ØRSTA KOMMUNE MØTEINNKALLING Utval: Valstyret Møtestad: Ørstafjord Dato: 28.03.2017 Tid: 12:00 Medlemer som kan vere ugilde i ei sak vert bedne om å gje melding, slik at varamedlemer kan verte kalla inn. Vi ber om at forfall vert meldt til Inger Johanne E. Løeng på telefon 911 08 618 eller e-post: inger.johanne.loeng@orsta.kommune.no Varamedlemer får saksdokumenta førebels berre til orientering. Inger Johanne E. Løeng kallar inn varamedlemer. Møtet er ope for publikum, men kan verte lukka ved handsaming av saker der det kjem fram informasjon som er underlagt teieplikt, eller som vert unnateke offentleg innsyn med vising til lovheimel. Saksdokumenta er lagt ut til offentleg innsyn på Ørsta kommune si heimeside. Ørsta rådhus 23.3.2017 Stein Aam ordførar 1
Sak nr Tittel Arkivsaknr SAKER TIL HANDSAMING PS 1/17 Godkjenning av innkalling og sakliste PS 2/17 Førebels møteplan for valstyret 2017 2016/707 PS 3/17 Delegering av oppgåver og mynde 2016/707 PS 4/17 Utlegging av manntalet 2016/707 PS 5/17 Oppnemning av røystemottakarar i samband med førehandsrøystinga 2016/707 PS 6/17 Val av nemnd til å gå gjennom førehandsrøystinga 2016/707 2
3
SAKER TIL HANDSAMING PS 1/17 Godkjenning av innkalling og sakliste 4
ØRSTA KOMMUNE SAKSFRAMLEGG Sakshandsamar: Arkivsak: 2016/707 Løpenr.: 4335/2017 Utvalsaksnr. Utval Møtedato 2/17 valstyret 28.03.2017 Saka gjeld: FØREBELS MØTEPLAN FOR VALSTYRET 2017 TILRÅDING TIL VEDTAK: Valstyret godkjenner framlegg til førebels møteplan og førebels sakliste for møta, slik dei ligg føre. Dersom det vert behov for ytterlegare møter/saker, må desse takast så snart sekretariatet og leiar for valstyret ser det som naudsynt. 5
Saksvedlegg: 1. Utkast til førebels møteplan og sakliste for møta i valstyret. Saksutgreiing: Rådmannen viser til utkast til førebels møteplan og utkast til sakliste for møta i valstyret, og legg dette fram for godkjenning i valstyret. Grunnen til at godkjenning av valet og signering er lagt til onsdag 12.9, i staden for tysdag 11.9, er endringar i vallova. Fristen for godkjenning av for seint innkomne førehandsrøsyter er flytta til kl 17.00 dagen etter valdagen (tysdagen). Det gjer at protokollen ikkje kan ferdigstillast før etter denne fristen. Dersom det oppstår behov for ytterlegare møter, og saker, vil dette verte teke opp med valstyret og leiar for valstyret fortløpande. Ørsta, 22.03.2017 Wenche Solheim rådmann stabsleiar plan- og utvikling 6
UTKAST TIL SAKSKART FOR MØTA I VALSTYRET 2017 Tysdag 28. mars 2017 2/13: Førebels møteplan 3/13: Delegering av oppgåver og mynde 4/13: Utlegging av manntalet 5/13: Oppnemning av røystemottakarar i samband med førehandsrøystinga 6/13: Val av nemnd til å gå gjennom førehandsrøystinga Tysdag 9. mai 2017 7/13: Fastsetjing av tid og stad for førehandsrøysting 8/13: Fastsetjing av røystestadar på valdagen 9/13: Fastsetjing av røystetider på valdagen og ved søndagsrøystinga 10/13: Særskilt oppteljing for einskilde valkrinsar 11/13: Oppnemning av røystestyre Tysdag 22. August 2017 - Handsaming av søknader om fritak frå verv i samband med valet Måndag 11. September 2017 - Handsaming av røystesetlar - Oppteljing av røyster mv Onsdag 12. September 2017 - Godkjenning av innkomne førehandsrøyster - Godkjenning av val og signering av valprotokoll 7
ØRSTA KOMMUNE SAKSFRAMLEGG Sakshandsamar: Arkivsak: 2016/707 Løpenr.: 4336/2017 Utvalsaksnr. Utval Møtedato 3/17 valstyret 28.03.2017 Saka gjeld: DELEGERING AV OPPGÅVER OG MYNDE TILRÅDING TIL VEDTAK: Valstyret delegerer mynde til å treffe vedtak i einskildsaker og saker av ikkje prinsipiell karakter til leiar for valstyret og til sekretariatet for valstyret. Leiar for valstyret kan bestemme at einskildsaker som ikkje er av prinsipiell karakter kan verte avgjort ved sirkulasjon mellom valstyret sine medlemmar. Vedtaket er gjort med heimel i vallova og forarbeida til denne. 8
Uprenta saksvedlegg: 1. Vallova, med forarbeid Saksutgreiing: Av omsyn til behovet for å avgjere administrative og ikkje prinsipielle spørsmål knytt til valet og førebuingane på ein rask måte er det føremålstenleg at valstyret delegerer mynde til å treffe vedtak i slike saker til leiar og sekretariat for valstyret. Desse er til stades på rådhuset dagleg og kan ta avgjerder raskt, og då slepp ein å kalle inn til møte i valstyret i denne typen saker. Tidlegare inneheldt 15 i vallova ein heimel til å delegere mynde til leiar for valstyret og sekretariatet i einskildsaker av ikkje prinsipiell karakter. Leiaren kunne også bestemme at slike saker kunne verte avgjort ved sirkulasjon mellom valstyret sine medlemmar. I Ørsta kommune har det vore praksis at leiaren og sekretariatet har hatt delegert mynde til å treffe vedtak i saker som dette. Gjeldande vallov har ikkje ein særskilt regel om delegering av mynde, men av forarbeida til lova går det fram at lovgjevar opnar for dette. Der heiter det mellom anna at: Den enkelte kommune vil dermed kunne bestemme organiseringa av administrative oppgaver. På bakgrunn av dette vil rådmannen rå til at valstyret gjev same delegerte mynde som ved tidlegare val. Denne ordninga har fungert på ein god og effektiv måte. Sekretariatet for valstyret er sett saman av Eldar Øye, Arnstein Nupen og Inger Johanne Løeng. Ørsta, 22.03.2017 Wenche Solheim rådmann stabsleiar plan- og utvikling 9
ØRSTA KOMMUNE SAKSFRAMLEGG Sakshandsamar: Arkivsak: 2016/707 Løpenr.: 4337/2017 Utvalsaksnr. Utval Møtedato 4/17 valstyret 28.03.2017 Saka gjeld: UTLEGGING AV MANNTALET TILRÅDING TIL VEDTAK: Manntalslistene i Ørsta kommune vert lagt ut så snart dei ligg føre etter skjeringsdato, og fram til måndag 11. september 2017. Listene vert lagt ut krinsvis på følgjande stader: Ørsta: Folkebiblioteket Vartdal: Spar, Vartdal Sæbø: Bellingen Bjørke: Haukly I tillegg vert manntalet for heile kommunen lagt ut på servicekontoret på Ørsta rådhus. Vedtaket er heimla i Vallova 2-6 2-8. 10
Uprenta saksvedlegg: 1. Vallova, med forskrifter Saksutgreiing: I følgje vallova er det valstyret som er ansvarleg for at det vert ført manntal over alle personar i kommunen som har røysterett. Valstyret har også ansvar for at det vert sendt ut valkort til alle med røysterett. Lova gjev dei som meiner det er feil i manntalet rett til å krevje oppdatering og retting av manntalet. Valstyret kan oppdatere manntalet så lenge det er praktisk mogleg. Jamfør 2-7. Noverande reglar tilseier at skjeringsdatoen for registrering av bustadadresse i manntalet er 30. juni i valåret. Dette inneber at borgarar som er registrert som flytta til ny bustadadresse så seint som den 30. juni 2017, får røysterett i sin nye bustadkommune. Med dette til grunn kan Ørsta kommune få produsert manntalslistene i byrjinga av veke 27. Rådmannen vil difor rå til at valstyret gjer vedtak om at manntalet skal leggast ut så snart dei ligg føre etter skjeringsdato. Listene vil då i samsvar med praksis verte lagt ut til ettersyn fram til og med valdagen. Ørsta, 22.03.2017 Wenche Solheim rådmann stabsleiar plan- og utvikling 11
ØRSTA KOMMUNE SAKSFRAMLEGG Sakshandsamar: Arkivsak: 2016/707 Løpenr.: 4338/2017 Utvalsaksnr. Utval Møtedato 5/17 valstyret 28.03.2017 Saka gjeld: OPPNEMNING AV RØYSTEMOTTAKARAR I SAMBAND MED FØREHANDSRØYSTINGA TILRÅDING TIL VEDTAK: Valstyret godkjenner at fylgjande personar i administrasjonen kan registrere og godkjenne førehandsrøyster og ta mot tidlege røyster i samband med stortings- og sametingsvalet 2017. Arnstein Nupen Inger Johanne Løeng Ingeborg Myklebust Bjørneset Elisabeth Sæbønes May Britt Brenne Perny Brekke Linda Hjelm Eirin Liadal Vilde Moltudal Vedtaket er heimla i vallova 8-2 12
Uprenta saksvedlegg: 1. Vallova, med forkrifter. Saksutgreiing: Veljarar innanlands, som ønskjer det, skal kunne gje førehandsrøyster frå 10. august og fram til siste fredag før valdagen (8. september). I tillegg er det høve til å røyste tidleg for dei som ikkje har kan røyste under førehandsrøystinga. Jamfør Vallova 8-1. I Ørsta kommune vert dette organisert ved å legge til rette for førehandsrøysting ved servicekontoret, Ørstaheimen, Vartdal helsetun, Hjørundfjordheimen og på Bakk- Ola marka. I tillegg er det planlagd førehandsrøysting ved Ørsta vidaregåande skule. Det vert sett opp eit eigna avlukke på servicekontoret på rådhuset, der den ordinære førehandsrøystinga vil gå føre seg i heile perioden. I tillegg vert det gjennomført førehandsrøysting på fastsette dagar dei ovannemnde stadane og ev ambulerande førehandsrøysting for personar som ikkje kan oppsøke røystelokala. Tidleg røysting, etter avtale, vert gjennomført ved servicekontoret. Ei endring i vallova som vart gjort gjeldande for valet i 2013 inneber at røystesetlar ved ordinær førehandsrøysting ikkje lenger skal i omslagskonvolutt. Setlane skal brettast, stemplast og godkjennast der og då, før dei vert lagt i urna. Røystemottakar må difor ha mynde til å godkjenne førehandsrøyster. For å få gjennomført førehandsrøystinga og tidleg- røystinga rår rådmannen til at følgjande personar i administrasjonen kan ta mot og godkjenne/stemple førehandsrøyster som skal i urne: Arnstein Nupen Inger Johanne Løeng Ingeborg Myklebust Bjørneset Elisabeth Sæbønes May Britt Brenne Perny Brekke Linda Hjelm Eirin Liadal Vilde Moltudal Elles vert registrering etter vallova 8, 2 gjort som ved tidligare val. Ørsta, 22.03.2017 Wenche Solheim rådmann stabsleiar plan- og utvikling 13
ØRSTA KOMMUNE SAKSFRAMLEGG Sakshandsamar: Arkivsak: 2016/707 Løpenr.: 4339/2017 Utvalsaksnr. Utval Møtedato 6/17 valstyret 28.03.2017 Saka gjeld: VAL AV NEMND TIL Å GÅ GJENNOM FØREHANDSRØYSTINGA TILRÅDING TIL VEDTAK: Valstyret vel følgjande til å gå gjennom førehandsrøystinga: Inger Johanne Løeng Ingeborg Myklebust Bjørneset Arnstein Nupen Elisabeth Sæbønes Nemnda får mynde til å oppnemne personar til å hjelpe til med oppteljinga, dersom det skulle vere behov for det. Vedtaket er heimla i vallova 8-2 og 10-4. 14
Saksvedlegg: 1. Vallova med forskrifter. Saksutgreiing: Valstyret er ansvarleg for oppteljinga av røystesetlane. Sjølve oppteljinga kan gjennomførast av dei personane og på den måten valstyret har bestemt. Jamfør vallova 10-4. Det er behov for ei nemnd som skal gå gjennom dei mottekne førehandsrøystene. Det vil då vere naturleg å velje mellom dei i administrasjonen som er godkjende som mottakarar av førehandsrøyster. Rådmannen rår til at valstyret vel desse personane: Inger Johanne Løeng Ingeborg Myklebust Bjørneset Arnstein Nupen Elisabeth Sæbønes Ørsta, 22.03.2017 Wenche Solheim rådmann stabsleiar plan- og utvikling 15