1 Detaljregulering for Pålhaugen 3 Planidentifikasjon: Eigengodkjenningsdato: Eigengodkjend av: xx.xx.2016 Hareid kommunestyre REGULERINGSFØRESEGNER - Alternativ B tilknytta detaljregulering for Pålhaugen 3 Reguleringsplan: Utarbeidd: 12.11.2012 Revidert: 06.03.2013, 19.12.2013, 08.05.2014, 18.12.2015 etter vedtak i formannskapet 30.11.2015, sak PS 180/15 Eigengodkjend: Områdeomtale/plangrense: Plangrensene er vist på reguleringskartet 12.11.2012, sist revidert 05.05.2014. 1 - GYLDIGHEITSOMRÅDE Desse reguleringsføresegnene gjeld innanfor det området som på plankartet er vist med reguleringsgrense. Innanfor desse grensene skal areala nyttast slik som planen (plankartet og føresegnene) fastset. Føresegner og plankart kjem i tillegg til krav i plan- og bygningslova. 2 - PRIVATRETTSLEGE AVTALAR Etter at denne reguleringsplanen med tilhøyrande føresegner er gjort gjeldande, kan det ikkje gjerast privatrettslege avtalar som er i strid med planen. 3 - REGULERINGSFORMÅL Arealet innanfor reguleringsgrensene skal nyttast i samsvar med Pbl. 12-5 og 12-6 til følgjande føremål: 3. 1 Bygningar og anlegg (Pbl. 12-5 nr. 1) - 1111 Bustader frittliggande småhus; BF1-6 - 1112 Bustader konsentrert småhus: BK1 og BK2-1610 Leikeplass 3.2 Samferdsel og teknisk infrastruktur (Pbl. 12-5 nr. 2) - 2011 Køyreveg, offentleg; o_v1-2011 Køyreveg, felles; f_v2, f_v3, f_v4-2012 Fortau, offentleg; o_f1-2015 Gang- og sykkelveg, offentleg; o_gs1-2018 Anna veggrunn, offentleg - 2018 Anna veggrunn, felles 3.3 Grøntstruktur - 3031 Turveg - 3040 Friområde 4. GENERELT a. Det er ikkje høve til, med private servituttar, å skipe tilhøve som er i strid med desse føresegnene. Når særlege grunnar talar for det kan kommunen tillate mindre vesentlege endringar frå reguleringsplanen innanfor ramma av bygningslovgjevinga og dei kommunale vedtektene. b. Bebyggelsen skal plasserast innanfor dei regulerte byggegrensene. Gesims- og mønehøgde målast ut frå gjennomsnittleg planert terreng rundt bygget.
2 c. Innafor byggeområde kan det oppførast trafokioskar, pumpestasjonar eller andre tekniske innretningar der dette er nødvendig. Frittståande bygg til slike føremål skal ha dimensjon, form og farge som er tilpassa bebyggelsen elles i området. d. Der terrenget etter opparbeiding gjer det naudsynt med støttemur mot grannetomt eller veg, kan kommunen gje påbod om at planeringshøgder skal løftast eller gjerast lågare, eller at det vert nytta skråningar som gjer høgda på støttemurane lågare. Det tillatast oppført forstøtningsmur i eigedomsgrensa. e. Innafor kvar tomt må utbyggjar syte for naudsynt drenering for overvatn og grunnvatn, og føre dette til avløp til bekk/vassdrag eller kommunalt leidningsnett etter godkjenning frå kommunen. f. Kommunen skal ha rett til å nytte uteareal i samband med naudsynt vedlikehald av kommunaltekniske anlegg som kryssar eller ligg inntil byggjeområda. g. Ikkje utbygd del av tomta skal utformast tiltalande. Det er ikkje tillate å ha skjemmande skjeringar og fyllingar. Skjeringane som følgjer av utgraving/planering av tomt skal tilplantast med stadeigen vegetasjon. Skråningane skal framstå som vegetasjonsbelte. Mur mot offentleg veg skal godkjennast av kommunen. h. Ein bør i størst mogleg utstrekning søkje å ta vare på og nytte eksisterande terreng og lokal vegetasjon i området i samband med utbygging og tilplanting. Der planering medfører støttemur mot nabotomt eller veg, kan kommunen påby at planeringshøgda vert senka eller heva slik at høgda på støttemuren vert redusert. i. Gjerde og hekkar langs gater skal ikkje vere over 0,7 m, ved avkøyrsle maks. 0,5 m, rekna utifrå vegnivået. j. Tilfredstillande støytilhøve skal dokumenterast i samband med byggesak innafor planområdet. k. Dersom det under graving vert mistanke om, eller påvist ustabile masser må det gjerast grundigare kartleggingar av grunntilhøva. 5. AREALBRUK 5.1. - BEBYGGELSE OG ANLEGG, PBL. 12-5 NR.1 OG 12-7 5.1.1 Frittliggande småhus(bf1-bf6) a. Innan BF1-6 skal det kunne førast opp frittliggande einebustader med utleigedel/sekundærhusvære med tilhørande anlegg som garasje, bud og liknande. b. Bygningar tillatast oppført med mønehøgd inntil 8,5 m og gesimshøgd 6,5 m. c. Grad av utnytting av tomtene er bestemt av tillete prosent bebygd areal (%BYA) slik: Maks %BYA for dei einskilde BF-områda = 35% BYA d. I område merka BF skal garasjar ikkje byggjast større enn 50 m2 BYA og då berre i ei høgd. Garasjar skal ikkje ha større gesimshøgd enn 3 m og mønehøgd ikkje over 4,5 m. Det er ikkje tillete med ark eller takglas på garasje.
3 e. Garasje skal som hovudregel plasserast min. 5 m frå regulert trafikkareal. Kommunen kan, om utbygginga på tomta gjer det nødvendig med garasje med innkøyring parallelt med veg, tillate slik oppført inntil 2,5 m frå regulert trafikkareal. f. Ved handsaming av søknad om byggjeløyve skal kommunen sjå til at bygningane får god form og materialbruk og at bygningar i same området får ei harmonisk utforming i høve terrenget og i høve eksisterande bebyggelse. Det skal ikkje nyttast reflekterande materialar eller skjemmande fargar på bygningar/anlegg. Det skal leggast vekt på å opparbeide gode uteareal. g. På kvar einskild tomt skal det opparbeidast 2 parkeringsplassar på eigen grunn. 5.1.2 Konsentrerte småhus(bk1 og BK2) a. Innan BK1 og BK2 skal det kunne førast opp konsentrerte fleirmannsbustader med tilhørande anlegg som garasje, bud og liknande. b. Bygningar tillatast oppført med mønehøgd inntil 9 m og gesimshøgd inntil 6,5 m. For bygning med pulttak skal gesimshøgd i flukt med yttervegg ikkje overstige 9 m. c. Grad av utnytting av tomtene er bestemt av tillete prosent bebygd areal (%BYA) slik: Maks %BYA for BK1 og BK2 = 50% BYA d. Fellesveg f_v4 inngår ikkje i grunnlaget for nettotomt på BK1 og BK2. e. I område merka BK1 og BK2 bør garasjar som hovudregel organiserast ved felles garasjeanlegg. Unntaksvis kan frittståande enkelt garasje (til ei bueining) byggast med grunnflate inntil 36 m². Parkering kan dekkjast ved felles parkeringsplass. f. Garasjar skal ikkje ha større gesimshøgd enn 3 m og mønehøgd ikkje over 4,5 m. Det er ikkje tillete med ark eller takglas på garasje. g. Garasje skal som hovudregel plasserast min. 5 m frå regulert trafikkareal. Kommunen kan, om utbygginga på tomta gjer det nødvendig med garasje med innkøyring parallelt med veg, tillate slik oppført inntil 2,5 m frå regulert trafikkareal. h. Ved handsaming av søknad om byggjeløyve skal kommunen sjå til at bygningane får god form og materialbruk og at bygningar i same området får ei harmonisk utforming i høve terrenget og i høve eksisterande bebyggelse. Det skal ikkje nyttast reflekterande materialar eller skjemmande fargar på bygningar/anlegg. Det skal leggast vekt på å opparbeide gode uteareal. i. På kvar einskild tomt skal minimum opparbeidast 2 parkeringsplassar på eigen grunn. j. Ved søknad om byggeløyve skal det utarbeidast utbyggingsplan for heile BK1 og BK2. k. Uteareal skal opparbeidast og ferdigstillast samstundes med bygningane/anlegget elles i samsvar med utbyggingsplan godkjent av kommunen. l. Ved trinnvis utbygging skal utbyggingsareal som ikkje vert teke i bruk med ein gong opparbeidast førebels med vegetasjon el. etter utbyggingsplan. Uteareal skal opparbeidast og ferdigstillast samstundes med bygningane/anlegget elles. 5.1.3 Leikeplass(f_L1 og f_l2)
4 a. Leikeplassane f_l1 og f_l2 skal opparbeidast slik at den er eigna for leik og opphald, minimum med sandkasse, benk og noko fast dekke. Leik for barn i alderen 1-7 år skal prioriterast. Leikeplassane kan gjerdast inne. b. Leikeplassane f_l1 og f_l2 er felles for bueiningane innanfor BK1 og BK2. 5.2. - SAMFERDSELSANLEGG OG TEKNISK INFRASTRUKTUR, PBL. 12-5 NR.2 OG 12-7 - Vegskråningar skal setjast i stand med tilplanting/tilsåing samstundes med ferdigstilling av bustadfeltet. Terreng, gjerde og hekkar langs gater skal ikkje vere høgre enn 0.7m over vegnivået. Ved avkøyrsle gjeld ovannemnde, men høgda skal ikkje vere over 0.5 m. 5.2.1 Offentleg køyreveg I offentlege trafikkområde kan det byggast - Køyreveg - Gangveg/fortau I tillegg til vist trafikkareal kjem nødvendig areal til vegskjeringar og fyllingar, jfr. PBL 35. 5.2.2 Felles veg a) Vegområde merka f_v2 er felles veg for eigedomane innanfor BF3-6 b) Vegområde merka f_v4 er felles veg for bueiningar innanfor BK1 og BK2. c) Vegane skal opparbeidast med breidder som vist i plankartet. d) I tillegg til vegareal kjem areal til grøft og snøopplag som vert lagt til tilgrensande tomter. 5.3 GRØNTSTRUKTUR, PBL. 12-5 NR.3 OG 12-7 5.3.1 Turveg a. Turveg, o_g1 er offentleg turveg b. Turveg kan opparbeidast med fast dekke og belysning. 5.3.2 Friområde a. Friområde o_fr1 er offentleg friområde. b. Innafor o_fr1 er det ikkje tillate å drive verksemd eller føre opp bygg eller anlegg som etter kommunen sitt skjøn er til hinder for bruken av friluftsområdet. c. Innafor o_fr1 kan det ved behov etablerast nødvendig støyskjerming langs Fv.61. 6 OMSYNSSONE, Pbl. 12-6 6.1 Sikringssoner I frisiktsonene H140_1 og H140_2 er det forbod mot fyllingar, bygningsmessige arbeid og plantning o.a. som er til hinder for fri sikt i ei høgd på 0,5 m over vegplanet. 6.1 Bevaring av kulturmiljø(pbl. 11-8c) Innafor områda H570_1, H570_2 og H570_3 skal søknad om tiltak sendast over til Fylkeskonservatoren for råd og uttale før kommunen kan godkjenne dei.
5 6.2 Bandlegging etter lov om kulturminne(pbl. 11-8d) Innafor område H730_1er det eit automatisk freda fornminne(gravhaugen Tuå). Innafor området, som er verna etter kulturminnelova 3 og 4, er det ikkje lov å dekke til, gjere inngrep i grunnen eller framkalle fare for at dette kan skje. 7 FELLESFØRESEGNER 7.1 REKKEFØLGJEKRAV a. Veg f_v4 skal utbyggast samtidig med utbygging innanfor BK1 og BK2. b. Felles leikeplassar skal opparbeidast før bustader innafor BK1 og BK2 kan takast i bruk. c. Veg o_v1 m/fortau og krysstilknyting til Isakdalen og andre tekniske anlegg skal ferdigstillast samtidig med opparbeiding av første delutbygging av bustadareala. d. Før utbygging vert sett i verk skal det inngåast avtale med kommunen om utforming og kostnadsfordeling for dei kommunaltekniske anlegga som er nødvendige for utbygginga. 7.2 AUTOMATISK FREDA KULTURMINNE Dersom det viser seg at tiltak innanfor planen kan skade, øydeleggje, grave ut, flytte, forandre, tildekke, skjule eller på annen måte utilbørleg skjemme automatisk freda kulturminne eller framkalle fare for at dette kan skje, må arbeida straks stansast og kulturminneforvaltninga varslast umiddelbart. Ansvaret ligg hjå tiltakshavar og/eller ansvarshavande leiar på plassen. Kulturminneforvaltninga avgjer snarast mogleg og seinast innan 3 veker om arbeidet kan fortsette og vilkåra for det. Fristen kan under gitte forhold forlengast. Hareid kommune, xx/2016 ordførar