PROTOKOLL FRÅ STYREMØTE I HELSE BERGEN HF STAD: Finstuen, Bikuben konferansesenter MØTETIDSPUNKT: 26.10.2016, kl. 10.00 14.00 Styremøtet var ope for publikum og presse DELTAKARAR FRÅ STYRET Svein Gjedrem Ivar Eriksen Bjørn Østbø Mona Hellenes Anne-Margrete Bollmann Arvid Langeland Geir Arne Sunde Irene Hopsdal Karen-Anne Stordalen Haakon Totland Leiar Internrevisjonen FORFALL Signy Midtbø Riisnes Nestleiar DELTAKARAR FRÅ ADMINISTRASJONEN Eivind Hansen Anne Sissel Faugstad Clara Gjesdal Kristin Pundsnes Mona Høgli Brit Pedersen Administrerande direktør Viseadministrerande direktør Viseadministrerande direktør Økonomi- og finansdirektør Kommunikasjonsdirektør Referent 1
Sak 79/16 A Godkjenning av innkalling og dagsorden Innkalling og dagsorden vart godkjent. Sak 80/16 A Godkjenning av protokoll frå styremøtet 31. august 2016 Protokollen vart godkjent med kommentarar frå møtet. Sak 81/16 O Administrerande direktør si orientering 1. Rapportering tilsynssaker Spørsmål til tilsynssak frå Statens strålevern vart svara på i møte. 2. Orientering om relevante lover, forskrifter og styremaktskrav Ingen kommentarar. 3. Oversikt over aktuelle høyringar Høyringssvar på «Prosjekt for Stord sjukehus i lys av føringane i Nasjonal helseog sykehusplan» vart ettersendt 26. oktober 2016. Administrasjonen vil legge høyringssvar som kan vere viktige for styre saman med styresakene med link til høyringsdokumentet. 4. Saker til oppfølging etter tidlegare styremøte Til Sak 72-16 frå styremøtet 28.09.16 Styring av felles eigde selskap regionalt og nasjonalt. Det er ynskjeleg at spørsmål om roller og habilitet også vert tatt opp på seminaret om dette temaet. 2
5. Svar på førespurnad om innspel om prehospitale tenester i Helse Bergen Styret stilte spørsmål om administrasjonen meinte situasjonen som vart beskrive i saka var tilfredsstillande, og vidare korleis føretaket vil arbeide med dette framover. Det vert kontinuerleg arbeidd for god kvalitet på dei prehospitale tenestene. I dette arbeidet er det viktig å sikre god dialog med kommunane også før det blir tatt sentrale avgjerdsler. Kommunar og sjukehuset har mellom anna felles underutval for medisinske akuttfunksjoner (UFAB). Dette er eit viktig organ der sentrale tema vert diskutert. For å nytte kapasiteten best mogleg må plassering av ambulansane og organisering av tenestene gjerast ut frå kor innbyggarane bur, ikkje ut frå kvar kommunegrensene går. Det må også arbeidast for å tydeleggjere kva ansvar kommunane har og kva som er spesialisthelsetenesta sitt ansvar. Det går føre seg eit nasjonalt arbeid om krav/tilrådingar når det gjeld prehospitale tenester. Styret ynskjer meir informasjon om prehospitale tenester med fokus på organisering, optimalisering og samarbeid med kommunane. Dette vil bli tatt opp på eit seminar. 6. Høyring: «Innføring av automatisk frikort for egenandelstak 2 og avvikling av sykdomslisten i fysioterapiordningen m.m.» Ingen kommentar 7. Aktuelle mediesaker Det vart orientert om saker frå media dei siste månadane som omhandla Helse Bergen. Styret bad om å bli orientert om utfordringar knytt til vold og truslar mot tilsette i sjukehuset i neste styremøte. 8. Endring i leiarstillingar Odd Storetvedt er tilsett som ny personal- og organisasjonsdirektør. Han byrjar i stillinga 1. januar 2017. Det går også føre seg ein prosess med tilsetjing av ny direktør for Hovud-hals klinikken, direktør for Revmatologisk avdeling og seksjonsleiar i Føretakssekretariatet. 3
Ny sak i møtet: 9. Reorganisering av sjukehusapoteka Det er i gang eit prosjekt for utgreiing av nasjonalt føretak for sjukehusapoteka. Helse Bergen vil kome med ein høyringsuttale i saka til Helse Vest RHF. Det er viktig at føretaka vert høyrde. Saka var oppe i styret i Helse Vest RHF i oktober 2016. Saka vart diskutert i møtet med fokus på følgjande tema: gevinstpotensiale, utfordringar, økonomi og medikamentkostnader, lokale leveransar, omstilling og erfaringar frå etablering av nasjonale selskap. Høyringssvaret til Helse Vest RHF vil bli lagt ved til neste styremøte. 10. Dialog om Bergen legevakt Helse Vest RHF har skrive brev til Bergen kommune med oppseiing av avtalen knytt til Bergen legevakt. Oppfølging: Styret ynskjer å bli gjort kjend med høyringssvar som kan vere viktige for styret. Styret ynskjer meir informasjon om prehospitale tenester med fokus på organisering, optimalisering og samarbeid med kommunane. Dette vert følgd opp i eit styreseminar. Styret bad om ei orientering om tema vold og truslar mot tilsettei neste styremøte. Arbeid med utgreiing av etablering av eit nasjonalt føretak for sjukehusapoteka styret vert orientert i neste styremøte. Styret i Helse Bergen tar meldingane til orientering. 4
Sak 82/16 O Rapport frå verksemda Innan somatisk sektor er aktiviteten høgare enn planlagt hittil i år. Døgnopphaldet totalt er om lag som i fjor og som budsjettert, Ø-hjelp døgnopphald noko høgare, medan elektive døgnopphald er lågare enn planlagt. DRG-indeksen er høgare enn i fjor, noko som tyder på at dei inneliggande pasientane treng ei meir krevjande behandling enn på same tid i fjor. Ein ser og ei vriding frå døgn-/dagopphald til polikliniske konsultasjonar, i tråd med justeringa i regelverket. Auken i poliklinikk er mykje større enn nedgangen i dagopphald. Hittil i år har 11.000 fleire fått behandling i dei somatiske poliklinikkane enn på same tid i fjor, det er 5.600 fleire enn planlagt. Det høge talet på polikliniske konsultasjonar og den auka DRG-indeksen gjer at inntekta er høgare enn budsjettert. Innan psykisk helsevern for vaksne er talet på opphaldsdøgn noko lågare enn planlagt hittil i år, medan det for dagbehandling er noko over det som er planlagt. Talet på polikliniske konsultasjonar er lågare enn planlagt. Ved psykisk helsevern for barn og unge har aktiviteten hittil i år vore noko høgare enn fjoråret, men lågare enn plan. Dette gjeld både for opphaldsdøgn og polikliniske konsultasjonar, medan talet på utskrivingar er noko høgare enn planlagt. Innan rusområdet er både talet på opphaldsdøgn og talet på polikliniske konsultasjonar lågare enn planlagt. Ventetidene har synt ei positiv utvikling siste året, og ventetidene ligg under dei nasjonale krava for alle område. Det økonomiske resultatet i september synte eit negativt budsjettavvik på kr. 6 mill. og hittil i år er det eit relativt lite negativt avvik. Både inntekter og kostnadar er høgare enn budsjettert. Det blir vurdert som realistisk å nå det budsjetterte resultatet for året totalt sett og årsprognosa er difor som budsjettert. I rapporten frå verksemda ser ein foreløpig ikkje synlege effektar av streiken. Det er grunn til å tru at effektane av steiken kan bli meir synlege i rapportane for dei neste månadene. Oppfølging: Styret ber om at utviklinga, utfordrignar og planar innan psykisk helsevern og rus vert tema på eit styreseminar. Styret tar saka til orientering. Sak 83/16 A Budsjett 2017 statsbudsjett 2017 Regjeringa presenterte 06.10.2016 framlegg til Statsbudsjett for 2017. Dette gir viktige premiss for rammene for Helse Bergen komande året. 5
Stortinget si handsaming av statsbudsjettet kan medføre endringar, og ein vil i Helse Bergen halde seg oppdaterte på dei politiske prosessane som kjem framover og gjere tilpassingar i budsjettet dersom det er trong for eller rom for det. Helse Vest RHF legg dei endelege budsjettpremissane for Helse Bergen. Det er dialog med Helse Vest om føresetnadane i statsbudsjettet, men føretaket har ikkje motteke oppdaterte premiss etter at Statsbudsjettet vart lagt fram. Det er lagt til grunn at budsjettprosessen for Helse Bergen blir gjennomført i samsvar med den planen som tidlegare er vedteken av styret. Det er ikkje endeleg avklart kvar anlegg for protonterapi skal etablerast. Styret i Helse Bergen tar saka om budsjett 2017 og Statsbudsjett 2017 til orientering. Sak 84/16 O Internkontroll for tryggare tenester Første halvår 2016 Helse Bergen, Haukeland universitetssjukehus har i første halvår 2016 hatt god framgang i arbeidet med kvalitet, pasienttryggleik og internkontroll. Innan internkontroll er det spesiell merksemd på interne systemrevisjonar og vidareutvikling av metoden Leiinga si gjennomgang. Meldekulturen og arbeidet med læring frå uønskte hendingar er totalt sett i god utvikling og i programmet for pasienttryggleik har arbeidet med alle etablerte innsatsområde starta opp. Styret tek meldinga Internkontroll for tryggare tenester Første halvår 2016 til orientering. Sak 85/16 A Overordna risikostyring 2016 2. tertialrapportering Helseføretaka skal årleg gjere risikovurdering av minimum 4 overordna styringsmål som skal følgjast særskild opp gjennom året. Helse Vest vil årleg definere minimum to av desse måla, som skal vere felles for sjukehusføretaka i regionen. Føretaka må sjølve definere minst to 6
eigne verksemdsspesifikke styringsmål (Reviderte Retningslinjer for risikostyring, styresak 134/13 B). Det er planlagt styresak om «Plan for internkontroll/internrevisjon i 2017 i Helse Bergen og i Helse Vest» til styremøtet i desember 2016. 1. Styret i Helse Bergen tar oppsummeringa av 2. tertial av overordna risikostyring i 2016 til orientering. 2. I tråd med «Retningslinjer for risikostyring i Helse Vest», vil styret få ei oppsummering av måloppnåinga for året som heilskap ved årsslutt. Sak 86/16 O Rapport og handlingsplan - Planlegging for gevinstrealisering i byggeprosjekt Internrevisjonen i Helse Vest har i april-mai 2016 gjennomført eit revisjonsprosjekt med formål å stadfeste at helseføretaka si planlegging av nye sjukehusbygg er tilstrekkeleg og hensiktsmessig for å kunne realisere forventa gevinstar. Totalt sett kjem Helse Bergen godt ut av revisjonen, ikkje minst på grunn av føretaket si bevisste program- og prosjektorganisering der fagutvikling, organisasjon og byggeprosjekta er tett kopla. Rapporten er vedlagt. Håkon Totland frå internrevisjon i Helse Vest presenterte saka i møtet. Revisjonen er gjort i samarbeid med KPMG i Bergen. Styret meinte at Helse Bergen som eigar av prosjekta må sørge for å ha fokus på realisering av gevinstane av nye bygg i heile prosjektprosessen, både under planlegging, undervegs og når bygga vert tatt i bruk. Det vart frå fleire i styret peika på at «nytte» i mange samanhengar er eit betre ord enn «gevinst». Oppfølging Styret ynskjer meir informasjon om prosjektstyring i Helse Bergen og orientering om aktuelle evalueringsrapportar. 7
Styret i Helse Bergen sluttar seg til handlingsplanen for «realisering av nytte» (gevinstrealisering) i byggeprosjekt. Sak 87/16 A Oppnemning av valstyre for val av tilsettrepresentantar i styret for Helse Bergen HF Styret i Helse Bergen HF skal ha fire styremedlemmer med fire varamedlemmer som skal veljast av og blant dei tilsette, ref. føretaksmøtet 20. februar 2014. Med utgangspunkt i dei partsforholda som gjeld, deltek styremedlemmer som er valde av og blant dei tilsette ikkje i behandling av saker som gjeld arbeidsgivar si førebuing til forhandlingar i arbeidskonfliktar, rettstvistar med arbeidstakarorganisasjonar eller oppseiing av tariffavtaler. mene blir oppnemnde for to år om gongen. Val av tilsettrepresentantar skjer annakvart år. Siste val av styremedlemmer valde av og blant dei tilsette var i februar 2015. Valstyret for val av tilsettrepresentantar i styret for Helse Bergen HF, for valet i 2017, skal ha følgjande medlemmer: Bjørn Grindheim, hovudtillitsvalt for NSF, Kirurgisk serviceklinikk leiar Eli Anne Moldeklev, konsulent i Personal- og organisasjonsavdelinga - nestleiar Anne Randi Skirbekk, konstituert personal- og organisasjonsdirektør, Helse Bergen HF Funksjonsperioden til valstyret er fram til at valet i 2017 er gjennomført og godkjent. Sak 88/16 O Styret si eigenevaluering Saka vart utsett til neste møte. Sak 89/16 Eventuelt Ingen saker var meldt til eventuelt. 8
Møtet vart lukka med heimel i offentleglova 23 1. ledd Styret slutta seg til at sak 90/16 vart handsama i lukka møte. Sak 90/16 O Oppfølging etter arbeidskonflikt Sjå eigen protokoll. Skriv og meldingar 1. Protokoll frå styremøtet i Helse Vest RHF 7.9.2016 2. A. Kostnadsutvikling for legemidler finansiert av helseforetakene 3. B. Vedlegg kostnadsutvikling for legemidler finansiert av helseforetakene. 9
Dato 26. oktober 2016 Svein Gjedrem Styreleiar Signy Midtbø Riisnes Nestleiar Ivar Eriksen Bjørn Østbø Mona Haugland Hellesnes Ann-Margrete Bollmann Arvid Langeland Karen-Anne Stordalen Irene Hopsdal Geir Arne Sunde 10