Transkript

1 ULSTEIN KOMMUNE Møteinnkalling Utval: Ulstein formannskap Møtestad: Kommunestyresalen, Ulstein rådhus Dato: Tid: 14:00 Merk: Det vert med dette også kalla inn til eige møte i utvida formannskap som styringsgruppe for kommuneplanen (dette møtet vert halde først). Her skal arealdelen av kommuneplanen behandlast. Saksdokumenta er dei same som formannskapet får til behandling i saka. Desse saksdokumenta vert ettersende. Det vert også generalforsamling i Ulstein Fjernvarme AS. Sjå separate dokument Vi ber om at fråfall vert melde snarast råd til politisk sekretariat på e-post eller tlf / Medlemmer som er ugilde i ei sak vert bedne om å gi melding, slik at varamedlemmer kan kallast inn. Varamedlemmer som får saksdokumenta til orientering, får ei særskilt melding når dei skal møte. Møtet er ope for publikum, bortsett frå når det eventuelt skal behandlast saker som er unnatekne offentleg innsyn. Saksdokumenta er publiserte under «Politikk og val» på Dei kan lesast i servicetorget på rådhuset. 1

2 2

3 OFFENTLEG SAKLISTE Saksnr Tittel Arkivsaknr PS 17/60 GODKJENNING AV INNKALLING OG SAKLISTE PS 17/61 GODKJENNING AV PROTOKOLL FRÅ SISTE MØTE PS 17/62 MELDINGSSAKER RS 17/7 UNNATEKE OFFENTLEG INNSYN: OFFENTLEGLOVA 23.1 RAPPORT OM BYGGESAK ULSTEIN ARENA 2017/160 PS 17/63 UTTALE TIL RUTEENDRINGSPROSESSEN TIL 2017/1159 KOLLEKTIVTRAFIKKEN 2018 PS 17/64 NYTT SONINGSSENTER PÅ SUNNMØRE 2017/890 PS 17/65 NY REVISJON AV REGLEMENT FOR HANDEL UTANOM 2017/1414 FAST UTSALSSTAD FRÅ KOMMUNAL EIGEDOM I ULSTEINVIK Eventuelt Ulsteinvik, Knut Erik Engh ordførar Svein Arne Orvik møtesekretær 3

4 PS 17/60 GODKJENNING AV INNKALLING OG SAKLISTE PS 17/61 GODKJENNING AV PROTOKOLL FRÅ SISTE MØTE PS 17/62 MELDINGSSAKER 4

5 ULSTEIN KOMMUNE SAKSFRAMLEGG Sakshandsamar: Vegard Ertesvåg Arkivsak: 2017/1159 Løpenr.: 8620/2017 Utvalsaksnr. Utval Møtedato 17/63 Ulstein formannskap UTTALE TIL RUTEENDRINGSPROSESSEN TIL KOLLEKTIVTRAFIKKEN 2018 Saka gjeld: Møre og Romsdal fylkeskommune har bedt Ulstein kommune kome med ein uttale i høve den årlege ruteendringsprosessen og i tillegg kome med innspel på julerutene til ferja. Administrasjonen rår formannskapet til å jobbe vidare med Framflexx-ordninga, samt å kome med fleire nye innspel. Tilråding frå rådmannen: Ulstein formannskap sender følgande punkt som innspel til ruteendringsprosessen 2018 og innspel til julerutene til ferja: 1. Ulstein kommune ønsker å gå vidare med planlegginga av Framflexx. Formannskapet har ein intensjon om å få finansieringa av dette med i budsjett- og økonomiplan for

6 SAKSFRAMLEGG Saksfakta: Møre og Romsdal fylkeskommune har bedt Ulstein kommune kome med ein uttale i høve den årlege ruteendringsprosessen og i tillegg kome med innspel på julerutene til ferja. Vurderingar og konklusjon: Under førre ruteendringsprosess (FSK PS 16/74, den ) ønska formannskapet blant anna å innføre ordninga med Framflexx i Ulstein kommune. Dette har administrasjonen hatt møte om med ein representant frå samferdsleavdelinga i fylket. Der såg vi på ulike mulegheiter og løysingar. Nokre alternativ som vi ser på som aktuelle er å få til ein servicetransport rundt Dimna to gongar dagleg på dagtid. Dette tilbodet er det truleg flest eldre som vil nytte seg mest av, og det kan difor vere fordelaktig å sjå dette i tilknyting mot for eksempel tilbod i regi av Frivilligsentralen. Høddvoll er ein stor samlingsstad i kommunen, med fleire hundre menneske som er innom kvar dag. Veldig mange av desse er barn som blir køyrt av foreldre. Å etablere ei Framflexxrute som kan gå frå Høddvoll ned til sentrum og vidare til krinsane vil kunne gjere at biltrafikken i dette området minkar vesentleg. Avgangane bør vere kopla til når treningane er ferdige, og det bør vere minst to avgangar kvar kveld. Flexx natt er eit tilbod som blir i staden for «Trygt heim for ein 50-lapp», og bør etablerast med særleg tanke på at Bell ungdomsklubb stenger klokka på fredagar. Det vil også vere positivt med eit tilbod seinare på natta, natt til laurdag og natt til sundag. Busstilbodet på dagtid i helgene bør forbetrast, enten i form av Framflexx, eller faste ruter. Dette gjeld internt i kommunen, men også til og frå nabokommunane. Oppstart av Framflexx vil truleg ikkje bli før ved nyttår, sidan kommunen må ha dette inn på budsjett- og økonomiplanen. Ørsta kommune har Framflexx-ordninga, og dei har sett av kroner i budsjettet til dette. Ulstein bør truleg gå inn for det same. Ordninga er slik at kostnadane blir delt mellom fylkeskommunen og kommunen, og det blir berre betalt for dei turane som blir køyrt. Dersom det viser seg at ordninga blir lite brukt, vil det då også bli minimalt med kostnadar for kommunen. Administrasjonen viser elles til sak i formannskapet PS 16/74, den , for å sjå kva som var diskutert då: 1. Den nye ordninga med Framflexx som no er i prøveordning i blant anna Volda, Herøy og Haram, verker interessant og administrasjonen vil gjerne at den same ordninga skal kome til Ulstein også. Der kan brukarane på førehand seie i frå om dei ønsker transport, og dersom ingen melder i frå, blir ikkje ruta køyrt. Ordninga gjeld berre for nokre ruter, gjerne dei som går om kvelden og natta eller andre serviceruter. Du kan også bli henta eller køyrt direkte heim. 2. Det er eit ønske om betre korrespondanse mellom hurtigbåten og flybuss til/frå Vigra. 6

7 SAKSFRAMLEGG 3. Det totale rutetilbodet mellom Ytre Søre og Moa er mangelfullt. Det burde vore betre bussfrekvens frå Sulesund til Moa og sjukehuset, då ferja går oftare enn hurtigbåten og derfor kan vere meir attraktiv for fleire. 4. Når skulane tek ferie stoppar mykje av busstrafikken opp. Det er viktig at pendlarrutene går uansett, sånn at folk som brukar bussen kjem seg til og frå jobb. 5. Det kan vere interessant å prøve å auke frekvensen på Bakkebyruta, både på kveld og i helgene. Dette kan få folk i sentrumskrinsen til å skjønne at dei også kan bruke bussen til meir daglegdagse gjeremål. Enten dei skal ein tur for å handle, gå på kafé eller ha trening på Høddvoll. Det er då ein stor fordel at dette er bussar det går an å trille for eksempel barnevogner rett inn i. 6. Det er svært dårleg dekning til og frå krinsane på ettermiddag og kveld. Det kan godt tenkast at fleire kunne brukt bussen til ulike arrangement og treningar i fall frekvensen blei betre. 7. Nokre ruter kan gjerne bytte ut dei store bussane med mindre. Spesielt Bakkebyruta går ofte med heilt tomme eller nesten tomme bussar. 8. Det er eit stort gap i hurtigbåtruta mellom og frå Ålesund, som opplevast som trasig. Administrasjonen forstår at det er vanskeleg å gjere noko med dette, sidan mannskapet skal ha pause og ruta skal snuast. 9. Skuleskyssen opplevast som ustabil. Og i enkelte høve for treig, og det er heller ikkje alltid han kjem. Dette gjeld spesielt ruter som går til Flø, Runde, Årvik/Koparnes og Alme. Formannskapet står fritt til å ta med dei punkta frå lista, eller kome med fleire punkt i vedtaket som skal sendast til fylkeskommunen. Folkehelse- og miljøkonsekvensar: potensiell stor miljøgevinst dersom fleire tek buss i staden for å bruke bil. Økonomiske konsekvensar: dersom Framflexx blir innført, inneber dette ein eigenandel frå kommunen si side. Kommunen kan sjølv bestemme kva tilbod Framflexx skal ha, og derfor også kor mykje kommunen må betale. Det økonomiske bidraget frå kommunen vil ikkje bli over kroner. Beredskapsmessige konsekvensar: ingen kjente Lenke til meir informasjon: Vedlegg: 1 Ruteendringsprosessen Innspel frå kommunar og operatørar 2 Høyring på juleruter ferje - Innspel frå kommunar og operatørar 7

8 SAKSFRAMLEGG 3 Uttale til ruteendringsprosessen for kollektivtrafikken 2017 Verner Larsen rådmann Anita Sundnes kommunalsjef teknisk Dokumentet er elektronisk godkjent og har ingen signatur. 8

9 Møre og Romsdal fylkeskommune Ulstein kommune Postboks Ulsteinvik Dykkar ref: Dykkar dato: Vår ref: Vår saksbehandlar: Vår dato: 54589/2017 i Atle Ræstad, Ruteendringsprosessen Innspel frå kommunar og operatørar. Den årlege ruteendringsprosessen for ferje, hurtigbåt- og bussrutene vil starte i august Eventuelle endringar vil gjelde frå 1. mai Vi har framskynda prosessen og tidsplanen for å få gje dykkar litt betre tid til å behandle dette i dei politiske utvala, samt for å få ei god framdrift og eit godt sluttresultat. Dette mellom anna for å få levert rutehefta ut rettidig til 1.mai Fylkeskommunen har fått pålegg frå Samferdselsdept om at ruteinformasjon skal vere tilgjengeleg for kundane 4 månadar før ny ruteperiode, noko som i praksis betyr i midten av desember Kommunar og andre som ønskjer å gje innspel til prosessen blir no bedne om å kome med desse. Det er i denne prosessen viktig at kommunane involverer t.d. skular og trafikknemnder for også å få innspel derifrå. Innspela (buss, ferje og hurtigbåt) blir å sende samla, men spesifisert på kvart enkelt transportmiddel til Møre og Romsdal fylkeskommune v/samferdselsavdelinga, som vil formidle innspela til rette instans (rutebilselskap, rederi og/eller Statens vegvesen). I den grad kommunane har ønskje om ruteendringar, så er utgangspunktet at desse må finansierast innanfor eksisterande konomiske ramme. Fylkeskommunen har for tida avgrensa Økonomiske ressursar. Det er såleis ønskeleg at kommunane og andre har ei prioritering (kva er viktigast) i sine innspel. Eventuelle forslag til kutt i ruter/turar med dårleg belegg, vil styrke forslag til auke på ruter/turar der behovet er aukande. Forslag til ruteendringar som gjer korrespondansar betre vil bli prioritert. Vi ber om at innspel blir sendt oss innan 28.'uni For trans ortselska er fristen 11. au ust. Eventuelle innspel som kjem inn etter denne datoen vil ikkje bli tatt til følgje. Tidsfristen er viktig i ruteendringsprosessen 2018, for å få ein god og ryddig prosess, som vil ende opp i eit godt rutetilbod. Med helsing amt, im " til! /.. ' i JKl,. «',æ, I / Stig Helle Tautra seksjonsleiar At e Ræstad rådgivar Postadresse: Postboks 2500, 6404 Molde. Besøksadresse: Julsundvegen 9. Telefon: Telefaks: e post: post@mrfylke.no. 9

10 Ulstein kommune Postboks 143 Møre og Romsdal fylkeskommune 6067 Ulsteinvik Dykkar ref: Dykkar dato: Vår ref:, Vår saksbehandlar: Vår dato: * 55314/2017/N02! Atle Ræstad, Høyring på juleruter ferje - Innspel frå kommunar og operatørar. Møre og Romsdal fylkeskommune kjem her med forslag til rutetilbodet på ferjene i jule og nyttårshelga. Endringane vil gjelde frå jula Dette rutetilbodet er satt opp slik at ein får eit heilskapleg og tilnærma likt rutetilbod på alle ferjerutene våre, utifrå kva trafikkstatistikken har vist på kvar enkelt rute i 2014 og Dette medfører eit styrka tilbod på enkelte ruter, mens andre får eit svekka tilbod. Sjølv om enkelte ruter får eit svekka tilbod, så blir det då mykje meir føreseieleg for alle reisande, samtidig som at det er tilpassa reisemønstra og reisemengda på desse dagane. Kommunar og andre som ønskjer å gje innspel til forslaget på juleruter blir no bedne om å kome med desse. Det er i denne prosessen viktig at kommunane involverer t.d. pendlarar og trafikknemnder for også å få innspel derifrå. Innspela blirå sende samla, men spesifisert til Møre og Romsdal fylkeskommune v/samferdselsavdelinga, som vil handsame kvart enkelt for å sjå om det må gjerast tilpassingar i rutetilbodet som ligg i forslaget. Det er mellom anna endra på rutetilbodet på ruter som har hatt kvardagstilbod eller ordinært rutetilbod på jule og nyttårsaftan til laurdagstilbod. Ruter som har hatt eit ordinært søndagsrutetilbod på 1.juledag, 2.juledag og 1.nyttårsdag får nå eit søndagsrutetilbod med seinare oppstart og tidlegare stenging. Vi ber om at innspel blir sendt oss innan 28.'uni Eventuelle innspel som kjem inn etter denne datoen vil ikkje bli tatt til følgje. Dette for å ha ein god og ryddig prosess, som vil ende opp i eit godt rutetilbod i jula Med helsing Stig Helle Tautra seksjonsleiar Atle Ræstad rådgivar Dokumentet er elektronisk godkjent og krev derfor ikkje signatur Postadresse: Postboks 2500, 6404 Molde. Besøksadresse: Julsundvegen 9. Telefon: OO. Telefaks e post: post@mrfylke.no. 10

11 ULSTEIN KOMMUNE SAKSFRAMLEGG Sakshandsamar: Vegard Ertesvåg Arkivsak: 2016/593 Løpenr.: 8491/2016 Utvalsaksnr. Utval Møtedato Ulstein formannskap Saka gjeld: UTTALE TIL RUTEENDRINGSPROSESSEN FOR KOLLEKTIVTRAFIKKEN 2017 Tilråding frå Rådmannen: Ulstein formannskap har følgande innspel til Møre og Romsdal fylkeskommune i forbindelse med høyringsrunda til ruteendringsprosessen 2017: 1. Betre korrespondanse mellom hurtigbåten og flybuss til/frå Vigra. 2. Det totale rutetilbodet mellom Ytre Søre og Moa er mangelfullt. 3. Den nye ordninga med Framflexx verkar interessant og formannskapet ønskjer ordninga innført også i Ulstein. 4. La pendlarrutene gå sjølv om skulen tek ferie. 5. Frekvensen på Bakkebyruta bør aukast, både om kveldane og i helgane. 6. Det er svært dårleg bussdekning til og frå krinsane på ettermiddag og kveld. 7. Nokre ruter kan gjerne bytte ut dei store bussane med mindre materiell. 8. Det er eit stort gap i hurtigbåtruta mellom og som opplevast som trasig. 9. Stabiliteten på skuleskyssen til og frå Ulstein vidaregåande skule bør betrast. 11

12 SAKSFRAMLEGG Saksfakta: Vedlegg: 1 Ruteendringsprosessen Innspel frå kommunar og operatørar Kommunen har motteke eit skriv frå Møre og Romsdal fylkeskommune om ein pågåande høyringsprosess angåande kollektivtilbodet. Der blei kommunen invitert til å kome med ein uttale om dagens tilbod, og kva vi eventuelt ønsker endra. På oppfordring frå ordføraren har det blitt halde eit møte med representantar frå Mafoss, Ulstein vidaregåande skule, ungdomsrådet og administrasjonen i teknisk etat. På møtet blei det diskutert rundt emne som rutetider, korrespondanse, materiell og frekvens i dagens kollektivtilbod. Vurderingar og konklusjon: Møtet kom i fellesskap fram til desse punkta som vi ønsker å sende inn til Møre og Romsdal fylkeskommune: 1. Det er eit ønske om betre korrespondanse mellom hurtigbåten og flybuss til/frå Vigra. 2. Det totale rutetilbodet mellom Ytre Søre og Moa er mangelfullt. Det burde vore betre bussfrekvens frå Sulesund til Moa og sjukehuset, då ferja går oftare enn hurtigbåten og derfor kan vere meir attraktiv for fleire. 3. Den nye ordninga med Framflexx som no er i prøveordning i blant anna Volda, Herøy og Haram, verker interessant og administrasjonen vil gjerne at den same ordninga skal kome til Ulstein også. Der kan brukarane på førehand seie i frå om dei ønsker transport, og dersom ingen melder i frå, blir ikkje ruta køyrt. Ordninga gjeld berre for nokre ruter, gjerne dei som går om kvelden og natta eller andre serviceruter. Du kan også bli henta eller køyrt direkte heim. 4. Når skulane tek ferie stoppar mykje av busstrafikken opp. Det er viktig at pendlarrutene går uansett, sånn at folk som brukar bussen kjem seg til og frå jobb. 5. Det kan vere interessant å prøve å auke frekvensen på Bakkebyruta, både på kveld og i helgene. Dette kan få folk i sentrumskrinsen til å skjønne at dei også kan bruke bussen til meir daglegdagse gjeremål. Enten dei skal ein tur for å handle, gå på kafé eller ha trening på Høddvoll. Det er då ein stor fordel at dette er bussar det går an å trille for eksempel barnevogner rett inn i. 6. Det er svært dårleg dekning til og frå krinsane på ettermiddag og kveld. Det kan godt tenkast at fleire kunne brukt bussen til ulike arrangement og treningar i fall frekvensen blei betre. 7. Nokre ruter kan gjerne bytte ut dei store bussane med mindre. Spesielt Bakkebyruta går ofte med heilt tomme eller nesten tomme seter. 12

13 SAKSFRAMLEGG 8. Det er eit stort gap i hurtigbåtruta mellom og frå Ålesund, som opplevast som trasig. Administrasjonen forstår at det er vanskeleg å gjere noko med dette, sidan mannskapet skal ha pause og ruta skal snuast. 9. Skuleskyssen opplevast som ustabil. Og i enkelte høve for treig, og det er heller ikkje alltid han kjem. Dette gjeld spesielt ruter som går til Flø, Runde, Årvik/Koparnes og Alme. Dette er ulike punkt som administrasjonen meiner kan medverke til å gjere kollektivtransporten betre for Ulstein og nærliggande kommunar. Administrasjonen vil rå formannskapet til å sende denne lista, eventuelt med fleire punkt eller endringar i prioriteringa, til fylkeskommunen innan fristen 3. juli. Folkehelse- og miljøkonsekvensar: Betre for miljøet om fleire tek buss i staden for å bruke eigen bil. Økonomiske konsekvensar: Ingen kjente. Beredskapsmessige konsekvensar: Ingen kjente Einar Vik Arset rådmann Arne Runar Vik kommunalsjef teknisk Dokumentet er elektronisk godkjent og har ingen signatur. 13

14 ULSTEIN KOMMUNE SAKSFRAMLEGG Sakshandsamar: Svein Arne Orvik Arkivsak: 2017/890 Løpenr.: 8776/2017 Utvalsaksnr. Utval Møtedato 17/64 Ulstein formannskap NYTT SONINGSSENTER PÅ SUNNMØRE Saka gjeld: Fleire kommunar har teke politiske initiativ for å få bygd eit nytt soningssenter på Sunnmøre så snart som råd. Ordføraren tilrår at Ulstein formannskap gjer det same, og sender fråsegna si til Justisdepartementet og partia på Stortinget. Tilråding frå ordføraren: Ulstein formannskap sluttar seg til det vedlagde utkastet til fråsegn. Fråsegna vert sendt til Justisdepartementet og partia på Stortinget. 14

15 SAKSFRAMLEGG Saksfakta: Ålesund og Skodje kommunar har vedteke politiske fråsegner med krav om at arbeidet med å erstatte Ålesund fengsel vert sett i gang snarast. Utkastet til uttale frå Ulstein formannskapet bygger på fråsegna Skodje kommunestyre har gitt om saka. Vurderingar og konklusjon: Ved at fleire kommunar tek politiske initiativ i saka, vil ho få større merksemd i storting og regjering. Folkehelse- og miljøkonsekvensar: ingen kjende Økonomiske konsekvensar: ingen kjende Beredskapsmessige konsekvensar: ingen kjende Lenke til meir informasjon: Vedlegg: 1 Utkast til fråsegn frå Ulstein formannskap Knut Erik Engh ordførar Svein Arne Orvik politisk sekretær Dokumentet er elektronisk godkjent og har ingen signatur. 15

16 [Utkast til fråsegn frå Ulstein formannskap] Krev nytt soningssenter på Sunnmøre Ulstein formannskap krev at arbeidet med å erstatte Ålesund fengsel vert sett i gang snarast. Dagens bygningsmasse er over 150 år og ikkje egna for straffegjennomføring etter dagens krav til god kriminalomsorg. Ulstein formannskap meiner situasjonen er uakseptabel og at drifta må avviklast snarast. Lokala gir svært avgrensa moglegheiter for sosialisering, programverksemd og utdanning. Bygget manglar fellesskapsrom og luftegarden gir ikkje høve til fysisk aktivitet. Besøksfasilitetane er ueigna til å ta imot besøk av familie og born. Bygget er plassert midt i sentrum, og inngangspartiet ligg tett opp til ei av byen sine mest trafikkerte gater der besøkande blir tvungne til å «stå på utstilling» før dei slepp inn. Plasseringa er uforsvarlig med tanke på tryggleiken. Bustadar, forretningar og kontorbygg ligg så nært at det er innsyn til korridorar, mot cellene og inn i luftegarden. Det er stor risiko for smugling av mellom anna narkotika frå fortauet. Det er også enkelt å kommunisere med personar utafor, både gjennom cellevindauga og den opne luftegarden. Underdekninga i fengselskapasitet på Sunnmøre er betydeleg. Kapasiteten er i dag på 17 plassar pr innbyggarar, landsgjennomsnittet er 75 plasser. Manglande kapasitet fører til praktiske utfordringar og svært ufornuftig ressursbruk mellom anna til transport. Kapasitetsmangelen fører også til at politiet i nokre tilfelle vert tvinga til å droppe varetektsfengsling. Kommunane på Sunnmøre er einige om at eit nytt soningssenter skal leggast på Digerneset, og reguleringsarbeidet er i gang. Det ligg også føre ei skisse til konsept for eit Sonings- og kompetansesenter der ein får ei fleksibel soning frå høgaste sikkerheit til soning i samfunnet. Ulstein formannskap er kjent med at det skal utarbeidast ein KVU for Vestlandet, og at dette arbeidet skal startast opp 2. halvår Ulstein formannskap meiner at dei vesentlige manglane ved eksisterande fengselsbygg kombinert med den betydelige underdekninga for Sunnmøre bør gi grunnlag for å starte planlegging av nytt soningssenter før KVU-en ligg føre. Her viser vi til følgande sitat: I eit brev til Justisdepartementet datert konkluderte regiondirektør Per S. Våge med følgande: 16

17 «Vår konklusjon er at dagens drift i sentrum av Ålesund bør avvikles snarest. Behovet er stort for å starte for nybygg, primært med inkorporering av friomsorgen» Kriminalomsorga si sentrale forvaltning (KSF) konkluderer i sin Kapasitetsplan fra 2012 med følgande: «Dagens fengsel i Ålesund er i bygningsmessig lite tilfredsstillende stand og bør avvikles. KSF vurderer at det bør være fengselskapasitet i Ålesunds-området på grunn av befolkningsstørrelsen. Det vurderes at det er for lange avstander mellom fengslene i dette området til at kapasiteten i Ålesundsområdet kan erstattes ved andre fengsler, herunder Hustad. Det foreslås å utrede etablering av ny kapasitet i Ålesunds-området som består i samlokalisering av soningssenter, friomsorg og overgangsbolig.» I samband med behandling av stortingsmelding om kapasitet i kriminalomsorga i 2015 vedtok justiskomiteen denne merknaden: «Når det gjelder eksisterende fengselsbygg, vil komiteen spesielt peke på fengselsbyggene i Ålesund og Haugesund. Disse fengslene er pusset opp, og man har gjort det beste ut av en vanskelig situasjon, men komiteen mener tiden er inne for å erstatte dagens bygg med nye. Komiteen ber derfor regjeringen vektlegge disse to fengslene når arbeidet med å planlegge utfasing av gamle fengsler starter, slik at forholdene endres og blir bedre for alle involverte. Sett i lys av befolkningsgrunnlaget og store utgifter til transport mener komiteen at det er naturlig at Ålesund og Haugesund prioriteres.» Ulstein formannskap ber Stortinget og Regjeringa syte for at det vert bevilga pengar til planlegging av nytt soningssenter på Sunnmøre over statsbudsjettet for Ulsteinvik,

18 ULSTEIN KOMMUNE SAKSFRAMLEGG Sakshandsamar: Ingunn Hestnes Arkivsak: 2017/1414 Løpenr.: 8482/2017 Utvalsaksnr. Utval Møtedato 17/65 Ulstein formannskap NY REVISJON AV REGLEMENT FOR HANDEL UTANOM FAST UTSALSSTAD FRÅ KOMMUNAL EIGEDOM I ULSTEINVIK Saka gjeld: Under festivalar og ved andre arrangement i sentrum har ein sett ein auke i talet på boder/ telt som sel mat utanom fast serveringsstad. Denne verksemda har utvikla seg frå å vere av meir tilfeldig karakter til ei regelmessig verksemd, noko som gjer at krava i serveringslova om mellom anna serveringsløyve og krav til etablerarprøve gjeld. Rådmannen tilrår difor at det vert gjort mindre endringar og presiseringar i reglementet for handel utanom fast utsalsstad frå kommunal eigedom i Ulstein kommune for å løfte fram krava i lovverket. Tilråding frå rådmannen: 1. Presiseringar knytt til krav om serveringsløyve og krav til forsikring/ gyldig forsikringsbevis vert innarbeidd i Ulstein kommune sitt reglement av for handel utanom fast utsalsstad frå kommunal eigedom i Ulsteinvik. 2. Ulstein formannskap gjer vedtak om at utkastet til endringar i reglement for handel utanom fast utsalsstad vert lagt ut til nytt offentleg ettersyn i tre veker før handsaming i kommunestyret. 18

19 SAKSFRAMLEGG Saksfakta: Ulstein formannskap vedtok den i sak PS 17/36 at utkast til endringar i reglementet for handel utanom fast utsalsstad frå kommunal eigedom knytt til forbod mot våpenkopiar og legaliseringssymbol m.m. vart lagt ut på høyring før handsaming i kommunestyret. I etterkant av Smak av Ulstein vurderer administrasjonen at det er naudsynt med ytterlegare endringar og presiseringar i regelverket for handel på kommunal grunn. Under festivalar og ved andre arrangement i sentrum har ein sett ein auke i talet på boder/ telt som sel mat utanom fast serveringsstad. Denne verksemda har utvikla seg frå å vere av meir tilfeldig karakter til ei regelmessig verksemd. Dette inneber at krava i serveringslova om mellom anna serveringsløyve og etablerarprøve gjeld. Det følgjer av 2 i lov om «Lov om serveringsvirksomhet (serveringsloven)» at denne gjeld: «etablering og drift av alle serveringssteder der det foregår servering av mat og/eller drikke og hvor forholdene ligger til rette for fortæring på stedet.» Lova sine føresegner gjeld berre for servering som skjer i næring, jf. 2 første ledd bokstav a), og gjeld ikkje for serveringsstader som vert drive av lag, foreiningar o l, der formålet med serveringa utelukkande er å skaffe inntekter til drift av laget, foreininga o l. jf. 2 første ledd, bokstav g. Det går fram av forarbeida til lova (Ot.prp. nr. 55 ( ) s 76) at lovgjevar med omgrepet "næring" meiner at drifta av ein serveringsstad må vere forretningsmessig organisert, ha eit visst preg av offentlegheit og regelmessigheit for å kome inn under virkeområdet. Når det gjeld unntaket for lag, foreiningar m.m. uttalar forarbeida (Ot.prp. nr. 55 ( ) s 77) at: «Det som kjennetegner denne type virksomhet er at serveringen ofte drives av ulønnet arbeidskraft (foreningens medlemmer) og at serveringen først og fremst er beregnet på foreningens egne medlemmer samt tilskuere ved ulike arrangementer. Foreningens primære formål er et helt annet enn å drive serveringsvirksomhet, og på bakgrunn av virksomhetens karakter vil det virke urimelig om den skal omfattes av serveringsloven. Det absolutte kravet om at inntekten utelukkende må gå til selve driften av laget, foreningen o l setter en grense for de tilfeller der serveringsvirksomheten får et større omfang og inntektene brukes til å finansiere tiltak i regi av foreningen, laget e l. I slike tilfeller faller virksomheten innenfor lovens virkeområde.» Det følgjer av serveringslova at den som 3 og 5 at verksemder som er omfatta av lova må søke serveringsbevilling og at dagleg leiar må ha gjennomført etablerarprøve. Saman med søknaden om serveringsløyve skal det mellom anna leggast ved skatteattest. Formålet med dette er å få dokumentert søkar sin vandel, derunder om det er betalt skatt og avgifter. Før kommunen gir løyve skal vidare det innhentast uttale frå politiet, og kommunen kan innhente uttale frå andre offentlege instansar som til dømes skattemyndigheitene. I Ulstein kommune sitt reglement av for handel utanom fast utsalsstad frå kommunal eigedom i Ulsteinvik, går det fram av punkt 6.1 at: 19

20 SAKSFRAMLEGG «Omsetjing frå kommunale areal skal skje etter dei til ei kvar tid gjeldande lover og forskrifter som gjeld for vedkomande handel. For eksempel skal sal av næringsmiddel meldast til Mattilsynet, sal av brukte og kasserte ting krev løyve frå Politiet, og etablering av serveringsstad krev serveringsløyve frå kommunen.» Etter gjeldande reglement har kommunen/ festivalarrangør heimel til å krevje at dei som leiger torgplass legg fram dokumentasjon på naudsynte løyver, derunder serveringsløyve. Det er ikkje presisert i regelverket at dei som leiger kommunal grunn pliktar å ha naudsynt forsikring, og legge fram dokumentasjon på dette. Det er viktig å sikre at til dømes tivoli og andre verksemder som inneber risiko for skade har naudsynte forsikringar, i tillegg til andre offentlege løyve. Ting tyder på at korkje kommunen, eller festivalarrangørar har praksis for å krevje dokumentasjon på at alle løyve/ forsikringar er på plass, før ein leiger/ framleiger kommunal grunn. Dette kan mellom anna skuldast at det ikkje går uttrykkelge fram av reglementet at krav til serveringsløyve også gjeld for midlertidige boder/ telt/ vogner, som driv matservering i næring. Når det gjeld handhevinga av serveringslova, so er det er politiet som har mynde til å stenge serveringsstader som manglar serveringsløyve, eller som fortset å drive ein serveringsstad etter at eit slikt løyve er suspendert eller tilbakekalla av kommunen, jf. serveringslova 20. Vurderingar og konklusjon: Administrasjonen vurderer at det er naudsynt med ein betre kontroll av dei aktørane som ynskjer å leige kommunal grunn, for å hindre at useriøse aktørar etablerer midlertidige serveringsstader, samstundes som ein ivaretek andre serveringsstader sine interesser. Reglementet for handel utanom fast utsalsstad frå kommunal eigedom i Ulsteinvik gjeld for heile sentrum, men omfattar ikkje privat grunn. Ansvaret for å handheve gjeldande lover og forskrifter ovanfor leigetakarar på privat grunn ligg soleis på privat grunneigar. Ved å presisere og ta inn krav om serveringsløyve, forsikring og krav om særskilt løyve for sal av nattmat i det kommunale reglementet, vert det kjent på ein føreseieleg måte kva som krevst for å få leige kommunal grunn. Eit klårare regelverk sikrar og at søknadar om leige vert handsama likt, og at festivalarrangører som framleiger areal stiller dei sama krava til leigetakar som kommunen. Rådmannen tilrår difor at ein i tillegg til endringane knytt til forbod mot våpenkopiar og legaliseringssymbol, gjer ovannemnde endringar i Ulstein kommune sitt reglement for handel utanom fast utsalsstad. Dersom ein sender endringsforslaget ut på offentleg høyring i juni/ juli, kan kommunestyret handsame alle dei føreslegne endringane i reglementet samla i september. Folkehelse- og miljøkonsekvensar: ingen kjende Økonomiske konsekvensar: ein vil få betre kontroll med verksemdene ein leiger ut til og på den måte førebyggje at useriøse aktørar konkurrerer på ulike vilkår med seriøse verksemder. Ved at ein skjerpar praksis vil enkelte aktørar som tidlegare har fått leigd grunn risikere å få avslag på søknad om leige, og tape omsetning. 20

21 SAKSFRAMLEGG Beredskapsmessige konsekvensar: ingen kjende Lenke til meir informasjon: Serveringslova Verner Larsen rådmann Ingunn Hestnes jurist Dokumentet er elektronisk godkjent og har ingen signatur. 21

22 UTKAST TIL ENDRING AV REGLEMENT FASTSETT AV ULSTEIN KOMMUNESTYRE DEN FOR HANDEL UTANOM FAST UTSTALSSTAD FRÅ KOMMUNAL EIGEDOM I ULSTEINVIK Kapittel 4 nytt avsnitt 4.8 skal lyde: «4.8. Søkjar pliktar å ha forsikring tilpassa verksemda sin art, og skal saman med søknaden legge fram gyldig forsikringsbevis.» Kapittel 5 nytt avsnitt 5.6 skal lyde: «Sal av nattmat utover ordinær opningstid, krev særskilt løyve.» Eksisterande kapittel 6, avsnitt 6.1 vert erstatta av følgande: «Omsetjing frå kommunale areal skal skje etter dei til ei kvar tid gjeldande lover og forskrifter som gjeld for vedkomande handel. For eksempel skal sal av næringsmiddel meldast til Mattilsynet, sal av brukte og kasserte ting krev løyve frå Politiet, og etablering av serveringsstad krev serveringsløyve frå kommunen. Sal frå vogner/serveringsstasjoner/boder som omfattar kommersielt sal av mat (pølser, grillspyd, vafler og liknande) der maten blir bydd fram til fortæring på staden krev og serveringsløyve frå kommunen. Bakevarer og bearbeidde landbruksprodukt som saft, syltetøy, ost og liknande, krev berre registrering hjå Mattilsynet.» Kapittel 6 nytt avsnitt 6.4 skal lyde: «Det er ikkje tillate å marknadsføre eller selje våpen, softgun, våpenliknande replika, eller anna valdsrelatert utstyr.» Kapittel 6 nytt avsnitt 6.5 skal lyde: «Det er ikkje tillate å marknadsføre eller selje utstyr til bruk av ulovlege rusmiddel. Det er heller ikkje tillate å selje klede eller effektar med tydelege legaliseringssymbol av ulovlege rusmiddel.» Eksisterande avsnitt 6.4 vert nytt avsnitt 6.6. Kapittel 11 nytt avsnitt 11.5 skal lyde: «Ved framleige pliktar aktør/ arrangør å gjere leigetakar kjend med dette reglementet og skal sjå til at leigetakar overheld føresegnene i dette reglementet. Ved brot på reglementet skal leigetakar straks bortvisast. Bortvisinga skal vere skriftleg og grunngjeven. Kopi av melding om bortvising skal sendast til kommunen. Brot på norsk lov skal straks meldast til politiet.» 22

23 UTKAST TIL ENDRING AV REGLEMENT FOR HANDEL UTANOM FAST UTSTALSSTAD FRÅ KOMMUNAL EIGEDOM I ULSTEINVIK Fastsett av Ulstein kommunestyre den Kapittel 1 - Føremål 1.1. Ulsteinvik sentrum skal vere eit sterkt lokalt og regionalt senter for handel, service og kultur, med ein triveleg og tenleg bykjerne. Ulstein kommune ser på handel utanom fast utsalsstad som eit positivt verkemiddel for å nå denne målsettinga, i samspel med anna etablert næringsverksemd. Kapittel 2 Verkeområde 2.1. Handel utanom fast utsalsstad frå kommunal eigedom i Ulsteinvik skal som hovudregel skje på kommunale plassar som er regulert til torg og i tråd med dette reglement. Kapittel 3 - Areal for handel utanom fast utsalsstad 3.1. I Ulstein kommune er følgjande kommunale areal godkjent for handel utanom fast utsalsstad: 3.2. Område R: Ved rådhuset 5 plassar ca. 5x7 meter. 23

24 Side 2 av Område KA: Ved kulturallmenningen 5 plassar ca. 8x6,2 meter 3.4. Område B: Ved blåhuset 4-5 plassar etter avtale 3.5. Når særlege tilhøve gjer det ønskjeleg, kan kommunen også stille andre kommunale areal til disposisjon til bruk for handel, arrangement o.l. Dette gjeld først og fremst: Område KB: Ved kulturallmenningen 5 plassar ca. 11x6,2 meter, og resten av parkeringsarealet på kulturallmenningen. 24

25 Side 3 av 6 Kapittel 4 Søknad 4.1. Salsplass vert berre tildelt etter søknad, både for enkeltplassar og i samband med arrangement.søkjar skal i søknaden gjere greie for tidsrom for handelen, salsvarer, korleis arealet er tenkt brukt og arealbehov Det er ikkje høve til å søkje om å disponere torg eller anna kommunalt areal for å stengje andre ute Søkjar må sjølv sørgje for at søknad vert sett fram i rimeleg tid før vedkomande handel er planlagt Det må søkjast spesielt for leige av plass på 17. mai, og søknaden må som hovudregel setjast fram innan 1. mai Rådmannen kan avgjere at handel frå kommunalt areal den 17. mai skal vere prioritert, eller avgrensa til frivillige og allmennyttige institusjonar og organisasjonar Ansvarleg søkjar må vere myndig Søkjar pliktar å ha forsikring tilpassa verksemda sin art, og skal saman med søknaden legge fram gyldig forsikringsbevis. Kapittel 5 - Løyve 5.1. Alle som skal drive handel utanom fast utsalsstad frå kommunale areal i Ulsteinvik må ha løyve frå Servicetorget i Ulstein kommune Løyve kan som hovudregel gjevast for inntil 1 ein månad om gongen Ingen kan ta i bruk heile eller delar av ein annan torgplass enn den plass løyvet er gitt for, sjølv om den andre plassen er ledig Løyvet/salsplassen kan ikkje overdragast eller framleigast til andre Ulstein kommune kan gjere endringar i eller trekkje tilbake utstedt løyve Sal av nattmat utover ordinær opningstid, krev særskilt løyve. Kapittel 6 - Reglar vedkomande handelen 6.1 Omsetjing frå kommunale areal skal skje etter dei til ei kvar tid gjeldande lover og forskrifter som gjeld for vedkomande handel. For eksempel skal sal av næringsmiddel meldast til Mattilsynet, sal av brukte og kasserte ting krev løyve frå Politiet, og etablering av serveringsstad krev serveringsløyve frå kommunen. Sal frå vogner/serveringsstasjoner/boder som omfattar kommersielt sal av mat (pølser, grillspyd, vafler og liknande) der maten blir bydd fram til fortæring på staden krev og serveringsløyve frå kommunen. Bakevarer og bearbeidde landbruksprodukt som saft, syltetøy, ost og liknande, krev berre registrering hjå Mattilsynet. 25

26 Side 4 av Eventuelt behov for trafikkregulering som følgje av handelen skal godkjennast av kommunen. 6.3 Det skal ikkje seljast produkt som er eigna til å tilgrise sentrum. 6.4 Det er ikkje tillate å marknadsføre eller selje våpen, softgun, våpenliknande replika, eller anna valdsrelatert utstyr Det er ikkje tillate å marknadsføre eller selje utstyr til bruk av ulovlege rusmiddel. Det er heller ikkje tillate å selje klede eller effektar med tydelege legaliseringssymbol av ulovlege rusmiddel. 6.6 Søkjar skal inneha nødvendige løyve for vedkomande handel før tildelt torgplass vert tatt i bruk. 6.4 Kapittel 7 - Torgavgift 7.1 Alle som skal drive handel utanom fast utsalsstad frå kommunale areal i Ulsteinvik må betale torgavgift. 7.2 Torgavgifta skal betalast etter følgjande satsar: Leigetid Enkeltplass Straum Døgn kr 100,- kr 50,- Veke (måndag laurdag) kr 500,- kr 250,- Månad kr 1500,- kr 750,- 7.3 Frivillige og allmennyttige institusjonar, lag og organisasjonar får nytte torgplassane vederlagsfritt. 7.4 Torgavgifta vert ikkje tilbakebetalt dersom torgplassen ikkje vert nytta. 7.5 Kvittering på betalt torgavgift skal ved førespurnad visast fram til kommunen sin representant. Kapittel 8 - Tidspunkt for handel utanom fast utsalsstad 8.1. Handel skal som hovudregel skje i tidsromet: Måndag til laurdag: frå kl til kl mai og 17. mai: frå kl til kl Påske-, pinse-, jule- og nyttårsaftan: frå kl til kl Søndagar og andre offentlege helgedagar: stengt 8.2. Når særlege tilhøve gjer det ønskjeleg, kan rådmannen enkelte dagar innskrenke/forlenge tidsromet for handel eller heilt forby handel Ingen må setje fram varer tidlegare enn ein halv time før gjeldande tidspunkt for handel. 26

27 Side 5 av 6 Kapittel 9 - Aktiv handel 9.1. Det er plikt til å drive aktiv handel på torgplassen i den perioden løyvet gjeld for Tildelt plass som ikkje er teke i bruk før klokka den dagen handelen skal gå føre seg, kan tildelast andre Plass tildelt for lengre tidsrom enn ein dag må takast i bruk den fyrste dagen i perioden løyvet gjeld for. Om det ikkje er mogeleg, skal det meldast frå til Servicetorget i løpet av fyrste dag. Om det ikkje vert meldt i frå, kan plassen tildelast andre for heile eller delar av den reserverte perioden. Kapittel 10 Reinhald og orden 10.1 Den som brukar torgplassen må halde plassen rein og ryddig i salstida og forlate plassen reingjort og fri for avfall Innan ein time etter stengetid skal alle varer, bord, plakatar, avfall, køyretøy og liknande vere fjerna frå torget. Salsvogner og telt kan likevel bli ståande dersom det er leigd plass for fleire påfølgjande dagar Ingen må hindre tilkomsten til kommunale torgplassar Køyretøy som ikkje nyttast som salsbod skal ikkje parkere på torgplassen Torghandlar må sikre at telt og liknande vert forsvarleg oppsett, for eksempel ved bruk av betonglodd tilpassa for dette føremål. Betonglodd kan på førespurnad lånast av kommunen Torghandlar må ikkje bolte fast telt og liknande i asfalt, heller m.m. Kapittel 11 - Festivalar, arrangement og liknande Dette reglementet skal regulere tilhøvet mellom kommunen og arrangør ved festivalar, arrangement og liknande så langt reglane er høvelege for dette føremål, men då med dei særskilte føresegnene som går fram av kapitlet her I høve festivalar, arrangement og liknande kan offentleg areal verte stilt til disposisjon for ein eller fleire aktørar/arrangørar, for framleige Aktør/arrangør har høve til å nytte andre leigesatsar for vidareutleige ved festivalar og arrangement Aktør/arrangør har høve til drive handel på søndagar Ved framleige pliktar aktør/ arrangør å gjere leigetakar kjend med dette reglementet og skal sjå til at leigetakar overheld føresegnene i dette reglementet. Ved brot på reglementet skal leigetakar straks bortvisast. Bortvisinga skal vere skriftleg og grunngjeven. Kopi av melding om bortvising skal sendast til kommunen. Brot på norsk lov skal straks meldast til politiet. 27

28 Side 6 av 6 Kapittel 12 Sanksjonar 12.1 Den som ikkje rettar seg etter dette reglementet kan visast vekk, og ved gjentaking nektast leige av plass for kortare eller lengre tid. Bortvisinga skal vere skriftleg og grunngjeven Dersom kommunen pådreg seg kostnader som følgje av at den som driv handel ikkje rettar seg etter dette reglementet, kan kommunen krevje kostnaden dekkja av den som driv handel. Kapittel 13 Mynde 13.1 Rådmannen vert delegert mynde til å treffe avgjerder etter dette reglementet. 28

29 ULSTEIN KOMMUNE SAKSFRAMLEGG Sakshandsamar: Ingunn Hestnes Arkivsak: 2017/1010 Løpenr.: 5290/2017 Utvalsaksnr. Utval Møtedato Levekårsutvalet Teknisk utval Ulstein formannskap Ulstein kommunestyre SALS- OG MARKNADSFØRINGSFORBOD MOT VÅPENKOPIAR, ANNA VALDSRELATERT UTSTYR OG LEGALISERINGSSYMBOL - OVERSENDINGSFRAMLEGG FRÅ ULSTEIN ARBEIDARPARTI Saka gjeld: Ulstein kommunestyre og Ulstein formannskap handsama i juni 2016 eit oversendingsframlegg frå Ulstein Arbeidarparti om å forby mellom anna omsetjing av og reklame for våpenkopiar, anna valdsrelatert utstyr, utstyr til bruk av ulovlege rusmiddel og effektar med tydelege legaliseringssymbol på kommunal grunn. Rådmannen tilrår at eit slikt sals- og reklameforbod vert innarbeidd i Ulstein kommune sitt reglement av for handel utanom fast utsalsstad frå kommunal eigedom i Ulsteinvik. Tilråding frå rådmannen: 1. Eit sals- og reklameforbod for mellom anna våpenkopiar, anna valdsrelatert utstyr, utstyr til bruk av ulovlege rusmiddel og effektar med tydelege legaliseringssymbol, vert innarbeidd i Ulstein kommune sitt reglement av for handel utanom fast utsalsstad frå kommunal eigedom i Ulsteinvik. 2. Ulstein kommunestyre godkjenner endringar i reglement for handel utanom fast utsalsstad. 3. Ulstein formannskap gjer vedtak om at utkastet til endringar i reglement for handel utanom fast utsalsstad vert lagt ut til offentleg ettersyn i tre veker før handsaming i kommunestyret. 29

30 SAKSFRAMLEGG Saksfakta: I Ulstein kommunestyre den vart eit oversendingsframlegg frå Ulstein Arbeidarparti med følgjande ordlyd handsama og samrøystes vedteke: «Ulstein kommunestyre ber formannskapet vurdere å innføre å gjere fylgjande vedtak: Framlegg til vedtak: Ulstein kommune har nulltoleranse for ulovlege rusmiddel og vil aktivt hindre omsetting av våpenkopiar og anna valdsrelatert utstyr. All bruk, oppbevaring og omsetting av ulovlege rusmiddel, sal og marknadsføring av effektar med tydelege legaliseringssymbol, utstyr til bruk av ulovlege rusmiddel, vil medføre bortvising frå kommunal eigedom og umiddelbar rapportering til politiet og politimelding. Det vert innført forbod mot omsetting av og reklame for våpenkopiar og anna som oppfordrar til vald på kommunal eigedom eller område disponert av kommunen. Ulstein kommune vil aktivt samarbeide med politiet.» Ulstein formannskap gjorde den følgjande vedtak: «Ulstein formannskap ber administrasjonen arbeide vidare med oversendingsframlegget i samråd med politiet og legge saka fram for formannskapet.» Vurderingar og konklusjon: I den grad kommunen kan regulere eit sal- og marknadsføringsforbod må dette skje gjennom regulering av bruk av kommunal eigedom/ grunn, eller gjennom politivedtektene. Kommunen kan som eigar bestemme over bruken av offentleg eigedom og korleis denne skal disponerast, derunder kommersiell utleige. Kommunen kan ikkje innføre eit tilsvarande forbod overfor private grunneigarar utan særskild heimel, som til dømes gjennom politivedtektene. Eit forslag til endring av politivedtektene krev godkjenning frå både fylkesmannen og politidirektoratet, og ein må pårekna at dette kan ta opp til eit år, kanskje lenger. Fullmaktsregelen til å gje politivedtekter i politilova 14 går elles ut frå prinsippet om at politivedtektene mellom anna ikkje bør regulere forhold som er uttømmande regulert i eller i medhald av anna lov. Dette inneber at politivedtektene i utgangspunktet ikkje kan innehalde forbod mot sal av våpen og enkelte våpenetterlikningar, då dette allereie regulert i våpenlova. Tilsvarande vil gjelde eit forbod mot bruk, oppbevaring og omsetjing av ulovlege rusmiddel, som er omhandla i straffelova/ legemiddellova. Ettersom det i utgangspunktet er tillate å selje klede/ effektar med legaliseringssymbol i vanlege butikkar, kan det vere tvilsamt i kva grad ein vil få godkjenning for eit marknadsførings- og salsforbod i politivedtektene. Administrasjonen har vore i kontakt Trond Berg, som var sakshandsamar då Arendal kommune innførte eit tilsvarande forbod på kommunal grunn. Arendal kommune vurderer at det ikkje er naudsynt med ei endring av politivedtektene då forbodet på kommunal grunn har 30

31 SAKSFRAMLEGG gjeve ei tilfredsstillande løysing på dei utfordringane kommunen stod ovanfor, spesielt med sal av våpenkopiar og effektar med legaliseringssymbol på 17. mai. Rådmannen tilrår difor at ein tek inn eit sals- og marknadsføringsforbod gjennom ei endring i Ulstein kommune sitt reglement for handel utanom fast salsstad på kommunal eigedom. Administrasjonen foreslår at marknadsførings- og salsforbodet vert teke inn i kapittel 6 i reglementet. Vidare bør ein ta inn i kapittel 11 ei føresegn om at ved ei eventuell framleige, so skal aktør/ arrangør gjere framleigetakaren kjent med regelverket, samt bortvise ved eventuelle brot på regelverket. Administrasjonen foreslår vidare ei ny føresegn i det same kapittelet om at brot på norsk lov skal meldast til politiet. Rådmannen sitt forslag til endring følgjer vedlagt. Administrasjonen har forsøkt å få til eit møte med politiet sin representant for førebyggjande arbeid for å diskutere oversendingsframlegget. Grunna stort arbeidspress i politiet har ein diverre ikkje lukkast i å få dette til. Det er no etablert eit nytt politiråd der det vil verte peikt ut ei politikontakt, som vil bistå dei enkelte kommunane når det gjeld førebyggjande arbeid. Det vil difor vere naturleg at ein diskuterer vidare oppfølging av forbodet med politiet i dette forumet. Folkehelse- og miljøkonsekvensar: Ingen kjende Økonomiske konsekvensar: Aktørar som har varer som er omfatta av forbodet i sitt sortiment, vil kunne oppleve redusert omsetjing. Beredskapsmessige konsekvensar: Ingen kjende. Lenke til meir informasjon: Politilova Vedlegg: 1 Utkast til endring av reglement for handel utanom fast utsalsstad frå kommunal eigedom i Ulsteinvik 2 Reglement for handel utanom fast utsalsstad frå kommunal eigedom i Ulsteinvik - fastsett av Ulstein kommunestyre den Verner Larsen rådmann Ingunn Hestnes jurist Dokumentet er elektronisk godkjent og har ingen signatur. 31

32 UTKAST TIL ENDRING AV REGLEMENT FASTSETT AV ULSTEIN KOMMUNESTYRE DEN FOR HANDEL UTANOM FAST UTSTALSSTAD FRÅ KOMMUNAL EIGEDOM I ULSTEINVIK Kapittel 6 nytt avsnitt 6.4 skal lyde: «Det er ikkje tillate å marknadsføre eller selje våpen, softgun, våpenliknande replika, eller anna valdsrelatert utstyr.» Kapittel 6 nytt avsnitt 6.5 skal lyde: «Det er ikkje tillate å marknadsføre eller selje utstyr til bruk av ulovlege rusmiddel. Det er heller ikkje tillate å selje klede eller effektar med tydelege legaliseringssymbol av ulovlege rusmiddel.» Eksisterande avsnitt 6.4 vert nytt avsnitt 6.6. Kapittel 11 nytt avsnitt 11.5 skal lyde: «Ved framleige pliktar aktør/ arrangør å gjere leigetakar kjend med dette reglementet og skal sjå til at leigetakar overheld føresegnene i dette reglementet. Ved brot på reglementet skal leigetakar straks bortvisast. Bortvisinga skal vere skriftleg og grunngjeven. Kopi av melding om bortvising skal sendast til kommunen. Brot på norsk lov skal straks meldast til politiet.» 32