøffaste eg hadde sett! Då lo dei godt! - Tre studieår i Sogndal skal eg no klare, tenkte eg. Men det blei fem, lærarjobb, mannen min Kjell Olav, tre ungar, hus og hund. No har eg budd i Sogndal i 22 år til saman. Så ein kan absolutt konkludere med at trivselen er god! At dei må kjenne seg heime i kyrkjelyden - Me har høyrt om trusopplæring, men kva er det eigentleg for noko? - Trusopplæring er å leggje til rette for at den døypte kan vekse og leve i trua på Gud. Få ein personleg relasjon til Gud. Og ein av mine oppgåver som trusopplærar, er å lage ein god og systematisk plan for barn og unge i Leikanger med gode tiltak som høver for alle aldersgruppene frå 0-18 år. Denne planen lagar eg heldigvis ikkje åleine. Eg gjer dette saman med flotte folk i trusopplæringsutvalet og staben i Leikanger og Sogndal. Det er avgjerande for oss at barn og unge kan finne sin plass og kjenne seg heime i kyrkjelyden. Difor legg vi ned mykje arbeid i å lage gode tiltak for dei. - No når skulen ikkje lenger er arena for trusopplæring, så er ansvaret lagt på kyrkja og dei foreldre som vel å døype barna sine. Det er eit spennande oppdrag å gjere saman. Guri nemner eit konkret eksempel på trusopplæring, nemleg Babysong-samlingane i Leikanger. Der skjer trusopplæringa gjennom songane og bønene ein syng, og gjennom samspelet mellom barn og foreldre. Så kan foreldre vere trusopplærarar, når dei syng og ber dei same songane og bønene for barna sine, heime. - Det er i grunn veldig fint å tenkje på! seier Guri oppglødd. - Korleis kom du inn i dette? 4 Leikanger kyrkjelydsblad nr

5 - Etter ein del år i skulen, kjende eg at det var rett å gjere noko anna. Eg søkte på stilling som trusopplærar, utan å eigentleg vite så mykje anna enn at eg fekk jobbe med barn og unge i kyrkja. Det verka spennande. Eg har alltid kjend meg heime i kyrkja. Gylde øyeblikk - Kva er dine gleder i arbeidskvardagen din? gjennom tiltak vi set i gang. Guri seier at hennar arbeid i stor grad vil vera å fylgja opp dei frivillige medarbeidarane og gjera oppgåvene så konkrete og overkommelege som mogeleg. T.d. var ein konfirmant englevakt på lys vaken og fylgde ei gruppe rundt på dei ulike stasjonane. Men ein pensjonist kunne like godt greidd dette. - Så kanskje er dette noko eg kan utfordre folk i Leikanger på; bli med viss du kjenner at du har tid, krefter og lyst til å vere med i kyrkja sitt arbeid for barn og unge. Ta gjerne kontakt med meg eller dei andre tilsette i kyrkja. - Det er mange gleder i dette arbeidet. Og stundom får me noko eg kallar «gyldne øyeblikk», der du ser at barna eller dei unge opplever noko som ikkje så lett kan omsetjast i ord. Dette har eg opplevd begge dei gongene eg har vore med på Lys vaken i Leikanger. Særleg i bønesamlinga om kvelden, når vi tenner lys og deler bøner med kvarandre. Då kjenner eg at eg er får vere med på noko stort og heilagt, seier Guri tankefullt. Ho trekkjer også fram samarbeidet med frivillige medarbeidarar. Dei frivillige er heilt nødvendige for at vi i det heile kan ha trusopplæring. Utan frivillige stoppar arbeidet opp så enkelt er det, seier ho og legg til at det er utruleg flott med alle vaksne som opp gjennom åra har brukt timevis av si tid på barne- og ungdomsarbeid. Søkjer etter pensjonistar - Kva med utfordringane? - No når vi er i gang med å lage ein systematisk trusopplæringsplan, er det heilt klart behov for at fleire frivillige hiv seg med i dette spennande arbeidet. Eg kjenner på ansvaret for at planen ikkje berre skal bli ein plan, men at den skal byrje å leve - Ikkje berre pensjonistar? - Nei, her er det rom for alle aldersgrupper! Framleis vera levande og inkluderande Me lurar sjølvsagt på korleis Guri har opplevd møtet med Leikanger kyrkjelyd? - Eg synes alltid det er godt å møte kyrkjelyden i Leikanger. De er positive og rause, slik eg opplever det. Eg ynskjer at Leikanger kyrkjelyd skal fortsetje det gode arbeidet med å vere ein levande og inkluderande kyrkjelyd som barn og unge kjenner seg ein del av. Det trur eg mange allereie kjenner som har vore med på ulike trusopplæringstiltak i kyrkja. Guri håpar at det blir naturleg for mange fleir å ta del i det vanlege gudstenestelivet. - Det skal gjerne ikkje så mykje til for at barn og unge skal trivast ein stad. Berre det å bli sett, smilt til og snakka til på ein god måte gjer underverk, smiler ho. Born og ungdom er ein naturleg del av kyrkjelyden. Det skjer noko flott når generasjonane møtest. Då ligg det godt til rette for mange «gylne øyeblikk». Leikanger kyrkjelydsblad nr

6 Kyrkja har fått nye tekstilar Janne Nes har på oppdrag frå Leikanger sokneråd arbeidd ut skisser til fire lesepultklede til Leikanger kyrkje. Janne har her lagt ned eit stort arbeid. Kyrkjeringane har teke på seg kostnadene. Påskedag 2012 vil me ta det kvite lesepultkledet i bruk. Janne fortel at det er mange hensyn å ta når eit slikt arbeid skal utførast. Det finst retninsliner for symbolbruk, ho har forhalde seg til symbol frå dei ulike Janne Nes har laga det kvite lesepultkledet som vert teke i bruk påskedag. Og fleire kjem. foto: Ørjan Talle kyrkjeårstidene og henta inspirasjon frå dekor på altertavle, preikestol og dei andre tekstilane som finst i kyrkja. - Frå før har Leikanger kyrkje messehaklar og preikestolklede i ganske ulik utforming. Eg har prøvd å finna motiv for dei nye tekstilane som ligg mellom dei andre uttrykka og bind ting saman. Samstundes vil eg også gjerne at det eg lagar skal ha eit sjølvstendig uttrykk, seier Janne til kyrkjelydsbladet. Utforminga er godkjend av Fagråd for kyrkjekunst i Bjørgvin bispedømme. Kledene vert laga i ull og silke, med dekor i broderi og applikasjon.! Eit lesepultklede heng på framsida av lesepulten og har same liturgiske farge som antipendiet på altaret og preikestolkledet (på preikestolen). Dei liturgiske fargane er grøn (allmenn), kvit (høgtid jul og påske, samt Helgemesse og Maria bodskapsdag. Vert også brukt ved vigsel), Lilla (adventog fastetid, samt Bots og bededag. Vert også brukt ved gravferd). Raud (pinse, jonsok og olsok) Innkalling til soknemøte for Leikanger kyrkjelyd Stad: Leikanger kyrkje Tid: Sundag 13.mai kl.13 (etter gudstenesta) Sak: Uttale om lokal grunnordning for høgmessa i Leikanger kyrkje Eit gudstenesteutval, nedsett av Leikanger sokneråd, har arbeidd ut eit forslag til ny liturgi. Denne har vore i bruk ved gudstenestene i kyrkja sidan fyrste sundag i advent 2011 som ei prøveordning. Gudstenesteutvalet sitt framlegg ligg til grunn for handsaming i soknemøtet. Det fylgjer på dei neste sidene og er innkalling og sakspapir.viser også til orienteringa frå gudstenesteutvalet i førre nummer av kyrkjelydsbladet. Det er soknerådet som gjer vedtak. Soknemøtet skal gje uttale. Fullstendig oversyn over dei ulike alternativa finn ein på kyrkja si heimeside www. kyrkja.no Reformer/Gudstjenestereformen. Leikanger sokneråd vil gjera endeleg vedtak i møtet 14.juni Dagny Ugulsvik Alvik - soknerådsleiar 6 Leikanger kyrkjelydsblad nr

7 Naglet til et kors på jorden henger under vredens torden himlens herre og Guds Sønn. Selv den eviggode Fader ham i kvalene forlater, hører taus hans angestbønn. Krusifiks frå Leikanger kyrkje, originalen er truleg frå 1100-årstalet. Originalen vart overlevert Bergen museum i 1865 Leikanger kyrkjelydsblad nr

8 Ny liturgi 1 Førebuing. Stille kyrkje 30 min før gudstenesta startar. Bøn. Lystenning. Gudstenestemedhjelparane går føre med eit godt eksempel. Lage enkel plakat ved inngangen med informasjon om stille kyrkje. 5 min klokkeringing Informasjon om gudstenesta i dag. + Lat oss vera stille for Gud (Kort stille) Tre klokkeslag 2 Inngangssalme alle står Normalt inngangsprosesjon med dåpskanne, vin, brød, bibel, kors Kjem i staden for kunngjeringar før forbøn Valfritt 3 Inngangsord vald av dagens liturg (prest) 4 Samlingsbøn NB eigne bøner på høgtidsdagar. Bøn 2 er hovudbøn, stundom: 3(klokkarbøni), 7(femteiknsbøn for born) el.8 Me ynskjer også å nytta bøn 9 som er lokalt utforma bøn eller ei anna bøn Samlingsbøn 2 Gode Gud, du som gjev liv til alt som lever. Vi prisar deg for alt det vakre på vår jord, og for alt som lèt oss kjenna at du er god. Her for ditt andlet bed vi: Gjev oss lyttande øyre, takksame hjarte og villige hender, så vi kan høyra ordet ditt, lovprisa deg for di miskunn, og i ord og gjerning vitna om dine storverk. Samlingsbøn 3 Herre, eg er komen inn i dette heilage huset ditt for å ta imot det som du Gud Fader, skaparen min, du Herre Jesus, frelsaren min, du heilage Ande, trøystaren min i liv og død, vil gje meg. Lat no opp hjartet mitt ved din heilage Ande, så eg kan sørgja over syndene mine, leva i trua på din nåde og saman med heile ditt folk fornyast kvar dag i eit sant og heilagt liv. Samlingsbøn 8 Heilage Gud, du som har gjeve oss livet i gåve: Takk for at du tek imot oss i dåpen og styrkjer oss i nattverdens måltid. Lei oss ved ditt ord, og gjer oss opne for det du vil gje oss. Samlingsbøn 7 (Særleg med born) Lyfte hender ML/L Kjære Gud, du er hos oss. Tenn ditt lys i oss. Hendene i kryss framfor brystet ML/L Kjære Jesus, du går med oss. Lat oss få leva i din fred. Hendene mot kvarandre framfor brystet med fingertuppane opp. ML/L Kjære Gud, du ser oss. Ta imot våre tankar og stille bøner. Hendene strekte ut framfor brystet med handflatene opp ML/L Kjære Jesus, du tek våre hender i dine. Lei oss på din gode veg. Vi held dei som sit ved sida av oss, i handa ML/L Gode heilage Ande, takk for at vi ikkje er åleine. Hjelp oss å sjå kvarandre med kjærleik. Samlingsbøn 9 (særleg med konfirmantar/ungdom) Lokalt utforma samlingsbøn For oversyn over alle bønene sjå reformer - Gudstenestereformen- Ordning for hovudgudsteneste (nynorsk) 8 Leikanger kyrkjelydsblad nr

9 5 Syndsvedkjenninga 6 Kyrie Kjell Mørk Karlsen sin versjon (stundom Kyrie frå Ukraina) Delt innstilling frå gudstenesteutvalet. Fleirtalet vil ha syndsvedkjenninga saman med forbøna. Mindretalet vil behalda den fyrst i gudstenesta. Det finst eit rekkje alternative melodiar til Kyrie, Gloria, Sanctus, og Agnus Dei. Gudstenesteutvalet foreslår dette er forslag frå organisten som har gått gjennom samtlege melodiar. 7 Gloria (utelatast i fastetida) Mørk Karlsen sin versjon (idé: folkemusikkmesse ein gong i året med Kyrie&Gloria Jo Asgeir Lie komponist) Eventuell dåp kjem her. Dåpssalme 8 Dagens bøn GU foreslår å utelata den her. Heller ha den som samlingsbøn (høgtidsdagar) eller brukast som innleiing i preika. Valgfritt 9 Fyrste lesinga - kyrkjelyden sit. 10 Kort stille mellom lesingane eller salme (når det ikkje er dåp) Valgfritt 11 Andre lesinga - kyrkjelyden sit. 12 Evangelium GU foreslår hallelujavers og evangelieprosesjon Fint for born og ungdommar å ta del i. Halleluja-vers Tore Aas Diccon lagar firstemmig sats, Valgfritt med evangelieprosesjon Leikanger kyrkjelydsblad nr

10 alternativt kjem her ein salme og presten les sjølv evangeliet som start på preika. 13 Preike 14 Truvedkjenninga (fell bort viss det er dåp) Nicenum på juledag 15 Salme 16 Kunngjeringar GU foreslår at desse går ut. Det som gjeld gudstenesta vert teke i starten andre kunngjeringar på flygeblad eller liknande Sjå pkt 1 17 Syndsvedkjenning alt 1 s.23 alt 3 ved særlege høve jfr pkt 5 Syndsvedkjenning 1 Gud, ver meg nådig! Eg har synda mot deg og svikta min neste med tankar og ord, med det eg har gjort, og med det eg har forsømt. Tilgjev meg mi synd for Jesu Kristi skuld. Skap i meg eit reint hjarte, og gjev meg kraft til nytt liv ved din heilage Ande. Syndsvedkjenning 3 Gud, du kjenner og elskar oss alle. Vi har gjort deg imot. Vi har gløymt deg og det du vil vi skal gjera. Vi har tenkt meir på oss sjølve enn på andre. Tilgjev oss for Jesu skuld. 18 Forbøn Medlemer i gudstenesteutvalet har laga ei forbøn. Henta inspirasjon frå bønene i liturgien, men stramma inn og gjort meir kort og konsis Kyrkjelydssvar: Herre høyr vår bøn (framsagt) Valgfritt Minnemarkering for dei som er døde sidan sist gudsteneste. Invitere pårørande. Kan ein frå gudstenestegruppa leie forbøna og ein finna aktuelle bøneemne? Lystenning for kvart bøneledd? 19 Takkoffer i benkene Vert teke opp under salmen før nattverden NATTVERD 20 Prefasjonsdialog som før Prefasjonsbøn Sanctus/Heilag Komponist: Tore Aas 10 Leikanger kyrkjelydsblad nr

11 Nattverdbøn Fader vår eller Vår Far. Utvalet foreslår den nye omsetjinga 21 Nattverdmåltidet Fredshelsing enkel form Bake eige nattverdbrød (syra brød/glutenfritt) Du Guds lam komponist: Tore Aas Vår Far i himmelen. Lat namnet ditt helgast. Lat riket ditt koma. Lat viljen din råda på jorda slik som i himmelen. Gjev oss i dag vårt daglege brød, og tilgjev oss vår skuld, slik vi òg tilgjev våre skuldnarar. Og lat oss ikkje koma i freisting, men frels oss frå det vonde. For riket er ditt og makta og æra i all æve. Amen. Valgfritt Utdelingsord Kristi kropp gjeven for deg Kristi blod utrent for deg Etter utdelinga. Kyrkjelyden deltek på: Han styrkje oss og halde oss oppe i ein sann tru til det evige livet 22 Avslutning av måltidet Bøn: Himmelske Far me takkar deg for gåva du gjev i nattverden. Lat vinen og brødet verta til velsigning for oss og våre medmenneske. 23 Salme Kyrkjelyden står 24 Velsigninga med innleiing som før Valgfritt Valgfritt Dette er ei eiga formulert bøn Valgfritt 25 Utsendingsord er etter postludiet viss det ikkje er utgangsprosesjon Leikanger kyrkjelydsblad nr

12 Rutinar kring gravferder i Leikanger Kyrkjekontoret og/eller soknepresten får melding om dødsfall frå eitt av gravferdsbyråa eller av og til direkte frå dei pårørande som regel pr. telefon. Gravferdsdag og tidspunkt for gravferda må avtalast med kyrkjekontoret, anten direkte eller gjennom eit gravferdsbyrå. Gravferdsbyrået transporterer kista til bårehuset. Her vil den bli ståande til gravferdsdagen. Gravferdsdagen Gravaren tek opp grava tidleg om morgonen gravferdsdagen eller dagen før. Fire pårørande møter om morgonen på gravferdsdagen for å bere kista inn i kyrkja. Kyrkjetenaren møter dei pårørande utanfor kyrkja. Kista og kyrkja blir pynta. Som oftast tek Syrstrond gartneri seg av pyntinga. Dei pårørande sjølv eller gravferdsbyrå pyntar stundom. Annonse til avisa og utveljing av salmar ordnar dei pårørande sjølve. Ein vel salmar frå Norsk Salmebok eller Sangboken. Gravferdsbyrå hjelper til med bestilling av annonse og trykking av gravferdssongar. Presten kan gjerne rådspørjast. Organisten tek til å spele 20 minutt før seremonien i kyrkja på gravferdsdagen. Dersom dei pårørande har spesielle ynskje til musikkval, kan dette avtalast direkte med organisten. Det kan òg avtalast med organisten eigne musikkinnslag under seremonien. Om ein ynskjer å nytte andre musikarar og/ eller songarar, må dei pårørande ordne dette sjølve eller via byrå. Gravferdsbyrået sender skriftleg melding om gravferd til kyrkjekontoret på e-post. Dersom ein ynskjer båreandakt, tek ein direkte kontakt med soknepresten. Presten tek kontakt med dei pårørande for å avtale samtale. Pårørande kan koma med ynskje om gravplass (t.d. gjenbruk av familiegraver). Dette kan formidlast til kyrkjekontoret eller gjennom byrå. Kyrkjekontoret har ansvar for at organist, kyrkjetenar/klokkar og gravar får melding. Organisten tek til å spele om lag 20 minutt før seremonien i kyrkja byrjar. Før gravferdsseremonien avtalar kyrkjetenaren med dei pårørande om kransar og blomster som skal leggjast på kista, og kven som skal leggje på kransane. Presten gjer dette om familien ynskjer det. Viss det er mange sløyfer som skal lesast, les presten eller nokon av dei pårørande frå korta (same tekst som sløyfa). Etter seremonien i kyrkja skal kista transporterast til grava. Då er det fint om fleire frå kyrkjelyden hjelper til med å bere kransar og bårebukettar til grava. Seks personar som dei pårørande har plukka ut på førehand, ber kista til bårevogna og fører vogna til grava. Dei same seks personane set kista på plankane som er lagt over grava. Fire personar som regel fire av dei som bar kista skal senke kista med taua som ligg ved grava når presten gjev signal til det etter jordpåkastinga. To personar fjernar samstundes plankane som kista har stått på. Gravaren fyller att grava etter gravferda. Gravminne som ein har måtta leggja ned på kringliggjande graver i samband med gravferda, blir sett opp att. Gravminne som skal setjast opp at på 12 Leikanger kyrkjelydsblad nr

13 grava seinare, bli lagt i enden på grava. Etter gravferda Gravminne på kyrkjegarden ved kyrkja kan ikkje setjast opp før det har gått minst 6 månader. Dette fordi gravminnet her må setjast der gravopninga er, og jorda må få tid til å sette seg først. Gravminne på gravplassen i Husabø kan setjast opp utan frist fordi det kan plasserast utanfor sjølve gravopninga. På fyrste gudsteneste etter gravferda vert det minnestund i kyrkja og namnet vert lest opp. Nyårsafta er det gudsteneste om ettermiddagen med minnestund for alle som er døde i kalendaråret som ligg bak. Dersom noko er uklart eller de har spørsmål eller kommentarar til dette, ver så snill å ta kontakt med kyrkjekontoret. Kontakt: Sogndal og Leikanger kyrkjekontor: Kyrkjetenar Sandra Pearce: Organist Diccon Pearce: Soknepresten i Leikanger, Egon Askvik: Leikanger kyrkjelydsblad nr

14 Konfirmantåret Kjære konfirmantar Leikanger kyrkjelyd er glad og stolt av å ha så flotte ungdommar. Det har vore ei stor glede å ha dykk som medarbeidarar i kyrkjelyden vår. Me vil særleg nemna alle gudstenestene de har teke del på og dei fine avslutningane me har hatt i kyrkja kvar undervisningskveld. Djup konsentrasjon for dei ti bod, og bevis på at prøven er bestått. De har vore stille, skrive bøner og tankar, tent lys og me har bedt for kvarandre. De er framleis i kyrkja og me reknar framleis med dykk. Takk eit fint år. Me ynskjer dykk alt godt for konfirmasjonsdagen og dagar som kjem. Helsing Egon - prest og Diccon - organist Kva farge har Gud, og kvifor Leikanger kyrkjelydsblad nr

15 Tur i Sogndalsdalen med oppgåver undervegs. God foreldrehjelp undervegs. Foreldresamlingi prestegarden og konfirmansamling. Konfirmasjonane Kl. 11 Andrea Lidal Røysum Anette Killingrød Emma Stensås Svanevik Espen Røysum Gabriel Skjulhaug Yttri Helena Sæbø Nes Helge Nesse Slinde Magnus Myklebust Olaug Grut Andersen Silje Njøs Eikeland 27. mai 2012 Kl. 13 Agathe Skarsbø Dale Daniel Aleksander Fossberg Geir Jakobsen Guro Stølen Johan Breidvik Julie Menes Hove Ole-Morten Søderholm Rolf Inge Aas Kristiansen Sofie Husabø Stig Rune Leiren Gjøringbø Therese Lunde Vibeke Solheim Leikanger kyrkjelydsblad nr

16 Litt takk, litt dugnad og litt til... Takk til Bjørg Bjørg Sæter har i mange år hatt ansvar for sundagsskulen i Leikanger. Dei siste åra har sundagsskulen vore på fredagar i kyrkjelydshuset, men har behalde namnet. No har Bjørg slutta og på årsmøtet for kyrkjelyden fekk ho velfortente takkens ord frå soknerådsleiaren. Bjørg kvitterte med å seia at ho elska å fortelja for born. - Takk Bjørg, og me er glad for at du framleis finst i kyrkjelyden vår. Sundagsskulen vert ikkje lagt ned, men har ein pause, inntil ein ser korleis arbeidet kan førast vidare - Egon Askvik Rydding og vårdugnad på kyrkjegardane Torsdag 26. april kl. 18 er det klart for den årlege vårdugnaden på kyrkjegardane. Knut Grinde vil leia dugnadsarbeidet. Oppmøte ved kyrkja. Ta gjerne med rive og saks og andre nyttige reiskaper. Hovudarbeidet vert beskjering av vokstrar på gravene som skjuler gravminnet eller har vokse seg for store. Dette til orientering for dei som har graver. Småting i kyrkja må også gjerast. Hugs også godt humør og mat og drikke, litt tid til kaffipause på kyrkjetrappa må til. Velkomne til dugnad. Hei, er du 8 år? Hei, du som er 8 år i Leikanger! Du er velkommen til Tårnagenthelg i Stedje kyrkje i Sogndal, april. Det vert ei spennande helg der vi skal løyse mange mystiske agent-oppdrag. Så ver klar med lommelykt og forstørrelsesglas! Meir info med påmelding kjem når det nærmar seg, til deg som er fødd i Ta kontakt med Guri på kyrkjekontoret i Sogndal hvis du vil vita meir 16 Leikanger kyrkjelydsblad nr

17 Kyrkjelege handlingar Gravlagde: Odd Severin Fardal f Petra Hagen f Gjertrud Knudsen f Helga S. Eggum f Synneva Svartefoss f Gerd Stedje Henjum f Erling Øyrehagen Norum f (gravlagt i Norum) Ella Astrid Røysum f Sunniva Frækaland f Olaf Wendelbo Rosenlund f Per J. Husabø f Solveig Grinde f Gunhild Røysum f.1935 Døypte: Emmelin Røysum Elias Fredheim Espe Elida Berge Jørgensen Magnus Espe Folkestad (døypt i Eid kyrkje) Alexander Danielsen Kevin André Mo Johannes Njøs Amundsen Jenny Slinde (Stadfesting av nøddåp ) Minnegåve Kyrkjeringane i Leikanger vil gjennom kyrkjelydsbladet takk for minnegåva som vart gitt ved Synnøve Svartefoss si gravferd 5. januar Gåva på kr 9.242,- går til Leikanger kyrkje og vert brukt mellom anna til å kjøpa ein bibel som skal liggja på altaret i kyrkja. Hei alle 6-åringar i Leikanger Sundag 15.april kl.11 vert 6-åpringane invitert til kyrkje for å få boka Tre i eit tre. Den dagen er det Borna sin påskefest. Konfirmantane legg opp gudstenesta saman med presten og trusopplærar Guri. Innbyding kjem i posten. Leikanger kyrkjelydsblad nr

18 Støtt våre støttespelarar - dei Støtt støttar våre oss! støttespelarar, dei støttar oss! Tlf: Sognefjordvegen Leikanger Tlf Faks post@sognefrukt.no Fylkets største pakkeri av frukt Alt innan plantevern, gjødsel, kraftfôr, beskjeringsutstyr, tre og planter Tlf: Opningstider: mån-fredag laurdag sundag Tlf Tlf: Tipping - RiksToTo 9-21 (20) Opningstider: mån, tys, tors og fredag onsdag laurdag etter avtale Tlf: Leikanger kyrkjelydsblad nr

19 Aktivitetskalender Alle aktivitetar føregår i Klokkargarden (kyrkjelydshuset) Tysdagstreff Tysdag 17. april er siste tysdagstreffet denne våren, i kyrkjelydshuset kl. 11 Babysong Det er Babysong i kyrkjelydshus kvar torsdag i april kl. 11 (ikkje skjærtorsdag) Bladpengar 17. mai fest Soknerådet har vedteke at det skal skipast til 17. mai-fest i kyrkjelydshuset. Leikange kyrkjelydsblad har ein anstrengt økonomi. Me vil takka alle som brukte bankgiroblanketten som vart lagt i postkassane før jul. Om den kom vekk for nokon, ligg den vedlagt i dette nummeret også. Det gjeld særleg utabygdes abonnentar som då ikkje fekk giro. Takk til alle som er med og gjer det mogeleg å gje ut bladet. Grunna store portoutgifter vurderer me å finna alternative distribusjonsmåtar. Dugnad på kyrkjelydshuset 2-9. juni Det vert dugnad med nedvask og lakking av golv og vindaugskarmar innvendig. Me startar laurdag 2. juni kl 1000 og vaskar tak, vegger, vindauge og golv. Lakking av vindaugskarmar og golva tek me over helga. Me håper at mange kan ta i eit tak, og interesserte kan innan 2. mai melde frå til: Linda Grebstad Grinde (nedvask), tlf Bjørg Anda (nedvask), tlf Svein Helge Frækaland (lakking), tlf Dersom det er spesielle dagar du ynskjer å delta, er det fint om du gir melding om dette. Med helsing Husstyret Klokkarden Frivillig kontigent/gåve Minner om kontonummer for fast gjevarteneste. Konto til kyrkjelydshuset er: Konto til Leikanger kyrkjelyd er: Konto til Leikanger kyrkjelydsblad er: Bruk vedlagde giroblankett. Me er heilt avhengige av gåver for å gje ut bladet. Leikanger Kyrkjelydsblad Redaksjonsnemnd: Dette nummeret er redigert av Egon Askvik i samarbeid med Elianne Eggum. Leikanger kyrkjelydsblad nr

20 Kyrkjekalendar April Skjærtorsdag 5. april Luk.22,14-23 kl. 19 Kveldsgudsteneste Langfredag 6. april Mark.14,26-23 kl. 12 Leikanger sjukeheim kl. 19 Pasjonsgudsteneste Påskedag 8. april Matt.28,1-10 kl Høgtidsgudsteneste. Konfirmantane tek del. Dåp. Takkoffer til Misjon uten grenser Sundag 15. april 2. sundag i påsketida Joh.21,15-19 kl. 11 Borna sin påskefest. Konfirmantane leier gudstenesta. 6-åringane får bok. Kyrkjekaffi/saft Sundag 29. april 4.s. i påsketida Joh.13,30-35 kl. 11 Gudsteneste Mai Sundag 13. mai 6. sundag i påsketida i påske Matt.7,7-12 Kl. 11 Gudsteneste. Etter gudstenesta vert det kyrkjekaffi og soknemøte i kyrkja Sak: Ny gudstenesteordning for Leikanger kyrkjelyd. Uttale frå soknemøtet Torsdag 17. mai Kristi himmelfartsdag/grunnlovsdag Luk.24,46-53 kl Festgudsteneste. Sundag 27. mai Pinsedag Joh.14,15-21 kl. 11 Konfirmasjon. Takkoffer til kyrkjelydsarbeidet kl. 13 Konfirmasjon. Takkoffer til kyrkjelydsarbeidet Juni Sundag 10. juni 2. sundag i treeiningstida Joh.3,26-30 kl. 11 Gudsteneste for små og store. Etter gudstenesta vert det kaffi, pølser og saft i prestegardshagen og natursti. Sundag 24. juni 4. sundag i openberringstida/jonsokdag kl. 11 Gudsteneste. Gudstenester i sommar Sundag 15. juli kl. 20 Sundag 5. august kl. 11 Sundag 26. august kl. 11 Sundag 2. september kl. 12 Jamneflaten ved Slinde Sjå gudstenestelister på