PROTOKOLL FRÅ STYREMØTE I HELSE BERGEN HF STAD: Finstuen, Bikuben konferansesenter MØTETIDSPUNKT: 29.9.2017, kl. 10.00 14.00 Styremøte var ope for publikum og presse. DELTAKARAR FRÅ STYRET Svein Gjedrem Signy Midtbø Riisnes Ivar Eriksen Mona Hellenes Anne-Margrete Bollmann Bjørn Østbø Karen Anne Stordalen Irene Hopsdal Geir Arne Sunde Arvid Langeland Leiar Nestleiar DELTAKAR FRÅ BRUKARUTVALET Inge Aareskjold Fiskvik Leiar brukarutvalet DELTAKARAR FRÅ ADMINISTRASJONEN Eivind Hansen Administrerande direktør Anne Sissel Faugstad Viseadministrerande direktør Clara Gjesdal Viseadministrerande direktør Lasse Hatletvedt Referent
Sak 71/17 A Godkjenning av innkalling og dagsorden Innkalling og dagsorden vart godkjend. Sak 72/17 A Godkjenning av protokoll Protokollen frå 31. august 2017 vart godkjend. Sak 73/17 O Administrerande direktør (AD) si orientering 1. Rapportering tilsynssaker Administrasjonen bør be om å få ei endeleg avklåring frå Datatilsynet når det gjeld avslutning av tilsyn frå våren 2015. 2. Orientering om relevante lover, forskrifter og styremaktskrav 3. Oversikt over aktuelle høyringar 4. Saker til oppfølging etter styremøtet 5. Mediesaker 6. Sykkel-VM Avviklinga av sykkel-vm gjekk utan store hendingar. Føretaket var vel budd, og dei tilsette bidrog til at dette gjekk bra. Eit førebels anslag tyder på at føretaket har tapt omkring 15 millionar kroner som ein følgje av arrangementet.
7. Status arbeid med Bergen legevakt Behov for å gjennomføre ein politisk prosess i Bergen kommune, gjer at tidspunktet for overdraging av verksemda på Bergen legevakt blir forseinka frå 1. januar 2018 til 1. april 2018. 8. Svar frå Helse Vest angåande språk i styredokument Styret tar svaret frå Helse Vest til etterretning og gjer ikkje noko vidare oppfølging når det gjeld bruk av omgrepa strakshjelp og pasientløype. 9. Oppfølging av internrevisjonen av Planlegging for gevinstrealisering i byggeprosjekt frå 2016 Ingen kommentarar 10. Orientering om sak på Barneklinikken 11. Orientering om sak på Nevrokirurgen Styret i Helse Bergen tar meldingane til orientering. Sak 74/17 O Rapport frå verksemda Oppsummering: Aktiviteten i føretaket målt i DRG-poeng, er lågare enn planlagt, og lågare enn forventninga i statsbudsjettet om 1,5% aktivitetsvekst for 2017. Dette er ein situasjon som vi også ser for andre føretak både regionalt og nasjonalt. For Helse Bergen utgjer dette eit negativt avvik hittil i år samanlikna med det som er planlagt, på 2.721 DRG-poeng. Det gjeld særskilt øyeblikkeleg hjelp døgnopphald, og årsakene er i hovudsak færre trachostomiar, færre fødslar og færre sjuke nyfødde. Dei elektive innleggingane er også færre enn planlagt, og denne utfordringa kan vekse utover hausten om den planlagde aktiviteten ikkje aukar. Til tross for lågare aktivitet målt i DRG-poeng, behandlar føretaket fleire pasientar enn i fjor, og talet på polikliniske konsultasjonar aukar. Ventetidene i august går noko opp frå juli. Det gjer at ventetidene i august er lengre enn krava som er sette både regionalt og nasjonalt. Ei slik utvikling i ventetidene skjer ofte etter sommarferieavvikling, og er forhåpentlegvis forbigåande. Talet på fristbrot er redusert frå
juli, men er framleis altfor høgt. Vanskane er fortsatt særskild store for Brystdiagnostisk senter, sjølv om det er ein nedgang frå juli. Talet på korridorpasientar i august, var på det lågaste nivået som nokon gong er målt i føretaket. Resultata for pakkeforløp for kreft var også gode, og viser at Helse Bergen også denne månaden er best av regionsjukehusa i landet. Det økonomiske resultatet per august viser eit negativt avvik på kr 47,7 mill. samanlikna med budsjett. Føretaket melder ein årsprognose på kr. 140 mill., som er kr. 20 mill. lågare enn budsjettert. Dette resultatet legg til grunn nokre føresetnader som det er gjort greie for i rapporten for verksemda. Til oppfølging Administrasjonen blir bedt om å undersøke meir om forskjell i belegg klokka 05.00 samanlikna med klokka 07.00. Styret ønskjer å få presentert sjukefråvær sett gjennom heile veka, ikkje berre for kvardagane. Styret ønskjer å få tilsendt foilsett med rapport frå verksemda. Ta med fall, trykksår og ernæring i neste rapport frå verksemda. Det er ønskjeleg å sjå utvikling i prosent «ikkje møtt» dei siste åra. ar saka til orientering. Sak 75/17 O Budsjett 2018 Oppsummering Premissar og føresetnader for budsjett 2018 blir kjent når statsbudsjettet blir lagt fram 12. oktober. Helse Vest har gitt førebelse budsjettpremissar, og desse blir lagt til grunn i budsjettarbeidet fram til nye premissar er klare. Dei ulike einingane i Helse Bergen fekk budsjettrammene sine 25. september. Forholda som er lagt til grunn for fordelinga av den totale budsjettramma sjukehuset er tildelt, vart gjennomgått i styremøtet.
Kommentarar i møtet Styret var opptatt av at det vart utarbeidd ROS-analysar knytt til nokre av dei planlagde endringane. Det var også ønske om å få ei oppstilling som viser konsekvensane av nokre av tiltaka. Reduksjon i sengetal må sjåast i samanheng med det ansvaret som ligg i å vere eit høgspesialisert sjukehus. Det er viktig å sikre at det ikkje blir gjort noko som gjer at vi ikkje lenger har eit sjukehus med alle viktige funksjonar. Samtidig må dei tiltaka som no blir gjennomført, henge saman med utviklingsplanen som er under arbeid. Det vart også vist til at det er enkelte veksande pasientgrupper som etter kvart vil krevje fleire liggedøgn. Budsjettramma føretaket er tildelt, legg til grunn at drifta må effektiviserast. Det er viktig at driftsoverskotet ikkje blir salderingspost slik at føretaket kjem på etterskot med investeringane. Styret la vekt på at det er viktig å ha ein god prosess med involvering av tilsette og tillitsvalde når strukturelle endringar blir planlagde og gjennomført, og at det må gjerast nødvendige justeringar av vaktordningane i samband med endringane. Styret i Helse Bergen HF tar gjennomgang av budsjett 2018 til orientering. Sak 76/17 A Sal av Manger (gnr 45, bnr 188 i Radøy kommune) Oppsummering Eigedomen Manger, adresse Radøyvegen 1625 A-D, gnr 45, bnr 188 i Radøy kommune, har høyrt til Helse Bergen HF sidan 2002 og har vore brukt som ein del av Bjørgvin distriktspsykiatriske senter fram til juli 2012. Da vart verksemda overført til andre lokale i helseføretaket i samsvar med arealplanen for sjukehuset. Per i dag er det ikkje langtidsplanar i helseføretaket som tilseier at eigedomen vil kunne bli brukt i dei kommande åra. Helse Bergen har derfor i fleire år vore i kontakt med Radøy kommune for å få klarlagt om kommunen har interesse av å kjøpe eigedomen sidan Helse Bergen ikkje lenger har behov for desse areala.
1. Styret stiller seg positiv til at eigedomen Manger (gnr 45, bnr 188) i Radøy kommune blir seld til Radøy kommune i samsvar med den avtalen som ligg føre og for 12,5 millionar kroner. 2. Saka blir send til Helse Vest for vidare behandling/godkjenning Sak 77/17 O Utviklingsplan for Helse Bergen 2017-2035 om prosessen Oppsummering Helse Bergen, Haukeland universitetssjukehus, skal utarbeide ein utviklingsplan for perioden 2017-2035. Utviklingsplanen vil bli eit godt verktøy for føretaket, fordi vi no planlegge med både kort og langt perspektiv, og ser alle innsatsfaktorane som er nødvendig for å vidareutvikle spesialisthelsetenestene i samanheng. I arbeidet legg vi til grunn Veileder for arbeidet med utviklingsplan, pluss føringar frå og dialog med Helse Vest. Styret for Helse Bergen HF skal haldast orientert om saka, gi innspel og endelig godkjenne utviklingsplanen i møtet i april 2018. Kommentarar i møtet Det er viktig å involvere heile sjukehuset i arbeidet med utviklingsplanen. Det er også viktig å inkludere dei andre aktørane vi skal samarbeide med, som til dømes kommunane og høgskule/universitet. Styret tar prosjektdirektivet som ligg ved saka, til orientering. Sak 78/17 A Internasjonalt samarbeid ved Haukeland universitetssjukehus Intern evaluering av innsats og måloppnåing
Oppsummering Haukeland universitetssjukehus (HUS) har ein strategi for samarbeid med sjukehus i dei hovudsamarbeidslanda Noreg har i sør. Denne strategien vart vedtatt i styret i 2010 og 2013. Avdeling for internasjonalt samarbeid (AIS) har hatt ansvaret for å omsette denne strategien til praktisk arbeid. På oppdrag frå administrerande direktør er arbeidet evaluert gjennom spørjeundersøkingar med personell stasjonert ute og leiarar og nøkkelpersonell heime og ute. Evalueringa tyder på at dei måla som er sett, i stor grad blir nådd og at det blir bygd kompetanse både ute og heime. Kompetansen har verdi for pasienttilbodet heime, både på kort og lang sikt. På bakgrunn av resultata frå undersøkinga, blir det gitt råd om at satsinga blir vidareført med nokre forbetringar. Kommentarar i møtet I styremøtet vart det lagt vekt på at føretaket får mykje igjen for den internasjonale innsatsen. Tilsette får kompetanse og erfaring som er svært verdifull for å møte sjukdommar som kjem til landet både via turisme og innvandring. Samstundes kom det fram at sidan dette ikkje er ein del av oppdraget, er det viktig at dette arbeidet ikkje tar fokus bort frå kjerneverksemda. Det vart og stilt spørsmål ved bruken av Helse Bergen sine midler til dette formålet. Det vil vere viktig med openheit og god kommunikasjon knytt til det internasjonale arbeidet for å synleggjere ressursbruk og resultat. Til oppfølging Styret ønskjer i neste møte ein gjennomgang av kva som blir gjort når det gjeld internasjonalt samarbeid i dei andre regionsjukehusa. Styret tar evalueringsrapporten til etterretning, og ber om at det blir fremma ei sak om eventuell vidareføring av satsinga. Styret ber om at saka blir lagt fram med ein handlingsplan der dei forslaga til forbetring som kjem fram i rapporten, er innarbeidd. Sak 79/17 O Eventuelt
Program for regionalt styreseminar 2-3. oktober vart gjennomgått. Forslag til agenda for styreseminar 23. oktober vart også presentert. Til oppfølging Det vil snarleg bli laga eit årshjul for 2018 som styret får tilsendt.
Dato: 23. oktober 2017 Svein Gjedrem Styreleiar Signy Midtbø Riisnes Nestleiar Ivar Eriksen Bjørn Østbø Mona Haugland Hellesnes Ann-Margrete Bollmann Arvid Langeland Karen-Anne Stordalen Irene Hopsdal Geir Arne Sunde