Eit prosjekt utført av:- Nasjonalforeininga for folkehelsa Hosanger Helselag

Transkript

1 Verksemdområde:- Forebygging Prosjekt nr.: Prosjekt navn:- Trimrom på Hosangerheimen Søker organisasjon:- Nasjonalforeininga for folkehelsa Eit prosjekt utført av:- Nasjonalforeininga for folkehelsa Hosanger Helselag

2 Sluttrapport for prosjektet «Trimrom på Hosangerheimen». Forord. Prosjektet «Trimrom på Hosangerheimen» er eit resultat av fleire ulike behov og ynske som styret i Nasjonalforeininga for folkehelsa Hosanger Helselag har lagt merke til og som me etter kvart ynskte å gjera noko med. Denne sluttrapporten vil gjera greie for bakgrunn, planlegging og gjennomføring av prosjektet vårt. Målet vårt var å innreia eit ledig rom på Hosangerheimen til eit triveleg og velutstyrt treningsrom for alle aldersgrupper. Me oppnemnde ei styringsgruppe for prosjektet med 5 medlemer: Hanne B Øvsthus (frå styret) Sølvi Nielsen (frå styret) Nils Martin Hole (frå styret) Gyda T Lewis (leiar i styret) Øystein Hartveit (byggteknisk fagperson) Styret i Hosanger Helselag vil takka styringsgruppa for arbeidet dei har gjort. Prosjektet er støtta av ExtraStiftelsen Helse og Rehabilitering med Extra-midlar. Utan denne stønaden kunne me ikkje ha oppnådd det resultatet me no har fått. Samandrag. Nasjonalforeininga for folkehelsa Hosanger Helselag eig og driv Hosangerheimen Bufellesskap med 15 leilegheiter. Me såg at mange av leigetakarane våre hadde behov for fysisk aktivitet, men hadde vanskar med å finna eit tilbod som passa og å koma i gang. Då me undersøkte litt hjå medlemene våre, viste det seg at behovet galdt mange i alle aldrar. På Hosangerheimen stod eit høveleg rom tomt, og dette ynskte me å byggja om til eit trimrom. Me ville tilby medlemer og bygdefolk, unge som gamle, eit innbydande og velutstyrt trimrom, og såleis hjelpa til med å ta vare på og betra den fysiske helsa. Me såg at mange eldre er isolerte og einsame, og meinte at dette ville vera eit tilbod om få møta andre i same aldersgruppe til trim/trening/hyggeleg samvær. Fysisk aktivitet er ein viktig del av arbeidet til

3 Nasjonalforeininga for folkehelsa og Hosanger Helselag, og dette ville òg verta ein ny og verdfull møteplass. Prosjektet har vore leia av ei gruppe med 5 personar; som har kjennskap til fagområda bygg, økonomi og trening. Styringsgruppa har innhenta pristilbod, tilrettelagt for alt arbeid, planlagt og gjort innkjøp, og organisert dugnadsarbeidet. Hosanger Helselag kan no tilby eit fullverdig treningstilbod med gode treningsapparat i lyse og fine lokale. Her vil me setja fokus på helse, og korleis ein sjølv kan betra denne. Me vil driva treningsgrupper, og inspirera til å innarbeida og halda ved like gode treningsvanar. Me skal ha ein låg terskel for aktivitetane våre. Eit trimrom kan og verta ein møteplass, noko me manglar i bygdene våre. Innflyttarar kjem hit, men det er vanskeleg å verta kjend. Trening er ein viktig fritidssyssel for mange, og difor noko dei vil oppsøkja. Der folk møtest, oppstår nye idear. Planar vert lagde og nettverk bygde. Me trur at eit trimrom på Hosangerheimen vil føra til betre helse og større trivnad, og auka aktualiteten til helselaget og verdiane i laget. Kap 1. Bakgrunn for prosjektet/målsetjing. Hosanger helselag eig og driv Hosangerheimen Bufellesskap med 15 leilegheiter/aldersbustader, og i dei første åra etter at laget vart skipa i 2005, var dette vår hovudaktivitet. Men for å vera eit sterkt og levedyktig lag, såg me at me må driva med fleire ulike aktivitetar som kan vera interessante også for nye og yngre medlemer. Tilrettelegging for større fysisk aktivitet både for leigetakarane våre og andre grupper av medlemene våre og bygdefolket, meinte me måtte vera ei oppgåve for oss, og me byrja planleggja eit trimrom. Hosanger er ei lita bygd, som dei siste åra har mista postkontor, butikk og mange arbeidsplassar, og resultatet er mangel på møteplassar for alle aldersgrupper. Trimrommet på Hosangerheimen skal vera eit tilbod om å få møta andre til trening, trim og sosialt samvær. Kap 2. Prosjektgjennomføring/metode. Under det store ombyggingsarbeidet av tidlegare Hosangerheimen alders- og sjukeheim til leilegheiter, i det som no er Hosangerheimen bufellesskap, gjorde bygdefolket ein svært stor dugnadsinnsats, og styret meinte at me no skulle leiga fagfolk til det nødvendige ombyggingsarbeidet, men at prosjektleiing, maling, innkjøp og montering skulle gjerast på dugnad. Arbeidet med prosjektet har følgt planen med ombygging av rommet, der me engasjerte Byggmeister Sverre Bernes og Elektroinstallatør Magnus Thunestveit A/S. Begge firma er

4 kjende med bygget frå tidlegare oppdrag, og er til dels engasjerte i drifta av huset. Nytt golv er lagt, ny ytterdør er sett inn, garderobe er laga til, og ny belysning installert. Nytt ventilasjonsanlegg vart ikkje funne nødvendig. Innkjøp av treningsapparat vart planlagt og gjennomført av Hanne Bernes Øvsthus og Sølvi Nielsen. Apparata er monterte og testa. Det står att å montera ei slynge og ribbevegg, fordi me ventar på avklaring på veggkonstruksjonen. Forseinkingar på innreiinga av rommet og montering av apparata har medført at oppstart på bruk av rommet, ikkje har følgt tidsplanen. Me har planlagt instruksjon ved oppstart og oppfølging dei første vekene, og er i ferd med å fastsetja reglar og tilsyn. Opningsdagen er sett til torsdag 28. februar Kap 3 Resultat og resultatvurdering. Me er svært nøgde med trimrommet og utstyret. Prosjektet er godt kjend for medlemene våre og i bygda, og me får gode tilbakemeldingar om at folk ser fram til å nytta seg av tilbodet. Dette gjeld for ulike aldersgrupper og aspirasjonsnivå, frå dei som ynskjer mosjon i lange vintermånader eller som er i eit rehabiliteringsprogram etter operasjon eller skade, til dei som driv med idrett på konkurransenivå. Kap 4 Oppsummering/konklusjon/Vidare planar. Prosjektet med å innreia eit trimrom og leggja til rette for bruk av dette, er starten på ein ny og viktig del av arbeidet til Hosanger Helselag. Me vil vera ein aktiv medspelar i nærmiljøet vårt, med fokus på god helse og trivnad gjennom treningsaktivitetar som er tilrettelagde for folk med ulike behov. Auka fysisk aktivitet er eit satsingsområde for helsevesenet, og lag og organisasjonar er tiltenkt ein stor plass innan dette arbeidet. Det er viktig at me kan visa fram trivelege og tidsriktige fasilitetar for nye brukarar, som har fleire tilbod å velja mellom. Drifta av trimrommet vil vera eitt av satsingsområda våre i Me vil arbeida med å etablera faste treningsgrupper, og inspirera til at gode treningsvanar vert etablerte, slik at den positive verknaden kan verta maksimal og vara ved. Me vil og gjera dette til ein møtestad i bygda, der nye idear kan diskuterast, og aktivitetar kan starta opp. Trimrommet er god reklame for Hosanger helselag, og viktig i arbeidet vårt med å fornya oss og få nye medlemer i laget.

5 Samandrag. Nasjonalforeininga for folkehelsa Hosanger Helselag eig og driv Hosangerheimen Bufellesskap med 15 leilegheiter. Me såg at mange av leigetakarane våre hadde behov for fysisk aktivitet, men hadde vanskar med å finna eit tilbod som passa og å koma i gang. Då me undersøkte litt hjå medlemene våre, viste det seg at behovet galdt mange i alle aldrar. På Hosangerheimen stod eit høveleg rom tomt, og dette ynskte me å byggja om til eit trimrom. Me ville tilby medlemer og bygdefolk, unge som gamle, eit innbydande og velutstyrt trimrom, og såleis hjelpa til med å ta vare på og betra den fysiske helsa. Me såg at mange eldre er isolerte og einsame, og meinte at dette ville vera eit tilbod om få møta andre i same aldersgruppe til trim/trening/hyggeleg samvær. Fysisk aktivitet er ein viktig del av arbeidet til Helselaget, og dette ville og verta ein ny og verdifull møteplass. Prosjektet har vore leia av ei gruppe med 5 personar; som har kjennskap til fagområda bygg, økonomi og trening. Styringsgruppa har innhenta pristilbod, tilrettelagt for alt arbeid, planlagt og gjort innkjøp, og organisert dugnadsarbeidet. Hosanger Helselag kan no tilby eit fullverdig treningstilbod, med gode treningsapparat, i lyse og fine lokale. Trimrommet har toalett og dusj, garderobar og eigen inngang. Her vil me setja fokus på helse og korleis ein sjølv kan betra denne. Me vil driva treningsgrupper, og inspirera til å innarbeida og halda ved like gode treningsvanar. Me skal ha ein låg terskel for aktivitetane våre. Eit trimrom kan og verta ein møteplass, noko me manglar i bygdene våre. Innflyttarar kjem hit, men det er vanskeleg å verta kjend. Trening er ein viktig fritidssyssel for mange, og difor noko dei vil oppsøkja. Der folk møtest, oppstår nye idear. Planar vert lagde og nettverk bygde. Me trur at eit trimrom på Hosangerheimen vil føra til betre helse og større trivnad, og auka aktualiteten til helselaget og verdiane i laget. Hosanger,