Interesselaget for farga spælsau Referat frå årsmøtet 2013 Årsmøtet med fagdag blei halde på Mjonøy kultursenter i Vinje 2. og 3. februar 2013. Laurdag 2. februar Ellen Nordstoga, som m. a. har vore distriktsmusikar i Telemark og vertskap på Mjonøy i mange år, fortalde om staden. Ho ramma inn helsinga med song. Eirin Rauø, som har erfaring med oppdrett av islandshest og fargeavl på spælsau, heldt eit engasjerande føredrag om fargegenetikk. Det gav ny innsikt for mange av oss som mange fleire burde få ta del i. Diskusjon om tilhøvet mellom kvit og farga spælsau, om rasekodar og kåringsreglar.
Sundag 3. februar Arne Vinje, ordførar i Vinje, ønskte velkommen og fortalde litt om kommunen Årsmøtet 1. Val av møteleiar og sekretær Møteleiar: Svein Arvid Tørre, sekretær Kari Tellefsen 2. Godkjenning av innkalling, fullmakter og saksliste Det var ingen merknader til innkalling og sakliste. Ingen fullmakter blei lagde fram. Det var i alt 12 medlemmer med røysterett på møtet. 3. Val av to personar som, saman med leiaren, skal skrive under protokollen Svanhild L. Markhus og Olga L. Espevoll 4. Årsmeldinga for 2012 Leiaren, Svein Arvid Tørre, gjekk gjennom årsmeldinga. Merknader: Styret har vedtatt at biletet som er bruka på framsida av årsmeldinga er lagets logo. Rett tal på medlemar for 2012 er 112. Årsmeldinga blei samrøystes godkjent. 5. Revidert rekneskap for 2012 Kasseraren, Kari Tellefsen, gjekk gjennom rekneskapen. Samrøystes godkjent. 6. Arbeidsplan og budsjett for 2013 Vedtatt arbeidsplan og budsjett er lagt ved.
7. Val Leiaren i valnemnda, Frank Syversrud, leia valet. Leiar: Svein Arvid Tørre, Telemark attval for 1 år Styremedlem: Ørjan Jacobsen, Hordaland ikkje på val Steinar Staaland, Buskerud Nils Per Igland, Aust-Agder Kari Tellefsen, Telemark ikkje på val ny for 2 år attval for 2 år Varamedlem: Olga L. Espevoll, Rogaland Eirin Rauø, Aust-Agder Lars Norheim, Hordaland attval for 1 år Revisor: Alf Torstein Pettersen, Rogaland attval for 1 år Ken Lunn, Oppland Revisor, vara Else Horge Asplin, Buskerud Sigmund Åsgard, Hordaland Valnemnd: Svanhild L. Markhus, Rogaland, leiar, 1 år Øyvind Utne, Hordaland Arne Horge, Buskerud 2 år 3 år 8. Fastsetjing av medlemskontingenten Kontingenten blir den same som tidlegare, 200 kroner. 9. Fastsetjing av eventuell godtgjersle for tillitsvalde Leiaren skal ha 1000 kroner i årleg godtgjersle.
10. Innkomne saker og saker som er nemnde i innkallinga Årsmøtet valde å handsame sak 3 og 4, sjølv om dei ikkje var sende inn minst 3 veker før møtet. 1. Frå Svein Arvid Tørre: Styret skal arbeide for felles kåringsreglar for kvit og farga spæl. Vedtatt. 2. Frå Svein Arvid Tørre: Styret skal arbeide for å slå saman rasekode 4 og 21. Framlegget blei trekt. 3. Frå Frank Syversrud, lagt fram på møtet: Framlegg til korleis spælsauen kan ha felles rasekode, men med spesifikk fargekode. Framlegg til minstekrav på O-indeks for kåring. Vedtak: Oversendt styret som innspel i den vidare debatten om sameina kåringsreglar. 4. Brev frå vêrringen i Buskerud, mottatt dagen før møtet: Styret skal arbeide for å auke kompetansen hjå kåringsdommarane når det gjeld ullkvalitet og fargar. Styret skal sikre at farga vêrar til semin har særs god rasetype. Vedtak: Brevet blir oversendt styret. Etter avslutta årsmøte diskutera vi framlegg til seminvêrar 2013. Vinje 6/2-2013 Referent: Kari Tellefsen Svein Arvid Tørre Olga L. Espevoll Svanhild L. Markhus
Arbeidsplan 2013, vedtatt på årsmøtet 3. februar 2013 Aktivitet 1. Fagmøte 2. Utarbeide forslag til avlsmål, jf. vedtektene 3. Arbeide for å betre rammevilkåra for den farga spælsauen 4. Uttak av seminvêrar, med oppstart før jul 5. Medlemsverving 6. Kontakt med medlemane heimeside informasjonsskriv til medlemane svare på e-postar 7. Halde kontakt med viktige fagmiljø, t.d. innan ull 8. Kontakt med heile spælmiljøet med sikte på opprydding i fargekoding og kåringsreglar 9. Arbeide for at fleire ringar granskar farga spæl Budsjett 2013, vedtatt pa a rsmøtet 3. februar 2013 Inntekter: Inntekter medlemar kr 200,- x 110 kr 22 000,- Inntekter frå NSG kr 100,- x 80 kr 8 000,- Sum inntekter kr 30 000,- Kostnader: Medlemsmøte inkl. årsmøte kr 5 000,- Porto kr 2 000,- Kopiering kr 2 000,- Styremøte kr 5 000,- Drift av heimeside kr 5 000,- Godtgjøring styreleiar kr 1 000,- Kontorgodtgjøring kr 4 000,- Diverse utgifter kr 6 000,- Sum kr 30 000,-