Fylkesmannen i Møre og Romsdal atab

Fylkesmannen i Møre og Romsdal atab Vår dato 30.10.2014 2014/5803/FMMRTHAU/461.5 Saksbehandlar, innvalstelefon Dykkar dato Dykkar ref. Overingeniør Thomas Aurdal, Vår ref. Geir Øye AS Nesjestranda 6456 Skåla Løyve til mudring ved Seterøya i Sandøy kommune Fylkesmannen i Møre og Romsdal har ferdigbehandla søknaden frå Geir Øye AS, og gjev løyve til mudring på Seterøya i Sandøy kommune. Løyve med vilkår er vedlagt. Løyvet er gyldig frå 01.11.2014 til 31.05.2015. Vi viser til søknad datert 14.10.2014 om løyve til mudring og utfylling ved Seterøya i Sandøy kommune. Løyve til mudring skal alltid søkast hos fylkesmannen, men bruk av muddermassar til utfylling godkjent etter plan- og bygningslova er ikkje søknadspliktig etter forureiningslova så lenge det ikkje er mistanke om at massane er forureina. Vedtak Fylkesmannen i Møre og Romsdal gjev med dette Geir Øye AS løyve til mudring ved eigedomane med gnr3 bnr10 og bnr26 på Seterøya i Sandøy kommune. Løyvet er gitt med heimel i lov av 13.03.1981 om vern mot forureining og om avfall (forureiningslova) 11, jf. 16. og i medhald av forskrift av 01.06.2004 om reduksjon av forureining (forureiningsforskrifta) 22-6. Fylkesmannen har ved avgjerda om vi skal gi løyve eller ikkje, og ved fastsetting av vilkåra, lagt vekt på korleis naturmiljøet i området vil verte belasta av tiltaket, og på fordeler som tiltaket elles vil medføre. Det er satt vilkår for løyvet. Løyve med vilkår er vedlagt dette brevet. Løyve til verksemd etter forureiningslova kan ikkje nyttast før det er gitt nødvendige løyver etter plan- og bygningslova og lov om hamner og farvatn, og tiltaket har vorte klarert etter kulturminnelova. Det kan gjerast endringar i dette løyvet i medhald av forureiningslova 18. Endringane skal vere basert på skriftleg saksbehandling og forsvarleg utreiing av saken. Ein eventuell søknad om endring må difor føreliggje i god tid før endringa ynskjast gjennomført. Desse løyva til forureinande verksemd gjev ikkje fritak frå erstatningsansvar for skade og ulempe eller tap forårsaka av forureining, jf. forureiningslova 56. Brot på løyva er straffbart etter forureiningslova 78 og 79. Postadresse: Fylkeshuset 6404 Molde Telefon: 71 25 84 43 Telefax: 71 25 85 10 E-post: postmottak@fmmr.no Web: www.fylkesmannen.no

side 2 av 5 Bakgrunn Geir Øye AS skal gjennomføre mudring på Seterøya i Sandøy kommune for å utvikle to hamner. På den sørvestlege delen av øya, ved eigedomen med gnr3 bnr26, skal det både mudrast og fyllast ut for å lage molo. Dei mudra massane i dette området skal brukast til å lage molo, men også til planering av naustområde. På den søraustlege delen av øya, ved eigedomen med gnr3 bnr10, skal det ikkje lagast molo, men det skal gjennomførast mudring. Dei mudra massane skal her brukast til planering av nausttomter. Det skal mudrast ned til eit djup på opp til 2 meter ned i sedimenta, og det er om lag 1 600 m 3 med massar som skal mudrast. Botnen har vorte skildra som beståande av sand, stein og berg. Det har ikkje vorte gjort miljøundersøkingar i området. Høyring Sandøy kommune, Kystverket og naboar har vorte varsla om tiltaket. Dei ga ingen merknadar, og tiltaket er i tråd med gjeldande reguleringsplan for området. Fylkesmannen har vore i kontakt med Fiskeridirektoratet og NTNU vitenskapsmuseet, som også ga sin godkjenning til tiltaket. Vurderingar frå Fylkesmannen I følgje Lov 13. mars 1981 om vern mot forureining og om avfall (forureiningslova) 7 er det ikkje lov å sette i verk noko som kan medføre fare for forureining. Forureiningsmyndighetene kan gje løyve til verksemd som kan føre til forureining etter 11 i same lov. Mudring i sjø er regulert av forureiningsforskrifta, kapittel 22. Mudring i sjø er i utgangspunktet ikkje lov, men etter søknad kan det likevel gjevast løyve til slik aktivitet i medhald av 22-6. I forureiningslova 11 opnast det for at forureiningsmyndigheta kan gje særskilt løyve til forureinande tiltak. Fylkesmannen i Møre og Romsdal er av den oppfatning at det ikkje er grunn til mistanke om at sjøbotnen er forureina i området som skal mudrast, og at det dermed ikkje er risiko for spreiing av miljøgifter ved dette tiltaket. Ved avgjerda om det skal gjevast løyve eller ikkje, har vi lagt vekt på eventuelle negative konsekvensar tiltaket kan ha for naturmiljøet og forureiningssituasjonen i området, og på dei fordelane og ulempene tiltaket elles vil gje, jf. forureiningsloven 11, ledd 5. Det har også blitt gjort ei vurdering av tiltaket etter plan- og bygningslova. I forureiningslova 11, ledd 4, står det følgjande: «Hvis virksomheten vil være i strid med endelige planer etter plan- og bygningsloven, skal forurensningsmyndigheten bare gi tillatelse etter forurensningsloven med samtykke fra planmyndigheten». Myndigheta for plan- og bygningslova er kommunen. Sandøy kommune har gitt sin godkjenning til tiltaket, og tiltaket er i tråd med reguleringsplanen for området. Tiltaket har vorte vurdert etter Lov om forvaltning av naturens mangfold (naturmangfaldlova) 8-12. Vurderinga til Fylkesmannen har tatt utgangspunkt i den kunnskapen om naturmangfaldet i området som finnast i miljøvernavdelinga til Fylkesmannen, jf. 8 om kunnskapsgrunnlaget. Fylkesmannen har også brukt tilgjengeleg informasjon i nettbaserte databaser (Naturbase, Vann-Nett, Mareano og kartverktøyet til Fiskeridirektoratet). Fylkesmannen meiner difor at den føreliggjande kunnskapen er tilstrekkeleg til å behandle søknad om løyve i denne saken, jf. 8 i naturmangfaldlova.

side 3 av 5 I databasen til Miljødirektoratet (Naturbasen) er det ikkje registrert nokon verdifulle naturressursar i nærleiken til tiltaksområdet. Heller ikkje i kartverktøyet til Fiskeridirektoratet er det registrert nokon naturressursar i området. Naturtypen på Seterøya er registrert som kystlynghei, men tiltaket forventast ikkje å ha nokon negativ innverknad på denne. Naturreservatet Lyngholman ved Finnøya er viktig som hekkeplass, beiteplass og overvintringsplass for mange vadefuglar og andre fuglar. Avstanden mellom naturreservatet og tiltaksområdet er på nærare 2 km, og det er derfor ikkje rimeleg å anta at tiltaket vil føre til noen forstyrringar av dyrelivet der. Fordi det ikkje har vorte gjort undersøkingar av naturmangfaldet i området finn fylkesmannen det naturleg å leggje vekt på føre-var-prinsippet i denne saka, jf. 9 i naturmangfaldlova. Dette prinsippet vart tatt med i vurderinga då vilkåra til løyvet vart satt. Tiltaket skal utførast i vassførekomsten Landmel, som i databasen Vann-Nett har antatt god økologisk tilstand mens den kjemiske tilstanden ikkje er definert. Nye inngrep i ein vassførekomst kan, ifølgje Forskrift om rammer for vannforvaltningen (vassforskrifta), normalt ikkje utførast dersom tiltaket vil føre til ein reduksjon av den økologiske statusen til vassførekomsten. Fylkesmannen meiner at tiltaket med mudring og utfylling ikkje vil medføre nokon risiko for at den økologiske tilstanden i området vert redusert. I følgje 10 i naturmangfaldlova skal ein påverknad av eit økosystem alltid vurderast ut ifrå den samla belastninga som økosystemet vert utsatt for. Alt i alt er Fylkesmannen av den oppfatning at tiltaket ikkje vil gje noko betydeleg bidrag til den samla belastninga på naturmangfaldet i området dersom dei vilkåra som følgjer med løyvet vert oppfylt. Etter 11 i naturmangfaldlova skal tiltakshavar dekke kostnadane ved å hindre eller redusere eventuell skade på naturmangfaldet i eit tiltaksområde, dersom dette ikkje vert sett som urimeleg med utgangspunkt i karakteren til tiltaket og den eventuelle skaden. Dette inneber at tiltakshavar kan påleggjast å betale for miljøundersøkingar og kartlegging av naturmangfaldet i tiltaksområdet for å skaffe eit større kunnskapsgrunnlag, og at det kan gjevast pålegg om å sette i verk avbøtande tiltak som skal redusere skadane, eller risikoen for skade, på miljøet. Fordi det ikkje er grunn til mistanke om at sjøbotnen der det skal mudrast og fyllast ut er forureina, og fordi ingen spesielle naturverdiar har vorte registrert i området, vert ikkje tiltakshavar pålagt å gjennomføre omfattande avbøtande tiltak eller miljøundersøkingar. Fylkesmannen finn det likevel rimeleg at tiltakshavar får gjennomført, og dekka eventuelle kostnadar av, dei mindre miljøtiltaka som vert skildra i løyvet. Grunnlag for eit slikt pålegg kan også finnast i 12 i naturmangfaldlova der det settast krav til bruk av miljøforsvarlege teknikkar og driftsmetodar for å unngå eller redusere skadar på naturmangfaldet. Konklusjon Fylkesmannen i Møre og Romsdal gjev løyve til mudring og utfylling av massar etter gitte vilkår. På bakgrunn av desse vilkåra meiner Fylkesmannen at tiltaket ikkje vil gje forureining eller redusere den biologiske og økologiske funksjonen i området. Løyvet vil vere gyldig frå 01.11.2014 til 31.05.2015.

side 4 av 5 Erstatningsansvar Løyvet fritek ikkje for erstatningsansvar for forureiningsskade etter forureiningslova 10 og kapittel 8. Klagemoglegheiter Vedtaket kan klagast inn til Miljødirektoratet etter reglane i kapittel VI i forvaltningslova, av partane i saken eller andre med rettsleg klageinteresse innan tre veker etter at avgjerda er mottatt. Eventuell klage skal angje kva det klagast over og den eller dei endringar som ynskjast. Klagen skal grunngjevast, og opplysningar som kan ha innverknad på saken bør vere nemnd. Dersom det blir klaga på vedtaket, kan Fylkesmannen eller Miljødirektoratet etter førespurnad vedta at vedtaket ikkje skal tre i kraft før klagen er endeleg avgjort, jf. 42 i forvaltningslova. Klagen skal sendast via Fylkesmannen. Eventuell klage fører ikkje automatisk til at iverksettinga av vedtaket vert utsatt. Fylkesmannen eller Miljødirektoratet kan etter oppmoding eller av eiga initiativ avgjere at vedtaket ikkje skal settast i gang før klagefristen er ute eller klagen er avgjort. Avgjerda av spørsmålet om igangsetting kan ikkje klagast på. Gebyr Kystverket skal betale eit gebyr på kr 20 600 for Fylkesmannen i Møre og Romsdal si behandling av søknaden, jf. Forskrift om begrensning av forurensning av 01.06.20014 kapittel 39 om gebyr til statskassa for arbeid med løyve og kontroll etter forureiningslova. Saksbehandlinga knytt til behandling av søknaden er plassert i gebyrsats 4, jf. forureiningsforskrifta 39-4. Faktura med innbetalingsblankett ettersendast frå Miljødirektoratet. Det kan klagast på storleiken til gebyret innan tre veker. Gebyret skal likevel betalast innan fristen. Dersom klagen får medhald vil det overskytande beløpet bli tilbakebetalt. Klage på storleiken skal føreleggjast Miljødirektoratet, men sendast via Fylkesmannen i Møre og Romsdal. Offentleggjering av løyvet Vedtaket skal gjerast offentleg kjend, jf. 36-11 i forskrift om reduksjon av forureining. Den som har fått løyve, skal så snart som mogleg kunngjere dette i dagspressa. Kunngjeringa skal innehalde ei kort orientering om løyvet, informasjon om kvar ein kan få innsyn i saksdokumenta, og opplysningar om klageinstans og frist for eventuell klage på vedtaket. Kopi av kunngjeringa skal sendast til Fylkesmannen i Møre og Romsdal innan ein månad etter at løyvet er gitt. Eit forslag til kunngjeringstekst er vedlagt. Bedrifta kan gjerne nytte sin eigen logo i kunngjeringa. Fylkesmannens logo skal ikkje nyttast. Fylkesmannen vil også kunngjere vedtaket på sine nettsider www.fmmr.no under «Forureining» og «kunngjeringar».

side 5 av 5 Fristar Løyvet skal kunngjerast i dagspressa så snart som mogleg Det skal gjevast melding til Fylkesmannen i møre og Romsdal når arbeidet startar opp Rapport skal sendast til Fylkesmannen innan 6 veker etter at arbeidet er fullført Løyva vil vere gyldige frå 01.11.2014 til 31.05.2015. Med helsing Anne Melbø (e.f.) fagansvarleg Thomas Aurdal overingeniør Dokumentet er elektronisk godkjent og har ingen signatur. Vedlegg: 1) Løyve til mudring Kopi: Sandøy kommune Harneshaug 6487 Harøy

Løyve for Geir Øye AS til mudring ved Seterøya i Sandøy kommune Løyvet er gitt i medhald av lov av 13.3.1981 om vern mot forureining og om avfall (forureiningslova) 11 og i medhald av forskrift av 1.6.2004 om reduksjon av forureining (forureiningsforskrifta) kapittel 22 om mudring og dumping i sjø og vassdrag. Det er satt vilkår etter forureiningslova 16. Løyvet kan ikkje nyttast før det også er gitt løyve etter plan- og bygningslova, og etter lova om hamner og farvatn. Tiltaket må også vere klarert etter kulturminnelova. Løyvet er gyldig i perioden 01.11.2014 til 31.05.2015. Bedrifta må på førehand avklare skriftleg med Fylkesmannen i Møre og Romsdal dei endringar ein ynskjer å foreta i forhold til opplysningar gitt i søknad eller under saksbehandling, som kan ha innverknad på miljøet. Bedriftsdata: Bedrift Geir Øye AS Beliggenhet/gateadresse Nesjestranda Postadresse Postboks 6456 Skåla Organisasjonsnummer (bedrift) 947 540 912 Lokalitet for tiltaket To lokaliteter ved Seterøya i Sandøy kommune Euref 89, UTM sone 32 for tiltaket Lokalitet 1: nord: 6967267 øst: 374435 Lokalitet 2: nord: 6967030 øst: 374113 Gards- og bruksnummer for tiltaket Lokalitet 1: gnr3 bnr10 Lokalitet 2: gnr3 bnr26 Kommune tiltaket utføres i Sandøy Saksnummer Anleggsnummer Løyvenummer 2014/5803 1546.0030.01 2014.453.T Løyve gitt: 30.10.2014 Endringsnummer: - Sist endra: - Anne Melbø (e.f.) fagansvarleg Thomas Aurdal overingeniør Dokumentet er elektronisk godkjent og har ingen signatur.

1. Virkeområde for løyvet Løyvet omfattar mudring av om lag 1 600 m 3 med massar ved to forskjellige lokalitetar ved Seterøya i Sandøy kommune. Den eine lokaliteten ligg på den søraustlege delen av øya ved eigedomen med gnr3 bnr10, mens den andre lokaliteten ligg på den sørvestlege delen av øya ved eigedomen med gnr3 bnr26. Det skal mudrast ned til eit djup på om lag 2 meter i sedimenta. Dei mudra massane skal nyttast til å lage molo (utfylling), og til å planere naustområde. 2. Generelle vilkår 2.1 Tiltaket må gjennomførast som angitt i søknaden datert 14.10.2014 dersom ikkje noko anna er skrevet i løyvet eller andre vedtak, eller på ein annan måte er avklart med Fylkesmannen i Møre og Romsdal. 2.2 Vilkåra til forureiningsmyndigheta skal ikkje vere til hinder for at andre myndigheter kan stille krav med heimel i anna lovgjeving. 2.3 Tiltakshavar er ansvarleg for at vilkåra i løyvet vert oppfylt. Tiltakshavar er forplikta til å orientere vedkommande som skal gjennomføre tiltaka om dei vilkåra som gjeld, og om dei restriksjonane som er lagt på arbeidet. 2.4 Forureiningsmyndigheta, eller den forureiningsmyndigheta har gitt fullmakt, skal til ei kvar tid ha moglegheit til å komme inn på området for inspeksjon. 2.5 Fylkesmannen kan oppheve eller endre vilkåra i løyvet, sette nye vilkår, og dersom det er naudsynt trekke løyvet tilbake, dersom vilkår gitt etter forureiningslova 18 er til stede. Fylkesmannen har på same grunnlag rett til, på eit kvart tidspunkt, å stoppe arbeidet. 2.6 Dersom det viser seg at dei miljøbeskyttande tiltaka som har vorte pålagt ikkje fungerer slik som dei var ment å fungere, kan den ansvarlege med ein gong verte pålagt å sette i gang ytterlegare tiltak. 2.7 Ved mistanke om funn av kulturminne undervegs i arbeidet skal arbeidet stansast og sjøfartmuséet i Bergen kontaktast.

3. Beredskap og varsling 3.1 Tiltakshavar skal utan opphald varsle Fylkesmannen om alle unormale forhold som har, eller kan få innverknad på forureiningssituasjonen eller på naturmiljøet. 3.2 Ved akutt forureining eller fare for akutt forureining som følgje av verksemda, skal den ansvarlege varsle i følgje forskrift av 09.07.1992 om varsling av akutt forurensning eller fare for akutt forurensning. Melding om akutt forureining gjerast til brannvesenet, telefon: 110. Kystverket har 24 timer med vaktberedskap (telefon 07847) og får meldingar frå brannvesenet om akutt forureining. 4. Mudring og utfylling 4.1 Fylkesmannen skal varslast når arbeidet startast opp. 4.2 Tiltaket skal utførast i tråd med avgrensa område som vist i kartvedlegg til søknaden. 4.3 Det skal brukast metodar under arbeidet med mudring og utfylling som minimerer faren for forureining og spreiing av sediment. 4.4 Klarheta i vatnet under både mudringa og utfyllinga må haldast under oppsikt, dette for å unngå at større mengder sediment spreiast og gjev tilgrising av naturmiljøet. Dersom svært mykje sediment vert virvla opp, må arbeidet stansast midlertidig, og det kan ikkje startast opp igjen før klarheta er tilbake på eit akseptabelt nivå. 4.5 Tiltaket skal utførast under rolege vind- og bølgjeforhold for å unngå uheldig spreiing av sediment. 4.6 Arbeidet bør utførast i vinterhalvåret (mellom 15. september og 15. mai), så sant dette er praktisk mogleg. 5. Rapportering Det skal sendast sluttrapport til Fylkesmannen innan 6 veker etter at anleggsarbeidet er avslutta. Rapporten skal innehalde ei kort skildring av arbeidet med mudring og utfylling og av kva som er gjort for å hindre uheldig spreiing av sediment og belastning på naturmiljøet.

Løyve til mudring ved Seterøya i Sandøy kommune Geir Øye AS har fått løyve til mudring ved to forskjellige lokalitetar ved Seterøya i Sandøy kommune. Hensikta med tiltaket er å utvikle hamner, ei på den søraustlege delen av øya og ei på den sørvestlege delen av øya. Dei mudra massane, om lag 1.600 m 3, skal nyttast til å lage molo, og til planering av naustområde. Massane er antatt å vere reine då det ikkje har vore industri i dette området før. Løyvet vil vere gyldig frå 01.11.2014 til 31.05.2015. Vedtaket er kunngjort, og kan lesast i sin heilhet, på nettsidene til Fylkesmannen, www.fmmr.no, under «Forureining» og «kunngjeringar».