MØTEINNKALLING Utval Valstyret Møtedato 07.03.2013 Møtestad Kommunestyresalen, Rådhuset Møtetid Etter formannskapsmøte Forfall skal meldast til telefon 53 48 31 00 eller e-post: post@kvinnherad.kommune.no Vararepresentantane møter etter nærare avtale. SAKLISTE Saksnr Innhald PS 2013/1 Godkjenning av røystekrinsar - Stortingsvalet 2013. PS 2013/2 Røystetida i vallokal - Stortingsvalet 2013 PS 2013/3 Godkjenning av førehandsrøystemottakarar PS 2013/4 Val av medlemmer til røystestyre - Stortingsvalet 2013 PS 2013/5 Suppleringsval Venstre side 1
2011/2264-8 Mette Guddal 2013/1 Valstyret 07.03.2013 Godkjenning av røystekrinsar Stortings- og sametingsvalet 2013. 1. Til Stortingsvalet 2013 godkjenner valstyret røystekrinsane som nedanforståande oversyn viser. 2. Sak om samanslåing / endringar av røystekrinsar i ved seinare val, vert lagt fram for valstyret for godkjenning hausten 2013. har pr. i dag desse 23 røystekrinsane: Krins Vallokala 1. Ølve Ølve skule 2. Hatlestrand Hatlestrand skule 3. Årvikstrand går ut (Jondal 2013) 4. går ut 5. Mauranger Mauranger skule 6. Ænes Gamle skulehuset 7. Løfallstrand Bygdahuset 8. Rosendal Rådhuset 9. Guddalsdalen Seglem skule 10. Omvikdalen Omvikdalen skule 11. går ut 12. Uskedalen Uskedalen skule 13. går ut 14. Bringedalsbygda Bringedalsbygda skule 15. Husnes Kulturhuset Husnes 16. Sunde Sunde skule 17. Trå Trå skule 18. Hauge Hauge skule 19. Skarveland Skarveland skule 20. Holmedal Holmedal skule side 2
21. Matre Matre skule 22. går ut 23. Åkra Åkra skule 24. Brekke Bygdahuset 25. Sydnesstrand Grendahuset 26. Sætre Halsnøy skule 27. Tofte Øyatun ungdomsskule 28. Valen Valen skule Ved kommunevalet i 2011 la administrasjonen fram forslag om samanslåing /endringar i valkrinsane, men valstyret gjekk samrøystes inn for å behalda alle krinsane som dei var. Administrasjonen har såleis ikkje forslag om endringar ved valet i år. Dersom det skal gjerast endringar i valkrinsane, må dette etter vallova gjerast innan 31.03. i valåret. Komande val. Ved Stortingsvalet i år skal alle kommunane nytta det valadministrative datasystemet EVA. EVA er statleg eigd, forvalta og drifta, og erstattar valsystema kommunane tidlegare har skaffa frå private leverandørar. EVA kan nyttast kostnadsfritt ved valet i 2013. Ved valet i år er det krav om at alle førehandsrøystelokala må ha pc med nettforbindelse. Det er ikkje krav om pc i vallokala på valdagen i år, men dette vil komme til neste val. Desse endringane vil setje krav både til vallokala og til røystestyra, og vil få økonomiske konsekvensar i form av utstyr m.v. Vi rår til at røystekrinsane vert oppretthaldne som no ved Stortingsvalet 2013. For å imøtekoma krava om bruk av datautstyr i alle vallokala på valdagen, vil administrasjonen sjå på konsekvensar og leggja fram forslag om endringar i røystekrinsane til seinare val. Sak vert lagt fram for politisk behandling til hausten etter Stortingsvalet. Frå Råd for funksjonshemma har vi motteke melding om at ikkje alle vallokala er like tilgjengelege for rullestolbrukarar. Dette gjeld både fysisk tilkomst og plassering av røystesetlane. Saman med rådet må vi sjå på vallokala og gjere naudsynte forbetringar ved valet i år. side 3
2011/2264-9 Mette Guddal 2013/2 Valstyret 07.03.2013 Røystetida i vallokala Stortings- og sametingsvalet 2013 1. Røystetida valdagen 09.09.2013 vert fastsett som følgjer: a. For krinsane Matre, Åkra, Brekke, Sydnesstrand: kl. 14.00 18.00 b. For krinsane Ølve, Hatlestrand, Mauranger, Ænes, Løfallstrand, Rosendal, Guddalsdalen, Omvikdalen, Uskedalen, Bringedalsbygda, Husnes, Sunde, Trå, Hauge, Skarveland, Holmedal, Tofte, Sætre, Valen: kl. 11.00 19.00. 2. Søndagval 08.09.2013 vert gjennomført slik: a. Røystelokala på Husnes og Rosendal tek mot røyster frå kl. 12.00 16.00. b. Mottekne røyster og valmateriell skal oppbevarast i forsegla rom i Rådhuset. Valmateriellet vert frakta attende til røystestyra før valet tek til neste dag. Etter vallova er det valstyret som fastset røystetida i kommunen. Røysting kan ikkje gå føre seg etter kl. 21.00 på valdagen. I Kvinnherad har vallokala ved tidlegare val hatt opningstid frå kl. 11.00-19.00 i dei største krinsane. Dei minste krinsane hadde ved sist val opningstid frå kl. 14.00 18.00. Dette har fungert bra og erfaringar viser at dei som ynskjer å røysta, når fram innan denne tida. Veljarane kan óg som kjent røysta i andre krinsar i kommunen enn der dei er manntalsførde. Lengre opningstid finn vi såleis unødvendig. Kvinnherad er ei vidstrakt kommune og det er viktig at valoppgjeret kan ta til i betimeleg tid. Søndagval. Kommunestyret gjorde i møte 22.11.2012 vedtak om at det i tillegg til valdagen 09.09 også skal haldast val i Kvinnherad sundag 08.09. Bakgrunnen for vedtaket er tilgjengelegheit for veljarane og at siste frist for førehandsrøysting er fredag 06.09. For event. pendlarar og veljarar som skal reise bort på valdagen, vil det då vera høve til å røysta på sundag. Vi gjer framlegg om at vallokala på Husnes og Rosendal held opne sundag frå kl. 12.00 16.00 side 4
2011/2264-10 Mette Guddal 2013/3 Valstyret 07.03.2013 Godkjenning av førehandsrøystemottakarar 1. 2. Valstyret godkjenner følgjande røystestader for førehandsrøysting ved Stortingsvalet 2013 Faste forehandsrøystestader Rådhuset, Rosendal Kvinnherad bibliotek Hatlestrand oppvekstsenter Halsnøytunet Røystetida vert i opningstida. Institusjonar: Ølve alderspensjonat Rosendalstunet Husnestunet Valen sjukehus 2. Leiar i valstyret får fullmakt til å oppnemna ambulerande røystemottakarar og røystemottakarar på den einskilde faste førehandsrøystestaden. Førehandsrøystinga til Stortingsvalet 2013 tek til 10. august og held fram til og med fredag 6. september. Det skal etter vallova óg vera lagt til rette for tidlegførehandsrøysting frå 01.07.13 Dette er meint å vera eit tilbod til veljarane som ikkje har høve til å røysta frå 10.08. Slik tidlegrøysting vil gå føre seg i Rådhuset. Valstyret må ta stilling til kor i kommunen det skal vera høve til å førehandsrøysta, og kva institusjonar røystemottakarane skal besøke. Det er viktig at røystelokala er lett tilgjengelege for veljaren, samstundes som dei faste førehandsrøystelokala må vera online kommunen sitt datasystem. Vi gjer framlegg om følgjande: Faste røystestader for førehandsrøysting: side 5
Rådhuset, Kvinnherad bibliotek, Halsnøytunet, Hatlestrand oppvekstsenter. Institusjonar (ambulerande): Ølve alderpensjonat, Rosendalstunet, Husnestunet, Valen Sjukehus. side 6
2011/2264-11 Mette Guddal 2013/4 Valstyret 07.03.2013 Val av medlemmer til røystestyre - Stortingsvalet 2013 1. I valkrinsar med under 250 røysteføre, vert røystestyret samansett av 3 medlemmer + 1 varamedlem. I dei andre valkrinsane vert talet 4 medlemmer + 1 varamedlem. 2. Røystestyra ved Stortingsvalet 2013 vert som vedlagde oversyn frå sist val syner, men med endringar gjorde i møtet i dag. 3. Leiar i valstyret får fullmakt til å gjera suppleringar fram mot valdagen. Etter vallova er det kommunestyret som skal velje medlemmer og varamedlemmer til røystestyra. Dette har kommunestyret tidlegare delegert til valstyret. Eit røystestyre skal etter lova ha minst 3 medlemmer + varamedlem. Vi gjer framlegg om at for dei minste krinsane i kommunen (dei under 250 røysteføre), vert røystestyret samansett av 3 medlemmer + 1 varamedlem. For dei andre krinsane med over 250 røysteføre vert talet 4 medlemmer + 1 varamedlem. Valstyret vel leiar og nestleiar. Vi legg ved oversyn over medlemmer ved kommunestyrevalet 2011 til orientering. Vi ber om at medlemmene i valstyret går gjennom oversynet for å sjå om nokon går ut grunna alder / helse o.l, og legg fram forslag om event. endringar / suppleringar. Uttale frå Eldrerådet: - Uttale frå Rådet for dei funksjonshemma: - Økonomisk konsekvens: - Miljømessig konsekvens: - side 7
Vedlegg: Oversyn over røystestyremedlemmer ved Kommunestyrevalet 2011. side 8
2013/25-4 Mette Guddal 2013/5 Valstyret 07.03.2013 Suppleringsval Venstre Helga Rørvik går inn som vararepresentant til kommunestyret for Venstre. Valet gjeld i den tida Resy Aak Toresen har permisjon - til 31.12.2013. Resy Aak Toresen (Venstre) er i kommunestyremøtet 21.02.2013, innvilga permisjon som vararepresentant til kommunestyret i 2013. Valstyret må gå gjennom valoppgjeret på nytt for å supplera vararepresentantlista i permisjonstida. Helga Rørvik går inn som ny vararepresentant. Uttale frå Eldrerådet: Uttale frå Rådet for dei funksjonshemma: Økonomisk konsekvens: Miljømessig konsekvens: Vedlegg: Valoppgjer for Venstre 2011. side 9