Hardangerrådet INNKALLING TIL MØTE TIL RÅDMENNENE I HARDANGER OG VOSS Dato: Fredag 20.03.2015 Tid: 09.00-15.00 Møtestad: Kommunehuset i Granvin Møteinnkallinga er gjort i Outlook. Dokumenta er nummererte. Agenda: 09.00 Samhandlingsreforma i Hardanger. Styringsgruppemøte 10.00 Rådmannsforum Sakshandsaming 11.30 Lunsj 12.30 Tema Internasjonal arbeid ved John Tveit Innovasjon Norge. 13.30 Open post evt Sakshandsaming held fram 15.00 Møteslutt Sakliste: RF-sak 07/15 Meldingar RF-sak 08/15 Samhandlingsreforma i Hardanger og Voss. RF-sak 09/15 Hardangerkrafta Korleis forvalta kommunane den. RF-sak 10/15 Beredskapsavtalar mellom kommunar. RF-sak 11/15 Kommunestrukturen og kommunal planlegging. RF-sak 12/15 Kommuneleiarsamling hausten2015 RF-sak 13/15 Orienterings- og drøftingssaker Kinsarvik 13.03.2015 Ingrid Guddal/s Leiar i Rådmannsforum Leiv Vambheim sekretær
RF-sak 07/15 Meldingar 20.03.2015 Saksvedlegg: Saksutgreiing og vurdering: Framlegg til vedtak:
RF sak 08/15 Samhandlingsreforma i Hardanger og Voss. Saksvedlegg: Møtereferat frå Hovudprosjektgruppa Samhandlingsreforma 27.01.15 Rapport til Fylkesmannen om skjønsmidlar 2014 Søknad til Fylkesmannen om skjønsmidlar 2015 Møtereferat frå samarbeidsrådet ved Voss Lokalsjukehus 18.02.15 Vedlegg til møtereferat 18.02.15 Saksutgreiing og vurdering: Arbeidet i Prosjektet Samhandlingreforma Hardanger og Voss går inn i siste fase denne våren. Tanken er at ein avsluttar dei resterande 6 bestilte oppgåvene frå styringsgruppa innan 01.07.2015. Så vil Prosjektleiar Magne Vassenden fullføra sluttrapport frå del 2 i prosjektet i løpet av hausten 2015. Sluttrapporten skal sendast Fylkesmannen og deltakarkommunane. Til dette møtet er det ikkje lagt opp til at styringsgruppa skal ta stilling til nye vedtak eller godkjenningar. Eg reknar med at rådmennene gjensidig orienterer kvarandre om nyhende i Samhandlingsarbeidet etter sist møte. Eg ber styringsgruppa sjå gjennom referat og rapportar som ligg ved saka og eventuelt koma med merknader som kan meldast tilbake til dei aktuelle. Når det gjeld søknad til Fylkesmannen for 2015 så er dei omsøkte 750.000 kr tenkt brukte til å avslutta gruppene og kjøpa ressursar til å fullføra sluttrapporten. Sidan Fylkesmannen krev 50 % medfinansiering, så er det viktig å dokumentera kommunal tidsbruk og reiseutgifter også i heile 2015. Framlegg til vedtak: Møtereferat 27.01.15 og 18.02.15, Rapport Fylkesmannen 2014 og Søknad Fylkesmannen 2015 vert teke til vitande.
RF-sak 09/15 Hardangerkrafta - Korleis forvaltar kommunane den. Saksvedlegg: Ingen Saksutgreiing og vurdering: No er 6 av 7 Hardangerkommunar/herad både kraftverkseigarar og konsesjonskraftforvaltarar, samt medlemmer av LVK. Dette betyr at vasskraftinntekter er ein viktig del av verdiportefølgjen til kommunane. Det er for fleire kommunar store og viktige inntektskjelder med styringspotensiale. Korleis desse vert forvalta er viktige oppgåve for rådmennene. Rådmann Ingrid Guddal har spela inn til Rådmannsforum å ta dette som sak på møtet. Ho skriv: «Synes at vi skal ha opp som tema sentral tema knytt til kraft. Korleis forvaltar vi ansvaret og rettighetene som vertskommunar? Eg kan gje løypemelding frå Energirådet. Dette er tema som berører alle kommunane minus Granvin.» Ei anna sak som ligg inntil dette temaet er den delen av konsesjonskrafta frå Hardanger som vert forvalta av Fylkeskommunen. No når Fylkeskommunen knip inn på Regionalutviklingsmidlar til Hardanger, så er det betimeleg å krevja å få ta vidare del i desse inntektene, etter Folgefonntunnelen og Hardangerbrua. Hardangerrådet bør gå i forhandlingar med Fylkeskommunen om eit eige kraftfond i Hardanger frå Fylkeskommunen sine inntekter av sal av overskotskraft frå Hardanger. Ryfylkefondet er ei slik ordning på rundt 10 mill. kr årleg. Dette er ei sak å fronta saman med rådmenn og ordførarar. Saka vert lagt fram til orientering og drøfting og eventuelle vedtak. Ingen framlegg til vedtak:
RF-sak 10/15 Beredskapsavtalar mellom kommunar. Saksvedlegg: Avtale mellom Ulvik og Granvin om kriseberedskap. Saksutgreiing Dette har vor drøfta før i Rådmannsforum utan at det kom konklusjonar. Fylkesmannen har oppfordra til at kommunar inngår intensjonavtalar med nabokommunar for beredskapssamarbeid. Granvin og Ulvik har ei slik avtale per i dag. Bør alle Hardangerkommunane inngå beredskapsavtalar?" Vurdering: Saka vert langt fram til drøfting i Rådmannsforum. Vedlagt avtalen mellom Granvin og Ulvik. Eg veit ikkje om slike avtalar må ha nokon samanheng med at Hardanger er delt etter fjorden i samband med statleg organisering av IUA Haugesund og IUA Bergen? Ingen framlegg til vedtak.
RF-sak 11/15 Kommunestrukturen og kommunal planlegging Saksvedlegg: Ingen Saksutgreiing Trude Letnes har bede om at denne saka vert teke opp i Rådmannsforum. Ho skriv: «Eg lurer på eit tema som kanskje kan vere aktuelt for eit rådmannsforum, og det er korleis den langsiktige planlegginga i kommunane blir påverka av kommunereforma. Eg synes det stadig kjem opp tema og satsingar som er ukloke å landa i den endringstida me er inne i, men samstundes kan ein ikkje parkera den kommunale planlegginga. Korleis finne balansen i dette?» Vurdering: Rådmannsforum har bestemt at Kommunereforma skal drøftast i kvart møte. Sidan Trude har spela inn eit tema i tilknyting til reformarbeidet, så reknar eg med at Rådmannsforum også vil ta med andre aktuelle tema i samband med kommunereforma i denne saka i Rådmannsforum. Ingen framlegg til vedtak
RF-sak 12/15 Kommuneleiarsamling hausten 2015 Saksvedlegg: Ingen Saksutgreiing og vurdering: Eg viser til vedtak Rådmannsforum 23.01.2015: «Rådmannsforum drøfta ei dagsamling for kommunale leiarar i august/september 2015 med temaet Endringsleiing. Kjem tilbake til saka i neste møte.» Den praktiske sida ved arrangementet har Hardangerrådet stått for, også det økonomisk oppgjeret med fellesutlegg og refusjon frå kommunene/herada. Dette året vert det dagssamling og ikkje overnattingsamling. Det forenklar arbeidet for arrangøren. Dato må fastsetjast i dette møtet slik at samlinga kan meldast kommunane og dagen setjast av i dei mange kalendarane. Når det gjeld tema for samlingane som har vore på Hardingasete, Røldalsterassen og Finse 1222, så har programkomiteen vore samansett av eit par rådmenn, som har sett saman programmet og avtala med innleiarar. Sist på Finse var det Halvard og Arild om eg ikkje hugsar feil. Fint om programkomite vert valt i dette møtet. Det tek tid å få innleiarar på plass. Eg reknar med ar Rådmannsforum i dette møtet også vil drøfta kva som skal prioriterast på innholdssida av kommuneleiarsamlinga som innspel og signal til programkomiteen. Ingen framlegg til vedtak.
RF-sak 13/ 15 Orienterings- og drøftingssaker 20 03 2015 Brannstudien i Hordland. Saksvedlegg: Brev frå Bergensalliansen. Som de kjenner til så er arbeidet med ny nasjonal brannordning i gang. Innstillinga var eit Fylkesbrannvern i Hordaland, noko Hardanger ikkje slutta seg til. Bergensalliansen held på å organisera store deler av Hordaland i eitt selskap. Dette vil klart også påverka organiseringa vår del av Hordaland. Eg legg brevet til orientering og eventuell drøfting. Endring i lov om Interkommunale Selskap. Saksvedlegg: Høyringsuttale frå KS Bedrift Høyringsuttale frå Advokatforeningen. Som eit svar på EU-spørsmål om at IKS-ordninga i Noreg er konkurransevridande, legg Regjeringa fram eit forslag om endringar i IKS lova. Konkurransevridninga har grunnlag i at IKS kan gje lågare anbod fordi dei får betre lånevilkår enn AS. Dette igjen fordi dei ikkje kan gå konkurs sidan kommunane har ubegrensa ansvar i lova. Dei aller fleste IKS har i dag ikkje med økonomisk aktivitet og slik ikkje forstyrrer konkurransesituasjonen på sine område. Det er store omleggingar av IKS lova som er tilrådd og konsekvensen er at selskapa vert dyrare for kommunane som eigarar. IKS skal kunna gå konkurs og eigarane skal kunna ta utbytte. Frå KS Bedrift er konklusjonen at IKS vert reservert bedrifter som ikkje driv økonomisk aktivitet og dei som driv slik vert organsierte i AS. Advokatforeningen skriv om dei aktuelle endringane i IKS lova og peikar også på dei andre forpliktelsane som dagens lov krev av kommunane. Det vert også peika på at medan 27 selskapa har opne styremøte så har iks lukka styremøte og kvifor det viss dei ikkje har økonomiske eller bedriftshemmelege aktivitetar. Sidan høyringsfristen er ute er dette meint som orientering til Rådmannsforum. Skatteoppkrevinga Overføring til Staten. Høyringsuttale frå KS Saksvedlegg: Høyringsuttale frå KS Statens føreslår å overføra skatteinnkrevjinga frå kommunane til staten og redusera antal skatteinnkrevarkontor til 27 på landsbasis. Dette er ei sak som hadde høyringsfrist i desember 2014. Denne er lagt fram til orientering. Eg er kjend med at både Odda og Kvam i Hardanger vil posisjonera seg for å få lokalisert eit av dei 27 kontora i landet. KS imøtegår dei argumenta som staten legg føre for å statleggjera dette arbeidet. Oppsummert er her nokre stikkord: «Effektiviteten og resultatene i skatteinnfordringen kan svekkes. KS mener skatteoppkrevingen bedre kan sikres gjennom forbedringstiltak innenfor rammen av dagens organisering. Bortfall av mulighetene for en enkel og effektiv innkreving. Skatteoppkreveren driver også innfordring av visse typer kommunale krav og avgifter, og kommunens særnamskompetanse er et effektivt virkemiddel for kommunene, samtidig som det sparer innbyggerne for betydelige beløp i innfordringsgebyrer. Uten særnamskompetansen vil betydelig flere kommunale krav måtte oversendes namsmannen for innfordring. Rettssikkerheten til skattyterne kan svekkes. I dag ivaretas rettssikkerheten på en meget god måte ved at det er etablert et klart organisatorisk og ansvarsmessig skille mellom på den ene siden fastsettelsen av skatten (ligningen/staten) og på den annen side innkrevingen av skatten (kommunene).
Reduserte muligheter for bekjempelse av svart økonomi. Skatteoppkreveren har god kontakt med og kjennskap til lokalt næringsliv, og dette bidrar til bekjempelsen av svart økonomi også der arbeidsgiverkontrollen er organisert som interkommunalt samarbeid. Lokalt folkevalgt innsyn, bl.a.gjennom kontrollutvalgene, er en annen styrke. Statliggjøring med sterk sentralisering kan vanskeliggjøre bekjempelsen svart økonomi.»