VOLDA KOMMUNE Utvalg: Driftsstyret Møtestad: Møterom A, Volda rådhus Dato: 04.06.2014 Tid: 14:00 MØTEINNKALLING Medlemar som er ugilde i ei sak vert bedne om å gje melding, slik at varamedlemar kan bli kalla inn. Jf. 8, 3. ledd i forvaltningslova. Vi ber om at forfall vert meldt til servicekontoret/utvalssekretær på telefon 700 58 700. Varamedlemar får saksdokumenta førebels berre til orientering. Dei får særskilt melding når dei skal møte. B- saker er underlagt teieplikt og er unnatekne offentleg innsyn. Møtet er ope for publikum, med unnatak når b-saker vert handsama. Saksdokumenta er lagt ut til gjennomsyn på servicekontoret og på folkebiblioteket til møtet vert halde. Side1
VOLDA KOMMUNE SAKLISTE Saksnr. PS 27/14 PS 28/14 Sak Godkjenning av innkalling og sakliste Godkjenning av møteprotokoll frå forrige møte Folkehelsekoordinator Berit Koen informerer: - Informasjon om status for folkehelsearbeidet 2013 og vidare arbeid i 2014 - Orientering om forvalting av folkehelsemidlar PS 29/14 Reglar for tildeling av tomter kommunale bustadfelt PS 30/14 Tilstandsrapport grunnskulen 2013/2014 del 2 Side2
PS27/14Godkjenningavinnkallingogsakliste PS28/14Godkjenningavmøteprotokollfråforrigemøte Side3
VOLDA KOMMUNE SAKSDOKUMENT Sakshandsamar: Per Ernst Lundberg Arkivsak nr.: 2014/651 Arkivkode: 611 Utvalsaksnr Utval Møtedato 29/14 Driftsstyret 04.06.2014 Kommunestyret REGLAR FOR TILDELING AV TOMTER KOMMUNALE BUSTADFELT Administrasjonen si tilråding: Kommunestyret godkjenner Reglar for tildeling av tomter i kommunale bustadfelt i samsvar med vedlegg 2 i denne saka. Vedleggsliste: 1. Reglar for tildeling av tomter i kommunale bustadfelt vedteke i k-sak 124/97 2. Forslag til reviderte reglar Uprenta saksvedlegg: Samandrag av saka: Det vert gjort framlegg om reviderte reglar for tildeling av tomter i kommunale bustadfelt. Saksopplysningar: I k-sak 124/97 vart det gjort vedtak om reglar for tildeling av tomter i kommunale bustadfelt, jfr. vedlegg 1. Administrasjonen føler no trong om at reglane vert reviderte. Vurdering og konklusjon: Dei gjeldande reglane er frå 1997, og kommune hadde då anna politisk organisering, jfr. at det i reglane går fram at TMU (Teknikk- og miljøutvalet) skulle gjere evt. behovsvurdering. Side4
Det går fram av gjeldande reglar at private søkjarar skal gå føre firma. I det forslaget som no vert fremja legg rådmannen opp til at nye einebustadtomter som vert lagt ut for sal er reservert for privatpersonar dei fem 5 fyrste åra. Deretter kan også firma søkje på einebustadtomter i desse felta. Firma kan elles søkje på K-felt i dei aktuelle felta. Det vert også lagt opp til avgrensing slik at ingen kan kjøpe fleire tomter for samanslåing til eit prosjekt. Det vert elles rådd til at punkt 4 a i gjeldande reglar ikkje vert teke med i dei generelle reglane, men at dette med grunneigartomter vert teke med som evt. punkt i avtalar med grunneigarar ved erverv, alt. som skjønsføresetnader ved evt. oreigning. Rådmannen rår såleis til at nye reglar i samsvar med vedlegg 2 vert godkjent. Helse og miljøkonsekvensar: Viktig å ha klare reglar for tildeling av tomter. Økonomiske konsekvensar: Ingen. Beredskapsmessige konsekvensar: Ingen. Rune Sjurgard rådmann Utskrift av endeleg vedtak: Administrasjonen Side5
Side6
REGLAR FOR TILDELING AV TOMTER I KOMMUALE BUSTADFELT. Vedteke i K-sak /.. 1) Når eit tomtefelt er byggeklart, vert tomtene lyst ledig for tildeling. Lysing vert gjort i pressa og på kommunen si heimeside, med opplysning om nærare søknadsfrist og salsvilkår elles i det aktuelle feltet. 2. Søknadsskjema finn ein på heimesida til kommunen, evt. kan ein få papirutgåve ved å vende seg til servicekontoret. Søkjarane set opp tomteynskje i prioritert rekkefylgje. 3) Berre dei som søkjer etter at feltet er kunngjort for sal, skal takast omsyn til ved tildeling. 4) Nye einebustadtomter som vert lagt ut for sal er reservert for privatpersonar dei fem 5 fyrste åra. Deretter kan også firma søkje på einebustadtomter i desse felta. 5) Som hovudregel skal ingen kunne kjøpe fleire tomter for samanslåing til eit prosjekt. Det kan gjerast unntak for tomter utanfor sentrum og som er vanskeleg å selje. 6) Tomta skal nyttast til bustadbygging i samsvar med gjeldande reguleringsplan med vedtekter og salsvilkår. Det må startast bygging på tomta innan 1 år frå det tidspunkt tomta forfell til betaling. Er bygging ikkje starta innan byggefristen, pliktar eigaren å skøyte tomta attende til kommunen til same pris og utan kostnader for kommunen. 6) Dersom fleire søkjarar har same tomt som 1. val, vert det utført loddtrekning som avgjer kven som får tildelt tomta. Tomtesøkjarane vert bedne inn for å vere med på loddtrekninga. 7) Ved tildeling av tomter i felt som alt er utbygde, er det tildeling av tomter den 6. i kvar månad. Kurante saker vert avgjort administrativt. I tvilstilfelle skal saka avgjerast av Driftsstyret. Side7
VOLDA KOMMUNE SAKSDOKUMENT Sakshandsamar: Karin Heggen Arkivsak nr.: 2014/508 Arkivkode: A20 Utvalsaksnr Utval Møtedato 30/14 Driftsstyret 04.06.2014 Kommunestyret TILSTANDSRAPPORT GRUNNSKULEN 2013/2014 DEL 2 Administrasjonen si tilråding: Tilstandsrapport for grunnskulen 2013/2014 del 2 om læringsmiljøet vert teken til vitende. Vedleggsliste: Voldaskulen Tilstandsrapport 2013/2014 del 2 læringsmiljø Uprenta saksvedlegg: Ingen Samandrag av saka: Viser til handsaming av Tilstandsrapport del 1 i driftstyret 24.04. og i kommunestyret 09.04. 2014. Del 2 viser resultat frå Elevundersøkinga for skuleåret 2013/2014 for grunnskulen. Denne undersøkinga er lovefesta å gjennomføre kvart år på 7. og 10. trinn. Det er høve til å ta med andre trinn om ein kommune ønskjer det. Det er og høve til å gjennomføre undersøkinga to gonger same år. Undersøkinga er laga slik at ein bør vere forsiktig med å nytte den på lågare trinn. Det er nokre spørsmål som er obligatoriske, og så kan ein velje fleire spørsmål frå tilleggsmodular. Skuleåret 12/13 vart det ikkje levert rapport til politisk handsaming. Grunnen var omlegging av tidspunkt for rapport frå hausthalvåret til vårhalvåret. Omlegginga av tidspunktet for elevundersøkinga frå vår til haust, gjer at ein kan lage ein samla rapport frå det inneverande skuleåret om våren, men eksamensresultat og overgang til vidaregåande skule vert frå året før. Side8
Skuleåret 13/14 måtte ein dele rapporten i to fordi data frå elevundersøkinga vart forsinka. Administrasjonen vil og utarbeide ein eigen rapport for norskopplæring og kvalifisering av vaksne hausten 2014, og det vert del 3. Ungdata-undersøkinga i Volda 2013, som er bakgrunn for rapporten Ung på Sunnmøre (Lars Jørgen Vik og Johann Roppen frå Møreforsking), gir og viktig informasjon om korleis ungdommane i Volda har det. Kommunestyret fekk orientering om dette i Saksopplysningar: Det er fastsett i opplæringslova og privatskolelova at skoleeigarar pliktar å utarbeide ein årleg rapport om tilstanden i opplæringa. I Stortingsmelding nr. 31 (2007-2008) går det fram at det er viktig at styringsorgana i kommunar og fylkeskommunar har eit bevisst og kunnskapsbasert forhold til kvaliteten på grunnopplæringa. Dette er nødvendig for å følgje opp utviklinga av sektoren på ein god måte. Desse har ansvar for å utarbeide ein årleg tilstandsrapport: Kommunar Fylkeskommunar Private grunnskolar som er godkjende etter opplæringslova 2-12 Private skolar med rett til statstilskott Rapport om tilstanden i opplæringa Rapporten om tilstanden (tilstandsrapporten) i opplæringa skal omhandle læringsresultat, fråfall og læringsmiljø. Den årlege rapporten skal drøftast av skoleeigaren, dvs. kommunestyret, fylkestinget og den øvste leiinga ved dei private grunnskolane (jf opplæringslova 13-10 andre ledd). Det følgjer av forarbeida til føresegnene - Ot.prp.) nr. 55 (2008-2009) s. 24 - at det skal vere mogleg å tilpasse arbeidet med å utarbeide ein årleg tilstandsrapport til det ordinære plan-, budsjett- og rapporteringsarbeidet hos skoleeigaren. Nasjonalt kvalitetsvurderingssystem Tilstandsrapporten er eit sentralt element i det nasjonale kvalitetsvurderingssystemet. Regjeringa har fastsett mål knytte til læringsresultat, fråfall og læringsmiljø som grunnlag for å vurdere kvaliteten i grunnopplæringa, jf. St.meld. nr 31 (2007-2008). Krav til innhald i tilstandsrapporten Tilstandsrapporten skal som eit minimum omtale læringsresultat, fråfall og læringsmiljø, men kan byggjast ut med annan omtale som skoleeigaren meiner er føremålstenleg ut frå lokale behov. Det er data frå Skoleporten som hovudsakleg skal brukast som grunnlag for skoleeigaren si vurdering av tilstanden, men det følgjer av St.meld. nr. 31 (2007-2008) at skoleeigarar og skolar blir oppmoda til å føre opp konkrete målsetjinger for kva dei skal oppnå innanfor dei målområda som er sette opp. Det følgjer av Ot.prp. nr. 55 (2008-2009), s. 24, at tilstandsrapporten skal innehalde vurderingar knytte til opplæringa av barn, unge og vaksne. Dei data som er tilgjengelege i Skoleporten, inneheld ikkje særskilde data om vaksne dvs. deltakarar som får opplæring etter kapittel 4A i opplæringslova. I vurderinga av om rettane til vaksne blir tekne vare på når det gjeld områda læringsresultat, fråfall og læringsmiljø, må skoleeigaren derfor bruke andre kjelder for datainnhenting. I St.meld. nr. 16 (2006-2007) går det fram at tidleg innsats er vesentleg for å betre ferdigheiter og fagleg utvikling hos elevane. Kartlegging av ferdigheitsnivået til elevane må følgjast opp med tiltak for dei som har behov for ekstra opplæring frå første stund. Den spesialpedagogiske innsatsen er her sentral. Dei data som er tilgjengelege i Skoleporten, innheld ikkje data om Side9
spesialundervisning, og skoleeigaren må derfor også på dette området bruke andre kjelder for datainnhenting. Skoleeigaren står elles fritt til å utvide innhaldet i tilstandsrapporten. Det generelle systemkravet Den plikta skoleeigaren har til å utarbeide årlege rapportar om tilstanden i opplæringa, er ein del av oppfølgingsansvaret knytt til det generelle systemkravet (internkontroll), jf opplæringslova 13-10 andre ledd og privatskolelova 5-2 tredje ledd. Ver merksam på at kravet til internkontroll, omfattar alle pliktene som ligg til skoleeigaren etter lov og forskrift. Det generelle systemkravet er derfor vidare enn det tilstandsrapporten dekker. Personvern Tal som blir lasta direkte inn frå Skoleporten, kan for små einingar innehalde indirekte identifiserbare opplysningar. Dette kan vere teiepliktige opplysningar etter forvaltningslova 13 og/eller personopplysningar etter personopplysningslova 2 nr. 1. Tilsvarande kan òg gjelde for lokale indikatorar. Derfor ei påminning om at desse opplysningane må behandlast i tråd med reglane i forvaltningslova og/eller personopplysningslova. Skular med mindre enn 10 elevar er unnateke offentleggjering og det gjeld fleire av Volda sine skular. Vurdering og konklusjon: Tilrådinga bør vedtakast. Økonomiske konsekvensar: ingen. Helse og miljøkonsekvensar: Resultata frå Elevundersøkinga viser at elevane i Volda opplever eit godt læringsmiljø, men alle må likevel arbeidde aktivt for å vidareutvikle dette. Resultat frå undersøkinga Ung på Sunnmøre viser at elevane i Volda trivast godt på skulen, men denne undersøkinga viser og at mange ungdommar i Volda som elles i landet slit med si psykiske helse. Rune Sjurgard rådmann Utskrift av endeleg vedtak: Opplæring og oppvekst Skulane i Volda Fylkesmannen Side10
VOLDA KOMMUNE Opplæring og oppvekst Voldaskulen Tilstandsrapport 2013/2014 Del 2 Læringsmiljøet Foto: Ove Krumsvik 1 Side11
Innhold Elevane sitt læringsmiljø... 3 Resultat frå Elevundersøkinga 2013-2014... 6 Volda kommune 7. steg samanlikna med fylket og landet... 6 Volda kommune 10. steg samanlikna med fylket og landet... 7 Volda kommune 7. steg jenter og gutar samanlikna... 8 Volda kommune 10. steg jenter og gutar samanlikna... 9 Skulane sine kommentarar til eigne resultat... 10 Mork skule... 10 Øyra skule... 12 Bratteberg skule... 15 Vikebygda skule... 17 Austefjord skule... 18 Folkestad skule... 20 Dalsfjord skule... 22 Volda ungdomsskule... 24 2 Side12
Elevane sitt læringsmiljø Målsetjing I Volda kommune skal elevane vere sikra eit fysisk og psykososialt arbeids- og læringsmiljø som fremjar helse, trivsel og læring Fakta Elevundersøkinga 2013-2014 for 7. og 10. steg viser mellom anna at - Elevane trivest på skulen Resultat frå kartleggingar, nasjonale prøver og avsluttande karakterar - Elevane opplever god støtte frå lærarane sine - Elevane ynskjer meir fagleg utfordring - Fleire jenter enn gutar kjenner seg mobba Dette er andre del av Tilstandsrapporten for skulane i Volda for skuleåret 2013/2014, og omhandlar resultat frå Elevundersøkinga. Rapporten er laga etter same mal som del 1, med tabellar, kommentarar frå rektorar og forteljingar frå både foreldre og elevar. Undersøkinga vart gjennomført i desember/januar inneverande skuleår på 7. steg og 10. steg. Undersøkinga dette året er endra frå tidlegare år, difor er det vanskeleg på nokre område å samanlikne dette resultatet med tidlegare resultat. I Volda er svarprosenten 96,3, noko som gir granskinga god validitet. Ein vel å kommentere sentrale funn på nasjonalt plan, før ein ser på resultat frå skulane i Volda. Tabellane i rapporten syner samla resultat for alle elevane på dei to stega som er med, men rektorane kommenterer resultata på sin skule. I tillegg skal SU på alle skular drøfte skulen sine resultat. Nasjonale funn: NTNU har på oppdrag frå Udir analysert resultata frå Elevundersøkinga. Førebels er det levert analyse av tre område; mobbing, krenkingar og arbeidsro i skulen. Analysen av dei andre områda og hovudrapport kjem sommar 2014. Mobbing: Nasjonalt finn ein signifikant nedgang på tal elevar som opplever seg mobba, men det vert påpeika at det kan ha metodiske forklaringar. Delen elevar som opplever seg mobba går den med 2,5 prosent frå 2012 til 2013. Kjønnsskilnader ser og ut til å vere viska ut. Den nye undersøkinga er kortare enn den tidlegare, og ein meiner at det har ført til at færre elevar svarar useriøst. Det kan vere at elevane skil betre mellom mobbing og krenkingar, og at det som tidlegare vart rapport som mobbing no er svart på under krenkingar. Svaret er nok at resultata er ein kombinasjon av fleire faktorar og difor er det vanskeleg å trekke sikre konklusjonar. Krenkingar: Dette er nytt i denne undersøkinga, og elevane vert spurde om kor ofte dei har opplevd 6 ulike typar krenkingar. Elevane rapporterar mest om verbale krenkingar og utestengingar, og det 3 Side13
viser ein klar auke på 9. og 10. trinn. Her er det og klare kjønnsskilnader. Krenkingane vert uteført av medelevar og det skjer mest ute, og skulen veit lite om dette. Det vert glidande overgang mellom krenking og mobbing, så begge områda må analyserast når vi skal få kunnskap om korleis elevane har det på skulen. Det er fleire elevar som seier at det vert krenka enn mobba. Arbeidsro: Små endringar frå tidlegare, men kanskje ein svak tendens til betring. Tilstanden i skulane i Volda: For å seie noko om korleis elevane i Volda har det, har vi og rapporten Ung på Sunnmøre i tillegg til Elevundersøkinga. Samla gir desse to rapportane goda data for tilstanden i Volda. I Ung på Sunnmøre er alle trinna på ungdomsskulen med, og svarprosenten er heile 93%. Oppsummeringa viser at elevane i Volda har høgare trivsel på skulen enn dei andre kommunane i undersøkinga. Viser til rapporten Ung på Sunnmøre av Lars Jørgen Vik og Johann Roppen. utfordringar, kan vere noko ein analyserer nærare sidan ein ikkje tilfreds med læringsresultata. Viser til Tilstandsrapport del 1, læringsresultat. På denne bakgrunn bør vi sjå både korleis det vert arbeidd fagleg på skulane, men og på samarbeidet med heimane om læringa til elevane. 7.trinn: Samanlikna med Møre og Romsdal og nasjonalt ser ein et det er små skilnader, om ein skal peike på eitt område må det vere fagleg utfordring. Dette er ein viktig faktor for læringsresultat som var omhandla i del 1 av Tilstandsrapporten. Viser elles til kommentarar frå rektorane. Når ein ser på skilnader gut jente, er det interessant at gutane faktisk ser ut til å oppleve skulen meir positiv enn jentene. Når det gjeld mobbing er resultatet på snitt med dei vi samanliknar med. Men gutane opplever mindre mobbing enn jentene, sjølv om skilnaden er liten. Resultat Elevundersøkinga: Resultata viset at elevane i Volda opplever eit godt læringsmiljø, men alle må likevel ha som som mål om å bli betre. Ein elev som ikkje har det bra, er ein for mykje. Det er to interessante resultat som det er grunn til å drøfte vidare. Det første er at gutane er meir positive enn jentene og rapporterar om mindre mobbing. Det andre er at ein kan spørje om det er godt nok at elevane i Volda berre er på snittet i spørsmålet om støtte heimanfrå. Volda har ei foreldregruppe med høgare utdanning enn dei vi samanliknar med. Dette kombinert med at elevane i Volda sine svar er under snittet på faglege 4 Side14
10. trinn: Samanlikna med Møre og Romsdal og nasjonalt er det også her små skilnader, men desse elevane skil seg likevel positivt ut på alle område, unnateke fagleg ufordring og motivasjon. Som nemnt under 7. trinn er dette sentralt for læring og bør vere i fokus på skulane. Også på dette trinnet er det interessant å sjå på gutane, det einaste området dei rapporterer dårlegare enn jentene er på fagleg utfordring. Viser elles til kommentar frå rektorane. Elevane i 10. klasse opplever mindre mobbing enn dei vi samanliknar med, og her opplever gutane klart mindre mobbing enn jentene. For å skape eit godt læringsmiljø i klassen er det viktig at læraren har eit godt forhold til alle elevane og likar å undervise og vere saman med oss. Det er også viktig at vi likar læraren og samarbeider godt både med læraren og med kvarandre. Læraren vår brukar ulike læringsstrategiar, t.d. når vi «snakkar» matematikk i grupper og ikkje berre gjer oppgåver i boka, dette lærer eg meir av. Eg lærer også meir matematikk når vi får arbeide med praktiske oppgåver ute på skuleplassen. Gruppearbeid i ulike fag der vi må samarbeide og lytte til kvarandre, gir meg også meir motivasjon for å lære. For at vi også skal lære av kvarandre og for at læraren skal få vite kva vi har lært, har vi munnlege framføringar når vi er ferdige med gruppearbeidet. Læraren vår er flink til å involvere alle elevane med å høyre på oss og endre opplegg viss det gjer at vi lærer meir. Det er viktig å helse på kvarandre ved oppstart av skuledagen og når det kjem nye elevar/lærarar inn i klasserommet, det skapar eit positivt læringsmiljø. Karina, 7. klasse 5 Side15
Resultat frå Elevundersøkinga 2013-2014 Volda kommune 7. steg samanlikna med fylket og landet 6 Side16
Volda kommune 10. steg samanlikna med fylket og landet 7 Side17
Volda kommune 7. steg jenter og gutar samanlikna 8 Side18
Volda kommune 10. steg jenter og gutar samanlikna 9 Side19
Skulane sine kommentarar til eigne resultat Mork skule Mork skule gjennomførte Elevundersøkinga tidleg i februar 2014. Vi har ein svarprosent på 100%. Vi har dei seinare åra fått 5.- 7. klasse til å gjennomføre denne testen for betre skaffe oss god oversikt over korleis det ligg an på skulen. Vi ser av våre resultat at vi ligg jamt over nasjonalt gjennomsnitt på undersøkinga. Trivsel. Vi skårar høgare enn nasjonalt snitt (snittet). Skilnaden er 0,2 poeng. Vi er og den barneskulen i Volda som kan vise til størst trivsel blant 7. klassingane, 4,6p. Støtte frå lærarane. Her skårar Mork skule 4,8 p. Dette er heile 0,5 p over snittet. Elevane er tydelege på at dei opplever at lærarane bryr seg, har trua på dei og hjelper dei til forstå det dei skal lære (4,9 p) Støtte heimanfrå. Borna opplever at dei får støtte heimanfrå, også her over snittet. Fagleg utfordring. Spørsmålet om dei får nok fagleg utfordring gir ein poengskår på 4,2p. Dette kan tyde på at nokre av elevane meiner dei kunne ha fått større utfordringar. Det kan og tyde at nokre elevar synes det er veldig vanskelege utfordringar dei får. Vurdering for læring. Det kjem her godt fram at våre lærarar er gode på å forklare elevane kva som er målet for undervisninga. Dei svarar og at lærarane er gode på å fortelje kva som er bra med arbeidet dei gjer. Det kjem og fram at lærarane kan verte betre til å fortelje korleis elevane skal bli betre. Vi skårar på alle punkt under dette emnet over gjennomsnittet. Læringskultur. Vi kjem ut midt på treet når det gjeld arbeidsro i timane. Det er fortsatt litt over gjennomsnittet, men dette er marginalt. Likevel kjem det og fram at både elevar og lærarar er opptekne av å jobbe godt med skulearbeidet og at det er rom for prøving og feiling. Meistring Opplevinga elevane har av meistring undervisning, lekser og arbeid på skulen, ligg på skåren 4,1. Dette er marginalt over snittet. 10 Side20
Motivasjon. Elevane er interesserte i å lære (4,3p) og gler seg til å gå på skulen (4,2p). Dei er kanskje (naturleg nok) ikkje fullt så begeistra over skulearbeidet (3,8p). Dei ligg likevel over snittet, om enn berre litt. Elevdemokrati og medverknad. Dette er det området Mork skule skårar dårlegast på. Med 3,8p ligg vi likevel 0,1p over snittet, og litt meir over Volda og fylkessnittet. Felles reglar. Her kjem det fram at elevane kjenner reglane, dei vaksne er gode rollemodellar og at dei reagerer likt om reglane vert brotne. Mobbing på skulen. På denne indikatoren skårar Mork skule 1,1p. Det vil seie at det er lite mobbing på skulen. Tiltak Vi jobbar heile tida med læringsmiljøet vårt. Det er ikkje alt som er nedskrive, men det ligg i bakgrunnen for det vi gjer. Vi samtalar i kollegiet om ulike episodar der vi deler ut ris og ros. Det er eit godt kollegialt samarbeid rundt elevane. Tydelege klasseleiarar. Vi vil at våre lærarar skal vere tydelege klasseleiarar. Dette er eit kontinuerleg arbeid. Det er den vaksne som har det avgjerande ordet. Den vaksne skal vere rettleiar og ein god rollemodell for elevane. Godt heim-skule samarbeid. Vi har ein lav terskel for kontakt til heimane og for at heimane skal ta kontakt med skulen. Dette gjer sitt til at elevane er klar over at dei ikkje operere i to verder; skulen og heime, men at vi samarbeider. Felles turdag kvar månad. Andre torsdag i mnd går heile skulen på tur i nærmiljøet. Det vert lagt opp til aktivitetar på tvers av klassene. På denne måten får dei minste gå saman med dei som er større, noko som gjer kvardagen tryggare for dei små. Dei største elevane får ansvar og må trene seg på å vere gode rollemodellar for dei minste. Fast inspeksjonsplan i friminutta. Det er våre elevar. På Mork skule har vi hatt eit bevisst fokus på at sjølv om eleven går i di klasse, så er han vår elev. 11 Side21
Øyra skule Ved Øyra skule er det dei to 7. klassene som har gjennomført elevundersøkinga. Trivsel Tala for trivsel viser svært gode resultat for Øyra skule, her ligg vi markant høgare enn snittet (4,5 mot 4,3 i kommunen og fylket). Vi trur dette mellom anna er resultat av trivselsleiarordninga, samt at lærarane er svært opptekne av å arbeide for eit godt klassemiljø. Motivasjon Når det gjeld motivasjon, som omfattar indre motivasjon, interesse og lærelyst for skulearbeidet, ligg tala frå Øyra skule også her høgare enn kommune-, fylke- og landsgjennomsnittet. Støtte heimanfrå På spørsmål om støtte heimanfrå, om elevane opplever støtte, interesse og oppmuntring heimanfrå når det gjeld skule og skulearbeid, ligg Øyra skule på nasjonalt nivå, og ørlite høgare enn nivået elles i kommunen og fylket. Støtte frå lærarane Elevane gir uttrykk for både emosjonell og fagleg støtte frå lærarane, her ligg vi på kommunenivå, og noko høgare enn landssnittet. Arbeidsforhold og læring På faglege utfordringar og meistring skårar elevane under gjennomsnittet, og dette må vi ta inn over oss og setje i verk tiltak for å betre. Samstundes undrar dette oss noko. På arbeidsplanane som elevane får, kan dei velje mellom val 1 og val 2, der val 2 er ekstra krevjande. Læreverka vi brukar, legg også opp til differensierte oppgåver som gjer det enklare å drive tilpassa opplæring. Elevane viser jamnt over god utvikling i alle fag, og dette indikerer at elevane får utfordringane på eit høveleg nivå. Når det gjeld vurdering for læring ligg vi over landsgjennomsnittet. Medverknad På elevdemokrati og medverknad, ligg også Øyra skule noko under det vi skulle ønske. Dette kan skuldast at elevrådet ikkje har fungert optimalt siste året grunna sjukmelding av elevrådskontakt og der skulen ikkje har fått på plass eit tilfredstillande alternativ i denne perioden. Reglar på skulen I tillegg til felles skulereglar, har alle klasser eigne klassereglar som dei utformar 12 Side22
sjølve. At resultata er gode her, viser at elevane kjenner til reglane på skulen og opplever at dei vaksne i stor grad sanksjonerer på lik måte overfor same regelbrot. Trygt miljø For to år sidan viste tala i elevundersøkinga at Øyra skule kom dårlegare ut når det gjaldt mobbing enn resten av landet. Dette har no snudd, og Øyra skule sine tal er no betre enn resten av kommunen og landet. Dette kan grunnast skilnader i elevmasse og klassemiljø, men vi trur også at jamnt arbeid for auka trivsel og tryggleik viser att i dette resultatet. Tiltak Ved Øyra skule gjer vi mykje som fungerer godt, og vi vil halde fram med viktige tiltak, samt vurdere nye tiltak der det er nødvendig. Tydelege faglege forventningar Vi meiner vi har gode rammer for faglege utfordringar med vekeplanar med klare mål og ulike vanskegrader, samt faste veketestar som viser korleis elevane ligg an i dei måla det er arbeidd med. Tala viser likevel at vi ikkje gjer dette godt nok. Her vil vi i første omgang drøfte i kollegiet korleis vi kan arbeide betre innafor dei rammene vi har, til dømes ved å vere tydlegare i møte med elevane når det gjeld forventningar om fagleg innsats. SOL (systematisk observasjon av lesing) Vi har stor tru på at innføringa av SOL i alle fag vil gjere arbeidet vårt med vurdering for læring endå betre, og kanskje vil dette også styrke elevane si kjensle av meistring og auke dei faglege utfordringane. Felles aktivitetar Felles aktivitetar for alle elevane på skulen, som internasjonal deg, faste førjulsaktivitetar, vinterveke og haueleiteveke er viktig for elevane sin trivsel og kjensle av tilhøyrsle til skulen. Særleg er marknaden kvar vår viktig, fordi vi her bidreg til felles positive opplevingar for elevar, foreldre og tilsette. Dette styrker foreldresamarbeidet og trivselen på skulen. Trivselsleiarprogrammet Vi er godt fornøgde med trivselsleiarordninga ved skulen der nokre av elevane på mellomsteget fungerer som aktivitetsleiarar i friminutta. Trivselsleiarane fungerer som gode førebilete og set i gang aktivitetar som er opne for alle, og dette er viktig for trivsel mellom elevane og medverkar 13 Side23
truleg til mindre utestenging og konfliktar. Trivsel for tilsette Det er også viktig å arbeide aktivt for alle tilsette sin trivsel på arbeidet. Medarbeidarundersøkinga dette året viste at dei tilsette ved Øyra skule gir svært god tilbakemelding på trivsel i arbeidskvardagen. At dei vaksne ved skulen trivst, trur vi påverkar elevane sin trivsel i skulekvardagen. Godt samarbeid mellom ulike profesjonar ved skulen og på tvers av klassesteg, i tillegg til gode rutinar og nært samarbeid på klassesteg og team er sentralt i arbeidet for trivsel. Alternative aktivitetar for elevar med særskilde behov Ved Øyra skule har vi fleire elevar som har andre behov enn det dei får dekt gjennom tradisjonell undervisning. Vi har det siste året arbeidd mykje for å gje desse elevane alternative tilbod som er tilpassa deira behov. Dette er eit viktig arbeid, der vi prøver oss fram utan noko fasit, men der vi ser svært positive resultat i form av gladare og tryggare elevar som meistrar på sitt nivå. 14 Side24
Bratteberg skule Elevundersøkinga 2013-14 syner at elevane trivst på skulen og at mobbing er eit lite problem. Likevel syner undersøkinga ein tilbakegang i trivsel og motivasjon, både samanlikna med andre (snitt for kommune) og i høve tidlegare år. Lærarar og skuleleiing har jobba med utfordringar på årssteget, og ser at fleire elevar er i ei positiv utvikling m.t.p. motivasjon for skulearbeid. Som tidlegare år er det fleire som melder om lite elevmedverknad i korleis det skal arbeidast med faga og vurdering i fag. Dette vert emne for utviklingsarbeid i kollegiet komande skuleår. Resultata frå elevundersøkinga vert drøfta med lærarane på teamet, før det vert emne for heile kollegiet ved skulen. Trivsel Vi skårar lågare enn snittet, i motsetning til tidlegare år. Skuleleiinga fanga opp signal om dette førre skuleår, og sette i verk tiltak som truleg har virka. Støtte frå lærarane Elevane melder om at lærarane har tru på dei og at dei vert behandla med respekt. Vidare at dei får hjelp av lærarane til vidare arbeid. Støtte frå heimen Elevane får hjelp til leksene, dei vaksne oppmuntrar og syner interesse for skulearbeidet. Fagleg utfordring Elevane melder om bra med faglege utfordringar (over snittet), men i møte med elevane ser vi fleire som gjerne vil ha meir krevjande lærestoff. Vurdering for læring Her ligg vi 0,5 under snittet. Delskår syner at lærarane fortel kva som er bra med arbeidet, men i mindre grad forklarar mål og vurderingskriterium og kva eleven bør jobbe meir med. Største utfordringa er likevel å involvere elevane i vurderingsarbeidet. Læringskultur Elevane melder om ein læringskultur der det er akseptert å gjere feil, fordi ein kan lære av det. Elevane melder om for mykje uro i klassen, noko som heng saman med trivsel. Meistring Elevane ligg omlag på snittet i kommunen. Motivasjon Elevane er interessert i å lære og dei fleste gledar seg til å gå på skulen. Verre er det med interessa for skulearbeid. Dette heng truleg saman med faglege utfordringar elevmedverknad. 15 Side25
Elevdemokrati og medverknad Elevane er i liten grad med på å foreslå korleis dei skal arbeide med faga. Dei melder om betre tilrettelegging for elevrådsarbeid, men i mindre grad at skulen høyrer på forslaga. Vidare melder elevane at dei i mindre grad er med på å lage reglar for korleis dei skal ha det i klassa, trass i at dette vert gjort i kvar einaste klasse innan tre veker etter oppstart. Felles reglar Elevane kjenner til reglane og dei vaksne ser til at reglane vert følgde. Men ved regelbrot ser det ut til å vere skilnader i reaksjon frå dei vaksne. Mobbing Her ligg vi jamt med snittet i kommunen. Tiltak Trivselsleiar (TL) Dette er eit svært godt tiltak som betrar trivsel og truleg hindrar mykje uønska åtferd (trakassering, erting, plaging, mobbing, utestenging osv.) Elevråd Elevrådet arrangerer ballbingeturnering, basketballturnering, fotballkampar, 20-turmål og andre tiltak for skulen FysAk Elevane på mellomsteget har fysisk aktivitet (FysAk) ein g. pr. veke. Vi har no fått til eit samarbeid med TL-ordninga, og synest å sjå at trivselen aukar. Leirskule /skuletur Vi har laga eit fast opplegg for 7.kl. der dei reiser til Lid skule/grendahus på overnattingstur. Opplegget femner om skulefaglege, sosiale og fysiske utfordringar og er svært god likt av elevar, føresette og tilsette. Zippys venner Skulen køyrer opplegget Zippys venner på småsteget, og vil vonleg sjå resultat av dette i elevundersøkinga om nokon år. Psykologisk førstehjelp Fleire lærarar har kursa seg i bruken av dette verktyet. Vi køyrer no fast opplegg for 5. klasse og tek det dessutan i bruk med andre einskildelevar. Tett på Skuleleiinga er tett på einskildelevar som treng ekstra oppfølging. Dette gjeld t.d. alle tilfelle av mobbing (/mistanke om mobbing), skulevegring, forseintkoming, utagering o.a. Refleksjonsgrupper kompetanseutvikling Vi har etablert ein møtearena for lærarane, der den kollektive utviklinga av skulen er i fokus. Lærarane reflekterer og rettleier kvarandre med bakgrunn i klasserommet (praksis-viten) og pedagogisk forsking (teori-viten). Emne for refleksjonsgruppene er henta frå dei tre viktigaste kompetansefelta til læraren: kontroll og struktur, relasjonskompetanse, og fagdidaktikk. Røynslene så langt er gode, og vil bli vårt viktigaste verkty i å utvikle m.a. dei noko svake punkta elevundersøkinga har avdekka. 16 Side26
Vikebygda skule Vikebygda skule er ein 1. 4. skule og deltek av den grunn ikkje i Elevundersøkinga. Leiar av FAU ved skulen har likevel bidrege med ein tekst til tilstandsrapporten. Læringsmiljø, eit foreldreansvar? Læringsmiljøet på skulen vert skapt også utanfor klasserommet. Foreldre, både i og gjennom FAU, er viktige bidragsytarar og premissleverandørar både for trivsel og læring. Også SFO spelar ei rolle, både for læring og miljø: SFO i Volda er ingen oppbevaringsplass. Kartleggingsprøver og elevvurdering er gode måleinstrument for det faglege, men eit godt, sosialt læringsmiljø og samarbeid mellom heim og skule, bør også nemnast: Sjølv om dette vanskeleg kan puttast inn i ein tabell. Skulen og FAU freistar å skape møtestader i og utanfor skulen, for å gjere elevar, føresette og tilsette trygge på kvarandre og delta i eit fellesskap. Ungar i småskulen har allereie ei regulert fritid, men FAU meiner det har verdi å møtast også utan å ha eit program og agenda, men der vennskap og frileik står i sentrum. Difor møtest alle trinn på Vikebygda skule til tre klassetreff i løpet av eit skuleår: til grilling på Årneset, tur til Skinnstøylen, eller noko anna sosialt for heile familien. Vikebygda skule legg til rette for vennegrupper. 4-5 elevar er i ei vennegruppe, som på omgang møtast ein ettermiddag i heimen. Dette gjer at fleire elevar vert kjende med kvarandre og foreldre også får møte andre born enn dei som bur i nabolaget og også born som utanfor godt etablerte vennskapsrelasjonar. FAU erfarer at dette skaper nye vennskap, lågare dørterskel og at borna gler seg. Vennegruppene skal ikkje vere «minibursdag» med program og fin servering, men eit kvardagsbesøk. Vennegruppe-tanken finn vi att i skuletida: Læraren set opp «leikevenner» til friminutta, slik at fleire vert kjende med kvarandre. Dette gjer at alle er med og alle har nokon å leike med. Fleire foreldre melder attende at barnet har hatt positive opplevingar ved å leike i friminuttet med ein «ny» klassekamerat. Føresette på Vikebygda er alltid også invitert med på juleverkstad, grunnlovsmarkering og utflukter og dette skaper band mellom heim og skule. Vinteren 2013 tok FAU initiativ til barnediskotek på Høgtun i samarbeid med Vikebygda frilynde ungdomslag. Arrangementet var ope for alle born frå 1.- 4. klasse. Det var flest deltakarar frå Vikebygda, men alle sentrumsskulane var representerte. Føremålet var å skape ein møtestad og noko sosialt på ettermiddag/kvelden i nærmiljøet. Foreldre stilte som vakter og i kiosken. Det var fullt hus og til sommarferien vert det nytt arrangement der alle skular er inviterte. Vikebygda FAU meiner at føresette både er ein ressurs, men også har eit sjølvstendig ansvar for samarbeidet heim/skule, og også for å betre læringsmiljøet. I eit miljø med engasjerte og tydelege vaksne er det kanskje lettare å lukkast også i algebra? Vi trur i alle fall det! Eit godt skulemiljø vert også skapt etter klokka har ringt ut. Audhild Gregoriusdotter Rotevatn Leiar FAU Vikebygda 17 Side27
Austefjord skule Undersøkinga vart gjennomført for 7. og 10. klasse. Vi hadde 100% deltaking. På grunn av lågt elevtal, 3 elevar på 7. trinn og 2 elevar på 10. trinn, har Utdanningsdirektoratet skjerpa visningsreglane for å hindre indirekte identifikasjon. Dette medfører at prosentdelar er skjulte. Likevel ser ein eit klart resultat der elevane er eintydige i svara. Vi kommenterer resultata under kvart delemne. Til saman var det i undersøkinga 65 obligatoriske spørsmål, og 10 tilleggsspørsmål. Trivsel Alle svar er fordelte på «svært godt» og «godt» når det gjeld spm. om dei trivst. Motivasjon Stor overvekt av positive svar. Heim-skule Positive svar på spørsmål om interesse og hjelp heime, eit meir sprikande svar på om dei vaksne heime oppmuntra dei i skulearbeidet. Støtte frå lærarane Berre positive svar i nest høgst og høgste skåra på om lærarane bryr seg om, behandlar dei med respekt, og får god hjelp når det oppstår problem. Arbeidsforhold og læring Når det gjeld spørsmål om arbeidsro, utfordringar, kor viktig klassen synest det er å arbeide godt, og korleis lærarane aksepterer feil som utgangspunkt for læring, er svara positive. Svara er meir sprikande(resultata skjult) ved spørsmål om ein får nytte av alt ein lærer på skulen, og i kva grad elevane får bruke ulike/ praktiske arbeidsmåtar. Vurdering for læring Her er også resultata delvis skjult, så det er vanskeleg å trekke konklusjonar. Det ein kan seie er det er overvekt av positive svar, men at minst ein elev har svara negativt på fleire av spørsmåla, til dømes om ein får tilbakemeldingar som gjer at ein blir betre i faga, medverknad i vurdering, og hjelp til å tenkje gjennom eigen utvikling. Dette bør vi sjå nærare på og reflektere over. Medverknad Litt blanda svar her også. Positive svar på elevrådsarbeid og om skulen høyrer på forslaga til elevane, men meir sprikande i spm om elevane er med å lage reglar for korleis ein skal ha det i klassen. Reglar på skulen Eintydig positivt på om elevane veit kva for reglar som gjeld og at dei vaksne 18 Side28
sørger for at elevane følgjer desse. Litt meir midt på treet i spm. om dei vaksne reagerer på same måte ved regelbrot. Dette bør vi reflektere nærare over. Trygt miljø I nokre av spørsmåla her har minst ein elev svart det mest negative. Eg har ein mistanke om at det kan vere både mistyding av spørsmål kombinert med å skunde seg ferdig som kan vere skuld i dette, for andre svar tyder på det motsette. På dei viktige spørsmåla om mobbing, truing, kommentarar eller fysiske overgrep er svara eintydig positive. Utdannings- og yrkesrådgiving Svara er skjulte pga. berre 2 elevar. Tiltak a) Trivselsleiarprogram Heile skulen er med i TL-programmet. Dette har ein positiv effekt på læringsmiljøet då vi ser at mange elevar er med og gler seg til aktivitetane. b) Miljøteneste og klassemiljøarbeid Vi har ei rullerande miljøteneste som er ei vidareføring av ordninga med ordenselevar der to og to elevar har ansvar kvar veke. Ellers er det det daglege klassemiljøarbeidet som kontaktlærar og lærarane ellers gjer som legg grunnlaget for eit godt læringsmiljø. Kort om andre tiltak: Skulen har reglar og rutinar som lærarane er lojale mot og som gjer at elevane føler at dei vaksne dreg i same retning. Aktiv bruk av nærmijøet i undervisning og oppleving. Open dag med program og kafe. Skidag og fjelldag. Fast inspeksjonsplan i friminutta. Eit fint uteområde som innbyr til variert aktivitet. Vi legg stor vekt på å ha eit nært samarbeid med heimane. 19 Side29
Folkestad skule Trivsel: 13 av 14 elevar i 7. og 10. klasse svarte på undersøkinga, dvs. ein svarprosent på 92,86. Resultatet har blitt drøfta både i møte med lærarar, elevråd og FAU/SU. Resultatet for Folkestad skule er svært godt når det gjeld elevane sin trivsel på skulen, 9 av 13 elevar svarar at dei trivst svært godt på skulen og 11 elevar meiner dei alltid har nokon å vere saman med i friminutta. Når vi har «Zippy»-timar snakkar vi om korleis vi tenkjer og føler, kvifor vi blir sinte og lei oss og kvifor vi av og til gjer dumme ting som t.d. å le av andre eller seie dumme ting om andre. Vi lærer korleis vi skal oppføre oss mot kvarandre på ein god måte og vise at vi bryr oss om kvarandre. Når vi har ein «Zippy»-time sit vi i ein sirkel slik at alle ser og høyrer kvarandre. Vi startar med at alle må seie noko godt og positivt om den dei sit ved sida av, dette gjer det lettare å også snakke om konflikter og vanskelege ting. Eg synest det er greitt å ha «Zippy»-timar av og til for då slepp vi å få mobbesituasjonar i friminutta og då greier vi å betre å arbeide med fag og læring i timane. Klassa blir også meir samansveisa når vi lyttar til kvarandre og vi forstår kvarandre på ein betre måte. Etter ein «Zippy»-time synest eg det er lettare å konsentrere seg om fag og undervising og eg synest eg lærer meir. Mats, 5. klasse Motivasjon: Motivasjon for læring er også god, 10 av 13 elevar svarar at dei prioriterer i alle eller dei fleste fag å bruke tid på skulearbeidet både i timane og heime. Heimen viser i litt varierande grad interesse for elevane sitt skulearbeid, 6 elevar svarar svært ofte, 4 elevar svarar ofte og 3 elevar svarar av og til. Støtte frå lærarane: Elevane opplever også i stor grad støtte frå lærarane i læringsarbeidet.10 av 13 elevar svarar at dei opplever at alle lærarane bryr seg om dei. 9 av 13 elevar meiner også at lærarane hjelper dei slik at dei forstår det dei skal lære. Arbeidsforhold og læring: Arbeidsro i timane er bra, men her meiner elevane at det i nokre timar kan bli betre. Elevane meiner også at dei får nok utfordringar, 11 elevar svarar at dei får nok utfordringar i dei fleste/mange fag. Vurdering for læring: 10 av 13 elevar svarar at lærarane forklarar læringsmåla slik at dei forstår dei i dei aller fleste fag. 9 elevar svarar at lærarane i dei aller fleste fag snakkar med dei om kva dei bør gjere for å bli betre i faga. 5 elevar svarar at dei får tilbakemelding fleire gongar i veka, 4 elevar svarar at dei får tilbakemelding om korleis å bli betre i fag 1 gong i veka. 8 20 Side30
elevar svarar at dei i mange/nokre fag er med på å foreslå korleis dei skal arbeide med faga. Medverknad: Lærarane er også flinke til å involvere elevane i arbeid med å lage reglar for klassemiljøet, 10 elevar svarar at dei alltid er med på å lage klassereglar. 9 av 13 elevar svarar at dei vaksne reagerer på same måten viss elevane bryt reglane. Eg likar å vere trivselsleiar fordi eg synest det er kjekt å også vere saman med dei minste elevane. Småskuleelevane blir så glade når dei får vere med å lære nye leikar og også leike leikar dei kan frå før. Eg blir kjent med dei andre elevane på ein annan måte og eg må vere bevisst på reglar og oppføre meg nesten som ein lærar. Når trivselsleiarane er ute i friminutta får ein betre oversikt over det som skjer ute på skuleplassen og ingen elevar er åleine. Elevane greier også betre å finne på leikar sjølve fordi dei kan mange leikar. Det er også kjekt å vere samla på trivselsleiarmøta og snakka om ting som har skjedd og lære nye leikar. Trygt miljø: 10 av 13 elevar svarar at dei kan prate med alle/dei fleste lærarar eller andre vaksne viss dei har behov for det. 6 elevar svarar at det ein sjeldan gong siste skuleåret har hendt at dei vart haldne utanfor. 10 elevar svarar at ingen har spreidd løgner om dei dette skuleåret og 11 elevar svarar at dei ikkje har opplevd å bli slått, dytta, sparka eller holdt fast. Ingen har svart at dei har opplevd dette. Ingen har heller ikkje opplevd mobbing frå medelevar eller vaksne på skulen. Skulen gjennomfører kvart skuleår ei trivselsundersøking for alle elevar både haust og vår. Dersom vi avdekkjer mobbing eller mistrivsel set vi inn tiltak. Kontaktlærar i samarbeid med faglærarar/assistentar har ansvaret for det daglege klasse-/skulemiljøarbeidet. Dersom vi avdekkjer tilhøve som krev at vi må kople inn heim, helsesøster eller andre instansar, har rektor hovudansvaret for vidare tiltak. Skulen arbeider systematisk med lærings- og skulemiljøet og fordi vi har ei lita og oversiktleg elevgruppe (65 elevar inneverande skuleår), har elevane eit godt og trygt læringsmiljø. Hanna, 7. klasse 21 Side31
Dalsfjord skule Resultata representerer svært få elevar, og er difor unntatt offentligheit etter personopplysningslova. På grunn av lavt elevtal i undersøkinga, kan ein berre samanlikne resultata internt frå tidlegare skuleår. Det er likevel naudsynt å rapportere på eit generelt grunnlag nokre av funna i elevundersøkinga ved skulen, og dei tiltak ein ynskjer å nytte. Dalsfjord skule har gjennom arbeidet med ulike planar fått inn ein del rutinar som er med på å skape eit fysisk og psykisk betre skulemiljø for elevane. Vi har gjennom utviklingsplanen vår fått inn ein del rutinar som er med på å skape eit fysisk og psykisk godt skulemiljø for elevane. Vi har utarbeidd gode arbeidsplanar, styrka tilsyn om morgonen, læringsleiing og klassereglar har vore eit sentralt tema på møta i personalgruppa, og samarbeid heim skule har vore eit satsingsområde. Det fysiske miljøet er sjølvsagt bra, vi har ein ny skule. Vi ynskjer å kommentere resultatet under nokre hovudtema. Resultata frå elevundersøkinga hadde ei positiv utvikling samanlikna med tidlegare år. Trivsel Elevane som var med i undersøkinga trivast godt ved skulen, og elevane har venar på skulen. Motivasjon Her er det ikkje store endringar frå tidlegare år. Dei fleste elevane er motiverte for å fleire fag, resten i nokre fag. Heim-skule Elevane svarar at heimane syner interesse, støtte og forventningar heime. Men ikkje på hjelp med leksene. Støtte frå lærarane Dei fleste elevane meiner dei får god støtte frå lærarane, at dei bryr seg, og har tru på dei. Arbeidsforhold og læring + medverknad Arbeidsroa i timane kan bli betre. Elevane meiner at dei får utfordringar og at arbeidsoppgåvene dei får på skulen er tilpassa. Elevane synes at skulen og faga er viktig. Lærarane er gode formidlarar og forklarer godt. Elevane meiner dei har for lita innverknad på kva dei skal læreelevmedverknad. 22 Side32
Reglar på skulen Elevane kjenner til reglane ved skulen, og veit kva for reglar og konsekvensar som finns. Trygt miljø og mobbing Elevane seier at dei opplever miljøet ved skulen som trygt og at dei ikkje opplever mobbing. Halde fram med intern skulering når det gjeld læringsleiing, der ein vektlegg serskild relasjonar mellom elev-elev og lærar-elev. Halde fram med tidlegare oppmøte av lærar i 1.-7. klasse om morgonen Halde fram med tidlegare oppmøte av lærar i 1.-7. klasse om morgonen Halde fram og bli enno betre på samarbeid heim- skule Fadderordning for nye 1. klassingar. Overnattingsturar Elevrådsarbeid Reglar og rutinar som alle lærarane er lojale mot og som gjer at elevane føler at dei vaksne dreg i same retning. Kulturkafe Felles turar Zippys vener Tiltak Tiltak som vi allereie har og som vi vil halde fram med, og kanskje bli enno betre på. Vi ynskjer å gjennomføre ei mobbeundersøking for alle elevane ved skulen. Dette er ei kort oppsummering av arbeidet med skulemiljøet/læringsmiljøet ved Dalsfjord skule. Fordi tala frå undersøkinga ikkje er høge nok for offentlegjering, vert rapporten utan nokon tal. Men vi ynskjer likevel å legge fram ein rapport som syner at vi ved Dalsfjord skule arbeider kontinuerleg i høve skulemiljø/læringsmiljø. 23 Side33
Volda ungdomsskule Volda ungdomsskule hadde undersøkinga for 10. klassingane rett over nyttår, med ein svarprosent på nesten 95 %. Det er mange måtar å analysere resultata av undersøkinga på, men etter som denne versjonen var fornya og endra nokså mye i høve til dei tidlegare, har vi sett mest på resultata våre i høve til dei nasjonale dette året, ikkje samanlikna så mykje med tidlegare år. Vi kommenterer resultata under kvart hovudemne. T står for tilleggsmodular, og vi skulle velje inntil 9 av desse. Til saman var det i undersøkinga 65 obligatoriske spørsmål, og det var 41 tilleggsmodular å velje frå, med til saman 174 spørsmål. Trivsel Vi skårar høgare enn landsgjennomsnittet (heretter kalla snittet), men skilnaden er ikkje like stor som han har vore tidlegare. Motivasjon Her er det berre marginale skilnader i høve snittet. Heim-skule Vi skårar ørlite høgare på interesse, støtte og forventning heime, men ikkje på hjelp til leksene. Støtte frå lærarane Her var det oppsiktsvekkande stor skilnad! Våre elevar er tydelege på at dei opplever at lærarane bryr seg om, har tru på dei, behandlar dei med respekt, og at dei gir god fagleg hjelp når elevane har problem. Arbeidsforhold og læring Her ligg vi også over snittet på arbeidsro, haldningar (hos både elevar og lærarar), og utfordringane skulen gir. På spørsmålet om lærarane legg til rette for at dei kan bruke praktiske arbeidsmåtar, svarar våre elevar meir positivt enn snittet. Vurdering for læring På dette temaet er det tydeleg at lærarane våre forklarar mål og vektlegging i vurdering betre enn snittet, også dette at dei snakkar med elevane om kva dei bør gjere for å bli betre i faga. Fleire elevar hos oss er positive til at dei får vere med på å lage reglar for korleis dei skal ha det i klasseromet. Medverknad Her er resultata våre nesten identiske med snittet. Berre på eitt punkt skil vi oss ut positivt: På spørsmålet om elevane er med på å lage reglar for korleis vi skal ha det i klasseromet. Der svarar elevane våre alltid 24 Side34
(36,4%) og ofte (34,1%), medan snittala er 14,3 og 27,8. Reglar på skulen Her har vi også meir positive svar enn snittet. Dette gjeld kjennskap til reglar, dei vaksne si rolle og at dei vaksne reagerer på same måte dersom elevane bryt reglar. Trygt miljø Her ligg vi så vidt over snittet. Utdannings- og yrkesrådgiving Heilt på snittet. Grunnleggjande ferdigheiter Ingen signifikante skilnader på rekning, lesing og skriving, men på digitale ferdigheiter er det tydelege skilnader: Spørsmåla går på at elevane lærer å vere kritisk til info på Internett, å tenkje over korleis ein brukar info ein får på nettet, og at vi brukar digitale verktøy på skulen for å lære. Det same gjeld munnlege ferdigheiter, der våre elevar er mykje meir positive med omsyn til kva dei lærer på skulen som sorterer under munnlege ferdigheiter. Arbeidsmiljø Denne tilleggsmodulen handla om bruk av digitalt verktøy, og her skil vi oss litt positivt ut frå snittet. Tiltak a) Mobbeundersøkinga Dette er ei intern undersøking som vi gjennomfører med alle elevane to gongar i året, siste resultata er frå oktober 2013. Trenden er framleis at vi har lite mobbing, ca 90% seier at dei aldri har vorte mobba, og ingen vert mobba kvar dag. Det er også overraskande lite «datamobbing». b) Miljøveke/ digital mobbing Vi hadde eit opplegg om digital mobbing i samband med miljøveka vår tidleg i september. Det var besøk frå politiet på alle årsstega, og klassane såg film, las artiklar og hadde gruppediskusjonar og nokre spørsmål/ oppgåver der elevane svara individuelt. Skulen si IKT-kontrakt med elevane var også tema. c) Tema klassemiljø/ elevmiljø Pga ei negativ utvikling i løpet av oktober når det gjaldt rot, tendensar til hærverk, støy i friminutta og uro i undervisninga, køyrde vi i gang ein nokså omfattande prosess i alle klassane, der målet var bevisstgjering og betring. Korleis vil vi ha det, og kva må vi gjere for å få det slik? Prosessen var nøye og nokså detaljert planlagt i plangruppa, sett i verk i november, og vart oppsummert først ved årsskiftet. Vi ser vel at vi stadig må bruke tid på slike prosessar saman med elevane, ingen ting går av seg sjølv. d) Andre tiltak I tillegg til dei spesielle tiltaka som er skissert ovanfor, kjem det som kanskje er det aller viktigaste: Det kontinuerlege arbeidet med elevmiljøet frå dag til dag, og frå år til år, der vi har med oss visjonen: «der alle er med». Vi listar opp berre kort: 25 Side35
Klassemiljøarbeid frå dag 1. Ein god del tankegods og praktiske opplegg er henta frå Lions Quest. Bevisstgjering på m.a. sjølvinnsikt og korleis ein fungerer i eit fellesskap. To kontaktlærarar pr klasse. Elevrådsarbeid der ein vektlegg arbeid med elevmiljøet. Arrangementet Melodi Grand Prix der visjonen vår er sentral. Elevarrangement som bli kjentkveld og juleball. Reglar og rutinar som lærarane er lojale mot og som gjer at elevane føler at dei vaksne dreg i same retning. Godt samarbeid mellom klasseteama på årssteget. Overnattingsturar. Skidag og fjelldag. Fast inspeksjonsplan i friminutta. Miljøtenesta som går på omgang mellom klassene. 26 Side36