MØTEINNKALLING Tysnes kommune

MØTEINNKALLING Tysnes kommune Utval : ARBEIDSMILJØUTVALET Møtestad : Rådhuset Møtedato : 28.04.2014 Tid : 11:00 SAKLISTE: Utvalsaknr. Arkivsaknr. Tittel PS 7/14 14/272 SKIPING AV STILLING I BARNEVERNET PS 8/14 14/274 REGLEMENT FOR PÅSKJØNING - REVIDERING PS 9/14 14/269 KARTLEGGING AV UØNSKA DELTID PS 10/14 14/54 HANDLINGSPLAN - LEIAROPPLÆRING PS 11/14 14/271 AVTALE OM INKLUDERANDE ARBEIDSLIV 2014 PS 12/14 14/114 SAMARBEIDSPLAN OG STATUS FOR AVTALEN MELLOM TYSNES KOMMUNE OG HAUGALAND HMS PS 13/14 12/351 REFERAT, SKRIV OG MELDINGAR PS 14/14 13/281 U Ofl 13 AVVIKSMELDINGAR Tysnes rådmannskontor, 25. april 2014 Steinar Dalland rådmann Postadresse: Besøksadresse: Rådhuset Telefon: 53 43 70 00 5685 UGGDAL UGGDAL Telefaks: 53 43 70 11

SAKSFRAMLEGG Tysnes kommune SKIPING AV STILLING I BARNEVERNET Sakshandsamar: Steinar Dalland Arkivsak : Arkivkode: 14/272 031 - Vedlegg: 1. PS 10/14 oppvekst/omsorg Søknad om statlege kompetansemidlar innan barnevernet. 2. Skriv frå Fylkesmannen i Hordaland dagsett 01.04.14 SAKSUTGREIING: Utval for oppvekst/omsorg gjorde i sak PS 10/14 slikt vedtak: «Det vert søkt Fylkesmannen i Hordaland om statstilskot til 100 % tiltaksmedarbeidarstilling.» I saksframlegget for oppvekst/omsorg går det fram at Tysnes kommune har iverksett tiltak tilsvarande om lag 1,6 stillingar per år. I dag vert dette løyst ad-hoc ved at det vert henta inn personell til ulike oppdragsavtaler. I noko mon har tiltaka ein slik karakter at det også i fortsetjinga vil vera behov for å løysa ein del gjennom oppdragsavtaler. Når det vert søkt om ei stilling til tiltaksarbeidar byggjer det på eit ønskje om å profesjonalisera dette arbeidet, gje større kontinuitet og over tid lågare kostnader. I fylkesmannen sitt tilsegn dagsett 1. april d.å. går det fram at kommunen får tildelt tilskot til oppretting av 0,5 permanent stilling til styrking av det kommunale barnevernet. For 2014 utgjer tilskotet kr. 247 181. Tilskotet vert vidareført med heilårseffekt i 2015. Tilskotet er tilstrekkeleg til å fullfinansiera ei halv stilling. I premissane for fylkesmannen sitt tilsegn går det fram at stillinga skal koma i tillegg til budsjetterte stillingar i 2013, og eventuelle planlagde nyoppretta stillingar i 2014. Tysnes kommune har ikkje budsjettert eller planlagd oppretting av slik stilling i 2014, i så måte stettar me føresetnadene i tilsegna. I samband med at det vert oppretta ei slik stilling ser me likevel at det vil vera eit potensial knytt til tilsvarande reduksjon at oppdragsavtaler. Rådmannen har ein viss skepsis til vekst i drift på bakgrunn av ulike statlege gulrøter, i særskild grad gjeld det i dei tilfella der veksten skjer innan nye oppgåver og funksjonar. Røynslene viser at me over tid gjer oss avhengig av slike stillingar og at driftsorganisasjonen veks litt tilfeldig avhengig av kva gulrøter som til ein kvar tid er tilgjengeleg. Når det gjeld denne konkrete stillinga, er det rådmannen si vurdering at stillinga er naudsynt, dei oppgåvene som er tiltenkt den nye stillinga er oppgåver som alternativt må løysast gjennom tilfeldige opp-

dragsavtaler. Rådmannen ser også at det i dag vert nytta mykje administrativ kapasitet til å henta inn ressursar til oppdragsavtaler, denne ressursbruken let seg ikkje forsvara opp mot kvalitet og utvikling av tenestetilbodet. Den økonomiske vurderinga er også knytt til ein føresetnad om reduksjon i tilfeldige oppdrag, såleis er styrkinga som skjer også økonomisk gunstig. Rådmannen er positiv til å gjera vurderingar på lengre sikt om erstatning av ein større del av tilfeldige oppdrag gjennom tilsetjingsavtaler. Dette må likevel vurderast grundig opp mot oppdraga sin karakter og føresetnader. INNSTILLING FRÅ RÅDMANNEN: Det vert skipa 50 % stilling som tiltaksarbeidar i barnevern. Skipinga skjer i samsvar med føresetnader knytt til statleg støtte.

Side 1 av 2 SAMLA SAKSFRAMSTILLING Tysnes kommune Arkivsak : Arkivkode: 12/435 104 - Sakshandsamar: Hildur Heie Handsamingar: Utvalsaknr. Utval Møtedato PS 10/14 OPPVEKST/OMSORG 25.03.2014 SØKNAD OM STATLEGE KOMPETANSEMIDLAR INNAN BARNEVERNET Vedlegg: 1.Rundskriv Q-31/2014 frå Barne-, likestillings- og inkluderingsdepartementet. Retningslinjer for satsing på kommunalt barnevern 2014. 2. Oversyn over vedtekne hjelpetiltak av 20.02.2014. 3. Søknad til Fylkesmannen om tilskott til tiltaksarbeidar av 21.02.2014. SAKSUTGREIING: Søknad om statleg tilskott til skiping av tiltaksmedarbeidarstilling, vart den 21.02.2014 sendt Fylkesmannen i Hordaland. Søknaden skal ha ei politisk forankring jfr vedlegg 1. Det er likevel tilstrekkelig at den politiske godkjenninga kjem i ettertid, og søknaden vert av den grunn lagt fram til vurdering for Utval oppvekst/omsorg den 25.03.2014. Grunngjeving for søknad om statleg tilskott til tiltaksmedarbeidarstilling går fram av søknad til Fylkesmannen av 21.02.2014, sjå vedlegg nr 3. Som det går fram av søknaden, samt oversikt over vedtekne hjelpetiltak pr 20.02.2014 (vedlegg nr 2), har Tysnes bamevemteneste stor!rong for skiping av slik stilling. Tilsvarande søknad vart sendt Fylkesmannen i 2011, ut an at ein den gongen fekk tilført midlar til dette furemålet. Som vedlegg nr 2 viser, har Tysnes bamevemteneste iverksette tiltak tilsvarande 1,6 stillingar pr år. Etter at denne oversikta vart utforma, er det i tillegg iverksett ytterligare to tiltak. INNSTILLING FRÅ RÅDMANNEN: Det vert søkt Fylkesmannen i Hordaland om statstilskol til 100% tiltaksmedarbeidarstilling. Postadresse: Besøksadresse: Rådhuset Telefon: 53 43 70 00 5685 UGGDAL UGGDAL Telefaks: 53 43 70 11

Side 2 av 2 VEDTAK I OPPVEKST/OMSORG 25.03.2014: Det vert søkt Fylkesmannen i Hordaland om statstilskol til 100% tiltaksmedarbeidarstilling.

SAKSFRAMLEGG Tysnes kommune REGLEMENT FOR PÅSKJØNING - REVIDERING Sakshandsamar: Steinar Dalland Arkivsak : Arkivkode: 14/274 017 - Vedlegg: 1. Reglement for påskjønning, revidert 16. desember 2009. SAKSUTGREIING: Gjeldande reglement for påskjønning vart revidert førre gang i 2009. Det er no ønskjeleg med ei revidering av reglementet 2. Praksis fram til i dag er at tilsette som har over 25 års teneste i kommunen får tildelt KS sitt heidersmerkje, og diplom. Heidersmerkje er eit jakkemerke, det er eigne vedtekter for tildeling av merkje. Heidersmerkje og medalje kan etter vedtektene tildelast tilsette og ombod. Hovudpunkta i vedtektene er: «Medaljen kan tildeles folkevalgte og tilsatte som har utført en fortjenstfull samfunnsgagnlig virksomhet av særlig betydning for sin kommune eller fylkeskommune. For folkevalgte kreves det 24 års funksjonstid og for tilsatte 25 år. Hedersmerke kan tildeles alle tilsatte med minst 25 års tjenestetid. Merket kan, foruten til tilsatte i kommuner og fylkeskommuner, gis til tilsatte i virksomheter som helt eller delvis er kommunalt, fylkeskommunalt eller interkommunalt eid, og tilsatte i forbund for kommuner eller kommunale virksomheter. Vedkommende formannskap eller fylkesutvalg kan søke om tildeling av medalje eller hedersmerke. Dessuten kan vedkommende styre søke om tildeling av merket. I disse tilfellene tildeles medaljen/merket av administrerende direktør i KS Medalje/merke kan også tildeles av KS på eget initiativ. I disse tilfellene står Hovedstyrets arbeidsutvalg for tildelingen.» For heidersmerke er det ei avgift på kr. 750,00, og for medalje er avgifta kr. 2225,00. Pris utan mva, porto kjem då i tillegg. Det er formannskap som på bakgrunn av eige saksframlegg som søkjer om heidersmerkje. For tildeling av heidersmerkje kan kommunal teneste teljast samen slik at merkje kan tildelast også der den samla tenesta i Tysnes kommune er under 25 år. Ut frå drøftingar med arbeidstakarorganisasjonar, og ut frå tilbakemeldingar frå tilsette vil rådmannen rå til at 2 punkt 1 vert endra slik:

Lang og tru teneste Etter 25 år teneste i Tysnes kommune får arbeidstakarar tildelt standard gåve med inskripsjon eller merkje. Verdi av gåva etter gruppe A. Ut frå at det ikkje lenger vert tildelt heidersmerkje vil ikkje slike saker gå til formannskapet for handsaming. Dersom det gjeld påskjøning etter 2.2 vert saka handsama politisk. I samband med revidering av reglementet i 2009 vart det lagt opp til at overrekking av gåve skjer i ein felles tilstelling ein gong i året. Me har fått gode tilbakemeldingar på å samla jubilantar i ei felles tilstelling, men me ser at det kan vera lite hensiktsmessig å gjennomføra ei årleg tilstelling, dette må vurderast litt etter kor mange jubilantar me har. I utgangspunktet vil me leggja opp til ein hovudregel om at tilstellingar skjer kvar anna år. Det vert rådd til slik endring av 2 punkt 3: Tildeling Tildeling etter 2.1 og 2.2 skjer i felles tilstelling som hovudregel kvart anna år. Det vert ikkje tilrådd andre endringar av reglementet. INNSTILLING FRÅ RÅDMANNEN: Reglement for påskjønning vert revidert i samsvar med ovanståande saksframlegg.

TYSNES KOMMUNE REGLEMENT FOR PÅSKJØNING Vedteke i Tysnes kommunestyre 16. desember 2009 TENESTEMENN 1 GENERELLE FØRESEGNER 1. Omfang Reglane gjeld alle arbeidstakarar i Tysnes kommune med ei fast arbeidstid på over 15 t. pr. veke. 2. Tenestetid Som hovudregel gjeld at tenestetida skal vera samanhengande, tilsetjing i vikariat og delstillingar tel med som samanhengande tenestetid. Tilsvarande gjeld for lovfesta rettigheitspermisjonar. 3. Kjøp av gåver og tildeling Etatsjefane syt for oppfølging av dette reglement for eigne tilsette. Rådmann syt for oppfølging av dette reglement for etatsjefar. Ordførar syt for oppfølging av dette reglement for ombod og rådmann. 4. Verdi av gåve

Gruppe A: inntil kr. 1500,- Gruppe B: inntil kr. 2500,- Gåveverdien vert regulert etter prisindeksen med basisår 2009. Dette punktet gjeld og for ombodsmenn. 2 PÅSKJØNING FOR LANG OG TRU TENESTE 1. Heidersmerke Etter 25 år teneste får arbeidstakarar KS sitt heidersmerke.. Sentralforbundet sine vedtekter for heidersteikn vert lagt til grunn for tildelinga, etter vedtak i formannskapet. 2. Medalje KS medalje vert tildelt folkevalde og arbeidstakarar som har utført ei fortenestefull samfunnsgagnleg verksemd av særskild stor betydning kommunen. For tilsette vert det normalt kravd at vedkommande har vore tilsett i 25 år. For folkevalde vert det normalt kravd at vedkommande har hatt tillits og tenesteoppdrag i minst 24 år. Sentralforbundet sine vedtekter for heidersteikn vert lagt til grunn for tildelinga, etter vedtak i formannskapet. 3. Tildeling Tildeling av heidersmerke/medalje skjer i felles tilstelning ein gong i året, fortrinnsvis i desember månad. 3 SLUTTGÅVE Arbeidstakarar som sluttar etter mellom 2 og 15 års tenestetid får ei enkel blomehelsing. Arbeidstakarar som sluttar etter minst 15 års teneste får ei sluttgåve med inskripsjon. Verdi på gåva etter gruppe A. Arbeidstakarar som sluttar etter minst 25 års teneste får ei sluttgåve med inskripsjon og kommunemerke. Verdi på gåva etter gruppe B. Arbeidstakarar som går av ved nådd aldersgrense etter 15 års teneste får ei sluttgåve med inskripsjon og kommunemerke. Verdi på gåva etter gruppe B. Tildeling av sluttgåve skjer på den einskilde arbeidsplass og vert gjort ved næraste leiar eller etatsjef. For etatsjefar skjer tildeling av sluttgåve i kommunestyret. 4 ÅREMÅLSDAGAR Arbeidstakarar som fyller 50 år får ei blomehelsing av kommunen.

5 DØDSFALL/GRAVFERD Ved dødsfall blant arbeidstakarar sender kommunen ei blome- eller kransehelsing, eller det vert lagt ned ei blome- eller kransehelsing ved båra til den avlidne. II OMBODSMENN 6 PÅSKJØNING FOR LANG OG TRU TENESTE Ombodsmenn som har vore medlemer av kommunestyret i 3 periodar (12 år) får tildelt ei personleg gåve med inskripsjon. Verdi på gåva etter gruppe A. Ombodsmenn som har vore medlemer av kommunestyret i 5 periodar (20 år) får tildelt ei personleg gåve med inskripsjon og kommunemerke. Verdi på gåva etter gruppe B. Folkevalde kan få tildelt KS sin medalje etter 2, pkt 2. Ordføraren står for tildelinga. 7 DØDSFALL/GRAVFERD Ved dødsfall blant ombodsmenn sender kommunen ei blome- eller kransehelsing, eller det vert lagt ned ei blome- eller kransehelsing ved båra til den avlidne. Ombodsmenn vil her seia medlemer av kommunestyret eller ein person som tidlegare har vore ordførar.

SAKSFRAMLEGG Tysnes kommune KARTLEGGING AV UØNSKA DELTID Sakshandsamar: Steinar Dalland/Lars Trane Arkivsak : Arkivkode: 14/269 031 - Vedlegg: 1. Spørjeskjema SAKSUTGREIING: Me viser til kartlegging av uønska deltid i 2009. Me ynskjer ei ny kartlegging for å sjå om omfanget av uønsket deltid har endra seg. I undersøkinga frå 2009 vart det mellom anna gjort følgjande funn: «Hovuddtrekk 48 tilsette oppgjev at dei har mindre stillingsbrøk enn dei ønskjer seg. Gjennomsnittleg stillingsstorleik for gruppa som oppgjev at dei har uønskt deltid er 57,4 %, ønskja brøk er 88,3 % i snitt. 50 % oppgjev at dei ønskjer 100 % stilling. 43,8 % oppgjev at dei ønskjer frå 75 % til 90 % stilling, i snitt ønskjer dei 79,52 % stilling. 6,2 % oppgjev at dei ønskjer frå 50 % til 60 % stilling. Kompetanse / stilling: 50 % av dei som opplever uønska deltid arbeider som assistentar i skule, barnehage og pleie- og omsorg. 39,6 % av dei som opplever uønska deltid arbeider i stillingar med krav om kompetanse på fagarbeidarnivå. 10,4 % av dei som opplever uønska deltid arbeider i stillingar med krav om kompetanse på høgskulenivå. Utgangspunkt:

15 % av dei som oppgjev at dei opplever uønska deltid har stillingsbrøk under 20 %. 54,1 % av dei som oppgjev at dei opplever uønska deltid har ein stillingsstorleik under 60 %. 79, 2 % av dei som oppgjev at dei opplever uønska deltid har ein stillingsstorleik under 80 % 20,8 % av dei som oppgjev at dei opplever uønska deltid har ein stillingsstorleik på meir enn 80 %. Aktivitet: 39,6 % av dei som opplever uønska deltid oppgjev at dei i løpet av siste året (før undersøkinga) har søkt ledige stillingar i Tysnes kommune. 27 % av dei som opplever uønska deltid oppgjev at dei i løpet av siste året før undersøkinga har søkt ledige vikariat i Tysnes kommune. Omstillingsevne: 66,7 % av dei som opplever uønska deltid er positive til å arbeida ein annan stad for å få utvida si stilling. 66,7 % av dei som opplever uønska deltid er positive til å arbeida med andre brukarar eller oppgåver. 21 % er viljuge til å arbeida fleire helger for å få auka sin stillingsbrøk.. 47,9 % er viljuge til å arbeida i ein anna turnus for å auka sin stillingsbrøk. 50 % er viljuge til å arbeida fleire stader for å få auka sin stillingsbrøk.» Undersøkinga er eit forsøk på å få betre innsikt i problemstillingar knytt til uønska deltid, og kva tiltak arbeidsgjevar kan gjera for å redusera omfanget. Det vert føresett eit samarbeid med arbeidstakarorganisasjonane for å vurdera tiltak og vidare arbeid med problemstillingane knytt til uønska deltid. INNSTILLING FRÅ RÅDMANNEN: Med tilvisning til ovanståande vert det å få kartlagt ei ny undersøking av uønska deltid.

TYSNES KOMMUNE Rådmannskontoret Rådhuset 5685 UGGDAL Telefon 53 43 70 14 Telefaks 53 43 70 11 UGGDAL, 23.04.14 Saksnr. Dok.nr Arkivkode Avd/Sek/Saksh Dykkar ref. 14/269-1 3007/14 031 FSK/PER/LATR SKJEMA FOR KARTLEGGING AV UØNSKA DELTID Namn: F.dato: Stilling: Arbeidsplass: Stillingsbrøk: Ønska stillingsbrøk: For å få utvida din stillingsstorleik er du viljug til å: Arbeida på ein annan arbeidsplass? Ja Nei Spesifiser Arbeida med andre brukarar eller oppgåver? Arbeida fleire helger? Arbeida i anna turnus? Arbeida på fleire arbeidsplassar? Aktivitet Ja Nei Spesifiser

Har du i løpet av siste år søkt på ledige stillingar? Har du i løpet av siste år søkt på ledige vikariat? Side: 2

SAKSFRAMLEGG Tysnes kommune HANDLINGSPLAN - LEIAROPPLÆRING Sakshandsamar: Lars Trane Arkivsak : Arkivkode: 14/54 040 - Vedlegg: 1. Handlingsplan - leiaropplæring SAKSUTGREIING: Tysnes kommune vedtok hausten 2012 eit prosjekt for å redusera sjukefråværet. Dette vart utsett til hausten 2013 grunna ressurs og bemanningsstoda i administrasjonen. Tysnes kommune er ein IA verksemd, og har difor tilgong til særskilte verkemiddel. Nav arbeidslivssenter er ein viktig aktør i arbeidet, både som prosessrettleiar og som tilskotsgjevar. Hausten 2013 tok ein saman med Nav arbeidslivssenter til på ein prosess der målet er å driva målretta leiaropplæring innanfor nokre nødvendige tema. Saman med denne leiaropplæringa skal ein også ha opplæring i livsfasepolitikk, og sjå på kva rutinar Tysnes kommune skal utvikla på dette området Prosjektet har som mål å auka trivnad, redusera sjukefråværet, samt auka kompetanse hjå leiarar og tilsette i kommunen. Dette kan gjerast ved å kartleggja manglar og behov innafor desse tre tema. INNSTILLING FRÅ RÅDMANNEN: Gjennomføring av leiaropplæring for alle aktuelle leiarar i Tysnes kommune. Opplæringa skal gjennomførast av Nav arbeidslivssenter saman med rådmann.

HANDLINGSPLAN - leiaropplæring KOMPETANSELØPET FOR LEIARAR/VERNEOMBOD, TILLITSVALGTE OG DEI TILSETTE. 1.0 Innledning og bakgrunn for planen «Korleis har med det i dag korleis vil me ha det framover?» Eit ynskje om endring og utvikling, samt behov for ei klar og tydeleg personalpolitikk i alle livet sine fasar var bakteppe for det første møtet mellom Tysnes kommune og Nav arbeidslivssenter i 2012. Gjennom opplæring i ulike etterspurde tema ønskjer ein å skape ei felles måte å leia i kommunen, samt skape ein livsfasepolitikk som legg til rette for dei tilsette i alle livets fasar. Det er klart at det for ulike einingar krev ulike tilnærmingar til leiarrollen. Innanfor dei opplæringstema som vi har vald er det likevel felles utfordringar i leiarrollen i Tysnes kommune. Når vi no har planar om ei ny to-nivå modell i kommunen, der ein ser føre seg at fleire oppgåver skal gjerast ute i den einskilde eining, så må vi byggje opp kompetanse på ulike felt for å styrke leiinga. Alle leiarane skal få dei verkty som er naudsynt for å gjere jobben. Det er store variasjonar hos den einskilde leiar, men i samråd med Nav arbeidsslivvsenter, HVO og Fagforbundet er det sett på kva leiarane har etterlyst dei siste åra og med utgangspunkt i dette vert det laga ein handlingsplan for denne opplæringa. Gjennom kunnskap på dei utvalde felta, ønskjer vi å utvikle kunnskap og ferdigheter hos leiarane i kommunen, noko som igjen skal gi tryggare leiare og nøgde tilsette. Det er viktig å skapa felles holdninger og kultur for leiinga i Tysnes kommune. Ved å være saman, og læra saman, kan ein starte med å utvikle nokre fellestrekk om «korleis ein leiar i Tysnes kommune». Ved å ha fokus på kunnskap og ferdigheiter skal vi skapa gode haldningar i vår organisasjon. 2.0 Målsetting Hovudmålet i gjeldande kommuneplan er at «Tysnes skal vera ein attraktiv kommune å bu i. Kommunen skal stimulera til tilflytting og vekst i folketalet ved og leggja til rette for utvikling av arbeidsplassar, bustadtilbod, kulturtilbod, gode offentlege tenester og kommunikasjonar.» Videre er det gitt ulike mål innan dei ulike fagfelta, som legg vekt på kompetanse og kvalitetsutvikling av tenestene, samt stabilisering av bemanninga i kommunen. På bakgrunn av dette har vi sett følgjande mål for denne handlingsplanen: «Tysnes kommune skal ha trygge leiarar og ein einheitleg leiing med felles kompetanse, kunnskap og haldingar»

3.0 Økonomi Ein vil søkjer Nav Arbeidslivssenter eller KS om pengar til dekking av utgifter knytt til leige av vikar for nokre av leiarane. Det same gjeld til dekking av aktuelle eksterne foredragsholdere. Lunsj som ein ser som ein viktig arena både fagelg og sosialt under desse kursdagane og vert også søkt dekka 4.0 Tiltak Me har saman med Nav Arbeidslivssenter laga ein plan for kompetanseheving for leiarane i Tysnes kommune for vår og haust 2014, samt vinter 2015. Leiaropplæringa er delt i 5 samlingar, med oppstart i mai 2014 og berekna avslutning tidleg i 2015. På samlingane er det eit krav at dei som er kalla inn møter. Eventuelt fråvær skal avtalast med Rådmannen. 5.0 Gjennomføring: Kurs 1 Forventningsavklaring med Rådmannen: - Framtidas leiarar - Leiaroppgåver - Oppfølging og kontroll - Krav etter Arbeidsmiljølova - Århjul som verkemiddel - Forankring i lovverk Kven: Steinar Dalland/Kjell Molvær Sted: Kommunestyresalen Når: I løpet av mai månad Tidsbruk: 3 timer Tal : Maks 25 leiarar, tillitsvalde og avdelingsleiar Mål: Slik leiar vi i Tysnes kommune! Kurs 2 - Lovverk som naudsynt redskap i leiararbeidet. Aml 7. - AMU og det som aml krev gjennom internkontrollforskriften og HMT plan - Kjennskap til HA, ferieloven, tilrettleggingsplikt og plikt til medverknad Kven: Kjell Molvær Sted: Kommunestyresalen Når: Fyste halvdel av juni Tidsbruk: Ein halv dag Tal: ca 25 Mål: Lovverk som grunnlag for leiing

Kurs 3 - Livsfasepolitikk. Korleis skal vi leggja til rette. i alle livets faser. Kva er viktig i dei ulike fasene. - Me vil i løpet av denne kursrekka også sjå på tema introduksjonsprogram som ein del av temaet Livsfasepolitikk. For dei nytilsette er det å bli møtt med eit godt introduksjonsprogram der ein blir kjend med arbeidsplassen særs viktig. Eit slikt program bør innehelde ein generell del for Tysnes kommune, og ein spesiell del for den einskilde arbeidsplass. Kven: Kjell Molvær/Reidun Eggesbø Sted: Kommunestyresalen Når: September 2014 Tidsbruk: 3 timer Tal: ca 25 Mål: Arbeidstaker i alle livets faser. Kjennskap til kommunens livsfasepolitikk. Kurs 4 - Medarbeidersamtalen: o Gjennomføring o Eksempler o Kommunikasjon o Kven: Kjell Molvær Når: November Tidsbruk: Halv dag Tal: ca 25 Mål: Me er tryggare i forhold til gjennomføring av ein medarbeidersamtale. Kurs 5 - Psykisk helse/sykefravær/oppfølging o Psykisk sjukdom o Forebygging o Ansvar for oppfølging o Samarbeid lokalt med Nav. Kven: Svein Stavland. Sted: Kommunestyresalen Når: slutten av januar 2015 Tidsbruk: halv dag Tal: 25 Mål: Kan ein med kunnskap om sjukdom og tilrettelegging redusere sjukefråværet? Kurs 6 - Stressmestring konflikthåndtering. - Dette kurset vil vi vurdere saman med leiarane når dei fyste 5 kurs er avslutta. Kven: Haugaland BHT

Sted: Kommunestyresalen Når: mars 2015 Tidsbruk: halv dag Tal: ca 25 Mål: Korleis takle den hektiske kvardagen på jobb. 5.0 Evaluering Skal Tysnes kommune lukkast med sine mål i tida som kjem må vi har leiera med kunnskap, haldningar og ferdigheter i tråd med dei mål som vert sett. I denne opplæringa set vi fokus på nokre felt som vi ser som viktig for å få tryggere og flinkere leiarar. For å få frem tilbakemeldingar på sjølve opplegget og på dei ulike tema ynskjer vi ei tilbakemelding etter kvart enkelt kurs. De vert lage eit tilbakemedlingsskjema som vert delt ut til kvar enkelt på slutten av kvar kursdag. Målet er at ein skal kunne justere kursen om undervegs.

SAKSFRAMLEGG Tysnes kommune AVTALE OM INKLUDERANDE ARBEIDSLIV 2014 Sakshandsamar: Steinar Dalland/Lars Trane Arkivsak : Arkivkode: 14/271 031 - Vedlegg: 1. Samarbeidsavtale om eit meir inkluderande arbeidsliv SAKSUTGREIING: 4. mars d.å. teikna regjeringa og hovudorganisasjonane i arbeidslivet ein ny og forenkla avtale om inkluderande arbeidsliv IA avtale. Regjeringa og partane legg vekt på følgjande element i skildring av den nye avtalen: «Ny IA-avtale - Forenklinger i reglene for oppfølging av sykmeldte Oppfølgingsplan skal i utgangspunktet utarbeides for alle sykmeldte, men det presiseres at det kan være unødvendig når arbeidstakere er delvis sykmeldt. Forslaget bør innebære færre uproduktive oppfølgingsplaner enn i dag. Dialogmøte innen sju uker gjelder i utgangspunktet for 100% sykmeldte. For delvis sykmeldte kun når arbeidsgiver, arbeidstaker eller sykmelder anser det hensiktsmessig. Endringen vil føre til at det blir holdt færre unødvendige dialogmøter enn i dag. Rapportering fra arbeidsgiver til Arbeids- og velferdsetaten etter 9 uker oppheves. Arbeidsgiver skal kunne dokumentere oppfølging for myndighetene ved behov. Det presiseres at dialogmøte i regi av Arbeids- og velferdsetaten innen 26 ukers sykmelding kan holdes tidligere dersom en av aktørene krever dette. Det presiseres at dialogmøtene først og fremst er en arena for arbeidsgiver og arbeidstaker. Annen kompetanse skal bare trekkes inn når det er reelt behov for det. Krav om at bedriftshelsetjenesten må delta i dialogmøter oppheves. Ny IA-avtale - Fjerner flere sanksjoner Ingen sanksjoner fra NAV overfor arbeidsgivere som ikke følger opp sine plikter. Arbeidstilsynet skal fortsatt føre systemrettet risikobasert tilsyn, og vil kunne følge opp med reaksjoner. Ingen sanksjoner overfor sykmelder som ikke deltar i dialogmøter. Dersom det er behov for reaksjoner, vil dette kunne ilegges av helsemyndighetene etter helsepersonelloven.

Ingen sanksjoner mot sykmeldere som ikke gjennomfører obligatorisk kurs i sykmeldingsarbeid. Ny IA-avtale - forsterket innsats for personer med nedsatt funksjonsevne Lagt til rette for mer effektiv inkludering ved å prioritere unge. Ny IA- avtale - satser mer på kunnskapsutvikling og forsøk Det settes i gang forsøk med en forenklet og avgrenset ordning a la aktiv sykmelding: sykmeldt i jobb, som er avgrenset til 14 dager. Det settes av 6 millioner årlig til å drive kunnskapsutvikling og forsøk. Ny IA-avtale - vektlegger forebygging Nytt forebyggings- og tilretteleggingstilskudd for IA-virksomhetene: Erstatter dagens tilretteleggingstilskudd og BHT-tilskudd.» Tysnes kommune har vore IA verksemd sidan ordninga tok til å gjelda og ser føre seg å teikna ny avtale i samsvar med den overordna avtalen. Som ein del av HMT arbeidet skal Tysnes kommune nytta IA avtalen som eit verktøy for å redusera sjukefråværet og auka den reelle pensjonsalderen i kommunen. Tysnes kommune skal også så lang råd er tilretteleggja for eigne tilsette som får redusert funksjonsevne. Me ser føre oss følgjande lokale delmål i arbeidet: Delmål 1: Redusera sjukefråværet: Samla sjukefråvær i kommunen skal reduserast med 10 % fram mot 31.12.2015. Reduksjonen vert rekna frå gjennomsnittleg sjukefråvær i 2013. Dette låg på 8,3 %. Det vil seie at det samla sjukefråværet i kommunen skal om lag 7,5 % pr. 31.12.2015. Tiltak 1.1: Tysnes kommune skal vera aktiv med å søkja råd og hjelp hjå trygdeetaten og bedriftshelsetenesta ved Haugaland HMS og Nav arbeidslivssenter når dette er hensiktsmessig. Tiltak 1.2: Tysnes kommune skal gjennomføra opplæring for leiarar om innhaldet og krava i IA avtalen og korleis leiarane skal arbeida med reduksjonen av sjukefråværet. Tiltak 1.3: Ansvarleg leiar skal syta for å gjennomføra oppfølgingssamtalar for å klargjera behov for tilrettelegging og bruk av restarbeidsevna til tilsette med sjukefråvære. Ansvarleg leiar skal ha samtale med tilsette som har nytta meir enn 16 eigenmeldingsdagar eller meir i løpet av det siste året. Ved mistanke om misbruk av retten til eigenmeldingar skal det i samtalen informerast om arbeidsgjevar sin rett til å krevje sjukemelding frå første fråværsdag. Delmål 2: Tilretteleggja for eigne tilsette som får redusert funksjonsevne:

Tysnes kommune skal, så langt det er mogleg, iverksette naudsynte tiltak for at tilsette med varig eller mellombels redusert arbeidsevne skal kunna få eller halda på eit høveleg arbeid. Tiltak 1: Kontinuerleg kartlegging av arbeidsplassar som kan tilretteleggast for personar med redusert funksjonsevne." Delmål 3: Seniortiltak: Tysnes kommune skal ha ein seniorpolitikk som er integrert i arbeidsgjevarpolitikken og som fører til at dei fleste arbeidstakarane vel å stå i arbeid fram til oppnådd aldersgrense (delmål og tiltak jfr. retningsliner for seniorpolitikk i Tysnes kommune). Dette vedtaket inneber at ansvarleg leiar skal jobba aktivt opp mot målsetjingane i IA avtalen. Det er då viktig at leiarar har den tilstrekkelege opplæringa og forståing av arbeidet, det vert lagt opp til ei opplæring av samtlege leiarar med oppstart i 2014. Opplæringa vert også nytta til forankring og operasjonalisering av ovannemde målsetnader. I avtalen skal det førast opp kontaktpersonar for leiinga i verksemda og for dei tillitsvalde/tilsette. Det er naturleg at rådmannen er kontaktperson for leiinga. Me ber om at AMU sine arbeidstakarrepresentantar utnemner kontaktperson for dei tillitsvalde/tilsette. INNSTILLING FRÅ RÅDMANNEN: Tysnes kommune sluttar seg til ny IA avtale i samsvar med ovannemnde premiss.

SAKSFRAMLEGG Tysnes kommune SAMARBEIDSPLAN OG STATUS FOR AVTALEN MELLOM TYSNES KOMMUNE OG HAUGALAND HMS Sakshandsamar: Steinar Dalland Arkivsak : Arkivkode: 14/114 044 - Vedlegg: 1. Samarbeidsplan og status for avtalen mellom Tysnes kommune og Haugaland HMS INNSTILLING FRÅ RÅDMANNEN: AMU tek samarbeidsplan og status for avtalen mellom Tysnes kommune og Haugland HMS til vitande.

Tom side