Sakshandsamar, innvalstelefon Astrid Holte, 5557 2319 Vår dato 25.07.2014 Dykkar dato Vår referanse 2014/3503-0 Dykkar referanse Franzefoss Gjenvinning AS avd. Eide Rapport frå inspeksjon 1. april 2014 Rapportnummer: 2014.026.I.FMHO Kontaktpersonar ved inspeksjonen: Frå verksemda: Hilde Nymark Rasmussen Hans Kåre Eide Frå Fylkesmannen i Hordaland: Astrid Holte Resultat frå inspeksjonen Denne rapporten omhandlar avvik og merknader frå inspeksjonen. Dersom vi ikkje får melding om faktiske feil i rapporten innan to veker etter at rapporten er motteken, er rapporten endeleg. Fylkesmannen i Hordaland fann 2 avvik og 1 merknad innan følgjande tema under inspeksjonen: Løyvet Internkontroll Avvika og merknaden er nærare omtala frå side tre og utover i rapporten. Franzefoss Gjenvinning AS må sende ei skriftleg stadfesting innan 1. oktober 2014 på at avvika er retta. Oppfølginga etter inspeksjonen er nærare omtala på side to. Nina Vadøy e.f. overingeniør Astrid Holte senioringeniør Rapporten er godkjent elektronisk og har derfor inga underskrift. Kopi til: Fjell kommune og Mattilsynet v/ Øydis Iren Opheim Statens hus Kaigaten 9, 5020 Bergen Telefon: 55 57 20 00 Telefaks: 55 57 28 51 Miljøvern- og klimaavdelinga Postboks 7310, 5020 Bergen Org.nr: 974760665 E-post: fmhopostmottak@fylkesmannen.no Internett: www.fylkesmannen.no/hordaland
1. Informasjon om verksemda Namn: Franzefoss Gjenvinning AS avd. Eide Anleggsnr.: 1246.0029.01 Besøksadresse: Eide Postadresse: Postboks 53, 1309 Rud E-post: hilde.nymark.rasmussen@franzefoss.no Telefon: 48 32 74 13 Kommune: Fjell Organisasjonsnr.: 980 888 525 Bransjenr. (NACE-kode): 38.110 - Innsamling av ikkje-farleg avfall Eigar (org.nr.): 975265412 Løyve sist oppdatert: 25. september 1997 Risikoklasse: 4 2. Bakgrunnen for inspeksjonen Fylkesmannen og Mattilsynet gjennomførte ein lokal tilsynsaksjon mot slam- og komposteringsanlegg i Hordaland mars/april 2014. Fylkesmannen førte tilsyn for å kontrollere om gjeldande krav i løyve etter forureiningslova blir haldne. Aksjonen var ein oppfølging av tilsynsaksjonen som vart gjennomført i 2010. Frå Mattilsynet, Distriktskontoret for Bergen og omland, stilte Øydis Iren Opheim. Mattilsynet skriv eigen rapport frå tilsynet. Følgjande hovudtema vart kontrollert: Internkontroll med vekt på risikovurderingar, avvikshandtering og rutinar for ytre miljø Utslepp til vatn, grunn og luft Drift av komposteringsanlegget Løyvet av 25. september 1997 3. Oppfølging etter kontrollen Verksemda pliktar snarast å rette opp avvika som er omtalt i denne rapporten. For at Fylkesmannen skal kunne avslutte saka, må de innan 1. oktober 2014 sende ei skriftlig tilbakemelding med dokumentasjon som viser korleis avvik er retta, gjerne med bildedokumentasjon. Varsel om tvangsmulkt Dersom vi ikkje får tilbakemelding med dokumentasjon på at avvika er retta innan 1. oktober 2014, vil Fylkesmannen fatte vedtak om tvangsmulkt, jf. forureiningslova 73. Vedtaket vil gå ut på at tvangsmulkt må betalast dersom Fylkesmannen ikkje har fått skriftleg stadfesting på at avvika er retta innan fristen. Ei eventuell tvangsmulkt vil vere på 50 000 kroner. Verksemda kan kommentere dette varselet. Eventuelle kommentarar må sendast til Fylkesmannen innan to veker etter at denne rapporten er motteken, jf. forvaltningslova 16. 2
4. Kontrollgebyr Fylkesmannen varsla i e-post 13. mars 2014 at Franzefoss AS vil få eit gebyr på 4 600 kroner for inspeksjonen, jf. forureiningsforskrifta 39-7 sidan anlegget er plassert i risikoklasse 4. Faktura blir ettersendt frå Miljødirektoratet. 5. Offentleggjering Denne rapporten vil vere tilgjengeleg for ålmenta via Fylkesmannen i Hordaland sin postjournal på www.fylkesmannen.no/hordaland, jf. offentleglova. 6. Dokumentunderlag forureiningslova forureiningsforskrifta internkontrollforskrifta løyvet av 25. september 1997 dokument frå Franzefoss Gjenvinning AS lagt fram under tilsynet Informasjon om regelverket finn de på www.miljodirektoratet.no og www.regelhjelp.no. Definisjonar Avvik: brot på krav fastsett i eller i medhald av helse-, miljø- og sikkerheitslovgjevinga (for eksempel brot på krav i forureiningslova, produktkontrollova og forskrifter heimla i desse lovene eller krav og vilkår fastsett i løyve eller dispensasjonar). Merknad: eit forhold som miljøvernmyndigheitene meiner det er nødvendig å påpeike for å ivareta helse og miljø og som ikkje er omfatta av definisjonen for avvik. 7. Avvik Vi fann følgjande avvik under inspeksjonen: Avvik 1: Verksemda oppfyller ikkje alle vilkår i løyvet Avvik frå: Løyvet av 25. september 1997 Kommentar til regelverket: Registrering og kontroll av avfall I punkt 4.3 i løyvet er det krav om registrering og kontroll av leveransar til anlegget og registrering av driftsparametrar og mengde og kvalitet på ferdig kompost. Årsrapport I punkt 6 i løyvet er det krav om at verksemda skal sende rapport til Fylkesmannen ein gong per år. Observasjonar under tilsynet: Registrering og kontroll av avfall Verksemda registrerer ikkje alder, mengde og kvalitet på kompost på lager. Det er laga skjema for registrering av driftsparametrar, men dette er ikkje i bruk. 3
Årsrapport Franzefoss Gjenvinning AS har ikkje sendt årsrapport for komposteringsanlegget til Fylkesmannen. Avvik 2: Risikovurderinga for komposteringsanlegget er mangelfull Avvik frå: Løyvet av 25. september 1997 Kommentar til regelverket: Verksemda skal utføre risikovurderingar og lage handlingsplan for å redusere risiko for uønskte hendingar. Risikovurderinga skal reviderast regelmessig. Observasjonar under tilsynet: Franzefoss AS har ei skriftleg risikovurdering for ytre miljø som omfattar komposteringsanlegget. Følgjande hendingar var ikkje risikovurdert (lista er ikkje uttømmande): spreiing av forureining som følgje av bruk av ureint strukturmateriale forureining frå sigevatn som renn på overflata. Sigevatnet kjem frå avvatning og komposteringsanlegg forureining frå vaskeplass for bilar 8. Merknader Vi har gitt følgjande merknader under inspeksjonen: Merknad 1: Verksemda har ingen registrerte avvik på komposteringsanlegget Kommentarar: Franzefoss AS har eit system for avvikshandtering og har ført avvik på ytre miljø for enkelte aktivitetar, men ikkje på komposteringsanlegget. Avviksregistrering er viktig for å hindre gjentaking av feil og manglar. 9. Andre forhold Løyve Verksemda har eit eldre løyve frå Fylkesmannen til drift av komposteringsanlegg datert 25. september 1997. Løyvet er ikkje i samsvar med dagens praksis. Fylkesmannen vil revidere løyvet til drift av komposteringsanlegget. Vi vart under tilsynet einig om at Franzefoss AS sender søknad til Fylkesmannen samtidig med tilbakemelding på inspeksjonsrapporten. Om oppsamling av sigevatn I løyvet punkt 1.2 er det krav til tett dekke med oppsamling av alt sigevatn/forureina vatn frå mottak, lagring, intern transport og kompostering. I punkt 3.1 er det vidare krav til at sigevatn skal samlast opp og leiast til sigevassleidning for fyllplassen. I dag renn sigevatn frå avvatning og kompostplate i ei renne på overflata før det går ned i sigevassleidningen. Fylkesmannen meiner dette ikkje er ei god løysing, men ser at løyvet er uklart på dette punktet. Dette understrekar at løyvet må oppdaterast. Sjølv om løyvet er uklart, gjeld kravet til internkontroll, og vi har ført avvik på manglande risikovurdering av forureining frå sigevatn som renn på overflata. Sigevatnet kjem frå avvatning og komposteringsanlegg 4
5
Lagring av kompost på deponiet Franzefoss AS lagrar kompost oppe på det gamle deponiet. Verksemda hadde ikkje har oversikt over kor lenge komposten var lagra. Etter avfallsforskrifta 9-2 må ein ha særskilt løyve dersom avfall skal lagrast lenger enn 3 år. I dette tilfellet skjer lagringa på toppen av eit deponi med løyve etter forureiningslova. Fylkesmannen vil komme tilbake med nærare avklaring om lagring av kompost på deponiet i samband med revisjon av løyvet. Bruk av kompost som toppdekke på deponiet Komposten vert nytta som toppdekke ved avslutning av deponiet. I samband med avslutning av andre deponi i fylket, har Fylkesmannen kontakta Miljødirektoratet for å avklare regelverket for bruk av kompost til avslutting av avfallsdeponi. Dette er eit område som vert regulert av både forureiningslova og forskrift om organisk gjødsel. Over tettingsskiktet (der avrenninga går til overvassystemet) skal bruk av kompost skje i samsvar med forskrift om organisk gjødsel. Dersom det skal brukast meir kompost eller dårlegare kvalitet enn krava i forskrifta, krev dette unntak og må handsamast av Mattilsynet. Det må også gå fram av avslutningsplanen kva mengde og kvalitet på massar som skal brukast til toppdekke. Fylkesmannen kan på bakgrunn av avslutningsplanen fastsette vilkår for avslutning. Bruk av kompost er omtalt slik i avslutningsplanen for det gamle deponiet på Eide (2009): Kapittel 1: Endelig kotehøyde for alle deler av deponiet: Oppå avfallet kommer overdekkingsmasse som består av et impermeabelt minerallag overdekket med toppdekket som er egenprodusert kompost blandet med reine jordmasser fra området rundt. Kapittel 3 Opplysninger om overdekking og sikring av områder hvor deponering avsluttes. Toppdekket: På Eide komposteres husholdningsavfall og blandes med oppmalt flis og avløpsslam. Analyser gjort av komposten viser at tungmetallnivåene er innenfor slamforskriftens krav til grøntareal. Komposten kan derfor etter en ettermodningsperiode på minimum 6 måneder benyttes til toppdekke på deponiet. Denne komposten vil gi et godt vekstmedium for planter som binder toppen og som også vil binde opp nedbørsvann og redusere sigevannsmengden. Organisk materiale har en evne til å adsorbere gass og lukt fra deponiet. Det gir derfor en god sikring mot eventuelle lekkasjer av gass dersom det blir setningssprekker i det mineralske tettingslaget eller annen diffus gasslekkasje fra fyllingen. I tillegg vil en del rene jord og myrmasser fra tomterydding o.a. i kommunen være aktuell til overdekking. Vi tar utgangspunkt i veileder som anbefaler >1,0 meters overdekking totalt. Impermeabelt minerallag:.hele deponiet dekkes med tørrstoff og med kompost/biomasse over dette. Biomassen vil være et vekstmedium men vil også ligge som overdekking som beskytter mot gasslekkasjer fra eventuelle setningssprekker og absorberer eventuell diffus lekkasje av gass. Fylkesmannen har gitt tilbakemelding på avslutningsplanen i brev 19. april 2010. Bruk av kompost er ikkje kommentert. Slik vi les avslutningsplanen, skal komposten tilfredsstille krava i gjødselvareforskrifta, men det går ikkje fram kor mykje kompost som skal nyttast. Vi ber om tilbakemelding på kor mykje kompost som er nytta fram til no, og kva mengder som er planlagt nytta til tildekking framover. Vi ber om at denne informasjonen vert sendt saman med tilbakemelding etter tilsynet 1. oktober 2014. 6