LIV I VINJE EIT GRASROTPROSJEKT PROSJEKTFORTELJING I STUTTE TREKK Laga til og opplese på Folkemøtet på Vinjar 19.sept 2012 KVAR VAR ME? 1.febr 2009 blei endå ei bu lagt ned, den seiste me hadde att her i Vinje skulekrins. I tillegg byrja elevtalet ved Vinje oppvekstsenter å peike meir og meir nedover. Då vakna grasrota, noko måtte gjerast! Den 5.mars sama året kalla grendelaga og oppvekstsenteret inn til folkemøte på Vinjar for å mobilisere bygdefolket. Og bygdefolket ville! For som President Obama hadde sagt like før, sa grasrota òg: Yes we can! Det blei sett ned grupper, og måndagsmiddagen kom i gang før det hadde gått 3 veker! Eit arbeidsutval/interimstyre kom fort på banen. Før 2009 var ute, hadde prosjektet Liv i Vinje blitt skapt og Vinje kommune hadde løyvt midlar til prosjektleiar i 70% stilling for 3 år- 2010-2012. Målsetjinga på stutt sikt var: Å auke trivnaden og livskvaliteten her. Leggje tilrette for opparbeiding av nye tomter, ny busetnad og rørsle i ein sovande bustadmarknad. Leggje tilrette for nye næringsetableringar Målsetjinga på lengre sikt er: Auke folketalet og sikre beste skule- og fritidstilbod for ungane i Vinje skulekrins. Arbeide for at Vinje skal vera ein attraktiv stad å bu, arbeide og oppleva. KVAR ER ME? Då vil eg starte med å nemne at det er nydyrking oppved Heie, 2 Smørkleppbøndar samarbeider om det! Er ikkje nydyrking bra, i denne tida som Noreg syns gro atte? Og eit fint symbol på at det er framtid og liv i Vinje, Og den nydyrkinga trur ikkje eg at har skjedd på grunn av prosjektet Liv i Vinje! Og det er godt å vita at her er initiativ, drivkraft og arbeidskraft au utanom prosjektet. Her er fleire døme på nettopp det:
2 Tenk berre på Bøgrendbue som blei til Vinje gardsmat! Slakteriet på Våmartveit i fullt driv. Eit ungt par har kaupt Mjonøy og driv 1000årstaden vår vidare! Når du køyrer ned Høgetveitbakken mot bua ser du at det reiser seg eit nytt hus på Attistog! Og der er ny garasje uppå boligane! Ildsjeler og foreldre held i gang 17.maifeiring og joletrefester her Grendelaga syter for at svært trivlege jonsokfeiringar nedmed Vinjevatnet held fram. Berre vèret som stoppar dei! Snart kan me bruke gang-og sykkelvegen mellom Jorivegen og Vinje bru..., men må nok skrive 2013 fyri. No blir det laga teikningar som Vegvesnet treng. Neste vike kjem det arkeologar frå Kulturhistorisk Museum for å grava ut fornminne. Kultureininga i Vinje kommune er interessert i å koble turveg-delen av g/svegen opp mot prosjektet OrdBro i Språkåret. Som de høyrer så er det mykje som er på gang her, men eg stoppar med oppramsinga no... Ikkje bli fornærma då om det du sit med i tankane ikkje blei nemnt. Dette var berre meint som nokre døme. Og så attende til det som har direkte med prosjektet å gjera. Det sitjande styret i Liv i Vinje er: Leiar Anders Sandvik, nestleiar Ellen Nordstoga. Sidan Anders er sjukmeldt, og Ellen ikkje har hatt høve til å vikariere som leiar, er det Anne T Romtveit som har vore vikarierande leiar det seiste halvåret. Styremedlemmer er Britt Rønningen og Olav Rui. Varamedlemmer er Sveinung Olsnes og Inger Lise Ullsvik og dei har i det seiste halvåret møtt fast. Frå mars 2009 til no har me hatt ca 50 møter. Styret ynskjer sjølvsagt at målsetjingane for arbeidet skal bli oppfylgde, så derfor å blir spørsmålet: 3
Har fylgjande auka trivnaden og livskvaliteten for oss som bur i Vinje skulekrins, tru?: Måndagsmiddag, laga på dugnad. Møtestad kvar veke for alle aldrar. Songtevlinga med vinnarsongen Heim Te Vinje! Vi/Børennet som blei til Paafonndajen. Fototevling med vinnarfoto på Vinjeutstillinga. Bøgrend Autofest. Utruleg stad for fest, men likevel sant, og no kjend langt utanom Vinje sine grenser! Oppsetjing av oppslagstavler: Særensgrend, Mogane og Vinjar Bøgrend automarken - loppemarknad i verkstadhallen Paafonnprisen til den/dei som skaper positiv utvikling her. Prisen er laga av Vinje handverkslag og blei utdela for fyrste gong i år Velkomsthelsing innkaupt frå Vinje handverkslag for utdeling til nye innbyggjarar, og til innfødde som vèl å bli buande ved å kaupe/leige seg hus her. Bygdebrevet kjem ut 2 gonger i året. Gratis blad til alle husstandane i grendene i Vinje skulekrins med informasjon om nyhende og kva som skal skje framover. Flytmøta. Treff med prosjektleiarane for alle med det same etter måndagsmiddagen, fyrste måndag kvar månad. Det som er nemnt her har kome i gang i samarbeid mellom bygdefolket, prosjektleiarane og styret for LiV. 4
Har noko skjedd i denne prosjekttida når det gjeld tomter og den sovande bustadmarknaden her? Ein viktig del av målsetjinga vår det òg Ja, ei aktiv bustadgruppe har sytt for kartlegging av tome hus og gardar her i krinsen. Det arbeidet har ført til ein del endringar her. Og har vore til hjelp slik at styret for LiV, ved velkomstkomitèen, har kunna dela ut velkomsthelsing til 14 nye husstandar! I tillegg kjem utdeling til 3 ungkarar herifrå som har kaupt seg hus her, og endå 3 husstandar som me ikkje har vitja med helsing endå. Det blir 20 i alt! Husbygging er her òg, og prospekt for 5 tomter er lagt ut for sal; 3 i Smørklepp og 2 i Bøgrend. Her er òg 2 hus til sals og eit hyttetun! Ikkje sikkert me er heilt oppdatera, men dette er så langt me veit i dag! Interessant og gledeleg er det òg å kunne nemne at Telemarkforskning v/knut Vareide, kan opplyse fylgjande innbyggjartal samla for grendene i Vinje skulekrins er som fylgjer: 2010: 399, for 2011 401, og for 2012 408. Litt stiging altså! Når det gjeld tilrettelegging for næringsutvikling, den tredje lekken i målsetjinga på stutt sikt, så visar eg til det prosjektleiarane kjem til å seia no etterpå. KVAR GÅR ME? Vinje kommune si tre-årige støtte til prosjektet Liv i Vinje går ut 31.12 i år, men det er ikkje det sama som at det er slutt på at det er liv i Vinje! Det har nok du òg tenkt! Prosjektet Liv i Vinje er berre ein start som det er mange gode grunnar til å byggje vidare på! Fyrst og fremst vil me starte med å gjeva ein stor takk til folk i grendene her: Mange tusen takk for all velvilje og arbeid de er viljuge til å gjera for fellesskapet her i krinsen! De stiller opp på dugnader så sant de kan, og er slett ikkje vanskeleg å be på. Den dugnadsinnsatsen er uvurderleg! Applaus til dykk sjølve! 5
Ja, kva er neste steg i Liv i Vinje? Me i styret tenkjer sjølvsagt at alt det gode som har kome ut av prosjektet må få høve til å liva vidare. Kva grasrota ynskjer, det må me saman finne meir ut av her i kveld. Det er hovudgrunnen til dette folkemøtet. Kva tiltak bør takast vidare av det som prosjektet har starta opp? Og noko må gjerast for å koma i gang med det ugjorde òg... Korleis skal me organisere det vidare arbeidet? Kom gjerne framlegg i kveld, og så må me bestemme oss etter jol. Skal det vidare arbeidet drivast av grendelaga? Av eit lag som Liv i Vinje som har med heile skulekrinsen å gjera, eit slag Vinje Vel? Eller har dette berre vore nokre aktive år og ferdig med det...? Nei, om de orkar meir dugnader, og om de meinar me bør søkje om midlar vidare for å halde fram med prosjektet i ei eller anna form, så seier me som i mars 2009: Yes we can! For styret i Liv i Vinje Anne T Romtveit