VIK KOMMUNE- REGULERINGSPLAN BADNADALEN, FØRESEGNER Dato for siste revisjon av plankart : 24.06.16 Dato for siste revisjon av føresegnene : 27.06.16 Plan: Planid:1417 2014003 DETALJREGULERINGSPLAN FOR BADNADALEN Arkiv nr.: Utarbeidd av: Asplan Viak AS 27.06.16 Vedtak/Stadfesting: Dato org. føresegner: Siste revisjon: Avskrift Sign.: 1 GENERELT 1.1 Føremål Måla med reguleringsplanen er å legge til rette for reparasjons- og sikringstiltak i elva og samstundes sikre natur- og kulturverdiar og omsyn til landbruk og friluftsliv. 1.2 Planavgrensing Det regulerte området er vist med plangrense på plankart i målestokk 1:1000, dagsett 24.06.16. 1.3 Areala i planområdet skal nyttast til fylgjande reguleringsføremål: (Plan og bygningslova 12-5, 12-6 og 12-7) Samferdsel og teknisk infrastruktur ( 12-5, nr. 2) - Køyreveg - Annan veggrunn - teknisk Landbruks-, natur,- og friluftsformål ( 12-5, nr.5) -Landbruk-, natur- og friluftsområde (LNF) -Landbruksformål (L) -Friluftsområde (F) -Natur- og friluftsområde (NF) Bruk og vern av sjø og vassdrag med tilhøyrande strandsone, BV ( 12-5 nr.6) Omsynssoner ( 12-6, jf. 11-8) - Sikringssone (11-8, a.1): Frisikt - Faresone (11-8, a.3): Ras- og skredfare - Sone med særlege omsyn (11-8,c): Bevaring kulturmiljø Områdeføresegner ( 12-7) - Anlegg- og riggområde 1
2 FELLES FØRESEGNER 2.1 Dokumentasjon ved søknad om tiltak/gjennomføring av sikringsanlegga 2.1.1 Før søknad om igangsetjingsløyve skal sikringsplanen avklarast etter vassressurslova og anna lovverk. 2.1.2 Detaljplanar for utforming av anlegga Det skal liggja føre detaljert plan for utforming av fangdam, elveløp og sideareal. Det skal takast mest mogleg miljøomsyn, m.a. omsyn til at elva er leve/oppvekstområde for fisk. Planen skal utarbeidast i samråd med fiskebiologar. 2.1.3 Plan for anleggsgjennomføring Det skal liggja føre plan for anleggsgjennomføring der miljøomsyna, m.a. omsyn til at elva er leve/oppvekstområde for fisk, er innarbeidd. Planen skal utarbeidast i samråd med fiskebiologar, og det skal leggjast opp til at fiskebiologar vert tekne med på råd under anleggsarbeidet. Fastsetjing av periode av året der arbeidet kan gjerast med minst mogleg skade for miljøet, må skje i dialog med Fylkesmannen. 2.2 Handtering av overvatn Ureina overvatn, t.d. frå anleggsverksemd eller ved avslutting av eksisterande grønkompostanlegg, skal ikkje tilførast elva. 2.3 Avfallshandtering Avfall frå eksisterande deponi for organisk materiale skal transporterast bort til godkjend fyllplass. Ikkje forureina massar kan nyttast i planområdet til terrengforming. 2.4 Utforming, terreng og landskap 2.4.1 Det skal leggjast vekt på ei god landskapstilpassing ved etablering av masseavlagringsområde og ved andre tiltak 2.4.2 Alle synlege skjeringar, fyllingar og fyllingskantar skal murast med naturstein, plastrast eller jordslåast. 2.4.3 Det er berre tillate å så/planta stadeigne vekstar. 2.5 Universell utforming/tilgjenge Ved detaljplanlegging av utemiljø skal prinsippa om universell utforming leggjast til grunn så langt råd er. Omsyn til terreng og landskap skal alltid vurderast i høve til universell utforming. 2
2.6 Automatisk freda kulturminne/kulturminne/kulturlandskap 2.6.1 Dersom det under utbygging vert oppdaga automatisk freda kulturminne som ikkje tidlegare er registrerte, skal arbeidet stansast med ein gong, og regionale kulturvernstyremakter varslast, jamfør 8 i kulturminnelova. 2.6.2 Eldre elveforbyggingar, m.a. forbygginga etter skred i 1887 skal takast vare på og restaurerast så langt det let seg gjera (jf. 6.4, omsynssone) 2.6.3 Kulturlandskapet i planområdet skal takast vare på i den grad dei planlagde tiltaka gjer dette mogleg. (jf. 6.4, omsynssone) 3 REKKJEFØLGJEKRAV (Plan og bygningslova 12-5 nr.3) 3.1 Før igangsetjing av arbeid skal det lagast eigen plan for anleggsarbeida, denne skal m.a. ta inn: HMT, ureining og støy. 3.2 Friluftsområde i F-BV skal etablerast i samband med etablering av sikringstiltaka i LNF- BV. 4 SAMFERDSELSANLEGG OG TEKNISK INFRASTRUKTUR (Plan og bygningslova 12-5 nr.2 ) 4.1 Køyreveg Eksisterande kommunal veg. 4.2 Permanent tilkomst til masseavlagringsområdet er markert med austlegaste avkøyrslepil - til LNF-BV 4.3 Vestlegaste avkøyrslepil markerer avkøyrsle til landbruksareal (tidlegare avkøyrsle til deponi for organisk materiale) 4.4 Annan veggrunn- grøntareal: Dette er areal for grøfter, fyllingar og skjeringar mm. langs køyrevegen. I området kan vegbana utvidast og det kan byggjast møteplassar. 5 BRUK AV VERN AV SJØ OG VASSDRAG (Plan og bygningslova 12-5 nr.6) 5.1 Følgjande område er sett av til bruk- og vern av sjø og vassdrag (BV) i kombinasjon med andre føremål: NF-BV, LNF-BV og F-BV, sjå 7.1, 7.2 og 7.3 for omtale av bruk og vern. 6 OMSYNSSONER OG MELLOMBELS ANLEGGS/RIGG-OMRÅDE (Plan og bygningslova 12-6, 11-8 og 12-7) 6.1 Sikringssone: Frisikt Det skal vera fri sikt ned til ei høgde av maks. 0,5 m over tilgrensande vegplan 3
6.2 Faresone: Ras- og skredfare Sona er synt på eige utsnitt på plankartet, og omfattar alle naturfarar ras, skred, flaum som ligg inne i offentlege kjelder og i eigen flaumskredrapport for Stadheimselvi. 6.4 Sone med særlege omsyn: Bevaring kulturmiljø Omsynssonene ligg i områda NF-BV, LNF-BV og LNF sjå pkt. 7.1, 7.2 og 7.5 for omtale av verneverdiane og reglane. 6.5 Område-bestemmelse: Anlegg- og riggområde Områda er regulerte til andre permanente føremål (bruk og vern), men kan mellombels brukast for gjennomføring av anlegg knytt til fangdam m.m. Dette gjeld områda LNF-BV, F-BV, L-1 og LNF, sjå punkt 7.2, 7.3, 7.4 og 7.5 for nærare reglar. 7 LANDBRUKS-, NATUR- OG FRILUFTSFØREMÅL (Plan og bygningslova 12-5 nr.5) 7.1 NF-BV: Natur- og friluftsområde (NF) kombinert med vern og bruk av vassdrag (BV) og med omsynssone for bevaring av kulturmiljø I elva og på begge sider av elva er det sett av område til natur- og friluftsføremål. Området skal ha eit naturleg vegetasjonsbelte, jamfør vassressurslova 11. Området er også omsynssone bevaring kulturmiljø. Dei eksisterande eldre flaumforbyggingane og vegen skal takast vare på og restaurerast. I området i og langs elva skal det gjennomførast utbetringstiltak for å halda oppe/betra flaumkapasiteten. Det skal takast mest mogleg omsyn til kultur- og naturverdiane. Tilkomst for anleggsmaskiner mm. skal vera frå sørsida av elva. 7.2 LNF-BV: Landbruks- natur- og friluftsområde (LNF) kombinert med vern og bruk av vassdrag (BV) og med mellombels anleggsområde - og (delvis) med omsynssone bevaring av kulturmiljø I området skal det opparbeidast ein fangdam i samsvar med planar godkjende av NVE. Botn av dammen skal ha form av ein vasspegel. Området skal vera permanent tilgjengeleg med køyretøy/anleggsmaskiner for drift/vedlikehald av anlegga. Køyretilgjenge både i anleggsfasen og seinare (ved drift/vedlikehald)skal vera frå vestsida av elva. Det permanente avkøyrslepunktet er markert i plankartet ved avkøyrslepil vest i LNF-BV. Området skal etter anleggsperioden tilstellast og det skal leggjast til rette for revegetering med stadeigne artar. For elva nedstraums og oppstraums vass-spegelen gjeld reglane i 7.1 så langt det høver. I øvre del av området er eit areal avsett til omsynssone bevaring av kulturverdi av omsyn til kulturlandskapet og eit eldre forbyggingsanlegg. 4
7.3 F-BV: Friluftsområde (F) kombinert med vern og bruk av vassdrag (BV) og med mellombels anleggsområde Området er ein del av arealet for fangdam, og reglane i 7.2 gjeld så langt det høver. I området kan det opparbeidast ei flate (opphaldsareal) nede ved vass-spegelen i fangdammen, dessutan tilkomst til denne flata. Det kan ikkje førast opp konstruksjonar eller anlegg ut over fangdammen og naudsynt veg/planering for tilkomst til og tilrettelegging av opphaldsarealet. Køyretilkomst i anleggs- og driftsperioden skal skje via område LNF-BV etter reglane i pkt. 7.2 7.4 L1: Landbruksområde og mellombels anleggsområde Området går inn i anleggsområdet for fangdam mm. og kan nyttast som tilkomstområde og riggområde i anleggsperioden. Det kan gjerast terrenginngrep i samband med anleggsverksemda. Etter anleggsperioden skal terreng og vegetasjon førast mest mogleg attende til naturleg tilstand for landbruksføremål. 7.5 LNF: Landbruks-, natur- og friluftsområde og mellombels anleggsområde kombinert med omsynssone for bevaring av kulturmiljø. Det kan gjerast terrenginngrep i samband med anleggsverksemda for fangdammen (jf. 7.2 og 7.3). Det kan vidare byggjast ein utmarksveg for å erstatta dei delane av eksisterande utmarksveg som vert fjerna i samband med anleggsarbeida for fangdammen. Området er avsett til omsynssone bevaring av kulturmiljø av omsyn til kulturlandskapet Etter anleggsperioden skal terreng og vegetasjon førast mest mogleg attende til naturleg tilstand for området. 5