VOLLASETRA I SUNNDAL Side 1 Skjøtsel 2012 Denne rapporten er ein oppfølgjer av ein liknande rapport frå 2011 og bygger direkte på denne. Rapporten er skriven av Øystein Folden.
Side 2 Slått blei i 2012 gjennomført 18. og 19. august 2012, med 5 dugnadsdeltakarar. Slåtten blir utført av Naturvernforbundet på oppdrag frå Verneområdestyret for Trollheimen, og etter avtale med grunneigar Ingebrikt Vollan, og Kristiansund og Nordmøre Turistforening som bruker Vollasetra. Samanlikna med 2011 blei slått areal litt utvida. Som følgje av at våren kom seint i år, var det berre så vidt at ein fann småengkall som skrangla med frø. Figur 1: Kart frå Gislink. Innramming med heil raud strek blei slått i 2011. Område med gul strek blei slått som tillegg i 2012.
Side 3 Teig 1 Figur 2: Arealet slått i 2011 såg fint ut før vi slo no, biletet t. v. viser nordre del før slått. Biletet t. h. er tatt frå sørenden etter slått. På teig 1 fann vi 2 eks. av kvitkurle (NT), lutvokssopp (NT), liten vokssopp, honningvokssopp og engvokssopp. Det står ganske mykje blyttsveve på teigen. Teig 2 og 4 Det var naturleg å skilje ut teig 4 som eige delområde i 2011 sidan det var fullt av renningar. Botnen er framleis litt grovare enn resten, men det held på å jamne seg. Sidan utviklinga var sein og slåtten etter dette noko tidleg, blei det sett igjen små flekkar der vegetasjonen var låg, som kompenserande tiltak. Etter manglande slått i ei årrekkje er det truleg ein god frøbank, slik at redusert frøing neppe er noko problem med det første. Det var så vidt sauelort på vollen, men lite beita. Spreidd på heile arealet fanst det i år små eksemplar av marinøkkel. Dette er truleg ein reaksjon på slåtten i 2011. Funn elles: engvokssopp, lutvokssopp (NT) og mørkskjellet vokssopp (VU). Engbakkesøte blei funnen på minst like mange stader som i 2011.
Side 4 Figur 3. Bileta på forrige side viser før slått 2012. Biletet t. v. viser teig 4 der det i 2011 blei fjerna store mengde med renningar. Biletet t. h. viser eit område nedanfor stien, ikkje slått i 2011. Her står det ganske mykje dunhavre som ikkje har vore beita i år. Arealet blei no slått. Teig 3 Figur 4: Det var lite beita på teig 3, så telling av marinøklar var vanskeleg. Men det blei tald opp 32 skot på ein del av arealet. Det er klart nødvendig å slå teigen når det er lite beiting, og det blei slått omtrent like mykje som i 2011. Handmarinøkkel blei ettersøkt, men ikkje funne.
Side 5 Teig 5 Det var i alle fall minst 11 eksemplar av engbakkesøte på teigen. Det blei klipt innimellom engbakkesøtene slik at dei kan få blomstre og frøe. Resten blei slått, og det blei klipt noko blåbærlyng. Teig 6 Figur 5. Biletet øvst er frå etter slått 2011. Biletet nede t. v. viser området bakerst til høgre før slått 2012. Biletet nede t. h. viser etter slått 2012, markert med gul omramming. Teigen som i 2011 besto av 4 ruter på ca. 5 kvadratmeter kvar var ikkje heilt enkle å finne igjen. Ruta i nordvest er utvida til eit rektangel ca. 2 x 10 m. Nedst i dette nyutforma arealet fann vi eit eksemplar av ei nesten avblomstra kvitkurle (NT). Kvitkurla blei ståande igjen, men det blei slått rundt. Det blei laga eit tilsvarande rektangel gjennom dei to midtre rutene frå 2011. Den austre ruta frå 2011 blei ikkje slått i år. Det er mykje blyttsveve i området.
Side 6 Tidsbruk: Teig 1: 10 timar Teig 2 og 4: 12 timar Teig 3: 2 timar Teig 5: 1 time Teig 6: 1,5 timar I tillegg kjem rapportskriving, gangtid 1,5 timar opp og 1 time ned pr. person, og reise. Reiskap: Det er kjøpt inn noko reiskap som no er lagra på setra: Greipp: 1 stk, rive: 2 stk, greinsaks: 1 stk, hagesaks: 1 stk, beskjæringssaks: 1 stk, sag: 1 stk Supplert 2012 med: høygaffel: 2 stk, presenning: 2 stk, hagesaks: 1 stk., bryne: 1 stk. Vi bruka 3 ljåar i 2012. Så lenge det ikkje er slipestein på staden, blir det bruka private ljåar. Oppsummering: Både funn av mange små marinøklar og ein del beitemarksopp kan tyde på ein god reaksjon på slåtten i 2011. Arealet nord for teig 2/4 kan med fordel få ein del merksemd neste år. Det er truleg mest realistisk å fjerne renningar og blåbær på mindre felt i første omgang for å sjå om ein kan få ein reaksjon av det. Vidare er det ein del område med renningar og blåbær sør for teig 2, der ein truleg kan oppnå ein del med skjøtsel. Båe desse områda har ein del å seie for vollen på lengre sikt, og bør prioriterast også av den grunn. Teig 1 fekk noko utvida slått i år, og utvidinga kan med fordel fortsettast. Det er mykje arbeid for å ta igjen heile teigen, men halvparten av det som ikkje blei slått i år kan nok kome i slått igjen.
Side 7 Bilete etter slått 2011. Dokumentet er skrive av Øystein Folden 21.7.2012 på grunnlag av slåtten 2012, og ei rad tidlegare besøk. Det er i samband med registreringa lagt inn observasjonar på www.artsobservasjoner.no Alle foto: Øystein Folden.