Månadsbrev for ROSA mars 2015 Oppsummering/ evaluering av mars Mars har vore ein lunefull månad med tanke på veret, men vi gledar oss over mange fine dagar med sol og vårleg varme. Har vore mykje ute og også prøvd oss med litt måltider ute. På «Vaffeldagen» 25. mars kosa heile barnehagen seg ute med vafler. Under mottoet «Vi vil ut!» har vi markert Barnehagedagen. Medan dei eldste barna i barnehagen var på Heggmyrane, markerte vi andre dagen med felles songstund i aulaen og felles måltid med Grøn. På grunn av ruske ver vart det ikkje så mykje utetid som vi hadde planlagt denne dagen. Vi har elles halde på med enkle påskeaktiviteter og laga nokre ting som barna har fått med seg heim. Veldig kjekt og at så mange tok seg tid til å vere med oss på påskefrukosten. Under felles songsamling i aulaen sat borna med store auge då nokre av dei vaksne dramatiserte «Tre små tamburer». Språkutvikling Språket er heile tida i fokus ved at vi badar borna i ord gjennom dagen. Bøker med tjukke permar står tilgjengeleg, slik at borna sjølve kan bla, «lese» og sjå på bilder. Andre bøker tek vi fram når vi vaksne les saman med borna. Bøker vi har hatt ein del fokus på no er bøkene om Bø og Bæ, Unni og Gunni, og Mopp og Mikko. Nokon av borna trivest best med sjølv å få «lese» medan andre helst vil ha ein vaksen med seg. Den same boka må gjerne lesast fleire gonger. Bravoøktene vart avslutta no til påske. Sidan september har dei som er med i prosjektet vore igjennom 24 veker der dei på ulik vis har vorte bada i mange ulike ord og uttrykk. No står det att TRAS registrering som vi på avdelinga skal gjere og CDI (foreldrekartlegging) som forelda til «forskingsbarna» skal fylle ut i mai/juni og hausten 2015. Dersom studiane gir interessante funn vil det bli gjort ytterlegare to kartleggingar av barna. Den første kartlegginga av fase 2 vert når barna er ca. 5 år (våren 2016) og ei siste avsluttande kartlegging kjem til å skje i 2. klasse (våren 2018). Deretter vert prosjektet avslutta. Leik Mange av barna er flinke til å aktivisere seg med leikene vi har, og vi ser at leiken ofte er best om dei ikkje omgir seg med altfor mange leiker på ein gong. Ved å vere til stades på golvet saman med barna, kan vi hjelpe både dei som treng hjelp til å kome i gang med leiken og dei som treng å vidareutvikle leiken. Leiken gir og rom for å prate om korleis vi ynskjer å vere mot kvarandre. ved å vise til at andre vert glad eller lei seg avhengig av korleis vi oppfører oss mot kvarandre. Kjekt å sjå at også dei minste har glede av kvarandre og samspelar i leiken på sitt vis.
Prosjektarbeid Turar/fysisk aktivitet Sjølv om det er mange ting vi ynskjer å jobbe med, så ser vi at vi ikkje rekk over alt. Temaarbeidet hos oss føregår ofte gjennom spontane aktiviteter som tek utgangspunkt i dagen, situasjonen til det enkelte barn og kva dei er opptekne av. Vi har teikna rundt hendene våre, snakka om fingrane og hendene og brukt utklipte hender til å lage sol og påskekyllingar av. I mange av sangane vi syng blir vi kjende med ulike kroppsdeler ved at vi tek på dei og set namn på dei. Dette er noko som fenger borna. Sjølv om vi har jobba mykje med gult i denne perioden, så har vi og sett på andre fargar og øvd på fargenamn. I ei av bøkene om Unni og Gunni ser vi korleis det kan bli nye fargar ved at grunnfargane vert blanda med kvarandre. Desse fargane har vi hengt på veggen slik at vi saman med borna kan sjå på dei og øve på ulike fargenamn. Det meste av dei fysiske aktivitetene våre har føregått på barnehagen sitt uteområde, men vi har og vore nokre turar utanfor barnehagen. På turar i nærmiljøet legg vi vekt på minst muleg bruk av vogner slik at barna kan få gå sjølv for å bruke seg motorisk og gjere oppdagingar undervegs. Nokre av barna har vore på tur til Grindane der dei og har hatt mat med seg. Aulaen er også populer, og her brukar barna seg skikkeleg både i ribbeveggen, på sklia, på trampoline og med store ballar. Mål og innhald for april Fargar og kroppen vil også i tida framover vere tema, men mange av aktivitetene vil vere knytt til uteliv. Saman med Grøn vil vi ha faste turdagar der vi enten går med heile gruppa eller med ei gruppe av dei eldste. Håpar på mange fine turar der vi og kan ha med mat og ete ute. Turdagane vil bli lagt til måndagar i partalsveker og fredagar i oddetalsveker. Bursdagar: Ida 2 år 23. april Ting å hugse på Veret kan framleis vere lunefullt, så hugs varierte kle og minst to sett med bytekle. Kanskje er det no på tide å skifte ut vinterdressen med ein litt tynnare dress. Anna informasjon Har no gjennomført foreldresamtalar med de som tok til i januar. For dykk andre vert det gitt rom for samtale etter påske. Fint om dei av dykk som ynskjer samtale tek kontakt så vi kan avtale ei tid. Ynskjer dykk alle ei strålande fin påske!