VEDTEKTER FOR KOMMUNALT NÆRINGSFOND Gjeldande frå 1. februar 2012 1 HEIMEL, KAPITAL, STRATEGI, LOVER Næringsfondet i Askvoll kommune er eit kommunalt fond som får årleg tildeling frå Sogn og Fjordane fylkeskommune etter gjevne retningslinjer. Fylkeskommunen får tildelt midlar til kommunale næringsfond frå Kap 551, post 60 i dei årlege statsbudsjetta. Retningsgjevande for bruk av fondet er kommunen sine mål, strategiar og prioriterte tiltak for det langsiktige arbeidet med næringsutvikling, her under omstillingsplanen, og dei til ei kvar tid gjeldande statlege og fylkeskommunale føringar. 2 MÅLSETTING FOR BRUKEN AV FONDET Næringsfondet skal vere eit verkemiddel i arbeidet for å styrke næringsliv og busetting i kommunen. Løyvingar av fondet skal stimulere til å skape arbeidsplassar gjennom nyskaping og innovasjon i eksisterande næringsliv, og til etablering av nye verksemder i kommunen. 3 FORVALTNING AV FONDET 3.1 Forvalting Omstillingsstyret er fondsstyre i søknader om midlar frå næringsfondet. 3.2 Administrasjon Prosjektleiar eller den han gjev mynde er sakshandsamar for fondsstyret, og skal gje rettleiing til søkarar til fondet slik at søknadane vert godt dokumenterte i samsvar med krav. 3.3 Tildeling Tildeling og prioritering mellom søkjarar skal vere på grunnlag av søknaden, prioriterte satsingsområde i kommunale planar og vedtektene for fondet. Årleg bruk av fondet bør som hovudregel ikkje vere på meir enn siste års tildeling frå fylkeskommunen / KRD. Fondet skal vere disponibelt til ei kvar tid. Renter av fondskapitalen skal tilførast fondet. Omstilling i Askvoll Postboks 174 Tlf: +47 57730720 britt.hansen@askvoll.kommune.no 6988 Askvoll Org.nr. NO 964 968 330 MVA www.askvoll.kommune.no
3.4 Informasjon Det skal til ei kvar tid vere eit informasjonsskriv om fondet og om søknadsskjema. Fondet skal kunngjerast og ligge ute på kommunen si eiga heimeside. 4 KLAGEHANDSAMING Forvaltningslova gjeld for Omstillingsorganisasjonen sin verksemd. Omstillingsstyret er klageorgan i saker som er avgjort av prosjektleiar i samsvar med gjeldande fullmakt. Formannskapet er klageorgan for saker som er avgjort av Omstillingsstyret 5 VILKÅR FOR STØTTE Støtte frå fondet skal gjevast som tilskot. Tilskot frå fondet skal ha utløysande effekt, dvs. at prosjekt som er starta opp ved innsending av søknad, ikkje kan tildelast tilskot. Dersom prosjektet det er gjeve tilskot til vert vesentleg endra, skal det sendast skrifteleg søknad om administrativt løyve til endring. Som hovudregel vert det gitt støtte ein gong til same prosjekt. Unntaksvis kan det verte gitt utvida støtte dersom det skjer vesentlege endringar eller utvidingar av prosjektet. 6 LØYVINGSFORMÅL OG AVGRENSING Kommunalt næringsfond skal nyttast til tiltak som fremjar næringsutviklingsarbeidet i kommunen, i første omgang til tilrettelegging og støtte til nyetableringar og dei minste bedriftene. Det kan og nyttast til forstudie og forprosjekt, utvikling av nye forretningsområde og lokalmarknadsbaserte prosjekt i større bedrifter. Kunnskapsintensiv og kreativ verksemd, uavhengig av bransje skal ha prioritet. 6.1 Investeringstilskot Støtte til investering i bygg, utstyr og maskiner. Tilskotsprosenten er inntil 30 %. Beløpsgrenser for samla kapitalbehov skal vere i tråd med fylkeskommunen sine vedtekne beløpsgrenser til ei kvar tid (for tida kr 500 000,-). Søknader der samla kapitalbehov er større enn den fastsette beløpsgrensa skal handsamast av Innovasjon Norge. Minimumsbeløpet for å definere ein kostnad som ei investering er netto kr 15 000 per investeringsobjekt. Mindre kostnadsbeløp vert vurdert å vere driftsutgifter og er ikkje støtteberettiga. Side 2 of 5
6.2 Bedriftsutviklingstilskot Eksempelvis etablerarstipend, produktutvikling, marknadsundersøkingar, planlegging, konsulenttenester og opplæring. Tilskotsprosenten er som hovudregel inntil 50%, men i samband med prosjekt som har særskilt betydning for kvinner, ungdom og innvandrarar kan Omstillingsstyret løyve inntil 75% tilskot. Beløpsgrenser for samla kapitalbehov skal vere i tråd med fylkeskommunen sine vedtekne beløpsgrenser til ei kvar tid (for tida kr 200 000,-). Søknader der samla kapitalbehov er større enn den fastsette beløpsgrensa skal handsamast av Innovasjon Norge. 6.3 Tilskot til tiltaksapparat og kunnskapsretta infrastruktur Støtte til eksempelvis regionalt samarbeid, etableraropplæring, samarbeid skule/næringsliv og lokale analyser og utgreiingar. Tilskotsprosenten er inntil 100% utan øvre beløpsgrense. 6.4 Arrangementstønad Ein kan gje støtte til arrangement med føremål å: -marknadsføre Askvoll kommune mot personar som kan tenkje seg å flytte til Askvoll, etablere verksemd i kommunen eller investere i næringsutvikling i kommunen. -utvikle næringslivet i Askvoll i den hensikt å gjere det meir konkurransedyktig -profilere fleire verksemder i kommunen på ein regional, nasjonal eller internasjonal marknad. 6.5 Fondsmidlar kan ikkje nyttast til: Sanering av gjeld, aksjeteikning, varekjøp, grunnlagsinvesteringar, finansiering av ordinær drift av verksemder eller kommunen. Tiltak som nyt godt av andre kommunale tilskotsordningar, eller tilskot frå stat/ fylkeskommune (inkl. primærnæringane), skal i utgangspunktet ikkje kunne få tilskot frå fonda. Som særskild og tidsavgrensa unnatak frå denne regelen er dei prosjekta som får støtte frå Omstillingsstyret i høve omstillingsplanen for Askvoll kommune. Omstillingsstyret har høve til å sjå næringsfondet og løyvingane i samband med omstillingsprosessen i samanheng. Det skal visast varsemd med å gje støtte til nyetablering av detaljhandel og anna serviceverksemd som kan verke konkurransevridande. Side 3 of 5
7 EØS-REGELVERKET BAGATELLMESSIG STØTTE Støtte til enkeltbedrifter vert gjeve etter reglane for bagatellmessig støtte. Enkeltbedrifter kan ikkje ha motteke meir enn 200 000 Euro (ca. NOK 1,5 millionar) i samla offentleg støtte i løpet av dei siste tre rekneskapsåra. Det skal opplysast i tilsegnsbrevet at støtta vert gjeve etter bagatellreglane. Bedrifter skal ved rapportering skrifteleg bekrefte kor mykje samla bagatellmessig støtte (frå kommunen, Innovasjon Norge og andre) den har motteke dei siste tre kalenderåra. 8 UTBETALING AV TILSKOT Løyving frå fondet skal som hovudregel vere nytta innan eitt år frå løyvingsdato. Omstillingsstyret v/prosjektleiar kan forlenge fristen med inntil eitt år etter grunngjeven søknad. Utbetaling av tilskot kan delast i to utbetalingar. Delutbetaling skal berre skje på grunnlag av dokumenterte utlegg og rapport der løyvingsmottakar syner til oppstart/resultat i samsvar med søknaden som er lagt til grunn for tilskotet. Ved oppmoding om sluttutbetaling skal det ligge føre eit prosjektrekneskap og ein skriftleg rapport over prosjektet. Rekneskapen skal kunne samanliknast med kostnadsoverslaget i søknaden, og vise korleis tilskotet er brukt. Prosjektrekneskapet skal vere attestert av revisor eller rekneskapsførar. Ved tilskot mindre enn kr 50 000 kan kravet til attestering erstattast av kopiar av rekneskapsbilaga. Sluttrapporten skal gje ei framstilling av kva tilskotet og prosjektet har bidrege til i form av utvikling og sysselsetting i bedrifta. Utbetalt støtte kan krevjast tilbakebetalt heilt eller delvis dersom verksemda, eigedomen eller utstyret vert selt eller flytta ut av Askvoll kommune innan 5 år rekna frå utbetalingsdato. 9 REKNESKAP, REVISJON OG ENDRING AV VEDTEKTER 9.1 Rekneskap og revisjon Rekneskapen for det kommunale næringsfondet vert førd av Askvoll kommune, og revidert av Kryssrevisjon. 9.2 Årleg vurdering av regelverket og rapportering Regelverket for næringsfondet skal vurderast mot retningslinjene frå fylkeskommunen og staten kvart år. Likeeins vurderast mot siste års erfaringar og mot kommunens vedtekne plan for næringsutvikling. Omstillingsstyret skal årleg sende rapport til Kommunestyret. Side 4 of 5
9.3 Søknad om løyving frå fondet skal sendast til: Askvoll kommune, Postboks 174, 6988 Askvoll eller på e-post: postmottak@askvoll.kommune.no Omstillingsstyret har styremøter om lag annan kvar månad. I tillegg må ein rekne ca tre vekers sakshandsamingstid. Vedtekne med tilbakevirkande kraft til 1. februar 2012 i kommunestyret 18. juni 2012, sak xxx/12. Side 5 of 5