Velkommen til Ulveset SFO SFO er eit frivillig omsorgs- og fritidstilbod, og er ein del av skulen si verksemd. Skule og SFO har eit tett samarbeid og bidrar til eit heildags tilbod for dei yngste barna ved skulen. Vedtektene i Fjell kommune seier at skolefritidsordninga skal vere eit frivillig aktivitets-, kultur- og fritidstilbod for barn i 1-4. klasse og barn med særskilde behov frå 1.-7. klasse. Fritidsordninga skal gje barna omsorg, tilsyn og gode utviklings kår. SFO- skulefritidsordninga er barna si fritid. Vi er opptatt av at barna i stor grad skal få velje innhaldet i si eiga fritid. Vi har nokre styrte aktivitetar som vi oppfordrar og motiverer barna til å være med på. Mål for Ulveset SFO: SFO skal være ein trygg stad, der vi legg til rette for vennskap, leik og trivsel. Tryggleik og trivsel SFO skal vera ein trygg og god stad å vere for alle barn. Barna må vera trygge for å kunne trivast og delta i leik og andre aktivitetar. Vennskap og sosial kompetanse For at barna skal trivast og utvikla seg, må dei kunne utvikla vennskap, og kjenna seg inkludert i barnegruppa. Barn må få høve til å delta i leik og aktivitetar saman med dei andre barna. Leik og læring Barna skal få utfolda seg i lek og læring, saman med barn og vaksne i SFO. Barna skal få høve til å leike og å lære, ut frå eigne ønskje,interesser og gjennom tilrettelegging av ulike aktivitetar. Saman med skulen legg vi til rette for eit miljø med trygge vaksne som er tilstades saman med barna. Zero Vi er opptatt av at barna skal oppleve vennskap, og ha nokon å leike saman med i eit trygt miljø. Vi jobbar for at ingen skal oppleve krenkande åtferd frå andre. Vi er ein Zero- skole, og har nulltoleranse for mobbing. SFO har eit tett samarbeid med skulen, og vi har fokus på Zero både på skulen og SFO. Handlingsplan mot mobbing vert utarbeidd av foreldrerepresentantar og heile personalet ved skulen og SFO. TSK Skulen og SFO jobbar med TSK, som er tydelig, støttande og førebudd klasseleiing. I SFO vektlegg vi den vaksne si rolle i forhold til barna. Tydeleg - gje tydelege beskjedar og jobbe med rutinar. Støttande - bygge relasjonar og ha fokus på det positive.
Førebudd - ha positive forventningar og ha planar/ være førebudd på utfordringar som kan oppstå. Sjå når dei lukkast Dagsrytme på Sfo 7.00 SFO opnar, barna kryssast inn etter kvart som dei kjem 7.45 Frukost 8.15-8.30 Utetid før skulestart 12.45/14.00 Barna kjem til SFO, blir krysset inn Utetid 14.00 Måltid 14.30 Lek/aktivitetar 16.30 SFO stengar Det går 77 barn i SFO 1.trinn- 34 barn 2.trinn- 21 barn 3.trinn- 16 barn 4.trinn- 14 barn 5.trinn- 1. barn Barna er inndelt i fire grupper, der faste vaksne har ansvar for si gruppe. Kvar gruppe har sin base. Til det bruker vi dei to romma i Sfo- basen og klasseromma til 1.trinn. Rød gruppe- Blå gruppe- Grøn gruppe- Gul gruppe- 261- Margareth og Møyfrid 262- Tone Merethe/Åse og Janne-Brith 263- Giske og Hilde/Randi 264- Linn og Elise Når barna møtar på SFO etter skuletid,kryssar vi dei inn på gruppa dei høyrer til, før dei går ut. Det foregår på SFO base 263. Ved 1. trinn ordnar lærer med innkryssing, barna går direkte til uteplassen etter påkledning. Etter måltidet blir gruppene løyst opp og vi nyttar mest SFO- basen. Det er ein variasjon på leik ute/inne eller gruppeaktivitetar etter måltidet. På morgon- SFO har vi eigne lister som vi kryssar barna inn på. Morgon- SFO avsluttast 08.15, og etter det vert ikkje nokon kryssa inn før dei kjem på skulen. Frå 8.15 er barna som går i SFO ute saman med elevar som kjem til skulen.
For å halde oversikt over kven som er her til ein kvar tid, er det viktig at de gjer melding i skulen si kontaktbok. SFO får meldingar frå kontaktlærar kvar dag om fråvær og andre beskjeder. Når barn blir henta, er det viktig at de gir beskjed på SFO-basen(Rom 263) at de tek barnet med dykk, ein frå personalet kryssar barnet ut frå lista. Er det ikkje nokon frå personalet på basen, må dykk kontakte ein vaksen på kjøkken eller ute for å få gitt beskjed. Faste avtalar om at barn skal gå heim/ ta buss må være skriftleg. Avtaler om å vere med andre barn heim må avtalast på førehand. Unngå beskjeder via telefon. Vi kan ikkje halde oss til munnlege meldingar frå barna. Måltid Vi prioriterer eit felles måltid for alle barna. Måltidet dekkes av kostpenger, det betalast 100,- kvar månad. Det dekker mat og drikke kvar dag på SFO. Måltidet varierer mellom brød/knekkebrød m/variert pålegg, havregryn /risnøtter /cornflakes. Nokre gonger har vi tomatsuppe, grøt eller kakao m.m. Som ein del av aktivitetane har vi og matlaging på heimkunnskapen, kva vi lager er varierande, men kan til dømes vere pizza eller eller rundstykker. Gi melding om eventuelle allergiar. Vi nyttar og tida rundt måltidet til å ha fokus på TSK og Zero. Vi vektlegg rutinar og tydelege rammer, og har fokus på at barna skal følgje beskjeden frå dei vaksne med ein gang. Aktivitetar Vi har ikkje styrte aktivitetar kvar dag. Tida i SFO går med til måltid, utelek /innelek og leksehjelp. Vi legg tilrette for mykje uteaktivitet heile året. Barna liker å være aktive ute, og vi ser kor viktig det er og behovet for å legge tilrette for det. Etter ein lang skuledag er det godt å kunne være i fysisk aktivitet. Vi har eit uteområde som innbyr til varierte aktivitetar ute: leikeplass, skog og ball - binge. Vi har nokre styrte aktivitetar, der vi nyttar gymnastikksal, data, mediatek og heimkunnskap rommet. Vi nyttar og bassenget når det er mogleg. I samband med høgtider legg vi tilrette for formingsaktivitetar for alle. Vi legg vekt på at barn sjølv i stor grad skal få velje aktivitetar ut frå eigne ønske og behov! Vi ser for oss at året blir slik: August- tilvenning/bli kjent. September- Startar opp med gruppeaktivitetar. Oktober- Fortsetter med gruppeaktivitetar. November- Lage pepar kake hjerter til kalender. Desember- Formingsaktivitetar, lage julegåve, juleavslutning med nisse grøt! Januar-
Februar- Mars- April- Mai- Juni- Formingsaktivitetar i forbindelse med påske, påskelunsj. Nytte bassenget, sommar avslutning og foreldrkaffe. Foreldresamarbeid Vi legg vekt på godt samarbeid med føresette, og vektlegg kontakt ved henting/bringing. God og tett kommunikasjon mellom heimen og SFO er ein viktig tryggleik for at barna skal trivast, og for at føresette skal få nødvendig informasjon. Vi ønskjer at de i stor grad hentar barna i SFO- basen, slik at vi kan gje tilbakemelding på daglege hendingar. Bruk kontaktboka dersom andre skal hente, eller ved endringar frå det vanlege vedrørande avslutning av SFO - dagen. Vi tar kontakt via telefon eller kontaktbok ved spesielle hendingar. Vi ønskjer og at de tek kontakt eller brukar kontaktboka dersom det skulle være noko. Det er ofte nyttig for oss å få beskjed dersom det er spesielle hendingar som har forkomme heime eller på skole /SFO. SFO- leiar orienterer om SFO på informasjonsmøte for 1.trinn våren før dei byrjar på skolen. SFO- leiar deltar og på 1.trinn sitt foreldremøte om hausten. Gje tilbakemeldingar til oss som jobbar i SFO, både ris og ros! Send gjerne e-post til SFOleiar. SFO- leiar har eit tett samarbeid med leiinga på skulen, og med kontaktlærarar. Det er og et samarbeid med helsesøster og spes.ped.- koordinator ved skulen, dersom det er naudsynt. Husk å ha dette tilgjengeleg kvar dag på SFO: Innesko Byttetøy Regntøy/ støvlar Namn i alle kler og sko Matpakke dersom barnet skal eta frukost Leksehjelp Elevar frå 1.-4. trinn får tilbod om leksehjelp tysdagar og onsdagar. 2.-4.trinn har leksehjelp 13.00-14.00, mens 1.trinn startar leksehjelpen med utelek og gjør lekser fra 13.30, og totalt ein time. For 1. trinn vert det ein kombinasjon av lekser og tilrettelagte aktivitetar. Leksehjelpen vert organisert av SFO - leiar, og det er assistentar som jobbar i skule og SFO som deltek i leksehjelpen. Leksehjelp er ei tilsynsordning, og ikkje eit pedagogisk tilbod. Det er ikkje kapasitet til å gje individuell oppfølging.
Bemanninga i SFO og leksehjelp er sett utifrå kor mange barn som er påmeldt. Dersom ein har meldt barnet på leksehjelp må barnet delta der på lik linje med anna undervisning. Det vert ført fråvær som i skulen. Barna kan ikkje velja å heller vera i SFO, når dei er påmeldt leksehjelp. Dersom barnet ikkje skal delta i leksehjelpa, seier ein opp dette tilbodet skriftleg. Barna må sjølv møte til leksehjelp etter å ha fått beskjed om det. Personalet i SFO har ikkje kapasitet til å følja opp elevar som ikkje går til leksehjelp. Dersom elevar ikkje møtar til leksehjelp tek vi kontakt med føresette. Det er viktig at lekser som er gjort på leksehjelp vart gjennomgått heime. Leselekser må gjerast heime. All påmelding og utmelding av leksehjelp skal gjerast skriftleg til SFO- leiar. Spørsmål angåande leksehjelp rettast og til SFO- leiar. Ulveset Sfo 21.08.14 Sfo- leiar Randi Irene Sel Skråmestø Rektor Solveig Ellingsen