FIBER TIL HEIMEN Utbygging av fiber Her følgjer nyttig informasjon knytt til fiberutbygginga til din bustad.
Fiber til heimen F Ø L G J A N D E V I L S K J E F R A M O V E R Entreprenøren legg ned fiberkabel i ditt nærområde og legg fiberrøyret fram til tomtegrensa di. Dei fleste husstandane får fiber gjennom nedgravd kabel. Luftstrekk blir valt for husstandar som allereie har luftstrekk til straum. Dersom ein ikkje ønskjer luftstrekk må ein kontakte entreprenør. Når fiber nærmar seg di tomtegrense, vil entreprenøren prøve å kontakta husstanden, for å avklare inntak til tomtegrense og husvegg. Kontakt eventuelt entreprenør i forkant for å få avklart kor fiberrøret blir lagt inn til di tomt. Så snart fiberrøyret er lagt fram til tomtegrensa, må husstanden føre fiberrøyret vidare frå tomtegrensa til husvegg på ein forsvarleg måte. Det er viktig at dette blir gjort snarleg for å sikre at installasjonar ikkje vert forsinka. Ved rekkehus vil entreprenøren føre fiberen heilt fram til enden av rekkehuset. Entreprenøren dreg/bles deretter fiberkabelen inn i fiberrøyret. Fiber til heimen vert utført som eit prosjekt, med mange tilknytingar i Aurland. Installasjonar i utbyggingsområdet er planlagt skal skje frå juni til september 2015. Når alt er klart for installasjon i hus, kontaktar entreprenøren husstanden for å gjere avtale om installasjonstidspunkt. Installatøren må ha tilgang til bustaden på installasjonsdagen. På installasjonsdagen blir fibermodemet installert i bustaden din, og ein kan kople seg på internett. Side 1
Dersom TV-dekodar er tinga, blir denne levert saman med fibermodemet på installasjonsdagen. F I B E R R Ø Y R P Å D I T O M T Fiberrøyr bør leggast heilt fram til yttervegg i nærleiken av der ein ynskjer fibermodem og eventuelt Get TV skal vere plassert. Fiberrøyret er ikkje herda mot UV-stråling og må skjermast for støyt og direkte sollys. Pass derfor på at fiberrøyret er forsvarleg dekka over frå tomtegrensa og inntil vegg. Unngå skarpe svingar på fiberrøyret. Grav fiberrøyret ned tilstrekkelig (gjerne 20-30 cm) så det ikkje vert øydelagt verken av grasklippar, kantklippar, snømåking eller av andre årsakar. På stader der fiberrøyret ikkje kan dekkast fullstendig av jord eller tilsvarande massar, kan ein nytte ein hageslange eller anna beskyttelsesrøyr. Ligg røyret trygt, men er utsett for lys kan de og nytte måling for å sikre at røyret vert UV beskytta. Dekk til opninga av fiberrøyret med til dømes teip for å unngå at det kjem fukt inn i røyret. Notér eventuelt ned traséen for fiberrøyret med tanke på framtidige inngrep på tomta eller for nye eigarar. Skade på kabel og fiberrøyr på privat grunn er kunden sjølv ansvarleg for. Fiberrør som ikkje er nedgravd innan prosjektets ferdigstilling vil ikkje verte oppkopla, og vert fakturert for manglande tilrettelegging. Treng du lengre røyr en det som er lagt ved din tomtegrense, kontakt graveentreprenør for å få dette. I enkelte hus der det ligg rør saman med straumkabel inn i hus, og rør ligg bak tildekking i sikringsskap, må røret førast ut av sikringsskapet. Dette må utførast av elektrikar og huseigar må ta denne kostnaden. Side 2
Treng du hjelp til å legge ned fiberrøyr på di tomt, kan du kontakte graveentreprenør for å få utført dette som eige oppdrag. P L A S S E R I N G A V F I B E R M O D E M Fibermodemet blir installert av installatør, i samråd med deg. Tenk over kvar det høver å ha modem i din bustad. Fibermodemet blir installert innan 10 meter frå innføring på husvegg. Ynskjer ein lenger kabel, må dette avtalast med installatør på førehand. Fibermodemet blir installert på vegg og ikkje lenger enn 1,5 meter frå eit straumuttak for å unngå skøyteleidning. Fibermodemet bør plasserast sentralt i huset i høve til der ein vil ha tilgang på trådlaust internett. Den trådlause rekkevidda er avgrensa, og vegger dempar dei trådlause signala. Fiberen som er kopla til fibermodemet overfører usynleg lys med høg intensitet. Ikkje sjå inn i fiberpluggen då det kan skade augo. Fibermodemet bør plasseras i nærleiken av TV dersom du skal ha Get-TV. Det følgje med ein kabel på 1,5 meter. Treng du lenger kabel, må du sjølv skaffe dette. Vårt kundesenter kan gje råd om kva du treng og har også eit lite lager av kabel i ulike lengder. G E T D I G I T A L T T V Til deg som har tinga Get TV-løysing. Tinga TV-dekodar vert levert på installasjonsdagen. Get TV kan aktiverast same dag ved å kontakte Sognenett, eller ein vert automatisk tilkopla Get TV etter 14 Side 3
dagar. Dersom du må endre denne oppkoplingstida for Get TV må Sognenett kontaktast seinast 14 dagar etter at du har vorte tilknytt fiber. Installasjons-rettleiing følgjer saman med dekodaren. Skal du ha Get TV fleire stader i huset, må husstanden sjølv legge nettverkskabel til kvart av dei andre TV-apparata. K O N T A K T I N F O R M A S J O N Entreprenør: Relacom Bjørn Atle Elde Telefon: 90 21 27 81 Graveentreprenør: GS Maskin Helge Sandvik Telefon: 94 87 44 84 Sognenett kundesenter Telefon: 95 19 22 22 E-post: post@sognenett.no Side 4