PROTOKOLL FRÅ STYREMØTE I HELSE BERGEN HF STAD: Finstuen, Bikuben konferansesenter MØTETIDSPUNKT: 30.03.2017, kl. 10.45 14.00 Styremøtet var ope for publikum og presse DELTAKARAR FRÅ STYRET Svein Gjedrem Signy Midtbø Riisnes Ivar Eriksen Mona Hellenes Anne-Margrete Bollmann Arvid Langeland Geir Arne Sunde Irene Hopsdal Leiar Nestleiar DELTAKAR FRÅ BRUKARUTVALET Inge Aareskjold Fiskvik Leiar Brukarutvalet DELTAKARAR FRÅ ADMINISTRASJONEN Eivind Hansen Anne Sissel Faugstad Clara Gjesdal Lasse Hatletvedt Administrerande direktør Viseadministrerande direktør Viseadministrerande direktør Referent EKSTERNE Ørjan Johannessen Senior Manager frå BDO AS Charlotte Bårdsen Partner, kontorleder frå BDO AS 1
Sak 24/17 A Godkjenning av innkalling og dagsorden Innkalling og dagsorden vart godkjent. Sak 25/17 A 22. februar 2017 Godkjenning av protokoll frå styremøtet Protokollen vart godkjent. Sak 26/17 O Administrerande direktør si orientering 1. Rapportering tilsynssaker 2. Orientering om relevante lover, forskrifter og styremaktskrav 3. Oversikt over aktuelle høyringar Det vart stilt spørsmål om kva føretaket vil gjere med Konseptutgreiinga for sivilforsvaret. Til oppfølging: Administrasjonen skal gjere seg kjent med og vurdere eventuell oppfølging av denne utgreiinga. 2
4. Saker til oppfølging etter styremøtet Kommentarar i møtet: Sak om tvang vert teken opp på styreseminaret på Sandviken sjukehus i april. Spørsmålet om desentralisert DRG vert tema på samlinga på Voss i mai. 5. Mediesaker 6. Styringsdokumentet 2017 Til oppfølging: AD sine hovudinnsatsområde bør vere faste innslag på styremøta og verte gjort tilgjengelege i eit eigna format for styremedlemane. 7. Sykkel-VM 8. Driftsutfordringar IKT 14. mars 2017 9. Borgarting Lagmannsrett - ankesak med Amund Gulsvik - tilbakemelding 10. Plan for Internrevisjon i Helse Vest 2017-2018 vedteken i styret i Helse Vest Kommentarar i møtet 3
Det vart stilt spørsmål om kva påverknad styret har når det gjeld den interne revisjonsplanen i Helse Vest. Tvang er ikkje ein del av internrevisjonsplanen for 2017-2018, sjølv om styret har ynskt at dette området skulle prioriterast. Bruk av tvang har tidlegare vorte behandla i styret, og administrasjonen kom då med innspel til konkrete tiltak som styret ynskjer å følgje opp. Til oppfølging Det vert laga eit notat til styret om regional revisjon og korleis styret kan nytte dette som eit verkemiddel, mellom anna kva for ein påverknad HF-styra har inn i det regionale revisjonsutvalet. Ein bør i notatet og seie noko om kva ein gjer av avstemming mot eksterne tilsyn som skal revidere verksemda. Saka vert teken opp av administrerande direktør i neste AD-møte. 11. Revisjon av inntektsmodellen 12. Leiarstillingar i Helse Bergen Prosess knytt til stillinga som ny klinikkdirektør for Kvinneklinikken er i gang. 13. Ekstra: Opning av BUS 23. mai kl. 14.30 16.00 14. Partikkelterapi Helse Bergen held fram arbeidet sitt med å leggje til rette for eit senter for partikkelterapi i føretaket, mellom anna med regulering av eigedom og innhenting av erfaringar frå utlandet. 4
15. Spørjeundersøking blant legane i samarbeid med Den norske lægeforening Undersøkinga er eit resultat av eit samarbeid mellom leiinga og Legeforeningen. Målet er å få meir kunnskap om arbeidsmiljøet og pasienttryggleiken som kan nyttast til å forbetre verksemda. Styret tek saka til orientering. Sak 27/17 O Rapport frå verksemda Innan somatisk sektor ser ein at talet på elektive dag- og døgnopphald ligg om lag på same nivå som i fjor og i høve til planen per februar 2017. Når det gjeld ØH-aktivitet for begge omsorgsnivåa er denne lågare enn i fjor og lågare enn planen. Per februar er det gjennomført over 3400 fleire polikliniske konsultasjonar samanlikna med i fjor og aktiviteten er om lag som planlagt. Vridinga frå døgn til dag og poliklinikk er ei ynskt utvikling og i tråd med innskjerpinga av regelverket. DRG-indeksen er framleis noko lågare enn planlagt, dette kan ha samanheng med at aktiviteten for februar framleis ikkje er koda ferdig. Erfaringa tilseier at indeksen aukar fram mot 1. tertial. Samla sett kan det synast som at aktiviteten er planlagt noko for høg. Innan psykisk helsevern for vaksne er det planlagt med ei vriding frå opphaldsdøgn til poliklinisk aktivitet. Aktiviteten per februar for døgnopphald ligg noko etter planen, medan den polikliniske aktiviteten er høgare enn planlagt og vesentlig auka samanlikna med i fjor. Det er utført nær 1250 fleire polikliniske konsultasjonar i år enn på same tid i fjor. Ved psykisk helsevern for barn og unge er talet på døgnopphald høgare enn i fjor, og noko høgare enn planlagt. Det er planlagt at den polikliniske aktiviteten skal auke i 2017. Per februar ligg aktiviteten noko under planen. Det er venta at døgnopphald vil auke som følgje av betre kapasitet i nytt bygg. Innan rusområdet er talet på opphaldsdøgn noko under planen, og litt lågare enn i fjor på same tid. Når det gjeld poliklinisk aktivitet er utviklinga god og over planen pr. februar, og det er utført nær 1900 fleire polikliniske konsultasjonar enn på same tid i fjor. 5
Kravet til ventetider er skjerpa og det nye nasjonale kravet er no 60 dagar for alle fagområde. Ventetidene har det siste året synt ei positiv utvikling. Dersom ein ser alle fagområde under eitt oppfyller føretaket i snitt det nasjonale kravet for ventetid. Det økonomiske resultatet per februar er marginalt negativt med kr 6,2 mill. samanlikna med budsjettet. Prognosen for året er som budsjettert. Kommentarar i møtet: Oppdragsdokumentet stiller krav om at ein skal rapportere på gjennomsnittleg ventetid, til utgreiing og til start behandling. Det er grunn til å sjå på om dette skiljet har ført til endra praksis når det gjeld talet på pasientar som vert tekne inn til utgreiing sett opp mot talet på pasientar som vert tekne inn til behandling. Mottaksmodellen gjer at ein del av pasientane er kortare tid på sjukehuset enn tidlegare. Dette er bra for pasientane, men reduserer ISF-inntekta til sjukehuset. Det er teke initiativ overfor HOD knytt til ynsket om å endre på finansieringsmodellen. Situasjonen når det gjeld korridorpasientar er teken opp på alle leiarmøte. Det er eit spørsmål om noko kan løysast med betre samhandling mellom avdelingane, til dømes auka møtefrekvens når det gjeld styring av pasientstraumen. Til oppfølging: Administrasjonen gjer ein analyse av tala for ventetid til start utgreiing og start behandling. Styret i Helse Bergen HF tek saka til orientering. Sak 28/17 A Årsmelding og årsrekneskap 2016 Rekneskapspliktige skal kvart rekneskapsår utarbeide årsrekneskap og årsmelding i samsvar med føresegnene i rekneskapslova. Styret si årsmelding for verksemda i 2016 er utarbeidd i samsvar med dette. Rekneskapslova set krav til kva for område av verksemda som skal omtalast i årsmeldinga, og Helse Bergen skal gje opplysningar om: 6
- Kva type verksemd føretaket driv med - Kvar føretaket vert drive - Forskings- og utviklingsfaktorar - Opplysningar om miljø- og personalsaker - Arbeidsmiljøet - Skadar og ulykker - Sjukefråvær - Likestilling - Tiltak for å fremje føremålet i diskrimineringslova og i diskriminerings- og tilgjengelegheitslova - Ytre miljø - Oversikt over utvikling og resultatet - Sentrale risikoar og usikkerheitsfaktorar - Finansielle og ikkje finansielle resultatindikatorar Det følgjer av Helseføretakslova at styret si årsmelding skal godkjennast av føretaksmøtet. Helse Bergen sin rekneskap for 2016 viser eit rekneskapsmessig overskot på 175,5 millionar kroner. Oppfølging Leggje på ei ekstra setning om kva Ungdomsrådet er for noko, og kva for ei rolle dei skal spele i føretaket. Formuleringa om kva som er eit tilfredsstillande resultat bør presiserast. 1. Styret i Helse Bergen HF vedtek årsmeldinga og årsrekneskapen for 2016. 2. Årsmeldinga og årsrekneskapen for 2016 skal leggjast fram for føretaksmøtet. Sak 29/17 O Årsoppgjersrevisjon for 2016 BDO har stått for revisjon av føretaket sitt rekneskap for 2016. Dei kan bekrefte at det er utarbeida i samsvar med god rekneskapsskikk og etter dei reglane som står i rekneskapsloven. 7
Kommentarar i møtet: Etter revisor sin gjennomgang vart møtet ei kort stund lukka for administrasjonen og publikum for at styret skulle kunne stille spørsmål til revisor. Styret tek årsoppgjersrevisjonen for 2016 til orientering. Sak 30/17 A Investeringsbudsjett 2017 Det vert vist til budsjettet for 2017 vedteke i styret for Helse Bergen 16.12.16. Det vert årleg gjort ein gjennomgang av investeringsbudsjettet etter at årsrekneskapen er avslutta og avvik frå budsjettert resultat er kjent. Vedlagt fylgjer eit notat som gjer greie for framlegg til endringar i investeringsbudsjettet og finansieringsplanen for 2017, og dessutan likviditetsbudsjettet for 2017. Kommentarar i møtet Merknaden frå dei tillitsvalde som vart gjeven i samband med behandlinga i desember 2016 står ved lag, sjå referat frå styremøtet 16. desember 2016. 1. Styret i Helse Bergen HF vedtek revidert investeringsbudsjett for Helse Bergen HF for 2017 i samsvar med framlegg frå administrerande direktør. 2. Styret gjev administrerande direktør fullmakt til å gjere naudsynte justeringar/endringar innanfor ramma av vedteke budsjett. 3. Styret ber administrerande direktør følgje opp den økonomiske styringa i høve til budsjettet og rapportere til styret på same format som i 2016. 8
Sak 31/17 O Årsmelding 2016 internkontroll for tryggare helsetenester Årsmeldinga for 2016 syner at arbeidet innanfor leiing og kvalitetsforbetring (internkontroll) er i positiv utvikling. Interne systemrevisjonar, Leiinga si gjennomgang og risikokartlegginga er gjennomførte etter oppsett plan. Det er ein auke i talet på melde uønskte hendingar og betring i arbeidet med å lære frå dei. Registreringa av sjukehusinfeksjonar er gjennomført og antibiotikastyringsprogrammet er under utvikling. Program for pasienttryggleik er gjennomført og resultata er publisert i eigen portal. Til oppfølging: Ein bør i årsmeldinga vise til den nye forskrift for leiing og kvalitet i staden for internkontrollforskrifta. Styret tek rapporten for 2016 om «Internkontroll for tryggare tenester i Helse Bergen» til orientering. Sak 32/17 A Høyring Helse2035 Helse Bergen støttar opp om måla i Helse2035, helseføretaka på Vestlandet skal vidareutvikle pasientane si helseteneste. For å få til dette er det avgjerande at helsetenesta legg til rette for at pasientane får påverke behandlinga. I tillegg til føringane som er gjevne gjennom Nasjonal helse- og sjukehusplan (2016 2019), er teknologiske mogelegheiter den komande planperioden, løfta fram. Det vert viktig å nytte seg av desse moglegheitene i arbeid og omstilling. I strategien er det fokus på medarbeidarar og leiing og understrekinga av at medarbeidarane er den viktigaste ressursen i Helse Vest er god. Helse Bergen støttar at samspel mellom medarbeidar og leiar er avgjerande for å nå målet om å skape pasientane si helseteneste, og at ein må halde fram med å styrke kompetansen på kommunikasjon i spesialisthelsetenesta. Det er bra at strategien presiserer at også dei private avtalepartane må bidra til at utdanning, opplæring, forsking og innovasjon vert ivareteke. 9
Kommentarar i møtet: Styret hadde følgjande innspel til Helse2035: - Ein bør få tydelegare fram kva som er dei kritiske drivarane for strategien. - Når det gjeld den demografiske utviklinga bør ein kommentere skiljet mellom dei eldre multisjuke og dei eldre som er friske eller har mindre plager. - Det er ynskjeleg at det vert sagt meir om kirurgi og intensivmedisin i strategien. - Det bør stå meir om fagforeininga og den verdien ho speler i utviklinga av helsetenesta. - Det vil i 2035 vere fire sjukehus på ein 2 1/2 timers lang kjøretur langs ein ny E-39 mellom Bergen og Stavanger. Infrastrukturen endrar seg og det bør ein ta høgde for i strategien. - Under beredskap bør ein seie noko om logistikk og tilgang til kritiske medisinar. - Ein bør nytte eit meir nøkternt språk, passe på adjektivbruken. Teksten kan og ryddast og strammast noko opp. Styret støttar framlegget til hovudpunkt i høyringsfråsegna på Helse Vest RHF sin strategi Helse2035, og gjev administrerande direktør fullmakt til å utforme endeleg høyringsfråsegn med dei kommentarar som kom fram i møtet. Sak 33/17 A Møteplan for styret i Helse Bergen 2018 I framlegget til møteplan 2018 er det lagt opp til 10 styremøte og to seminar for styret i Helse Bergen HF. Det vil og verte ei samling for RHF-styret og HF-styra og eit fellesmøte med RHFet. Dei datoane vert godkjende i Helse Vest RHF sitt styremøte 21. juni 2017. Styret i Helse Bergen vedtek møteplanen for 2018. Sak 33/17 O Eventuelt Ingen saker under eventuelt. 10
Dato 27. april 2017 Svein Gjedrem Styreleiar Signy Midtbø Riisnes Nestleiar Ivar Eriksen Bjørn Østbø Mona Haugland Hellesnes Ann-Margrete Bollmann Arvid Langeland Karen-Anne Stordalen Irene Hopsdal Geir Arne Sunde 11