HANDLINGSPLAN REGIONALT FORSKINGSFOND VESTLANDET 2010 2011 Vedtatt av styret i møte 16 april 2010 I tråd med felles bestillingsbrev fra deltakerfylkeskommunene sørge for at det utarbeides en overordnet handlingsplan (to til fire års varighet) som rulleres årlig. Handlingsplanen skal prioritere bruken av fondsmidlene med hensyn til tematikk, målgrupper og vektlegging av de ulike søknadstypene. Handlingsplanen skal oversendes deltakerfylkene til orientering frå Kunnskapsdepartementet sine Retningslinjer for Regionale forskningsfond Besøksadresse: Agnes Mowinckelsg gate 5 - Postadresse: boks 7900. 5020 Bergen - Telefon 55 23 93 06 - Bankgironr. 5201 06 74239 - Foretaksnr. NO 938 626 367 mva.
1 OVERORDNA FØRINGAR 1.1 Formålet med regionale forskingsfond Kunnskapsdepartementet har fastsett at formålet med regionale forskingsfond er å Styrke forsking for regional innovasjon og regional utvikling Mobilisere til auka FoU-innsats i regionane Bidra til auka forskingskvalitet og utvikling av gode og konkurransedyktige FoUmiljø i regionane Skape utviklings- og læringsarenaer der regionale erfaringar kan verte drøfta i relasjon til nasjonal og internasjonal kunnskap og aktivitet. Sørgje for tett samspill mellom aktivitet i regionane og deira relasjon til andre nasjonale og internasjonale programmer og aktivitetar 1.2 Regional politisk bestilling Fylkestinga i Hordaland, Rogaland og Sogn og Fjordane vedtok alle i oktober 2009 ei bestilling til styret for Regionalt forskingsfond Vestlandet. Denne bestillinga er grunnlaget for handlingsplanen. Dei viktigaste føringane er referert under. 1.3 Forsking innan prioriterte Vestnorske tema Fylkestinga på Vestlandet ønskjer å medverke til bærekraftig og kunnskapsbasert utvikling av særlege vestnorske ressursar, med vekt på 1 Energi og maritim sektor, 2 Bærekraftig matproduksjon - grøn og marin sektor 3 Reiseliv 4 Offentlege utviklingsoppgåver på Vestlandet, med vekt på tema som A) Offentleg regional arbeid med næringsutvikling og omstilling B) Riktig kompetanse C) Klimatilpassing og samfunnsberedskap D) Regionalt ansvar for folkehelse E) Fornying av offentleg sektor Det er fremja ei rekke konkrete forslag til forskingstema knytt til kvart område. 1.4 Nokre tematiske tilleggsfokus Frå fylkestinget i Sogn og Fjordane vart det i tillegg ønske om fokus på a) Forsking kring landbruket sine samfunnsmessige oppgåver knytt til produksjon av både mat, kulturlandskap og samfunnsgode som til dømes betyr mykje for reiseliv og b) Politikkutforming som gjev vederlag for produksjon av fellesgodar. Frå fylkestinget i Hordaland vart det i tillegg vedteke eit ønske om ei forsterka prioritering av forsking på kompetanse og kompetanseutvikling, Klimaforsking og Næringslivsforsking. Desse er vurdert i arbeidet med handlingsplanen. 1.5 Prioritering av søknadstype Ordninga med Regionale forskingsfond er knytt til eit sett med søknadstypar. Fylkestinga rår til at ein dei første åra særleg legg vekt på å nytte seg av a) Regional kvalifiseringsstønad forprosjekt b) Regionale bedriftsprosjekt og c) Regionale offentlege prosjekt Fylkestinga vurderer det vidare slik at ordninga med Regionale problemstillingar i nasjonale program er interessant å vurdere der det er klare regionale problemstillingar som ikkje når fram i dei nasjonale forskingsprogramma. Fylkestinga rår vidare til at ein skal nytte ordningane Regionale forskarprosjekt og Regionale instituttprosjekt med varsemd den første tida. Dei prioriterte søknadstypane er nærare omtala i handlingsplanen. 1.6 Om handlingsplanen Handlingsplanen gjeld for perioden 2010 2011. Det er føresett ei årleg rullering. 2010 er første år med ordninga, og erfaringane herfrå vil derfor få stor verknad for seinare planlegging. Som ei følgje av dette gir handlingsplanen få detaljerte føringar for 2011 2
2 FONDSAVSETNING OG BUDSJETTRAMME Ordninga med regionale forskingsfond skal finansierast gjennom avkastninga frå ei fondsavsetning på 6 milliardar kroner som Stortinget vedtok i Statsbudsjettet for 2009. Gjennom statsbudsjetta vil Stortinget årleg fastsette summen som kvart forskingsfond kan disponere.. 2.1 Disponibelt beløp i 2010 Disponibelt beløp for Regionalt forskingsfond Vestlandet i 2010 er kr. 29.787.000. Av desse er 10 % avsett til administrasjon av fondsarbeidet. Dette er i tråd med ramma for midlar til administrasjon fastsett i Statsbudsjettet. I tillegg kjem høve til å konkurrera om midlar frå den nasjonale 15% potten, som Statsbudsjettet for 2010 fastsett til å vere kr 27.050.000. 2.2 Utlysinga i 2010 Regionalt forskingsfond Vestlandet vil ha ei hovudutlysing i 2010 med søknadsfrist 2 juni 2010. Utlysinga blir publisert 21 april 2010 på www.regionaleforskningsfond.no/vestlandet. Utlysinga i 2010 er første runde med regionale forskingsfond, og det er usikkert kor mange kvalifiserte søknader som vil kome inn. Styret vil derfor halde opent for ein mulig ny søknadsrunde til hausten 2010. Styret vil i 2010 vere fleksible i spørsmålet om fordeling av midlar. Dersom det er mange gode søknader innan ein søknadstype eller tema vil styret fokusere denne og i staden redusere stønad til eit anna tema eller søknadstype. Er det få gode søknader kan styret for fondet velje å overføre midlar mellom budsjettår. Det er også foreslått å halde noko midlar igjen for overføring til 2011 for slik å kunne styrke satsinga målretta på bakgrunn av erfaringane frå første år med ordninga. Styret vil vurdere samla tildeling av midlar i 2010 etter første søknadsrunde. Det er gjort ei slik første budsjettering av midlane i fondet: Budsjett 2010 Utgifter Finansiering KD Ikkje disponert i fond Sum Til utlysing i 2010 25.000.000 29.787.000 Overført frå 2010 2.000.000 Renter avsetning - Til seinare bruk 2.000.000 Administrasjon (10%) 2.787.000 Sum 29.787.000 29.787.000 2.000.000 3 SØKNADSTYPAR Regionale forskingsfond kan nytte eit sett med søknadstypar som er utarbeidd i samarbeid med Noregs forskingsråd og sidan fastsett av Kunnskapsdepartementet. Det er opp til kvart fond å velje mellom søknadstypane. Regionalt forskingsfond Vestlandet vil i 2010 i hovudsak lyse ut midlar innan tre søknadstypar. Desse er nærare omtala under: 3.1 Regional kvalifiseringsstøtte - forprosjektmidlar Målet med kvalifiseringsstøtte er å utvikle FoU-prosjekt som kan kvalifisere til vidare støtte frå relevante ordningar. Målgruppe for kvalifiseringsstøtte er bedrifter, offentlig verksemder, einkeltforskarar og FoU-institusjonar. Typiske kjenneteikn ved Regional kvalifiseringsstøtte vil være: Støtte gis for en periode på inntil 12 månader. Kostnader som normalt gir grunnlag for støtte er relevante prosjektkostnader som personalkostnader, kjøp av FoU-tenester og andre relevante kostnader. 3
Prosjektansvarleg og eventuelle samarbeidspartnarar finansierer meir enn 50% av prosjektkostnadene. Ingen utstyrskostnader vert dekka. Prosjekter med fleire SMB-bedrifter som samarbeider med FoU-miljø vil bli prioritert. Forholdet mellom kvalifiseringsstønad og stønad til forskingsprosjekt Regionalt forskingsfond Vestlandet vil i 2010 invitere breitt til søknad om regional kvalifiseringsstønad. Ordninga er lagt opp som ei forprosjektfinansiering. Det vert lyst ut regional kvalifiseringsstønad innan alle deltema som er prioritert av fylkestinga under hovudtema a) mat, b) energi/maritim eller c) offentlege utviklingsoppgåver (sjå under). Dette gjeld dermed også dei deltema som ikkje er prioritert for utlysing i 2010 (f eks Nye artar for oppdrett ). Ei tilsegn om kvalifiseringsstønad gir grunnlag for å arbeide vidare med søknad om hovudprosjekt inn mot det regionale forskingsfondet eller andre forskingsprogram. Eit delområde som ikkje er prioritert av Regionalt forskingsfond Vestlandet i 2010 kan bli del av handlingsplanen og utlysinga i 2011. Slik ønskjer styret med relativt låg terskel å invitere til vidareutvikling av regionalt interessante idear for komande prosjekt. Styret vil følgje nøye med på søknadane om kvalifiseringsstønad/forprosjekt når ein startar arbeidet med komande handlingsplanar og utlysing. Det er likevel ikkje lovnad om at løyving til forprosjekt løyser ut midlar til søknad om hovudprosjekt. Det vil kunne bli gitt inntil kr. 200.000 i stønad per prosjekt. Meir informasjon om søknadstypen på www.regionaleforskningsfond.no/vestlandet 3.2 Regionale bedriftsprosjekt Regionale bedriftsprosjekt skal styrke FoU-aktiviteten i bedrifter innanfor fondet sine prioriterte satsingsområde. Målgruppene er enkeltbedrifter med FoU-erfaring, enkeltbedrifter i samarbeid med FoU-institusjonar, konsortium av bedrifter eller konsortium av bedrifter i samarbeid med FoU-institusjonar. Regionale bedriftsprosjekt skal ta utgangspunkt i strategisk viktige problemstillingar for bedrifter og utløyse FoU-aktivitet som spesielt bidrar til forskingsdriven innovasjon og bærekraftig verdiskaping. Bedriftene som søker, må på fritt grunnlag kunne velje kva FoU-miljø de ønskjer å samarbeide med, uavhengig av geografisk plassering. Typiske kjenneteikn ved Regionale bedriftsprosjekt er: Prosjekt av 1-3 års tidslengde. Prosjektansvarlig er ei bedrift lokalisert innanfor fondets geografiske område Fortrinnsvis to eller fleire deltakarar per prosjekt. Gjennomføres fortrinnsvis i samarbeid med eit FoU-miljø. Prosjektansvarleg og eventuelle samarbeidspartnarar finansierer meir enn 50% av prosjektkostnadene. Kostnader som normalt gir grunnlag for støtte er relevante prosjektkostnader som personalkostnader, kjøp av eksterne FoU-tjenester, eitt eller fleire stipend og direkte prosjektutgifter. Prosjekter med fleire SMB-bedrifter som samarbeider med FoU-miljø vil bli prioritert. Bedriftsprosjekta skal, dersom mulig verte finansiert saman med SkatteFUNN-ordninga. Det vil også være ein fordel om søkjer legg til rette for å nytte Næringsphd-ordninga til Forskingsrådet. Søknadsskjema, krav og vurderingskriterium elles tek utgangspunkt i retningslinene for Brukarstyrte innovasjonsprosjekt (BIP) i Forskingsrådet. Godkjende prosjekt vil kunne få inntil i stønad. Meir informasjon om søknadstypen på www.regionaleforskningsfond.no/vestlandet 4
3.3 Regionale offentlige prosjekt Regionale offentlige prosjekter skal utløyse og styrke FoU-aktivitet i offentlege verksemder innanfor fondet sine prioriterte satsingsområde. Målgruppene er offentlege verksemder innan fondsregion Vestlandet og FoU institusjonar uavhengig av geografisk lokalisering. Regionale offentlige prosjekter skal ta utgangspunkt i strategisk viktige problemstillingar for offentlige verksemd i regionen og utløyse FoU-aktivitet som spesielt bidrar til forskingsdrevet innovasjon. Verksemdene som søker, må på fritt grunnlag kunne velje kva FoU-miljø dei ønskjer å samarbeide med, uavhengig av geografisk plassering. Typiske kjenneteikn ved Regionale offentlige prosjekter er: Prosjekt av 1-3 års tidslengde. Prosjektansvarlig er eit FoU miljø uavhengig av geografisk plassering eller ei offentleg verksemd lokalisert innanfor fondet sitt geografiske område. Dersom prosjektansvarleg er eit FoU miljø skal det alltid vere etablert eit samarbeid med ei offentleg verksemd lokalisert innanfor fondet sitt geografiske område Fortrinnsvis to eller fleire deltakarar per prosjekt. Gjennomføres fortrinnsvis i samarbeid med et FoU-miljø. Prosjektansvarlig og eventuelle samarbeidspartnarar finansierer meir enn 40 % av prosjektkostnadene. Kostnader som normalt gir grunnlag for støtte er relevante prosjektkostnader som personalkostnader, kjøp av eksterne FoU-tenester, eitt eller fleire stipend og direkte prosjektutgifter. Krav og vurderingskriterium elles tek utgangspunkt i retningslinene for Brukarstyrte innovasjonsprosjekt (BIP) i Forskingsrådet, men spesielt tilpasset verksemder i offentleg sektor. Godkjende prosjekt vil kunne få inntil i stønad. Meir informasjon om søknadstypen på www.regionaleforskningsfond.no/vestlandet 4 TEMATISKE PRIORITERINGAR FOR UTLYSING AV MIDLAR Styret i Regionalt forskingsfond Vestlandet har innan ramma av fylkestinga si bestilling valt å gi følgjande prioritering for utlysing av midlar for 2010 og 2011 4.1 Hovudføringar i prioritering av tema Styret i Regionalt forskingsfond Vestlandet vurderer det slik at ein skal prioritere eit relativt avgrensa tal tema kvart år, og at kvart finansiert forskingsprosjekt skal kunne gi ny kunnskap om viktige forskingsutfordringar på Vestlandet. Første år skal løyvingar frå fondet i hovudsakleg gå til a) Regional kvalifiseringsstønad forprosjektmidlar som kan få fram gode problemstillingar for komande forskingssøknader. Det bør også vere fokus på å bygge relasjonar og knyte band mellom ulike miljø for å styrke forskingsinnsatsen. b) Regionale bedriftsprosjekt og regionale offentlege prosjekt med vekt på Vestnorske problemstillingar. Det vert vidare vurdert som viktig at Regionalt forskingsfond Vestlandet skal framstå med sjølvstendig identitet og med fokus på eigne saker og tema. Fondet skal ikkje ha preg av å vere ei tilleggsfinansiering eller ei ankeordning for søknader som ikkje har nådd fram i andre ordningar. 5
Kvart år skal det lysast ut midlar både til næringsrelatert forsking og til forsking på offentleg relaterte tema. Reiseliv skal i tråd med den politiske bestillinga først utviklast som forskingstema gjennom dialog med NCE Turisme før det eventuelt kan bli vurdert som tema for utlysing i 2011. Første år blir det lagt opp til ein relativt større bruk av ordninga med regional kvalifiseringsstønad enn tiltenkt for påfølgjande år. 4.2 Forskingstema for utlysing i 2010 Forslaget til prioriterte tema tek utgangspunkt i bestillinga frå fylkestinga og den generelle vurderinga frå avsnittet over. Tre hovudtema vil bli prioritert for året 2010. Dette er A) Bærekraftig matproduksjon grøn og marin sektor B) Energi og maritim sektor C) Offentlege utviklingsoppgåver på Vestlandet. Avsnitta under gir detaljert skildring av kvart tema. TEMA A: BÆREKRAFTIG MATPRODUKSJON GRØN OG MARIN SEKTOR 1) Dyrefor, dyresjukdom, plantesjukdom- Innan akvakultur er forskingsmiljøa opptatt av mellom anna utfordringar som a) lakselus og fiskesjukdom som Pancreas disease (PD)og integrasjon mellom sjukdom, b) PD-frie sonar på Vestlandet, c) samordning av drift og lokalitetar, d) overvaking og felles avlusing samt bruk av leppefisk. Andre forskingsområde med særleg regional verknad kan være ny teknologi for anlegg lengre ut i havet, som vil kunne redusere påverknad av oppdrett på villfisk i fjordane. Dessutan er det regionalt forskingsfokus på ny kunnskap om alternative marine oljer i fôr og ny kunnskap om samanhengen mellom fôr og ernæringskvalitetane til sluttproduktet for human helse. Plantesjukdom av ulike slag har også stor verknad for matproduksjon på Vestlandet. Nye metodar for å løyse sjukdomsproblem innan landbruket vil kunne ha stor positiv verknad. 2) Råvarekvalitet og nye produksjonsprosessar eit forskingstema som mellom anna rettar seg mot område som a) produktinnhald b) ulike kvalitetar og c) prosessoptimalisering og d) nye løysingar for sporbarhet med meir. Med utgangspunkt i Vestnorske råvarer kan ein innan desse områda rette søkjelys på kvalitetsfremjande forsking både innan grøn og blå sektor. 3) Arealbruk og strukturendringar innan arbeidet med produksjon av mat går det føre seg store strukturelle endringar med verknad for framtidig arealbruk og næringsutvikling på Vestlandet. Det er behov for ny kunnskap om betydningen av desse endringane. Aktuelle søknadstypar: Regionale bedriftsprosjekt innan tema 1 2 over. I tråd med bestillinga frå fylkestinga kan regional kvalifiseringsstønad også søkjast innan følgjande tema: Ressursvennlig og bærekraftig matproduksjon Mat og forbruker Mat og helse Nye artar for oppdrett TEMA B: ENERGI OG MARITIM SEKTOR 6
1) Energieffektivisering og ny fornybar energi, med vekt på optimalisering av energibruk både innan maritim sektor og vedrørande landbasert aktivitet - samt korleis ulike energiberarar kan spele saman. Det er behov for meir kunnskap om føresetnadene for å utvikle forholdet mellom den langreiste energien og den kortreiste energien. Dette kan til dømes vere nye tekniske løysingar i forhold til produksjon, transport, lagring og bruk av energi. Aktuelle forskingstema kan også være korleis lokale/regionale styresmakter kan virke som regulator og politisk aktør for å få til ei god systemutvikling rundt slike løysingar i samarbeid med energileverandørane, energiselskapa og straumbrukarar. 2) Forsking knytt til teknologi for marin miljøovervaking - gjerne med relasjon til viktige spørsmål som lekkasje ved CO2 lagring, havbruk og offshore vindkraft. Dette kan vere problemstillingar relatert til nye system for beslutningsstøtte og overvaking, fjernstyring av installasjonar, drift og vedlikehald, avanserte berekningar, nye målesystem, reinseteknologi, materialteknologi (lettare/sterkare deler). 3) Offshore vind med fokus på problemstillingar relatert til viktige og store forskingstema som maritime operasjonar ved offshore vindkraft, utvikling av testområde for offshore vindkraft, forbetring av eksisterande teknologi og materiale i vindmøller, infrastruktur for kraftoverføring og nettilknyting til land, system for å knytte saman ulike typar energiberarar med vekt på utviling av nye komponentar knytt til eksisterande satsingar. Det er viktig å fokusere på små- og mellomstore bedrifter innan dette store tema. På Vestlandet er det særleg bedriftene innan leverandørindustrien som kjem inn i denne kategorien. Dette gjeld også for store forskingstema som Co2 fangst/handtering. Aktuelle søknadstypar: Regionale bedriftsprosjekt innan tema 1 3 over I tråd med bestillinga frå fylkestinga kan regional kvalifiseringsstønad også søkjast relatert til problemstillingar innan følgjande tema: Boring og brønnteknologi for petroleum og geotermi Subsea teknologi Drift og vedlikehald - offshore konstruksjonar for offshore vind og petroleumsinstallasjonar CO2 fangst, lagring, nyttiggjering/bruk nasjonalt tema Energieffektivisering Fornybar energi Reduserte utslepp frå transport til havs og frå offshore verksemd. TEMA C OFFENTLEGE UTVIKLINGSOPPGÅVER 1) Offentleg regionalt arbeid med næringsutvikling og omstilling Gitt næringsstrukturen på Vestlandet er det vesentleg med kunnskap om korleis næringslivet vert påverka av globale utviklingstrekk og korleis føretak og myndigheiter kan og bør manøvrere i dette terrenget. Det er viktig å identifisere sentrale drivkrefter innan dei regionale innovasjonssystema som kan medverke til velluka næringsutvikling og omstilling. 2) Fornying av offentleg sektor Det er under iverksetting fleire nasjonale reformer med stor verknad for organiseringa av det offentlege tenestetilbodet lokalt som regionalt. Samhandlingsreforma vil til dømes få stor innflytelse på korleis kommunane vil kunne organisere det lokale helsetilbodet, eit område som med ei aukande 7
eldrebølgje alt utgjer det mest vesentlege ansvarsområdet for mange kommunar. Det er behov for ny kunnskap om lokale/regionale variasjonar og verknaden av nye offentlege reformer og dessutan om dei muligheitene offentleg sektor lokalt og regionalt har basert på trekk ved demografi, næringsstruktur, Vestlandet blir som følgje av økt tal innvandrarar stadig meir fleirkulturelt. Offentleg sektor sitt tilbod, kommunikasjon, relasjonar og muligheiter til å utøve støtte blant brukarar/klientar vert utfordra på stadig nye måtar etter kvart som nye grupper flytter til Vestlandet og talet på personar med migrasjonsbakgrunn aukar. Det er behov for systematisk forsking om korleis offentleg sektor møter innvandrar- og minoritetsgrupper, korleis ein makter å integrere desse, samt kva utfordringar som oppstår og om løysningar på desse. Aktuelle søknadstypar: Regionale offentlege utviklingsprosjekt innan tema 1 og 2 over. I tråd med bestillinga frå fylkestinga kan regional kvalifiseringsstønad også søkjast relatert til problemstillingar innan følgjande tema: Riktig kompetanse Klimatilpassing og samfunnsberedskap Regionalt ansvar for folkehelse MIDLAR FOR FORDELING TIL SAMARBEIDSPROSJEKT I REGIONANE ( 15 % POTTEN ) Kr. 27.050.000 er sett av i Statsbudsjettet for 2010 til det ein ofte omtalar som 15 % potten. Det er gitt slike føringar i budsjettvedtaket: I tråd med stortingsvedtaket skal om lag 15 pst. av den resterande avkastninga finansiere forsking i dei fondsregionane som har best kvalitet på prosjekta sine, og samarbeidsprosjekt mellom fondsregionane. Midlane skal fordelast gjennom Forskingsrådet. I 2010 skal midlane nyttast til samarbeidsprosjekt og til eventuell utlysing av regionale problemstillingar i nasjonale forskingsprosjekt. Vidare foreslår regjeringa at desse midlane i 2010 finansierer eingongsutgifter i Forskingsrådet på 3,5 mill. kroner knytte til innkjøp og innføring av nødvendig IKT-system for søknadsbehandling. Fondsregionar med gode resultat og gode prosjektforslag vil verte lønna med ekstra overføring. Då det så langt ikkje har vore aktivitet i fonda vil det vere overgangsordningar den første tida. Kunnskapsdepartementet omtaler denne første fasen i Retningslinene for regionale forskingsfond, og slår fast at midlane frå 15 % potten i 2010 skal kunne nyttast til: 1. Felles utlysningar mellom fleire fond. 2. Utlysningar av utvalte regionale problemstillingar gjennom nasjonale programmer 3. Særskilte administrative etableringskostnader. Forskingsrådet har signalisert ønskje om ein dialog med fondsstyra for å diskutere dei to første punkta. Dei tar vidare sikte på å overføre ubrukte midlar til 2011. Regionalt forskingsfond Vestlandet vurderer nokre forskingsområde som særleg relevant i høve til stønad frå 15 % potten : 1) Nokre utvalde regionale problemstillingar i nasjonale program Noregs forskingsråd har nasjonale program innan svært mange tema - sjå http://www.forskningsradet.no/no/finn+programnettsider/1179737967125 Med utgangspunkt i Vestnorske problemstillingar vil ein særleg fremje tre program der det bør setjast av fleire midlar til regionale problemstillingar. Dette er: 8
a) MATPROGRAMMET kunn 5 fem brukarstyrte innovasjonsprosjekt (BIPar) fekk støtte frå Forskingsrådets matprogram for 2010. Det er ei rekkje forskingsbehov knytt til tema som mat & helse, produksjon av mat & klimatiske endringar på Vestlandet og dessutan fleire sjømatrelaterte problemstillingar som bør løftast meir fram. b) MAROFF som retter seg mot maritim verksemd og offshore operasjonar er eit anna program med stor verknad for viktige forskingstema på Vestlandet. Nye energiberarar til bruk i skipsfart og meir miljøvenleg teknologi knytt til dette er sentrale forskingstema. Likeeins er forsking knytt til arbeidet med Co2 fangst og lagring, nyttiggjering/bruk eit særleg viktig tema regionalt på Vestlandet - sjølv om det er sett av andre budsjett med mykje større rammer enn her. c) HAVBRUKSPROGRAMMET med fokus på kunnskap om horisontal smittespredning langs kysten, knytt til vannmassane og smittespredning over større avstandar, relatert til aktuelle organismar som lus og PD-virus, evnt også alger. I en slik samanheng vil i tillegg til fisk også skjelloppdrett komme inn. o Fokus på utvikling av nye marine artar med vekt på FoU utfordringar som effektiv yngelproduksjon, nedkjemping av sjukdom, marknadsinnsikt, mv. 2) Forslag til samarbeid med nabofond om eit regionalt stipendiatprogram Det er viktig å sørgje for den grunnleggjande kompetansebygging som skal vere fundamentet for dei ulike forskingsprosjekta. Denne kompetansebygging må; - støe opp under valte prosjektområde - ha et meir langsiktig tidsperspektiv enn det enkelte prosjekt - gi gode ringverknader mellom dei regionale forskingsfonda og kunnskapsinstitusjonane - bidra til kompetanseløft ut frå internasjonale krav til kvalitet På denne bakgrunn ønskjer Regionalt forskingsfond Vestlandet saman med Regionalt forskingsfond Agder å etablere eit felles regionalt stipendiatprogram. Det må vurderast om dette også kan utviklast til ein regional forskarskole. De to forskingsfonda har vore i dialog og valt to område som vil passe godt for samfunnsog næringsliv i dei rørte fylka. Utvikling av næringsklynger gjennom regionale innovasjonssystem Bærekraftige energisystem med særleg fokus på offshore vind Stipendiatprogram som virkemiddel er noen av dei mest effektive og kostnadsparande verkemidla for å få til kunnskapsbygging og samarbeid. Ringverknadene er svært gode for fagmiljøa i kunnskapsinstitusjonane og er ein svært god måte å etablere samarbeid med næringsliv og offentleg verksemd gjennom konkret prosjektsamarbeid. Dei aktuelle universitet og kunnskapsinstitusjonar innanfor dei to regionale forskingsfonda har allereie på fleire område eit strukturert og institusjonelt samarbeid. Utviklinga av eit stipendiatprogram på dei gitte områda vil derfor være enkelt å få etablert. Skal slike stipendiatprogram/eventuelt forskarskole få effekt så må dei ha ein viss størrelse. For kvart av programma bør det løyvast 5 mill kr pr år over en 4 års periode. Det skulle då være mulig å utløyse tilsvarande midlar frå andre private og offentlege kjelder. Styret for regionalt forskingsfond Vestlandet vil be Noregs forskingsfond vurdere forslaget. 9
4.3 Prioriterte forskingstema for utlysing i 2011 Det vil bli lagt vekt på å gi regional kvalifiseringsstønad (forprosjektmidlar) til eit relativt stort tal prosjekt i 2010. Styret vil vurdere vidare finansiering av gode idear til ordinære forskingsprosjekt som kjem fram gjennom forprosjekta. I praksis betyr dette at dei tre hovudtema som er prioritert i 2010 vil bli vidareført i 2011. Andre delområde innan dei tre hovudområda vil også kunne bli prioritert i 2011. Her vil kvalitet og potensiale knytt til innkomne forprosjekt ha stor verknad. Gode forprosjektsøknader innan eit delområde som ikkje er prioritert i 2010 vil kunne løyse ut prioritering for 2011. Av dei tema som ligg til den felles bestillinga er det noen som ikkje er vurdert i 2010: Desse er: Reiseliv - som skal utviklast i dialog med NCE turisme Offentlege utviklingsoppgåver med vekt på ordinære prosjekt innan a) Riktig kompetanse, b)regionalt ansvar for folkehelse og c) Klimapassing og samfunnsberedskap Styret i Regionalt forskingsfond Vestlandet vil vurdere forskingstema knytt til desse i samband med revisjon av handlingsplanen. 5 PRIORITERING, SØKNADSTYPE, SØKNADSVOLUM OG TIDSPLAN 5.1 Oppsummert Handlingsplanen summerer seg opp på fleire viktige punkt i skjema under. Tiltak/utlysing 2010 Søknadstype Stønadsvolum per prosjekt A - MAT GRØN OG MARIN Alle deltema matproduksjon Råvarekvalitet og nye produksjonsprosess Dyrefôr, dyresjukdom, plantesjukdom Arealbruk og strukturendring Kvalifiseringsstønad Inntil 200.000 per prosjekt B - ENERGI OG MARITIM Alle deltema Energi og Maritim Offshore vind Energieffektivisering og ny fornybar energi Marin miljøovervaking Kvalifiseringsstønad Inntil kr. 200.000 per prosjekt C OFFENTLEG UTVIKLING Alle deltema offentlege utviklingsoppgåver Fornying av offentleg sektor Næringsutvikling - omstilling Sum Kvalifiseringsstønad Offentlege prosjekt Inntil 60 % stønad Offentlege prosjekt Inntil 60 % stønad Inntil kr. 200.000 per prosjekt 10
5.2 Operative mål Regional kvalifiseringsstønad er verktøy for å kome i gang med prosjektutviklinga. Regionalt forskingsfond Vestlandet ønskjer 15 20 gode forprosjekt fordelt på dei tre prioriterte hovudtema, og at alle kan leie til mulige hovudprosjekt i perioden 2011 2013. Vidare er det ønskjeleg med 7-10 ordinære prosjekt retta inn mot regionale bedrifter eller regionale offentlege tema med lengde inntil 1 3 år. Når det gjelder forskings- og utviklingsarbeid er det vanskeleg å sette kortsiktige resultatmål, men det er like fullt viktig å evaluere effekten av dei midlar som vert brukt. Det ligg føre eit forslag frå Noregs forskingsråd om følgjeevaluering av dei regionale forskingsfonda. Styret legg derfor ikkje opp til å etablere fastsette operative mål med evalueringskriterium nå, men vil i løpet av 2010 utarbeide ein plan for korleis ein skal vurdere i kva grad Regionale forskingsfondet Vestlandet konkret medverkar til å oppnå dei overordna mål som er sett for arbeidet. 11