Møtedato: 04.09.2014 Møtested: Kommunestyresalen Møtetid: 09:00 Møtebok for Valstyret Møtedeltakarar Parti Rolle Jon Askeland SP Utvalsleiar Ann Christin Hoen AP Nestleiar Frode Hervik V Medlem Silje Namtvedt SP Medlem Finn Frantzen KRF Medlem Roy Bø FRP Medlem Kenneth Taule Murberg H Medlem Andre møtande: Frå administrasjonen møtte rådmann Jarle Landås, konsulent Arthur Kleiveland og leiar for kultur- og sørvistorget Lin Tove Thomassen Underskrifter: Jon Askeland Ordførar Lin Tove Thomassen møtesekretær
Sakliste Saknr Tittel 001/2014 Meldinger og referatsaker 002/2014 Vidareføring av forsøk med elektronisk kryssing av manntal på valdagen
Saksframlegg Saknr Utval Type Dato 001/2014 Valstyret PS 04.09.2014 Sakshandsamar Arkivsaknr.: Dokumentnr.: Lin Tove Thomassen 14/2214 14/8150 Meldinger og referatsaker Meldingar og referatsaker vert tekne til orientering Saksopplysingar: a. Kommunestyrevalet og fylkestingsvalet 2015 - fastsetting av valdag b. Avslutting av forsøk med e-val c. Oppretting av valdirektorat d. Informasjon om innlevering av listeforslag Valstyret - 001/2014 VAL - handsaming: a. Valdagen er sett til mandag 14. september. Valstyret vurderte det som ikkje aktuelt å gjennomføre to-dagarsval i 2015. b. Kommunal- og moderniseringsdepartementet har avslutta forsøket med e-val. Leiar i valstyret er skuffa over avgjersla og konstaterer at teknologien går tilbake. Det vil liggje ei forventinga om at tilbodet vil vere tilgjengeleg under valet i 2015. Kommunen må informere godt om at dette ikkje lenger er mogleg. c. Nytt valdirektorat vil ligge i Tønsberg d. Kommunen vil invitere gruppeleiarar og leiarar i partia til informasjonmøte om listeforslag etter nyttår. VAL - vedtak: Meldingar og referatsaker vert tekne til orientering Vedlegg: Kommunestyrevalget og fylkestingsvalget 2015 - fastsetting (L)(65829) Nytt valdirektorat e-val Informasjon om innlevering av listeforslag
Saksframlegg Saknr Utval Type Dato 002/2014 Valstyret PS 04.09.2014 Sakshandsamar Arkivsaknr.: Dokumentnr.: Lin Tove Thomassen 14/1734 14/8156 Vidareføring av forsøk med elektronisk kryssing av manntal på valdagen Radøy kommune seier ja til å delta i forsøk med elektronisk kryssing i manntal på valdagen. Saksopplysingar: Bakgrunn Kommunal og moderniseringsdepartementet (KMD) har invitert Radøy kommune til å delta i forsøk med elektronisk kryssing i manntal på valdagen under kommunestyre- og fylkesvalet. Radøy er ein av 30 kommunar som har fått tilbod om å delta. Radøy har delteke i same forsøk både i 2011 og 2013. KMD har bede om å få saka handsama i valstyret med svarfrist 30. september. Forskrift for forsøket vil departementet utarbeide i haust og denne blir sendt på høyring til kommunar som deltek. Forskrifta vil mellom anna omhandle handtering av framandrøyster (veljar som røyster i ein annan krins enn den han er heimehøyrande i på valdagen). Ved elektronisk kryssing i manntal, vert desse røystene handtert som ordinære røyster. Kostnader knytt til forsøket må kommunen dekke sjølv, dette vil vere utgifter til datamaskiner, skrivar, oppsetjing av utstyr i vallokale og tilgang til internett med ei reserveløysing. Det er fleire årsaker til at forsøket vert vidareført. KMD ønskjer å opparbeide seg erfaring over tid, dei ønskjer å sjå om ordninga gjev innsparingar over tid, korleis kommunane handtere endringane i valgjennomføringa og meir kunnskap om kva krav som er føremålstenleg å rette til kommunane ved full innføring. Forsøket vil verte evaluert. Resultatet vert avgjerande for korleis kryss i manntal og forenkla ordning for mottak av framandrøyster på valdagen skal regulerast og verte forvalta framover. Vurdering
har hausta positive erfaringar med elektronisk kryssing i manntal ved dei to føregåande valgjennomføringane. Forsøket vil ikkje føre til auka bemanning i vallokala. Veljar treng ikkje vende seg til eit rodebord for avkryssing i papirmanntal, men gå direkte til ledig kryssebord. Vår erfaring er at kødanning skjer framfor valavlukka og ikkje framfor krysseborda. Mykje av maskinvara og utstyr frå tidlegare val kan nyttast ved valet i 2015. Nye datamaskiner som vert kjøpt inn vil gå inn i drifta til kommunen etter valet. Røystelokala har i dag tilgang til nettverk via kabel eller wi-fi. Dersom nettverket er nede skal vi ta i bruk ei beredskapsrutine som ein nokså omfattande prosess. Det er derfor viktig å ha ei mobil nettløysing som eit alternativ denne dagen. Det som er meir tidkrevjande med ordninga er oppsetjing og kontroll av utstyr i vallokalet. IKTNH må bidra med sin kompetanse. Arbeidet er likevel ikkje så tidkrevjande og røystekrinsane er store nok til at vi vurderer det som lite aktuelt å gå tilbake til gamal ordning. Konklusjon Radøy kommune ønskjer å delta i forsøk med elektronisk kryssing i manntal på valdagen. Valstyret - 002/2014 VAL - handsaming: VAL - vedtak: Radøy kommune seier ja til å delta i forsøk med elektronisk kryssing i manntal på valdagen.