OS KOMMUNE Avdeling for Tenestestyring MØTEPROTOKOLL Os Formannskap Møtestad: Formannskapssalen Møtedato: 23.09.2008 Frå: 09.00 til 10.30 Frammøtte: Forfall: Vara: Frå adm. : Andre: Merknader: Ordførar Terje Søviknes (FrP), Laila Reiertsen (FrP), Espen Aspenes (FrP), Marianne Hjelle (FrP), Børge Lunde (H), Marie Bruarøy (H), Nils-Olav Nøss (Ap), Jostein Bondevik (Krf) Eirik Neverdal (Tvs) Terje Sperrevik (Tvs) Rådmann Knut Terje Rekve, økonomisjef Ingrid Karin Kaalaas, kommunaldirektørane Beate Moberg, Geir Engelsen, Karl Ole Midtbø, områdesjef Ingvar Torsvik. Det var ingen merknader til innkallinga. Protokollen frå forrige møte vart godkjendt. Det var ingen merknader til saklista. Behandla saker: 88/08 96/08 Underskrifter: Vi stadfestar med underskriftene våre at møteboka er ført i samsvar med det som vart vedteke på møtet. Os, 23.09.2008 Terje Søviknes Børge Lunde Nils-Olav Nøss Ordførar ADRESSE TELEFON WEB/EPOST INFO Rådhuset Sentralbord: 56 57 50 00 postmottak@os-ho.kommune.no Bankgiro: 6525.05.05676 Torggata 7 Telefax: 56 57 50 01 www.os.hordaland.no Org.nr.: 844 458 312 Pb.84, 5202 Os Dir. innval: 56 57 50 20
SAKLISTE Saksnr. Arkivsaksnr. Tittel 88/08 08/440 PORTEFØLJESTATUS PR JULI 2008 89/08 08/440 PORTEFØLJESTATUS PR AUGUST 2008 90/08 08/2054 MILJØSERTIFISERING AV FØRETAK 91/08 06/1944 KOMMUNAL PLAN FOR TILSYN BARNEHAGEOMRÅDET 92/08 08/1321 SKYSSTILBOD FOR ELEVAR I KUVÅGENOMRÅDET 93/08 08/5 POLITISK KVARTER 94/08 08/10 NÆRINGSLIVETS KVARTER 96/08 08/1060 FORSKRIFT OM FRIST FOR SPREIING AV GJØDSELVARER AV ORGANISK OPPHAV 2
88/08 Arkiv: 255 Arkivsaknr.: 08/440 PORTEFØLJESTATUS PR JULI 2008 Kommunestyret tek Avkastningsrapport for juli 2008 frå Grieg Investor AS som melding. 89/08 Arkiv: 255 Arkivsaknr.: 08/440 PORTEFØLJESTATUS PR AUGUST 2008 Kommunestyret tek Avkastningsrapport pr august 2008 frå Grieg Investor AS som melding. 90/08 Arkiv: K21 Arkivsaknr.: 08/2054 MILJØSERTIFISERING AV FØRETAK Os kommune i Hordaland blir Miljøfyrtårnkommune. 91/08 Arkiv: A10 Arkivsaknr.: 06/1944 KOMMUNAL PLAN FOR TILSYN BARNEHAGEOMRÅDET 3
Tenesteutvalet godkjenner framlegget til Kommunal plan for tilsyn med barnehagar slik den ligg førre med følgjande endring under avsnittet Tilsynsmyndet - kompetanse: tilsynet bør gjennomførast av minst 2, fortrinnsvis 3 personar. 92/08 Arkiv: N06 Arkivsaknr.: 08/1321 SKYSSTILBOD FOR ELEVAR I KUVÅGENOMRÅDET Framlegg til vedtak: Formannskapet gjer følgjande vedtak: Skysstilbodet vert gitt etter reglane i opplæringslova og skysshandboka. Skyssordningar utover dette vert ikkje etablert. Saka vert trekt, og sendt tenesteutvalet som skal handsama saka først. Saka vert trekt. 93/08 Arkiv: 033 Arkivsaknr.: 08/5 POLITISK KVARTER Børge Lunde (H): Ønsker orientering om festen for Erik Tysse & Kjersti Tysse Plätzer. Ordførar Terje Søviknes (FrP): Banketten skal vera fredag 24.10. på Solstrand Hoitell og Bad. Formannskapet, gruppeleiarane og gjester frå hovudpersonane vert innbedne, ca. 50 personar. Venteskuret ved drosjehaldeplassen vert stadig utsett for hærverk. Rutene må reparerast heile tida. Kan vi fjerna veggane og ha ope venteskur? Toaletta er så tilgrisa at passasjerar ikkje kan bruka dei likevel, og handicaptoalettet har vore stengd lenge. Kan vi stengja alle toaletta og evt. betala ein bensinstasjon for å stilla sine toalett til disposisjon som betjent toalett? Teknisk sjef Haldor Fosse: Vi har pliktar som vert når vi har buss-/drosjeterminalar. Her er alt eit arbeid på gang. Kommunen kartlegg grensene for kven som har ansvar for kva i høve Os kommune, Statens vegvesen og Os Bygg og Eigedom. Vi samarbeider med NAV/sosial om tiltak. Forretnings- og næringsdrivande på Osøyro vil vera med på dugnad. Kommunen er og i dialog med drosjane og politiet. Terje Sperrevik (Tvs): Dr. Strønens Legat det går rykte om at rekneskap ikkje er innlevert. Kommunaldirektør Midtbø: Rekneskapet er ferdig og revidert, men oversendinga til Brønnøysund er vorten forseinka. Festeavgifta kor står saka? 4
Økonomisjef Ingrid Karin Kaalaas: Saka ligg i tingretten. Partane er einige om at saka skal handsamast som rettsleg skjøn. Det har vore usemje kring deling av saka. Framfestarane har fått informasjon om regulering frå 2008, men har ikkje fått nokon ny informasjon enno. Eigedomsutvalet skal ha saka om seniorsenteret på Lurane. Korleis går tingingane? Ordførar Terje Søviknes (FrP): Det har vore stor møteverksemd mellom Os kommune og Bøe & Lepsøy denne våren og sumaren. Ein vonar på få avklara prosjektet i år. Eigedomsutvalet vil koma inn i saka før den går til slutthandsaming i formannskapet og kommunestyret. Marie Bruarøy (H): Ønsker å sjå kontrakten mellom Os kommune og Amundsneset. Vert det drive framleige? Kommunaldirektør Midtbø delte ut kopi av kontrakten. Kommunen festar bort 1/3 av neset. Os kommune disponerer 1/3 og 1/3 er eigd av Mecmar. Kommunen sin del blir brukt til mellomlagring, og andre set ifrå seg ting der. Den 1/3 som vi festar bort, blir vidareleigd til Lerøy som lagringsområde. Espen Aspenes (FrP): Kva er området regulert til? Teknisk sjef Fosse: Det er regulert til offentleg kai. Ordførar Terje Søviknes (FrP): Vi må finna ei permanent løysing, og må gå i dialog med partane. Kommunen må inn og ta grep om eige areal. Strøno: Veglys og merking av fotgjengarfelt. Der er kome fartshumpar ved skulen, og skilt er sett opp, men humpane er ikkje merka. Der er dårleg/ingen veglys i området. Kven har ansvaret, og kva vert gjort? Teknisk sjef Fosse lova å ta dette opp med Statens vegvesen. Det er gjort forskriftsmessig andre stadar i kommunen. Nils-Olav Nøss (Ap): Øvredalsvegen har langsgåande sperringar p.g.a stein i vegen. Er ikkje orda enno. Det er ein kommunal veg. Det raser stein stadig vekk. Teknisk sjef Fosse: Kommunalt vegarbeid blir teke etter kvart. Han lova å sjå på denne saka. Laila Reiertsen (FrP): Flytting av helsestasjonen status. Teknisk sjef Fosse: Kommunen jobbar med det og tek utgangspunkt i signala frå formannskapet. Ein ser først og fremst på lokale i rådhuset, men ser og på andre lokale som kommunen sjølv eig, m.a. Visningssenteret. Oversikt over kommunale eigedomar. Ho ønsker ein oversikt over areal og bygg som kommunen eig, leig, står tome, leig av andre. Ønsker det til budsjettarbeidet i haust. Kommunaldirektør Midtbø: Administrasjonen driv og laga rein fullstendig oversikt over alt areal/eigedomar i kommunen. Det gjeld både areal og bygningsmasse. Mobergslio. Status. Ordføraren: Der skal 2 instansar flytta ut. Eigedomen er brukt som mellomstasjon når eit tiltak/tilbod har mangla lokale. Vi må førebu sak om framtidig bruk og vera i forkant, ref. budsjettvedtak for 2008. Teknisk sjef Fosse: Det er privat reguleringsplan i arbeid i grenseområda. Vi er i dialog med dei. Mot new page. Kva har skjedd med tilbodet? 5
Kommunaldirektør Midtbø: Det skjer mykje positivt på området. Eit satsingsområde er samarbeidet med Os turn. Administrasjonen kan laga orienteringssak til formannskapet. Ordføraren: Os er ein pilotkommune for MOT si satsing på Lokalsamfunn med MOT. Utbetring av skulekjøkkenet ved Os barneskule. Status. Teknisk sjef Fosse: Eigedomsforvaltren har dialog med skulen for å få mest mogeleg ut av dei avsette midlane. Frukt og grønt i skulen. Er det kome i gang på alle skulane? Ved enkelte skular går foreldre inn og hjelper til. Blir denne modellen brukt i Os? Kan ein ved litt foreldrebetaling få fortgang i denne saka? Områdesjef Ingvar Torsvik: Det ligg sterke statlege føringar for dette. Os skule har ovannemnde ordning. Han skal sjekka dei andre skulane. Han minner om at dette er ei frivillig ordning der skulane skal leggja til rette for ordninga. Gratisprinsippet står sterkt. Ordføraren: Dette er ei sak for tenesteutvalet. Ombygging frå 2-sengsrom til 1-sengsrom på sjukeheimen. Status. Kommunaldirektør Moberg: På langtidsavdeling 1 og 2 var 4 doble rom gjort om til 1- sengsrom. Behandlingsavdelinga har fortsatt 5 doble rom. Arbeidet vart gjort innanfor rammene av budsjettet for 2008. Arkivet i Os kommune. Status. Kommunaldirektør Geir Engelsen: Arkivprosjektet er ein del av prosjektet Os i Tio. Det går over 2 år og er ein vesentleg del av eit anna prosjekt om å digitalisera Os kommune. Prosjektet består av 3 delar: Fjernarkiv: Fjernarkivet har for dårleg standard og er for lite. Det skal inn i den nye brannstasjonen, og heng difor i hop med den saka. Sentralarkiv: Det ligg mange arkiv rundt om på ulike kontor og lagerrom i kommunale bygg. Digitalt arkiv: Dette er eit satsingsområde i heile kommunenorge. Det kjem presentasjon i formannskapet om Os kommune som e-kommune. Jostein Bondevik (Krf) Vindu mot Fjorden. Status Visningssenteret. Vart svara på under sak om helsestasjonen. Tomta for kulturhus. Skal takast opp på informasjons-/drøftingsmøte i kommunestyresalen i morgon kveld. Espen Aspenes (FrP) Høgskule/forskningsmiljø i Os. Finnes det område vi kan få til Os? Vi er ein kommune i vekst og ligg sentralt til. Rådmann Knut Terje Rekve: Kommunen er i dialog med AFF for å starta eit leiarutviklings-prosjekt i Os. Kommunen skal vera pilot for utvikling av slikt studie. Vi er i dialog med Folkeakademiet og. Kommunaldirektør Midtbø: Kommunen har innen konkrete planar nett no. Vi har vore i kontakt med høgskule/universitet vedk. Oslevarverkstaden. Vi forsøker heile tida å vera i dialog og i posisjon i høve miljøet. Nils-Olav Nøss (Ap): Sentrale innspel om å redusera talet på høgskular har fått store protestar. Det spørs om det i alle fall vert gjeve løyve til å starta opp nye. Ordføraren: Os ligg mellom Høgskulen i Bergen og Stord/Haugesund. Vi må difor teknkja oss spesialsiering under Bergen. Vi må vera i dialog. 6
94/08 Arkiv: U00 Arkivsaknr.: 08/10 NÆRINGSLIVETS KVARTER Ordførar Terje Søviknes (FrP). Orientering om Lidl-lageret. Reitangruppen vil ikkje bruka lageret. Dei vil byggja nytt på Hylkje. Os komune har fått brev der vi blir invitert til dialog. Nils-Olav Nøss (Ap). Askeladden. Skal kommunen føreta seg noko i høve bråstoppen dei har i marknaden? No har dei permittert omtrent alle tilsette. Det er ikkje snakk om pengar, men om andre tiltak. Ordføraren: Vi har stendig vore i kontakt med firmaet, men ikkje i det siste. Dei har sjølv god kompetanse på å takla skiftande marknader, men ordføraren vil ta kontakt for å ha dialogen open. 96/08 Arkiv: V33 &00 Arkivsaknr.: 08/1060 FORSKRIFT OM FRIST FOR SPREIING AV GJØDSELVARER AV ORGANISK OPPHAV Forskrift om spreiing av husdyrgjødsel for Fusa, Os og Samnanger vert vedteke slik ho ligg føre. 7