(kommunevåpen skal leggast inn ved vedteken plan) FJELL KOMMUNE DETALJREGULERING REGULERINGSFØRESEGNER FOR jf plan- og bygningslova (pbl) 12-7. ANGELTVEITVEGEN, GNR. 23 BNR. 6 M.FL. - ANGELTVEIT Saksnr.: 15/1222 Nasjonal arealplan-id: 1246 20150012 Vedteken dd.mm.åå Sist revidert 23.09.2016 1 INTENSJONAR I PLANEN Intensjonen med planframlegget er å leggje til rette for bustader, både frittliggjande einebustader, tomannsbustader, rekkjehus og leilegheiter. 2 FELLESFØRESEGNER (pbl 12-7) 2.1 Dokumentasjon ved søknad om tiltak 2.1.1 Ved søknad om tiltak skal det leggast ved utomhusplan som viser plassering og utforming av leikeareal, planting, vegar, gangvegar/stiar, murar, trapper, skjeringar/fyllingar, avkøyrsler, VA-anlegg og overvasshandtering, nettstasjon, miljøstasjon/avfallsstasjon, materialbruk og støyskjermingstiltak. Utomhusplanen skal vise korleis uteopphaldsareal følgjer krav til storleik, kvalitet, støyskjerming og prinsippa for universell utforming. Utomhusplanen skal visa utforming og opparbeiding av terreng, og korleis eksisterande terreng blir best mogleg ivareteke ved forskjellar i høgdenivå. Utomhusplanen skal også visa eksisterande og framtidig terreng, eksisterande og framtidig vegetasjon, forholdet til nabobygg, murar, trapper og gjerde. 2.1.2 Ved søknad om tiltak etter pbl 20-1 skal det leggast ved ei skriftleg utgreiing som viser korleis intensjonane i planen vert følgd. 2.1.3 Ved søknad om løyve til tiltak skal det leggjast ved prosjekteringsunderlag, som i tillegg til køyrevegen si nøyaktige plassering, horisontal- og vertikalplan skal visa fyllings- og skjeringsområde. 2.1.4 Ved søknad om løyve til tiltak skal det leggast ved illustrasjonar som viser fjernverknad og tilpassing til terreng og landskap. 2.2 Overvatn 2.2.1 Ved søknad om tiltak skal det gjerast greie for tiltak for infiltrasjon, drenasjevatn og overvatn frå tak og tette flater. 2.2.2 Val av jordtype og tilsåing skal utførast ut frå infiltrasjonsomsyn. Komprimering av grunn der det ikkje er naudsynt skal unngåast. Ved søknad om tiltakt skal det vurderast bruk av ikkje-tette overflatedekke i staden for asfalt. Avrenning frå tette flater skal leiast til terreng, infiltrasjonsflater eller fordrøyingsmagasin. Naudflomveg må også vurderast/synleggjerast i søknad. 2.3 VA-rammeplan 2.3.1 Godkjent VA_rammeplan, datert xx.xx.xx skal leggjast til grunn for vidare detaljprosjektering og byggjesakshandsaming. 2.4 Avfallshandtering og massedeponering 2.4.1 Avfall og overskotsmassar skal transporterast bort til godkjend fyllplass. 2.5 Arkitektur, estetikk og kvalitet 2.5.1 Tiltak skal plasserast og utformast slik at området får ein god arkitektonisk og funksjonell heilskap i høve til eksisterande omgjevnader. Tiltak skal tilpassast eksisterande terreng og vegetasjon, og følgje kommunen sine estetiske retningsliner. 2.5.2 Ved utarbeiding av byggjetiltak skal det leggast vekt på bruk av miljøvenlege kvalitetar i val av materialar, vegetasjon og belysning. 2.5.3 Det er ikkje tillate med høge og skjemmande skjeringar og murar over 1,5 m, eller fyllingar som dominerer landskapet. 2.5.4 Det skal ikkje nyttast reflekterande takflater. Fargebruk skal tilpassast ein jordfargeskala som ikkje skil seg ut eller gjev dominerande fjernverknad av planområdet. 2.6 Landskap og terreng 2.6.1 Tiltak skal underordnast landskapet på ein slik måte at det ikkje bryt med horisontliner (åsprofilar og bakkekantar) eller kjem i konflikt/konkurranse med andre markerte landskapstrekk. Så mykje som mogleg av eksisterande vegetasjon skal bevarast. 2.6.2 Inngrep i terreng skal minimaliserast, og det er ikkje tillate med flatsprengde tomter eller skjemmande terrassering av landskapet. Skjeringar samt andre terrenginngrep skal tilplantast med stadeigen vegetasjon for å minimere omfanget av inngrepa.
2.6.3 Bygg og anlegg skal tilpassast eksisterande terreng. Det er ikkje tillate å bygge opp eller sprenge flatt terreng for å unngå sokkeletasje på skrånande tomter eller tomter som naturleg krev sokkeletasje. 2.7 Universell utforming/tilgjenge 2.7.1 Delar av f_blk skal vere universelt utforma. 2.7.2 Utrykkingskøyrety skal ha tilfredstillande tilkomst til alle bygg. 2.7.3 Minst 5 % av parkeringsplassane innanfor planområdet skal utformast for rørslehemma. 2.8 Støy 2.8.1 Alle nye bustadeiningar skal isolerast mot støy slik at innandørs støynivå held seg innanfor støygrensene i gjeldande støyforskrift. Uteopphaldsareal og leikeplassar skal ha støynivå under 55 db. Bustadeiningar som har støynivå over 55 db ved fasade skal vere gjennomgåande med støyfølsame rom lengst bort frå støykjelda. 2.9 Byggegrenser 2.9.1 Nye tiltak skal plasserast innanfor byggegrensene. Tiltak nemnd i pbl 29-4 b, samt støttemurar, skjæringar og parkeringsplassar kan plasserast utanfor byggegrensene. 2.10 Energibruk 2.10.1 I samband med byggesøknad skal det vurderast alternative energikjelder. 3 REKKEFØLGJEKRAV 3.1 Tiltak for infiltrasjon for drens- og overvatn på tak og tette flatar skal vere ferdigstilt før det kan gjevast bruksløyve. 3.2 Leikeplass f_blk skal vere ferdigstilt, samt opparbeida med fleire leikeapparat og møblar for opphald før det kan gjevast bruksløyve for bustader innanfor planområdet. 3.3 f_but skal vere ferdig opparbeidd, jf. 5.6, før det kan gjevast bruksløyve for bustader innanfor planområdet. 3.4 Eksisterande avkøyrsle mot Landrovegen skal stengjast før veg f_sv2 kan takast i bruk. 3.5 f_sv2 skal vere ferdig opparbeidd før det kan gjevast bruksløyve for bustader innanfor BFS1, BFS2 og BKS1-BKS3. 3.6 Veg f_sv3 og f_sv4 skal opparbeidast til same tid og vere ferdig opparbeidd før det kan gjevast bruksløyve for bustader innanfor BFS3, BKS4 og BKS5. 3.7 Eksisterande tilkomstveg til gnr/bnr 23/35 og 23/16 skal stengjast før veg f_sv3 og f_sv4 kan takast i bruk. 3.8 Køyreveg o_skv2 samt fortau o_sf2 o_sf4, teknisk veggrunn o_svt2, o_svt3 og o_svt5 o_svt8 skal opparbeidast med lineføring, utforming og dimensjon vist i plankartet før det kan gjevast igongsettingsløyve for tiltak innanfor BFS1 3 og BKS1 5 innanfor planområdet. 3.9 Gangveger f_sgg1 f_sgg3 skal vere ferdig opparbeidd før det kan gjevast bruksløyve til bustader innanfor planområdet. Nordleg avkøyrsle til telesentral skal stengjast før opparbeiding av f_sgg3 kan starte. 3.10 Kommunalteknisk anlegg, f_bkt1, skal vere ferdig opparbeidd før det kan gjevast bruksløyve til BFS3 og BKS4. f_bkt2 skal vere ferdig opparbeidd før det kan gjevast bruksløyve til BKS5 og BKS/BE. f_bkt3 skal vere ferdigstilt før det kan gjevast bruksløyve til bustader innanfor BFS1, BKS1 og BKS2. f_bkt4 skal vere ferdigstilt før det kan gjevast bruksløyve til bustader innanfor BFS2 og BKS3. 3.11 Før det kan gjevast bruksløyve til tiltak innanfor planområdet skal høgspentleidning som går gjennom planområdet gravast ned under bakken. 3.12 Før det kan gjevast bruksløyve til tiltak innanfor planområdet skal utviding av det smale partiet på Landrovegen fv 211 ved brua over elva på Angeltveit vere sikra utført. 4.1 Felles arealformål 4 EIGARFORM 4.1.1 Eigartilhøve kommunaltekniske anlegg: Kommunaltekniske anlegg f_bkt1 er felles for BFS3 og BKS1. f_bkt2 er felles for BKS5 og BKS/BE. f_bkt3 er felles for BFS1, BKS1 og BKS2. f_bkt4 er felles for BFS2 og BKS3. 4.1.2 Eigartilhøve leikeplassar: Leikeområdet f_blk er felles for alle bustader innanfor planområdet. 4.1.3 Eigartilhøve uteopphald: Uteopphald f_but er felles for alle bustader innanfor planormådet. 4.1.4 Eigartilhøve vegar: Veg f_sv1 er felles for eigedomar som har tilkomst frå Kjeldebergvegen.
Veg f_sv2 er felles for BFS1, BFS2, og BKS1 BKS3. Veg f_sv3 er felles for BFS3, BKS4 og BKS5. 5 BYGG OG ANLEGG (pbl 12-5 nr.1) 5.1 Bustader - frittliggjande 5.1.1 Innanfor BFS1-BFS3 er det tillate med oppføring av einebustader. 5.1.2 Maksimal byggehøgd er 9 meter over gjennomsnittleg planert terreng. Maksimal gesimshøgd og byggehøgd er fastsett i plankartet med kotehøgd i meter over havet. Takopplett og ark kan gesimshøgde på 8 meter over gjennomsnittleg planert terreng. 5.1.3 Utnyttingsgraden for bustader innanfor BFS1- BFS3 som har tomtestorleik større enn 800 m 2 er BYA=25 %. 5.1.4 Utnyttingsgraden for bustader innanfor BFS1 BFS3 som har tomtestorleik mellom 500 m 2 og 800 m 2 er BYA=30 %. 5.1.5 Utnyttingsgraden for bustader innanfor BFS1-BFS3 som har tomtestorleik mindre enn 500 m 2 er BYA=35 %. 5.1.6 Det skal for frittliggjande einebustader og tomannsbustader opparbeidast 2 parkeringsplassar per bustadeining. 5.1.7 Det skal sikrast sykkelparkeringsplass for minimun 1,5 sykkel per bustadeining over 65 m 2 og minimum 1 sykkel per bustadeining under 65 m 2 innanfor kvar einskild bustadtomt. 5.1.8 Tuntreet på tomt med eksisterande bustad innanfor BFS3 skal søkjast bevart. 5.2 Bustader konsentrert 5.2.1 Innanfor BKS1 BKS5 er det tillate med oppføring av vertikaldelte rekkjehus, horisontaldelte leilegheiter med maksimalt to einingar i høgda eller tomannsbustader. 5.2.2 Utnyttingsgrad innanfor BKS1 BKS5 er sett til BYA = 40 %. 5.2.3 Minste areal for privat uteopphaldsareal for BKS1 BKS5 er 10 m 2. 5.2.4 Det kan etablerast leikeaparat innanfor BKS1-3. Areala skal tilfredsstille dei generelle krava i 5.5, Leikeplass. 5.2.5 For rekkjebustader og leilegheiter skal det opparbeidast 1,5 bilparkeringsplass per bustadeining. Plass til parkering skal sikrast innanfor kvart einskild føremål. Det skal opparbeidast ladepunkt til el-bil på parkeringsareal innanfor BKS1 og BKS5. 5.2.6 Det skal sikrast sykkelparkeringsplass for minimun 1,5 sykkel per bustadeining over 65 m 2 og minimum 1 sykkel per bustadeining under 65 m 2 innanfor kvar einskild bustadtomt. 5.2.7 Innanfor BKS1 kan det maksimalt opparbeidast 6 bustadeiningar. Maksimal byggehøgd er 7 meter 5.2.8 Innanfor BKS2 kan det maksimalt opparbeidast 6 5.2.9 Innanfor BKS3 kan det maksimalt opparbeidast 6 5.2.10 Innanfor BKS4 kan det maksimalt opparbeidast 12 Maksimal lengde på bygg innanfor BKS4 er 30 meter. 5.2.11 Innanfor BKS5 kan det maksimalt opparbeidast 6 bustadeiningar. Maksimal byggehøgd er 7 meter 5.2.12 For pulttak gjeld gesimshøgd for nedste gesims og byggehøgd for øvste gesims. 5.3 Kombinert bygg og anleggsføremål Bustader konsentrert - Energianlegg 5.3.1 Innanfor BKS/BE ligg i dag ein telestasjon. Dersom aktivitet på telestasjonen vert avvikla kan det opparbeidast bustader innanfor BKS/BE. 5.3.2 Utnyttingsgrad innanfor BKS/BE er sett til BYA = 40 %. 5.3.3 I samband med bustadbygging innanfor BKS/BE skal det etablerast eit areal for utleige/lån til fellessamlingar og liknande. Arealet skal innehalde kjøkken, stue og bad/toalett og skal vere minimum 100 m 2, og kan òg innehalde eit gjesterom/soverom.
5.3.4 Minste areal for privat uteopphaldsareal for BKS/BE er 10 m 2. 5.3.5 Det skal opparbeidast 2 parkeringsplassar for bil per eining for bustadbygg med 2 eller færre bustadeiningar og 1,5 parkeringsplassar per eining for bustadbygg med 2 eller fleire bustadeiningar. For bustadeiningar under 65 m2 skal det opparbeidast 0,8 parkeringsplassar. 5.3.6 Dersom det er naudsynt kan det etablerast nettstasjon innanfor BKS/BE. Nettstasjonen skal oppførast i samsvar med den til ein kvar tids gjeldande krav. 5.4 Kommunaltekniske anlegg 5.4.1 Innanfor f_bkt1 f_bkt4 skal det etablerast tilstrekkeleg med miljøstasjonar for boss, papir m.m. i tillegg til postkassestativ. Stasjonane skal skjermast/overbyggjast ut i frå omsyn til estetikk, tryggleik og forureining. 5.4.2 f_bkt1 skal opparbeidast med spesiell omsyn til steingarden innanfor omsynssona H570. 5.5 Leikeplass 5.5.1 Leikeareala skal ha solrik plassering og vere skjerma mot sjenerande vind, ureining, støy, sterke elektromagnetiske felt og trafikkfare. 5.5.2 Leikeareala skal ha eit utandørs ekvivalent støynivå under 55 dba. 5.5.3 Leikeareala skal ikkje vere brattare enn 1:3 og minst 40 % av f_blk skal vere universelt utforma 5.5.4 f_blk skal utstyrast med fleire godkjente sittegrupper og leikeapparat, t.d. sandkasse, huskestativ og sklie. 5.5.5 Innanfor f_blk skal opparbeiding av eit naturleg terreng og bruk av stadeigen vegetasjon søkjast utført på ein god måte for å få eit variert leikeområde. Minst 10 % av vegetasjon innanfor f_blk skal takast i vare eller såast til med stadeigen vegetasjon. 5.5.6 f_blk og f_but skal så langt det er mogleg framstå som eit samla areal, overgangen mellom dei to areala skal ikkje ha eit markant skilje. 5.6 Uteopphaldsareal 5.6.1 Krav til minste uteopphaldsareal (MUA) er minimum 100 m² per bustadeining der bruksareal (BRA) er lik eller større enn 65 m². Krav til minste uteopphaldsareal (MUA) er minimum 50 m² per bustadeining der BRA er mindre enn 65 m². 5.6.2 Det tillatas at noko areal for felles MUA kan løysast innanfor f_blk og f_but. 5.6.3 f_but er areal avsett til felles uteopphald. Innanfor dei felles uteopphaldsareala skal det minimum opparbeidast to sittegrupper med fast/bearbeida underlag. Det er tillate med etablering av leikeaparat, grillplass og andre element som fremmar uteopphaldsarealet som ein sosial møteplass. 5.6.4 f_but skal opparbeidast/såast til som eit grøntareal for opphald, slik at området vert enkelt å skjøtta/vedlikehalda. 5.6.5 Restar av steingard innanfor f_but skal søkjast takast i vare. 6 SAMFERDSELSANLEGG OG TEKNISK INFRASTRUKTUR (pbl 12-5 nr. 2) 6.1 Veg 6.1.1 f_sv1 er tilkomstveg til eigedomar med tilkomst frå Kjeldebergvegen. 6.1.2 f_sv2 er tilkomstveg til nordleg del av planområdet og er dimensjonert med ei breidde på 3,5 meter, med ein meter anna veggrunn på kvar side. 6.1.3 f_sv3 er tilkomstveg til sørleg del av planområdet og er dimensjonert med ei breidde på 3,5 meter, med ein meter anna veggrunn på kvar side. 6.1.4 f_sv4 er tilkomstveg til gnr/bnr 23/35. 6.1.5 Avkøyrslar til kvar einskild tomt kan slåast saman dersom det er ynskjeleg og dersom det lar seg gjere. 6.1.6 Avkøyrslepilar er rettleiande. 6.2 Køyreveg 6.2.1 Køyreveg o_skv1 er fylkesveg 211, Landrovegen. o_skv1 skal opparbeidast med lineføring, utforming og dimensjon som vist i plankartet. 6.2.2 Køyreveg o_skv2 er den kommunale vegen Angeltveitvegen. o_skv2 skal opparbeidast med lineføring, utforming og dimensjon som vist i plankartet. 6.3 Fortau 6.3.1 Fortau skal etablerast i tilknyting til dei lokale vegane som vist i planen. Detaljutforming skal vere i samsvar med vegnormalane. 6.4 Gangveg 6.4.1 Gangveg f_sgg4 er køyrbar gangveg som gjev tilkomst til eigedomar knytt til denne.
6.5 Anna veggrunn tekniske anlegg 6.5.1 Det er lagt opp til ein meter anna veggrunn tekniske anlegg på kvar side av dei interne tilkomstvegane innanfor planområdet. Dette arealet skal nyttast til veggrøfter og/eller som element i overvasshandtering. Arealet kan plantast til med stadeigen vegetasjon. 6.6 Anna veggrunn grøntareal 6.6.1 Det er ikkje løyve å gjere inngrep i o_svg1 og o_svg2 som skadar eller endrar det offentlege vegarealet. Inngrep som vegskjeringar og fyllingar skal formast som ein del av veganlegget. Areala skal opparbeidast som grøntanlegg eller handsamast på annan tiltalande måte. 7.1 Naturområde 7 GRØNTSTRUKTUR (pbl 12-5) 7.1.1 Naturområde, GN, sikrar ein større buffersone mot potetkjellar innanfor omsynssone H570_1. 7.2 Turdrag 7.2.1 Turdrag, GT, skal fungere som buffersone mot LNF-områder i nord. 8 OMSYNSSONER (pbl 12-6) 8.1 Frisiktsone ved veg (pbl 11-8 a) 8.1.1 Innanfor frisiktsona skal avkøyrsler ha ei fri sikt på 0,5 meter over plan på tilgrensande veg. 8.2 Omsynssone kulturmiljø (pbl 11-8 a) 8.2.1 Omsynssone kulturmiljø H570_1 er omsynssone rundt ruiner etter potetkjeller. 8.2.2 Omsynssone kulturmiljø H570_2 er omsynssone rundt rester av steingard som skal intergrerast på ein estetisk god måte i bustadmiljøet innanfor planområdet.