MULIGHEITSSTUDIE VOSSEVANGEN

Transkript

1 MULIGHEITSSTUDIE VOSSEVANGEN 1

2 INNHALD 1 BESKRIVELSE Bakgrunn Mål Oppdraget Områder 2 OPPDRAGET Målsetnad Prosess Brukarmedverknad 3 TILBOD Innlevert material Tema Sentrumsplan Framdrift Honorar Kriterie / Krav til innsendt material 4 VEDLEGG 2

3 BAKGRUNN Voss kommune er i endring, med store prosessar knytt til kommunesamanslåing, utbygging i og utanfor sentrum, bygging av kollektivknutepunkt samt fleire store utbyggingsprosjekt i sentrum. Kommunen treng nye planar for å styre utviklinga og sikre god heilskap. Framtida vil gje ny infrastruktur med K5 utbygging ny veg og bane mot Bergen, som vil medføre endra forutsetnader for utbygging på Voss. Ei halvering av reisetida mot Bergen vil truleg medføre auka utbyggingspress på Voss og sentrum. Dette skaper behov for ein større diskusjon om korleis vi skal utvikle Voss. Voss kommune arbeidar no med ny kommuneplan, ny plan for sentralidrettsanlegget samt ny områdeplan for sentrum som skal halde på i 2 år, og vera klar hausten Etter at arbeidet med sentrumsplanen er avslutta, er det viktig at den blir fylgt opp av ein strategi med handlingsplan for å gjennomføre måla i planen. Grunna stor utbygging i sentrum er det behov for nye retningslinjer. Utvikling dei seinare åra har skjedd utan ein oppdatert overordna plan for kvar, korleis og kor mykje det skal byggast. Det er behov for å vurdere kulturarv i sentrumsområdet for å sikre verdiar for framtida. Demografisk utvikling på Voss er uklar. Ein kan sjå for seg ulike scenario. Ser ein på forventa folkevekst frå SSB legg dei opp til ein nøktern vekst (per 3. kvartal 2017) på 829 personar fram mot Størst vil auken vera i gruppa over 70 år. Om ein legg til grunn bygging av K5 med ny veg og bane til Bergen vil truleg veksten vera større. I muligheitsstudie for «Bergensbaneregionen 2040» presenterer Asplan Viak ein forventa folkevekst på fram mot Dette vil medfører eit behov for nye sentrumsnære bustader og nærare 8000 nye arbeidsplassar på Voss. Dette er to svært ulike scenario som sentrumsplanen må ta høgde for. Det er uvisst når utbygging av K5 vil skje, men det er grunn til å tru at det vil føre med seg eit auka press for utbygging på Voss. Sentrumsplanen må legge til rette for vekst, og vera førebudd på auka press. Ein må vite kvar og korleis ein vil løyse veksten for ei best mogleg utvikling av bygda. Gjeldande sentrumsplan omfattar ikkje heile sentrum og tek ikkje høgde for den ynskja veksten ein ser for seg. Avgrensinga i ny plan bør derfor aukast. Område for ny sentrumsplan. Naturen med elva Vosso, Vangsvatnet, Hanguren (fjellet i nord med gondol frå sentrum) er viktig del av sentrum. 3

4 MÅL Kommunen ynskjer med dette muligheitsstudie å sjå på sentrale tomter, tema og funksjonar som kan vera nøkkel til utvikling i sentrum. Både sentralt og lokalt er det overordna føringar om fortetting, noko som medfører at ein må sikre gode felles areal for rekreasjon, møter og fellesskap. Det må leggast til rette for eit godt nettverk av byrom med sterke bindingar mot naturen rundt. Den nye bygningsmassen må ha ein god balanse i relasjon til historie, identitet og framtidsvisjon. Byggehøgder og fortettingsmodell må vera i tråd med dette. Ein må og sjå på viktige nøklar til vidare utvikling av sentrum. Dette gjeld tomter og funksjonar som sentrumsskule, nye utviklingsområder som DIVE-analyse viser til som områder med lav verdi. Kommunen ynskjer i muligheitsstudie å sjå framtidsbilete på dette. Gode eksempel på riktig urbanitet tilpassa ei moderne bygd. Korleis fortettar og utviklar ein dei ulike områda i sentrum? Kvar og kor mykje kan ein fortette? Korleis styrke og programmere byrom og møteplassar som gjev eit levande og aktivt sentrum? Byrom som er spesialiserte for Voss, innbyggjarar, aktivitet, behov og besøkande og næringsliv. Byrom treng å vera fleksible med infrastruktur som gjer det enkelt å rigge opp scener, installasjonar, skøytebane om vinteren, vatnspegl og leik for barn etc. Voss kommune er ei «bygd for sterke opplevingar» med mange festivalar og aktivitetar. Godt programerte byrom som gjer det enkelt å rigge opp og ned for ulike aktivitetar vil auke og gjera det lettare å skape eit dynamisk og levande sentrum. Aktivitetar for barn og unge i nærleik til aktivitet for vaksne / eldre blir sett på som viktig. Areala som kommunen ser som strategisk viktig for transformasjon og ei god utvikling av sentrum er vist under kapittel områder. Kommunen ynskjer ein inkluderande prosess der team samarbeider og fordeler tema og områder hensiktsmessig mellom seg. Dette vil skje i tett dialog med kommunen. 4

5 OPPDRAGET Voss kommune skal velje 2 team som skal gjennomføre muligheitsstudie på Vossevangen. Kvart team vil få eit hovudtema/område og eit ev fleire tilleggstema/område. Om ein ser på fleire tilleggstema vil nivå på løysing justerast. Kommunen ynskjer bruka muligheitsstudie som grunnlag for utarbeiding av ny sentrumsplan, der brukarmedverking og prosess med føreslåtte løysingar bli kopla direkte til utarbeiding av ny sentrumsplan. Kommunen ynskjer og at arkitekt team lagar eit forslag til strategi og gjennomføringsplan. Dei to hovudområde kommunen ynskjer sjå på er dagens ungdomsskule samt nytt området vest for knutepunktet. Ungdomskuletomta er sentralt plasser mellom rekreasjonsområdet Prestegardsmoen, sentralidrettsanlegget og sentrum. Tomta har ein lav utnytting og eit stort potensiale. Kommunen ynskjer å sjå på løysingar og framtidsbilete på korleis ein kan vidareutvikle ungdomsskulen på denne tomta. Korleis kan ein sentrumsskule brukast som generator i sentrum med fleirbruk, fellesløysingar og overlapp i program som idrettsanlegg etc. Ein ynskjer og å sjå på muligheit for andre program på denne tomta, er det td mulig å flytte barneskule til dette området? Muligheitsstudie skal avdekke potensiale i tomta og plassering av sentrumsskular her. Andre viktige tema og områder kommunen ynskjer sjå på er Vangen Vest tett på knutepunktet, der DIVE-analysa viser til liten verdi. Utvikling av knutepunkt med ny gondol og hotell trekker tyngda i sentrum vestover. Dette gjer området i vest svært sentralt og har muligheit for nye bustader, næringslokale og vidareutvikling for hotellet Fleichers. Saman med desse 2 områda ynskjer kommunen å ha fokus på utvikling av gode og spesialiserte byrom / byromsnettverk. Byrom er viktig for å skape gode møteplassar, bygge eit levande sentrum som underbygger folkehelse, næring/ turisme, lokale initiativ, frivillig arbeid, lag og organisasjonar, festivalar etc. I fyrste del av muligheitsstudie ynskjer kommunen at team jobbar på eit overordna nivå der ein ser på heilskapen. I andre del vil ein gå djupare inn i enkelte deler. Under midtvegsseminar vil områder og tema bli fordelt mellom dei 2 teama. Dette kan innebere at dei jobbar med ulike delar eller grad av fortetting innom sentrumsområdet. 5

6 Som eit utgangspunkt ser kommunen for seg ein fordeling og vektlegging skissert under. Dette kan endre seg etter kvart som arbeidet utviklar seg og teama presenterar sitt analysematerial, samt med innspel frå brukargruppene. Oppgåve 1: SENTRUMSSKULE (70 %) + Nære byrom (skuleveg) (30 %) - TEAM 1 Oppgåve 2: VANGEN VEST (50 %)+ Byromsnettverk (25 %) + Sentrumsskule (25 %) - TEAM 2 (meir overordna konseptuell tilnærming) FØRINGAR FOR MULIGHEITSSTUDIE Voss kommune har under fyrste del av 2018 utarbeide ein DIVE-analyse (kulturhistorisk stadsanalyse) for Voss. Analysen er utarbeida av Asplan Viak. Kommunen ynskjer at DIVE-analysa vert ein del av grunnlaget for utarbeiding av muligheitsstudiet. Her vert det vist til verdiar og handlingsrom for vidare utvikling av dei ulike områder i sentrum. Om ein ser det som naudsynt å gå imot anbefaling/definert handlingsrom i DIVE-analysen, er det viktig at dette blir begrunna og argumentert for. DIVE-analysa, planprogram for sentrumsplanen og kommunens vurdering (gjennom medverknad) av kva områder / tema som kan vera nøklar til vidare utvikling i sentrum, gjev grunnlag og føringar for dette muligheitsstudie. Voss Kommune ynskjer i dette muligheitsstudie å sjå på viktige områder med potensiale for utvikling i sentrum. DIVE-analysa for Vossevangen utført av Asplan Viak, ferdigstilt mai 2018, viser kart over kulturhistorisk verdiar i sentrum og handlingsrom utifrå kulturarv. Dei gule områda indikera lav verdi, og er såleis utgangspunkt for utvikling. 6

7 Muligheitsstudie tar utgangspunkt i område 8 (ungdomskulen) og 10 (Vangen Vest), samt tema knytt til byromsnettverk og byvev gjennom områda 2,3 og 4. Planprogram for sentrum vil vise viktige tema for dette muligheitsstudie, der ein vektlegg ein god balanse mellom vern og utvikling, historie/identitet, bærekraftig utvikling med fortetting rundt knutepunkt, flaum problematikk, næring/turisme, «rurban» bustaden, kvalitet i estetikk og natur og tilgang til rekreasjon som resurs og konkurransefortrinn mot byen. Muligheitsstudie skal gje innspel til debatten rundt framtida på Vossevangen, både til visjon og identitet for framtida. Voss har store muligheiter for å bli ei framtidsretta bærekraftig bygd med vekt på andre verdiar enn det ein finn i byen. Kommunen ynskjer gode bilete på innovative heilskaplege løysingar for tema beskrive i teksten over. Planprogrammet skisserer ein visjon for Voss som urban natur bygd. Muligheitsstudie vil diskutere dette vidare i form av framtidsbileta som skal utarbeidast med forslag til fortettingsmodellar, sentrumsskule og byrom. Sentrumsplanen må ta stilling til problemstillingar kring flaum / overflatevatn for å behalde ein open og aktiv 1. etg som stimulerer til byliv blir tema. Overflateparkering og infrastruktur for bil, sykkel og gange, trygge skulevegar, samt idear for utforming av «rurban bustaden». Ein ynskjer at muligheitsstudie skal komme med innspel til noko av dei overordna problemstillingane i sentrumsplanen. Dei ulike tema vil bli diskutert vidare ved oppstart og i verkstad for at team skal få innblikk og forståing av ulike tema i oppgåva. OMRÅDER Under viser hovudområda i muligheitstudie. 1. Vangen Vest. 7

8 2. Ungdomskule tomta. Under viser vi nokre byrom / områder med potensiale for utvikling på Vossevangen. I prosessen med muligheitsstudie vil ein sjå på kva områder som blir viktige å gå nærare inn i. Det kan og vera andre områder som vil vera relevante å sjå på. Dette vil avklarast i prosessen. 8

9 Under viser områder knytt til tema byrom / byromsnettverk. Tomta for ungdomsskulen ligg strategisk i ein viktig overgang nord sør og aust vest. Tomta er sentrumsnær og har stor verdi med lokalisering mot vatnet, ligg tett på rekreasjon i Prestegardsmoen i sør. Ungdomskulen er per i dag for liten og med auka tilflytting må skulen utvidast. Det kan vera relevant å sjå på plassering av barneskule og i forbindelse med ungdomskuletomta. Planavdelinga ser det som viktig å behalde både barne- og ungdomsskule i sentrum. Betre utnytting av tomta og fleirbruk med sentralidrettsfunksjonar kan kanskje og gje muligheit for andre program enn skule? 9

10 HESTAVANGEN Hestavangen er det viktigaste og mest sentrale byrommet på Vossevangen. Sentralt plassert i aksen som går aust vest. Det offentlege byrommet koplar dei 2 parallelle gatene Vangsgata og Uttrågata på tvers, samt gir ein opning mot sør. Rommet skaper ei viktig siktlinje mot det viktige landskapselementet Gråsio (fjellformasjonen i sør) og mot gravplassen samt sentralidrettsanlegget sør for sentrum. Hestavangen ligg midt i sentrums strekket, frå knutepunkt og kulturhus i vest til kjøpesenteret Amfi i aust. I dag vert plassen nytta til overflateparkering, der bilen står i fokus. Asfalt utgjer størsteparten av flata. 10

11 HOLBERGSPLASSEN I dag er plassen brukt til oppstilling av bussar samt parkering. Det er mykje vrimling av turistar i dette området. Nord-vest for plassen ligg eit vegkryss som er udefinert og treng oppgradering. Området dannar portal mot sentrum frå vest. Samanhengen mellom vatnet Holbergsplassen - Vangskyrkja med plassen framfor og vegkrysset treng ei god heilskapleg løysing. Dette er eit området som treng auka attraktivitet for å styrke samanhengen øst vest i sentrum. Før bombinga i 1940 var denne delen av sentrum det mest sentrale området på Voss. 11

12 UTTRÅGATA - Bakgard Sett frå sør. Sett frå nord. Bakgarden mellom Uttrågata og Vangsgata blir i dag nytta som parkering. Området har liten attraktivitet og bidrar lite til gatemiljøet i Uttrågata. Garden er strategisk plassert mellom dei 2 gateløpa Uttrågata og Vangsgata, med gjennomgåande butikkar mot handlegata Vangsgata. På sørsida av garden og Uttrågata ligg parkeringshuset. Bakgarden har eit stort potensiale for 12

13 tverrforbindelse og muligheit for framtidig næring. Opprusting / transformasjon av bakgard vil kunne gje auka trivsel og attraktivitet til Uttrågata som i dag framstår som lite triveleg. MÅLSETNAD Muligheitsstudie blir ei viktig plattform for brukarmedverking og involvering av ulike grupper. Gjennom prosessen skal ulike grupper medverke for å gi ein god forankring både i lokalbefolkninga og mot overordna og styrande organ. Ei arbeidsgruppe vert utnemnt av kommunen for å fylje prosessen, det vil og verta invitert slutningstakarar til oppstart, midtvegs og ferdig presentasjon. Invitasjon av desse gruppene til verkstad vil kommunen stå for. Muligheitsstudie skal vise gode og innovative framtidsbilete / løysingar for dei ulike områda / tema beskrive. Det er eit ynskje om å sjå samanhengar for å finne synergiar og gode bærekraftige løysingar som kan styrke Vossevangen som levande og berekraftig regionsenter, Vossevangen skal vera ein god plass å bu, jobbe, utvikle næring samt besøke. Voss har moglegheit til å bli ei framtidsretta bygd med fokus på miljø og bærekraft. Ei urban natur bygd som kan tilby mykje innom eit lite område. Her er tett på natur, friluft, handel, service, skular, fjellet (ny gondol), knutepunkt etc. Kombinasjonen urbanitet og natur er ein ressurs få andre stader kan tilby innom tilsvarande areal og direkte kopla til kollektivknutepunkt. Kommunen ynskjer og at muligheitsstudie skal munne ut i ein foreslått strategi og gjennomføringsplan. Dette dokumentet skal vera kortfatta. PROSESS Det vert lagt opp til ein 9 vekers arbeidsperiode. Oppdraget startar med eit oppstartsmøte, og det vil bli avholdt midtvegsseminar i perioden. Muligheitsstudie blir avslutta med presentasjon av resultata i form av ope folkemøte og utstilling i eige lokale i sentrum. Voss kommune ynskjer ein open og inkluderande prosess med utveksling av tankar og erfaring undervegs, både team i mellom og med oppdragsgjevar. Kommunen ynskjer å gi dei 2 teama litt ulike bestillingar undervegs i prosessen. Kommunen ynskjer ein dynamisk prosess der kursen kan justerast undervegs. Kommunen ser det som viktig at det vert knytt medverknad til prosess med muligheitsstudie. Ei fast arbeidsgruppe vil vere knytt til prosessen. Her vil viktige lokale aktørar innan lag og organisasjonar vera representert. Det vil og vera behov for representantar frå bestemmande organ som politikarar, næringsliv, kommune, statens vegvesen etc. Kommunen ynskjer knyte opne folkemøter til verkstader og endeleg presentasjon for brei medverknad. Kommunen ynskjer 2 team i muligheitsstudie for Vossevangen. Nokre områder/tema vil begge team sjå på, medan andre områder/tema vert fordelt mellom dei, der team blir sendt i ulike retningar. Fordeling vil verta avklart i vidare prosess med utveljing av team og i prosess. 13

14 Arbeidsprosess og fristar Oppdraget skal utførast i perioden 30.august 1.november Arbeidsfasar og seminar med deltaking frå arkitekt team vil vera: Oppstartsseminar Voss Oppstartsseminar skal gje ein introduksjon til dei viktige problemstillingane muligheitsstudie skal løyse, og gje deltakarar naudsynt informasjon og bakgrunnsmateriale for å gjennomføre oppdraget. Teama vil bli presentert for arbeidsgruppa, sentrale aktørar og staden. Det vil bli befaring i sentrumsområdet. Ope folkemøte på kveldstid. Arbeidsfase 1 Det enkelte team skal i den i den fyrste arbeidsfasen utføre ein analyse og drøfte utfordringar og muligheiter på Vossevangen. I denne fasen skal team peke på nøklar og viktige områder for vidare utvikling, og peke på mulige fordjupingsområder og sentrale problemstillingar det blir viktig å gå inn på. Fordjupningstema blir igangsatt. Midtvegsseminar - Voss Ved midtvegsseminar skal teama presentere resultat av innledande fase og grep for sentrumsutvikling. Det vil bli lagt opp til medverknad i seminaret. Innspel under og etter seminar skal lede forslaga inn mot konkretisering og uttegning av delområda. Team vil her bli sendt i ulike retningar utfrå analysearbeid og program. Arbeidsfase 2 Vidare arbeid med fokusområder/tema. Teama arbeidar med konkretisering på basis av dei identifiserte problemstillingane og gjennomførte analysane. Erfaringar og innspel frå midtvegsseminar blir tatt med i arbeidsfase 2. Sluttseminar - Voss Her blir det sluttførte arbeidet presentert av teama. Dette vil vera eit ope folkemøter for innbyggarar på Voss. Utstilling Muligheitsstudie vil stillast ut i eit sentralt lokale i sentrum. Dette vil skje frå veke 45, rundt 5.november. BRUKARMEDVERKNAD Medverknad under og etter prosess med muligheitsstudie blir sett på som svært viktig, og eit grunnlag for utforming av ny sentrumsplan. Kommunen ynskjer å etablere eit lokale i sentrum, ein «Bygde Lab», der arbeid under prosess, samt ferdig muligheitsstudie kan stillast ut. Lokalet og det utstilte materialet vil vera grunnlag for medverking mot ulike grupper. Ei arbeidsgruppe vert invitert til å fylje prosessen og komme med innspel til arkitektteam. Arbeidsgruppa vil delta i verkstader og vidare oppfylging. Denne arbeidsgruppa vil bestå av representantar hovudsakleg frå lag og organisasjonar på Voss. 14

15 I forbindelse med oppstart og midtvegsseminar skal de inviterast til opne møter. Kommunen ynskjer at arkitekt team presenterer dei ferdige prosjekta i ope folkemøte hausten Utstilling og medverking etter innlevert prosjekt blir i kommunen sin regi. Inviterte team må komme med forslag til opplegg rundt medverknad og beskrive dette i oppgåveskildring. Det kan visast til vellykka prosessar i referanseprosjekt. INNLEVERT MATERIAL MULIGHEITSSTUDIET (November 2018) Materialet skal leverast på norsk. Til midtvegsseminar skal materialet visas i form av presentasjon. Til slutt skal fyljande materiale leverast: Oppgåva skal besvarast i form av 6 plansjar i A1 format. 4 plansjar på hovudtema og 2 på deltema. Plansjane skal innehalde tekst, situasjonsplan (teikning) og visualiseringar, eigna til utstilling. Det må og leverast 2 stk printa hefte i A3-format. Det skal og leverast eit kortfatta forslag til strategi og gjennomføringsplan. Både plansjane og heftet skal og leverast som digitale PDF-filer, både med høg oppløysing (trykkefil) og middelsoppløysing for internett og annan presentasjon. Materialet leverast og i redigerbart format (Adobe Photoshop/Illustrator/InDesign, Google Sketchup, etc). Ved oppstart av arbeidet vil Voss kommune sende ut digitalt kartmateriale. Vi ber om at det blir levert inn filer i SOSI-format (ev. dwg fil) av situasjonsplan. Kommunen står fritt til å nytte materialet som vert levert inn. 15

16 Det er viktig at presentasjonen innehalde fleire gode illustrative 3D visualiseringar som viser framtidsbilete på Vossevangen. Bileta må formidle forslaget på ein realistisk og lettfatteleg måte som beskriv atmosfære/karakter. TEMA SENTRUMSPLAN Ny sentrumsplan for Vossevangen skal sikra ei god utvikling og urbanisering av bygda Voss. Mykje er i endring og planen skal sikra god framtidig utvikling med potensielt stor vekst. Det grøne skifte med ei berekraftig utvikling er like viktig på bygda som i byen. Viser her til vedlagt plan program for ny sentrumsplan. Viktige tema i arbeid med ny sentrumsplan er: VISJON. - Urban natur bygd. - Korleis ser ein framtidsrette rurban bygd ut? Vis oss bilder. BYROM. - Hestavangen TVERR TORGET som knyter saman. Noden i sentrum. - Tinghusplassen Kople sentrum til vatnet. - Holbergplass Kople knutepunkt, kyrkja, sentrum og vatnet. - Overflateparkering Bakgardane som utbyggingspotensiale. - Gravplassane. Korleis bryte dei ned som utrivelege barrierar. 16

17 FORTETTINGSMODELL. - Kva er riktig modell for Voss. - Høgder områder. - Tal berekna nye bustader med foreslag til konsept. NY BYGNINGSMASSE - INFILL / større ny masse? - Bustad / Næring - Mellomromma UNGDOMSKULE TOMTA. - Høgare utnytting /samlokalisering / fellesbruk - Eit overlappande program. «RURBAN BUSTADEN» - Bustad typologi. - korleis ser den ut? - Materialet tre. Historie og framtid? (innspel Formingsrettleiar) INFRASTRUKTUR. - Køyremønster. - Mjuke trafikantar. Sykkelvegar/gatesnitt. Kor kan ein få til sykkeltrase? FLAUM. - Handtering overflatevatn. - Korleis utforme 1.etasje for å bygge gateliv og skape opne aktive fasadar. - Grøntstruktur. Blå grøn meirverdi. - Nytenking rundt vatn/flaum (ressurs?). FRAMDRIFT AKTIVITET TIDSPUNKT MERKNAD Utlysing Muligheitstudie 8.august (v.32) 2018 Spørsmål v Sendast på mail til: Frist innlevering Tilbod 17.august (v.33) Kl Val av TEAM. 22.august (v.34) Oppstartmøte / Ope møte 30.september (v.35) På Voss Midtvegsseminar / Ope møte v På Voss Innlevering /ferdigstilling. 1.november (v.44) Presentasjon opent folkemøte 1.november(v.44) Utstilling muligheitsstudie. Oktober Midtvegsseminar November (v.45) Utstilling ferdige arbeid. elisabeth@lillegraven.no Sendast på mail til: elisabeth@lillegraven.no På Voss. Kommunen organiserer open folkemøte med tema rundt sentrumsutvikling på Voss. Kommunen stiller ut plansjar (ev modell). 17

18 HONORAR 2 team blir vald til å utføre muligheitsstudie. Kvart TEAM får kr ,- eks mva for gjennomføring av muligheitsstudie / innlevert material. Reiser er inkludert i honorar. KRITERIE / KRAV TIL INNSENDT MATERIAL (for prekvalifisering) MATERIAL MERKNAD VEKTING Oppgåveskildring. Legg ved ein kortfatta tekst 60 % Tankar rundt oppgåva. som beskriv korleis ein tenker rundt muligheitstudie på Voss. 2 3 Referanseprosjekt. Legg ved dei 2-3 mest relevante referanse prosjekta for muligheitsstudie på Voss. 20 % TEAM Personar som skal jobbe med muligheitsstudie for Voss. Legg ved ei liste med CV over kven som skal jobbe i dette prosjektet. 20 % På grunnlag av beskrive materialet over, vil det bli plukka ut 2 team. Kriterie for utvelgelse er vist under Vekting i tabellen over. 18

19 VEDLEGG - Konkurransegrunnlag. - Planprogram for ny sentrumsplan for Vossevangen pdf - DIVE- analyse for Voss sentrum. - Brukarundersøking «Rurale byrom på Voss». 19

20 Gjeldande planer. 20