RAPPORT 614743 Rv13 Vik-Vangsnes Skredsikring OPPDRAGSGIVER Statens vegvesen Region vest EMNE Supplerande grunnundersøkingar DATO / REVISJON: 07. november 2014 / XX DOKUMENTKODE: 614743-RIG-RAP-02
Denne rapporten er utarbeidet av Multiconsult i egen regi eller på oppdrag fra kunde. Kundens rettigheter til rapporten er regulert i oppdragsavtalen. Tredjepart har ikke rett til å anvende rapporten eller deler av denne uten Multiconsults skriftlige samtykke. Multiconsult har intet ansvar dersom rapporten eller deler av denne brukes til andre formål, på annen måte eller av andre enn det Multiconsult skriftlig har avtalt eller samtykket til. Deler av rapportens innhold er i tillegg beskyttet av opphavsrett. Kopiering, distribusjon, endring, bearbeidelse eller annen bruk av rapporten kan ikke skje uten avtale med Multiconsult eller eventuell annen opphavsrettshaver. Framsidebiletet er teke av Harald Systad, Multiconsult AS under synfaring til skredsikringsprosjektet den 14.06.2014. 614743-RIG-RAP-02 7. november 2014 / 00 Side 2 av 7
614743 Rv13 Vik-Vangsnes Skredsikring multiconsult.no Supplerande grunnundersøkingar INNHALD INNHALD 1 Innleiing... 5 2 Utførde undersøkingar... 5 3 Resultat... 6 3.1 Goteviki... 6 3.2 Vetlebukti... 6 3.3 Vikhola... 6 4 Sluttmerknader... 7 TEIKNINGAR 614743 -G0 Oversiktskart -V03 rev. a Plan grunnundersøkingar Kyrelvi-Vetleøyri -V05 Plan grunnundersøkingar Goteviki -V06 Plan grunnundersøkingar Vikhola -V16-V17 Tverrprofilar Goteviki -V36-V38 Tverrprofilar Vetlebukti -V39-V40 Tverrprofilar Vikhola -G21 Prøveserie Vetlebukti PR v/hol 50 -G22 Prøveserie Vikhola PR v/hol 88 -G70 Korngradering Vetlebukti PR v/hol 50 -G71 Korngradering Vikhola PR v/hol 88 VEDLEGG Bilag 1A Statens vegvesen. Blankett nr. 497 TEGNINGSFORKLARING for geotekniske kart og profiler 614743-RIG-RAP-02 7. november 2014 / 00 Side 4 av 7
614743 Rv13 Vik-Vangsnes Skredsikring multiconsult.no Supplerande grunnundersøkingar 1 Innleiing 1 Innleiing Delar av riksveg 13 mellom Vik og Vangsnes ligg i eit skredutsett område. I samband med planar om skredsikring av strekninga Vik-Gotevik med tunnel er Multiconsult (MC) engasjert gjennom rammeavtale med SV Region vest til å yte geotekniske og ingeniørgeologiske rådgjevartenester og stå for turvande grunnundersøkingar. Hausten 2013 vart det utført grunnundersøkingar for forprosjektet med seismiske målingar og konvensjonell grunnboring på sjø og land. Resultata med skildring av grunntilhøve er presenterte i rapport 614743-RIG-RAP-01 av 18.11.2013, som også inneheld geotekniske vurderingar av aktuelle planar for dei forskjellige delane av prosjektet. Våren 2014 vart det utført supplerande grunnboring for ny riksveg i området nord for tunnelpåhogget ved Goteviki i nord og for vegfylling ved Vetlebukti i sør. Vidare vart det i juli 2014 utført grunnboring i sjøen for alternativ vegfylling ved utløpet av Naustgrovi i Vikhola i samband med planane for ny avkøyrsle til næringsområdet her. Rapporten som her ligg føre presenterer resultata frå supplerande grunnundersøkingar i felt og geoteknisk laboratoriearbeid på opptekne prøvar av lausmassar. 2 Utførde undersøkingar Dei supplerande grunnboringane er utførde av MC både på sjø og land. Feltarbeidet i Goteviki og Vetlebukti vart uført på dagane 24.-25.04.2014 under leiing av boreforman Lars Hvitsten med geoteknisk borerigg av type Geotech 604D. Riggen er ustyrt med elektronisk logge-eining for automatisk registrering og oppteikning av sonderingsdata (PC-logg). Borepunkta er sette ut i terrenget av tekn. Torben Nesse frå MC etter koordinatar oppgjevne av MC. Boreprogrammet består av 14 totalsonderingar i Goteviki og tre ved Vetlebukti der, der det også er teke opp forstyrra prøvar frå grunnen ned til 3 m med navarboring. Feltarbeidet i Vikhola vart utført på dagane 24. og 25.07.2014 under leiing av boreformann Widar Hansen frå borefartøyet BoreCat, som er utstyrt med fast boretårn av tilsvarande ein geoteknisk borerigg av type Geotech 605D. Tårnet er tilkopla ei elektronisk logge-eining for automatisk registrering og oppteikning av sonderingsdata (Geologg). For å redusere utbøying av borestrengen vert sonderingane utførde i eit foringsrøyr som på førehand er senka ned til botn. Innmåling av posisjonane er utført med GPS-utrustning av typen Trimble SP855, og sjødjupnene er justerte for sjønivå ved registrering av faktisk vannstandsnivå, også med GPS, under boreoperasjonen. Høgdereferansen er NGO normalnull NN 1954. Boreprogrammet i Vikhola består av åtte totalsonderingar til fast grunn og opptak av ein prøveserie av lausmassane ned til ca. 6 m under sjøbotn med 54 mm stempelprøvetakar. Prøvane både frå Vetlebukti og Vikhola er opna på MCs geotekniske laboratorium i Bergen for rutineundersøking og korngraderingsanalyse. Forklaring til grunnboringsmetodar, geotekniske laboratorieforsøk og presentasjon av resultat går fram av Statens vegvesens blankett 497 TEGNINGSFORKLARING for geotekniske kart og profiler i Bilag 1A til rapporten. 614743-RIG-RAP-02 7. november 2014 / 00 Side 5 av 7
614743 Rv13 Vik-Vangsnes Skredsikring multiconsult.no Supplerande grunnundersøkingar 3 Resultat 3 Resultat Resultata av utførde undersøkingar er viste i plan og profil på teikningar i rapporten. I tillegg er prøveseriane presenterte som geotekniske data og korngradering på utvalde prøver. 3.1 Goteviki Boreprogrammet er vist på teikning V05. Det undersøkte området består stort sett av dyrka mark. Det er sondert gjennom lausmassar og 2 m ned i antatt berg i til saman 14 punkt på begge sider av eksisterande veg frå planlagd forskjering ved profil 5020 i sør og ca. 200 m nordover til profil 5230. Det er ikkje teke opp prøvar frå lausmassane. Sonderingsresultata er framstilte i profil på teikningane V16 og V17. Det er stort sett sondert til antatt berg gjennom eit topplag på ca. 0,5 m av jordhaldig sand og grus og vidare ned opptil ca. 2 m i antatt sandige og grusige lausmassar med varierande innhald av stein. Unntaket er hol 62 ved avkøyrsla på venstre side i sør der det er sondert 1,7 m i steinfylling over berg. 3.2 Vetlebukti Boreprogrammet er vist på teikning V03 rev. A. Tidlegare undersøkingar i området er her supplert med tre totalsonderingar (hol 48-50) i foten av vegfyllinga ved hopen sør for nausterekka i Vetlebukti. Her er det sondert gjennom eit topplag på 1-2 m av antatt utfylte massar. Vidare ned til antatt berg i djupne 11-17 m er det sondert med slag og spyling gjennom faste og steinhaldige massar av antatt morene, sjå profilteikningane V36-V38. I hol 50 som ligg lengst mot nord viser sonderinga eit lausare lag på ca. 2 m under 1,6 m med antatt utfylte massar. Det er skovla opp prøvar frå dette laget, som viser seg å bestå av velgradert sand og grus med etter måten høgt humusinnhald, O Na = 1,9-2,5 %. Sjå geotekniske data på teikning G21 og korngradering på teikning G70. 3.3 Vikhola Boreprogrammet i sjøen er vist i plan på teikning V06. Det er her sondert langs tre profil utover mot fjorden til sjødjupner på 13-19 m ved munningen av Naustgrovi. Sonderingane er avslutta i faste og steinhaldige massar i djupne 20-33 m utan å nå berg. Sonderingsresultata er framstilte i profil på teikningane V39 og V40. Utover botnnivået i dei utførte sonderingane, og det som framgår av sjøkartet, er det lite informasjon om botntopografien i dette området då den detaljerte botnkartlegginga for prosjektet er avslutta ved søre del av Vetleøyri, eit par hundre meter lenger nord. Mellom sonderingspunkta i det undersøkte området fell sjøbotn heller bratt utover mot Vikjabukti med helling ca. 1:1,8 ned til ca. kote minus 15. Sonderingsmotstanden er gjennomgåande svært låg i eit 3-6 m tjukt topplag i alle sonderingane. Sør for elvemunningen er det påvist innskotne steinlag i dette lause topplaget. Utanfor sjølve elvemunningen i profil 70 er det vidare ned til ca. 20 m jamt aukande sonderingsmotstand i massar av antatt sand. Totalsonderingane ( hol 86-87) er her avslutta etter 5-10 m sondering med spyling (og til dels slag) i fast grunn av antatt morene. Sør for elvemunningen går det antatte sandlaget ned til ca. 15 m og har noko meir vekslande sonderingsmotstand pga. større innslag av steinhaldige og/eller fastare lag. Også desse sonderingane er avslutta etter 5-10 m vidare sondering i steinhaldig og/eller fast grunn av antatt morene. 614743-RIG-RAP-02 7. november 2014 / 00 Side 6 av 7
614743 Rv13 Vik-Vangsnes Skredsikring multiconsult.no Supplerande grunnundersøkingar 4 Sluttmerknader Det er teke opp ein prøveserie ned til 6 m frå det lause topplaget under sjøbotn ved hol 88 rett utanfor elvemunningen i profil 70. Sjå teikning G22 og korngradering på teikning G71. Prøvane består av sterkt humushaldig sand og sagspon (O GL = 4,4 %) i djupne 1-2 m og sandig gytje (O GL = 6,9 %) i djupne 4-5 m. Vidare ned til 6,2 m er det ein siltig sand med høgt humusinnhald (O GL = 3,0 %). 4 Sluttmerknader Grunntilhøva i Vikahola viser at utfylling i sjøen her vil by på store utfordringar, både pga. bratt sjøbotn og blaut grunn på dei øvste ca. 5 m der sandavsetningane har høgt innhald av organisk materiale. I området mellom sjølve Kyrelvi og planlagt tunnelhogg i profil 2025 sør for denne ligg det ein markant rygg med urmassar på toppen. På boreplan V03 rev. a er avgrensinga på denne ura mot planlagt påhogg lagd inn i plan. Dette baserer seg på resultata frå dei seismiske profila (P9-P11/13) og observasjonar under synfaring ved Harald Systad i området den 05.06.2014. Seismikken viser at urmassane kan vere opp til ca. 4 m tjukke i P11/13 og 2-3 m i P10/13. I P9/13 er det ikkje urmassar. Under urmassane ligg det sand og grus over stein- og blokkhaldig morene. 614743-RIG-RAP-02 7. november 2014 / 00 Side 7 av 7