Sogn regionråd Postboks 153-6851 SOGNDAL Møteprotokoll Utval: SOGN REGIONRÅD Møtestad: Aurland kommunehus Møtedato: 12.02.2010 Tid: 10:00-1500 Innleiing: A. Oppmøte Regionrådet faste medlemmar: Desse møtte: Jarle Aarvoll, ordførar Sogndal kommune (leiar) Olav Ellingsen, ordførar Aurland kommune Marta Finden Halset, ordførar Vik kommune Olav Lunden, ordførar Leikanger kommune Lars Petter Nesse, varaordførar Lærdal kommune Einar Målsnes, ordførar i Balestrand kommune Torodd Urnes, ordførar Luster kommune Rådmannsgruppa: Desse møtte: Tore Eriksen, rådmann Luster kommune (leiar) Steinar Søgård, Aurland kommune Forfall: Vidar Roseth, rådmann Balestrand kommune Oddbjørn Ese, rådmann Vik kommune Odd Arve Rakstad, rådmann Leikanger kommune Jostein Aanestad, rådmann Sogndal kommune Bent Arild Grytten, rådmann Lærdal kommune Eksterne gjestar: NHO Sogn og Fjordane Hege Johnsen Sogn jord- og hagebruksskule rektor Bjørg Fritzvold B. Innkalling godkjend utan merknader. C. Saksliste godkjend. Desse tilleggsorienteringane vart ført opp under sak 07/10: Orientering frå ordførar i Aurland kommune Framtidsfylket, rekrutteringsmessene i Oslo, Trondheim og Bergen. Organisering av polititenesta i kommunane.
Årdal markering av 150 års jubileum. D. Protokoll frå møte 4.desember 2009 godkjend utan merknader. Sakliste Saksnr. Arkivsaksnr. Tittel 1/10 08/2635 Val av leiar for Sogn regionråd 2010 2/10 09/842 Val av arbeidsgrupper i Sogn regionråd 2010 og val av medlemmer til desse 3/10 09/1179 Omstillingsmidlar til Njøs næringsutvikling AS 4/10 09/2495 Sogn jord- og hagebruksskule - uttale til fylkeskommunen 5/10 09/921 Sats på skulen - snu Sogn - vidareføring med barnehageleiing 2010-2012 6/10 10/230 Visit Sognefjord - Søknad om tilskot for 2010 7/10 10/239 Orienteringssaker 12.02.2010
Sak 1/10 Val av leiar for Sogn regionråd 2010 For 2010 vert - - - - vald som leiar i rådet - - - - vald som nestleiar i rådet. Handsaming Frå valnemnda, Aarvoll og Halset vart det sett fram forslag om Torodd Urnes som leiar for 2010. Lunden sette fram framlegg om at Aarvoll held fram som leiar i 2010. Framlegget vart trekt. Halset sette fram framlegg om Einar Målsnes som nestleiar for 2010. Vedtak: Samrøystes vedtak: Torodd Urnes vert vald som leiar i rådet for 2010 Einar Målsnes vert vald som nestleiar i rådet for 2010. Sak 2/10 Val av arbeidsgrupper i Sogn regionråd 2010 og val av medlemmer til desse For 2010 skal Sogn regionråd ha desse arbeidsgruppene: - Representantar i gruppene er: - Handsaming Møteleiar Aarvoll gjorde framlegg om desse arbeidsgruppene for 2010, med desse medlemmane: Samferdselsgruppa Jarle Aarvoll leiar Olav Lunden Marta Finden Halset Helsegruppa Arne Sanden leiar Jarle Aarvoll Torodd Urnes Reiselivsgruppa Einar Målsnes leiar
Olav Ellingsen Marta Finden Halset RUP gruppa Olav Ellingsen leiar Marta Finden Halset Olav Lunden Frå rådmannsgruppa Jostein Aanestad Vedtak: Samrøystes som framlegget. Sak 3/10 Omstillingsmidlar til Njøs næringsutvikling AS Sogn regionråd løyver kr 200 000 av regionale omstillingsmidlar til Njøs næringsutvikling AS. Vedtak: Tilrådinga samrøystes vedteke. Sogn regionråd løyver kr 200 000 av regionale omstillingsmidlar til Njøs næringsutvikling AS. Sak 4/10 Sogn jord- og hagebruksskule - uttale til fylkeskommunen Sogn regionråd legger stor vekt på den funksjon Sogn- jord og hagebruksskule har som regional utviklingsaktør i høve til dei utfordringar og perspektiv som er trekt opp i Sogn og Fjordane fylkeskommune sin utgreiing. Sogn jord- og hagebruksskule har gode kvalitetar og god kompetanse som er viktig i eit samla regionalt utviklingsarbeid i dette fylket. Vidareutvikling av utdanningsretningar ved skulen kan og komplettera den vidaregåande opplæringa både i fylket og i landet. Til dei konkrete spørsmåla stilt i fylkesrådmannen sitt notat vil rådet gje desse kommentarane: Oppretting av eit Vg1 kurs i Naturbruk vil styrkja Sogn- jord og hagebruksskule si rolle som regional utviklingsaktør. Eit tilbod om eittårig fagskuleutdanning i regi av Fagskulen i Sogn og Fjordane ved Sognjord og hagebruksskule er viktig for påbygging og etterutdanningsstudium særleg for dei som er i næringa.
Sogn- jord og hagebruksskule må få tilført nok ressursar for å kunne driva eit aktiv og målretta prosjekt- og utviklingsarbeid i tida frametter. Sogn regionråd stør opp om fylkesrådmannen sine vurderingar om at det må utarbeidast ein heilskapsplan for å få fram både kva som er aktuelle tiltak for å få fram eit grunnlag for oppgradering av bygningsmassen på SJH med tanke på dei oppgåvene skulen er tenkt å oppfylle som. undervisning og kurs/konferansar. Handsaming Rektor Bjørg Fritzvold ved Sogn jord- og hagebruksskule orienterte rådet om skulen i møtet. Det var deretter synfaring med vidare orienteringar på skulen. Samrøystes vedtak: Sogn regionråd legger stor vekt på den funksjon Sogn- jord og hagebruksskule har som regional utviklingsaktør i høve til dei utfordringar og perspektiv som er trekt opp i Sogn og Fjordane fylkeskommune sin utgreiing. Sogn jord- og hagebruksskule har gode kvalitetar og god kompetanse som er viktig i eit samla regionalt utviklingsarbeid i dette fylket. Vidareutvikling av utdanningsretningar ved skulen kan og komplettera den vidaregåande opplæringa både i fylket og i landet. Til dei konkrete spørsmåla stilt i fylkesrådmannen sitt notat vil rådet gje desse kommentarane: Oppretting av eit Vg1 kurs i Naturbruk vil styrkja Sogn- jord og hagebruksskule si rolle som regional utviklingsaktør. Eit tilbod om eittårig fagskuleutdanning i regi av Fagskulen i Sogn og Fjordane ved Sognjord og hagebruksskule er viktig for påbygging og etterutdanningsstudium særleg for dei som er i næringa. Sogn- jord og hagebruksskule må få tilført nok ressursar for å kunne driva eit aktiv og målretta prosjekt- og utviklingsarbeid i tida frametter. Sogn regionråd stør opp om fylkesrådmannen sine vurderingar om at det må utarbeidast ein heilskapsplan for å få fram både kva som er aktuelle tiltak for å få fram eit grunnlag for oppgradering av bygningsmassen på SJH med tanke på dei oppgåvene skulen er tenkt å oppfylle som. undervisning og kurs/konferansar. Sak 5/10 Sats på skulen - snu Sogn - vidareføring med barnehageleiing 2010-2012 Sogn regionråd meiner det er rett satsing å auke ambisjonsnivået i prosjektet Sats på skulen snu Sogn til også å femne kvalitetsutvikling av barnehagane. Ein byggjer her på tilsvarande modell som i skuledelen med nettverk som alt fungerar for barnehagestyrarane, kompetanseauke for leiarar og andre tilsette knytt til HSF sitt leiarprogram, samt rettleiing og tiltak i regi av NAV Arbeidslivssenter Sogn og Fjordane. Delprosjekt om kvalitetsutvikling av barnehagane kan gjennomførast i den gjenståande perioden av prosjektet, frå seinhaustes 2010 og fram til og med 2012.
Regionrådet ber om at føresetnadane for å setje i gang det utvida prosjektet Sats på skulen og barnehagen snu Sogn vert klargjorde til rådet sitt møte 30.april. Handsaming Frå sekretariatet vart det orientert om det vidare arbeidet med saka og dei møte som er planlagd framover. Det var semje om at leiar i programstyret representerte rådet i desse møta. Leiar i rådmannsutvalet Tore Eriksen orienterte om rådmannsutvalet si handsaming av saka. Samrøystes vedtak: Sogn regionråd meiner det er rett satsing å auke ambisjonsnivået i prosjektet Sats på skulen snu Sogn til også å femne kvalitetsutvikling av barnehagane. Ein byggjer her på tilsvarande modell som i skuledelen med nettverk som alt fungerar for barnehagestyrarane, kompetanseauke for leiarar og andre tilsette knytt til HSF sitt leiarprogram, samt rettleiing og tiltak i regi av NAV Arbeidslivssenter Sogn og Fjordane. Delprosjekt om kvalitetsutvikling av barnehagane kan gjennomførast i den gjenståande perioden av prosjektet, frå seinhaustes 2010 og fram til og med 2012. Regionrådet ber om at føresetnadane for å setje i gang det utvida prosjektet Sats på skulen og barnehagen snu Sogn vert klargjorde til rådet sitt møte 30.april. Sak 6/10 Visit Sognefjord - Søknad om tilskot for 2010 Sogn regionråd løyver i samsvar med vedteke budsjett eit generelt tilskot til Visit Sognefjord med kr 240 000 for 2010. Vedtak: Samrøystes vedtak: Sogn regionråd løyver i samsvar med vedteke budsjett eit generelt tilskot til Visit Sognefjord med kr 240 000 for 2010. Sak 7/10 Orienteringssaker 12.02.2010 Orienteringar: Til innleiing på møtet orienterte ordførar Olav Ellingsen om aktuelle saker og arbeid i Aurland kommune. Ellingsen la særleg vekt på dei avgrensningar kommunen har i høve til overordna arealplanlegging knytt til naturområde jf Nærøyfjorden verdsarvområde, område med ras- og skredfare og sikring av område for villrein. Vidare vart det orientert om næringsorganiseringa i Aurland og om samarbeidet innan ÅLAV der fokus no er legevakt/samhandlingsreform, brann/beredskap og plan/byggjesak.
Etter sak 01/10 orienterte Hege Johnsen frå NHO Son og Fjordane om Globalprosjektet, tilrettelegging for høgt utdanna innvandrarar jf utsendt materiale. Rådet tek opp løyving til prosjektet i møte 30. april Sekretariatet orienterte om dei prosjekt det er søkt om støtte til for 2010: Til fylkesmannen fornyingsmidlar: Interkommunalt byggjetilsyn Geodataprosjektet GIS prosjekt: o Flaum skred, med utvikling for 2011 o Vann avlaup Sats på skulen vidareføring skule og utvikling for barnehage Til fylkeskommunen: Interkommunalt friluftsråd Samferdselsgruppa Leiar Aarvoll orienterte om arbeid med innspel til departementet i høve til neste konsesjonsrunde. Arbeidet er samordna med Gloppen kommune. Reiselivsgruppa Leiar Målsnes opplyste at gruppa no vil fokusera på arbeidet med innspel til fylkeskommunen sin reiselivsplan. Helsegruppa Urnes opplyste at samhandlingsreforma vert det sentrale i gruppa sitt arbeid framover jf Stortinget si handsaming i april og dei orienteringar som vart gjeve på KS sitt møte 9. april. RUP gruppa Leiar Ellingsen viste til at mange av tiltaka i 2009 planen var gjennomført eller under arbeid. For 2010 er det ein omfattande plan for igangsetting av prosjekt jf søknadene på fornyingsmidlar og til fylkeskommunen. Kva resultat desse søknadene gjev er viktig for tiltak i 2010. Strategiplanen og tiltaksplanen for 2010 vert teke opp i gruppa når resultat av desse søknadene ligg føre. Generelt drøftingsmøte for rådet vart fastsett til 9 til 10 mars. Møtestad Vatnahalsen under føresetnad av at tilkomst kan tilpassast, ev. anna møteplass vert avgjort av leiar. Dagleg leiar sender ut forslag til tema på møte som alle medlemmer kommenterer raskt. Interkommunalt hamneadministrasjon jf ny hamnelov. Kort orientering om at kommunane no i ny lov har ansvaret for hamn og farvannet i kommunen. Rådmannsgruppa meinte det ikkje var trong for felles tiltak/prosjekt i denne samanheng. Kort orientering økonomi/årsmeldingsarbeidet, sak på rådet sitt møte 30.04. Rekneskapen var ikkje ferdig til dette møtet.
Ski Sogn, dagleg leiar orienterte om førespurnad frå Flash studio på telefon 11. februar om støtte til filmprosjekt om ski i Sogn. Flash arbeider no med avtale med NRK om at dette skal gå som serie i 6 episodar. Det er aktuelt at serien vert sendt og i andre land. Delvis finansiering frå reiselivssida/næringsliv er aktuell, fylkeskommunen vil og vurdera støtte. Rådet meinte at det må liggje føre ein formell søknad om støtte og kan ta dette opp i neste Framtidsfylket, rekrutteringsmessene i Oslo, Trondheim og Bergen Orientering frå messene i Oslo og Trondheim. Aklaring av deltaking i Bergen. Rådet stadfesta løyving til Framtidsfylket på kr 65 000 jf e-postar om dette. Organisering av polititenesta i kommunane, Målsnes orienterte om arbeidet med ny organisering/struktur på polititenestene i fylket og la fram forslag til uttale frå rådet. Sekretariatet skriv ut uttalen med tilpassingar ut frå drøftinga i rådet, sjå utkast som vedlegg. Årdal markering av 150 års jubileum, markering med seminar onsdag 17.februar. Det er innkjøpt gåve frå rådet som føresett i tidlegare e-postar. USS, utmarkskommuners samanslutning orientering frå Urnes vert teke i møtet 30. april. Sogndal 18.februar 2010 Jarle Aarvoll leiar Arthur Langeland dagleg leiar