Prosjektering Beheim 2, Hafslo Tilbodsdokument 12.07.2012
Luster kommune bustadfeltet Beheim 2 Luster kommune skal utarbeide byggjeplan for Beheim 2, og inviterer med dette til å gje tilbod på utarbeiding av byggjeplan for området. Nedafor vert det gjort meir greie for innhaldet i oppdraget. 1. Planområde 2. Reguleringsplan for «Bustadfelt Beheim 2, Hafslo» er eigengodkjent i kommunestyret 26.04.2012 (sak 28/12). 3. Tilbodet skal omfatte fylgjande arbeid: 1. Utarbeiding av byggjeplanar for veg, overvatn, avløp og vatn 2. Utarbeiding av konkurransegrunnlag og tilbodsteikningar for tilbodsutlysing 3. Tilbodsutlysing og kontrahering Tilbodsgrunnlag 12.07.2012 Side 2 av 5
4. Arbeidsteikningar/ Detaljteikningar 5. Kostnadsoverslag 6. Vurdering av stegvis utbygging av feltet* *Kommunen ønskjer ei vurdering av kor vidt feltet bør byggjast ut samla, eller om utbygginga kan skje stegvis. Luster kommune har digitalt kart over området og stiller dette til disposisjon. Tekniske detaljar/standardkrav/plankrav vil elles bli drøfta med den som får planlegginga. Dersom det er arbeid utover det som er nemnt ovanfor som tilbydar ser som sannsynleg, er ein takksam om desse arbeida vert oppført med opsjonsprisar. Luster kommune føreset at førespurde tilbydarar har erfaring med slikt arbeid som her vert førespurd. Luster kommune legg såleis til grunn at tilbodet inneheld alle aktuelle arbeidsoppgåver som naturleg ligg til dette arbeidet. 4. Framdriftsplan Luster kommune ønskjer å starte utbygginga av Beheim 2 våren 2013. Tilbydar må tilpasse seg dette i sitt tilbod. Det er ynskjeleg at tilbydar skisserer ei framdrift for sitt arbeid. Tilbydar må ta høgde for, saman med Luster kommune, å delta på møte og synfaring i samband med prosjekteringsarbeidet. 5. Innhald i tilbodsdokumentet Tilbydar skal levera følgjande: Følgjande dokument skal leverast, nummerert og innan tilbodsfristen går ut: 1. Tilbodsbrev som er datert og signert av tilbydar. 2. Framdriftsplan 3. Informasjon om verksemda. Tilbydar sitt namn, postadresse og organisasjonsnummer 4. Oversikt over kven som skal utføra dei ulike oppgåvene. 5. Verksemda sine referansar for liknande prosjekt. Inkludert deira verdi, ferdigstilling og oppdragsgjevar. 6. Oversikt over firmaet si totale bemanning 7. Oppsett over prosjektmateriale det er føresett å levera jfr pkt 4 8. Skatte-/meirverdiattest frå kemner/kommunekasserar i entreprenøren sin kommune og frå fylkeskattekontoret. Ikkje eldre enn 6 mnd. 9. HMT-dokumentasjon som viser at tilbydar følgjer og har eit system som stettar krava i internkontrollforskrifta jfr FOA 8-8 Tilbodsgrunnlag 12.07.2012 Side 3 av 5
Tilbydar må sjølv ta høgde for naudsynt arbeid og utarbeiding av naudsynte dokument. Tilbodssum Pristilboda skal visa øvre kostnadsramme for arbeida. Delarbeida pkt.1 6 prisast kvar for seg. Det skal gå klart fram kva som evt kjem i tillegg og prisar for dette (t.d. reise, porto, kopiering, tlf. m.m.). Ber og om at timeprisar vert sett opp i tilbodet. Luster kommune kan be om utfyllande dokumentasjon dersom ein finn det naudsynt for val av tilbydar. Ansvar for at prosjektet / tilbodet er tilstrekkeleg skildra ligg til tidbydar. 6. Tilbodsreglar Luster kommune legg til grunn at Lov om offentlege anskaffing gjeld og regelverket for Forskrift om offentleg anskaffingar del II, vert lagt til grunn for denne konkurransen. Kontraktform Fast pris etter NS8401, eller etter medgått tid, men med ei øvre ramme etter NS 8402. Tilbodet er bindande i 90 dagar frå tilbodsdato. Luster kommune har rett til å avvisa heile eller delar av tilbodet. Ved manglande dokumentasjon kan tilbod avvisast. Tilbodsbrev Tilbodsbrev og tilbodsskjema skal innleverast i utfylt stand, og både tilbodsbrevet og tilbodsskjemaet skal vera datert, underskreve og vera stempla med firmaet sitt namn. Dersom det føreligg motstridande opplysningar i tilbodsskjemaet og i tilbodsbrevet, er det opplysningane i tilbodsbrevet som gjeld. Tilbodet skal leverast / sendast til: Luster kommune v/ Eigedom Rådhuset 6868 Gaupne Tilbodet skal leverast i lukka konvolutt, merka Byggjeplan Beheim 2. Dersom tilbydar vel å senda tilbodet per post er tilbydar sjølv ansvarleg for at tilbodet når fram innan fristen. Tilbod som vert levert etter fristen, vert avvist. Det vert lukka tilbodsopning. Tilbodet er bindande i 90 dagar frå tilbodsopning. Framdrift og tidsfristar: Tilbodsfrist: Fredag 07.09.2012 kl 12.00 Tilbodsopning Fredag 07.09.2012 Kl 13.00 Evaluering, forhandlingar og tildeling Veke 38/39 Tilbodsgrunnlag 12.07.2012 Side 4 av 5
8. Tildeling Luster kommune vil i samband med vurdering av tilboda leggja vekt på kva tilbod som er det økonomisk mest fordelaktige, basert på fylgjande vektlagde kriterium: 1 Tilbydd pris 60% 2 Leverings- og ferdigstillingsdato 20% 3 Referanseprosjekt 10% 4 Kompetanse 10% Val av tilbydar Luster kommune har rett til å forhandla med alle tilbydarane før det endelege valet vert gjort. Val av tilbydar vil verta sendt alle tilbydarane skriftleg, med grunngjeving for val av tilbydar, jfr FOA 13-3. Avviste og forkasta tilbod vil ikkje vera returnert. Atterhald Luster kommune har rett til å kunne forkaste alle tilboda. Luster kommune har rett til å avslutte / avbryte arbeidet om Luster kommune ynskjer det. 9. Kontaktinformasjon Dersom De har spørsmål til prosjektet eller denne førespurnaden, ta gjerne kontakt med underteikna. Kontaktperson: Terje Arild Kveane telefon 57 68 57 20 E-post terje.arild.kveane@luster.kommune.no Luster kommune vonar at De finn prosjektet av interesse, og at De har høve til å gje oss eit tilbod på arbeidet. Tilbodsgrunnlag 12.07.2012 Side 5 av 5